نعي بحق الزهراءع

ها يالوالده يم المحــــــــــــنه
عفتينه يتـــامه ورحتـــي عنه
لمصابج نجذب الونه اعله ونه
اخلافج مظلم وموحش نزلنه

نحن الشـــــــوفتج لو حل الغروب
ومانعرف ييمه انروح يا صــــــوب
صبح كلش صعب يخمش بالگلوب
عليـــــــنه الزمن جار ودار مگلوب

ندور عليــــــج يمه بدمع العيـون
وحســــين وحسن عنج ينشدون
نصــبر على افراگـــچ يمه اشلون
النحبهم ليش عنه ابساع يجفون

نبچي بغيبتج يم حســن يمنه
مآتم حزن لمصـــــــابچ نصبنه
واعله الروسنه دگينه والطمنه
وسفه ابطيحتج كلنه انهضمنه

ها يالوالده يا أم الاطــــــــــهار
امصـــابج ابد لاجره ولاصــــار
واويـــلا يا عملة البســــــــــمار
صعبه واحس شبت بالگلب نار

ياام الوفه يالطاهــره انتي
اشورحتي ييمه ومانشدتي
تشبع هظهم ما گلتي بنتي
من بعدج فلا بطلت ونتي


يمه الباب يلجمني من انظره
ورد اعاتبه وجذب الحســـره
وگله خلفك انعصـرت الزهره
ها ياباب احس ذبك اشكبره

اتخليج من طحتي وهوتي
وبأسم الوصي لمن نخيتي
أوسـطروج عالعين وبچتي
والمحـسن وگع وتألمـــيتي


ونت والدي اتفــــطر الـدلال
ولو صــاح اه يهز الجـــــبال
لوما هل وصيه اتغيـر الحال
جا ماكسرو اضلوعج الانذال


¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى،روح والدي،ووالدتي،💔💔 https://www.tg-me.com/ML_mahhde

أماه يازهراء عمت عيني عليج عظم الله أجرك مولاي ياصاحب الزمان ع

گوم يا سلمان و الحگ فاطمه
خاف تدعي وماتظل ارض وسمه
يا زهراء •• يا زهراء

…………………………………………………… .....


كوم يا سلمان للزهره ابعجل
العرش دخن غيض والخالق زعل
وفزع جبرائيل و محزّم نزل
ما يظل بالدنيه شط و لا جبل

يطفه نور الشمس تصبح مظلمه
خاف تدعي و ماتظل ارض و سمه
يا زهراء •• يازهراء

……………………………………………………………


كوم يا سلمان والحگها ابركض
كلها ابوج انبعث رحمه الـ هالارض
الدنيا گصرت طولها وضاگ العرض
الدنيا حبة حنطه بيدج تنقبض

بيج كل هاي الكواكب قائمه
خاف تدعي وماتظل ارض وسمه
يازهراء •• يا زهراء

.........................................................


خاف تدعي وتحجي وي رب البشر
التراب ايطير و يذوب الحجر
تشتعل نيران بوراق الشجر
وتزعل الحيتان و يجف البحر

والانهار اتموت من كثر الضمه
خاف تدعي وما تظل ارض وسمه
يا زهراء •• يا زهراء

……………………………………………………………


حكها حمرة عين مكسورة ضلع
بيد قنفذ وجه فاطم منصفع
مدري الاكثر دمها لو سيل الدمع
سگطت الروح او يبنها المنصرع

محسن الماشاف بس سيل الدمه
خاف تدعي و ماتظل ارض وسمه
يا زهراء •• يا زهراء

……………………………………………………………


الله عنده ام الحسن اول رقم
يغضب و لو بس مجرد تنهظم
شلون لو شافاها ظلت بس عظم
امحنبه من عصرات شيطان الظلم

بالحشر كل الخلائق ترجمه
خاف تدعي وما تظل ارض وسمه
يازهراء •• يا زهراء

……………………………………………………………


ردها يا سلمان للدار و تطب
عين الحسين وحسن تربي الدرب
زغيره زينب حالها كلش صعب
جويعده احذ الباب والمدمع يصب

تحجي وي باب الجريمه المؤلمه
خاف تدعي وماتظل ارض وسمه
يازهراء •• يازهراء

……………………………………………………………


خلها يا سلمان تنطيني العذر
بالوصيه امجتف ومن كل كتر
كون ميت كون مدفون ابكبر
ولا تصيح الزهره من كثر العصر

بسم فضه ومو علي اتحشمه
خاف تدعي و ماتظل ارض وسمه
يا زهراء •• يا زهراء

……………………………………………………………
✍️ ( سيد خضر الزاملي) https://www.tg-me.com/ML_mahhde

. حيدر هاي الليله ايموت
بيده يحط روحه ابتابوت
كل الكون ايصيح اوياه .. مر افراگج يازهراء
@@@
علي الكل الزلم تحسبله الف احساب
لزم ضهره وگعد هالليله يم الباب
گلب حيدر تگطع بالوداع اوذاب
وعله اسنينه وحياته أيهيل بيده اتراب

حگه ايصيح وحگه ينوح
فرگة خله اتطلع الروح
ميت ينعد بالأحياء .. مر افراگج يازهراء
@@@
علي الماكسرته اجيوش وحرب وعداء
انكسر ضهره اوتلوه ابطيحة الزهراء
جبل عالي وتطشر حيله بالصحراء
عله حاله وكسرته انادي واويلاه

ذيج اللوعة وذيج النار
مشتعله ابگلب الكرار
جرح الباب الماينساه .. مر افراگج يازهراء
@@@
مثل عدنه الزلم ماتبجي اله ابحال
تلويها المصايب لوية المحجال
علي اشحس ابفگدها ودمعه صب شلال
ومن كسرو ضلعها اشگد يامحمد گال

طير وكسرو منه اجناح
وبيته العالي انهد اوطاح
لمن طاحت صاح احاه .. مر افراگج يازهراء
@@@
شاف الزهره طاحت والجفن غيم
وسمعها اتنادي وينك ياعلي ابن العم
اجاها ومنهدم حيله والدمع زمزم
لزمها ومن لزمها ابجفه شاف الدم

عاين دمها وصاح بصوت
هاي اللحظه اتهد ابيوت
هيه الجانت كل دنياه.. مر افراگج يازهراء
@@@
يودعها ابدمعته اونته ابگلبه
ويگللها تركتيني بوسط غربه
زينب لو رحلتي ابيا وضع تربه
يتيمه البت تضل يافاطمه صعبه

ولدج غيرج مايردون
يم افراشج بس يبجون
أصعب لحظه اتمر والله.. مر افراگج يازهراء
@@@
دفنها ابليل وحده وحالته حاله
ونام اعله الگبر ودموعه هماله
عله امتونه النحيله وخيبة اماله
شايل حزنه كله اولوعة اطفاله

الله ايعينك حامي الجار
گلبك مجوي أمن البسمار
كسره امصابك واويلاه.. مر افراگج يازهراء
@@@
للشاعر طاهر الدريعي https://www.tg-me.com/ML_mahhde

نعي مفجع
لسان حال السيده زينب بعد فقد الزهراء ع


ريـت بـحـلـم يلـغـالـيـه ألـگـاچ
ويــرد حــنـــان الـــراح ويــاچ
غـابـت فرحتي اخـلاف عيناچ
مـــدري زمــانــي ويـــن وداچ


أگـعـد وشـوفـن خـالـيـه الدار
وتـجـري المدامع وذكـر الصار
يـوم الأجـتـنـه گـوم الاشـرار
وحـرگـوا عـلـيـنـه البيت بنّار


بـس الـمــدامـع ضـلـت ويـاي
عـگـبـچ يـيـمـه ونـور عـينـاي
نـار المصايب حـرگت احشاي
الـمـن اسـولـف ظـيـم دنـيـاي

*---------------------------*--------------------*

✍خادم الزهراء ع
الشاعر رعد الجريخي https://www.tg-me.com/ML_mahhde

السلام عليكم عليكم بصلاة الآيات

نعي جديد بحق الزهراء عليها السلام

كأني بالحسن والحسين والسيدة زينب عليهم السلام ينعون امهم
====================


واريد لمنة.. ضاك الخلكَ واريد لمنة
يالكلچ محنة.. مضلمة الدار يالكلچ محنة
منچ حرمنة.. يا حيف الدهر منچ حرمنة
شيلم شملنة.. تطشرنة وبعد شيلم شملنة
=================
حمل وشال.. يا ضعن الحنينة حمل وشال
بصواب چتال.. صاباني الدهر بصواب چتال
سنين همال.. يضل دمعي عليچ سنين همال
هيهات تنگال.. يا يمة بعد هيهات تنگال
=======================
والليل اجانة.. اشلون ابحالنة والليل اجانة
جاوبانة... نشدنة عليچ محد جاوبانة
يمة وحنانة .. حضنچ منفگد يمة وحنانة
البيت وغطانة.... رحتي يا دفو البيت وغطانة
=========================
وندور الحنينة.. نطب لليت وندور الحنينة
امنة وبچينة.. نگعد يم مچان امنة وبچينة
لو تجينة.. نأيس يالزچية لو تجينة
اشسوة ببنة.. عمت عين الزمان اشسوة بينة
=======================
اسالكم الدعاء رائد الاسدي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

#نعي لمولاتي الزهراء روحي فداها

جذوع الباب خلتنا بحسرة چلمة اليمه
المن ضلته ابنادم العايش وامه مو يمه
المسطوره امه جدامه يموت ومايفك همه
ـــــــــــــــــــــــــــــــــــــ
شسوي الگلبي من يريد وسط الليل شوفتها
واهي ماضل رسم منها بس دمها وعبايتها
ومن عصروها خلف الباب لسه ابذني صرختها
ــــــــــــــــــــــــــــــــــــــ
انه بالعصره شفت امي طلعت روحها وردت
وكل ماتصرخت العصرات والضربات اشتدت
متستاهل حنينه امي يناس اشجنت وشسوت
ــــــــــــــــــــــــــــــــــــ
ومحنيه ابمشيها اتميل كسرو طولها الوادم
وكل ارسومها الحلوه ماضل منها شي سالم
رسمها اتغير من الصار وفاطم چنها مو فاطم
ــــــــــــــــــــــــــــــــــــــ
يفطر الگلب مبچاهه مهضومه ودمعها ايكت
تجيب الصبح بالونه الكسر يجبرها ماتسكت
تخلص يومها اتعلعل وتفرفح لو نفس شمت

امير علي الساعدي

#اللهم_عجل_لوليك_الفرج https://www.tg-me.com/ML_mahhde

صبحكم الله بالخير متابعينا الكرام

ما عنـدي خوف من المـوت.

..بس خوفـي من اعمـالي





مـولاتي لو حـان الأجـل حضـريـنـي
بأعـمـالـي مـا عنـدي ثقـه تنـجيـنـي
حاضـر مجالـس وأدري متعـوفيـنـي
ولولـه المـجـالـس والـلـه...چـا أيـسـت مـن حـالـي
ـــــــــــــــــــــــــــــــ١ــــــــــــــــــــــــــــــــ

شما أحسـب بأعمالي وأهتـم وأحـرس
أجمـعـهـا وأطـرح تـالـي أطلـع مفلِـس
بس الثگـيـلـه العنـدي حاضـر مجلـس
ولـلـي حـضـرلـه تشـفـعـيـن...هـاي التِـرَيّـح بـالـي
ـــــــــــــــــــــــــــــــ٢ــــــــــــــــــــــــــــــــ

عـايـش قـلـق مـا فــارگـانـي شـويـه
وكــل القـلــق مــولاتـي هـــذا البـيـه
خافـن ليـهسـه ومـا رضـيـتـي عليـه
وعـليـه لـومـا تـرضـيـن...خسـران أظل للتـالـي
ـــــــــــــــــــــــــــــــ٣ــــــــــــــــــــــــــــــــ

آنـه أعتـرف مـولاتـي مـا أسـتـاهـل
لكـن وگـفـت ابـاب عـطـفـچ سـائـل
أبـچـي وأحـلـفــچ بالعـزيـز الكـافـل
بس مـن عَـليـه تـقـبـلـيـن...إلا الأجـل يـدنالـي
ـــــــــــــــــــــــــــــــ٤ــــــــــــــــــــــــــــــــ

أقـسم عليـچ بشـوغتِـچ عالمنـحـر
سَـيرينـي للتـرضـيـنـه مو أتخـيّـر
وما أمـشي خطوه تزعلچ يالكوثـر
بس انتي مـا ازعلـچ كون...ويزعل عَلَّي كل غالـي
ـــــــــــــــــــــــــــــــ٥ــــــــــــــــــــــــــــــــ

صـح آنـه ما گـاضيهـا راكـع ساجـد
ولا آنــه ذاك الـعــابــــد ولا زاهـــد
بس والله احبكم والجليل الشـاهـد
وغير الدمـع والعـزيـات...ما عـنـدي شي يحلالـي
ـــــــــــــــــــــــــــــــ٦ــــــــــــــــــــــــــــــــ

المـوت وعلي ما لحظه خايف منـه
تحـرمني خوفي ذنوبـي من الجنـه
وبهايـه يعنـي حسيـن مـا اشـوفنـه
ولومـا شفـت نـور حسـيـن...أخسـر جميـع آمـالـي
ـــــــــــــــــــــــــــــــ٧ــــــــــــــــــــــــــــــــ

بالدنـيـا يـا مـولاتـي حيـل أدبوِنـي
وهنـاكه بـس لوحـدي لتعـوفـونـي
مـنكـم طـلـبت وحاشـه وتـردونـي
ومحـد طلـب منـكـم يـوم...رد چـفـه منكـم خالـي
ـــــــــــــــــــــــــــــــ٨ــــــــــــــــــــــــــــــــ

أحمد البصراوي العبادي https://www.tg-me.com/ML_mahhde

قصيدة ليلة الوحشه (( لا كفيل ))

الليل اجاني

ألليل أجاني و بس حرم لا كفيــــل ولا خيـــم
يا أبو فاضل يا أبو فاضل

خيّم الليل ابظــلامه وانــت غايــب
خويه بعــدك شفنه آلام و مصايب
أسيره أبالي مــــا مر هالخبر
أسيره مــن بعد گطــع النحر
أسيره وانت غايب يا گمـــر
يا أبو فاضل يا أبو فاضل
*
هـــذا اول ليـل بـــتْ حيــدر سبيه
خويه مـا ظنيت هيــچ يمــر عليه
غريبه امفارگه أحبابي وهلـي
غريبه صعبه مــا عندي ولـي
غريبه مــن رحــت يــا كافلـي
يا أبو فاضل يا أبو فاضل
*
هــذا أول ليــل مـــا بيــن الشماتــه
اليفگد أحبابـــه بعـد شلّــه بحياتـــه
يخويه اگعـــد وشـــوف الســده
يخويه وحــدي مــا بين العـــده
يخويه وشخصي كلها اتشـاهده
يا أبو فاضل يا أبو فاضل

*
خويــه صعبـه تنسبي بنت الوديعه
ومــو وكتهــا طيحتك يــم الشريعه
سبيه بعــد طيحت يمنتــك
سبيه مــن هويت برايتـك
سبيه خويه ترضه غيرتك
يا أبو فاضل يا أبو فاضل

*
خـــويه يا ليــل اهـــدش بالغاضــريه
صعبــه نظـــرات العــدو چنها المنيه
حسافه يهلـــي أظـــــل أمحيره
حسافه نمتو تالي أعلـى الثــره
حسافه زينــب انـــه أميســره
يا أبو فاضل يا أبو فاضل
*
رايتٓــك چــف الشمــر شفته حملهـٓا
ونــاده يا بتْ حيـدره أذبحنها أهلها
يزينب ويــــن شـــَيّال الٓــــوه
يزينب طـــاح منْ أيده وهوه
يزينب بعينـه مــوتنا الضـوه
يا أبو فاضل يا أبو فاضل

موسى البديري
كربلاء المقدسه https://www.tg-me.com/ML_mahhde