حلم نرجــــــــع بعد يحسين نلتم
صــــــــــارت سالفتنه منكعه بدم
مصخت والحجي راس برمح صار
يالكلبك مثل جســــــــــمك تثلم

يالصـــــــاير جرح كلك
يريت انــه انوجع مثلك
حلوك اسيوفهم يحسين
عبرت وصــــــلت الضلك

يخويه اجيت ودمعتي تسولف بالعيون
يخويه لكيت الناس عد راسك يضحكون
يخويه احس اتكلي ارجعي فدوه يم اعون

حسين واويلاه حسين واويلاه

ــــــــــــــــــــــــــــــــــــــــــــــــــــــــــــ

شكلك والحـــــــجي بالساني يعثر
من باوعــــــــــت بيك الشمر ينحر
وشوفك انت ترفس والهوه يضيج
وصيحن عـــوف اخوي الله واكبر

الشمر خويه اعتله صدرك
اثنعش طبره اجـه يطبرك
ونــــــوب المصيبه الخيل
مامش حــــــــــافر يعبرك

يخويه وصل للخيمه ثوبك بالحوافر
يخويه مايتسولف البيك انت صاير
يخويه طلع برموشي شيب بيوم عاشر

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

شكلك والحــــــــــجي مكسر بالعيون
ياقــــــــــران بســــــــــورّك يذبحون
حرت مــــــــــابيني خويه وبينك انته
افكر بيك مــــــــــدري بضيم المتون

حرت وبـــروحي شبت نار
افــــــــــكر بيك بيه احتار
شفتك ونهـــضمت عليك
لكيت اجـــروح بيك اكبار

يخويه ولكيت العطش شارب ذيج الرسوم
يخويه وذباحك شفت يــــــم راسك يحوم
يخويه بحصيره حسين جسمك شفته ملموم

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

ذبلت وكف نضرهه من البجي العين
وصرت عطشانه مو للماي الحسين
عكب عـــــزي ودلالي وهيبتي وياك
صــــــــرت مسبيه ودخل للدواوين

ولمن طبيت للديوان
وعلي تتفرج العربان
احس ابكلبي وجت نار
ومن عيني طلع دخان

يخويه وهضمك لو كلت طكوني بحجار
يخويه وعليه اتمرجلت الزغار وكبار
يخويه بغيابك كمت اطفي انار بنار

حسين واويلاه حسين واويلاه

ــــــــــــــــــــــــــــــــــــــــــــــــــــــــــــ



تره المثلي هضيمه تركب النوك
يجتفوني ويشوفوني ادخل بسوك
صعبه عله الهواشم هايه يحسين
المصيبه الجاتلك بضعونك يسوك

سبايه وتنــــــحب عيالك
ومشــــــــينه براي جتالك
وكل لحضه التمرنه انموت
وماتت خــــــوف اطفالك

يخويه مصيبتنه مصيبه من انسبينه
يخويه راسك يبجي يبن امي البجينه
يخويه وناس الشام مــــارحبت بينه

حسين واويلاه حسين واويلاه
ــــــــــــــــــــــــــــــــــــــــــــــــــــــــــــ

حسين عبد الزهرة الدراجي https://www.tg-me.com/ML_mahhde

           زينب لفت يم حسين لكن بالكلب جمره
          تكله ياضوه عيوني  راحت فاطمه الزهره
                    ____
            طبت كعدت كباله مجروحه وتهل العين
       تصيح الحكلي يبن امي صوت امي اجيبه منين
       بعد ياهو اليكول اسمي وبعد ياهو اليكول حسين
                     سولفلي يبعد الروح
                    بعد الزهره وين نروح
                    بقينه بس نعد جروح
       يتامه واليتم جتال خله بكل نفِس كسره
                        _
          منها كلشي ماشفنه عافتنه وبعدنه زغار
       طفت شمعتنه ياخويه الجانت تضوي ليل الدار
       راحت والضلع مكسور ونابت بالصدر بسمار
                 ضلع امي اسمعت طكته
                   يخويه وكلبي صبرته
                   تخيلتك طحت انته
        عطشان واجتي الخيل تسحكك والعدد عشره
     
                        __
           جنت لمن تجي للبيت يمه شلونج تنادي
          وهيه تكلك شلونك يروحي واغله اولادي
           هسه منهو يتلكاك وامنه لحكت الهادي
                     امنه الكلها حنيه
                    راحت واني محنيه
                      ياريت الكسر بيه 
          وضلت فاطمه يمنه واخونه المحسن نكبره
                       __
     يكلها يختي شحجيلج موت امي كسر كلبي
       من اليوم المشت لليوم وحكج تيهت دربي
         عاللي منها حرموني باجر اشتكي لربي
                  ليش امي يعصروها
                  وباب الجنه حركوها
                   بعلي بغضا يأذوها
         وابونه موصه ذاك اليوم لمن هجمت الزمره
                        __
           يزينب الله كاتبها واحنه زغار نتيتم
       ونار الحركت النه الباب تحرك يختي المخيم
         ولابد ماتشوفيني وشيبي يكطر من الدم
                     كلشي باجر نشوفه
                   اساسه فلان وجفوفه
                   يختي وهذي معروفه
     السقيفه والشمر واحد نفس الطينه والفكره
                       ___
        تكله خويه سولفلي  بعد جم لوعه كدامي
         يكلها بيمن ابديلج كبالج انذبح ضامي
        امانه بركبتج يختي امشي واترك ايتامي
                    باجر من تودعيني
                   تره بصدري تشميني
                  امانه من امي تنطيني
     ثوب البي اموت هناك بذيج الهيمه والصحره
 
____
سيد معتز الحسيني
تضمين ابيات السيد عبد الحسين الشرع https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

في هاذا الصباح الجميل وأمطار الخير أدعو لمولاي صاحب الزمان ع بالفرج

قصيدة لاستشهاد الزهراء ع

العبره خنكت صوتي.
صيحي بسمي وموتي. علي علي

يانسيم العافيه
كلمه منچ كافيه.علي. علي

………

كلبي الج خذاني. يرويحتي وحناني. مثلج انه بزماني. لا ماشفت
يا احلى ذكرياتي. ضميتج للمماتي.
تعبتج بحياتي. ومن الوكت
مملوحة السوالف. يحزامي بالمواقف.
من الدنيا كلبي خايف. ما امنت
تاليهه و اعله بابي. ينزل دمع مصابي
تعوفيني وبشبابي. ماصدكت

اكسر اني الخاطر. دهري منج كاسر. ضلع ضلع
يم سولف دافيه. كلمه منچ كافيه. علي علي

…….

يم بيتي يالحبيبه. عفتيني للمصيبه. بس كلمن ونصيبه. وحصتي القهر
لو شفتي اني حالي.  دمعه وسهر ليالي.
ظل بيتي وسفه خالي. ومالج اثر
يافركتج جبيره. ترست دليلي حيره. من نظرتي الاخيره. ظهري انكسر
ظلولي بس يتامه. وغربه وحچي الملامه.
بوجهي بقت علامه. دموع وسهر

بروحي ماتت روحي. وتحچي بس جروحي. جرح جرح

شكد مصايب خافيه. كلمه منچ كافيه. علي علي

………

يل اسمچ بقنوتي. ياهيبتي وعزوتي. عذراً على سكوتي. يل قل هوه
اصبر على الوصيه. كالو تجي المنيه. وتستشهد الزچيه. وكلبي انچوه
يالزهره مو هظيمه. زينب تظل يتيمه. والنفذ الجريمه. يشتم هوه
كلبي عشك مماته. ولا اسمع الشماته. حيدر خسر حياته. وعمره انطوه

فاطمه وشحالي. عمري ظل للتالي. الم الم
دنيتي ولا صافيه. كلمه منچ كافيه. علي علي

…….

اعله چتافي شلتچ اني. وعثرت حچي بلساني. يم بيتي والاماني. عفتي علي
حسينج حچت جروحه. راد النعش يلوحه. وانتي سمعتي نوحه. ودمعه يهلي
غطيتج بعباتي. وكبرج اخذ غلاتي. وتيتمت بناتي. وشظل الي
فقره ويتامه ناحت. بصوت المصيبه صاحت. امنه الزچيه ماتت. بون يعتلي

كل نهاري وليلي. والله ضايع حيلي. دمع دمع
ديره چن وطافيه. كلمه منچ كافيه. علي علي

………

بكلمت مع السلامه. ودعت الابتسامه. كسرة جنح حمامه. بيه وبچي
ماسلوف اعله قهري. خلص مصيبه عمري. يم كبرچ انه ادري. يموت الحچي
بيتي بهظم اجيته. وناعي الحزن لكيته. حاچيته من لكيته. بيش انتچي
بيمن ذراعي تنشد. ماظل اليه أحّد. نتلاكه يم محمد.  ويمه اشتكي

ارتاحي ياعافيتي. الوحشه ترست بيتي. حزن حزن

تفز جروحي الغافيه. كلمه منج كافيه. علي علي

………….

نسألكم الدعاء
حسين صادق العقابي https://www.tg-me.com/ML_mahhde

عزيزه وغاليه امــنه الحنينه
   نحس من غربت زايد بچينه
   بعد ياهو اليحن بعدچ علينه
   عيوني فارگت امي وضواهه
                                          ****
   بعـطرهه البيت يتنفس دريته
   عليهه الدار ظل كاتب وصيته
   وبس النوح من راحت جنيته
  وانه الهم صفه حصتي بلاهه
                                           ****
   ادگ الباب كـون وتفتح امي
   يتيم ابــدونهه ياناس اسمي
   مـن يــوم الجفتني زاد همي
   وكلشي وياي حسيته نعاهه https://www.tg-me.com/ML_mahhde

أللهم صل على محمد وآل محمد وعجل فرجهم ياكريم اكثرو من الصلاة على محمد وآل محمد

يايمه وحشه اعليچ ابيوت اهالينه

ونگعت صور ذكراچ من گد بواچينه

★★★★★★★★★★★★

شال النعش وانشال گلبي ويالجنازه

ويعينه الله العاف بالمگبره اعزازه

مثل الهوه والماي وجهچ انه اعتازه

وذاك الجمال البيچ ويلي امخربينه

★★★★★★★★★★★★

يمه المدينه اعليچ وحشه ابمنازلها

وطير الفجيعه اليوم عگبچ يغازلها

روحي گبل وياچ محد يــــــزعلها

ايموت السلف والبي لمن تجافينه

★★★★★★★★★★★★

هذا الحسن ينعاچ دم تنزف اجراحه

وحسين اخوي اعليچ ظل يلزم اصفاحه

عمري خلص لوعات مالحضه مرتاحه

وهذا ابوي اينوح ويهل دمع عينه

★★★★★★★★★★★★

من هسه زينب ليش شوا چنها مسبيه

وعگبچ اﻧــــه حسيت هالدنيا مگضيه

محد يگلي اشبيچ لا يلزم ايــــديـــــه

وگلبي ييمه اعليچ تسعـــر چوانينه

★★★★★★★★★★★★

مثل الحمامه الروح تفتر على اديارچ

يومچ هدمني وراح نوميني بكتارچ

ابگلبي تشب نيران ماتنطفي نارچ

وتدرين ابوي اعليچ سد كل دواوينه

★★★★★★★★★★★★

مثل الربيع اوياچ تسجيني حنيه

وصعبه ييمه اتعيش وحدها البنيه

كون الزمان ايعود واتســـــير اعليه
وعطرچ يطب للبيت من كل روازينه

★★★★★★★★★★★★

شالچ نعش خشبات من گلبي شيشيلچ

لو ضكني دهري اشلون اتعنه واشكيلچ

من ازعل واختاض من روحي احچيلچ

الرايحله غالي ايشوف تتفرهد اسنينه

★★★★★★★★★★★★


هاي العيون اعليچ مجبوره انـــــه اعميها

زينب تره ابفرگاچ محـــــــــــــــــد يسليها

لبنيه اامها كــــــــــــــــــون تسمع بواچيها

وتحضن گلبها ابشوگ وتخفف اونـــــــيــنه




ــــــــــــــــــــــــــــــــــــــــــــــــــــ
ماجد حبيب الخيكاني
ونسالكم الدعاء https://www.tg-me.com/ML_mahhde

ماردته لاجــــــــن صار الفراك
وين امشي لمن كلبي يشتاك

سلتني حيل الفركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ

مو حكي اذا كمت الهــــــــــوه ماشهكه
انـــــــــه الحــــــــــنين المايحب الفركه
بنار البــــــــــعد روحي اصبحت محتركه
يوجــــــــــع غياب الروحي حيل اتعشكه

الفاكدله غالي يعيش مهموم
وكلساع يبقى بذكره ملجوم

وغير الحزن مايلكه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ

المتعــــــــــلكه روحي بروحه شو فاركني
و كلبي وي كل دكه صــــــــــفه يوجعني
اشماشوف صوره الحسره احس تخنكني
وضل دمعي مـــــــن ينزل جمر يحركني

صايـــــح براسي افراك العزاز
كلــــــــــساع اروح بغالي جناز

ودربي بدموعي مغركه كمت الهوه ماشهكه
انه علي انه انه عة لي انه

ــــــــــــــــــــــــــــــــــــــــــــــــــ
انه علي الفــــــــــارك أعــــــــــز احبابه
ومــــــــــو شدخ كلبي لا غميج اصوابه
انه الحــــــــــزنه مايضــــــــــمه انكابه
انه الدمــــــــــعته بكــــــل وكت سجابه

جناز رحت ودمعي سايل
شايل حبيب الروح شايل

وبكلبي صارت حركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
انـــــــــه علي الياحــــــــيف داسو بيته
انه الخــــــذ مــــــــــنه الكــــــبر عافيته
دمعي حـــــمر عله المــــــــــارجع صبيته
ليش بعــــــــجل فاركـــــــــني الحبيته

فص عيني كون اليوم ابجيه
بالكبر نام للمــــــــــيت عليه

كمت الجفن ماطبكه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ
حسره بـــــــدليلي هــــــدمتلي اضلوعي
بالأخ يــــــــبدي ويـــــــنتهي موضوعي
ليــــــــل ونهار بخــــــدي تجري ادموعي
عاش الضــــــــــلام بروحي بعد شموعي


عاتبته بس مايسمع الموت
هضمه الخضار يضمه تابوت

اجفوفي تناطر ملكه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ

اندل ســــــــــمه الله وللاســــــــف تاليتي
رديت ونــــــــــشد ويــــــــــن صاير بيتي
والنــــــــــفس خنـــــــجر كام يذبح ريتي
تتنــــــــــكع شــــــــما نشــــــفت جفيتي

متعوب من الفركه متعوب
ماجني ساحل هاي الدروب

جفيني صارت زركه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ


حسين عبد الزهرة الدراجي https://www.tg-me.com/ML_mahhde

واويلاه .. شيعوا جنازتها ابدمه
واويلاه .. ماتت يشيعه فاطمه
__
الزهره ماتت من حزنها وضلت اتسيل الدمع
اتكول ياناس اضلموني وعذبوني بهالوضع
باب من اجذوع يعني ثكيله طاحت عالضلع
ونابت البسمار بيها ومات محسن منصرع

واويلاه .. بالعتبه محسنها انرمه
واويلاه .. ماتت يشيعه فاطمه
___
روعوها والهضيمه ابابها وكفوا سره
خلف هذا الباب لاذت وهيج ضلت حايره
كالوا اتلثميت واحد هجموا وهيه مره
يعني كل دفعه تموت ودم صدرها شمكثره

واويلاه .. موقف كسر حامي الحمه
واويلاه .. ماتت يشيعه فاطمه
_____
هو بس الباب يحمي عدها والحاقد يجر
فجئه لن كله ايتحول نار واعياط وكسر
يعني محتركات اديها ابابها الصاير ستر
والاشد حاقد يصيح اي وأن شعلوا الجمر

واويلاه .. نزلت تطفيها السمه
واويلاه .. ماتت يشيعه فاطمه
______
الموقف اليصعب عليها اليحمل اهات ورعب
زينب ازغيره وتشوف اشلون امها تنضرب
تبجي ما تكدر تطفي النار واتخاف اليطب
وصدت اعله عيون ابوها وشافت عيونه تصب

واويلاه .. دنياها صارت مضلمه
واويلاه .. ماتت يشيعه فاطمه
____
حيدر ابدمعه يغسل روحه واتصب عبرته
ايكول راحت ام ابوها وام علي ورويحته
المارجف بالحرب رمشه بلحظه كله هزته
الجان يتنفس هواها هسه تكتل خنكته

واويلاه .. بعدج على الدنيا العمه
واويلاه .. ماتت يشيعه فاطمه

#سيد_محسن_الجابري https://www.tg-me.com/ML_mahhde

اسئلكم الدعاء لوالدتي تمر بحاله حرجه 😔😔😔

أللهم صل على محمد وآل محمد وعجل فرجهم ياكريم

قصيدة طلب حاجه للزهراء (عليها السلام) طور...انخاچ نخوه فاطمه...
للشيخ عبد الحي ال قمبر


انخاچ نخوه فاطمه
              والـــدمع بـــالعيــن
وبحسين احلفچ والحسن
            والضحـــه چفيــــن
===============
احچي الچ يافاطمه همي وهضمتي
مولاتي تعبني الوكت وانه بحسرتي
ماعندي غيرچ يم حسن يجبر كسرتي

وادري انــه ما تنسيني
             يــم گلب الحنيــن
انخاچ نخوه فاطمه
        والــــدمع بــالعيـــــن
===============
ملچوم كَلبي والهظم عايش بــروحي
وانتي الطبيبه والدوى وبلسم جروحي
حضريني يازهره انــادي ويعله نــوحي

بس نضره منچ رايده
             بجاه أُم البنيــن
انخاچ نخوه فاطمه
         والـــدمع بالعيــــن
===============
ياطاهره بگلبي حچي بينچ وبيني
منتخيه بيچ انه تره سمعي ونيني
اقسم عليچ بحق علي لا تخيبيني

دگيـــت بــابچ انـه
           وبــالحال تــدرين
انخاچ نخوه فاطمه
        والــــدمع بــالعيــن
===============
عندي طلب يافاطمه ومنچ اريــده
كــلهه تگلــــي طلبتچ كلش بعيــده
بيچ انتخيت وبالگمر ويلي وعضيده

أنتِ الزجيه والنعم
          لا مــا تقصـــرين
انخاچ نخوه فاطمه
    والـــــدمع بـــالعيــن
===============
معــروفه أنتِ بطيبچ والله كــــريمه
جيت اشتكيلچ والگلب كثران ضيمه
كتلتني يـــامــولاتي حيـــل الهضيمه

تدرين گلبي من الهضم
            مــگسوم نصيــن
انخاچ نخوه فاطمه
         والـــدمع بــالعيــــن
===============

تمت والحمد لله
بقلمي المتواضع
✍للشاعرة وخادمة الحُسين
           رقية العامري https://www.tg-me.com/ML_mahhde

((النفس يلچمها))


حتى النفس يلچمها
هـذا الهــــوى يألمها
ام الحسن منها الضلع .. كَسير

من هجمو النواصب
طاحت على الترايب
عاشت عمرها بيا دمع .. مصير
"""""""""""""""""""""""""""""""""""'''''''''''

بحاله مره
والجروح مطشره بخــــد العفاف
بحاله مره
وزينب زغيرونه بس كلش تخاف

طبو الدار اعــله فاطم ماكو كل حميه
كســرو ضلوع القداسه ومحسن برزيه
داسو الگوم اعله محسن والدمع سريه

بچعب الرمح طگوها
وبخدها هم سطروها
حتى النبي بگبره وسمع .. تصيح

كسرو غصون الورده
وبسوطه ظل يتعـده
واعله الطهر فازع جمع .. تطيح
"""""""""""""""""""""""""""""""""""'''''''''''

صعبه صعبه
ذاكه يحرگ بيتها وماعدها حال
صعبه صعبه
ذاكه بچفوف الوصي شد الحبال

ردو ابـــن عــمي تگــلهم تعثر بمشيها
قــنفــذ بسـوطه يويلي هوه رد عليها
والحسن يمها بدمعته وشاگفت بديها

تشگف اسياط البيعه
طگــــوها ام الشيعه
ليش الملف ماينفضح .. كتوم

لازم نســــــولف گوه
نسكت نراعي الاخوه
نار العشگ اصل الجرح .. تحوم
"""""""""""""""""""""""""""""""""""'''''''''''

هيه بلوه
على حساب ضلوعها يموت الوئام
هيه بلوه
الخاطر المــــايسوه ذبحنه الحمام

لاگـبر حـتى ونـزوره ولا بچي ومجــالس
وصدگينه بكلشي جذبه بالجذب ننافس
وحـگه من شـگگ ثيابه مـانلــومه عابس

الوالتها هــم نكرتها
وهم جذبوّ سطرتها
نار الخيم من ترسم .. شگول

باب الــــولي لساعه
والگوم اجت طماعه
هذا السده وهذا المهم .. البتول
"""""""""""""""""""""""""""""""""""'''''''''''

أمنه ماتت
مـاتت بدورةّ وجها اعله اليصير
أمنه ماتت
ماتت وحتى الجنح ماضن يطير

الحســن يــروي الروايه والـدمع ماضـمه
ذبحو امي اهل السقيفه ياخلگ اي همه
اگبال عيني وضربوها وآنه اصــيحن يمه

مابَريّ واحد منهم
همه الاجونه كلهم
وسلبو غصب من محسن .. الحياة

سحگو بروحه وضحكو
لمن اجــــــــــونه أسوو
وذيچ المره وياهم اجت ..طغاة
"""""""""""""""""""""""""""""""""""'''''''''''

سولفنه
ياعلي بگلبك شكو من الحديث
سولفنه
وبگبرها يريد يضــلمها الخبيث

تسولف أبير النوايب سرك ومحيته
گــلبك مرصع حـقيقه ياظلم لگيته
أتسـلم ومـحد يسـلم يــا أمـر جنيته

ياعالي ياهو الينوشك
شو شيبك اعله رموشك
عايش جرح ويصب دمه .. غريب

بخدك صفن دمعاتك
ويافاطمه بچلــــماتك
حگك علي انت فگدت .. حبيب


عبد زينب
محمد الابراهيميhttps://www.tg-me.com/ML_mahhde

لسان حال امير المؤمنين علي عليه السّلام عند دفن مولاتنا فاطمة الزهراء عليها السلام

يا فاطمه گبلچ تمنّيت
ميت ولارد وحدي للبيت
يا حيلي يا عافيتي
يا روحي يا أم بيتي
ميت ولارد وحدي للبيت
...............................
هذا العمر عشناه سوه. نتنفّس بنفس الهوى. يا محله عيشتنه
حسدونه يا أم الحسن. وايامنه ما طوّلن. ما شفنه راحتنه
بعد النبي وذاك العهد. ظهروا حقدهم والحسد نكروا كرامتنه

انتي يا ريحانة الجنة وعطرها
بياذنب أنهوا حياتج من زغرها

شمعة حياتي ونطفت ليش
اليفگد انفاسه بيمن يعيش
نكبر سوه تمنّيتي
يا روحي يا أم بيتي
ميت ولارد وحدي للبيت
.................................
لمّن دفنتج بالگبر. ما ظل بعد حيل وصبر ونهدمت اركاني
يا فاطمه وبعدج علي. ظل بالمصايب مبتلي وجروحي وحزاني
رديت مكسور الگلب. صدكيني تيّهت الدرب. رحت بدرب ثاني

شلون اطب للدار وحشه ومضلمه الدار
من يواسيني بغيابج حيلي منهار

كلما اصد بعيوني للباب
ضلعج اذكره وگلبي ينصاب
من ضلعج تأذّيتي
يا روحي يا أم بيتي
ميت ولارد وحدي للبيت
..................................
ايامنه الحلوه مضت. بلمح البصر عني ختفت شبسرعه عفتيني
فراگج جرح ما ينحمل. لا آني ميت لا عدل فگدج يأذّيني
يالعشتي بعروگي نبض. مو سهله ادفنج بالأرض ياشمعة سنيني

الله يلعن كلمن السبب أذيتچ
الثاني والأول سبب حزني ومنيتچ

يا فاطمه يا سلوة الروح
بعدج علي عايش بلجروح
لآخر نفس وفّيتي
يا روحي يا أم بيتي
ميت ولارد وحدي للبيت
.................................
ودعتج وحيلي انهدم. وبغيبتج زاد الألم. ما ينوصف حالي
دنيا بغيابج مگبره يا فاطمه وبعدج تره ما ظل بعد غالي
شلّي بحياتي ودنيتي من بيتي گطعوا زهرتي. بيت العلم خالي

ياوكت للدار اطب من غير ملگه
وين اروح ليامكان الدنيا خنگه

بمحرابج اكعد لو اجه الليل
اشتاگلچ والمدمع يسيل
لولادي ما ظليتي
يا روحي يا أم بيتي
ميت ولارد وحدي للبيت
.................................
رديت بجروح الدفن. يا فاطمه ابچي واون متوجّه لداري
شلون ادخل بدونج حرت. گوه عله دمعي كابرت. ما تنشف اعباري
تلگتني زينب باكيه. وين الرضيّة الراضيه. بالمدمع الجاري

بيش اصبّر زينب مصابج هضمهه
اغله شي بالدنيا عد كل طفله امهه

عفتيها طفله شلون تنساچ
ما شبعت وداع وحچي وياچ
حنّتلچ وحنّيتي
يا روحي يا أم بيتي
ميت ولارد وحدي للبيت

سيد زيد الفحام

https://www.tg-me.com/ML_mahhde