🕋«ХУНУК ИСМНИ ГЎЗАЛ ИСМГА ЎЗГАРТИРИШ»🕋

Саъид ибн Мусаййиб розияллоҳу анҳудан, отасидан, бобосидан ривоят қилинади:

«У Набий соллаллоҳу алайҳи васалламнинг ҳузурларига борганида:
«Исминг нима?» дедилар.
«Ҳазн», деди.
«Сен Саҳлсан», дедилар.
«Отам менга қўйган исмни ўзгартирмайман», деди.
Ибн Мусаййиб:
«Шундан кейин бизда маҳзунлик доимий бўлиб қолди», деди.

(Бухорий, Аҳмад ва Абу Довуд ривоят қилишган.)

Шарҳ: Ҳазн — қийинчилик. Саҳл — осонлик. Саъид ибн Мусаййиб розияллоҳу анҳунинг боболари Ҳазн ибн Абу Ваҳб Қарашийнинг бир оғиз хатолари ила бутун бошли бир уруғ қийинчиликка қолган экан. Шунинг учун хунук исмларни гўзал исмларга ўзгартишдан зинҳор бош тортмаслик керак.

«Ҳадис ва Ҳаёт» китобидан.

@Jaloliddinrumiyy🍃

Бомдод намозига туриш

Боязиди Бистомий ҳазратлари бир кеча уйқу оғир келиб, бомдод намозига уйғона олмадилар. Кейин пушаймон бўлиб шунчалик кўп йиғладиларки, ғойибдан бир овоз:
«Эй Боязид! Бу қусурингни кечирдим. Бу тавбанг туфайли сенга яна етмиш минг намоз савобини бердим.» - деди.
Бир неча ойдан кейин, бомдод вақтида яна уйқу бостирган эди. Шайтон келиб муборак оёқларидан туртиб уйғотди ва «Тур, намоз вақтинг ўтиб кетади.» - деди.
Боязид Бистомий ҳазратлари ҳайратланиб сўрадилар:
«Эй малъун, сен қачондан бери хайрли ишга қўл урадиган бўлдинг? Ҳамманинг намоз вақти ўтиб кетишини хоҳлардинг-ку. Мени нега уйғотдинг?
Шайтон:
«Сен бомдод намозини ўтказиб юборган кунинг шунчалик йиғладингки, эвазига етмиш минг намоз савоби олдинг. Мен шуни ўйлаб, сени намозга турғаздим, токи бир намоздан ортиқ савоб олмагайсан. Йўқса яна етмиш минг намоз савобини олардинг!» - деб жавоб берди.

@Jaloliddinrumiyy🍃

«НАБА» СУРАСИ фазилати

Бу сура Маккада нозил қилинган бўлиб, қирқ оятдан иборатдир.
Қуръони Карим сўнгги жузъининг илк сураси бўлган бу сура «Наба - Хабар», деб номланган бўлиб, унда ўлгандан кейин қайта тирилиш, Қиёмат ва у Кунда мўминлар етажак мангу бахт-саодат ҳамда кофирлар дучор бўлажак абадий азоб ҳақидаги хабарлар ўз аксини топгандир.
Бу сурада Аллоҳ таолонинг қудрати илоҳийясига далолат қилиб турадиган бир неча ҳужжатлар келтирилиб, шундай қудрат соҳиби бўлган зот учун Қиёмат кунида ўликларга қайта жон ато этиб тирилтириш жуда осон иш эканлиги таъкидланади ва у Кунни «Ҳақ билан ботил ажратиладиган Кун», деб аталади.
Сура ўша кунда кофирлар Аллоҳ таолонинг одил жазосидан қочгани жой топа олмасдан қайтадан тупроққа айланишни орзу қилиб қолишлари тўғрисида хабар бериш билан хотималанади.
***
5-оятига изоҳ. Муҳаммад алайҳис-салом пайғамбар қилиб юборилганларидан сўнг Макка аҳлига қайта тирилиш ҳақ эканлиги ҳақида хабар берганларида, айрим мушриклар бу хабарни инкор қилган бўлишса, айримлари унга гумон билан қарашиб, бир-бирлари билан шу ҳақда талашиб-тортиша бошладилар. Шунда юқоридаги оятлар нозил бўлиб, уларнинг бундай савол-жавоблари нодуруст экани ва эрта бир кун — Қиёмат қойим бўлгач, улар бу хабарнинг ҳақ эканлигини билиб қолишлари, аммо у Кунда уларнинг билишлари ҳам, тавба-тазарру қилишлири ҳам бефойда бўлиб қолиши таъкидланди.

9-оятига изоҳ. Дарҳақиқат, уйқу Аллоҳ таолонинг энг улуғ неъматларидин биридир. Зеро, дунёдаги барча жонзот мубтало бўлган толиқиш, чарчаш деган бир дард борки, бу дарднинг уйқудан бўлак дармони йўқдир. Эҳтимол уйқусизлик дардига йўлиққан кишини бирон дори воситасида ухлатиш мумкиндир, лекин мана шу уйқуни яна бадтар чарчатадиган меҳнат эмас, балки ором-роҳат қилиш Яратгандан ўзганинг қўлидан келмас.

@Jaloliddinrumiyy🍃

Анас розияллоҳу анҳудан ривоят қилинади. Расулуллоҳ соллаллоҳу алайҳи васаллам:

"Ким жума куни тонгда бомдод намозидан олдин:
"Астағфируллоҳаллазий ла илаҳа илла ҳувал ҳаййул қоййум ва атубу илайҳ" (Аллоҳга истиғфор айтаман. Тирик ва қаййум сифатли Аллоҳдан бошқа илоҳ йўқ), деб уч марта айтса, гуноҳи агар денгиз кўпигича бўлса ҳам, Аллоҳ таоло кечириб юборади", дедилар.

Ибн Сунний ривоятлари

@Jaloliddinrumiyy🍃

🕊АССАЛОМУ АЛАЙКУМ! 🌹
ВА РАҲМАТУЛЛОҲИ
ВА БАРОКАТУҲ
🕋ЖУМА айёмингиз муборак!
🍃Бугун 24, +26°+19🌧️

🤲🏻Аллоҳ бизга бугун хайриятлар ёзиб, қалбларимизни бахтиёр қилсин! Кутаётган хуш ҳабарларимиз билан шодалантирсин! Шифо изалаётганларга, шифо, раҳмат истаётганларга раҳм қилсин!
🍃
Пайғамбаримиз Муҳаммад соллаллоҳу алайҳи васаллам Мустафо ҳазратларига бугун кўпдан кўп саловат ва саломлар йўлланг...🌹
Аллоҳ Ҳабибининг шафоати бизларга насиб этсин.🤲🏻

@Jaloliddinrumiyy🕊

1000 та ҳадисни ўқиб чиққанингиздан 10 тасини ҳукми ва фиқҳи билан ўрганганингиз, 10 тасини ўрганганингиздан 1 тасини билиб амал қилганингиз хайрлироқ.

Илм олиш улкан бозорга кириб, қарзга нарсалар олишга ўхшайди. Ҳар бир янги ўрганган нарсангиз билан гўёки янги-янги нарсаларни қарзга оляпсиз. Ҳар бир янги нарсани олишингиз билан ҳаётингиз олдингидан яхшироқ бўлади. Бироқ ҳар бир ўрганган нарсангиз сабаб қарз ортиб ҳисоб кунида ҳисоб-китобингиз оғирлашавeради. Дeмак, олган қарзларингиз баҳосини тўлаб боришингиз - жуда муҳим.

Хўш, бу қарзни қандай қилиб тўлайсиз?

Илмнинг баҳоси - унга амал қилишингиз, закоти - уни бировларга ўргатишингиз.
Бозордан иложи борича кўпроқ нарса олиб, имконингиз борича баҳосини тўлаб боришингиз эса энг саодатли йўлдир.

- Маҳмуд Усмон

@Jaloliddinrumiyy🍃

ХАТО ҚИЛИШДАНМАС, УНИ ТАКРОРЛАШДАН ЧЎЧИНГ

Талабаларга сабоқ бераётиб Альберт Эйнштейн доскага қуйидагиларни ёзди:
9 х 1 = 9
9 x 2 = 18
9 x 3 = 27
9 x 4 = 36
9 x 5 = 45
9 x 6 = 54
9 x 7 = 63
9 x 8 = 72
9 x 9 = 81
9 x 10 = 91
бирдан аудиторияда ғалаён бошланиб кетди, сабаби, Эйнштейн хато қилган эди.
Тўғри жавоб: 9 × 10 = 90
Шогирдлари унинг устидан кулишни бошлашди.
Эйнштейн бироз сукут сақлаб бундай деди:
– Тўққизта саволга тўғри жавоб ёзганимга қарамай, мени ҳеч ким олқишламади.
Аммо биргина хатога йўл қўйишим билан ҳамма устимдан кулишни бошлади.
Бу эса, инсон қанчалик таниқли ва машҳур бўлишига қарамай, жамият унинг кичкина бўлса ҳам хатосига эътибор беришини кўрсатади.
Боз устига, бу уларга ёқади ҳам.
Шунинг учун ҳам танқид орзуларингизни вайрон қилишига йўл қўйманг!
Ҳеч қачон хато қилмайдиган ягона инсон – бу ҳеч нарса қилмайдиган инсондир!

@Jaloliddinrumiyy🍃

ҲИКМАТЛАР ХАЗИНАСИ

✍️ Кўзларингизни самога қаратсангиз - уларда осмон акс этар, ботқоққа қаратсангиз - ботқоқ акс этар. 
Кўзимизни қаерга қаратишимиз эса бизнинг иродамиз ва хоҳишимизга боғлиқдир.
(Конфуций) 

📝 Оламдаги энг бой одам – ўз қувончи учун энг кам маблағ сарфлайдиган одамдир.
(Генри Давид) 

📖 Яхшилик шундай неъматки - уни ҳатто кўзи ожизлар кўра оладилар, қулоғи оғирлар эшита оладилар.
(Марк Твен) 

📚 Ҳар бир одамга ҳурмат ва яхшилик билан қаранг - улар шунга лойиқликлари учун эмас, сиз ИНСОН бўлганлигингиз учун
(Конфуций)

@Jaloliddinrumiyy🕊

Яхшилик қилгандек кўринманг!
Яхшилик қилинг － кўринманг!

Айман Ёғий

@Jaloliddinrumiyy🕊

Эр-хотин орасида жанжал чиқди. Жаҳлдан ақлини йўқотиб, тилини тиёлмаган эр хотинига:

— Сендан ажраламан! Ва сени фақат бахтсиз, нурсиз ва омадсиз бир кунда никоҳимга оламан!- деб бақирди.

Аёл кўз ёши қилиб ота уйига кетди. Эр эса жаҳлдан тушиб, тинчлангач қилган иши, айтган гапидан пушаймонлик бўлди. Қишлоқ имомининг олдига бориб унга ҳамма гапни гапириб берган эди, имом:

— Мен бунга фатво беролмайман, бундай кунни қаердан топамиз? Сен шаҳар муфтийсига бор, у бирор ечим топар,- деди.

Эртаси куни йигит шаҳарга тушиб, муфтийга учрашди. Муфтий ҳам қишлоқ имомидан орттириб бир нарса демади.

— Унақа кунни қаердан топамиз?- деди елкасини қисиб.

Йигит муфтиятдан умидсиз алпозда чиқиб, бир дўкон ёнида узоқ ўтирди. Дўкон эгаси йигитни гапга солиб, дардини сўради. Қайғуси қалбига сиғмаган йигит дўкондорга ҳамма гапни айтиб берди. Дўкон эгаси йигитни эшитиб бўлгач, шундай деди:

— Ҳу, анави юпун кийинган, сочлари пахмоқ, афт-ангори бир аҳволдаги одамдан дардингнинг давосини сўрагин, ундан бир гап чиқади...

Йигит чиқмаган жондан умид, дея бориб фақирга қайғусини сўзлаб берди. Фақир киши ўйчан тинглаб турди-да, сўради:

— Бомдод намозини ўқидингми?

— Йўқ,- деди йигит. – Ухлаб қолибман, улгурмадим...

— Бугун ота-онангдан ҳол –аҳвол сўрадингми? Ёки уларни дуо қилдингми?

— Шаҳарга келишим керак эди, шунинг учун улар билан учрашгани вақтим бўлмади.

— Йигит ҳайрон тикилди сўровчига. Фақир киши яна сўради:

— Бугун Қуръон ўқидингми?

— Вақтим бўлмади, ўқиёлмадим - деди йигит.

Фақир киши таассуф билан бош чайқади:

— Бор, рафиқангни никоҳлаб ол. Бомдод намози ўқилмаган, ота-онадан ҳол-аҳвол сўралмаган, уларнинг ҳақига дуо қилинмаган ва Қуръон ўқилмаган кундан бахтсиз, нурсиз ва омадсиз кун бўлмайди!..

@Jaloliddinrumiyy🕊

🌹АССАЛОМУ АЛАЙКУМ☀️
🕋ВА РАҲМАТУЛЛОҲИ🦋
🌼ВА БАРАКАТУҲУ🕌
Бугун 28 май
Сешанба +28°+18°☁️
•🌹• •🌹• •🌹• •🌹• •🌹•
АЛЛОҲ насиб этган яна бир кун муборак бўлсин!
Бугун тонгда ният қилган ҳар бир эзгу тилакларингиз Аллоҳ йўлида ижобат бўлсин...
📿🕋📿🕌📿🕋📿🕌📿🕋📿
Бутун ер юзини изласак ҳам:
ОНА каби чексиз меҳрибон
ОТА каби тенгсиз қадрдон
ИЙМОН каби туганмас давлат
ИСЛОМ каби тенги йўқ қудрат
Тинчлик каби буюк неъмат топа олмаймиз…
🍃
Бошлаган янги кунимиз хайрли, унумли ва барокатли бўлсин!

@Jaloliddinrumiyy🕊
​

Кимлар билан эканлигингиз кимлигингиз қадар муҳимдир. Зеро, Мавлоно ҳазратлари шундай дегандилар:
🌺
"Ким билан ошначилик қилганингга диққат қил! Чунки, булбул гулга, қарға ахлатга бошлайди"...

@Jaloliddinrumiyy🕊