✅АллахIана генаваккхар, шайтIанна гергавигар

Ибн Къаййима (АллахIа къинхетам бойла цунах) аьлла:

«Зина лелоро дохьучу бохамех ду: дог дIайсакхиссар, иза цомгуш дар, нагахь ден ца дуьш дитахь, гIайгIа а, бала а, кхерам а латтар, и лелийнарг АллахIана генаваккхар, шайтIанна гергавигар».

[Ад-да‌у вад-дава‌у, агIо: 232]
https://www.tg-me.com/Ibn_Kayyim

✅Стаг верал тIаьхьа зина лелорал боккха бохам бан а бац!

Ибн Къаййима (АллахIа къинхетам бойла цунах) аьлла:

«Стаг верал тIаьхьа зина лелорал боккха бохам бан а бац! Цундела тIедиллина бусалба дино и лелийнарг уггар ирчачу, боьхачу, къизачу кепара вер! Стага аттох ловр ма дара шен хIусамнана я шен гергара зуда йийна аьлла хезча, цо зина лелийна аьлла хезачул а!».

[Ад-да‌у вад-дава‌у, агIо: 233]
https://www.tg-me.com/Ibn_Kayyim

✅Керста нехан дезденош дазор

Ибн Къаййима (АллахIа къинхетам бойла цунах) аьлла:

«Керстанахана бакъо лур яц, шайн дезденош даздайта, ткъа бусалба нахана а мегар дац и дезденош даздарехь царна тӀе товжа а, я дазош царна гӀо дан а, я церца уьш дазо а, хӀара иштта хилара-м Ӏилман охӀла болчу массо Ӏеламнехан барт хилла ду хьуна, диэ мазхӀаберчу фикъхӀ Ӏеламнаха иза къеггина иштта дийцина а ду хьуна шайн жайнашкахь».

[Ахька‌му ахIлиз-зиммахI, агIо: 3/1245]
https://www.tg-me.com/Ibn_Kayyim

✅Кхаа беттан марханаш кхабар

Ибн Къаййима (АллахIа къинхетам бойла цунах) аьлла:

«Пайхамара тIаьхьий-хьалхий кхо бутт ца кхаьбна-кх (ражаб, шаIба‌‌н, рамада‌н), цхьаболчу наха уьш кхобуш ма-хиллара. Я ражаб бутт а ца кхаьбна Цо цкъа а, я иза кхабар дика ду а ца аьлла Цо».

[За‌дул-маIа‌д, агIо: 2/61]
https://www.tg-me.com/Ibn_Kayyim

✅Мохкбегор

Ибн Къаййима (АллахIа къинхетам бойла цунах) аьлла:

«Къинош ду латта такхарна а, мохк бегорна а бахьана».

[Ал-жава́бул-ка́фий, агӀо: 65]
https://www.tg-me.com/Ibn_Kayyim

✅Ӏехош ву хьуна хьо

Ибн Къаййима (АллахIа къинхетам бойла цунах) аьлла:

«Цхьаболу салафаша аьлла: «Хьо хьайн Ӏасалла тӀехь волуш АллахӀа Шен ниӀматаш (рицкъ, я кхидолу дика дерг) хьайна луш делахь, ларлолахь, Ӏехош ву хьуна хьо!»».

[Ад-да‌у вад-дава‌у, агӀо: 54]
https://www.tg-me.com/Ibn_Kayyim

✅Ӏасаллин вон тӀаьхьало

Ибн Къаййима (АллахIа къинхетам бойла цунах) аьлла:

Цхьаболу салафаша олуш хилла: «Со АллахӀан Ӏеса хилча, цу Ӏасаллин (вон) тӀаьхьало (цунна бекхам) сайн хьайбанехь а, сайн хӀусамненехь а карайо суна».

[Ад-да‌у вад-дава‌у, агӀо: 85]

-Лелош долу хьайба цхьана хӀуманна тӀехь дуьхьалдалар, я машен нис ца луш дуьхьалъялар, я хӀусамнана хьоьца вон хилар - ахь диначу къинна бекхаман ду боху маьӀна ду.
https://www.tg-me.com/Ibn_Kayyim

✅«Ӏакъидатан Академехь» керла дешар ду дӀадолош, ⏩Шайх Вахьидан⏪ куьгаллийца.

⏺Дешаран ши курс хир ю, шина шаран ду дешар.

⏺Ӏакъидатехь пхийтта жайна хир ду оцу шина курсехь, хӀора жайна чекхдаьлла, экзамен дӀаелча, цу жайнан шен ижазат а хир ю и жайна яздинчу Ӏеламстагаца зӀе хӀотталуш, уьш хӀора а шайхашкара хир ю.

⏺Ши курс чекхъялча Ӏакъидат Ӏилмангахь ижазат хир ю, алсам Ӏеламнехан тӀехь мухӀар а, яздина куьг а долуш, ткъа и хан тӀекхачале кхин керла аьттонаш нислахь, я ойланаш дагаягӀахь, кхин дика хилийта а хьовсур ду.

⏺Ткъа дешар ша-кепара керлачу некъаца хир ду: хӀора бӀешарера Ӏеламнехан жайнаш ду дешар юкъахь хир дерш, иштта кечдаран бахьана: сих-сиха а вайна юккъехь хеза, бес-бесара кхетамаш, я кхин дика аьлча, бес-бесара Ӏакъидаташ йолчу нахера, вай юьйцу Ӏакъидат иза кху заманара керла Ӏакъидат йолуш санна, иза иштта цахилар, хӀара вай юьйцу Ӏакъидат хӀора бӀешарахь а хилла хилар билгалдаккхар Ӏалашонца кечбина болх бу иза цу кепара.

⏺Дешарна дӀа кхузахь вазло https://forms.gle/Dia57UBXQfzb8X547 6-гӀа мухьаррам 1445 кхаччалц дӀавазвала йиш ю, вай лелочу рузманца: 24.07.2023 кхаччалц, хан чекхъяьлча дӀавазвала йиш хир яц, шо чекхдаьлла керла курс йолалуш бен.

😊😊😊😊😊😊😊 😊😊😊😊😊

✔️Дешарна дӀавазвала массеран бакъо ю.

✔️Керла жайна мосазза доладо, долош долу жайна PDF чудуьллур ду.

✔️Жайнин ижазат хила экзаменехь 50 сов балл яьккха еза.

✔️Академера ижазат пхийтте а жайнин экзаменехь чекхваьллачунна бен хир яц. Ткъа ижазат тӀера баллаш - массо экзаменашкахь яьхнарш вовшахтоьхна хир ю, ерриге хила езарг - 1500 балл ю.

✅Дешаран денош: Оршот-де, шинара-де, кхаара-де, еара-де.

✅Дарсан эфир: ЦIера хенаца 08:00 ю. Эфире ца кхиъначунна бакъо хир ю дIаяздаре ладогӀа.

❌Муьлхха жайнан пхиъ дарсе ла ца доьгӀначунна, и жайна чекхдаьлча йолу экзамен яла бакъо хир яц. Ткъа экзамен ялаза жайна юкъарадаьллачунна а, я ладогӀаза цхьа дарс дисначунна а бакъо хир яц курс чекхйолуш экзамен яла.

✅Дарсан хан: 1-2 сахьт.

✅Академийн дешар дӀадолалур ду: 24.07.2023.

✈️Академин хьоста
https://www.tg-me.com/Akidatan_Akademi

🔈 Тахана уггаре вайна юккъехь лазаме долчух хьалхара дерг ду - такфир хьокъехь дерг. ХӀунда аьлча цу тӀехула шина вешех ши мостагӀ хуьлу, гергарлонаш духу, нах боькъу, вовше сий тӀе кхидар, цӀий тӀе кхийдар, даьхни тӀе кхийдар тӀе долу⚔

Ткъа хӀун ду цу дерригенан хьокъехь нийса дерг? Хьенехара, минехара дуьйцурш дуккха а хезна вайна, Ӏилма долчуьнан а, доцчуьнан а бу цу хьокъехь шен хьежам, цундела и дерриг дитина, хӀинца цкъа Ӏилманга диллина, Ӏилмано цу хьокъехь хӀун боху хьовсий вай?! ХӀара агӀо я важа агӀо нийса ю аьлла цхьа агӀо лаца сиха ца луш, дегӀан лаамаш, хезнарш, элира-бахарш, моьттурш, и дерриге Ӏадда а дитина, Ӏилманга ла а дугӀуш хьовсий вай нийса дерг муьлхург ду?! Нагахь бакъо езаш вай делахь, шена ца дезарг, я шен хьежамца, я дегӀан лаамца ца догӀург нис ма-делла букъ тоха сиха ца луш, Ӏилманан цхьа жайна📕 юкъадиллина, цхьа жайна чекхдаллалц хьовсий вай Ӏилмано хӀун боху?! Цхьана жайне ладоьгӀнера аьлла галдовллал бен хьекъал доцуш ма дац вай! Нийса дерг, далилаца дерг схьаоьцур ду вай, ткъа и далилаца доцург Ӏаддадуьтур ду-кх вай, оццул вайна юккъера лазаме долчу такфирах дерг Ӏилманга диллина, цхьа жайна деша хан а,🕤 собар а лахий вай?!🤲

Цу хьокъехь дарсаш кху 👉 https://www.tg-me.com/Takfirrr 🚀 чохь хир ду. КхидӀа дерг цу чохь билгалдийр ду.