نفيت واستوطن الاغراب في بلدي _ كاظم الساهر

مروان خوري _ كل القصايد

اول تجربة لالي بتكون علتلغرام.!؟
مابعرف كيف رح يكون هالفيديو وصوتي طبعا البدايات دائماً صعبة وفيها اخطاء كتيرة لهيك بستقبل كامل الآراء السلبية حتى دونها واشتغل عليها ❤️

اكيد رايكن بهمني

تجربتي التانية لالي علتلغرام.!؟
طبعاً ودائماً بستقبل كامل الآراء السلبية حتى دونها واشتغل عليها ❤️

اكيد رايكن بهمني !!

#مافي_اصعب 💔

جوزيف عطية _ بدي اتصبح بعيونك 🤍

لو على قلبي _ فضل شاكر

يارب تدوم _ مروان خوري

كتير بآمن بفكرة انو الحب الحقيقي بيجي بعد ( العشرينات )
وكتير اشخاص مارح يفهموا هي الجملة بمعناها الدقيق .
انا أبداً ماحددت الفترة العمرية ، لأن ممكن كتير نلاقي الحب قبل هالعمر أو بعدو ، كتير وارد ، بس فكرة الحب الحقيقي هي يلي بتستوقفني .

لان الحب لحالو ما بكفي !!

_ بمسلسل الندم سألتو ل عروة شو المقصود بالحب !!؟
حكالها : إنك تشغلي قلبك وعقلك سوا ؟؟!
ساعتا بتوصلي للسعادة

_ و حكا عن الحب : انو هو الإقامة والثبات ؛
_ والتتيمُ : هو امتلاء وعي العاشق بالمعشوق وحده

ممكن بهاد العمر منكون مأدركين هلكلام ، وعنا كمية وعي كافيه لنخوض العلاقات برضا وحب ، و وجع الايام يلي منتعرضلو بتعطينا الخبرة و الهدوء للتعامل مع الأشخاص .

الهدوء يلي بخلينا ما نتسرع و منصير ندور عالامان وع الدفا ب ايا حدا بيمرق بحياتنا ونتعلق فيه .
منصير منعرف شو يعني اعجاب المراهقة ، والخبرة يلي بتحذرنا من الحب للشكل ، او الحب لِـ لمسة الايد ، او للحضن، أو الحب بوقت تكون ناطر تعبي الفراغ يلي جواتك .

منصير منركز ع شي واحد بس ومنهتم !!

انو نحن بحاجة شريك لحياتنا يكملا معنا ما يكمل علينا ، مايمل من وجودنا حدو ، يكون النور لأماكنا المعتمة ، الامل يلي منتظرو ، والرفيق بالطريق الطويل .
( و الدفئ ل قلبنا ، والفكر لعقلنا )

#helal_alkernazi

يمكن لازم ما انسى هاليوم !!
هاليوم يلي مانو عادي، هاليوم يلي كنت فيه جبارة..!
ما خفت ، ما اتلبكت ، ما اتوترت ، حتى دقات قلبي كانت عادية جداً ، ولا كأنو كنت قطعة مني بشي يوم ..
وما رجفت متل كل مرة ؛ ولا احساسي كان غريب ، يمكن تبلدت..!
حسيت بشي عم يدفعني اني اترك هلمكان وابعد عنك ؛ وساعدتني رغبتي اني كون قوية كتير ، قوية حتى ع قلبي ، وعليك !
_ بتعرف انو استغربت من حالي ومن قلبي !؟
استغربت كيف قدرت اعمل هالخطوة ، كيف ماعاد اهتم انك تتطلع عَليّ بعيونك ، هاد الحماس يلي كان كلو اختفا ، كان في شي عم يمنعني اني فسر نظراتك ، او اني افهم شو معنى كلامك ، أو حتى رتبلك حروفك وهمساتك ، أو حتى شوف مدة إيدك يلي عم تقلي ضلي ..!؟
هاجمتني بكل المرات يلي قلتلك فيها بدي تكون حدي ، وكنت تروح ببساطة هيك ، وكأني هامش ، وترجع وارجعلك بقلب جديد ، قلب ملكك انت ، بس ماكنت تحافظ عليه ، بعد كل مرة كنت ارجعلك كنت حس في شي فيني عم ينفقد اتجاهك !!
هون عرفت بوقتا اني وصلت لهي المرحلة ؛!؟
انك تكون مُجَرد من مشاعري واحساسي اتجاهك ، ومايكون الك مكان جواتي ، ولا حتى من وقتي يلي كنت صارع بكل لحظة مشانك .
" بإختصار شلتك من قلبي من عقلي من فكري وبالي "

#helal_alkernazi

الثقة الزايدة بتخون ، متلك أنت !
بتعرف شو بضل بنطرك و بنطرك !
وبكون عندي امل انو نرجع نلتقي ، نحكي ، نسهر ، نضحك ، نحكي هموم بعض ، ازعل وتراضيني ، تتمسخر ع تفاهتي واضحكلك ، وكأنو كل العالم عم ترسم ضحكتي معك .
والامل يلي قد ما غبت وقد ما كنت بعيد ما رح تنساني ، ولا رح روح من بالك ، بس يمكن الأمل كذاب ، وأنا ثقتي فيك وبحالي كبيرة ، أكتر من اللازم !
وعن هاد اليقين اني مطبوعة بذاكرتك متل ما انت مطبوع بذاكرتي تماماً ، عم اعطي افتراضات عليك كأنك أنا ، عم حاسبك بخيالي ، ممنوع تنساني وأنا لسا ما نسيتك .
هاد الشي يلي بفسر ثقتنا بإختيارنا وبكون جواب لكل سؤال مجهول منسألو لحالنا !؟
والثقة لما نختار الشخص يلي شايفينو الصح والمناسب لحياتنا ، انو قد ما غبنا وقد ما اختلفنا مطبوعين بالذاكرة ، حتى لو هالشخص غلط ، بس قلبنا شايفو صح ، او يمكن مجبور يكون صح .
بس للاسف مو دائماً بكون الشخص يلي اخترنا صح ، ثقتنا بتخونا ، و اختيارنا بخونا ، وحتى انت كان نصيبي منك من الخيانة .
بس أنا لسا عم افترض خيانتك كذبة ، ياترى كنت مجبور ، ولا كان خيارك !

#helal_alkernazi

أنا بس اشتاق !؟
مافيي كون طبيعية ، او بالاحرى ما بعرف اشتاق بالعقل .
يمكن غيري يرتب اشتياقو ويعرف يتصرف ؛
انا مافيي اشتاق هيك عادي ، وقضيا بس تفكير ومراقبة و ذكريات .
بينحكم عليي بس اشتاق لازم خبص ! بس اشتاق يعني بدي احكي معك بأي طريقة ، مافيي ضل ساكتة ، مافيي انطر لتشتقلي انت وتحن عليي ، بدي فش خلقي ، بدي حكيك، مافيني التزم بمعايير محددة، لما تخطر ع بالي لازم ابعتلك شوفك، نكد عليك شوي، فيقك من نومك، اعمل أيا شي لتكون حدي، مافيني اعمل دور للحكي معك، مرة أنت ومرة أنا، مو ضروري أساساً.
ليش لما حتى اسمح للتعقيدات تبعدك عني ، بوقت قلبي عم يقلي قرب منك ، أنا بحب اسمع قلبي ، وامشي معو ، حتى لو رح اتأذى بعدين ، لازم قرب خطوة ، واقطع أميال .
ما بدي اشتاق وابكي ، مابدي ابكي منك من بعد ما نسيت البكي معك ، لهيك بشتقلك بهي الطريقة المؤذية ، الطريقة يلي بتوجع وما بتنحمل !
مابحب حدا ياخد مطرحي معك ، بحب كون متل خيالك ، احكيلك تفاصيلي ، وضل معك لتطلع برا عالمك وتكون معي ، وتحكيلي تفاصيل يومك ، مارح اتقبل حدا يكون سبب ضحكتك إذا مش أنا ، ومابدي حدا يشوفك مهموم غيري ، بحب تكون ملجأي ، وكون بيتك .

#helal_alkernazi

اللهفة يلي منحسا بالبدايات ابدا ما يعني حب !!؟

_ ومرة وصفت هالشي ب جملة وكانت " انتظر حتى يذهب الانبهار ثم قرر "
مافيه الانسان يحب بإسبوع او شهر ، متل يلي بيضحك ع حالو ، او بكون بدو يعبي الفراغ يلي بداخلو .
لان بوقتا رح يكون مجرد احاسيس و مشاعر المؤقتة ، رح يكون كلشي منعيشو بهاللحظة عم نشوف في الوجه الجميل ، والتفاصيل يلي بتخلينا ونحكي " اووو هاد الحب المنتظر "
بالعكس الحب بجي بالعشرة ، بالمواقف الصعبة ، وبأوقات حتى حالك ما بتكون متحمل ، بس هداك الشخص فيك تتحملو ، قلبك التعبان بكون لسا قادر يفتح إيديه ، بعد ما شاف أخطاء ، وعيوب ، ومرض .
كذاب يلي قلك الحب من أول نظرة ، او أول موقف ، نحن ببداية العلاقات منجاهد لنطالع أحسن ماعنا ، بس بعد مدة منمل ومنرجع نلبس وجهنا الطبيعي ، وهون بكون التحدي .
متل البحر تماماً ، مافيك تحب البحر وانت بس بتسبح او بتوقف على الشاطئ .
حتى تحب البحر ، لازم تسبح بأعماقو ، وتضربك أمواجو .
واذا ما شفت القاع المظلم تبعو ، مافيك تخاف منو او تظهرلك عيوبو .
بوقتا بتأدرك كيف بيغضب وكيف بكون هادئ ، وكيف بكون حلو وايمت بكون بشع .
بوقتا لازم تحدد ؛ يا انك بتحبو كلو للبحر او بتكرهو كلو !؟
" يبدأ الحب عندما ينتهي الحماس "

#helal_alkernazi

اكتر مسلسل اثر فيني وحبيت كل تفاصيلو مسلسل الندم .
بس كنت عطول اسأل حالي ليش اسمو " الندم " استغربت .
يعني كلمة الندم بتدل على الخسارة الكبيرة ، على غلط كبير انعمل ،
يلي ممكن تقضي كل ايامك ندمان وحزين بسببو .

حلقة عن حلقة لحتى لقيت الجواب لسؤالي !؟
يلي ممكن اوصفها ب " حبكة المسلسل "
_ يلي راح اوصفها ب ندم وحزن عروة الكبير ؛

هي الحلقة يلي كانت بتوصف كل المسلسل ، وبتعطي جواب ل سؤال ليش الندم !؟؟

عند ما خانتو كتاباتو ، وحبو ، واهتمامو ، وغزلو لـ هناء .

وهناء كانت مريضة ، المرض يلي عم ياكل جسما ، والوقت عم ينفذ شوي شوي من عمرها ، وكانت الأيام البقيانة بحياة هناء بينعدو .

تركها ب ليلة كلها برد وعواصف ، وراح خانها !!
لما شافتو وقالتلو :
" ماكان فيك تصبر شوي لحتى موت "

بوقتا عروة راح وبدو يواسيها ويصطنع حب كبير ، بعد ما كسرها وخانها وبكاها ، بوقت كان المفروض يكون الداعم الأول الها ، كان هداك اليوم يلي خسرها جسدياً ، وعاطفياً .

وحتى خلاها تخسر أهم شي تقدر تقاوم المرض في يلي هو "حبو"

وحكا جملة ووصفها ، بس يمكن ما عبر عن جزء بسيط يلي عاشتو بهديك اللحظة !!

" كانت تدفن وجهها في الفراش ، ولقد تصاعد لهيب المكتوم نشيجاً يقطع قلوب سامعيه "
وصار يسأل حالو :
" معقول انا رح كون السبب بموت هناء ، اذا ماتت عن قريب او بعد فترة بعيدة "
_ كان شخص بهي اللحظة اناني وجحود .

بوقتا هي كانت تتمنى يخطفها الموت فورا ، لان كان ضروري من بعد ما صارت مهمله بحياتو ، أو مجرد عائق بـ حياتو .
بعد ما كان يتغنى بالكتابة والاشعار والغزل والفرح ل هناء .

_ عروة قضى مستقبلو والحاضر والماضي من بعد موت هناء وهو عم يكتبلها بندم كبير ، بس ندمو ماكان بينفع مع الموت بكسرة القلب .

صار يسهر الليالي والايام وهو ندمان ، يتخيلها بكل مكان يروح عليه ، وحتى وهو بالبيت يتخيلها ويعتذر منها .

" الندم صعب كتير "
لهيك حافظوا على يلي بحبكم ، لا تطمعوا وتحكوا بأنو هو موجود مارح يبعد .
ولا تزعلوا ، ولا تكسروا ، ولا تجرحوا، ولا تخونوا .
لما تحس إنو عواطفك عم تنجر لشخص بعيد ، اهرب لعندو ، وما ترجع لورا !!!؟
لأنك برجوعك بتكون عم تدمر البقايا من هالشخص يلي رجعتلو ، بعد ماكنت معو جسد وروح كاملين .
لأنو وقت تفقد هالحدا وتكون انت غلطان رح تقضي كل حياتك ندمان متل عروة !!

#helal_alkernazi

رأيكن

قمر الزمان _ وديع مراد

رأيكن

دبكة ودبيكة _ وفيق حبيب