Ko'z yosh Alloh tomonidan berilgan bir ne'mat, aslida. Ko'z yosh bilan birga nimalardir (balki darddir) chiqib ketadi tanangizdan. Shuning uchun ba'zilarga havas qilaman. Ba'zilar esa kulib yengishga harakat qiladi. Ishoning bitta tanaga bunchalik ko'p dard og'irlik qiladi. Yig'lash faqat ayollar uchun emas. Barcha inson bir kun kelib nima uchundir yoki kim uchundir yig'lashiga to'g'ri keladi. O'shanda ham ko'z yosh chiqarmasangiz dard sizni yengib qo'yadi.
Men esa hayotda quvnoqroqman. Boya aytganimdek ba'zilarga havas qilaman. Tanam esa mendan nafratlansa kerak. Bitta o'ziga shuncha yuk tashlab qo'yganman. Hammaning o'ziga yarasha muammolari bor. Mundoq qarasak, bir dengiz ham yo'q bor ovozda baqirib kelishga)

@ijtimoiynigoh

Kimdirni sog'inganizda, yuragingiz sizga uni sevishingizni eslatib turadi. Ota-onamni sog'ingan edim. Shuning uchun eslatib qo'ydim.

@ijtimoiynigoh

Исломда аёл кишининг ўрни деганда, нафақат четдан баҳо берадиганлар, балки мусулмон биродарларимиз ҳам “уйда ўтириш, бола боқиш, овқат пишириш” дейиш билан чекланадилар.
Аммо эътибор беринг, Қуръондаги жуда кўп пайғамбарлар (масалан, Нуҳ, Иброҳим, Юсуф, Мусо, Исо..) қиссаларида аёлларнинг воқеаларнинг марказида бўлганликларини кўрасиз, саодат асрида жамиятда жуда фаол бўлган аёллар бор. Эридан шикоят қилиб, пайғамбаримиз (сав) остонасига ётиб олган аёл ҳақида ҳам, Умарга қарата “Сен ким бўлибсанки, Аллоҳ чегара қўймаган маҳрга чегара қўясан” деган аёл ҳақида ҳам, ҳатто жангларда қатнашган аёллар ҳақида ҳам эшитганмиз. Ҳазрати Ойша (р.а) маълум даврда сиёсий зиддиятда асосий фигура бўлганлар – ноҳақмидилар, йўқми, бошқа масала, аммо ҳеч ким унга “сен аёлсан, аралашмай, уйда ўтир” деган фикрни айтмаганини таъкидлаш керак. Бутун дунёга устоз бўлган олимларнинг ҳам камол топишида уларнинг оналари муҳим аҳамият касб этгани ҳақида ҳам кўп эшитганмиз. Бир қанча мавзуларда аёлнинг эркакдан фарқли экани ҳақида фикрлар келади, аммо бу уларнинг тенг эмаслигини англатмайди.
Кейинчалик, ўша мусулмон мамлакатларда ҳам аёлнинг ўрни фақат харамларда “учтама тўртта бўлиб олишиб чақчақлашадиган, ўйин кулги қиладиган, бола туғиб берадиган” даражага тушиб қолгани кўпроқ мусулмонларнинг айбидир.

Мисол учун, агар аёл мавзусидаги пост ёзилса ёки аёл муаллифнинг фикрлари чиқса, унинг аёл эканига урғу берадиган, мунозаралардан қувишга ҳаракат қиладиган, аёлнинг айнан аёллик хусусиятини марказга қўядиган мусулмонларни кўп кўраман. Балки ўша саодат йилларида ёки юртимизда илм-фан тараққий топган асрлардаги эркакларнинг савияси жамиятда аёлларнинг зехнини, фикрларини қабул қила оладиган, уларни ҳимоя қила оладиган даражада юқори бўлгани учун аёллар фаол бўлган, биз жамиятда аёлларни кўтара оладиган салоҳиятимиз йўқлиги учун уларни уйга қамаётгандирмиз?
Ислом эмасмиди, аёлларга мулк сифатида қараладиган жамиятда уларни ижтимоий фаол қатлам сифатида кўтарган? Энди эса, гўёки, тескариси, айнан Ислом аёлларни уйга қамайдигандек хулоса чиқиб қолмоқда.

Аслини олганда, бу ерда муҳим бир жиҳат бор. Бугунги кунда аёлларнинг ислом шартлари асосида жамиятда фаол юришлари, қатнашишлари учун баъзи тўсиқлар борки, натижада аёлларнинг уйда ўтиришлари бу ҳолатда ечим сифатида юзага келади. Эътибор беринг, айнан ечим сифатида, тарғибот ёки мафкура сифатида эмас. Маълум шароитларда қандай ҳаракат қилиш учун берилган ечим ҳеч қачон инсонларнинг интилиши керак бўлган вазият ўлароқ намоён бўлмаслиги керак, менимча. Бу ҳолатнинг “Исломнинг аёлга бўлган муносабати” ўлароқ акс этиши эса, умуман нотўғри. Бу исломнинг аёлга эмас, маълум шарт шароитларга бўлган муносабатидир.
Жамиятда аёлларнинг фаол бўлишлари борасида шароитлар яратиш, тўсқинликларга барҳам бериш ҳақидаги мунозаралар кўпроқ бўлиши керак, аёлни уйга қамаш, уларни жамиятдан четлатиш ҳақида эмас. Ахир "Нисо" (Аёллар) сурасида Аллоҳ фақат бола тарбияси ёки овқат пишириш ҳақида сўз юритганмидики, Аёл деганда хаёлимизга фақат шу мавзулар келсин?
©Qahramon Arslonov

@ijtimoiynigoh

O'zbekistonda "surish" niyatida yurgan odamlar anchagina ekanligini bilardim. Lekin bu darajada ekanligini bilmagandim. Bu yildan boshlab "Green card" (Grin karta) o'ynash uchun zagran (qizil) passport kerak bo'ladi. Jizzax viloyatida 1 oktabrdan shu (7-oktabr) kungacha 17 mingdan ziyod kishi (!) zagran passportga ariza topshiribdi. Bu bitta viloyat bo'yicha hisob kitob. Bugun ham passportniy stolda o'chret (navbat) juda ko'p edi (butun viloyat bo'yicha bitta joyda berilayapti ayni damda). Bu narsa yana taxminan bir hafta davom etishini hisobga olsak, raqamlar juda kattaga o'zgaradi. Ketaveringlar-chi. Oxirgi bo'lib ketgan kishi aeraport svetlarini o'chirib ketish esdan chiqmasin-da)

Men glavnimga AQSh va Kanada bayroqlarining rasmini qo'ydim bugun. Yaxshi niyat bilan, u yoqqa borishni maqsad qilgan holda. Bir o'rtog'im sotilib ketibsan dedi hazillashib. U esa o'zini vatani uchun joni fido ekanligini aytdi. U ham chetga chiqish niyati bor ekan. Lekin o'qib qaytib kelarkan. Shu yerda ishlasa, davlatga foydasi tegarkan. Shaxsan men uchun Vatanni sevish nisbiy tushuncha. Har kim har xil tushunadi vatanni sevishni. Lyuboy Vatanparvar insonga pul bermasdan Vatan uchun ishlab ber desa, umuman ishlamaydi. Ishlasa ham xafsalasizlik bilan ishlaydi. Men ham, aslida, hech kimdan kam bo'lmagan holda Vatanni sevaman. Hattoki, "Vatan" so'zini kichik harf bilan yozgim kelmaydi. Har qanday Oliygohda o'qiyotgamlar o'qishini bitirib iloji boricha o'sha shaharda qolishga harakat qiladi. Nega qishlog'iga qaytib o'sha yoqni rivojlantirmaydi. Vatan ostonadan boshlanardi, adashmasam. Toshkentda qolib ishlasam, baribir ham O'zbekistondaman-ku deyish g'alatiroq men uchun. Men ham mabodo niyatim amalga oshib (yaxshi niyat yarim mol deyishgan, axir) chet elga ketsam, Yer sayyorasidan chiqmagan holda shu yerdagi insonlar uchun mehnat qilgan bo'laman. Hadislarda ham duosi tez qabul bo'ladigan 3 toifadan biri musofir deyilgan. Musofir bo'lmaguncha musulmon bo'lolmaysan deyiladi. Kimdir uchun yomon, kimlar uchundir yaxshi niyat bular ham. Xudo xohlasa, yaxshi niyatlarimiz amalga oshishi nasib qilsin barchamizga.

Ha aytgancha, mening ham butun umrga ketish niyatim yo'q, aslida. Barcha yaqinlarim O'zbekistonda bo'lsa, qanday qilib butun umrga survorish mumkin. Yaqinlaringsiz hayot tatimaydi, axir, to'grimi?

"Quvnoqlar va zukkolar" ko‘rik-tanlovi 2019 yilgi mavsum chorak (1/4) final bosqichi bellashuvi

👉8-O‘YIN
👉11 OKTABR 15:00
👉“Turkiston” san’at saroyi

CHIPTALAR SOTUVDA
Telefon: +998973309090

@qvz_uz

Ertaga bizni universitetning Bolalar jamoasi QVZ ning chorak final bosqichida ishtirok etishadi. Bolalar jamoasiga omad.

Atrofga qarasangiz atrofingiz mo'jizalar bilan to'la. Masalan, tovuq Alloh degan yozuvli tuxum tug'ishini ba'zilar mo'jiza deyishadi. Aslida, shu tovuqning o'zi, uning mavjud ekanligi katta bir mo'jiza. Shunday mo'jizaviy dunyoda yashayotganiz uchun Allohga shukur deb qo'ying.

Juma ayyomingiz muborak bo'lsin, azizlar

Islom dini har qanaqasiga mukammal din. Shunchaki tasodifmi yoki boshqa narsami bilmadim-u bugun juma namozidagi ma'ruzada Vatanga muhabbat, Vatanni sevish haqida gapirildi. Yana bir yaxshi yangilik: bugun masjidimizga Toshkent shahar bosh imomi Nuriddin domla tashrif buyurdi. Ma'ruzani o'sha kishi o'qidi. Tasodif jihati shundaki, ikki kun oldin Vatanni sevish haqida yoki shunga yaqinroq nimadir yozgandim. Yaqin 1 oy ichida bunday tasodiflar juda ko'p bo'layapti. Siz ham ishoning bular shunchaki tasodif emas.
Allohning o'zi hammamizni iymonli qilsin.

Yana bir bor juma ayyomingiz muborak bo'lsin.

Бир киши жуда кўп ибодат қиларкан. Бир куни шаҳарни сув босибди. У киши эса масжид томига чиқиб ўтираверибди ва “мен ибодат қилганман Аллох мени қуткариб олади” деб ҳеч ким билан кетишни истамабди. Сув тиззасига етгач, қутқарувчи қайиқ келибди ва шу жавобни олиб қайтиб кетибди. Сув буйнигача чиқибди, яна келган қайиқни қайтариб юборибди ва чўкиб кетибди. Аллох ҳузурига борганда:
-Эй Аллоҳим, мен сен учун ибодат қилдим, сенга таваккал қилдим, лекин сен мени чўкиб кетишимга йул кўйдинг? - дебди ва:
-Ахир сен учун икки бор қайиқ жўнатдим-ку –деган жавобни олибди.

Аллоҳ доимо бандасига яхшиликни раво кўради. Қандайдир бир сеҳр жодуга ишонманг. Бу хурофот. Аввал айтганимдек, атрофингиздаги бўлаётган воқеаларнинг ўзи катта бир мўжиза. Ўзингизда бор имкониятдан максимал даражада фойдаланинг. Менимча, мувоффқиятнинг ягона калити мана шу.

Халқимизда "Домланинг айтганини қил-у, қилганини қилма" деган ибора бор. Кўпинча, домлаларга нисбатан салбий нисбатда ишлатилади, шунақа бўпкетган.
Аслида эса, маъноси бошқа. Бир пайтлар, олимлар, домлалар халққа осон йўлни ўргатиб, ўзлари кўпроқ тақво қилишган. Одамларни бир яхши амалга чақириб, ўзлари икки хисса қилишган ўша амални. "Сен беш маҳал ўқи, етади" деб, ўзлари олти маҳал ўқиганлар. Фалонча садақа қилиш кифоя деб, ўзлари кўпроқ қилишган. Мақсад оми халқни қийнамаслик, диндан совиб кетишларига йўл қўймаслик ва ҳоказо.
Инсон амал қилган сари тақвоси ошади, тақвоси ошган сари, кейинчалик амали ҳам янада ошиб бораверади - бошида енгилини, фарзини ўргатишни афзал билишган. Бир болакайга асал емасликни айтиш учун бир ой асал емаган олим ҳақидаги ривоятлар бор, масалан.
Яъни, тўлиқ маъноси - «домланинг айтганини қилсанг етади, қилганини қилолмайсан, қийналиб қоласан.»
Ҳозир бу ибора тескари маънога айланиб кетди. Гўёки, домлалар халқни бирор амалга чақиргани билан ўзлари қилмайди, деб тушунилади. Ибора маъносининг ўзгариши қачондан бошланган, айбдор халқми ёки домлаларми, буям бир масала.
©Қаҳрамон Асланов

Tush ko'ribman. Tushimda universitetda leksiyasida o'tirganmishman. Birdan uyg'onib kettim. Qarasam rostan o'sha leksiyada o'tirgan ekanman.

@ijtimoiynigoh

- Dadasi, keling bu safar men o'rgatay.
- Yo'q. O'zim o'rgataman.
- Kattamizga ham siz o'rgatdiz. Bunisiga men o'rgata qolay.
- Hop. Bu safar o'zing o'rgata qol, onasi.
- Rahmat. Qani qizim boshla: "Alhamdulillahi robbil alamiyn..."

Havas qildizmi. Men ham havas qildim. Hammamizga shunday juft va oila nasib qilsin.
Juma ayyomingiz muborak bo'lsin.

“ОЛЛОҲГА ШАРТ ҚЎЙИШГА ҲАҚҚИМИЗ БОРМИ?”

“Тақвим”да ишлаб юрган кезларим эди. Бир куни бир йигит сим қоқиб, кўришишимизни илтимос қилди. Нима масаладалигини сўрасам, менда тақвимбоп ажойиб воқеа бор, шуни айтиб бермоқчиман, деди. Ёши катталар яхши билишади, нашримиз ҳикматли воқеалари, таъсирли ҳикоялари билан халқ муҳаббатини қозонган эди.

Шунинг учун қизиқарли воқеаларни ўзлари ёзиб келадиганлар ҳам, айтиб бериб ёздирадиганлар ҳам кўп эди...

Хуллас, ўша йигит билан Ганга дўконининг тагидаги кафеда кўришдик. У бошидан ўтган воқеани ҳаяжон билан сўзлай кетди. Тўғриси, бунчалар таъсирчан қисса эшитаман деб ўйламаган эдим. Ҳикояни унинг оғзидан тахминан мана бундай шаклда эшитдим...

“Уйланганимда қурилишда ишлар эдим. Биласиз, бунақа жойда ишлаганлар доим ишдан кейин “чангювди” қилишади. Мен ҳам қатордан қолмасдим. Аёлим у пайтда фақат бомдод намозини ўқирди. Ўзим ичсам ҳам, намозига қаршилигим йўқ эди.

Унинг диндан оз-моз хабари бўлиб, менгаям онда-сонда гапириб турарди. Шу гапларининг таъсирида “жумавой”га айландим. Аммо жума намозга чиқадиган одамнинг пайшанба куни ичиши дуруст эмаслигини ўзим ҳис этдим. Шундай қилиб, ҳар жума куни жума намозига борадиган, унга тайёргарликни эса, пайшанбадаги “чангювди”ни тарк қилишдан бошлар эдим.

Кейин-кейин жумадан келибоқ ичиш юзсизликдай туюла бошлади. Ўзимдан ўзим уялдим. Шундай қилиб, пайшанбанинг ёнига жумаям қўшилди – “чангювди” икки кунга қисқарди. Кейин чоршанба, сешанба, душанбалар ҳам пайшанбага ҳамроҳ бўлишди. Фақат шанба – ҳафтанинг охирида ичишни тарк қилиш бироз қийин бўлди. Бошқа кунларим пайшанбага қўшилиш баробарида ўзим ҳам хотинимга қўшилиб бомдодни ўқий бошладим. Аммо хотиним мендан олдинда борарди – у беш вақтга ўтган эди.

Биз бахтли эдик. Аёлимни ардоқлайман, у ҳам мени ҳурмат қилади. Аммо, ҳеч нарсадан камимиз йўқ, деб айтолмайман, бундай дейишга бир камимиз тилимни тишлатади. Турмуш қурганимизга етти йил бўлган эса-да, фарзандимиз йўқ эди. Бормаган духтиримиз қолмади. Ҳеч бири айб сенда ёки хотинингда, дегани йўқ. Бошқа турмуш қурсанглар, иккалангиз ҳам фарзандли бўлиб кетасизлар, фақат бир-бирингизга тўғри келмаяпсиз, шунақаси ҳам бўлиб туради, дейишарди. Иккаламиз бир-биримизга қараб мўлтираймиз, ахир, йиллар ўтган сари у мени, мени уни жондан ортиқ кўриб борардим.

Шундай кунларнинг бирида хотиним:
- Бир нарсани сиз билан маслаҳат қилмоқчийдим, - деб қолди. Хаёлимга дарров қўрқинчли нарса келди.
- Нима экан? – дедим шумшайиб.
- Мен Оллоҳдан фарзанд сўраб, “Агар фарзанд берсанг, ҳижобга кираман”, деб ваъда бермоқчиман... Сиз шунга қаршилик қилмайсизми?

Ёмон гапни кутиб турганимгами, хотинимнинг бу гапидан хурсанд бўлиб кетдим. Ҳатто ҳижобга киришига розилик бературиб, “Агар фарзанд берса, мен ҳам ичишни буткул ташлаб, беш вақт намозга ўтаман”, деб юбордим! Хуллас, иккимиз шу кеча шартлашдик: агар Худойим бизга фарзанд берса, у ҳижобга киради, мен ичишни ташлаб, беш вақт намоз ўқийман!

Шу аҳд билан тонгни оттирдик. Эрталаб бирга бомдодни ҳам ўқидик. Намоздан кейин хотиним: “Бир нарсани ўйладим”, деб қолди.
- Хўш?
- Бизнинг Оллоҳга шарт қўйишга ҳаққимиз бормикан? Сен бизга фарзанд берсанг, ҳижобга кираман ёки намоз ўқийман, дейишга ҳаққимиз бормикан? Тўғриси, бундай шарт қўйганимга уялиб кетяпман. Яхшиси, мен ҳижобга кирай, Оллоҳим менга фарзанд берсин...
Аёлим бу сўзларни кўзда ёш билан айтди. Айтганлари менинг ҳам миямга тепди. Уялиб бошладим.
- Тўғри айтасан, - дедим, - бизнинг Оллоҳга шарт қўйишга ҳаққимиз йўқ. Мен ҳам шу бугундан ичишни буткул ташлайман-да беш вақт намозга кираман. Мукофотини эса, Ўзидан сўрайман!

Оллоҳга шарт қўйганимдан бир уялган бўлсам, аёлимнинг ақли етган нарсага мен эркакнинг ақли етмаганига икки уялдим. Шу кундан ҳаёт тарзимиз ўзгарди. Фарзанд кўриш эҳтиёжи ҳам армонга эмас, ишонч ва хотиржамлик оғушидаги алланечук ширин бир соғинчга айланиб қолди. Мен ибодатимдан масрур эдим. Шу билан бирга, Оллоҳ тез кунда бизга фарзанд беришига қатъий ишонч ҳам бор эди.

Ўзига беадад шукурлар бўлсинки, ўша кундан бир йил ўтиб, саккиз йил деганда қизлик бўлдик. Шу пайтга қадар фарзанд бермаганигаям шукурлар қилдим.

Англадимки, Аллоҳ мендан пок зурриёдлар чиқаришни хоҳлаган, Ўзига минг-минг шукурлар бўлсин. Қизнинг ортидан эса, ўғил билан ҳам сийлади...”

Суҳбатдошимнинг ҳикояси тахминан шундай эди. У кўзда ёш билан сўзларини тугатаётганида, мен ҳам дастрўмол билан ёноқларимни артар эдим. Кейин уйига таклиф қилди. Вақтим зиқ эса-да рози бўлдим. Оллоҳнинг сийловларини кўриш учун ҳам боришга рози бўлдим. Юнусобод тарафда тураркан. Аммо ичкари кирмадим. Остонада адасига пешвоз чиққан қизалоқдан бир муддат кўзимни узолмай турдим. Кейин ҳақларига дуо қилиб, ўша ердан қайтдим.
© Abdugafur Iskandar

21-oktabr yaqinlashgan sari ko'pchilik tilimiz bilan faxrlanishini aytadi. Aynan o'sha paytga yaqin yangi she'rlar yoziladi. Men esa tilimizni shunchaki hurmat qilaman. Kimdirlarga o'xshab faqat maqtab yurolmayman. Yetarlicha kamchiliklar bor tilimizda. Bu narsani ko'p joyda aytganman. Bu kamchiliklar tuzatsa bo'ladigan kamchiliklardir. Tilimiz islohga muhtoj ekanligini oldindan aytaman. Adabiy yozuvimiz o'tgan asr o'rtalarida isloh qilingan. Bu kamchiliklar tilimizni o'rganishga qiyinchilik tug'diradi. Natijada tilimizni keng yoya olmaymiz. Tilimizga hukumat darajasida e'tibor berilmaydi. Buni esa asosiy qonunlar rus tilida chiqishidan bilsa ham bo'ladi. Tilimiz yo'qolib ketmasligi uchun uni soddalashtirish va kengroq yoyish kerak. Bitta misol: Malayziya davlati malay tilini keng yoyishga juda katta e'tibor qaratadi. Buning uchun katta mablag'lar sarflab juda ko'plab grantlar ajratadi. Malay tilini o'rganmoqchi bo'lganlar uchun juda katta imkoniyatlar bor. Tilimizning kamchiligini qachondir yo'qolib ketmasligi uchun aytaman.

Yuqorida tilimizni hurmat qilaman deganimning sababi: men har doim har qanday joyda iloji boricha imlo qoidaga rioya qilib yozishga harakat qilaman. Tutuq belgisini ham qo'yishga harakat qilaman doimo. Shaxsiyda yozishgan insonlar ham tekshirib ko'rishi mumkin. "W" ni "Sh" sifatida ishlatish yoqmaydi. Qanchalik kamchiliklari bo'lmasin, tilimiz har doim hurmatga loyiq. Til bayrami muborak bo'lsin, azizlar (hechdan ko'ra kech)

@ijtimoiynigoh

Адашмасам, бу воқеа 2018 йилнинг октбрь ойида бўлганди. Хорватия ва Иордания аёллар футбол клуби тўп суришганди. Рақибни алдамоқчи бўлган Иордан футболчисининг бошидан рўмоли тушиб кетади. Шунда хорват аёллар иордан аёл рўмолини ўраб олгунча уни ўраб туришади. Стадионда таббийки эркаклар ҳам бор эди. Воқеага ҳамма қарсак чалади.

Энг қизиғи Хорватия 91 фоиз аҳолиси христианлардан иборат давлат ҳисобланади. У ерлар бошқача, ҳеч ким дини сабаб ажратилмайди. Барча бир-бирини ҳимоя қилади.

Каналга уланиш учун 👉: @zafarbeksolijonov

#bizning_mahalla_challenge
A tak bizda ham "mahalla" bor, ihmmm...😏

T.me/Toshoyna_uz
T.me/shunchaki_haqiqat
T.me/ijtimoiynigoh
T.me/sarimsoqvoy_uz
T.me/nomsiz_nomalar
T.me/NurqulMinbari
T.me/Sarcasm_uzb

Kanalga ulanish👉 https://www.tg-me.com/joinchat-AAAAAEDV-4Fy8eZUHQOQBQ

Bizda ham rostan o'z mahallamiz bor. Menga chetroqdan bo'lsayam joy tegibdi😁