الملف 11🌸

- القسم الثاني
- الفصل السادس :

" كل شي خربان🤷🏻‍♀!"



#اقتباس:
" ضع إلى جوارِ سريرِك كتابًا تقرأُ فيه إلى أن تخلدَ إلى النوم، واقرأ ولو لخمسِ دقائقَ، وستجدُ أنَّك بعد مدَّةٍ أنجزت من القراءةِ ما كنت تظنُّ أنَّك غيرُ قادرٍ على فعلِه، وستتغيَّرُ عقليتُك في التفكيرِ كثيرًا🪴."



#تحدي_سبتمبر.
#قراءة_إيجابية
#خراب.

مساء الخير حباً 🤍🎐


" الحقيقة ان أكتر حاجة ممكن تكسر الإنسان مهما كانت قوته النفسية هو شعور الغدر!

وشدة الكسر بتكون مبنية على مدى قُرب الغدار منه..

فلما تتعرض لموقف زي كده اوعى تستكتر على نفسك البكاء ، اوعى تستكتر على جسمك يحس بإنه متخدر، اوعى تستكتر على روحك تحس إنها كبرت ٥٠ سنة وساعات أكتر.

حس بللي المفروض تحسه، احترم ألمك، وماتفهش منه مهما اللي حواليك حاولوا يصغروه من باب التهوين عليك.

والأكيد إن مافيش وجع بيكبر ، يا بتقل حدته يا بتتعود على طعمه، الأكيد إن إحترامك لوجعك ده وتقبلك لرحلة التعافي منه هتثقلك بالوقت وهتخليك شخص جديد بيقدر نفسه ومابيسمحش بأنصاف حلول، وأسئلة تدور جواه مالهاش إجابة.

فابدا في رحلتك ياصديقي المغدور به، واحمد ربنا إنك في موقعك ده، لأن الغدار شخص ظالم ، مدعي عليه، جزء من رضا ربنا عليه مرهون بإنه ينول السماح من اللي ظلمه، هل تحب تكون في المكان ده؟!

فانطلق في تحرير روحك من الألم، واجعل من نزيف قلبك فرصة لتنظيفه من أشباه البشر ♡.


#امال_عطية.
#خلي_بالك_عليك.


@fadfadah98.

"سل الله السعة♡. "


- وحدة من أكبر اسباب معاناة الإنسان هو
" الضيق "


ضيق الاختيارات و محاصرته باختيارات معينة، محاصرته من غيره أو كونه هو يحاصر نفسه بسبب قناعات غلط اتبنت ليه أو مشاعر في غير مكانها .

ضيق المكان بيك سيء بس الأسوأ ...

ضيق دائرة علاقاتك اللي يجبرك على نوعية من الناس ما بتناسبك و تصرفات ما بتشبهك و تحجيمك لغير ما ترضى ..

ضيق الرزق اللي يجبرك تشتغل حاجات انت ما حابيها او تحرم نفسك مما احب ..

لكن الملهم انه شعور الضيق رغم صعوبته احيانا بيكون دافع ليك عشان تبحث صح عن السعة و تطلع من ضيق قناعاتك لسعة براح رزق الله ♥️.

..

فاللهم اسألك ان تتسع حياتي للمسرات و تختتم بالفردوس ،، أن توسع لي في رزقي و تبارك لي في كل ما آتيتني .

ان تتسع عيناي من المسرة و الفرح و تتسع كفاي لتجمعا من علمك و حكمتك و رزقك العظيم.

آمين♡.


#ياسمين_علي.

@fadfadah98

هذا المساء ♥️


" الأوجع من الأذى هو تعمـُد الأذى !"


ممكن نكون مرينا بمواقف كتير مؤلمة في حياتنا؛
والمؤسف إننا في بداية الأمر إتوجعنا بسبب آدميتنا الزائدة ، الطيبة والبراءة والتربية والعادات البتخلينا ما نبادر بالغلط مهما كان ..

دي كلها حاجات دفعنا تمنها في علاقات مرهقة
إذا صح الوصف.

والجانب الموجع أكتر من دا؛ هو إننا لما أدركنا روحنا
وعرفنا شنو الحاجات البتوجعنا وحكيناها لي ناس
كتير وقربناهم مننا، بدينا نحس فعلا بالندم، بالألم، بسذاجتنا قدام روحنا إنو " نحنا لسه بنتغش في الناس ! ".

بعد معاناة ورحلة طويلة مع الألم؛
حتكتشف إنو إنت ما كانت واجعاك الأذية
البتحصل ليك منهم، إنت واجعك تعمدهم
لي الأذية دي ما أكتر..

عشان كدا ما تلوموا شخص خايف يصاحب
أو يحب أو يرتبط أو يكون أي نوع من العلاقات..

فكرة التعافي من علاقات سامة
وزرع الثقة من جدبد بعد أذية كبيرة
والمبادرة من جديد بمشاعر صادقة
من حته فيها طمأنينة دي حاجات
بتاخد وقت ومحتاجة ناس بتخاف علينا بجد .


وبس والله ♡.


#محمود_المغربي.
#علاقات.

@fadfadah98

مساء الخير 💙

ازيكم؟!
وحشتوني والله،اتمنى كلكم تكونوا بخير .


اسفة عشان انقطعت فجأة ، طبعاً كل رسائلي في القناة مجدولة عشان كدة بتترسل حتى وانا ماف لاني ما كنت حابة في يوم تكون مهجور

أنا أسفة لاني قلقت ناس علي خصوصاً صحباتي القريبات لي، وشاكرة لكل حد بعت لي بيطمّن،أنا مقدرة ليكم وحقيقي مشكورة ليكم 🌸.

ربنا يغطي علينا جميعاً

أنا بخير الحمد لله،كان انقطاع عام للكهرباء والشبكة من الخرطوم دام لتسعة أيام ، ايام كانت رتيبة للغاية وموحشة بس الحمد للّٰه اهو عدت ،وكلو يهون بس بلدنا تروق .


وربنا ينصر اخوانا في فلسطين
أنا يداب سمعت الاخبار
ربنا يكون في عونهم ، ربنا يغيثهم ويجبرهم جبر عزيز مقتدر💔

السنة دي ربنا يعديها على خير، جات علينا كلنا

كل الدول العربية دي اتنكبت ،ربنا يلطف💙


#تنزيل_صابر.

-
"اعوذ بك يا الله من خمول روحي وعصبيتي واكتئابي المتزايد واعوذ بك اللهم من همومي العابرة ،وأن لا اطيق صبرا ،واستغفرك ربي صمتاً وفرحاً وحزناً وعافية💙."

اللهم صل وسلم على نبينا محمد وعلى اله و
صحبه اجمعين.

إزيكم يا مُلهمات؟!


عايزة اقول ليك في الحياة دي انتي لازم تمشي ما ينفع إنك تقيفي مطلقا لازم تاخدي القرار وتكلمي مهما كنتي مرهقة ومستاءة وخسرانة ،الحياة دي ما بتقيف تنتظر زول ولاحظي قطر العمر ماشي صح !


- اي وحده فينا يمكن يجيها سؤال كيف امشي وانا مشوشه وجايطه وفي استفهامات كتيره وببحث عن أجوبة وما لاقيه؟

اول حاجة كل الملفات المزعجة اقفليها حتى لو ما فهمتي فيها اي حاجة حاليا لازم تقفلي اي شئ مفتوح ..

صدقيني الملفات المفتوحه حترهق روحك وحتخليك تايهة

عارفه ليه؟ لانو اي تحليل او تخمين لاي شئ حيخليك تاخدي قرار ما سليم في حياتك.

محتاجة تكوني في سكينة عشان تاخدي قرار يناسب المرحلة الجايه من حياتك

وبكل هدوء حاليا وقفي اي شئ شغال في دماغك وما تدي اي شئ حيز ولو بسيط #اهدي #استرخي #اخلقي لحظة سكون بينك وبين نفسك وروقي شوية .

اي كان نوع الملفات المفتوحه اللي ممكن تكون تحديات في { المال، العلاقات، العمل} حاليا اغلقي الملفات دي بكل هدوء..

قرري انك في الكم يوم الجايات ديل انك ما تفكري في اي شئ ولا شئ ولا حتى كيف تعيشي؟ او كيف تلقي شغل؟ او كيف تنهي او تبدي علاقة؟ او اسافر او اقعد؟

بس حاليا اهدي ! ( دي حاجة بعملا دايما لمن اكون داخلة على مرحلة جديدة وعايزة احد قرار حاسم ).

- تاني مرحلة خليك بتذكري ربنا كتير🌸 استغفري كتير ، الإستغفار غير انه بيغفر الذنوب كمان بيفتح ليك ابواب رزق وبيهدي روحك ، اتذكري انو سيدنا يونس عليه السلام كان في بطن الحوت الحاجة الوحيدة اللي آنست وحشته هو التسبيح والتضرع لربنا لحدي ما في الاخر جاتو رحمة ربنا و الفرج ❤️

حاولي جاهده انك تقيمي الليل ولو ركعتين ، ان شاء الله بعد صلاة العشاء لو ما قادرة تقيمي في الثلث الأخير من الليل ، لو ما صلاة اقصاهو يكون تسبيح ، المهم تقيمي الليل.

- تالت حاجة القران ، وقبل ما تجي تقري القران إتأكدي تماما انو كتاب ربنا دا حي وانتي قادره على انك تفهمي الآيات من غير تفسير حتلاقيهو بكل بساطه بخاطب فيك.

ختي نية من جواك شديد انك عايزه تفهمي الآيات دي من في اللحظه دي وانتي هادية تماما

حيجيك ذهول انو الآيات دي بتخاطب فيك تماماً وحتفهمي براك بدون مفسر للايات رسالات الآيات دي ليك اي كان السوره اللي وقعت عينك عليها سبحان الله❤️.

أنا قبل فتره كنت بقرا ظهرت قدامي ايه خلتني اخد قرار معين وكان قرار مهم وكبير جدا في حياتي .

- حتلاقي اجوبه لكل سؤال وحتحسي بعد وقت الله اعلم قدر شنو حتلقي انو طريقك بقى واضح وانك عارفه حتعملي شنو وحتحسي بالطمأنينة للقرار المعين دا ووقتها فعليا حتمشي وتتوكلي بكل يقين وانك مرتاحه لكل خطوه حتمشيها❤️.

بس كدة
ولحدي ما نتلاقى المرة الجاية ،خليكي بخير 🫶🏼💛.
#امنة_بخات.

....

#في_النهاية
وما تنسوا دعمكم لينا بالمتابعة والتفاعل عشان نواصل 😔💛🔥

سلسلة
#إحتياجات_نفسية🎐.

فقط على قناة | @Yakoziyat

الملف 12🌸

- القسم الثاني.

تكملة في الفصل السادس :
" كل شي خربان."



#اقتباس
" إقرأ، لأن القراءةُ تجعلُ منك شخصًا أفضلَ كلَّ يومٍ🍓."


#تحدي_سبتمبر.
#قراءة_إيجابية
#خراب.

" ح يحسدوني على شنو يا حسرة !"


يحسدوك على أخلاقك،
لسانك الحلو، ضيافتك وكرمك مع ضيوفك،
حب الناس ليك، ضحكتك، على حسن ظنك بالله!

تخيل كل الحاجات ال أنت ما شايفها من كتر ما إنت حاسس إنها صغيرة وبدون قيمة غيرك راصدها وبيتمناها وممكن كمان يحسدك عليها !

ابن القيم بيقول:

" العينُ تصيب الرجل في أخلاقه، وفي سعة صدره وانشراحه، وتصيبه في ذكاء عقله فيصاب بالجنون" .


"عفانا الله واياكم ..♥️"



#بعض_من_اللطف.

@fadfadah98

مساء الروقان❤️

" حُط في بالك أنك مسئول عن علاج نفسك من آثار الناس الما كويسة اللي حوليك ،سواء طلعو من حياتك ولا لسه متواجدين وبتقابلهم يومي.

الطبيعي تحزن وتتجرح.. لكن لازم تُدرك إنو في وقت معين مافي زول حيساعدك ويعرف يطلعك من أحزانك أهم منك.. انت صاحب قرارك❤️."

- فاطمة حسن فتح الرحمن.
مُعالج نفسي.

الملف 13🌸

- القسم الثاني.
- الفصل السابع.

"الألم هو الثابت الوحيد في الكون "



(الفصل السابع الثامن مهمات شديد وفيهم الزبدة او الخلاصة كلها حقة الكتاب🫰🏻)


#تحدي_سبتمبر.
#قراءة_إيجابية
#خراب.

الملف 15🌸


- القسم الثاني.
- تكملة في الفصل السابع✅




#اقتباس:
" إقرأ، لأن القراءةُ تجعلُ منك شخصًا أفضلَ كلَّ يومٍ🪻."


#تحدي_سبتمبر.
#قراءة_إيجابية
#خراب.

الواحد حاسس انه مش عارف يمارس يومه بشكل طبيعي زي زمان ماقبل الاحداث الأخيرة وخصوصاً اللي بيحصل في فلسطين الآن.

احساس عجز وهزيمة وانت مش عارف تعمل حاجة وتساعد ، وقعدت افكر هل ده طبيعي؟ هل تأثري وتأثر يومي الشديد ونفسيتي بكل الحاصل ده طبيعي؟ ولا انا محتاجة ثيرابيست وعلاج نفسي !؟

لحدي ما قرأت مقولة طمّنتني لابن تيمية يقول فيها :

"من لم يسرّه ما يسرّ المؤمنين ويسوؤه ما يسوء المؤمنين .. فليس منهم! "


حقيقي يكاد قلب الواحد منا ينخلع من هول ما يرى، هذا ونحن الذين نحظى برفاهية "الاحتراق النفسي" من خلف الشاشات ! فما حال من يحترق ويشوى وينعدم من الوجود هناك ؟💔


والله لولا الإيمان واليقين بربنا لهلكنا وجزعنا.

فـ والله نحن منهم وهم منّا
نحزن لحزن اخواننا ،، ونفرح لفرحهم .. وهذا اضعف الإيمان ..
يارب أنصر اخوانا المُستضعفين في فلسطين ❤️😭.

صباح الخير❤️


على سيرة الحديث عن المشاعر ومدى تأثرنا الشديد بكل الأحداث المؤلمة ال حصلت خصوصا السنة دي من بدايتها على مختلف الدول العربية واللي انتهت بقضية فلسطين الايام دي، وكمية التعب النفسي والمقاومة اللي مفروضة علينا عشان نعرف نتعايش ونكمل الحياة لانو عمرها ما حتقيف ..

في ظل الاوضاع دي د. آمال عطية طلعت لايف على صفحتها في فيسبوك قبل 11 ساعة من الآن بتتكلم فيه عن الناس اللي بتفتكر انها في نقمة كونوا بتتأثر بكل المجريات دي نفسياً، وشايفاها نقطة ضعف ونفسها تحس بـ اللامبالاة و التبلّد عشان تعرف تواصل حياتها عادي بدون المشاعر التقيلة دي .

تحت عنوان خناقتنا النفسية واحنا بنخاطب روحنا
:"يا بخت الناس اللي مش بتحس!"


وبتقول قدر شنو بجد احنا في نعمة عظيمة كونوا لا نزال نملك القدرة على الاحساس بمشاكل ومصايب الناس التانية وانو التبلد اللي الناس فاكراهو شطارة ده هو الحقيقة منافي للطبيعية البشرية ونقمة مش حاجة نتمناها


ح اسيب ليكم رابط الحلقة كلها 22 دقيقة حتريحكم شوية وتطمنكم لأنو هي بجد وحدة من الناس اللي ربنا خلق عندها قبول ومحبّة ووهبها حكمة تقدر تنوّر بيها بصيرتنا خصوصاً في الفترات دي

ده لينك اللايف على يوتيوب :
https://youtu.be/BG2XvyurGzQ?si=nNP8S6F_KZHJ1e2F


اتمنى تسمعوه


ربنا ينصر المسلمين في كل مكان ويلطف بشعب غزة العظيم❤️❤️

#بنعافر
#خلي_بالك_عليك.

-

لو أن هناك شيءٌ واحد يستحق أن نستعيذ منه في هذه الأيام فهو أن نستعيذ من الفجأة، الفجأة بكل أشكالها المؤلمة ..

الموت الفجأة، الفقد الفجأة، قطع الأرزاق الفجأة، الفراق الفجأة، الإبتلاء الفجأة، الهم والحزن الفجأة، وتغير الحال الفجأة.

فقد كان من دعاء النبي صلى الله عليه وسلم:
" اللهم إني أعوذ بك من زوال نعمتك، وتحول عافيتك، وفجأة نقمتك، وجميع سخطك."

فكانت الإستعاذة ليست من البلية ذاتها بقدر ما
كانت من فجأتها.

فاللهم إنا نعوذ بك من فجأة نقمتك♥️

آمين ♡.

الملف 16🌸


- الفصل الثامن قبل الأخير🩵
" إقتصاد المشاعر "




#اقتباس:
" الألم هو ما يجعلنا نحس بأن لحياتنا معنى ، الألم هو الثابت العام الشامل في الحياة ."

#تحدي_سبتمبر.
#قراءة_إيجابية
#خراب.

في كل الأيام السيئة للغاية التي مرّت بي ،ظلّت تُنقذتني نفسُ الأشياء..

مُخيّلتي
الدعاء
الكتب
الأفلام
البكاء
النوم
الجنون
النظر للسماء
دعاء أحدهم لي
مخيلتي مجدداً
روحي الطفولية
تسريحُ شعري
رائحة زكية ما
الشاي الدافئ
طعام اشتقت له
البهجة ولو مُصطنعة
الأمل ان الله سينقذني
هاتفي الذي يشاطرني الوحدة
صديق لا يتخلى عني رغم مزاجي الحاد
الإبتعاد والذوبان عن محيطي الإجتماعي
وفشل جميع خططي في إنهاء حياتي.


🏷تنزيل صابر.

هذا المساء❤️..

" يستاهل البرد، من ضَيع دفاه ! "


بتحكي :

دخلت في علاقة على أساس إنها تنتهي بزواج سعيد وبسيط جداً وقدمت فيها أصدق وانبل المشاعر، قدمت كتير وبادّرت بطريقة خلت كُل صاحِّباتي يقولوا خليهُ، أحرميهُ ما بستاهلّك، تستاهلي تتحبّي وتستحقي كل جميل وغيره من الكلام ..

بعد فترة سافرّت وزُرت إحدي المُستشفيات قعدت دكتورة لطيفة جنبي لقيت نفسي بقول ليها :
"مُمكن أستشيرك؟ "

لقيتها بترّحب وبترُد ب" جداً"
ما كُنت عارفة أبدأ ليها من وين بس حكيت كل شيء جوايّ ووضحت إني ما كويسة خالص لأنه بطبعي شفافة جداً في كل شيء .

بعد بُكاء ودموع كتيرة وكُنت متأكدة وواثقة تماماً من إني ما قصرّت خالص ومِعطاءة أول جملة قالتها :

" إنتِ طيبة شديد، ومشاعرّك صادقة حِّبي نفسك وما تندمي على الفات ."

وأرّفقت كلامها ب :

" إنتِ غالية شديد وتستاهلي إنسان غيّر،
الدُنيا دي فيها ناس رهيبين خلي الحاجه دي تكون تجرُبة ليكِ ودرّس للقدام، البني آدم اللي شاريكِ بتلقيهُ ببادّر عشانك وبديكِ هو كمان، وقفي العطاء اللي بتقدمي فيهُ وأحرميهُ من الحاجات الكُنتي بتعمليها، العايزّك ما مُحتاج يقول إنه عايزّك أفعاله هيَّ الح تثبت ليكِ، أيوه الكلام ساهِل شديد بس التطبيق صعب ف قوي قلبّك وحكمّي عقلك."

كان أول سؤال صاحِّباتي بسألوني ليهُ لمّا أجي أحكي ليهم :

" إنتِ الجابرك شنو على ده كله، وليه مُستحملة الأذية دي كُلها؟"


☆ إستنتاج ما قبل النهاية :

الإنتقائية جميلة شديد لازم تقيمّي نفسك وتدّيها فُرصة، ما تختاري دايماً تكوني الطرف المُقدم كل شيء وما تتعودّي على العطاء الدائم والمُستنزف والمُهلِّك، كُل بنوتة فينا لازم تحسّ نفسها مُقيمة ومُقدرّة قدّر عظيمْ، ليه ندخل في علاقات تخلينا نتمرّجح ونتخبط فِي فراغ الضبابية مؤذي، الواحدة بتذبُّل لو ما إتقدّرت وإتحبّت من نفسها قبل ما تتحّب من طرف تاني !

ما تربطي نفسك وحياتك بزول ما قادر يقدّرك ويقدم قليل الإهتمام، ولا تدخلي في علاقة مُحرمة، عشان ما تعايني لي نفسك بِصغرّة، أبعدي عن العلاقات المليانة ضبابية وما توقفي حياتك بي سبب تجرُبة ..

وزي ما قال عبد الماجد :

" كُلنا في يوم فشلنا في تجارب بس دا أبداً ما بيعني إنو نحن فاشلين أو التجربة اللي عشناها ما بتستحق الإعادة."


#وفي_النهاية..

" أتمنى ان نجد نهايةً نستحقها بعد كل ما
مررنا به❤️."


ولا تنسو الصلاة على المنصور❤️



#وعد_الدرديري.
@fadfadah98

الملف 17 🌸


- تكملة في الفصل الثامن 🩵
" إقتصاد المشاعر "





#تحدي_سبتمبر.
#قراءة_إيجابية
#خراب.

مساء الخير حباً♥️


انت عارف ان أسوأ عقاب ممكن تعاقب بيه شخص مش أنك تهينه أو تكرهو ؟
لأ خالص!

أسوأ عقاب فعلًا أنك ترجعه لنقطة البداية وخانة الصفر ، وأنو يبقى 'شخص غريب" مع إضافة بسيطة وهي أنو يبقى "بدون فرصة" !

لأنو الغريب ممكن تتعامل معاه عادي وعنده فرصة يبقي قريب ، بس الشخص ده خلاص أستنفذ كل فرصه، فـ انت حتحرمه من كل صلاحياته بدون ما تهينه.

مُش بس يبقى على الهامش بعد ما كان في الـ center بتاع حياتك وكل حاجة بالنسبة وخلاص ، لأ دا الأسوأ أنه يكون عارف إنو أي عابر سبيل ليه فرصة أكبر منه هو شخصيًا في أنه ياخد مكانته " أو بالأصح اللي كانت مكانته" .

الإهانة والخناق مفيش أسهل منهم، بس العقاب الأرقى أنهم يحسوا إنك بطلت تشوفهم زي ما كنت بتشوفهم وإنو أفعالهم طَفتهم في عينك.


#وفي_النهاية..

زي ما قال ‏مارك توين : " أنا لا أنتقم بل أُعيد الشخص غريباً كما كان ".


#علاقات .
@fadfadah98