"البنت لازم تشبع بنوّة❤️."

بتفق شديد√

مساء الخير 💜

عايزة اقول ليكم انو الليلة كانت البداية مع أول دفعة في اول كورس اقدمه

متحمسة ومبسوطة وممتنة انو ربنا وفقني ليه ،وان شاء الله حتكون رحلة ممتعة ما بس مجرد كورس ياخد ليه شهر او اتنين

ديل مادتين في كورس واحد !
Obstetrics+ Gynecology

واحنا ما ورانا شي طبعاً لا ح نمشي برااحة وبمزااج ونزبط كل حاجة ان شاء الله 💜

أول دفعة دي يعني كل الاجتهاد والاخلاص عشان عايزو في الاخر بطلع ع قدر الإمكان حاجة perfect ترضي ربنا وتحلل القروش البتاخدها وتعمل سمعة كويسة طبعاً في مجالك .

أنا بحب ال teaching و متفائلة بالدفعة دي🌸.


مشاء الله اكتر من 20 طالب والعدد ماشي في زيادة ولسه الفرصة قائمة طبعاً .

ما بشكر نفسي لكن دي فرصة ذهبية عشان تستفيد من قعادك ساي والجامعات الواقفة وتكزن انجزت حاجة لحدي ما تفتح الجامعات والحياة ترجع قريب .

وكورس بالسعر ده ما بتلقي على ثقة
أنا لحدي ما اتخرجت أقل كورس كان ب 5 و 6

واسي كورس Terminology ساي ما بتلقى بالسعر ده😂 ، أنا حبيت أعمل حاجة تكون متيسرة للأغلبية وفي نفس الوقت ده بالنسبة لي تحدي مع نفسي 🔥.

الحرب دي تخلص بجاي السعر حيبقى ضعف😂🙊💔 عشان تقولو ياريتنا انتهزنا الفرصة من زمان( بهظر بهظر ح ازيدوا طبعا لكن ما لدرجة الضعف :")

إحنا already الليلة بدينا
واخدنا introduction بس

المحاضرات والماتريال كلها حتكون على قناة المحاضرات الخاصة محفوظة باذن الله.

• تعال وجيب صحبك وخلينا ننجز حاجة قبل الحرب دي تنتهي ونقول استفدنا و وقتنا ما راح ساي💜


ده الاكاونت بتاعي مُرحب بيك في أي وقت
http://www.tg-me.com/Tanzeel98


#يلا_نزبط_الأوبس

-

" ونسألك ألا يحوّل بيننا وبين النِعم جُحود، ألا يصرفنا ضِيق الأُفق عن الاستشعار، أو تصدُنا ضآلة الفعل عن الإمتنان، ألا يدفعنا التكرار للعمى، وأن نزداد بصيرةً وشكرًا كُلما تعاقبت علينا النّعم💙."

اللهم صل وسلم على نبينا محمد وعلى اله وصحبه اجمعين.

أول طريقة عشان تنجح في زواجك و شغلك و صداقاتك إنك تبدا تشتغل على نفسك و على المطلوب منك قبل ما تعاين إنت بتلقى شنو

قبل كل شي تبدا تضوي جواك و تصلح من نفسك و تصرفاتك و تقدم لنفسك التقدير و الرحمة و تتصرف على أساسهم و تقدم للطرف التاني حقوقه و احترامه ..

حتلقى الأمور ماشة صح بإذن الله ..

قال سبحانه وتعالى: ( ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )🌸.


#ياسمين_علي.

@fadfadah98

"هناك العديد من الطرق البسيطة لتوسع
عالمك، وحب الكتب هو أفضلها على الإطلاق🤍🪴".


قناة "مكتبتي " ♥️📖

هنا مُلتقى عُشاق القراءة والإقتباسات

https://www.tg-me.com/GedoLibrary

هـذا الصباح بِكُل المحـبّة الخـففت عليـنا وأدتـنا لحـظات في العـمُر من البهجة ..
" المُحاط بأحبّته آمن ، آمن♥️."


الليلة لفتتني جملة عظيمة بتقول:

" your anxiety won’t ruin your relationship with the right person".

يعني : " قلقك عمر ما حيدمر علاقتك مع الشخص الصح ."

وده حقيقي وشفته بعيني واقتنعت بيه.

الصراحة احنا كلنا عندنا نسبة من القلق ،درجاته بتتفاوت من واحد للتاني وفي الاشخاص اللي حقيقي بعانو من قلق مرضي وبيكون فعلاً محتاج تدخل طبي نفسي ، ركز أنا قلت (بيعانو) يعني دي حاجة هو ما اختارها بنفسه، ظروف الحياة الطاحنة والتجارب القاسية اللي مرّ فيها طبعت في نفسه الحاجة زي غيرها من المشاكل والجروح النفسية..

كلنا بلا استثناء جوانا مخاوف ،ضعف بنعاني من هشاشة نفسية وفراغ عاطفي ، كلنا عدينا بتجارب سابت أثارها جوة روحنا للآن مش عارفين نتعالج منها

بس خليني اقول انو اللي بيعمله الشخص الصح في حياتنا أنه يحتوي القلق ده ، والخوف وكل المشاعر ده ، بدل ما يعاير و يجرح زيادة نظام امشي اتعالج أول و بعداك تعال لم تخف ! ، لا ده اللي بقول ليك:

" تعال نقلق سوا "

" تعال نخوض الحاجة اللي تعباك دي سوا
و نلاقي لها حل ."

" تعال أنت تعبك من تعبي "

اللي شايف كل حاجة بتهون لم تكونوا فيها سوا مهما كانت شدتها ، اللي بيعمله الانسان صح انو هو أنه بيطمّنك بوجوده معاك ، بيخليك تكتسب ثقة بنفسك عشان انت عارف انك مش لوحدك في الطريق ده.

الشخص الصح بتلاقي معاه الأمان اللي هو الحاجة الوحيدة اللي حقيقي عليها بتسمي دي علاقة صحية ولا لا الحاجة اللي بتكسبها من علاقتك مع الشخص الصح ، الأمان هو الاساس اللي بتقوم عليه العلاقات اصلاً ومفتاح استمراريتها.

ده شعور زي الإرتواء ، او الشبع بس شبع روحي كدة ، كأنك مكتفي و خلاص ، ويا بخت اللي حسّ بيهو.

- على الهامش :
المُحاط بأحبّته آمن، و يكفينا من الدنيا طمأنينة قلب صادق يُرافقنا ، نأنس به و يأنس ♡."



#على_آخر_السطر

" كتوف الأحبّة والأصدقاء ما هي إلا محطات أمان نسندُ عليها أرواحنا المُنهكةمن الركض في طرقات الحياة غير المُعبّدة والمليئة بالحُفر♥️."


#تنزيل_صابر.
#الكثير_الكثير_من_الحب.

@fadfadah98

الملف التاسع🌸


تكملة في الفصل الرابع
و بداية الفصل الخامس الأخير في القسم الأول1⃣✅


..

( عودة أخيرا بعد غياب اللي كان مفترض يومين بس لكن التسويف نخليه لمنو😂!!)



#قراءة_إيجابية.
#خراب.

إزيكم يا مُلهمين؟!

نتكلم الليلة عن موضوع مهم خالص وخصوصاً في الفترة اللي بنعدي بيها دي


س/ كيف نتجاوز مرحلة صعبة؟!


كلنا بتمر علينا فترات صعبة بتكون مشاعرنا فيها سلبيه جدا و حاسين بكمية من الضغط و التوتر والاستياء والملل ..

إنتي ك ملهمة كيف بتتخطي الفترات دي وتتغلبي على الضغوطات دي بتعملي شنو عشان تخففي عليك التوتر وتفضلي محافظة على صحتك النفسية؟؟

( شاركونا روتينكم وكيف بتطلعو نفسكم من الاجواء المكهربه دي)

دي شوية حاجات ممكن تعمليها عشان تساعدك انك تخففي الطاقات السلبية دي :

1_ المشي🌸

في سواء تتمشي في الطبيعة ، في بحر ،في حديقة او أي مكان عموماً ، لانو المشي و التأمل ف الطبيعيو بشيلو منك الطاقات السلبة وعندو تأثير سحري عديل ..

وما تنسي وانتي بتتمشي تعملي شهيق وزفييير، وتحاولي تسترخي وتركزي على الطبيعة اللي جمبك ، على شجر ، زهور طبور ، على البحر او الغيوم المهم حاولي تتأملي وتعايني في جمال ربنا.

٢_ اكتبي مشاعرك السلبيو او اي افكارك اللي راسك ، الكتابه عباره عن تفريغ للشحنات السالبة وبتخفف من التوتر وبتكون زي مواساة ليك ، خصوصا او ما عندك شخص بتشكي وتفصفضي ليه ، والحاجة دي ما تزعلك حتى اللي عندو صاحب بحكي ليه ما كل يوم بيشكي او بيعرف يحكي كل حاجة ..
في حاجات بتطلع بس في الورق وفي سجادة الصلاة مع ربنا 💛
اتكتبي عشان تخففي overthinking .

٣_ بما انو جبنا سيرة الكتابة، اكتبي كمان قائمه بي الصفات ال بتحبيها في نفسك اي صفة جميلة فيك حاولي اكتبيها بالاضافة للحاجه الانتي حابة نفسك تكوني عليها وتشتغلي على الصفات دي، ما تقولي لي ما عندي او ما عارفة😂 دي فرصة عشان تعرفي يلا ، اقعدي مع نفسك كتير وركزي معاها.


٤_الطبطبة على نفسك بكلمات لطيفة ومحببة طول الوقت عشان تزكريها بقيمتها وقدر شنو هي عندها حق عليك وتدلعيها وتعملي ليها support وتحاولي تحفزيها وتعززي الثقة الجواك وتمشي بمقولة(لنفسك عليك حق).


٥_حضن الذات لتخفيف الشعور بالوحدة🌸
يلا كيف؟؟!
تكوني حنينه عليها وتواسيها دايما وتحفزيها وتهتمي بيها تقيفي قدام المرايا وتستشعري النعم اللي عندك وم تلوميها كتير ، الفترة دي صعبة علينا كلنا وانتي اكتر وحدة محتاجة طبطبة وتخفيف وعارفة محتاجة تسمعي شنو او الحاجة ال بتريحك ، فقولي الكلام ده لنفسك .

٦_قضاء وقت اكتر مع الناس الانتي بترتاحي ليهم 🌸
وهنا انت لازم تنقي الناس الحوليك كويس، تشوفي منو بوقعدي او تتكلمي معاه بتطلعي منه مرتاحة وفيك إيجابية ، اي شخص م بضيف ليك وبخصم منك بالعكس اكتر حاولي اتجاوزيو عديل ، ابعدي قدر الإمكان من الناس المتشائمة دي💛.

٧- حاولي اتذكري الحاجات وال activities الكنتي بتعمليهم وبتدخل ليك بهجة وسرور لنفسك🌸
في بنات بحبو الشوبينق ،ان شاء الله لف ساي في الاسواق😂، في بنات بحبو القراءة ، متابعة مسلسلات او افلام ، رسم ، طبخ ، خياطة ، المهم حتى لو انتي ما نفسك تعملي الحاجات دي اسي زي زمان ، تعالي على نفسك واعمليها ،وشوية شوية مع الوقت حترجعي تستمتعي بيهم والله🥺


٨- دخلي نشاطات جديدة وقابلي واتعرفي على ناس جداد🌸

خصوصا لو الحاجات اللي كنتي زمان بتعمليهم لقيتي أنك بطلتي تستمتعي بيهم ، واحشري نفسك وسط مجتمعات جديدة او ناس جداد عشان تضيفي عناصر جديدة لحياتك وتغيري.


٩- اوعك من العزلة ، اوعك من العزلة اوعك من العزلة والوحدة عشرة مرااات🌸


بس كدة !

دي كل الحاجات البساعد بيها نفسي وحبيت انصحك بيهم ، لحدي ما نتلاقى مرة تانية..
خليكم بخير 💛

...


وما تنسوا دعمكم لينا بالمتابعة والتفاعل عشان نواصل 😔💛🔥

سلسلة
#إحتياجات_نفسية🎐.

فقط على قناة | @Yakoziyat

الملف العاشر🌸

تكملة الفصل الخامس:
" الأمل في خراب"


وكدة خلصنا القسم الأول من الكتاب يا حلوييين🥳🩵


فخورة فيني وفيكم🥺🩵



- نقرا ونخلي اقتباساتنا في التعليقات كالعادة√

#تحدي_سبتمبر.
#قراءة_إيجابية
#خراب.

صباح الخير ❤️


ياجماعة طبعا حيقابلوكم ناس في الحياة بكونو عبارة عن " one night stand bond"

اللي هو شعور بالارتباط لمدة يوم واحد!

كيف يعني ؟؟!
شوفو السيناريوهين ديل:

اتونست مع زول، ضحكتو مع بعض، شكيتو مشاكلكم الشخصية و العاطفية، جريتو الونسة، لمن حسيت انو بقا بينكم ارتباط قوي انت و الزول دا، او على اسوأ تقدير بقيتو فِرد، تاني يوم تجي تتعامل معاو فجاة تلقاو بارد و التعامل فاتر و فجأة رجعتو غرباء تاني❗

او

لاقيت شلة عزموك طلعة معاهم و هيصتا و اتصورتا و برمجتو و اتونستو، و تاني يوم لمن جيت تتعامل معاهم حسسوك ما عايزين زول جديد في القروب🚫

طيب فهمهم شنو النوعية دي؟؟!

احب اقول ليك انت لا عاملين ليك سحر تعطيل ❌
لا بتجذب النوعية دي من الناس❌

ديل ناس م عارفين هم عايزين شنو، غالبا غطو بيك غياب زول، تمو بيك عدد، عدو بيك لحظات انتظار، بس الاكيد الbond الحصل ليك وقتها ما حقيقي

طيب انا اعمل شنو؟‼️

انت العليك انك لمن تلاقي شخصية من النوع دا، او قروب من النوع دا يتعامل معاك ت #برمج_بيهم🤷

ااي البرمجة الواحدة دي🏃

ونسة اتونس، طلعة مع شلة اطلع، هيصه هيص...

لمن يتغيرو!!!

اديهم ضهرك و امشي، ما تحلل كتير، وما تفكر كتير

تااااني ظهرو ليك؟!!
تاني برمج بيهم، اختفو؟؟ اعمل رايح🤷

وشتان ما بين تبرمج بزول و ما بين تبرمج معاااو😉
اصحابك بتبرمج معاهم..الزي ديل بتبرمج بيهم👌

حتكون مصنفهم ناس #ونسة
وشتان بين ناس #الونسة و ناس #الثابتة

هم اختارو اللون الرمادي
اختارو يكونو ف مقعد النص
ما لازم تحجز ليهم الحافلة كلها

اول ما تفهم الناس القدامك، تلقائيا انت كدا فايتهم خطوة🌹.


ملحوظة ..

" الحركة الفوق دي ما بتشمل العلاقات العاطفية او زول حصل بينك و بينو ارتباط عاطفي، لانو ما مقبول الزول يكون طرف في تلاعب عاطفي بأي شكل من الاشكال سواء جاني او ضحية!."

وبس كدة ♥️


#علاقات


#Hajir_barsi.
@fadfadah98

الملف 11🌸

- القسم الثاني
- الفصل السادس :

" كل شي خربان🤷🏻‍♀!"



#اقتباس:
" ضع إلى جوارِ سريرِك كتابًا تقرأُ فيه إلى أن تخلدَ إلى النوم، واقرأ ولو لخمسِ دقائقَ، وستجدُ أنَّك بعد مدَّةٍ أنجزت من القراءةِ ما كنت تظنُّ أنَّك غيرُ قادرٍ على فعلِه، وستتغيَّرُ عقليتُك في التفكيرِ كثيرًا🪴."



#تحدي_سبتمبر.
#قراءة_إيجابية
#خراب.

مساء الخير حباً 🤍🎐


" الحقيقة ان أكتر حاجة ممكن تكسر الإنسان مهما كانت قوته النفسية هو شعور الغدر!

وشدة الكسر بتكون مبنية على مدى قُرب الغدار منه..

فلما تتعرض لموقف زي كده اوعى تستكتر على نفسك البكاء ، اوعى تستكتر على جسمك يحس بإنه متخدر، اوعى تستكتر على روحك تحس إنها كبرت ٥٠ سنة وساعات أكتر.

حس بللي المفروض تحسه، احترم ألمك، وماتفهش منه مهما اللي حواليك حاولوا يصغروه من باب التهوين عليك.

والأكيد إن مافيش وجع بيكبر ، يا بتقل حدته يا بتتعود على طعمه، الأكيد إن إحترامك لوجعك ده وتقبلك لرحلة التعافي منه هتثقلك بالوقت وهتخليك شخص جديد بيقدر نفسه ومابيسمحش بأنصاف حلول، وأسئلة تدور جواه مالهاش إجابة.

فابدا في رحلتك ياصديقي المغدور به، واحمد ربنا إنك في موقعك ده، لأن الغدار شخص ظالم ، مدعي عليه، جزء من رضا ربنا عليه مرهون بإنه ينول السماح من اللي ظلمه، هل تحب تكون في المكان ده؟!

فانطلق في تحرير روحك من الألم، واجعل من نزيف قلبك فرصة لتنظيفه من أشباه البشر ♡.


#امال_عطية.
#خلي_بالك_عليك.


@fadfadah98.

"سل الله السعة♡. "


- وحدة من أكبر اسباب معاناة الإنسان هو
" الضيق "


ضيق الاختيارات و محاصرته باختيارات معينة، محاصرته من غيره أو كونه هو يحاصر نفسه بسبب قناعات غلط اتبنت ليه أو مشاعر في غير مكانها .

ضيق المكان بيك سيء بس الأسوأ ...

ضيق دائرة علاقاتك اللي يجبرك على نوعية من الناس ما بتناسبك و تصرفات ما بتشبهك و تحجيمك لغير ما ترضى ..

ضيق الرزق اللي يجبرك تشتغل حاجات انت ما حابيها او تحرم نفسك مما احب ..

لكن الملهم انه شعور الضيق رغم صعوبته احيانا بيكون دافع ليك عشان تبحث صح عن السعة و تطلع من ضيق قناعاتك لسعة براح رزق الله ♥️.

..

فاللهم اسألك ان تتسع حياتي للمسرات و تختتم بالفردوس ،، أن توسع لي في رزقي و تبارك لي في كل ما آتيتني .

ان تتسع عيناي من المسرة و الفرح و تتسع كفاي لتجمعا من علمك و حكمتك و رزقك العظيم.

آمين♡.


#ياسمين_علي.

@fadfadah98

هذا المساء ♥️


" الأوجع من الأذى هو تعمـُد الأذى !"


ممكن نكون مرينا بمواقف كتير مؤلمة في حياتنا؛
والمؤسف إننا في بداية الأمر إتوجعنا بسبب آدميتنا الزائدة ، الطيبة والبراءة والتربية والعادات البتخلينا ما نبادر بالغلط مهما كان ..

دي كلها حاجات دفعنا تمنها في علاقات مرهقة
إذا صح الوصف.

والجانب الموجع أكتر من دا؛ هو إننا لما أدركنا روحنا
وعرفنا شنو الحاجات البتوجعنا وحكيناها لي ناس
كتير وقربناهم مننا، بدينا نحس فعلا بالندم، بالألم، بسذاجتنا قدام روحنا إنو " نحنا لسه بنتغش في الناس ! ".

بعد معاناة ورحلة طويلة مع الألم؛
حتكتشف إنو إنت ما كانت واجعاك الأذية
البتحصل ليك منهم، إنت واجعك تعمدهم
لي الأذية دي ما أكتر..

عشان كدا ما تلوموا شخص خايف يصاحب
أو يحب أو يرتبط أو يكون أي نوع من العلاقات..

فكرة التعافي من علاقات سامة
وزرع الثقة من جدبد بعد أذية كبيرة
والمبادرة من جديد بمشاعر صادقة
من حته فيها طمأنينة دي حاجات
بتاخد وقت ومحتاجة ناس بتخاف علينا بجد .


وبس والله ♡.


#محمود_المغربي.
#علاقات.

@fadfadah98

مساء الخير 💙

ازيكم؟!
وحشتوني والله،اتمنى كلكم تكونوا بخير .


اسفة عشان انقطعت فجأة ، طبعاً كل رسائلي في القناة مجدولة عشان كدة بتترسل حتى وانا ماف لاني ما كنت حابة في يوم تكون مهجور

أنا أسفة لاني قلقت ناس علي خصوصاً صحباتي القريبات لي، وشاكرة لكل حد بعت لي بيطمّن،أنا مقدرة ليكم وحقيقي مشكورة ليكم 🌸.

ربنا يغطي علينا جميعاً

أنا بخير الحمد لله،كان انقطاع عام للكهرباء والشبكة من الخرطوم دام لتسعة أيام ، ايام كانت رتيبة للغاية وموحشة بس الحمد للّٰه اهو عدت ،وكلو يهون بس بلدنا تروق .


وربنا ينصر اخوانا في فلسطين
أنا يداب سمعت الاخبار
ربنا يكون في عونهم ، ربنا يغيثهم ويجبرهم جبر عزيز مقتدر💔

السنة دي ربنا يعديها على خير، جات علينا كلنا

كل الدول العربية دي اتنكبت ،ربنا يلطف💙


#تنزيل_صابر.

-
"اعوذ بك يا الله من خمول روحي وعصبيتي واكتئابي المتزايد واعوذ بك اللهم من همومي العابرة ،وأن لا اطيق صبرا ،واستغفرك ربي صمتاً وفرحاً وحزناً وعافية💙."

اللهم صل وسلم على نبينا محمد وعلى اله و
صحبه اجمعين.