للصديقة ألاء❤️
https://www.tg-me.com/feel3

" ماف أي مبرر لي قلة الاحترام ف العلاقات
مريض نفسي تتعالج.. قليل الأدب تتربى.! "


لو كل واحدة ماشة بالكلام ده في علاقتها مافي واحدة ح تتاذي..

بس لا
لازم تجامل وتجي على حساب نفسها ..

لشنو يعني !؟
عشان عِندك فراغ ما عارفة تمليه ؟!


ياريت تفهمي انو العلاقات اتخلقت للسكون والراحة ما لغير كدة ، الدنيا ما ناقصة اللي يجي يصعبها ويعكّرها ..

= وقعت ؟!❤️

#علاقات.

بسم الله نبدأ وبه نستعين ..🌸

نبدأ تحدي #قراءة_إجابية السادس لينا🔥



• اقتباس:

" إن اكتساب عادةِ القراءة وإحاطة أنفسنا بالكتبِ الجيدةِ ، هو بمثابة بناءِ ملجأ نفسيّ يحمينا من أغلب مآسي الحياة🌻.‏"
_ سومرست موم.


#تنويه!

كتاب | خراب لمارك مانسون

300 صفحة تقريباً ، ح اقسمه في شكل ملفات صغيرة كل واحد 20 صفحة ، بكدة حجم الملف ما بتجاوز ال 2-3 ميقابايت

كل يوم ان شاء الله في ملف حينزل ، بعده استفتاء ح تعمل عليه (تم✅) عشان اعرف الماشين كويس معاي منو من الكسلانين🌝

لو حسيت بالملل من البداية او المقدمة ما تستعجل بالحكم وحاول واصل في القراءة حتغير رايك ( من تجربة شخصية اكتشت انو في كتب كتيرة كنت ح اوقفها لو كان زهجت منها من البداية ، بسلم واصلت فيها ووصلت المنتصف بالزات اتحمست واتعلقت بالكتاب وخلصته ).

- الاقتباسات مهمة جداً ، كأنها الخلاصة او الفكرة المُجملية اللي طلعت بيها من قراءتك ، وكدليل ليك أنك اخذت اثر معاك من الكتاب ( مستحيل اقرا كتاب او حتى رواية بدون ما اطلع منها باقتباسات ) ...
ممكن تكون اسكرين لنص معين ، او تنسخ النص كتابةً وتحتفظ بيهو في note ، شوف الطريقة اللي تعجبك ، بس لازم ع الأقل تطلع بجملة واحدة في كل مرة .

- حسب تفاعلكم ورايكم لو لقيت انو كل يوم 20 صفحة كتيرة ، نخليها يوم بعد يوم.

- اخترت 20 صفحة لأنو لم جيت حسبتها لقيت انو ممكن نخلص منه في اسبوعين تقريبا او 15 يوم ،بس راحتكم اهم حاجة ممكن نقللّ عدد الصفحات إذا لزم .. 🌸


- واذا في شخص حاولت بجد يقرأ او يستمتع بالكتاب وما عرف ،يرسل لي في الخاص اقدم ليه اقتراح تاني ، وانا ح اتابع معاهو شخصياً ..
المهم يواصل معانا في تحدي القراءة .


- اما لو لقيت في اجماع عام من الكل انو وقف الكتاب حنوقفه علطول ونشوف غيره، اهم شي راحتكم زي ما قلت ليكم 😂❤️.

- مجموعة المناقشة مهم أنكم تدخلوها عشان فيها حننزل الاقتباسات ونتناقش عن الكتاب فا عايزة التعليقات تظهر ليكم ، ده الرابط :

@fadfadah980

• نصيحة آخيرة

" ليست العبرةُ في كثرةِ القراءة ، بل في القراءة المجديّة."


فـ إقرأ بتمعّن وتريّث ..
لانو الغرض مش القراءة وخلاص ، لا الغرض والمقصد يجب أن يكون أبلغ وأسمى، القراءة دي وسيلة تعزز بيها من ثقافتك، وعيك ، إيمانك، قوّتك النفسية ولغتك ،و وسيلة لترويح النفس.


• اذا عايز لمحة عن الكتاب ارجع للبوست ده
https://www.tg-me.com/Fadfadah98/9120

•واذا حابب تقرا الكتاب براك وتقسمه على راحتك ، حتلاقيه هنا
https://www.tg-me.com/Fadfadah98/9050


• لو أول مرة تسمع بمصطلح #قراءة_إجابية وعايز تعرف فكرة التحدي ، وعايز تعرف آخر كتاب اخدناه .. ارجع للبوست هنا :

https://www.tg-me.com/Fadfadah98/4943


نقطة سطر جديد ..

= يلا بينا ؟
يلا ❤️


#قراءة_إيجابية.
#سوا_بنقدر.

الملف الأول🌸.

مقدمة + الفهرس+ الفصل الأول :
" الحقيقة غير المريحة."


#قراءة_إجابية.
#خراب

الملف التاني🌸.

تكملة الفصل الأول + جزء من الفصل الثاني

" التحكم بالنفس ..وهم!" .

• في قصة ملهمة جداً عن تأثير المشاعر في اتخاذنا للقرارات وكيف بدونها نخسر كتير.

(ما ننسى الاقتباسات نشاركها تحت في التعليقات).

متابعة ممتعة💙

#قراءة_إجابية.
#خراب

الملف الثالث🌸.

تكملة في الفصل الثاني .

• جزئية اليوم تحكي لينا عن العقل المُفكر وعقل العواطف او المشاعر ، وياتو واحد فيهم هو اللي ماسك زمام التحكم ؟!


أنا أستمتعت بجزئية اليوم لدرجة ما عارفة اشارك شنو كإقتباس واخلي شنو🥺🩵

🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

"كُنتِ معاي كل ما أتوه بلاقيكِ للعُمر سلوي♥️."


ماف حد قبلها عرف ياخد قلبي ، ولا عرف يخليني احبه زي ما حبيتها ..
للان بقول انو المحبّة دي جاية من ربنا و مُباركة ،ما كان حيكون في سبب أقوى من كدة للحب ، أنك تحب انسان في الأساس بس عشان ربنا كان مُقدر ليك كدة .


أنا مُؤمنة بأنو هي جات على هيئة تعويض لي على تعب كتير ، وعلى ناس كتير استهانت بمحبتي وقلبي ، على وحدة ووحشة كتيرة كُنت محبوسة فيها.

جات واثبتت لي انو دايما في عُسر بعد يُسر، نهاية حلوة ونور في آخر النفق ، وأنو لُطف ورحمة ربنا بتجي على هيئة بشر بالجد.

ريم فضلت ثابتة في قلبي ،
بل ظلت كل طول السنين محبّتها بتزيد وتثبت لي مع الأيام انو هي فعلاً استحقت قلبي ، وعمره ما كانت في حاجة كتيرة عليها.

اثبتت لي انو لو زول ممكن أني احارب الدنيا عشانه حتكون هي ، لو في زول ح ابيع الكل عشانه حتكون هي.

وهي ما تعبت أبداً بدورها تزكرني بقيمتي عندها ، بمحبّتها ، وكيف انو هي مستعدة تحارب بدورها عشاني .

ريم وانا وهي لسه معرفتنا سطحية اثبتت لي بمواقف صغيرة وتفاصيل (ممكن تكون هي نفسها ما متذكراها) انو دي الزولة ال ممكن تبقى ليك ضهر تتسند عليه ، ممكن اثق فيها وعمري م ح اندم ، اثبتت لي انو هي بت بمليون راجل وحيطة يتسند عليها بمحبّتها الخالصة واهتمامها وخوفها .

البدايات الحلوة في علاقات كتيرة بتديك احساس زائف بالآمان، بتكون حاسس لسه انو دي البدايات بس ! ، بتكون خايف فيها من النقاشات والخلافات والصدام ، بس معاها هي انا بكون مطمّنة انو حتى واحنا في الخلافات بكون قلبها عليّ ، بتخاف علي وعمري ماهُنت عليها..

وإحساس" أني ما أهون" ده كان اكتر حاجة كنت فاقداها ، وحسيته لأول مرة معاها .

أنا وهي بنختلف ونتزاعل ونتصادم في نقاط ونعاتب بعض ، وحرفياً هي اكتر زولة بخش معاها في خلافات، كل علاقاتي التانية سطحية وانا النوع ال ما بعاتب الا لو كنت بحب بالجد ، بس دايماً بنلقى طريقة نحل كل حاجة.

و هو الشوق عموماً بحنِّنا لبعض ، فما بنقدر نطوّل في الزعل ♥️.

أنا فزت بزولة حنيينة وقلبها رهيف ، معجونة بمحبّة، علمتني احب صح ، كل يوم بتعلمني احبّ نفسي واتمسك بالحياة.

أنا جاية اقول انو ربنا بعوّض ، ومرات رزقك السمح بكون انسان ♥️.

أنا جاية اقول الدنيا لسه بخير والله ،وفي أمل نلقى ناس صح ، اصحاب صح ، علاقات تضيف لينا وتنوّرنا رغم العتمة اللي عايشين فيها.


ما بتمنى غير تتبارك علاقتنا ،وتتبارك الايام ال حنقضيها في الدنيا دي يا ريم ، وصُحبتنا للجنة يارب.



#في_الختام

" بحبّك ♥️"
ولو كان في أبلغ من بحبك كنت قلتها ليك :")



- المُخلصة..
#تنزيل_صابر


🏷خِطابات إلى الريم.

الملف الرابع🌸.

الفصل الثالث :
" قوانين نيوتن في المشاعر والإنفعالات"



🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

هذا الصباح ♥️

اعترافك بي وجود مشكلة ما .. على قدر ما هو جزء كبير من حلها ( لأنه في ناس أصلا ما معترفين بي وجود المشكلة و في ناس أصلا ما عارفين أنه في مشكلة و ديل لسة بعيدين شديد ! )

اعترافك دة ما كفاية ..!

ما كفاية انك تقول أي أنا عارف انه التصرف الفلاني غلط ولا القصة الفلانية هي مشكلة حقيقية في حياتي ..

و تفتكر انه انت كدة منيت علينا أو على نفسك بي أنك معترف بيها

عليك إنك تسعى سعي دؤوب لي حلها

و ما حتتحل طوالي ..

والا كان مافي مشكلة ولا في تعقيدات في الحياة دي

كان كلنا صحينا من النوم بطريقة سحرية ما و حلينا كل خلل و انتهينا ..

و لكن الاجتهاد في ايجاد الحلول هو المطلوب فعلا ..

في عالم يضج بالميديا و بالمواد التعليمية و بالإرشاد النفسي و الروحاني و العقلي

لا يمكن تقعد مكتوف الأيدي..!

اجرب مرة و اتنين و عشرة و مية و ألف لو احتاج !

بس أصل لي حل ..

افك عن نفسي و عن محيطي الأزمة اللي أنا فيها دي ..

كمثال .. أنا عارف اني "ماسورة" و بتأخر في مواعيدي و بلخبط حياتي و حياة الناس المعاي..

طيب و بعدين.. ؟

تقبلوني كدة بس ..! يا تشربو من المالح !

لا طبعا

ممكن نتحمل لي حد معين لكن بعد شوية we will move on

و مش نحن برانا.. الحياة كلها ح تموف اون معانا !

حتدي العالم ضرر العالم حيعاقبك و يديك ضررين ما واحد لو ما أكتر

ماشية كدة ..

و ما حتقيف في حتتك و بس .. حقيقة انت حترجع للخلف.

فقصة انا كدة و اهو دة الحاصل ما حتوديك لي أي مكان ..

سعيك لحل المشكلة حيخليك تلقى إنه قدامك مئات الحلول و الاختيارات

نيتك الصادقة و رغبتك الصادقك و سعيك الجاد حيوجد ليك الحلول

غير كدة حتلف في دوائر مفرغة و تلقى الزمن و الحياة و الناس فاتوك تماما ..

العمر مش بعزقة ( زي ما بقولو اخوانا المصريين )

و اللي عايز حاجة لابد يوم يلقاها .. كل الفكرة إنه يكون فعلا " عايز " الحاجة دي ..

هذا الصباح ..

( و أن ليس للإنسان إلا ما سعى ، و أن سعيه سوف يرى )

صدق الله العظيم

محبتي التي تعلمون♥️.


#سلمى_المصباح.

@fadfadah98

صباح الخير شباب 🩵

بعتذر عن غيابي الخميس والجمعة لظروف خارجة عن يدي والله بالإضافة لانقطاع النت والكهربة
بتمنى الناس ال كانت متابعة تكون رجعت للكتاب الاساسي وكملت العليها؟

بس ع العموم الملفين جاهزين ،ح انزلهم مع بعض ..
نقرا ونرسل اقتباساتنا🌸

الملف الخامس🌸.

تكملة الفصل الثالث :
" قوانين نيوتن في المشاعر والإنفعالات"


#لفتة:
تمينا كدة أول 100 صفحة✅😍
يلا نواصل.


🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

الملف السادس🌸.

الفصل الرابع :

" كيف تجعل أحلامك كلها تتحقق؟! "


🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

أسأل عن دور نشر كبيرة ومعروفة في الإمارات تستقبل هذه الفترة أعمال أدبية جديدة..
ارجوا إفادتي على @Yassamina21_bot
اذا كان أحد يعرف معلومة تساعدني وشكرًا مقدمًا🤍.

#زكية_عاطف

الملف السابع🌸.

تكملة في الفصل الرابع .


لفتة/بعتذر عن التاخير بالجد ، في عدم استقرار في الكهربة وده مؤثر على الشبكة، بس انا مواصلة في الكتاب والليلة قدرت اخلص رواية لي فترة كنت بادياها فيها 590 صفحة ،مبسوطة اني ختمتها اخيراً عقبال الكتاب ده 🩵 .


🔻( المهم كالعادة ما ننسى الاقتباسات نشاركها تحت في التعليقات .)



#قراءة_إجابية.
#خراب

في جملة سمحة شديد بتقول :

" الربنا زارع في قلبهُ الحِنيّه، عِشرتُه فيها آمَان ♡."


العبارة دي أستوقفتني وخلتني أفكر كتير، فعلياً احنا لو ركزنا مع الناس ال في حياتنا اللي قلبهم مليان حِنيّة ، حنكتشف انو عِشرتنا ما بتهون عليهم ، زعلنا ما بهون، الكلمة ال ممكن تأذينا بعملو حسابهم منها، الموقف الفلاني ال بذكرنا بحاجة زمان حصلت و وجعتنا بعملو حسابهم ما يجيبو سيرته، وبكونوا دائماً واقفين جنبنا ، عندهم ذكاء عاطفي بالفطرة بخليهم قادرين يتخيلو مُعناة الشخص اللي قدامهم ، يختو نفسهم مكانو ويحسو بألمه ودي حاجة قمة الإنسانية وما أي شخص قادر عليها .

حقيقي يا بخته اللي في قلبه شخص حنين ،بدعي ربنا يكتّر من أمثالهم لانه العالم كله محتاج لملائكة الرحمة دي .

وزي ما قالت الريم:

" الدنيا صعبة ومفاجأتها أصعب..
الحنية ما بتصد الظروف، بس الحنية بتخففها.
الحنية ما بتعالج الظروف ،بس بتقسم
صعوبتها على إتنين .

الحنية مليانة سند ومليانة دفا، وفي عالم
مليان ندالة ومليان برود، الحنية بتفضل
هي الأمل ، الناس الحنينة دي مش مجرد
ناس، ديل همّ العلاج❤️."



#على_اخر_السطر

"أنا شخصٌ مؤمنٌ بأن الحنيّة قادِرة على جَعل كُل شيءٍ بخَير🌏❤️."

- تنزيل صابر.





@Yakoziyat

الملف الثامن🌸.

تكملة في الفصل الرابع


🔻( المهم كالعادة ما ننسى الاقتباسات نشاركها تحت في التعليقات .)



#قراءة_إجابية.
#خراب

صباح الخير♥️


من أهم المُسلمات والحاجات الثابتة في الحياة دي "التغيير" كل حاجة بتتغير وفي غمضة عين كمان بدون أي مقدمات ، الواحد كان نايم وصحى وفجأة الحرب قامت زكل حاجة اتغيرت وماشة للأسوء..

يبقى كتيرة أنك تتغير كمان؟!
ما تتغير مالو

الأوضاع الحاصلة دي ما مريحة خالص ،وفي نوع من الكآبة عموماً في الجو ، فما تزيد تعبك بأنك تركز وتزعل من ال بقول "مالك اتغيرت؟"

لو شخصيتك الحالية مريحة لكل الناس و متعبة بالنسبة ليك ..اتغير!

لما تتغير في ناس حتتكلم قدامك ومن وراك و ح تتهمك بالسوء، وما حتكون مهتمة تعرف الأسباب وكل واحد حيحط سناريو معين في باله ويقنع بيه نفسه.

سيبهم على راحتهم
وشوف راحتك انت وين ؟!

عارفاك حتتعب زيادة بس حترتاح بعدين صدقني ،حتعرف ترتاح من هم كبير كنت شايله وانت في غِنى عنه.

زي ما قال د.خالد :
" اتغير عشان انت تعبان ، و اتعب زيادة عشان تتغير، و ارتاح بعدين."

بس ما معناه انك تهرب او تبقى مُنعزل تماما أو نرجسي بارد بدون مشاعر .

خليك موزون، شوف راحتك وين ،وابعد من الحتة ال فيها عتاب ولوم كتير ،الوضع محتاج ناس تهوّن على بعض مش يبقو زيادة هم.


وبس كدة ♥️.


#تنزيل_صابر
#خلي_بالك_عليك.
@fadfadah98