مقدمة الكتاب :


تخرجت من كلية الطب الأول من حيث الترتيب ، والأخير في معرفة نفسي.

وقررت أن يتغير كل شيء، كنت أقاسي في هذه الفترة وأنا أكتشف عقدي، عرفتُ أن لا أحد يحس أو يؤمن أو يقدر أو يتحمل أو يكترث بأحد، إلا ما ندر.

مواجهة الذات هي أصعب رحلة يخوضها إنسان. أحد أصدقائي الأطباء كتب تحت صورته يوم التخرج : «أين العظمة في القيام بما قام به الآخرون قبلك؟».
حين قرأتها أدركت أنني لا أريد أن أكون طبيبًا عاديًا يحفظ ما توصل إليه غيري ويعيد قوله ولا أنسى مقولة الأديب الروسي دوستويفسكي:
« قليلون أولئك الذين ينتجون لأنفسهم فكرة» .

فتذكرت كيف حين لجأت لما يدعى علاجًا نفسيًّا ، لم يعجبني ما واجهت، فالاستشاري بالطب النفسي ينصح بالدواء، وأنا كنت أرفض الدواء جملةً وتفصيلا - لا عيب في الطبيب ولكن الطريقة الدوائية لم تكن مقنعة لي، رغم أني أعرف اليوم أن الدواء قد يكون معينًا ليتشافي الإنسان وفي بعض الحالات -ضرورة ومن ثَمَّ توجهت لأفضل من يقدم العلاج النفسي في الوطن العربي، وصدمتُ من سطحية التوجه العلاجي، واعتقدت أنه للأسف لا يوجد حلول حقيقية، ويجب أن أبحث عن الشفرة بنفسي، وهذا سر أنني أبحرت في الجانب التحليلي ووصلت إلى نتائجي الخاصة، وعرفت المرشدين المناسبين وسلكت الطريق الأقل ارتيادا، عرفت هنا أن وعي الإنسان وإدراكه ونضجه ليس له علاقة بالشهادات الأكاديمية، بل بعمق تجربة الإنسان وخبراته وصراعه الشخصي في البحث عن ذاته..
وأن التجربة الذاتية يجب ألا تهمل.

وهنا في هذا الكتاب اخترت خمس عشرة حالة طبية ونفسية وعاطفية ،واقعية ولكتابة الخمس عشرة حالة احتجت إلى المرور على ما لا يقل عن عشرين ألف حالة من أرض الواقع خلف أبواب العيادة .

#يوسف_الحسني .

@fadfadah98

بالنسبة للعلاقات العاطفية ..❤️

أنصح بالإبتداء بهذا الكتاب ، ( عقدك النفسية سجنك الابدي ) ثم بعدها تقرأ القسم الأول الخاص بالعاطفة من كتاب (اعرف وجهك الاخر ) .

د يوسف بنفسه نبه على كدة في المقدمة ، الأفضل تعمل كدة لانه المصطلحات الموجودة في( اعرف وجهك الاخر) ما تبقى غريبة ومعقدة عليك .


في كتاب :( اعرف وجهك الاخر)
د. يوسف حسني ح يتطرُّق إلى أسس التعارف وفنون الإغواء والجاذبية، ومعرفة الفرق بين التعلُّقات العاطفية والعلاقة الناضجة، وكيفية المحافظة عليها .

و تفاصيل تخصُّ الإدمان العاطفي والعلاقات الزائفة، وفي عدة قصص ، حالات وتساؤلات لشمولية عن العلاقات العاطفية.

ده يعتبر دراسة كاملة للعلاقات العاطفية 👌🏼❤️


...

لـ تحميل كتاب( اعرف وجهك الاخر )

https://www.tg-me.com/Fadfadah98/8843



#علاقات.

هذا الصباح ❤️

" انت عايز تثبت شنو؟! "

(ركز في البوست واتأكد من انك قدرت تعرف الإجابةعلى السؤال الفوق )

وبرضو عايز تثبت كدا لي منو بالضبط؟!
..


لما يجي شخص وهو متضايق وعايز يعرف

كيف يبقى ناجح؟
كيف ما يكون قاعد ساي؟
وضعي ما عاجبني!...

اغيرو كيف؟!... هل ممكن ابقى زول ناجح؟!


❖ الأسئلة دي لما تجي بي ضيق وزهج
اعرف انها رد فعل وليست رغبة.. انت بتحاول تثبت حاجة
لكن شنو ولي منو؟!


📌تعال نحلل الأمر ببساطة ..


▪️بتتصفح عادي في الانترنت بكل براءة

بيلاقوك شخصيات... عملت حاجات كتيييييرة في حياتها ، بغض النظر عن حقيقة ولا بس منظر وكدا

حتلاقي شخصيات كتيرة في وضع معيشي حلو ، والناس بتنظر ليها على انها ناس ناجحة


🔰"عقلك انت ما اديتو شغل مهم"
فحيركز معاهم ويقعد يقارن .

- "عاين ديل وضعهم كيف وانت قاعد لي ساي كدا! "
- "هسي بتقدر انت تعمل زيهم كدا؟!"
- عليك الله عاين ليهو راقد كيف وماسك تلفونه ومنطط عيونه منبهر كدا! "

(هنا العقل يخاطب القلب أو أي عضو تاني المهم 🚶‍♂️)


▪️انت حتشعر بي ضيق وكرد فعل
حتكون عايز تثبت لي عقلك انك بتقدر تعمل كدا

لكن ليه؟ لأنه بينق فيك بس وانت اتضايقت!!


📌اعتبر دي قاعدة :

"مما يكون الموضوع فيهو عاطفة هنا التفكير والمنطق بيختفي👌🏼."


▪️وانت متضايق ومشحون بالعاطفة كدا وجيت سألت كيف ابقى زول ناجح!

لو لقيت طريقة حتفهمها؟
- تفهمها بشنو وانت أديت المنطق اجازة؟!


📌طيب يعني اعمل شنو؟!

▪️ارجع فوق شوية للعلامة دي 🔰 حتلقى أساس المشكلة والحل .


اشتغل... اتعلم... ابحث عن حاجات وجربها.

ما تخلي عقلك يسرح كدا من غير شغلة عشان ما يركز مع الناس.

▪️كل ثانية انت بتضيعها في التفكير في الحاجة العند الناس ..

انت بتزيد ألمك وصراعك النفسي
وبتقلل وقت العمل بالنسبة ليك!!


📌ما متضطر انك تثبت حاجة لي زول!
ولا حتى لي نفسك!

لأنك لما تحاول تثبت شي بسبب ضيق ،
قراراتك حتكون متهورة وحينعدم الصبر والمنطق عندك .


📌ركز على حاجتين بس 🌸 :


▪️كل يوم تكون احسن في حاجة من اليوم القبلو.

▪️استمتع بالرحلة يا عزيزي.


"النجاح ما عنده معنى إذا ما حتستمتع بالرحلة."


#في_الختام


انسى الناس عندهم شنو ؟
استمتع...
اشتغل...
اتعلم...
ركز مع حياتك..
وأراك على القمة🌸.


(يلا القمة دي زاتها لو ما ح تستمتع وانت طالع ما داير الاقيك زاتو🚶‍♂️)


#حسام_أسعد_حسن.
#تحفيزات.

@fadfadah98

-

صباح الخير💞🎐


أهم حاجة طلعت بيها من العلاقات :


ان احنا بنحتاج لـ إشباع إحتياجتنا من أقرب الناس لينا اكتر من اي حاجة في الدنيا !


وان اكتر حاجة مؤلمة لأي حد ، انك متلاقيش الدعم والسند اللي انت محتاجة من اقرب الناس ليك .

وحرفيًا حتبقى كسبت الدنيا ومافيها لو قدرت تلاقي "حد " تقدر تخوض معاه محادثة حقيقية عن اللي بيضايقك وعن اللي انت محتاجة منه، وعن كلاكيعك واللخبطة اللي جواك ويكون مُستمع جيد ويآ سلام لو عرف يقدملك دعم مناسب لإحتياجك ده كمان💞.


وجاية أقول لك ان الفضفضه نعمة من نعم ربنا، اللي التنفيس عنها مع الشخص الصح حتمًا هينقذك من ازمات نفسيه كتير كان سهل تتكعبل فيها وانت لوحدك!

ازمات وارد توصلك لـ الإكتئاب وتنهي علاقتك مع المقربين منك او حتى تنهي علاقتك بنفسك وبالحياة وتملى دماغك بالأفكار الانتحـ ـارية.

فـ ركز دايمًا وانت بتختار شريك حياتك او حتى صحابك ..

واوعى تستسلم للإختيارات الغلط خوفًا من الوحدة ، وادعي ربنا يوفقك دايمًا لإختيار الناس اللي انت تستحقها .

وعامل نفسك على انها تستحق الافضل دايمًا، لأنك لو عاملتها على انها ماتستحقش او اقنعت نفسك انك مش محظوظ أصلًا هتلاقي انك تلقائيًا " بتختار لنفسك اختيارات اقل مما تستحق !

ومن غير ماتقصد هتأكد على مفهوم عدم الاستحاق او قلة الحظ اللي انت اوهمت بيه نفسك م البداية .


خلو بالكو على نفسكو يا جماعة ارجوكم💞.


#علاقات

Py ➜ @Yakoziyat

-
" صُب علينا حُبك يا ربّ صبًا ، أزهر مُكدّرات الحياة عبقًا من المسرات ، أمطِر أرواحنا بأنهار السلام ، واسقنا روح الأمل واليقين ، اللهُم أيام لطيفه وفَرح قريب💙 ."

اللهم صل وسلم على نبينا محمد وعلى اله وصحبه
اجمعين.

* ما تنسوا سورة الكهف√

يا صباح الروقان🤍🎐


‏وحدة من الحاجات القيمة جداً اللي إتعلمتها مؤخراً من وحدة صحبتي في العلاقات ..

• إنو لمن شخص يعبر لي عن ضيقو مني، أحاول أقاوم شعور الإستنكار المبدئي الحيجيني تجاه ضيق الزول دا ، و أقاوم رغبتي التلقائية في إني أدافع عن نفسي.

بدل كدا ..

أسأل الزول ، بنية محاولة الفهم ، انه يشرح لي أكتر هو حاسس بشنو أو المضايقو شنو مني! ؟

‏الحاجة دي خلتني لاحظت إنو لحظياً بتقلل شعور عدم الراحة و الكهرباء الممكن تصاحب النوع دا من الحوارات الصعبة لأنو الزول التاني حيحس إنو مسموع و إنك فعلياً عايز تفهمه وتحل الموضوع .

و إنك خاتي إحتمالية إنو ممكن نفس الموقف يكون عندو أبعاد وتتم ترجمته بطرق مختلفة..

و إنك ما متمسك بنظرتك و مستعد تخت نفسك مكانو .

لانو‏ في الغالب الزول لمن يجي يعبر ليك عن ضيقو منك في الغالب بيكون عشان هو مهتم جداً بيك وما عايز يخسرك نتيجة لتراكمات الإستياء وخيبات الظن.


بشكل عام..

أنا بعتذر جداً لكل شخص أنا اتجاهلت مشاعره أياً كان نوعها تجاهي ، أنا حقيقي كنت أقل وعي وفهم في الماضي .


having a genuine understanding energy towards conflict vs having defensive/dismissive energy shows so much and can impact one's ability to build solid connections.

I apologize to everyone whom I dismissed their feelings towards me, I didn't know better back then🤍."



#منقول_بحب.
#علاقات.
@fadfadah98

صباح الخير❤️


" عادي تجي عليك ايام تحسّ القومة من السرير دي اصعب حاجة ، ما مستحمل أي حاجة حتى بداية اليوم بالنسبة ليك مش بداية ،مجرد استمرار لتعب وارهاق جسدي اكتر منه نفسي ..

ده مش معناه أنك انسان ضعيف او مكسور ، ده معناه أنك طاقتك صفر = وده عادي !

كلنا بنمر بالمرحلة دي من وقت للتاني ، وبنحس اننا بقينا مُنتهين الصلاحية ، خلصانين على الآخر ..

هونها على نفسك لم تكون في المرحلة دي بأنك تتقبّل ضعفك ، لانه التقبُل ده بحد ذاته اللي بالتدريج حيخليك تقيف من جديد وتبدأ ترجع الحياة في روحك وتقيف في وش السبب اللي وصلّك للمرحلة دي .

هونها على نفسك أنك ما تستعجل التعافي ، حتتعافى بالتدريج و حتبقى كويس ، هي مرحلة وحتعدي مهما طالت والله ، ادي نفسك وقت عشان تشحن طاقتك ..

اشتغل على أنك تفتش عن الحاجات اللي تخلق ليك مشاعر التقدير لذاتك ، صورك القديمة ل لحظات كنت فخور فيها ، حاجات صعبة وتحديات عديتها بنجاح ، وجود صاحب يفكّرك بأهميتك..شوية شوية المشاعر السلبية حتقل حِدتها .

إوع من العزلة ، غير أنها حتفاقم المشاعر السلبية ما حتنفعك بحاجة ، خليك في محيطك زي ما انت ، حتى لو قللت التواصل ..المهم أنك ما تاخد نفسك بعيد خالص عشان كدة حتسيب نفسك للشيطان وتتعب اكتر .

اختلط بناس جديدة ومجتمعات جديدة ونشاطات جديدة .

حاول ما تضغط ع نفسك بس كمان لازم تفتش على روتينات جديدة تطبقها ، حاجات تجربها لأول مرة ، تقرأ كتب او روايات او تسمعهم بشكل صوتي ، تلجأ لربنا ، وتحاول تبسط نفسك حتى لو أنت عارف أنك مش حتنبسط، اسمع كلامي وحتنبسط بالتدريج والله .

بشوية خطوات ومقاومة حتطلع من العتمة اللي انت فيها❤️.




#تنزيل_صابر.
#خلي_بالك_عليك

صباح الخير❤️


• هل انت عارف ان جملة (مش قادر ) هي أول مسمار في نعش شعور الهدّ والتعب اللي حاسه في روحك دلوقتي؟

أصل تكرارها بيخليك تصدق إنك خلاص بقيت فاقد لمعنى إنك تحيا حياة طيبة..

كل اللي عليك اخلق القدرة بإيدك ❤️

وده عن طريق عمل مهمات صغيرة جدا، وتسميها " إنجاز" عملته في عزّ إحساسك بالعجز، زى الطفل اللي بيبدأ أول خطواته وبيبقى شايف إنه عمل إنجاز عظيم.

ساعتها بس صورتك الذاتية هتتغير، وحتتفّز ، وهتبقى في عينك إنك إنسان بتصنع على عين الله فإنت أكيد غير قابل للهزيمة حتى لو باين للكل مهزوم.

وهتبقى عارف من وقتها إن المقدرة دي في كتالوجك انت..

كل الحكاية لما هتحس بعدم المقدرة هتقول لنفسك إنك في وعكة نفسية حتديها وقتها وهتقوم تكمل.

فتبقى شخص بتحترم وجعك وبشريتك، وفي نفس الوقت مسنود على اللي خلقك، فتعرف تحقق لنفسك الحياة الطيبة اللي ياما حلمت بيها❤️.


#امال_عطية
#دروس_المرحلة.

@Yakoziyat

إعترافك ب إنك مُقصر اتجاه الشي الفلاني او النشاط الإنت بديتو او كتاب وقفت في نصو او غيرو.
مجرد الإعتراف بالتقصير و عدم إنكارك للاهمال أول خطوات الحل.
نخش في المرحلة التانية وهي السبب، شنو السبب الوقفك؟
-كسل
- اكتئاب
-ما لاقي زمن
كونك حددت مشكلتك دا نص الحل، منها تواجه مشاكلك و تسعى انك تتخطاها . احمل معك الدعاء و العزيمة و توكل🤍

وصباح الخير حُباً يا أصدقاء 🤍

هذا الصباح.. ᰔ


" قال أحدهم : عندما أُحب أشعر برغبة المشاركة❤️.))



بالنسبة لي العنصر الفعال اللي بخلي أي علاقة تنجح هو عنصر المشاركة ..!

فكرة إننا نلاقي شخص يكون مهتم يعرف إحنا عملنا شنو دا أهم green flage في أي علاقة مهما كان اسمها.

إحنا بندخل العلاقات عشان بنفتش على شخص يقيف معانا ويشاركنا كل تفاصيلنا ولحظاتنا الحزينة والحلوة.

بنحاول نطلع من جو الوحدة ونكسر روتين الأشياء بالمشاركة زي إنك تعمل تاق لصحبك في مطعم فتح جديد عشان تجربوه سوا.
أو تعملي لصحبتك تاق في الصفحة اللي بتجيب حاجات حلوة وتقولي ليها تعالي نطلب سوا.

إحنا أساسًا بنعمل كل حاجة بدافع رغبة المُشاركة ..❤️

بنفعل نت ونحاول نطمن على نفرين تلاتة من المقربين لينا ونعرف أخبارهم والحاصل عليهم .. فلولا مشاركة الحديث ما كان في أي لازمة لصندوق الرسايل ..!

بنختار حتة معينة وناس معينة نطلع معاهم لأنو لو مشينا برانا ما حنعرف نقضي يوم حلو .. وما حيكون في أي لازمة للطلعة دي من أساسا.
حتى الوجبة الحلوة بتحِلٌو لما نشاركا.
كتير بنسهر في تلفوناتنا بلا هدف بنفرح لو شخص واحد سألنا :
مساهر ليه؟
بتعمل في شنو؟

المشاركة أمر سهل وبسيط بس ما بيقدر عليها غير شخص بحبك..!

صعب جدًا تقول لإنسان ما بتجمعك بيه أي محبة :
تعال أحكي ليك دا.
أرح معاي الحتة الفلانية.
خلينا نشتري الحاجة المعينة دي سوا.

بالمقابل أول كلمة تقولا لأي زول بتحس بمحبة تجاهو:

عملت شنو في يومك؟
إتصرفت كيف في الموضوع داك؟
الليلة وينك؟

قد تكون أحداث يومية بسيطة بس السؤال عنها بصنع فارق في شكل علاقتكم وفي نفسياتك
تخيل تلاقي شخص مُهتم يعرف الحصل معاك بأدق التفاصيل ويتصل ليك مخصوص عشان يسألك :
كيف كان يومك؟

قبل فترة في فيلم ما البطلة قالت للبطل:
"شكرًا لك على مشاركتك تفاهتي.))
فرد ليها:
"أنا أحبك لذا علي دائمًا فعل أي شيء من أجلك.))

ما بشاركك إلا شخص بحبك ..
كيفك عندو بتعني = وريني إنت كويس؟
الحاصل عليك شنو؟
مزاجك تمام؟
ما بقول ليك الأخبار شنو لا دا بكون صريح أكتر فبقول ليك:
أحكي لي كيف كان يومك؟
عملت شنو في موضوعك داك؟
رجعت متين؟ خلصت شغلك؟
قريت؟
وصلت؟
طلعت؟
قربت؟
حتنوم؟

شخص بحبك يعني = مستعد يسمع كل حكاويك ويشاركك كل أفكارك وتفاصيلك حتى الما مهمة .. في فرحك وحُزنك هو بكون أول واحد حتلاقيه ماسك فيك.

"لا يمكن شخص بحبك يخليك تواجه الحياة دي براك من غير ما يشاركك))


#على_الهامش:

"تطيب الصعاب .. إن كُنا معًا❤️.))



#نودين.
#علاقات .
@fadfadah98

يا صباح الخير ❤️

تعالو شوفو آخر بوست نزل على صفحتي 🌸


https://m.facebook.com/story.php?story_fbid=pfbid0yGq98WhUHmEBHkYn5hpWApa1fDmyZQDvonprPE1RVGWNcZ1WpvVZLTDwXEdiDD9nl&id=100015292605559&mibextid=Nif5oz

‏" الحمدُ للهِ الذي يأجرُنا بفراقِ الأحِبَّة، وإحباطِ النفسِ، وكسرةِ القلب، والخذلان وقِصَر اليدين..

الحمدُ للهِ الذي يكتبُ في صحائفِنا وخزةَ الإبرةِ، ومرارةِ الدواء، ورعشةَ الجسدِ، الحمدُ للهِ أنَّ آلامَ النفس لا تذهب سُدى، وأنَّ أوجاعَ الجسدِ تحطُّ عنَّا سيئةً، وأنَّ الشعورَ بالغُربةِ
‏يرفعُنا درجةً، وأنَّ طولَ الطريقِ يقربُنا إليه شبرًا.

الحمدُ للهِ الذي أَوحى إلى عبدِه أنَّ كلَّ همٍّ يُصيبنا هو مُكفِّرٌ لذنوبِنا ،الحمد لله دائماً وأبداً على أننا إهتدينا للإسلام❤️."


@fadfadah98

= على لسانها تحكي :

" كنت العبء والثانية والفاشلة والقبيحة مقارنة بأختي ، حتى إن أبي قالها بالفم المليان: «لا أدري لماذا عاقبني الكون بكٕ»
وأمي كانت تردد: «يا ليتني تعمدت إجهاضك»

عشت منسية وحيدة، لا يكترث أبي بوجودي ولا تُعيرني أُمي أي اهتمام ، كـم أتمنى أن يحبّاني، أخـاف أن يموتا وأندم لأنني لست قريبة منهما، أعرف أني يجب أن أتعاطف معهما فبالتأكيد هما قاسيا في طفولتهما، حين أحاول النبش في الماضي أتألم بشدة وأتساءل هل فعلا يجب أن أتحدث عن الماضي لأتصالح معه؟ أريد أن أسامح أمي وأبي على ما بدر منهما لكن لا أعرف كيف.
سمعت أنه يجب أن أسامحهما حتى تتحسن علاقاتي العاطفية؟


***


التصالح مع الطفولة💙

ليعرف الإنسان نفسه ويفهم عُقده ونواقصه واحتياجاته، لا بد وأن يطرق باب الطفولة ويعرف الخيوط اللاواعية التي كانت تنقش على عقله وترسم ملامح ما يسميه واقعاً.

الخطوة هذه ضرورة ولا يمكن لأي إنسان باحث عن ذاته الاستغناء عنها.

أن تتصالح يعني أن تواجه ما حدث كما حدث بلا تزييف أو تضليل أو تجميل، نواجه الواقع وليس ما نأمل أن يكون الواقع، نواجه بلا كذب على أنفسنا وبلا هروب من الحقيقة.

الخطوة الأولى √

الخطوة الأولى في التصالح هي " إعادة إحياء التجارب" بالحديث عنهابشكل تفصيلي، فكل صدمة أو موقف مؤذٍ بدر من الأب أو الأم يجب أن يُذكر باستشعار كامل لما حدث.

كُن متيقنا أنك حين تستشعر ما حدث ستتألم وسيُفرَّغ انفعال كان مكبوتاً منذ زمن، انفعال لو ظل مكبوتا لظهر بصورٍ بشعة في واقعك اليوم.


سؤال: لم لو أملك معالجًا نفسيًّا ، هل أستطيع تطبيق هذه الخطوة مع صديق أو بالكتابة؟

ج/ الصديق سيكون ذو فائدة إن لم يحاول تحليل ما تقول فتحليل هذه الظواهر قد يخطئ به حتى بعض المختصين.
الكتابة هي الحل الأخير لمن لا يجد طريقة أخرى.

لفتة: ستحتاج إلى مساحة وبُعد جزئيًّا عن الشخص في أثناء فترة ممارسة هذه الخطوة لكي تستطيع ترتيب أفكارك وتحديد مشاعرك اتجاهه.

الخطوة الثانية √
هي تحديد عمق العلاقة الحقيقي معه.

مدى احترامه لحدودك، مواقفه التراكمية، تقبله لك، كمية الألم والكبت في العلاقة.


الخطوة الثالثة √
هي مواجهة الشخص بما حدث وإعادة تشكيل الحدود.

هذه الخطوة التي تحاول الكثير من العلوم الزائفة التهرب منها لأنها الأصعب تطبيقًا،
عندما تواجه بشعورك وكأنك تعود إلى الموقف الذي كان ، أن تواجه فيه ولكنك كنت صغيرًا ولم يعلموك فن المواجهة فيه، تعود وتواجه بحقك وتضع حدا أن تشارك أبويك بالإساءات التي بدرت منهما بشكلٍ واع أو لا واع لتعرف هل هما نادمان على ما حصل ويتمنيان الرجوع إلى تلك اللحظة لإصلاح ما حدث؟!
أو يسخّفان مشاعرك والاستهزاء منك لحديثك عن ماض انتهى بالنسبة إليهما لكنه حفر بئرًا من النار في قاعك لا يمكن إخمادها.؟

المواجهة المتأخرة هي نمط حياة يجب أن تتخذه، لا تكن محرجًا من أن تواجه في موقف انتهى لأنه لن ينتهي من داخلك وسيظل يدور في سيناريوهات وخيالات متكررة في عقلك.

هذه المواجهة ستحدد نوع العلاقة الحقيقية وعمقها بينك وبينهما وهي خطوة مهمة في العلاج .



- كتاب| إعرف وجهك الآخر📔.

#اقتباسات_كتب.
#الصحة_النفسية.

@fadfadah98.

-

"اللهم أبعد عني خُبث القريب والغريب ،اللهم تعلم بأن قلبي لايقوى على الصدمات فطهر حياتي من خُبثاء النوايا و مُضمري الشر بي ومن أُحبّ ، إكفني شر جميع خلقك، اللهم وكلتُك كل ايامي💙."

اللهم صل وسلم على نبينا محمد وعلى اله وصحبه اجمعين.

" وليغلبنَّ لُطفه خوفي ❤️."

ما فشلت يوم مواساة ربنا في أشدّ الليالي في تهوين الأيام الصعبة اللي كنت في وقتها شايفة اني مستحيل اتخطاها بدون خسارات..

بس بالعكس جبره كان أعظم وقدرت أتخطى ، كلنا لو عملنا فلاش باك حنتذكر انو السنة دي مرينا بأزمات وحاجات صعبة شديد ، وفي فترات عدت ما كُنا قادرين نتخيل آخر النفق حيكون كيف ،ولا كُنا عارفين اصلاً لو حنصل آخره ولا ولا !

اليوم وانا في غمرة اليأس والإستياء استحضرت بعض من الايام دي ، والليلة عدى عليها كتير وبقت مُجرد ذكرى ، ولم أحسب الخسارات بلقاها حاجات بسيطة في عيني و قدرت أني اعوضها حتى لو بإحساس رِضا ، وال ما قدرت اعوضه قدرت اتقبّل خساراته قصاد أني بس عديت اللحظات ديك .

دايماً ربنا معانا وشايف الصورة كلها ومن كل الزوايا وعارف أسرار الحكاية وأصلها على عكس الناس الحوليك ..

كل التعب والجهد والمشاعر السيئة الكُنا بنقاومها بالدعاء والاستغفار ، واليأس الكان ممكن ينتصر لولا لُطفه وجبره في آخر لحظة وكرمُه علينا اللامحدود.


وممكن في عزّ يأسنا وعلى آخر مشارف الوصول لليأس ، فجأة رحمة ربنا تظهر وتنقشع غمامة السواد ويظهر الحقّ.


وزي ما قالو :

" المنّاي لقّايّ❤️ "

و حنجي نقول :"هدا قُلنا و نُولنا❤️."


و عشان ربنا زاتو قال :
" أنا عند ظنّ عبدي بيّ ، فلظنّ بي ما يشاء."

مهما بانت صَعبة وبعيدة في عيونا ،هي قريبة وهينة جداً عند رَبنا ، و اتذكر انو: " أمره بين الكافِ والنّون إن قال له كُن سيكون."


لازم ما نيأس..
هي بيد رَبنّا.❤️

#تنزيل_صابر.
#لا_للحرب

@fadfadah98

" أكتر وقت بكون فيه مبسوطة من  قلبي مهما  كنت شايلة هم ، هو الوقت اللي بكون فيه مع حد صافي و صادق وطبيعي ومش بيتعامل بسلوك و وراه سلوك تاني❤️.

ساعتها بحس إني برجع الطفلة اللي بتفرحها التفاصيل الصغيرة ، اللي بتستمع حقيقي باللحظة وكأنو مافي لحظة بعدها.

و حقيقي بين فترة والتانية بكون حريصة أقابل حد من الناس دي، علشان ده بالنسبة جزء من عملية ارتقاء روحي، وفي رأيي الشخصي إنو دي حاجة من الحاجات اللي بتخليك مُحتفظ بجزء كبير من فطرتك بعيد عن الخبث والتشوه ، حاجة بتزوّد قدرتك النفسية على تحمّل تقلبات الناس اللي بالنسبة ليك مش مفهومة.

حابة اقول شكرا بجد من القلب للناس دي في حياتنا،ربنا ما يحرمناش منكم ويكتب لكم أجر جبر خواطرنا وتطيب نفوسنا❤️."

@Yakoziyat

أدعي و افهمي احتياجك 💙

السيدة ام كلثوم( رضي الله عنها) كانت بتقول لأختها السيدة عائشة و بتدعي بتقول :

"اللهم زوجاً يصُب علي الحُب صبّاًً، وعابداً لله."

فربنا رزقهَا بـ «طلحة بنُ عُبيد الله »

أحد العَشر المبشَّرين بالجنَّة !!

قالت عنه بعد زواجها :

" كَان إذَا رَآني تهللَّ ..
وَ إذَا سَمع صَوتي تَبسَّم ..
وكُنت إذَا بكيتُ بكَى ..
ولَا ينَامُ حتَّى يطمئنَّ علَى دِفئي فِي فِراشِي ..
ومَا تركَ صلاةً إلَّا ودعَا لِي فيهَا قبلَ نَفسهِ ..
وكُنت إذَا مرضتُ جَاوزنِي فِي الألَم ..
وكَأَّن العِلَّة فِي جَسدهِ..
و لَا يَهنأُ لهُ بالٌ حتَّى يُجلسنِي بِجانبِه ..
وكَان إذَا آكل يَسبقُني باللُّقمَة إلَى فَمي فَيطعمُني بِيدهِ ..
كُنت فَخارَهُ وَ عِزَّه في سِرِّه وَ عَلنِه ."
♡♡♡♡♡ ...


رضي الله عنهم أجمعين ..

اللي لفتني في كلامها بعد استجابة دعاها انها فااااهمة نفسها و عارفة تماماً هي محتاجة ايه ..

في عشرات الصفات حواليك في منها اللي بتمثل احتياجك الفعلي و منها اللي رسمها ليك الناس حواليك ..

في حاجات عامة كلنا بنجمع على أهميتها لكن في حاجات بتعنيك بشكل شخصي و مختلف ..

صحبتي كانت بتقول دايماً :
عايزة زوج يبقى ولد لأبوي نكون مع اهلي دايما و نبرهم و نفضل جنبهم ..
و قد كان ..

صديقة تانية كانت دايما بتقول انها محتاجة لما تجي تتزوج يكون شخص يعينها على رؤيتها إنها تسافر و تدرس و ماحابة تبقى في مكان واحد بداعي الرفاهية المادية و انها محتاجة معين لرحلتها و شريك و صاحب أكتر من اي صفة تانية ،، و ماشاء الله قد كان .

طبعا دا غير انه من ألطف أدوار الشريك هو تبادل أدوار العطاء و التفاعل معاك .
يكشف ليك نواقصك و مميزاتك لانه الزواج نفسه جزء من رحلة تطويرك لنفسك و إصلاحها فمهم يكون شريك سوي و متزن دينيا و أخلاقيا بالأصل ..

فأدعي ربنا بينك و بينه باحتياجك لعَلَّها تُعَد و سيفاجئك عطاء الله فوق تصورك ..


من الدعوات اللطيفة :
" اللهم أن يفوق خيره خيري" 🦋

فيفوقك في الإحسان و اللطف و الكرم و العلم و المحبة و التدين و دا فيه عون عظيم ليك 🦋..


#Jasmeen_Ali
@fadfadah98

اذا كنت تبحث عن ما يوصف شعورك ستجد نفسك هنا ! .. ما اكتبه عبارة عن ، أحاسيس أُترجمها علي هيأه كلمات، ستشعُر كما لو أنها كُتبت لك بكل عفوية❤️

🏷على قناة : "خواطِر مِن القلب ❤️

https://www.tg-me.com/+REc15UiNLdu5KWA5