بوستات الحرب ال بكتبها وبنشرها بالعافية في ظل الظروف الحاصلة وشبكة الانترنت ال بلقاها بمشقة دي لازم أبروزها والله😔♥️

بوست جديد على صفحتي ..

تعالو اظهروا وادعموني وفي التعليقات تاقوا اول شخص يخطر على بالكم بعد تقرو البوست❤️.


محباتي.

https://m.facebook.com/story.php?story_fbid=pfbid02ZHzhGL1ASDYNdr4jBe9StrVjvzqjWVGajMuBjfMt2MezWgUpyMG1uMq5J3n57unVl&id=100015292605559&mibextid=Nif5oz

مساء الخير..

" جاية اعترف انو حقيقي في فرق بين زول بيحبّك ، وزول بيعرف يحبّك بالطريقة اللي انت بتحِب تتحبّ بيها♥️. "

" الحقيقة المؤكدة يا غالي ، إنك مهما كنت ناجح، مُثقف، مُجتهد وشاطر في شغلك إلا إن فيه حاجات تانية كمان لا تقِل أهمية بالعكس يمكن بتزيد .. وهي:
انت مُهم عند منو؟ بتحكي لمنو عن نجاحك وشغلك؟
بتفكر في منَو يشاركك حياتك، تأثر فيه ويأثر فيك، وتفضلوا في ضهر بعض طول العمر؟
دي حاجات غالية جدًا مهما وصلت لنجاحات لا تُعد ولا تُحصى ح تفضل مُفتقد وجودها لحد ما تلاقيها ..❤️

مساء الخير حُباً ..♡


عايزة اعترف ان احنا وصلنا لمرحلة من العُمر عرفنا فيها قيمة " المُعاملة بالمثل " ، وإن اللي يمشي لينا خطوة نمشي ليه نفس الخطوة بدون مُبالغة او زيادة حماس مننا ، لأنو إحنا ياما بالغنا في حُب الناس وطلعنا خسرانين في الآخر، و اتعلمنا برضه اللي حنلاقيهو جمبنا وقت تعبنا وشدِّتنا حنختو فوق راسنا وحيلاقينا جمبه برضو بس بنفس الدرجة والمردود بدون مبالغة في الجدعنة، لانو إحنا ياما بالغنا وفي الاخر كان اللي عملناه زي كأنو ما عملنا حاجة ! ، وصلنا لمرحلة من العُمر عرفنا فيها قيمة راحتنا وعرفنا قيمة نفسنا ، وكيف نحط كرامتنا قبل أي حاجة وقبل أي حد ، حقيقي إحنا مش أحسن من حد ولا رهيبين خالص ، بس ماف حد أحسن مننا عشان نتعب ليه وهو ما يتعب لينا ، ماف أغلى من نفسي اصلاً..

اتعلمنا العلاقات أخذ وعطاء ، وان دور الكريم المُعطاء بزيادة ده دور خسران جداً وبيدخلنا في الآخر في تعب وارهاق نفسي واسئلة كتير هو احنا ليه ماف زول معبّرنا او بيعمل لنا كذا وكذا ؟ وان ده طلع اسمو عدم نضوج عاطفي .

حقيقي احنا اتعلمنا بالخذلان والعلاقات التوكسيك والمواقف اكتر ما اتعلمنا من المدارس والكتب .


ومعليش لكل خسارة خسرناها ، ومبروك علينا نفسنا اللي ربحناها في الآخر♥️.



#على_الهامش ..

"أنا الإنتصار الذي كنت أبحث عنه، شكراً لكل هزيمة شاركت في تشييدي♥️)).


#تنزيل_صابر

انك تكون زول مرن .. دي حاجه سمحه شديد ..
وأنك توازن بين عقلك وقلبك دي حاجه سمحه جدا ..
وأنك تمشي مرات وراء احساسك .. برضو حاجه ظريفه منك ..
بس انك تختار نتيجه لي احساسك دي حاجه كعبه شديد. ..
في نقطه غائبه علينا كلنا ...
انو الاختيار ما بكون بالإحساس ..
ما هو الإحساس دا ما ثابت وبتغير في الدقيقه الف مره ...
بنتهي وبتجدد .. غير انو بنتهي هو زاتو بتغير ..
يعني انت حبيبت الحاجه دي. ..أو الزول ذا ممكن بي موقف.. أو نتيجه لحاجه ما أنت تكرهو وتقرر انك ما داير ..
اي نعم عندو دور بس كمان ما ممكن اعتمد عليهو في الاختيار ..

إلاراده .. دي الحاجه الوحيده الممكن نعتمد عليها ..
اخترتك بي ارادتي .. ح أحافظ عليك قدر ما اقدر ..
اخترتك بي ارادتي ح ابذل مجهود والله في البينا ذا ...
اخترتك بي ارادتي الممكن تضمن لي استمراريتنا لفتره اطول .. ما ح اقول للابد لأنو ماف ضمان ..
بس كمان لفتره أطول من اختياري ليك بي احساسي ...
اخترتك بي ارادتي يعني والله حتى لو احساسي اتبدل ناحيتك في لحظه ح اقعد اروضو وافهمو بالمنطق انو ما ينفع ...
اخترتك بي ارادتي .. يعني اخترتك بي قناعاتي ..
وطالما مقتنع بيك صدقني ماف شي ح يخليني اسيبك. . إلا أنت تغير قناعتي دي ..

ما هو الإحساس حاجه مؤقته بتروح وتتغير.. بس ارادتك هي البتقعد معاك فتره أطول ❤️

_

‏" اللّهم ردني إليكَ إن تهت ، وأرحني إن ضقت ، واغفر لي إن أذنبت ، وارحمني إن مِتُّ ويخّر من يتذكرني في دعائه واجعلني من ورثة جنة النعيم 💙."


اللهم صل وسلم على نبينا محمد وعلى اله وصحبه اجمعين .

ما تنسوا سورة الكهف√

مساء الخير حُباً ❤️🌎


"على مدى القلب وبعيدًا عن الحرب ...

محاولاتك الكتيرة في إنك تثبت وجودك لشخص معين قد تفشل ..!

وكل العطاء اللي إنت بتقدمه ممكن مايشوفه من الأساس..!

وكل حاجة إنت بتعملها قد يكون ماجايب ليها خبر ، ولا ليك إنت أصلاً..!

مرات كتيرة بنلقى نفسنا خاتين ناس في مكانة هم في الحقيقة مابيستاهلوا ولا ربعها ..

محاولات كتيرة بتتمثل في انك تبهرهم أو تقدم ليهم حبك دة في طبق مزين بالورود عشان بس خاطر عيونهم أو عشان ممكن يحسوا ويحنوا !

بتلقى نفسك عملت كتير كتير كتير بس بالمقابل مافي أي شي بيرجع ليك ..

الزول اللي زي دة أنا بقول ليك أنساااه ، وأنسى مشاعرك ليه !

حاول تطلعه من قلبك قبل ماالحب والمشاعر دي تتعكس عليك ..

و ..

أي عطاء يُؤخذ في العلاقات من غير أن يُرد يضر صاحبه !

بمعنى في أي علاقة انت قعدت تدي تدي تدي تدي من غير ماتاخد حاجة ح تضر نفسك وبس ..

ماتركز مع زول مامركز معاك ولا شايلك من أرضك ، شوف المكان اللي انت مُشترّى فيه وأمشي♥️.



#فرحة_إسحاق.
#علاقات.

@fadfadah98

‏"الايام اللي مسكت فيها نفسك وصبرت على حاجات ترفع الضغط،
الابتسامة الهادئة في وقت الانفجار،
ضبط انفعالك وردودك اللبقة كلها تبين إنك إنسان قوي ومُتربي وطيب، مافي أسهل من العصبية والردود القاسية لكنك اخترت القوة باللين والهدوء، تحكمك بنفسك وضبطها دليل على تربيتك الطيبة ولو كان الزمن شين."

لقراءه المزيد أضغط هنا 🎐

هذا الصباح ♥️


تلاتة انواع من العلاقات في الحياة ..

- علاقات بتضيف ليك.
- علاقات بتخصم منك .
- علاقات ولا حاجة .. ( لا هي ضايفة لا شايلة و دة في حد ذاته خصم ! )


دي انواع العلاقات في الحياة .. أيا كان نوعا .. صداقة ..حب . زمالة .. في التجارة و البيع و الشراء .. الخ

لابد انك تكون قادر تجاوب على نفسك " الزول دة وضعه شنو فحياتي ضمن التلاتة تصنيفات ديل ! " ؟!

و اذا ما قدرت تجاوب دة اسوأ من انك تلقى الجواب ما على مزاجك .

مبدئيا كدة و بالصلاة على النبي العلاقات ما مفروش أبدا أبدا أبدا تكون مرهقة .. !

ما مفروض اكون متشنجة منك ..
لو ما رديت ليك اتوتر ..
لو ما رجعت ضربت ليك اتكهرب و اعرف اني ح اقعد ابرر حياتي و تصرفاتي الساعة الجاية..


من اكتر الناس المريحين في حياتي .."فواز." صحبي بنكن لي بعض احترام و مودة كبيرات جدا جدا .. عشان شغلنا عكس عكاس و زحمة و مسؤولياتنا على كل الاصعدة لا يستهان بها .. و رغم ده انا عندي ضو اخضر اضرب في اي لحظة سواء كان بيستعدي الأمر او حتى ما بيستدعي .. بس ليه اوتر نفسي و اوتره ..؟ ما انا عارفة اني لو صحيته ح اكره نفسي !.

لينا سنين .. بنرسل لي بعض رسالة ..
"ممكن اكلمك ؟ "

و مافي زول بيتوتر ولا يتضايق من قولة " لا هسي ما قادر " عادي يعني .

في عيد ميلادي شكله نساني و هو قريب جدا مني .. ضربت ليه عشان انا عارفة انه بعزني جدا .. قلت ليه ضربت ليك عشان تقول لي كل سنة و انت طيبة ..!

هو اتبسط و انا اتبسطت و الحياة كويسة اهو.


دة ليفل عالي .. اعلى منه .. اني ممكن اضرب لي صديق تاني يكون لينا تلاتة شهور ما اتكلمنا .. اقوليهو " صدق البطاطس بتاعت مكدونالدز بقت اي كلام ..!؟ "

دي تكون افتتاحية الحوار .. و لا كيف ولا وين ولا في شنو ..! و نتناقش ساعة في البطاطس و نقفل !


نرجع للواقع شوية ..

عاين حوالينك .. من احسن الحاجات اللي حصلت لي قُربي من صديقة آسيوية .. جمعتنا القراية و العمل .. البت دي اضافة حقيقية لي حياتي !

بشوفا ناجحة.. بتمشي تسجل لي ماستر .. بتجي توريني .. حتى لو ما سجلت .. بكون عايزة لي قدام اعمل حاجة مشابهة .

بتقابل دكتورة تغذية كويسة بتوريني .. بمشي ليها طوالي .. حتى لما تتعلم هواية جديدة .. بتحكي لي قدر شنو الهواية دي شالت منها طاقة سلبية و اني لازم اجربها ..!

الناس اللي قاعدة ساي .. ب معنى ساي .. لا خير لا شر .. ديل في الحقيقة خصم ..

لأنه شئت أم ابيت هم ماخدين منك طاقة و زمن ومجهود ولو يبدو ليك انه بسيط
بسيط مع بسيط مع بسيط .. ببقا كتير !

الصنف التالت و الأخير ديل عندهم ميزة واحدة بس .. شارحين نفسهم !

كل زول فينا بيصنف الأذى بي طريقته الخاصة .. لكن في حاجات لابد اننا نكون مجمعين عليها ..

اي زول بتاع سبعة ورقات .. اي زول بتاع لف و دوران حتى ولو كان اللف و الدوران دة ما معاك انت مع ناس تانيين .. صدقني .. حيجي يوم و يلف و يدور عليك انت دة ولو بقيت ابوه !

ناس كتير سيئين .. صفاتم سيئة .. اديناهم مساحات في حياتنا ما كانو بيستحقوها .. مافي ندامة طالما الواحد اتعلم .. الندامة الحقيقية لو ما اتعلمت ..

ما محتاج توطا الجمرة مرتين عشان تعرف انها بتحرق !


المحيط بتاعك هو اهم عوامل نجاحك ..

على فكرة صحبك ما بالضرورة يكون الزول اللي بعمل ماستر و متقدم

انا بالنسبة لي " رينا " اللي بتعمل لي شعري اهم اسباب سعادتي و بتلعب في نجاحي دور ..

لأنها مهتمة بي تفاصيلي و حريصة اني قدر ما امشي ليها اطلع منها سعيدة .. و دة خارج نطاق لف الشعر !

دة زول بيدفعك للأمام ..! و بقول ليك يلا اهو .. شعرك حلو امشي حارب العالم ..!


اخر كلمة ..


محيطك" بيحيطك "و بيحدد مصيرك ..
اختار محيطك صح !♥️




#سلمى_المصباح.
#علاقات.

@fadfadah98

ياحليل أيام زمان بنصحي بصوت الأذان هسي بنصحي بصوت القصف و الدانات دا لو أصلاً بتاع الطيارة خلانا ننوم 💔

-
ربنا يعدي بينا الفترة دي على خير ونحتسب صبرنا عنده نلاقيه حسنات يوم القيامة .

صباح الخير والروقان❤️


ح اقول لك كلمتين لو خليتهم في بالك طول السنة دي هتطلع منها مختلف في جوانب كتير ان شاء الله ..


لا تتخيل كم الفرص اللي انت مضيعها على نفسك بحجة الاجابة على السؤال اللي بتسألو لنفسك
= س/ "هو يعني هيسيب الدنيا كلها وهيختارني أنا ؟

وطبعن بتجاوب باللاوعي بتاعك " أكيد لأ ."

وأنا بقولك ان فعلاً الاجابة هي "أكيد لأ" طول ما انت مُكمل بالعقلية دي !

طول ما انت عايش لا بتطلب ولا بتسأل ولا بترمي كلام مع فلان ولا بتحاول مع فلان ولا بتعرض تساعد فلان ولا بتسوق نفسك لفلان يبقى هتفضل الاجابة "أكيد لأ " ..

وهتفضل في محلك وحركتك بطيئة جداً لإنك منتظر الفرصة اللي تتفتح قصادك لوحدها وتناديك بنفسها وده مش هيحصل .. ده وهم لازم تفوق منه بدري بدري .

شوفت قدام عيني فُرص اتفتحت لناس كتير وحياتهم اتشقلبت تماماً لمجرد بس انهم طلبوا وسألوا وعرضوا نفسهم مش أكتر

اسألو..
اعرضوا شغلكم ومهارتكم ..

ده ببساطة اللي محتاج تعمله وتعمله مع ناس كتير وتخلي جلدك تخين لما تسمع "لأ شكراً" ولا تأثر عليك سلبياً لإنك مخسرتش حاجة ولا رجعت خطوة ..

انت كده كده واقف في مكانك بس بتعمل المطلوب منك وهو انك بتسعى.

وهتتفاجئ انها هتظبط معاك مع ناس تانية وهتلاقي اللي يقولك بالنص "أنا فعلاً كنت محتاج حد زيك ."

ناس كتير موجودة في أماكنها دلوقتي مش علشان هما أجدر ولا أشطر ولا أكفأ ناس ليها ..

لكن علشان ببساطة حطوا نفسهم في الصورة من غير ما يخافوا من : "أكيد لأ"

أغبى سؤال هو السؤال اللي مش بيتسأل..
وأفشل إنسان هو الإنسان اللي محاولش.

وشكراً❤️.



#سلسلة_التغيير.
#أحمد_سامر.

@fadfadah98.

الإساءة والتعاطف.

"لستُ مُتحاملاً على أحد ،أنا اكرهُ جميع الناس بالتساوي ."
- وليام كلاود.


إن الإساءات التي تعرّضنا لها في الطفولة وفي المراحل الأولى شوهت داخلنا ، و حين تشوه داخلنا فإن أكثر ما يطاله منا قدرتنا على التعاطف ..

فهي تفسد ويصيبها العطب حيث تصبح إما في حالة إفراط أو تفريط = (أكثر من اللازم أو أقل من اللازم).

لذا لا عجب أن نجد المتعرضين للإساءات يصبحون إما :

١ - قليلي التعاطف : نجد داخلهم سمات النرجسية وأحيانًا السيكوباتية، لا يشعرون بالآخر، ولا يقدرون مشاعر المحيطين، ولا يكترثون إلا بما يصيبهم وحدهم يعاملون الناس كمحض أدوات وأشياء ووسائل ينبغي استغلالها والاستفادة منها.

ينشأ هذا التبلد في التعاطف كوسيلة حماية للذات الجريحة والنفس المُلتهبة.

٢- أو شديدي التعاطف Empaths : إلى حد التقمص العاطفي لكل ما يمر بهم، ينغمسون بشدة في كل شعور للآخر، بل ربما يتناسون مشاعرهم ويقدمون الآخر واحتياجاته دومًا.

وهناك ظاهرة كونية واضحة؛ وهو شيوع ذلك التزاوج الذي يحدث دوما بين أصحاب النوع الأول ( متبلدي التعاطف مع أصحاب النوع الثاني شديدي التعاطف) ..

فتجد تلك العلاقة النموذجية والمكررة بينهما، العلاقة التي غالبا ما تكون داعمة لمرض كل منهما ومؤذية أكثر.

لذا فإن التعافي ضروري ، ويعيد ضبط مقادير التعاطف، ويعلم الناجين شكل التعاطف الصحي بلا إفراط حد الانغماس والإرضائية والتقمص وبلا تفريط حد الأنانية والتبلد ...

يعلمنا التعافي معنى التواصل الإنساني الحقيقي مع الآخر دون إغفال الاعتناء بالذات ووضع الحدود، وبلا نوازع الإنقاذية والإرضائية وكذلك بلا قسوة الانفصال أو وحشية الاستقلال.

العجيب في الأمر أن أصحاب نوعي التعاطف المعطوب يشعرون دوما أن علاقتهم عميقة للغاية ودسمة، ولكن الحقيقة أنها تكون علاقات شديدة السطحية والضحالة، ولكن أصحابها يظنون العكس..

وهكذا ربما في سائر علاقتهم: الصداقة والحب والعمل والزمالة.

تلك العلاقة الإدمانية التي تجمع بين النوعين هي أكثرها ضحالة.. رغم كونها أشدها تورطًا وانغماسًا وأصعبها في الفرار والانفصال والتحرر لما تغذيه لدى كل واحد منهما .


- عماد عثمان رشاد.
-كتاب| ابي الذي اكره.

#اقتباسات_كتب.
#الصحة_النفسية.
@fadfadag98

قبل يومين و احتفالًا باليومِ العالمي للشَّاي، كنتِ أنتِ الوحيدة الَّتي تعدل مزاجي دائمًا، كنتِ تستحقين الاحتفاء بك دومًا؛ لطالما كنتِ الحليب و الشاي و كنتِ عدلًا للمزاج ..!!❤️


#أحمد_أبا_ظافر_التَّارو

"هنا ستجدُ بعضاً من أحرفي المُثقلة بالحزن ..ونصوصاً لم أكن انوي مشاركتها💔".

- قناتي الخاصة.

شنو يخوانا 😔💔 !

انتو ما قاعدين تدعو وضع السودان يرجع زي اول ولا شنو ؟ ما عايزين حياتنا ترجع زي ما كانت ؟!

أنا عايزة كلنا ندعي
كلنا يبقى قلبنا على بلدنا
حاسة الحياة واقفة وباردة
وحاسة انو الايام شبه بعض شديد
أيوة نعم الحمد لله لسه خير ربنا ماشي
بس يعني ما ممكن الوضع الكُنا عايشنه يرجع ؟؟!

أنا خلاص الأمل الفيني زاتو قرب يكمل والله 😭

عليكم الله ادعو
حلفتكم بالله ادعو الوضع يتصلح
الدعاء بيغير الأقدار❤️😭.!

الكتابة عندها مواساةٌ حقيقيةٌ في زحمة الواقع الخانقة ..

هي لطيفة ، ذكية ، أنيقة، خجولة ، مُفعمة بالحياة ، تتنقّل بين الأحرف بخفّة وتحلّي اللغة العربية بما تكتبهُ لنا .💙


شعارها:

"لا تعتقد أنك شخصٌ عادِي،
إنما أنت تلبسُ العادّية لإخفاءِ
جُزءٍ من حياتك العظيمة🌸."


ألا بارك الله في #زكية_عاطف ومحتواها اللطيف وتحفيزها لنا💙.


دي قناتها .. شرفوها وحبوها:
https://www.tg-me.com/yaasmina21

مساء الخير ..
مساء فايض محبّة ♡


" الفترة اللي احنا بنعدي بيها دي من أصعب الفترات في حياة اي زول تقريباً النفسيات سئية جداً تعبانه جداً والأعصاب بايظة وماف أخلاق كل واحد مستحمل نفسه بالعافية ز ماف طاقو تحمّل ١٪ لاي عك ومشاكل تافهة وحوارات جانبية ممكن تدخلنا لمشاكل ما كان في ليها اي داعي بس كمية الضغط والقلق الحاصل ده ممكن يكون أكبر مُحفّز ليها..

احنا كلنا في مُركب واحد ، الناس تعديها بأنو تكون خفيفة على بعض ، وتلطّف الجو على بعض ، كل فترة يسألو ويشيكو على بعض لو في طريقة ، ما عايزين فجأة لا قدر الله نفقد زول ..

وال ما قادر زاته يعمل كدة او يقدم شي كويس يبطل ، ما مشكلة اهم شي راحته ، بس بلاش جو العتاب عشان لو اتفتح حنخش في الحوارات الجانبية ال قلنا فوق انو ماف داعي ليها..

- سالت مني it's okay وكتّر خيرك ..
- ما سألت مني برضو it's okay وكتّر خيرك .
المهم عندي تكون كويس بس والله ♥️.


بدعي إن ربنا يعدي الفترة دي على خير ، ويكون ابتلاء وامتحان نطلع منه ناجحين ومنتصرين ونكتشف فيما بعد انه اتعلمنا منه كتير شديد.



ربنا يجبر قلوبنا جبراً يتعجب منه أهل السماوات و الأرض ، جبراً يليق بكرمه ال ماليهو حدود و فضله و عظمته اللا متناهية ولُطفه المحاوِطنا من كل صوب."



#تنزيل_صابر.

@fadfadah98.