" وكأنني بالكتابة أستطيع أن أرآك، ألمسك
وأجلس مَعَك إلى نهاية النص❤️)).


احنا بنعبر بخواطرنا عن كل احساس كنت محتاج تترجمه ، وهدفنا الأساسي تلاقي نفسك بين السطور ..

دي مساحة ليكم عشان تحبّو وتنبسطو وتملو روحكم طاقة بوزتيف❤️.

حاجة كدة بنكهة:
#تنزيل_صابر
#ريما_عباس

..


القناة دي غالية على قلبي خالص ده غير غلاوة ستها .. بمجرد تدخلوها حترتاحو وتلاقو ليكم مطرح فيها
ما تزعلوني منكم وخلينا نكبرها❤️🥺


(تنويه: القناة خالية من الإعلانات! )

🏷 ده اللينك شرفونا :

https://www.tg-me.com/+REc15UiNLdu5KWA5

عقبالنا احنا كمان لما نجرب شعور إن الغرفة لاتسع أجنحتنا من الفرحة يارب🥺❤️)).

آمين لي ولكم.

هذا المساء ..♥️


بقيت مؤمنة خالص أن من أكتر الحاجات اللي بتكسر الانسان وبتهدّ حيله مهما كانت قوته النفسية هو شعور انو "مش مرغوب ، وحيد ، مُتهمش ، ما عنده جنبه يرتاح فيها وتحسسه بالآمان. "

اكتشفت ان الانسان قادر يكسّر الدنيا ويعمل المستحيل لم يبقى حد في ضهره داعمه ، حد بيستقوى بيهو ، فخور فيهو وعارف يوصل ليه الاحساس ده وبيذكّره بكدة دايماً ..

الحاجة الوحيدة اللي بتهوّن مشقة الحياة الصعبة والمُرهقة وبتقصّر من عمر الألم النفسي مهما كانت شدته هي مشاعر الحب ،الحنية، الاهتمام و الرعاية وبأن وجوده مُهم  من الأهل و الأصدقاء و الأحبّة .

من الصعب على الواحد يواجه الحياة من غير
المشاعر دي ، بجد أنا شايفة انها الوحيدة اللي
بتحمي الانسان من الانهيار ، ومعاها الواحد
قادر يواجه الدنيا كلها والله."


وصدق من قال :

" علاقة واحدة سوية قادرة تخلي الانسان يتعافى من مشاكل نفسية كتيرة ،علاقه صحية فيها تقبُّل وحب غير مشروط، كل طرف بيد فيها للطرف التاني ، يقدِّر وضعه ويحسِّسه إنه طول الوقت انه مقبول زي ما هو ومهم جداً في حياته، وانو الغلط بيتعالج بالحب والتفاهم♥️."




#تنزيل_صابر.

-

"اعوذ بك يا الله من خمول روحي وعصبيتي واكتئابي المتزايد واعوذ بالله من همومي العابره واستغفرك ربي صمتاً وفرحاً وحزناً وعافيه 💙."

اللهم صل وسلم على نبينا محمد وعلى اله وصحبه اجمعين.

مسالخير شباب💙🌸


كتابنا اللي حناخده في التحدي واحد من الكتب اللي عمل ضجة وزي ما وصفه واحد
"عبارة عن صفعة على الوجه! "

في الغلاف نلقى عبارة" كتاب عن الأمل "

وتكتشف انو المحتوى صادم وُمغاير تماماً للانطباع اللي تاخده من الغلاف .

صاحب الكتاب هو ( مارك مانسون) اللي كتب "فن اللامبالاة" الغني عن التعريف .

رحلتنا الجاية مع بعض عشان نستكشف سوا الكتاب ده ونشوف
هل فعلا يستحق كل الضجة دي ؟!


ح اخلي ليكم روابط لفيدوهات تشوفوها للي حابي ياخد لمحة عن الكتاب قبل نبدأ فيه

https://youtu.be/sieY22oH9O4?si=z91GQQ2MMIZi1KCi

https://youtu.be/C9-sWx--01w?si=Ojga3e8Q1SHZjHjS

وكمان ده لينك للكتاب كله في( شكل صوتي ) في حال من فضّل الاستماع عن القراءة 🩵.

https://youtu.be/B2_0SI6lXZk?si=ZxwswyGtZp0zzep9



#على_الهامش


" إن الجري خلف السعادة قيمة سامّة ظلت تحدّد ثقافتنا زمنًا طويلًا. إنها قيمة غير قابلة للتحقّق، ثم إنها قيمة مضلّلة أيضًا. وذلك أن العيش الجيد لا يعني تجنّب المعاناة، بل هو يعني المعاناة لأسباب وجيهة. وإذا كنا مضطرين إلى المعاناة من خلال وجودنا في حد ذاته، فحريٌّ بنا أن نتعلّم كيف نعاني بطريقة جيدة."


- خراب | كتاب عن الامل.
- مارك مانسون.


#قراءة_إيجابية

صباح الخير في وقتها♥.


من باب تجربتي الخاصّة ، عِرفت إنو في بِداياتكم حتلقوا الدعم (الحقيقي) غالباً من فئتين..

ناس قريبة ليكم شدييد
وناس بعيدة منكم شديد!

الفئة الأولى ، عشان بتحِبكم ، وسعادتها من سعادتكم ، غالباً بتشمل ناس البيت أو صاحبين تلاتة أو زول بيحبّك
الفئة التانية ، عشان ما بيعرفوكم ، وما منتظرين منكم ولا من غيركم حاجه أصلاً

الناس الفي النُص بين هؤلاء وهؤلاء
في العادة بيكونوا ساكتين ومتفرجين
لو نجحتوا حيتلفوا حوليكم ويتلصّقوا فيكم ويحتفلوا معاكم وحيقولوا إنهم كانوا مؤمنين بيكم من البداية
لو فشلتوا حيفضلوا ساكتين ومتفرجين في مكانهم ، في أسوأ الأحوال حيشمتوا أو حيحسّوا بالأفضلية أو حينبسطوا إنك لسه still معاهم في الهوا سوا!

عشان كده وللمرة الألف بقول إختاروا بعناية الناس العايزنهم حواليكم..
إختاروا أصحاب قلبهُم عليكم ، إختاروا رفقة بتهِمها سعادتكم ، إختاروا زملاء عمل يتثقوا فيهم ، شركاء شغل/سكن/حياة/سفر/..إلخ يكونوا معاكم في الحلوة والمرّة..

حياتكم ، ووقتكم ، وعمركم ، وقلوبكم ، ومساحة تفكِيركم ، وخانات ثِقتكم ، مجهودكم ، تعبكم ، وأيامكم ..كلها حاجات قيِّمة ما ينفع تكون available/ متاحة للغاشي والماشي ،
ما ينفع تعبُّوها بأي زول والسلام.

بالبسيط..

" لو إعتبرنا العلاقات دي دوائر متحدة المركز
ما تَحشي (دائرة حياتك الأولى) بي ناس (مزيفة)."


وبس كدة♥️.


#مريم_الشيخ.

@fadfadah98

للصديقة ألاء❤️
https://www.tg-me.com/feel3

" ماف أي مبرر لي قلة الاحترام ف العلاقات
مريض نفسي تتعالج.. قليل الأدب تتربى.! "


لو كل واحدة ماشة بالكلام ده في علاقتها مافي واحدة ح تتاذي..

بس لا
لازم تجامل وتجي على حساب نفسها ..

لشنو يعني !؟
عشان عِندك فراغ ما عارفة تمليه ؟!


ياريت تفهمي انو العلاقات اتخلقت للسكون والراحة ما لغير كدة ، الدنيا ما ناقصة اللي يجي يصعبها ويعكّرها ..

= وقعت ؟!❤️

#علاقات.

بسم الله نبدأ وبه نستعين ..🌸

نبدأ تحدي #قراءة_إجابية السادس لينا🔥



• اقتباس:

" إن اكتساب عادةِ القراءة وإحاطة أنفسنا بالكتبِ الجيدةِ ، هو بمثابة بناءِ ملجأ نفسيّ يحمينا من أغلب مآسي الحياة🌻.‏"
_ سومرست موم.


#تنويه!

كتاب | خراب لمارك مانسون

300 صفحة تقريباً ، ح اقسمه في شكل ملفات صغيرة كل واحد 20 صفحة ، بكدة حجم الملف ما بتجاوز ال 2-3 ميقابايت

كل يوم ان شاء الله في ملف حينزل ، بعده استفتاء ح تعمل عليه (تم✅) عشان اعرف الماشين كويس معاي منو من الكسلانين🌝

لو حسيت بالملل من البداية او المقدمة ما تستعجل بالحكم وحاول واصل في القراءة حتغير رايك ( من تجربة شخصية اكتشت انو في كتب كتيرة كنت ح اوقفها لو كان زهجت منها من البداية ، بسلم واصلت فيها ووصلت المنتصف بالزات اتحمست واتعلقت بالكتاب وخلصته ).

- الاقتباسات مهمة جداً ، كأنها الخلاصة او الفكرة المُجملية اللي طلعت بيها من قراءتك ، وكدليل ليك أنك اخذت اثر معاك من الكتاب ( مستحيل اقرا كتاب او حتى رواية بدون ما اطلع منها باقتباسات ) ...
ممكن تكون اسكرين لنص معين ، او تنسخ النص كتابةً وتحتفظ بيهو في note ، شوف الطريقة اللي تعجبك ، بس لازم ع الأقل تطلع بجملة واحدة في كل مرة .

- حسب تفاعلكم ورايكم لو لقيت انو كل يوم 20 صفحة كتيرة ، نخليها يوم بعد يوم.

- اخترت 20 صفحة لأنو لم جيت حسبتها لقيت انو ممكن نخلص منه في اسبوعين تقريبا او 15 يوم ،بس راحتكم اهم حاجة ممكن نقللّ عدد الصفحات إذا لزم .. 🌸


- واذا في شخص حاولت بجد يقرأ او يستمتع بالكتاب وما عرف ،يرسل لي في الخاص اقدم ليه اقتراح تاني ، وانا ح اتابع معاهو شخصياً ..
المهم يواصل معانا في تحدي القراءة .


- اما لو لقيت في اجماع عام من الكل انو وقف الكتاب حنوقفه علطول ونشوف غيره، اهم شي راحتكم زي ما قلت ليكم 😂❤️.

- مجموعة المناقشة مهم أنكم تدخلوها عشان فيها حننزل الاقتباسات ونتناقش عن الكتاب فا عايزة التعليقات تظهر ليكم ، ده الرابط :

@fadfadah980

• نصيحة آخيرة

" ليست العبرةُ في كثرةِ القراءة ، بل في القراءة المجديّة."


فـ إقرأ بتمعّن وتريّث ..
لانو الغرض مش القراءة وخلاص ، لا الغرض والمقصد يجب أن يكون أبلغ وأسمى، القراءة دي وسيلة تعزز بيها من ثقافتك، وعيك ، إيمانك، قوّتك النفسية ولغتك ،و وسيلة لترويح النفس.


• اذا عايز لمحة عن الكتاب ارجع للبوست ده
https://www.tg-me.com/Fadfadah98/9120

•واذا حابب تقرا الكتاب براك وتقسمه على راحتك ، حتلاقيه هنا
https://www.tg-me.com/Fadfadah98/9050


• لو أول مرة تسمع بمصطلح #قراءة_إجابية وعايز تعرف فكرة التحدي ، وعايز تعرف آخر كتاب اخدناه .. ارجع للبوست هنا :

https://www.tg-me.com/Fadfadah98/4943


نقطة سطر جديد ..

= يلا بينا ؟
يلا ❤️


#قراءة_إيجابية.
#سوا_بنقدر.

الملف الأول🌸.

مقدمة + الفهرس+ الفصل الأول :
" الحقيقة غير المريحة."


#قراءة_إجابية.
#خراب

الملف التاني🌸.

تكملة الفصل الأول + جزء من الفصل الثاني

" التحكم بالنفس ..وهم!" .

• في قصة ملهمة جداً عن تأثير المشاعر في اتخاذنا للقرارات وكيف بدونها نخسر كتير.

(ما ننسى الاقتباسات نشاركها تحت في التعليقات).

متابعة ممتعة💙

#قراءة_إجابية.
#خراب

الملف الثالث🌸.

تكملة في الفصل الثاني .

• جزئية اليوم تحكي لينا عن العقل المُفكر وعقل العواطف او المشاعر ، وياتو واحد فيهم هو اللي ماسك زمام التحكم ؟!


أنا أستمتعت بجزئية اليوم لدرجة ما عارفة اشارك شنو كإقتباس واخلي شنو🥺🩵

🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

"كُنتِ معاي كل ما أتوه بلاقيكِ للعُمر سلوي♥️."


ماف حد قبلها عرف ياخد قلبي ، ولا عرف يخليني احبه زي ما حبيتها ..
للان بقول انو المحبّة دي جاية من ربنا و مُباركة ،ما كان حيكون في سبب أقوى من كدة للحب ، أنك تحب انسان في الأساس بس عشان ربنا كان مُقدر ليك كدة .


أنا مُؤمنة بأنو هي جات على هيئة تعويض لي على تعب كتير ، وعلى ناس كتير استهانت بمحبتي وقلبي ، على وحدة ووحشة كتيرة كُنت محبوسة فيها.

جات واثبتت لي انو دايما في عُسر بعد يُسر، نهاية حلوة ونور في آخر النفق ، وأنو لُطف ورحمة ربنا بتجي على هيئة بشر بالجد.

ريم فضلت ثابتة في قلبي ،
بل ظلت كل طول السنين محبّتها بتزيد وتثبت لي مع الأيام انو هي فعلاً استحقت قلبي ، وعمره ما كانت في حاجة كتيرة عليها.

اثبتت لي انو لو زول ممكن أني احارب الدنيا عشانه حتكون هي ، لو في زول ح ابيع الكل عشانه حتكون هي.

وهي ما تعبت أبداً بدورها تزكرني بقيمتي عندها ، بمحبّتها ، وكيف انو هي مستعدة تحارب بدورها عشاني .

ريم وانا وهي لسه معرفتنا سطحية اثبتت لي بمواقف صغيرة وتفاصيل (ممكن تكون هي نفسها ما متذكراها) انو دي الزولة ال ممكن تبقى ليك ضهر تتسند عليه ، ممكن اثق فيها وعمري م ح اندم ، اثبتت لي انو هي بت بمليون راجل وحيطة يتسند عليها بمحبّتها الخالصة واهتمامها وخوفها .

البدايات الحلوة في علاقات كتيرة بتديك احساس زائف بالآمان، بتكون حاسس لسه انو دي البدايات بس ! ، بتكون خايف فيها من النقاشات والخلافات والصدام ، بس معاها هي انا بكون مطمّنة انو حتى واحنا في الخلافات بكون قلبها عليّ ، بتخاف علي وعمري ماهُنت عليها..

وإحساس" أني ما أهون" ده كان اكتر حاجة كنت فاقداها ، وحسيته لأول مرة معاها .

أنا وهي بنختلف ونتزاعل ونتصادم في نقاط ونعاتب بعض ، وحرفياً هي اكتر زولة بخش معاها في خلافات، كل علاقاتي التانية سطحية وانا النوع ال ما بعاتب الا لو كنت بحب بالجد ، بس دايماً بنلقى طريقة نحل كل حاجة.

و هو الشوق عموماً بحنِّنا لبعض ، فما بنقدر نطوّل في الزعل ♥️.

أنا فزت بزولة حنيينة وقلبها رهيف ، معجونة بمحبّة، علمتني احب صح ، كل يوم بتعلمني احبّ نفسي واتمسك بالحياة.

أنا جاية اقول انو ربنا بعوّض ، ومرات رزقك السمح بكون انسان ♥️.

أنا جاية اقول الدنيا لسه بخير والله ،وفي أمل نلقى ناس صح ، اصحاب صح ، علاقات تضيف لينا وتنوّرنا رغم العتمة اللي عايشين فيها.


ما بتمنى غير تتبارك علاقتنا ،وتتبارك الايام ال حنقضيها في الدنيا دي يا ريم ، وصُحبتنا للجنة يارب.



#في_الختام

" بحبّك ♥️"
ولو كان في أبلغ من بحبك كنت قلتها ليك :")



- المُخلصة..
#تنزيل_صابر


🏷خِطابات إلى الريم.

الملف الرابع🌸.

الفصل الثالث :
" قوانين نيوتن في المشاعر والإنفعالات"



🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

هذا الصباح ♥️

اعترافك بي وجود مشكلة ما .. على قدر ما هو جزء كبير من حلها ( لأنه في ناس أصلا ما معترفين بي وجود المشكلة و في ناس أصلا ما عارفين أنه في مشكلة و ديل لسة بعيدين شديد ! )

اعترافك دة ما كفاية ..!

ما كفاية انك تقول أي أنا عارف انه التصرف الفلاني غلط ولا القصة الفلانية هي مشكلة حقيقية في حياتي ..

و تفتكر انه انت كدة منيت علينا أو على نفسك بي أنك معترف بيها

عليك إنك تسعى سعي دؤوب لي حلها

و ما حتتحل طوالي ..

والا كان مافي مشكلة ولا في تعقيدات في الحياة دي

كان كلنا صحينا من النوم بطريقة سحرية ما و حلينا كل خلل و انتهينا ..

و لكن الاجتهاد في ايجاد الحلول هو المطلوب فعلا ..

في عالم يضج بالميديا و بالمواد التعليمية و بالإرشاد النفسي و الروحاني و العقلي

لا يمكن تقعد مكتوف الأيدي..!

اجرب مرة و اتنين و عشرة و مية و ألف لو احتاج !

بس أصل لي حل ..

افك عن نفسي و عن محيطي الأزمة اللي أنا فيها دي ..

كمثال .. أنا عارف اني "ماسورة" و بتأخر في مواعيدي و بلخبط حياتي و حياة الناس المعاي..

طيب و بعدين.. ؟

تقبلوني كدة بس ..! يا تشربو من المالح !

لا طبعا

ممكن نتحمل لي حد معين لكن بعد شوية we will move on

و مش نحن برانا.. الحياة كلها ح تموف اون معانا !

حتدي العالم ضرر العالم حيعاقبك و يديك ضررين ما واحد لو ما أكتر

ماشية كدة ..

و ما حتقيف في حتتك و بس .. حقيقة انت حترجع للخلف.

فقصة انا كدة و اهو دة الحاصل ما حتوديك لي أي مكان ..

سعيك لحل المشكلة حيخليك تلقى إنه قدامك مئات الحلول و الاختيارات

نيتك الصادقة و رغبتك الصادقك و سعيك الجاد حيوجد ليك الحلول

غير كدة حتلف في دوائر مفرغة و تلقى الزمن و الحياة و الناس فاتوك تماما ..

العمر مش بعزقة ( زي ما بقولو اخوانا المصريين )

و اللي عايز حاجة لابد يوم يلقاها .. كل الفكرة إنه يكون فعلا " عايز " الحاجة دي ..

هذا الصباح ..

( و أن ليس للإنسان إلا ما سعى ، و أن سعيه سوف يرى )

صدق الله العظيم

محبتي التي تعلمون♥️.


#سلمى_المصباح.

@fadfadah98

صباح الخير شباب 🩵

بعتذر عن غيابي الخميس والجمعة لظروف خارجة عن يدي والله بالإضافة لانقطاع النت والكهربة
بتمنى الناس ال كانت متابعة تكون رجعت للكتاب الاساسي وكملت العليها؟

بس ع العموم الملفين جاهزين ،ح انزلهم مع بعض ..
نقرا ونرسل اقتباساتنا🌸

الملف الخامس🌸.

تكملة الفصل الثالث :
" قوانين نيوتن في المشاعر والإنفعالات"


#لفتة:
تمينا كدة أول 100 صفحة✅😍
يلا نواصل.


🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب

الملف السادس🌸.

الفصل الرابع :

" كيف تجعل أحلامك كلها تتحقق؟! "


🔻(كالعادة ما ننسى الاقتباسات نشاركها تحت في التعليقات)



#قراءة_إجابية.
#خراب