-
" ‏يا ربّ ألا يضيع منّي كل شيءٍ أحببته ولا تُعاقبني بمن أُحِب، وأن تجعل الخير فيما يرتاح قلبي له وتُقرّ عيني بما أُحِبُ وترضى💙."

اللهم صل وسلم على نبينا محمد وعلى اله وصحبه اجمعين.

صباح الخير من بدري♥️

عايزة اقول ليك إيمانك بنفسك شي والدافع والتشجيع البتفتش عليهم شي تاني خالص.

عمرها ما كانت الإنجازات عايزة دعم وتشجيع ..

في حاجات بنعملا عشان نفسنا وروحنا دي وما راجين من الناس أي تصفيق .. وغالبًا دي هي أكتر الحاجات اللي لما الناس يشوفوها بنبهروا وبتعجبهم ، عكس البنمشي نحكيها ليكم بدافع إننا بنشاركهم وعايزين رايهم فبحطمونا ونركن الفكرة.

شوف كم مرة نجحت في الحاجات اللي ما حكيت لزول عنها ولا طلبت مساعدة ..؟!

وبالمقابل كم فكرة عدلت عنها وطنشتها عشان زول سألتو من رايو وقال ليك صعبة أو ما حتظبط.!؟

الحرب ما تحبطك لو عندك أي مشروع أو قدرة لإنك تنقذ نفسك أبدا طوالي من غير تشجيع ومن غير دعم ولو إضطر الأمر من غير شورة.


#على_الهامش:

"أنت وحدك من يُقرر وأنت وحدك من ينجح لا تحتاج لآخرين يقفوا خلفك، فقط أمضي قدمًا وسيلحق بك الجميع♥️.))


#نودين_عبدالله
@fadfadah98

مساء الخير متأخر شويتين ..

أنا ح اكون متاحة كم يوم لإستقبال الاستشارات بغرض الفضفضة والمساندة لا أكثر .

اللي حابب يتكلم معاي وحاسس انه وحيد ده معرفي ، عايزاك تعرف انك ما براك❤️

@Tanzeel98

• وللخصوصية اكتر ، ده بوت صراحة

https://www.tg-me.com/b7bot?start=V8tx3

#كسرة

الاولاد ياريت بكل احترام يتم التواصل لانو اسهل ما عندي البلوك

لو عندك مشكلة تقولها طواااالي بدون مقدمات وحنك كتير والمشاكل العاطفية ابعدوني منها .

مساء الخير حُباً ♥️

عارفين لما السنة الدراسية تبدأ ، ونشتري الدفاتر الماخمج .. وكنا زمان بنوديهم للخطاطة في الفصل تكتب لينا اسماءنا ... ونجلد ونتجارى باللبس الجديد... ونلتزم بحل التمارين والتصحيح اول بأول ... اسبوعين تلاتة ..!

بنتعود على شكل الكراسات .. وبتروح بهجة التصحيح وكلمة ممتاز على الورق الابيض... ولما مديرة المدرسة تتكلم في الطابور عن العلماء والمخترعين وتحفزنا عشان نكون منهم ،و بيبقا الكلام مسيخ .. الا على المقرر ومختار يكون اسم وعلامة فارقة.

وبعدها الواجبات بتكون مجرد واجبات مكررة ، والاحلام بتختلط بواجباتنا في البيت وغسيل العدة .. و أوضة الاولاد المابينضفوها... ودموعي على صحبتي السافرت بدون ما اودعا ، ومن يوم ليوم ... وسنة لسنة بتبقا احلام مُرحّلة "بالتشديد" يعني بتتشال من سنة لسنة .

وفجأة !
تبقا قدام امتحان الشهادة ... ويطالبوك بتحقيق احلام امك وابوك وحبوبتك وناس حلتكم ذاااتم .. وتبقا انت مخلوع .. انا الجابني هنا شنو؟ وجيت متين؟ وانا منو اصلا؟؟؟؟؟

عارفين الحيرة دي ؟
كانت نموذج لحيرتنا اسي... احنا ليه ماحلينا مشاكلنا مع انفسنا ابدر من كدة ليه؟!

ليه كنا بنتفرج على ذواتنا بتتقاتل ؟! وكل العملناه اننا قهرناها ... وضارينا جراحها ... ما فتشنا العلاج ..
ولما سمعنا بالعلاج ، استكثرنا نشتري الدوا ونتشافى.

نحن الآن في مرحلة التشافي الإجبارية !

لو ما لحقنا روحنا برانا... مابنشفى ...
لو ماحلينا الواجب اسسسي ، ماحنطلع من مكانا.

خلاص .. انتهت فترة السماح ، نحن في الامتحان .. يانجضنا شغلتنا ... يا عيدونا السنة ... والاختبار... والحرب الداخلية والخارجية ..

حلوا حروبكم الطاحنة جواكم يا اصلحكم الله ، حلوها بالتفاوض ، باللين ، بالتفهم ، بالمساندة والدعم ♥️

ساعتها بس الحرب حتقيف ، عشان لو ما وقفتوا حروبكم الداخلية حتفضل المعارك مدورة جوة حتى لو البرة وقفت بانتصار او بصلح .

وقعت ؟؟


#رندة_إمام.
#خلي_بالك_عليك.

@fadfadah98

- ازيكم؟!

حبيت اديكم خبر عن قناتنا الحلوة دي

فيها حتلاقوني أنا وريما عباس ونخبة من البنوتات اللطيفات بنقدم ليكم محتوى مميز بنكهة رقيقة وإحساس عالي ..
على قناتنا الأساسية : " خواطر من القلب ♡"

..

#على_آخر_السطر

" حِمل الليالي خفيف ..
لما يشيلوه إتنين ❤️)).



خواطر من القلب .. للقلب❤️🫀

https://www.tg-me.com/Yakoziyat

هذا المساء ..

" الأصحاب مراية الروح ❤️. "


أنا عارفة إنو مستحيل زول بيفضل عايش في الدنيا دي براهو وحيد من دون الناس !!

و عارفة كمان إنو الحياة بتحلى بوجود ناس حلوة حوليك
تحسسك في كل مرة إنها مبسوطة بيك وتحاول تصنع منك
نسخة كويسة وتخليك تبقى إنسان بالجد !!

يوم كنت ماشة في الشارع ولقيت إتنين أصحاب قاعدين

تحت ضل شجرة واحد منهم قال للتاني :

" أنا عارف نفسي زول سيء شديد !

والتعامل معاي صعب شديد !!

لكن مدام أنت جنبي يا صحبي ، أنا واثق إني حإتصلح وأبقى إنسان كويس "

لما سمعت كلامو دا دي عرفت انو الولد دا واثق في صحبو شديد وإلا ما كان قال كدا وهو عارف تماماً إنو بي وجود صحبو جنبو حيتغير للأحسن.

وفهمت كمان إنو عادي في ناس ممكن تزرع فيك حاجات حلوة شديد وتخليك تبقى زول مّليان بالخير.

في يوم في زول بعرفو قال لي :

أنتِ عارفة يا عبير ؟

مهما الإنسان كان كعب وفيهو بلاوي الدنيا دي كلها !

= حيتصلح لما يلقى جنبو الزول الصح البيدعمو ويرشدو ويحاول يصنع منو نسخة كويسة.



#على_عتبة_النهاية

" الباقي على زول ما بيتعب منه حتى لو كان مليان عيوب !

وحيحاول بكل الطرق الممكنة والمستحيلة بأنو يصلحهُ ويبدل عيوبو مميزات.

للأمانة نحن نسخة كويسة صنعونا ناس بحبونا وبنحبهم شديد. "



= وأنا معاك يا صحبتي بشوف كل الدنيا خير في خير وبتتبدل عيوبي محاسن !)) .🌹❤


#عبير_ابراهيم.

الواحد محتاج يصل المرحلة دي 🙂💛
تعالو نسمع بيسنت بتقول ايه؟!

#بيسنت_دينار.
#خلي_بالك_عليك.

يا صباح الخير ..❤️

لقيت البوست ده جاهز عندي من شهر 5/ 2021 عن الفضفضة ( وما عارفة ليه ما نزلتو من وقتها)
قومت قررت أعدل عليه وانزله ليكم بما انه جبت سيرة الموضوع امبارح بليل وصورة الدفتر جذبت انتباه كم حد عندي في الخاص .

...


= إزيك يا الزيك ماف؟!❤️

كنصيحة كدة ع السريع من مُجرب قبل ما يطلع على الجامعة ويبدأ يوم مزدحم بالمحاضرات ..

عايزة اقول ليك انو في أيام بتجي ورا بعض كده بتكون مُرهقة وضاغطة شديد على الواحد..

وممكن مع زحمة الأيام دي وجوطة الحياة والإلتزامات الواحد ما يلقى زاته زمن يفضفض لشخصه المُقرب( أيا كان الشخص ) خصوصا ايام زنقة الامتحانات ..
فيبقى في ضغط مضاعف ، والواحد بيصل مرحلة عامل زي البلونة اللي ممكن في لحظة تنفجر

وخصوصاً لو كنت من النوع الكتوم اللي بيتحامل على نفسه، مش trust في أي حد بالساهل، ومش بيحكي إلا بعد طلاع روح وتحانيس ودراما ( زي كدة ) .

في الفكرة دي أنا بعملها لي فترة كدة مش طويلة ، بس حقيقي من الحاجات اللي بتفرق معاي واتعودت عليها ..

الفكرة يكون عندك دفتر صغير كده ، بتاع الملاحظات ده ، او أي دفتر انت حابب ، ومعاهو قلم ويبقى ده للفضفضة .

يكون قريب منك ، يعني انا مثلاً حاطاهو في دولابي في أول رف وظاهر شديد عشان يكون قصاد عيني على طول
عشان كنت محتاجة اذكّر نفسي " يا تنزيل بدل ما تكتميها في روحك كدة هدا الدفتر يلا تعالي نفرّغ حبة) .

لم تحس انو جواك كلام، او عتاب، موقف ضايقك ، حد عمل معاك حركة مش لطيفة خربت ليك مودك او قلبتك لك يوم فوق تحت ، أو سمعت كلمة طايرة كده بقصد أو بدون قصد جرحتك ، علطول امسك قلمك وال في خاطرك كله نزله على الورق .

ع فكرة ماف زول حيركز معاك اطمنك !

وانا قاصدة بكلامي النوع اللي بيحس ب insecurities وخايف ان واحد من اهل البيت يكتشف ويقرأ الكلام اللي فيه ..

فلو ده حاصل عادي جداً اكتب وفرّغ كويس واقطع الورقة واتخلص منها ، احنا غرضنا الفضفضة بس اصلاً ، وصدقني الحاجة دي حتفرق معاك شديد لو جربتها.

لانه بجد الكتمان ده اسوأ حاجة والله ، و بيستهلك في البنيادم من جوة..


هي اكيد طبعا مش بتغني من انو الواحد يتواصل تواصل حي و active مع صاحب او شخص ينفع يتحكي ليه ويلاقي طبطبة ودعم ..

بس أهو افضل من الكتمان ، وعلشان مش دايماً كل حاجة ينفع نحكيها

وعلشان بنخاف انه ما نلاقي حد فاضي دايما عشان يسمع مشاكلنا الكتيرة

وعاشان الواحد ما يجي فجأة يلاقي نفسه بنهار في توقيت مش ظريف وفي أبسط موقف .


أنا وحدة من الناس الفضفضة كانت أصعب حاحا بالنسبة لي ، مش متعودة اصلاً اشتكي واحكي عن وجعي او اتكلم عن نفسي بشكل عام ..

الكلام مش بيطلع مني بالساهل خالص، وحتى الفضفضة بالكتابة دي للآن مش شاطرة فيها جداً ..

بحس أني دايما صعبانة عليّ ألقى الكلمات المناسبة عشان أوصف إحساسي، بس الفكرة دي بقيت مطبقاها من فترة ماطويلة ، حتى لو كسلت اكتب في دفتري ، بفتح ال note بتاعة الفون واكتب فيها.

و اكتشفت انو دي مهارة الواحد ممكن يكتسبها لو ما بيعملها مع الوقت و بتطوِّر من قدرته على التعبير عن مشاعره .


#اخيراً..

ما تتردد او تخاف من مواجهة نفسك بالحاجات الحايمة في دماغك ، ولا تخجل من مشاعرك مهما كان شكلها عامل كيف او كانت تجاه منو !

حاول بأبسط شي دايما تخفف على روحك وتهونها على نفسك .



#على_آخر_السطر


" لن تجد صديقاً افضل من نفسك ، فاليوم لايوجد من يحفظ السر ولا من يحفظ الود ولا من يكون معك(عالحلوة والمُرة) فكن انت صديق نفسك.
اكتفِ بذاتك، لملم حطامك واتكئ على بعضك وقُم ، هذا هو السبيل الوحيد للنجاة❤️.))



#تنزيل_صابر.
#خلي_بالك_عليك.

@fadfadah98

And that Makes me Love you more and more 💕

لي فتره طويله فاقده حياتي القديمه شديد وعندي رفض فظيع للحاضر الانا عايشاهو حاليا ، ما لأنو سيء ،بس لاني شايفه انو الماضي حقي حلو ، انا كنت احلى زمان ،شخصيتي كانت احلى كل شي كان حلو وبسيط وهااادي جدداا ، كنت محتفظه بكل شي قديم بخص الفتره ديك وماراضيه امسحهم ابدا ..
لحد ما في يوم قررت اغير نظرتي للوضع ده ،وفهمت وقتها لما بس نويت التغيير انو كل حاجه انا كنت متمسكه بيها من الماضي هي كانت حاجبه عني اي جديد في حاضري ، ف قررت وقتها اني اتخلص من كل شي بمعنى الكلمه ، كان القرار صعب بس قويت قلبي وعملتو بنسبة ٧٠% للأمانه ، لسه في حاجات ماقادره اتجاوزها وانساها بس قاعده احاول ! ..
وقررت اني احب حاضري زي ما هو وافهم انو طبيعي جدا الحياه تتغير ، وانو في شي حلو في حياتي بس انا اللي ماقادره او ماعايزه اشوفو ..

صح هسي حتى كتابه بقيت ماقادره اكتب ، بس اكيد حيجي يوم وارجع اكتب بنفس الشغف الاول وارجع اكبر القناه من تاني واكون احسن في كل شي ودي مامجرد امنيه وخلاص ،لا ده شي انا حعملو بإذن رب العالمين ..

احيانا قد يكون الماضي حلو ، بس لما تعيش حياتك وانت بس بتتزكر الماضي حتلاقي العمر راح والحاضر راح وانت لا قدرت تعيشو ولا قدرت ترجع الماضي حقك ، عشان كده اتقبل فكرة انو سُنة الحياه هي التغيير ،واظن انو الحرب دي اكبر دليل على انو حياتك ممكن تتغير في ثانيه !
وبس يعني كلو بعدي ف لازم نعيش صح لانو ده عمرنا وحنتسأل منو .
#لينا

الليلة أول ليلة في شهر مُحرم
تخيل بقى نحيّها بقيام ليل❤️!؟


حتكون ذكرى حلوة شديد ، وعمل صالح عظيم سبناه على صحيفتنا .


شهر مُحرم شهر عظيم ..

الرسول ﷺ كان مُسميه "شهر الله❤️"

وقال عنه : (وَأَفْضَلُ الَأشْهُرِ شَهْرُ اللهِ الذي تَدْعُونَهُ المُحَرَّم) وإضافته إلى لفظ الجلالة" الله" دلالة على عظيم قدره وخصـوصية فضله عن سائر الأشهر🥺❤️.


ياريت لو نستغله بأقصى قدر ، وننوي فيه انو يبقى القيام فرضنا السادس ..ندعي ربنا يوفقنا ليهو.

هم ركعتين بس ..
تفصلك عن ضجيج الحياة .
ركعتين تشيل بيهم همومك فوق كتافك وتسافر لـ ملكوت مُقدس حيث أبواب الرزق كلها فاتحة على مصارعها.

وربّك بجلالة قدره وعظمته يقول هل من مستغفر فأغفر له؟؟ هل من داعي فأستجيب له؟!
معقول تفوّت على نفسك النداء؟!
معقولة أنك لا تشتهي من أمور الدنيا شيء؟!

- أنا سامعاك وانت بتقول ان ذنوبك كتيرة، وانو صلاتك الفرض اصلاً مُقصر فيها وخجلان تصلي قيام ليل عشان بس تطلب من ربنا ونعيمه ..

= عايزة اقول ليك إلا ربنا ، ما اتعامل معاه كدة ..
اوعك تفتكر انه هو ينظر لذنوبنا وماضينا ، ربنا ينظر الى قلوبنا عشان يشوف هل في صدق في محبتنا وإخلاصنا ليه!؟

وطول ما أنت بتحب ربنا ، قدر ما تذنب تتوب بس ، وتستغل الحاجات ال بحبها ربنا وتعملها ، تدرك السيئة بالحسنة ، بلا كلل او ملل.
ربنا زاتو قال : ان الله يحبّ التوابين ويحب المتطهرين❤️."

ربنا بحبنا وكل يوم بدينا فرصة عشان نبقى احسن وأكثر قرباً ليهو ، و احنا غافلين .

ربنا لو مشيت ليه خطوة حيقرّبك منه خطوات ، بس انت كيف تمشي ليه؟!

مش ربنا اللي قال: " من أتاني يمشي اتيته هرولة، ومن تقدم الي بذراع تقدمت اليه باع؟!"

ايوة ❤️

بس احنا الدنيا ساحبانا في دوامتها وغافلين شديد ، لكن من جوانا عارفين رحمة ربنا أكبر وحتشملنا.

طول ما انت فيك نفس اوع تيأس من رحمته ، أسعى عشان تبقى أقرب حتى لو بنافلة و تطوع .

صلي القيام بنية ربنا يعينك تحافظ على باقي صلواتك .
صلي القيام بنية التوبة عن كل الذنوب اللي وقعت منك خلال اليوم .
صلي القيام بنية القُرب من ربنا .
صلي القيام بنية ربنا يصلح حالك وحياتك .
صلي القيام بنية انه يكون العصاة السحرية لتحقيق كل أمانيك .


احنا دخلنا آخر شهر من الأشهر الحُرم ( رجب ، ذو القعدة ، ذو الحجة ، محرم )

يعني دي آخر فرصة تفضل لينا من فُرص الأجور المُضاعفة والمُباركة تاني الا العام القادم ربنا يحيينا علشان نقدر نحضر فرصة زي دي .

بس طالما النفس فيها روح لسه
نعافر ونستغلّ الفرصة ال بين إيدينا .


#على_الهامش


" لم يخذلني الله أبدا رغم تقصيري المستمر، رزقني من واسع فضله بغير استحقاق مني، سترني وجبر خاطري رغم عظيم ذنوبي استجاب دعائي بخير مما دعوت وأدهشني بعطاءه بأكثر مما تمنيت أمهلني وأكرمني ولم يأخذني بذنبي.. هو ربي وملجأى وملاذي عند كربتي وأنيس وحدتي
رحمته تحاوطني وفضله يغمرني❤️"


#قيام_الليل.
#تنزيل_صابر.

#لديك_رساله "١٢"

" قاعدة خليها في دماغك لحياتك كلها،
لو أنت لسة بتنبهر بحياة غيرك لأي سبب من الأسباب، فأنت شخص طفولي وغير ناضج، لإن الموازين الباطنية عادلة جداً ومش واجب على كل شخص تتكلم معاه يعرفك فقد شنو في حياتو مقابل حصولو على شيء تاني.
ركز في حياتك فقط وخليك على يقين إن ربنا عادل جداً واسعى في طريقك بنفس راضية واحمد الله على كل شيء .."

إعرف وجهك الآخر 🌸.

#كتب.