-
‏”اللهم خذ همي وهم من أحب، وذنبي وذنب من أحب، وتعبي وتعب من أحب، أحب، وأسعد قلبي وقلب من أحب.”

اللهم صلي وسلم على نبينا محمد وع اله و
صحبه اجمعين 💙

صباح الخير حباً يا أصحاب 🩷


رسالتي الليلة لكل الناس اللي حاسه انه مودها ما تمام ، أو انه الحياه واقفه عندكم ليها زمن ..

لو طولت ما عملت حاجة جديده ، طولت ما حسيت كده بإحساس حلو مالي قلبك .. روتين وقلق وايام بتتكرر.


بس خليني اقول ليك في الأول ..
انت السبب ، تغيير الحاجة دي في يدك إنتَ !


نحن منتظرين الظروف تتغير علشان نكون احسن ..
منتظرين تحصل حاجة جديده في حياتنا علشان نتغير
منتظرين يجي الشخص اللي يملّا قلوبنا احساس فرح وبهجة ومربعين يدنا ..


لأ !!

حاول من بكره تكون انت التغيير ، وانت اللي بتتخذ خطوات ايجابيه في حياتك من غير ما تنتظر الظروف او الناس هم اللي يتغيرو ..

شنو اللي ما عاجبك حاليا ؟
الروتين ، طوالي غيره بأنك تضيف نشاطات جديدة .

زهجان ، بكره اطلع قابل ناس .

حاسي بالفشل والإحباط وضياع المستقبل ، بكره خلينا نعمل حاجة ايجابيه في مستقبلنا حتى لو نقرا لينا صفحتين في مجالنا ..

الموضوع بسيط ما لآزم طلعه بقروش كتيره ، او تغيير كوني رهيب علشان نغير مودنا ، هو بس قرار من جوانا انه ( بكره احسن )

وإننا محتاجين نكون فاعل في حياتنا مش مفعول به ، محتاجين نقرر انه حياتنا ما ينفع تضيع في زعل ونفسنه وكآبه وأننا فعلا نستاهل نفرح ..

قد تكونو شايفين اني بكتب الكلام ده من ورا الشاشه وانا ما حاسه بيكم ، لكن بالعكس تماما أنا بكتب الكلام ده وانا مُحبطه برضو وحاسه بكل الاحاسيس السلبيه

بس غمضت عيوني كده وفكرت هل أنا بعد خمسه سنين من الليله مثلا عايزه اكون نفس ساره اللي راقده وزهجانه ومُحبطه وحاسه انه حياتها ما تمام

ولقيت الإجابه لأ طبعآ !
نفسي اكون شخص ناجح مؤثر بشكل ايجابي في الناس ، حابي نفسه ومقدرها جدآ بالتالي الناس حاباهو ومقدراهو .

وقررت اني حاحاول على قدر ما اقدر اشتغل علشان نفسي اكتر واحاول اعمل كل يوم ولو خطوه بسيطه في سبيل تحقيق الصوره اللي بحلم بيها عن حياتي .

و في النهاية حاولو اعملو حاجه تخليكم تشعرو إنكم احسن🩷🩷 .


#سارة_ناصر .

مساء الخير ᰔᩚ ...


" في الأيام التي تخجل فيها من ندوبك
يستدعي عقلك قبحها فحسب،
لا جمالها الذي هو دليل نجاتك

تذكر !
يوجد فنٌ بأكمله
يقوم على إعادة ترميم شقوق الأواني
المكسورة وملئها بالذهب
شكل فني كامل يثبت
أن حتى الماضي المكسور، المحطم
لآنية ما جميل ويجب أن يعتز به

تذكر كيف أنك أثمن كثيرًا من مجرد إناء
أن نجاتك
ورحلتك
وندوبك
تستحق التقدير أيضاً ♡♥️."



- نيكيتا جيل
- ترجمة ضي رحمي

مساء الخير حباً 

في جملة بتقول:

" Experience is the best teacher, and the worst experiences teach the best lessons."

اللي معناها أنو التجربة أفضل معلم ،وانو اسوأ التجارب بـتعطي افضل الدروس .

الإقتباس ده ذكرني بـ مقال في كتاب لطيف ومشهور أكيد سمعنا بيه قبل كدة ، اسمه (متعة ان تكون في العشرين ) لـ " د.جيفيري جِنسن آرنيت " إتكلم فيه عن مرحلة اسمها "الرشد الناشئ"

شرح في البداية كيف مرحلة العشرينات زمان في زمن أجدادنا كانت تعتبر مرحلة نضج ورشد ، والواحد من سن مبكر يبدا يتعلم المسؤولية ويشتغل ويدرس ولمن يوصل اخر سن المراهقة يعني عمر 18_19 سنة بكون قادر يشتغل في دوام كامل

والبلوغ عندهم كان اسرع فالواحد لمن يوصل سن العشرين بكون قادر يأدي دور مستقل وراشد في الحب و في تكوين اسرة والعمل وتحمّل المسؤولية ..
كان متوسط سن الزواج في البنات كان العشرين سنة والاولاد عمر 22 سنة .

بس مع التقدم اللي حصل في الدنيا اختلفت الحاجات دي وبقى سن اوائل العشرينات غير مناسب لزواج او أي دوامات كاملة او قرارات مصيرية تتطلب استقلال في الرأي ..

لسه بيـعتبروهو مرحلة هشة او إمتداد لمرحلة المراهقة ، حتى متوسط الزواج اختلف بقى بالنسبة للبنات عمر 27 والاولاد 29 في ال UK

يلا الفترة دي ..اللي هي من نهاية العشرينات (18 سنة ) لمنتصف العشرينات (25 سنة) اسمها : "مرحلة الرشد الناشئ"

د.جيفري في 5 نقاط عرّفها وبين خصائها كـالاتي ..

- هي مرحلة استكشاف هوية .
- مرحلة عدم استقرار .
- مرحلة احتمالات.
- مرحلة تركيز على الذات .
- مرحلة يكون شعورك فيها بانك في المنتصف!

لم جيت قريت الخمسة نقاط استوعبت الكنت عايزا اطلع بيه..

هي دي بالضبط المرحلة اللي أغلبنا وحلانين فيها ، دايماً عايشين في سباق مع الزمن عايزين نبقى بيرفكت في أي حاجة ، عايزين نبقى مُلمين بكل حاجة ، مُشتتين روحنا في ستين موضوع ولم بنفشل في حاجة واللي هو خيار طبيعي جداً محتمل في كل تجربة بنقوّم الدنيا فوق تحت وبنحس بالفشل يتملّكنا ونعممه على اي شي ..

ده ذكرني بجملة حلوة كمان عجبتني بتقول :

"ليس لديَّ تجارب فاشلة، لديَّ خبرة، والإنسان لا يتعلَّمُ إلا من كيسِه♥️."

- الكتاب اللي قريته علمني أنو اللي أنا فيهو ده كله طبيعي ،وانه في النهاية ح اوصل للإستقرار النفسي والإتزان اللي عايزاه وبفتش عليه في الوقت المناسب والعمر المناسب √ .

- وأنو اكتر حاجة محتاجاها في رحلتي دي الدعم النفسي بكُل الطرق واللي محتاجه أقدمه لنفسي انا أولاً قبل أنتظره من غيري ، لأنو نفسي عليها حق.

- وأني مفترض أفضل مستمرة في التوهان والتخبط ده عادي بدون ضغط على نفسي وجلد لحدي ما في يوم حتزبط معاي أكيد و حترسي سفينتي على برْ .

- و أنو أكون منفتحة تجاه الفُرص المختلفة وأسعى أني اجرب أو اتعلم حاجات جديدة او واطلع من ال comfort zone .

- وأهم حاجة أني محتاجة أهدي روحي ع الآخر لانه ماف زول جاري وراي ، دي حياتي ودي حكايتي كل العلي أركز في السناريوهات واسيب الجمهور يستمتع بالنتائج ويصفق للنجاح في النهاية .

#إقتباس_النهاية

‏"يحاول الإنسان عددًا لا نهائيًا من المُحاولات لكي يُصلح نفسه كُل يوم، يضبط أعصابه، يجاهد كل رمشة عين، وكل شهيقٍ وَزفير، وكُل فُسحةٍ وضيق .. يقضي حياته مُحاولًا لكي لا تحوله الدُنيا لأسوأ نُسخةٍ منه، ومجاهدًا كي يحافظ على بقاياه، وكي يبقى "هو" كل ما استطاع.


#على_الهامش

" لا يهمُّني إذا سبقَني أحدٌ في شيءٍ،
بل لا يعنيني الركبُ كلُّه.
أنا هُنا..
لي طريقي، خُطواتي، أحلامي.
أسيرُ وقتما أريدُ ، كيفما أريدُ
أرفضُ هذا، وأقبلُ ذاك
أتأخرُ، أتوقَّفُ، أغيِّرُ وجهتي تمامًا!
عيني لا تلحظُ إلا خُطاي، وعقلي لا
يسعُ أكثر من شأني♥️."


#تنزيل_صابر.
#سمعت_جملة_بتقول

-

‏" ‏اللهم سخر لي حظاً ونصيباً يتعجب منه أهل السماء والأرض، تسخير ونصيب يليق بجلالك وقدرتك وكرمك يا أرحم وأكرم الكرمين ."

اللهم صلي وسلم على نبينا محمد وع اله وصحبه اجمعين 💙

صباح الخير ❤️

ما تقارن نجاحك بالآخرين.. !

فلان اتقبل في المنحة الفلانية وفلان اشتغل ووضعه ظابط شديد..

إحساسك بالغصة بسبب نجاح زول وتفوقه في جانب دنيوي ده شعور ممكن يحصل..
لأنك ساعتها بتشوف نفسك فشلت عشان ما عرفت تحقق اللي هو عمله..
لكن مهم تزاحم الشعور ده بالتعوذ من الشيطان وتتمنى من قلبك دوام الخير ليه وإنه ربنا يرزقك كمان..
واتذكر إنه ميزان المقارنة ده ما دايماً عادل..
الوضع اللي نحن عايشنوا ده ما الوضع العادي..
لحدي 30 سنة فاتو ما كان بتقدر تتابع بشكل يومي انجازات كل الناس في العالم بالشكل ده..
زمان كان محيطك محدود بي اللي بتعرفهم واللي جمعتك بيهم دوائر التداخل الاجتماعي التقليدية..
وبنسبة كبيرة فرص التباين بينك وبين الناس دي قليلة..
غالباً بشبهوك.. ومريتوا بفرص متقاربة..
بس هسي نحن قادرين نشوف زول حقق نجاح ونقارن نفسنا بيه ونحن حتى ما في أي رابط حقيقي بينا..
لا فرصنا متشابهة ولا تحدياتنا متشابهة..
والاختلاف ده ممكن يكون في حاجات عمرك ما تنتبه ليها..
لكنها ساهمت في تعطيل سيرك في حين سرّعت وصول غيرك..
ف ما تحاسب نفسك بميزان معطوب عشان شايف إنك ما حققت شي..
محاولة السعي نحو التحقيق دي مفروض تبقى حافز عشان تخلي حياتك بكرة أحسن..
ما تبقى ضغط نفسي يبوظ واقعك الحالي..
يا عزيزي الوضع الراهن ده كلو ما طبيعي..
مافي إنسان توقع إنه ح يتخرج من السلم التعليمي اللي كلنا عارفينو في السودان ده عشان -فجأة- ينافس في أسواق العالم..
بكل متطلباتها.. بكل نظراتهم اللي ما تخلو من التقليل من مقدراتك عشان بس جواز سفرك والبلد الجاي منها.. أو عشان في غيرك حظه الجغرافي كان أفضل..
أكيد في ناس قدرت تصل رغم كل التعقيدات دي.. بس ديل ما موضع مقارنة..
ممكن يكونوا طفرة.. ممكن الحظ خدمهم.. ممكن أي شي..
بس في الحقيقة لا السودان ولا الظروف العشناها اخر 10 سنة دي قادرة تساعد أي إنسان يحقق نجاح في أي جانب..
ف عليك الله ما تلوم نفسك في متاهة عدم الإنجاز دي..
عشان ده ما ذنبك وما ده الطبيعي إنك تنجز وسط كل ده..
ودي الدنيا.. ما الأصل فيها كلنا نتوفق في الرزق.. ولا الأصل فيها إنه لازم نصل للعاوزينو..
هي دار ابتلاء وفي اللي ربنا ببتليه بالعطاء واللي ربنا ببتليه بالحرمان..
والنجاح زاتو ما صورة واحدة..
النجاح ما وظيفة ولا عربية ولا شُهرة..
في نجاح ظاهر حتى للي ما بعرفك، وفي نجاح بشوفوه القريبين منك بس، وفي نجاح شايفو ربّك براه..
وانت مهما عملت مافي يدك الرزق..
في يدك تكون زول كويس وتسعى..
بس النتيجة عمرك ما تحاسب نفسك عليها..
خلي باب السعي فاتح.. وأبواب الرضا جواك خليها أكتر..
وأعرف انه في ظل كل الظروف دي.. لو قادر بس تفضل زول كويس وتحفظ نفسك من حق الناس وتفتش على رزقك بالحلال.. ف والله ده نجاح أعظم مما تتصور..

ربنا يكتب التوفيق لكل ساعي.. ويجعل ليكم التساهيل في كل الدروب ❤️


#علي_عباس

في مقولة مؤمنة بيها بتقول :

" من رحم المعاناة يولد العظماء 🧡"

أنا إقتنعا بيها لأنو خلال الفترة الصعبة دي اللي كلنا مرينا بيها ظهرو كمية من العظماء اللي ما اتحججوا بالحرب في السودان والوضع السيء بل بالعكس ده كان بالنسبة ليهم دافع و تحفيز عشان يصلحوا أوضاعهم ويطوروا من نفسهم أكتر .. فـ بناءاً عليه بخبرتي عملت كورس مُكثف لمادتي :

النساء والتوليد وأمراض النساء
Obstetrics and gynecology

٭ أنا د. تنزيل صابر - بكلاريوس طب وجراحة جامعة الرازي.

• عندي خبرة عملية ممتازة في توصيل المعلومة لأني بدرّس بطريقة فعالة اقل جهداً وأكثر ذكاءاً وتركيز.

٭ الكورس بستهدَف طلبة الطب، ومفيد للناس العاوزة تنزل اتاش ، أطباء الإمتياز، العموميين وحتى نوّاب الأخصائيين اللي عايزين يجهزو لإمتحان التخصص لأني بقدم تدريس شامل ومكثف للمادة.


٭ في الكورس  ح اتابع معاكم كل صغيرة وكبيرة ،مع توفير الملخصات و المراجع pdf وكل تكتيكات الدراسة والحاجات اللي حتعينكم بإذن الله.


🔻محتويات الكورس:


🏷 The Obs Lictures  will include:

- Anatomy of the female reproductive system.

- Normal labour.

- Abnormal labour.

- Bleeding in pregnancy:  (bleeding in early pregnancy, antepartum heamorrhage , postpartum heamorrhage .)

- Hypertensive disorder of pregnancy( Eclamsia and pre- Eclamsia).

- Diabetes in pregnancy.

-Thyroid disease.

- Anemia in pregnancy.

- Rh isoimunisation in pregnancy.

- How to take History and Do Examination?

-Obs Emergency.


🏷 GYN Lictures:

- Physiology of minusural cycle.
- Amenorrhea.
-Menorhagia .
- Dismenorrhea.
-Menopouse.
-Contraception.
-Molar pregnancy and Gestational trophoblastic disease.
-Ectopic pregnancy.
- Fibroid .
- Adinomaiosi and Endometriosis.
-Polycystic ovary syndrome.


سعر الكورس للمادتين مع بعض بسعر المادة الواحدة = 8000 ألف جنيه سوداني فقط✨!


وتضامناً مع الأحداث الحاصلة في بلدنا 🇸🇩عندي عروض ما بتتفوت🥳 🔥


- الأول : عرض "الصاحب ساحب👥"

لو جبت معاك صحبك او زميلك يحضر الكورس حتاخده انت ب 7500

- و لوجبت اتنين من اصحابك تاخدو بـ 6500 الف .

- اما لو جبت 3 من اصحابك حتاخده بـ 6 الف فقط ! 


⛔️ العرض الثاني: توفير أسعار خاصة للمجموعات المُلغة( الخاصة) المكونة من 5 طلاب فما فوق.


• الكورس online على منصة تليجرام .

• المحاضرات مسجلة في شكل فيدوهات مشروحة على ملفات وملخصات خاصة.

سارع بحجز مقعدك لأنو العددية للدفعة الخامسة محدودة😍.


• للتسجيل اتواصلوا معاي على الدايركت|www.tg-me.com/Tanzeel99

او على واتساب :0997486454.


إتفرجو ع الكتالوج✨ : https://wa.me/c/249997486454


#يلا_نزبط_الاوبس.

- عملت عصير ليمون مركز وببيعو يوم السوق وكان بدخل لي قروش ما بطالة، وبقيت عندي زبائن ما بسيطين، ودي آخر شغلة كنت مواصل فيها لحدي ما مشيت الجامعة.
قبلوني في جامعة الخرطوم، كلية الهندسة قسم الهندسة الكهربائية والحمد لله اتخرجت بمرتبة الشرف الأولى وبعد سنة اتعينت مساعد تدريس، قبلها اشتغلت مساعد باحث بمركز النيل للأبحاث. في العام 2009 كان مفروض أمشي أعمل ماجستير في جامعة نوتنغهام ببريطانيا بمنحة كاملة، لكن رفضتها لأنو اتعيّنت قبلها بستة شهور مهندس في شركة زين للهاتف السيار والحمد لله قدرت أحل جزء كبير جداً من مشاكل الأسرة المادية وفي وقت قليل، وقررت أواصل في الماجستير البديتو في جامعة الخرطوم. بعد خلصتو اترفعت لوظيفة محاضر. بعد داك فضيت لنفسي شوية واتزوجت في العام 2013 الحمد لله.
بدعوة كريمة من الأخ والصديق د. إسماعيل عبد الرحمن Ismail Abdelrahaman قدمت وحصلت على فيزا سياحية للولايات المتحدة الأمريكية في العام 2015. سافرت أمريكا وقضيت شهر ورجعت السودان. في 2016 تاني قدمت لفيزا سياحية لأمريكا وسافرت، وقررت أزور د. كرار Abdelrahman Karrar (أستاذي بجامعة الخرطوم وزميلي لاحقاً بعد اتعينت مساعد تدريس) في جامعة تينيسي. وهو ما قصر في ظرف يومين لفّفني الجامعة والمدينة وقابلني بالطلاب السودانيين وعمل معاي شغل تسويق جامد للجامعة، وقررت أجي أواصل تعليمي هنا. سألت من المطلوب، رجعت السودان امتحنت GRE و IELTS وقدمت للجامعة وقبلوني وجيت بديت الدراسة نهاية العام 2017، الحمد لله خلصت الماجستير وبمعدل 4.0 وغالباً العام القادم أبدأ الدكتوراه والحمد لله من قبل ومن بعد.
عشان القصة ما تطول كتير سوف أواصل فيها في سلسلة حلقات أسميها (أسماء في حياتي) أذكر فيها قصصي مع الناس القدمو لي مساعدات جليلة ساعدتني كثيراً على تجاوز الكثير من العقبات. أسأل الله العليّ القدير أن يجزيهم عنَّي خير الجزاء.

عن : عيسى يحيى أحمد
تينيسي، الولايات المتحدة الأمريكية.
2020/2/2م


- Mohamed Norain .

#قصص_حقيقة
@fadfadah88

كلاااامه تُحفة❤️
و قلبي رااضي عنه✨😌