هذا الصباح..

الحرب دي بعد تنتهي حتكون أغلب العلاقات الأسرية والإجتماعية بقت صفر كبير 💔!

الحرب ما غيرت الناس لكن كشفت كلما كان مخفي في العلاقات الزوجية والأسرية وحتى علاقات القرابة القريبة والبعيدة .. أظهرت حقيقة ما في النفوس وكل إنسان كشف ما كان يخفيه .. وكل شخص أسقط قناعه تجاه الآخر .


الحرب أظهرت الكان بيحسدك بالضرا والكان مخاويك في العلن ومعاديك في الخفاء والكان بيتظاهر بالكرم أو بالمحبة وجواه غل ناحيتك .

الحرب أظهرت الجبان من الشهم ، كشفت الرجل الحقيقي من شبه الرجل .. الحرب أظهرت حقيقة علاقات وهل كان في ود واحترام حقيقي ولا كان كله زيف وتمثيل .

الحرب يا اخوانا مزقت نسيج الأسرة السودانية وعلاقات القرابة والصداقة وكل زول هسي قاعد يتحلف للتاني (بكرة الحرب تقيف وحتشوفوا مننا وش عمركم ما شفتوه) .

قلة قليلة من ظهر أنهم ذهب حقيقي والغالبية طلعوا حديد مُصدي .

يمكن ربنا جاب الحرب دي عشان نعرف حقيقة بعضنا .. وهل نحن بالفعل مجتمع حقيقي متماسك ؟! ولا كلها كانت خيوط عنكبوت إنهارت مع أول هزة أرضية وزلزال إجتماعي ؟.

الحرب فيها جزء بسيط خير (لو كان للحروب إيجابيات)..
إنه الناس عرفت صليحها من عدوها وبعد الحرب الناس حتبتدي تبني علاقاتها من جديد ذي ما حتعيد بناء بيوتها وحياتها من نقطة الصفر .

بس للأسف علاقات كتيرة جدا إنهدمت تماما وغالبا ، إنها من المستحيل حترجع تاني . حاجات كتيرة انكسرت في نفوس الناس وجروح كتيرة صعب جدا إنها تندمل تاني بالساهل .

ربنا ينهي الحرب وذي ما حنبني بيوتنا كسودانيين ... ربنا يسهل لينا ونعيد بناء علاقات جديدة متينة مبنية على أساس المحبة والإخلاص الحقيقي وليس بينها علاقات مصالح ولا استهبال ولا انتهازية .

يا ريت ولو جزء من الناس تكون اتعلمت .. أخدت دروس وعرفت إنه الدنيا دي في لحظة ممكن تنقلب عليك وتخسرك كل شي ، في اللحظة دي حيفضل ليك كنزك الحقيقي وهو أحباءك وأهلك وأصدقاءك الحقيقيين .

لو لقيت إنه كل ديل أو اغلبهم طلعوا (مواسير ساي) علاقات فاشلة إتعلم تبني علاقات جديدة قوية .. اساسها الحب والمساندة والإهتمام .


وصباح الخير جداً ❤️


@fadfadah98

▭ـ▭ـ▭ـ▭ـ▭ـ⭗『💡』⭗ـ▭ـ▭ـ▭ـ▭ـ▭

لأصحاب المجالات الطبية..
ولي أي زول بحب التنظيم والحاجة المُرتّبة
أجمعوو جاااااااااي


جبت ليكم أظبط قناة في التليجرام❤️😍😍😍🔥🔥🔥🔥

╝━════ೋೋ════━╚

"💡بصمة طبيب "


قناة طبية تابعة للدفعة 8 جامعة المغتربين ، بتهتم بنشر المعلومات الطبية بطريقة مفهومة و بسيطة.

عالم وااااسع ومنظم بشكل مُبهر وملفت
حتلاقي فيه كل حاجة حتساعدك بإذن في الله طريقك من ماتخش سنة أولى لحدي ماتتخرج❤️
الحاجة البتميز القناة دي إنها عندها لكل الكورسات فهرسة مُحترمة وفيها كل شئ الممكن تحتاجو من نصائح للسناير لي شروحات وإمتحانات.

☜ فهرست الباطنية medicine 💊 حتلقاها هنا :

➥https://www.tg-me.com/basmatathartebia/7943

☜ وهنا فهرست الأوبس(النساء والتوليد) 🤱
➥https://www.tg-me.com/basmatathartebia/11440


☜ وهنا فهرست الأطفال 👶
➥https://www.tg-me.com/basmatathartebia/9739


☜ ودي فهرست الجلدية 🩹
➥https://www.tg-me.com/basmatathartebia/8361


☜ ودي فهرست الطب الجنائي ☠️
➥https://www.tg-me.com/basmatathartebia/10224


☜ فهرست الطب النفسي😇
➥https://www.tg-me.com/basmatathartebia/10755


☜ فهرست منهجية البحث العلمي 📚
➥https://www.tg-me.com/basmatathartebia/11784


وحالياً شغالين بيعملوا في عظمة في كورس الجراحة ، دة كلو في قناة بصمة طبيب ، وإن شاء الله عندهم بعد التخرج لقاءات مع الدكاترة بمختلف التخصصات ومختلف البلدان ، فلو داير تستفيد ماتحرم نفسك من الإنضمام للقناة وتشاركها غيرك.

لأنو
حابة أذكرك انو زكاة العلم نشره❤️

#شيرك_بفيد_غيرك.

▄ ▅ ▆ ▢ ▧ ⎕•|بصمة طبيب |•⎕ ▧ ▢ ▆ ▅ ▃

https://www.tg-me.com/basmatathartebia

عمرك ما هتشوف إنسان بيعبر عن الحب زي سيدنا النبي ﷺ🥺❤️


- بتلاقيه وهو طالع على جبل أحد يقول ( هذا جبل أحد نحبه ويحبنا ).

- بتلاقيه شاف جمل صاحبه بيعنف فيه
بيحضنه ويمسح على دموعه ويقول له ( الراحمون يرحمهم الرحمن ).

- بتلاقيه واقف على المنبر يقول
أحب الناس إلى قلبي ( عائشة )
قدام افواج الرجال لم يستحِ من حبها يوما.. ❤️

- بتلاقيه خلص الصلاة وقال لـ معاذ هات يدك اسبح عليها ويقول ( والله لاني احبك يا معاذ).

- بتلاقيه ماشي في طرقات مكه بعد الفتح ويقول : ( ها هنا حجر كان يسلم عليَّ وأرد عليه السلام ).


- بتلاقيه بيحضن الحسن والحسين ويقول ( ريحانتا قلبي).

- بتلاقيه في حركه معتاده يقبل فاطمه ابنته بين عينيها ويقول
( بضعة مني).

بتلاقيه يضحك مع ابو هريرة ويقول ( من أحبه فقد أحبني).

و كلنا عااارفين قد ايه كان بيحب سيدنا ابو بكر الصديق رضوان الله عليه، و قد ايه هو كان ممتن ليه .

انه يكون في رجل قادر على حب الأماكن والنباتات والجبال والأشخاص ويوقف قدام الكل يبوح بالحب عادي ..!! 😭❤️

بأبي أنت وأمي يا رسول الله

صلى الله عليك يا خير الورى🌷


اللهم صل وسلم وبارك علي سيدنا وحبيبنا
محمد❤️❤️.


#ليلة_الجمعة.
صلو على الحبيبﷺ

‏وفي يوم الجمعه حاله عاجله جداً

-مريضة من اسرة محتاجة تعاني من ورم سرطاني في الثدي
-بحاجة الى عملية استئصال عاجله

قال رسول الله صلى الله عليه وسلم:
«لأن يتصدق المرء في حياته بدرهم خير له من أن يتصدق بمائة عند موته»

التبرع Mbok
2155179
بأسم ريم محمد
ماي كاشي My Cashi
400249357

المبلغ المتبقي 300 ألف جنيه سوداني
للتواصل والاستفسار

@Reema35_a

باقي 94 ألف

ما تكسلوا، اللي قادر يساهم ولو بجنيه ما يقصر
مالازم اشعار نحنا متابعين الحاله

في ميزان حسناتكم يارب

هذا المساء ..

"حاوِطني بإهتمامكَ من غير ما أحِس إني طلبت منك❤️"

مؤخراً بقيت مؤمنة خالص أنو من أكتر الحاجات اللي بتكسر الانسان وبتهدّ حِيله مهما كانت قوته النفسية هو شعور انو "مش مرغوب ، وحيد ، مُتهمش ، ما عنده جنبه يرتاح فيها وتحسسه بالآمان . "

الواحد فينا بيتعب جدًا لحدي ما يقابل الشخص الصح اللي يقيف جنبه ويسنده ويلاقي عنده احتياجته ، الشخص اللي مهما لفت الدُنيا ودارت وفرّقتكم المسافات حيكون وجوده في التفاصيل المُرهقة هو المنفَذ الوحيد المريح ليك .

واكتشفت ان الانسان قادر يكسّر الدنيا ويعمل المستحيل لم يبقى حد في ضهره داعمه ، حد بيستقوى بيهو ، فخور فيهو وما بيبخل انو يوصل ليه الاحساس ده بكل الطرق اللي بإيده وبيذكّره بكدة دايماً .

"الأمان أولاً ثُم بقيةُ المشاعر❤️."

بجد حِتة إنك تكون آمِن دي أهم من كيفية الطبطبة وإختيار الكلام وطريقته، إذا أنا مُتطمن جنبك وحاسس بالأمان والأُنس معاك كل حاجة تانية بتهون، ح أعرف أنجز وأبتكر وأجتهد وانا متأكد انو آخر اليوم ح ألاقي اللي يصفق لي .

الحاجة الوحيدة اللي بتهوّن مشقة الحياة الصعبة والمُرهقة دي وبتقصّر من عمر الألم النفسي مهما كانت شدته هي مشاعر الحب ،الحنية، الاهتمام و الرعاية وبأن و أنو جودك مُهم سواء من الأهل و الأصدقاء و الأحبّة ،بحس المشاعر هي الكنز الحقيقي في الحياة دي .

وأهم حاجة التقدير .. لمَ تقدرني وتقدّر مشاعري، تقدّر خوفي، تعبي، إرهاقي، إحتياجي وأحس أنك مصدقني كل شعور سيء حيقلّ عندي ، مهما كنت تعبان نفسيًا ح أشوف الجانب المُنورّ وال بديني إيجابية عن طريقك ، حتخليني أبتسم مهما كانت إبتسامتي باهتة، حأشتغل مهما كانت الشغل ضاغط كفاية إحساس الإنجاز بالمحبّة .

من الصعب على الواحد يواجه الحياة من غير
المشاعر دي ، بجد أنا شايفة انها الوحيدة اللي
بتحمي الانسان من الانهيار ، ومعاها الواحد
قادر يواجه الدنيا كلها .

لابُّد من طرف ألقاهُ موجود نهاية يومي المُرهق ، يحتويني ويهتم، يطبطب ويحِّن في وسط دُنيتي الجايطة دي، يهتم بتفاصيلي حتى لو مُمِلة ، بيحنّ ليها لو ما سمعها، يحسّسني إنو كل شيء بمِّس شعوري مُهم وضروري يتحاوط بالإهتمام والتقدير ،ولابُّد انو يُحترم الجانب المُعتم مني ويُسلط عليه النور ويُتقبَلني تمام لين ما أتعافى .

ربنا يجعلنا خفيفين لطيفين وعارفين ندعم صح ونقدّم محبة حقيقة لأشخاصنا القريبين من قلوبنا .


#وفي_النهاية

صدق من قال :

" علاقة واحدة سوية قادرة تخلي الانسان يتعافى من مشاكل نفسية كتيرة ،علاقه صحية فيها تقبُّل وحب غير مشروط، كل طرف بيد فيها للطرف التاني ، يقدِّر وضعه ويحسِّسه إنه طول الوقت انه مقبول زي ما هو ومهم جداً في حياته، وانو الغلط بيتعالج بالحب والتفاهم ".


#على_الهامش

‏"كان عمري دامسًا لولا أن يديك قد دسَّت فيه قنديلاً من حنان❤️."


#تنزيل_صابر.
#وعد_الدرديري.

- نص مُشترك ♡.
@fadadah98

الحمد لله🌷

اسمعوه 🥺🩷

هذا المساء...

زمان كنت بتضايق من صحبتي ال بتكون مبسوطه معانا وتضحك ومجرد م ترجع البيت ترفع استوري حزين او اشوف كومنت انو في شي متضايقها .

كنت بستغرب انه متين مودها اتغير ومزاجها قلب
اسي م كانت كويسه
بعاين ل الاستوري كأنها بتكذب او دراما

بس مرت السنين عدت علي فترة انا بصحي الصباح بقيف ساعه قدام المرايا عشان اغطي التعب ألفي وشي

قبل م ادخل اي مكان اخذ بدل النفس الف عشان اعدي اليوم

مرات كتير ببكي وانا جم الباب بس مجرد م اطلع من البيت بكون شخص تاني
حتي مرات بستغرب من نفسي كيف قادره أكون كده
م عرفته نفاق
ولا قوة
ولا تحدي

بس كل ال عارفه ان بقيت الشخصية ال كنت مستغربه منها

برجع البيت وانا ما فيني طاقة م قادره اتكلم
بس ان طاقة الكذب انتهت وبحاول اتعايش مع حزني وزعلي
براي
حتى الاستوري م بقدر ارفعو
حتي بوست حزين م بقدر انزل

وقتها عرفت انها م كانت منافقة
بس كل شخص فينا بيعيش حزنه بطريقته .


#على_الهامش:

"ظهرتُ بمنظر الناجي دوماً، وأنا الغريق ! .))


#ننو_عبدالرحمن.

-
" واكفنا شر المستخبي في النفوس والعقول و باعد بيننا و بين عداوة القلوب و غِلها يا ﷲ."

اللهم صلي وسلم على نبينا محمد وع اله وصحبه
اجمعين 💙.

- فترة الحرب خلَّتني اتعرف على ناس كُتار ، في ناس كُنتَ بتضايق من وجودهم وفي ناس كُنتَ بحبهم في ناس اتعودتَ اني الاقيهم واشوفهم وفي النهاية ، اتضطريت إني أبعِد عن الناس ديل كُلهم وأرجع ألاقي ناس غيرهم وفي كُل فترة كانت الدائرة بتلِف وتاني برجع الاقي ناس غير وابعد عنهم وهكذا ، ف الأتوصلتَ ليه إنُ كُلللنا فترات ومحطات في حياة بعض ، وكُلنا مصيرنا نبعِد ونفارق ناس كتير ، وإن الدنيا محطَة عبور وما بتستاهل ولا بتساوي أيَ شي ، بس في النهاية يبقَى الأثَر !
‏" إنَّما الإنسانُ أَثَر فانظُرْ ما أنتَ تاركٌ خلفَكَ "
فاللهُمَ أرزقنا حُسن السيرة و طيب الأثَر ❤️.

- خُلاصة الكلام : الحياة مليانة دروس وتجارب ، وكل لحظة بنمر بيها ، سواءََ كانت حِلوة أو مُرَّة ، بِتساهم في تشكيلنا ، المُهم إننا نتعلم من اللي مرينا بيه ، نصْبِر ، ونحمِد ربنا على كُل حال .
الدُنيا محطَة عُبور ، وما ببقَى منها إلا الأثَر الطيِّب ، خلّوا نوايَاكُم صافية واعملوا الخير على قد ما تقدروا ، لأنُ كل شي بيرجَع لِصَاحِبه ، اتوكلوا على الله في كُل خُطوَة ، واتذكروا دايمًا إنُ مهما ضاقت ، الفرج قريب ، وإنَّ مع العسر يُسرًا ❤️.

وفي النهاية : التغيير والتطوير أحيانًا بجوا مِن أصعَب الأبواب ، مُمتنة لكل خطوة مشيتها ، وكُل شخص قابلته ، وكُل موقِف عِشته وكُل درس إتعَلمته وكُل لحظة مرَّت علَي لأنُ كُل الحاجات دي كان ليها دور في تشكيل "حرم" اللي أنا عليَها اليوم ❤️ .

* مُلاحظة : مُمكِن يكون عندي صفات و تصرفات كتير غلط بتنافي كلامي وممكن اكون احياناََ ما بطبِّق كلامي بس قاعدة أجاهِد عشان أكُون أحسَن نُسخة من نفسي وكُلنا حياتنا عِبارة عن جِهاد والله يِعينَنا عليها و بعتذِر على الإطالة :))


- كُتِبَ بِحُب
- حرم مهدي ᥫ᭡.

#قصص_حقيقة.
@fadfadah98


https://www.facebook.com/share/p/JpMs55nTRjQmubvH/?mibextid=oFDknk

صباح الخير حباً 


" اكتشفت مؤخراً انو ازمة علاقاتي بناس كتيرة
زمان بسبب اني كنت بستنى منهم مُقابل دايماً
بستنى يتصرفوا معاي زي ما انا كنت حتصرف
معاهم لو انا في نفس موقفهم ، كنت بتوقع
يبادلوني نفس المشاعر من المحبّة والتقدير
يحطوني في نفس المكانة ، وبعد خذلان كتير
بقيت بتمنى بس على الأقل يقدّرو مشاعري
حتى لو ما حيبادلوني نفس المشاعر ..

وبعد مرور وقت طويل اتاكدت انو ماف حد
بقدر يعلّم اللي قدامه الحاجات دي، او حتى
يخلي شخص بعينه يحبه ،واكتشفت انو ال expectations اللي بنحطها للناس مهما كنا
بنحبهم ومهما كانوا قربيبن مننا كل ما كانت
اعلى كل ما حتجي توجعنا في الاخر اكتر" .


وفي الاخر ..
افتكرت " باولو كويلو " لم كتب :

" هي أشياء تُعطىٰ ولا تُطلب..
عفويّة الحديث،
اهتمام الأحبّة،
ووفاء الأصدقاء🌷)).


#تنزيل_صابر.

-

" اللَّهُمَّ زِدْنَا وَلا تَنْقُصْنَا ، وَأَكْرِمْنَا وَلا تُـهِنَّا ، وَأَعْطِنَا وَلا تَحْرِمْنَا ، وَآثِرْنَا وَلا تُؤْثِرْ عَلَينَا ، وَأَرْضِنَا وَارْضَ عَنَّا يالله."

اللهم صلي وسلم على نبينا محمد وعلى اله وصحبه اجمعين 💙.

" البقدر يغامر بشعور صادق و يسيب يدك في طريق اختارو معاك يبقى ما شافك من بداية الطريق معاهو اساساً ! " .


- عارفين لمّا تكونوا واثقين في زول شديد واثقين من مكانتكم عندو، واثقين من محبّتو، ومن كلامو ، و واثقين في قراراتو ؟!

زول كان مصدر امان، كلّ ما تقسى عليك الدنيا بتجري عليهُ، بتترمي في حضن كلماتو ومواساتو، بتتسرّب سموم يومك منك عن طريقوا، بخليك زي المستخلص اوّل م تمشي منو، بتكون معافى بيهُ تقريباً ♡..

حتى لو الحوليك كُتار بِفضل هو المُميّز عندك دائماً بالرّغمِ من كترَة الحوليك، خلاص بقى حاجة منّك وفيك♡..

وفجاة يجي يخذلك، من غير أيّ مُقدّمات، من غير ما تحسِب حِساب !

عرفتو الاحساس ده ؟!

لم تكون امام الامر الواقع خلاص، زتحِس إنو ظهرك إتقسم نُصّين، لِسانَك تِقل، امورك جاطت، الواسعة فجاة ضاقت بيك، الفرحة الكنتَ عليها اتحوّلت ل إيماءة رأس، الصوت العالي والحماس الكنت بتتكلم بيه اتحول ل شبه الهمس، ابتسامتك الكبيرة حول موضوع او فكرة مع اّتّساع عيونك بقى اقل من مجرد ظهور اسنان، انتقلت من مرحلة انك بتَثِق في النّاس لإنسان فقد الثقة ف البشريّة كلّها،
علاقاتك بقت محدودة جدّاً، ربّما وقفت بس على اتنين؛ تلاته، رفعت شِعار السّطحية بدلاً من التعمُّق، انكمشت على ذاتك وحاوطت قلبك المكسور .

-( اعتراف بسيط بس كان لابدّ منو ! )

الشخص اللي عمري ما اتخيلت انو حياتي تمشي من غيره ..طلع من حياتي !
وما ح اقول انو حياتي مشت عادي ، لا أبداً
هو طلع واخد حتة معاهو من قلبي عمري ما عرفت ارجعها .

المُشكلة انو الفترة اللي كنت فاكرة انها نهايتي وما ح اعرف اعدي منها ، عدت أيوة ، بس عمرها ما كانت ساهلة ، وخلّفت آثار وراها للآن بحاول أمحيها.

الحاجات اللي كنت عايزة اغيرها في شخصيتي ، او تعاملي مع الحوليني عشان كنت فاكرة انو هو ده "السبب" اللي بخليني اخسرهم ، غيرتها !
بس برضو هم مشو وسابوني في نص الطريق!.

= مش ده الخذلان احساسه عامل كدة؟!

بعضنا عاش مع الخذلان لفترة طويلة شديد، الخذلان من مختلف الأصناف، الأذى اللي شافو من الناس القريبين والبعيدين كان كفيل أنو يحول الواحد من شخص اجتماعي لشخص إنعزالي أو انطوائي ، بيخليه يقفل على نفسو الباب عشان خايف يقرب من حد ، رغم حوجته لوجود العلاقات إلا أنو دايماً بيلقى الأذى مقابل كل مرة يقرر فيها يدي فرصة من باب " ما يمكن الزول ده مختلف، يمكن ده الشخص ال صح ؟ وللأسف دايماً بقع في علاقات بتستهلك منه اكتر مما بتديه."

الإنسان لم يصل للمرحلة دي بكون حقيقي استنفذ كل المحاولات ال عندو وكل ذرة أمل وعشم فيو انتهت ، الطاقة عندو بقت محدودة ومستحيل يفكر يضيعها تاني في علاقات فاشلة، الإنسان ده غير الخوف والشك ما حيكون عندو حاجة تانية يخش بيها اي علاقة جديدة .

في مرة قريت جملة بتقول :

" بلاش تشحت وجود حد ، أو تتوسل لحد ، اللي عايز يخرج من حياتك ساعده ."

بس أنا ما عملت كدة ، أنا اي انسان شحدتو عشان يفضل معاي ورفعتو فووق راسي ، وعملت كل حاجة ممكن تضمن وجوده معاي ، ندمني ونزلني سابع أرض وسابني طبعا ، وحقيقةً انا بستاهل كسر الراس .

عشان كدة عايزة اقول ليك ما تقطّع نفسك عشان ترضي اللي حواليك ، اللي شاريك حيفضل معاك حتى لو ما عملت حاجة ، واللي إنتَ ما فارق معاهو حتفضل برضو ما فارق معاهو حتى لو جبت ليهو الدُنيا كُلها تحت رجليه .
القصة ما بالتضحيات ولا بالجهود المُبذلة فوق طاقتنا ، القصة قصة " أنا عايزك معاي في حياتي ♥️ ."

وبس كدة
الحيعوزك ..حيعوزك بكل الحلو والمُر الفيك .

حُط في بالك دايماً أن المُتمسك بيك هيبذل الغالي والنفيس عشان يفضل معاك ،و المُتخلي حيقدم كل الحجج عشان يسيبك مهما عملت ليه .

العلاقات الصحية ما محتاجة مجهود كبير،انت عارف توصّل حبّك للطرف التاني كيف ؟! حتعرف تداري وتطبطب بالبسيط ، كلمة منك حتغمره بالآمان وتحسّسه انه مُتقدّر ،وانو العلاقة دي مساحة آمان ليكم الإتنين♥️.


ما قبل الختام ..
" البحب ما بخلي، ما بكسر عشم ،
و ما بلوي يدين الوعود )).

#على_الهامش

" تأتي الكلمات متزاحمة ف سرّك، الم اكن كافيّا، أكنت أستحقّ كل هذا، هل بي خطأٌ لكي أّتركَ في منتصف الطريقِ ،اكان إفلاتُ يدي بكل هذه البساطة؛ هل اخطأتُ في حقه مرة اخرى؟ الم تشفع حتى المودّة التي كانت بيننا؟.


#وفي_الختام

" كانَ لا بُدَّ مِن كُلِّ هذا الظَّلام
حتَّى نعرفَ حقًّا مَن يَرانا .))


نص مُشترك♡

#تنزيل_صابر.
#يقين_تميم.

@fadfadah98

ما بتحسو توقيتاتنا في احتياجنا للكلام والفضفضة غريبة أحياناً صح؟!

يعني إشمعنا لم يكون الوقت غير مناسب والليل طويل بارد وكئيب ..و وراك ستين حاجة الصباح مفترض تنجزها ، تجيك الرغبة الغريبة دي والتعب المفاجئ ده؟!