ሎስ አንጀለስ ሰደድ እሳቱን ለማጥፋት እስረኞችን አሰማራች

በደቡባዊ ካሊፎርኒያ፣ ሎስ አንጀለስ ውስጥ በከፍተኛ ፍጥነት እየተዛመተ ያለውን የሰደድ እሳት ለመግታት በመቶዎች የሚቆጠሩ እስረኞች መሰማራታቸው ተሰምቷል።

በአሜሪካ ታሪክ ከፍተኛ ውድመት አስከትሏል የተባለውን ይህንን የሰደድ እሳት ለማጥፋት ወደ 939 የሚሆኑ እስረኞች በካሊፎርኒያ የማረሚያ እና መልሶ ማቋቋም መምሪያ (ሲዲሲአር) በሚመራው የበጎ ፈቃድ ፕሮግራም ታቅፈው በግንባር ቀደምትነት እየተሳተፉ ነው ተብሏል።

ባለፈው ማክሰኞ፣ ታኅሣሥ 29/2017 ዓ.ም በሎስ አንጀለስ ተቀስቅሶ በከፍተኛ ፍጥነት እየተዛመተ ያለውን ሰደድ እሳት ለማጥፋት እየተሳተፉ ያሉ ታራሚዎች ቁጥር ከቀን ወደ ቀን እየጨመረ ይገኛል።

ከሳምንት ባነሰ ጊዜ ከ10 ሺህ በላይ ህንጻዎችን ያወደመው እና 37 ሺህ ሄክታር የሚሸፍን መሬት ያቃጠለውን ሰደድ እሳት ለመግታት በሺዎች የሚቆጠሩ የአደጋ ጊዜ ሠራተኞች ተሰማርተዋል።

በኬኒያ አውሮፕላን ተከስክሶ የ3 ሰዎች ሕይዎት አለፈ

አዲስ አበባ፣ ጥር 3፣ 2017 (ኤፍ ኤም ሲ) በኬኒያ ማሊንዲ አውሮፕላን ማረፊያ አቅራቢያ በምትገኘው ክዋቾቻ ከተማ በደረሰ የአነስተኛ አውሮፕላን አደጋ የሦስት ሰዎች ሕይዎት ማለፉ ተሰምቷል፡፡ የዐይን እማኞች አውሮፕላኑ በአካባቢው የነበሩ ሰዎችን መምታቱንና ከዚያም በእሳት መያያዙን ገልጸዋል፡፡ ሁለት ሰዎች በአውሮፕላኑ ስብርባሪዎች ተመትተው ወዲያውኑ ሕይዎታቸው ሲያልፍ፥ አንዱ በእሳት ከባድ ጉዳት ከደረሰበት በኋላ መሞቱን የአካባቢውን ባለስልጣናት አሳውቀዋል ።

ከፍተኛ የመሬት መንቀጥቀጥ‼️
በዛሬው ዕለት 03/05/2017 ዓ.ም ከደቂቃዎች በፊት 12:19 ደቂቃ ላይ በአዋሽ አቅራቢያ በሬክተር ስኬል 5.2 የተመዘገበ የመሬት መንቀጥቀጥ ተከሰተ‼️
ንዝረቱ በአዋሽ፣በአዲስ አበባ እንዲሁም በደብረብርሃን ከፍተኛ እንደነበር ተጠቁሟል።

እሳት‼️
የበርካታ ብርቅዬ እንስሳት መኖሪያ በሆነው በነጭ ሳር ብሔራዊ ፓርክ ላይ የእሳት ቃጠሎ እንደተነሳ የአካባቢው ነዋሪዎች ለአዩዘሀበሻ ገልፀዋል። በዚህ ሰዓት በሁለት አቅጣጫ ከፍተኛ የእሳት ቃጠሎ ተመልክተናል ብለዋል።