🟢🟡🔴
ኅዳር 6 | #በዓለ_ደብረ_ቁስቋም

✨ ይህቺ ቀን ለእኛ ለክርስቲያኖች ኹሉ እጅግ የደስታ ቀን ነውና ሐሤትን እናድርግ። የሰማይና የምድር ጌታ ለእኛ ሲል ካደረገው ስደቱ በዚህች ቀን ተመልሷልና። ስደቷን አስበን ካዘንን፥ መመለሷን አስበን ደስ ልንሰኝ ይገባልና። ✨

የአርያም ንግሥት፥ የፍጥረታት ኹሉ እመቤት ድንግል ማርያም ከባሕርይ አምላክ ልጇ ጋር ስደት ወደ ምድረ ግብፅ ወርዳለች።

ሔሮድስ 144,000 ሕጻናትን ሲፈጅ በቅ/ገብርኤል ትዕዛዝ እመቤታችን ቅድስት ድንግል ማርያም አምላክ ልጇን አዝላ፣ በአንዲት አህያ ጥቂት ስንቅ ቋጥራ፣ ከዮሴፍና ከሰሎሜ ጋር ስደት ወጣች።

▸ የአምላክ እናቱ እሳትን አዝላ በብርድ ተንገላታለች፣
▸ ለእኛ የሕይወት እንጀራን ተሸክማ እርሷ ተራበች፣
▸ የሕይወትን ውሃ ተሸክማ ተጠማች፣
▸ የሕይወት ልብስን ተሸክማ ተራቆተች፣
▸ የሕይወት ፍስሐን ተሸክማ አዘነች፣ ደከመች፤ አለቀሰች፤ እግሯ ደማ።

ለሚገባው ይኽ ሁሉ የተደረገው ለኛ ድኅነት ነው። በእውነት ይህንን እያወቀ ለድንግል ማርያም ክብር የማይሰጥ ሰይጣን ብቻ ነው።
🌹

#አረጋዊው_ቅዱስ_ዮሴፍና #ቅድስት_ሰሎሜ ደግሞ የክብር ክብር ይገባቸዋል። ከአምላክ እናት ከድንግል ማርያምና ከቸር ልጇ ጋር መከራ መቀበልን መርጠዋልና። ይህች ቀን መታሰቢያቸው ናት።
🌹

ዳግመኛም ዛሬ ከክርስቶስ ስደት 400 ዓመታት በኋላ #የግብጿ_ደብረ_ቁስቋም ታንጻ ተቀድሳለች።

ለስም አጠራሩ ጌትነት ይሁንና መድኃኒታችን ኢየሱስ ክርስቶስ ድንግል እናቱን፣ ቅዱሳን ሐዋርያትን፣ አእላፍ መላእክትን፣ ጻድቃን ሰማዕታትን፣ አስከትሎ ወረደ።

የወቅቱ የግብጽ ፓትርያርክ ቅዱስ ቴዎፍሎስና ሊቁ ቅዱስ ቄርሎስ ቤተ ክርስቲያኑን አንጸው፥ ሕዝቡን ሰብስበው ይጠብቁት ነበርና ወርዶ ቀድሶላቸው ታላቅ ደስታ ሁኗል።

◦🌹◦🌹◦🌹◦
T.me/Ewnet1Nat