🟢🟡🔴
ኅዳር 18 | #ቅዱስ_ፊልጶስ_ሐዋርያው ሰማዕት ሆነ፨

እንደ አባቶቻችን ትርጉም 'ፊልጶስ' ማለት '#መፍቀሬ_አኃው ወንድሞችን የሚወድ' ማለት ሲሆን ከ12ቱ ቅዱሳን ሐዋርያት አንዱ ነው። (ማቴ. 10፥3)

በዚህ ስም የሚጠራ ሐዋርያ ከ72ቱ አርድእት ውስጥ ነበር። እርሱም ጃንደረባውን ባኮስን ያጠመቀው ነው።

አንዳንዴ የ2ቱ ታሪክ ሲቀላቀል እንሰማለን። ለሁሉም ይህኛው ቅዱስ ፊልጶስ ቁጥሩ ከ12ቱ ሐዋርያት ሆኖ ምሑራነ ኦሪት ከሚባሉትም አንዱ ነበር። በወቅቱ ገማልያል የሚሉት ክቡርና ምሑረ ኦሪት በርካታ ምሑራነ ኦሪትን አፍርቶ ነበር።

እንደ ምሳሌም ቅዱሳኑን "ጳውሎስን፣ ኒቆዲሞስን፣ ናትናኤልን፣ እስጢፋኖስንና የዛሬውን ሐዋርያ ቅዱስ ፊልጶስን" መጥቀስ እንችላለን።

ቅዱስ ፊልጶስ ነገዱ ከእሥራኤል ሲሆን ተወልዶ ያደገው በቤተ ሳይዳ ነው። ኦሪትን ተምሮ በመንገድ ዳር ቁጭ ብሎ 'መሲሕ ቀረ' እያለ ሲተክዝ ለስም አጠራሩ ጌትነት ይሁንና ጌታችን ኢየሱስ ክርስቶስ ወደ እርሱ ደረሰ።

ትክ ብሎ አይቶት "ተከተለኝ" አለው። (ዮሐ. 1፥44) ቅዱስ ፊልጶስም ያለ ማመንታት ሁሉን ትቶ በመንኖ ጥሪት ተከተለው።

በዚህ ዓይነት ጥሪ መድኃኒታችን ቅዱስ ማቴዎስንም ጠርቶታል። (ማቴ. 9፥9) ቅዱስ ፊልጶስ ጌታን ከተከተለ በኋላ ሥራ አልፈታም። ወዲያውኑ ሒዶ ለናትናኤል (ቀናተኛው ስምዖን) ሰበከለት እንጂ።

በአንዲት ሃገር ውስጥ ገብቶ ሰበከ። ብዙዎችንም አሳመነ። ያላመኑት ግን ይዘው አሰቃዩት፣ ገረፉት  "በክርስቶስ እመኑ እባካችሁ!" እያለ እየለመናቸው ዘቅዝቀው ሰቅለው ገደሉት።

ከዚያም በእሳት እናቃጥላለን ሲሉ ቅዱስ መልአክ ከእጃቸው ነጥቆ ወደ ኢየሩሳሌም ወሰደው። በዚህ የደነገጡት ገዳዮቹ ለ3 ቀናት ጾሙ፤ ተማለሉ። በዚህ ምክንያት የቅዱሱ ሥጋ ተመልሶላቸው፣ ገንዘው ቀብረውት በክርስቶስ አምነዋል።

◦🌿◦

🇵🇭 🚒 በፊሊፒንስ በተጨናነቀ ሰፈር በደረሰ ከባድ የእሳት አደጋ  1,000 መኖሪያ ቤቶችን አወደመ

የአካባቢው ባለሥልጣናት እንዳሉት ከ3,000 በላይ ሰዎች በአቅራቢያው ወደሚገኝ የመጠለያ ማዕከል ተወስደዋል፣ ነገር ግን በሚያስደንቅ ሁኔታ የአንድም ሰው ህይወት አላልፈም።