🟢🟡🔴
ጥቅምት 14 | በዚህች ቀን

🍀 #ቅዱስ_ፊልጶስ ዐረፈ።

በዘመነ ሐዋርያት በዚህ ስም የሚጠሩ አባቶች 2 ነበሩ። አንደኛው ከ12ቱ ሐዋርያት ሲቆጠር ዛሬ የምናከብረው ደግሞ ከ72ቱ አርድእት ይቆጠራል። ከቅዱስ እስጢፋኖስ ጋር ከተመረጡት ዲያቆናት አንዱ ነው።

ቅዱስ ፊልጶስ ያደገው የኖረውም በቂሣርያ አካባቢ ሲሆን ባለ ትዳር የልጆች አባት ነው።

ለኢትዮጵያውያን አባታችን፣ መምህራችን፣ ክርስትናን ያገኘንበት ቅዱስ ሰው ነው። (ሐዋ. 8፥26)

ቅዱስ ባኮስ ጃንደረባውን ያጠመቀ የነፍስ አባቱ ነው። ከ4 ደናግላን ልጆቹ ጋር ሲሰብክ ኖሮ በዚህ ቀን ዐርፏል።

🍀 #አቡነ_አረጋዊ ተሰወሩ።

ወላጆቻቸው ዘሚካኤል ሲሏቸው በበርሃ ገብረ አምላክ ተብለዋል። በኢትዮጵያ ደግሞ አረጋዊ ይባላሉ። አቡነ አረጋዊ ምንም የንጉሥ ልጅ ቢሆኑም በልጅነታቸው መጻሕፍትን ተምረው ነበርና ጠፍተው ገዳም ገቡ።

በዚያም በገዳመ ዳውናስ (ግብጽ) የታላቁ ቅዱስ ጳኩሚስ ደቀ መዝሙር ሆነው ከነ አባ ቴዎድሮስ ጋር ሥርዓተ መነኮሳትን ተምረዋል።

8ቱን ቅዱሳን ወደ ኢትዮጵያ እየመሩ ያመጡአቸውም እሳቸው ናቸው። የቅዱስ ያሬድና ዓፄ ገ/መስቀል የቅርብ ወዳጅም ነበሩ።

🍀 #ሙሽሮቹ_ገብረ_ክርስቶስ እና #ቅዱስ_ሙሴ ዕረፍታቸው ነው።

በተለያየ ሀገርና ጊዜ ቢሆንም ሁለቱም ከጫጉላ ቤት ወጥተው፣ ራሳቸውን ምስኪን አድርገው፣ የአባታቸው ደጅ ላይ ነዳይ ሆነው ሳይታወቁ እየለመኑ የኖሩ ተጋዳይ ቅዱሳን ናቸው።

ሙሽራው ገብረ ክርስቶስ በሃገራቸው ልሳን 'አብደል መሲሕ (የክርስቶስ ባርያ)' ይባላል። ለቅዱስ ሙሴና ለሌሎችም ሙሽርነትን ትቶ መመነንን ያስተማረ እርሱ ነው። ታላቁ አቡነ ኪሮስ አጎቱ ናቸው።

ቅ/ገብረ ክርስቶስ በአባቱ ቤት ደጃፍ 15 ዓመታት፣ ቅዱስ ሙሴ ደሞ 12 ዓመታት እየለመኑ ኖረው አርፈዋል።

T.me/Ewnet1Nat

🟢🟡🔴
ጥቅምት 15 | አባቶቻችን #ቅዱሳን_ሐዋርያት ከመንፈስ ቅዱስን መሞላት በኋላ ምድርን 12 ቦታ በእጣ የተካፈሉት ቀን ነው።

እሊህም፦
#ጴጥሮስ የተባለ ስምኦን፣
#እንድርያስ (ወንድሙ)፣ #ያዕቆብ ወልደ ዘብዴዎስ፣ #ዮሐንስ (ወንድሙ)፣ #ፊልጶስ፣ #በርተሎሜዎስ፣ #ቶማስ፣ #ማቴዎስ፣ #ያዕቆብ ወልደ እልፍዮስ፣ #ታዴዎስ (ልብድዮስ)፣ #ናትናኤል (ቀናተኛው ስምዖን) እና #ማትያስ (በይሁዳ የተተካው) ናቸው። (ማቴ. 10፥1)

ክብራቸውንም መድኃኔአለም በወንጌል እንዲህ ተናግሯላቸዋል።

በዚያን ጊዜ ጴጥሮስ መልሶ፦ "እነሆ እኛ ሁሉን ትተን ተከተልንህ። እንኪያስ ምን እናገኝ ይሆን?" አለው።

ጌታ ኢየሱስም እንዲህ አላቸው:- "እውነት እላችኋለሁ! እናንተስ የተከተላችሁኝ በዳግመኛ ልደት፣ የሰው ልጅ በክብሩ ዙፋን በሚቀመጥበት ጊዜ እናንተ ደግሞ በአሥራ ሁለቱ የእሥራኤል ነገድ ስትፈርዱ በአሥራ ሁለት ዙፋን ትቀመጣላችሁ።
[ማቴ. 19፥27]

🍀 #ቅዱስ_ሲላስ ሐዋርያ ዕረፍቱ ነው።

በመንፈቀ ሌሊት ግን ጳውሎስና ሲላስ እየጸለዩ እግዚአብሔርን በዜማ ያመሰግኑ ነበር፥ እስረኞቹም ያደምጡአቸው ነበር።

ድንገትም የወኅኒው መሠረት እስኪናወጥ ድረስ ታላቅ የምድር መንቀጥቀጥ ሆነ፤ በዚያን ጊዜም ደጆቹ ሁሉ ተከፈቱ የሁሉም እስራት ተፈታ።

የወኅኒውም ጠባቂ ከእንቅልፉ ነቅቶ የወኅኒው ደጆች ተከፍተው ባየ ጊዜ፥ እስረኞቹ ያመለጡ መስሎት ራሱን ይገድል ዘንድ አስቦ ሰይፉን መዘዘ።

ጳውሎስ ግን በታላቅ ድምፅ። ሁላችን ከዚህ አለንና በራስህ ክፉ ነገር አታድርግ ብሎ ጮኸ።

መብራትም ለምኖ ወደ ውስጥ ሮጠ፥ እየተንቀጠቀጠም ከጳውሎስና ከሲላስ ፊት ተደፋ፤

ወደ ውጭም አውጥቶ፦ ጌቶች ሆይ፥ እድን ዘንድ ምን ማድረግ ይገባኛል? አላቸው።

እነርሱም፦ በጌታ በኢየሱስ ክርስቶስ እመን አንተና ቤተ ሰዎችህ ትድናላችሁ አሉት።