🟢🟡🔴
ሐምሌ 8 | የሙሽራው ገብረ ክርስቶስ አጎት #_አባ_ኪሮስ ዐረፉ፨

#አቡነ_ኪሮስ የተወለዱት በ4ኛው መቶ ክ/ዘመን ሲሆን ወላጆቻቸው ነገሥታት ናቸው። ተወልደው ባደጉባት ሃገር ቁስጥንጥንያ ገና በልጅነት ምቾት ሳያሳሳቸው መጻሕፍትንና ትሕርምትን ተምረዋል።

ወንድማቸው (ታላቁ ቴዎዶስዮስ) በነገሠባቸው የመጀመሪያ ዓመታት በቤተ መንግስቱ ዙሪያ ግፍ በዝቶ ነበርና አቡነ ኪሮስ ከኃጢአት ለመራቅና ለጌታ ለመገዛት ከከተማው ጠፍተው፣ አሕጉር አቋርጠው ወደ ግብፅ #ገዳመ_አስቄጥስ መጡ።

እርሳቸውን ለመፈለግ የተደረገው ሙከራ አልተሳካም። ይባስ ብሎ የንጉሡ ልጅ #ገብረ_ክርስቶስ ሙሽርነቱን ጥሎ ወደ ሌላ ሃገር መነነ። አቡነ ኪሮስ ለሙሽራው ገብረ ክርስቶስ አጎቱ ናቸው። አቡነ ኪሮስ በገዳም ውስጥ የታላቁ #አቡነ_በብኑዳ ደቀ መዝሙር ሆነው ለዘመናት ቆይተዋል።

ቅዱስ በብኑዳን አንበሳ በበላው ጊዜ በጣም አዝነው "ለምን ጌታ ሆይ?" በሚል መሬት ላይ ወድቀው አለቀሱ። "ምክንያቱ ካልተነገረኝ አልነሳም" ብለው ከወደቁበት መሬት ላይ ሳይነሱ ለ40 ዓመታት አልቅሰዋል። በዚህ ምክንያት ግማሹ አካላቸው አፈር ሆኖ ሣር በቅሎበታል። ጌታችን ተገልጦ ምክንያቱን ነግሯቸዋል። አካላቸውንም እንደነበረ መልሶላቸዋል።

አንድ ቀን ጻድቁ ለቅዱስ በብኑዳ ሞት ምክንያት የሆነው መነኮስ ታንቆ መሞቱን ሰምተው በጣም አዘኑ። ሱባዔ ገብተው፣ ፍጹም አልቅሰው፣ ከጌታም አማልደው፣ የዛን ኃጥእ ነፍስ ከሲዖል አውጥተዋል።

በሌላ ጊዜ ደግሞ ኃጥአን የሞሉበት አንድ ገዳም በግብጽ ነበርና መቅሰፍት ወርዶ ሁሉንም ባንድ ቀን ሲያጠፋቸው አዩ።

ጻድቁ በዚህም ምክንያት ለ30 ዓመታት አልቅሰው፣ ሙታኑን አስነሥተው፣ ንስሐ ሰጥተው፣ ገዳሙን የጻድቃን፥ ሕይወታቸውንም የፍቅር አድርገውታል።

ጻድቁ #እመቤታችንን ከመውደዳቸው የተነሣ በሥዕሏ ፊት አብዝተው ይሰግዱና ያለቅሱ ነበር። እመ አምላክም ተገልጣ ትባርካቸው ነበር።

ከዚህ በኋላ ወደ ምዕራብ አቅጣጫ ሒደው ለ57 ዓመታት ማንንም ሳያዩ ተጋደሉ። ጌታችን #ኢየሱስ_ክርስቶስ (ለስም አጠራሩ ስግደት ይሁንና) በየቀኑ ይጎበኛቸው፣ ቁጭ ብሎም ያወራቸው ነበር።

በመጨረሻም በዚህች ቀን ጌታ አእላፍ መላእክትን፣ ጻድቃን ሰማዕታትን፣ ድንግል እመቤታችንና ቅዱስ ዳዊትን አስከትሎ ወረደ።

"በስምህም ለድኆችና ለችግረኞች ምጽዋትን ለሚያደርግ ዓይን ያላየውን ጆሮም ያልሰማውን በሰው ልቡናም ያልታሰበውን በጎ ዋጋ እኔ እጥፍ ድርብ አድርጌ እሰጠዋለሁ።" የሚል እና ሌሎች ቃልኪዳኖችን ገባላቸው።

#ቅዱስ_ዳዊት ቀርቦ እያጫወታቸው፣ በበገናው እየደረደረላቸው፣ ከዝማሬው ጣዕም የተነሣ ነፍሳቸው ከሥጋቸው በፍቅር ተለየች። ጌታችንም ታቅፎ፣ ስሞ ይዟቸው አረገ።

ሥጋቸውን #አባ_ባውማ ቀበሩት። የአቡነ ኪሮስ ቁመታቸው ቀጥ ያለ፣ ጽሕማቸውም የተንዠረገገ ነበር።

የአባ ኪሮስ፣ የአባ በብኑዳ፣ የአባ ሲኖዳ፣ የአባ ባውማ፣ የአባ ሚሳኤል በረከት ይደርብን።
#እንኳን_አደረሳችሁ።

❗A fire broke out inside a factory in Kiryat Shmona, Israel after it was hit by a missile — local media reports

📌የክቡር አለቃ አያሌው ታምሩ ልዩ ልዩ ታሪካዊ፣ ትንቢታዊ ትምህርቶች
👇👇👇👇👇👇👇👇
👉የአለቃ አያሌውን ትምህርቶች በቀላሉ ለማውረድ(download ) ለመድረግ እነዚህን መስፈንጠሪያወች(links) ይጠቀሙ ፦
    👉ከጎግል ለማወረድ                                                                           📌 https://drive.google.com/drive/folders/1-uDfDVdeouGd8zg9iNnyZHUzOieChIeq?usp=sharing                                                         📌https://drive.google.com/drive/folders/1kQw8ifxKRGaYbdvGSLeO8-Y9AN2cPleI?usp=sharing
👉ከቴሌግራም ለማውረድ፦
📌https://www.tg-me.com/Yetewahedoarbegnoch/1970
📌 https://www.tg-me.com/aleqayalew/2185
#ሌሎች_ያጋሩ!

🟢 🟡 🔴
ሐምሌ 9 || አባታችን አቡነ #እስትንፋሰ_ክርስቶስ በባሕር ውስጥ ተዘቅዝቀው ለኢትዮጵያ መጸለይ የጀመሩበት እና ከ9 ዓመታት በኋላ የምሕረት ቃልኪዳን ተቀብለው ከባሕር የወጡበት ቀን ነው።

አምላከ #እስትንፋሰ_ክርስቶስ ይቅርታውን ያድለን።

T.me/Ewnet1Nat