انت علطول لوحدك ؟
انا عمري ما كنت لوحدي ..
انا معايا نفسي بحبها وبتفهمني وبقدرها وتقدرني .. مصاحبها ومحتوياني ..
- انت علطول قافل على نفسك وحابسها ؟
انا عمري ما قفلت على نفسي ولا كنت محبوس ..
انا اكتر حد في الكون منطلق .. انا علطول بحلم .. و بروح بخيالي كل مكان انا عايزه وبطير في السما وانزل اعماق البحار .. واعمل كل اللي بيتقال عليه مستحيل ..
- انت علطول ساكت منعزل مش بتتكلم مع حد ؟
انا عمري ما قعدت ساكت ..
انا بناجي ربنا طول الوقت وبتكلم معاه .. بسأله وبيرد عليا برسايله .. بطلب منه .. بتونس بيه .. بشكيله لما ازعل .. واشكره لما افرح ..
مالكم ومالي ؟!!
انا متصالح مع نفسي .. جنتي وبستاني في حضني .. اينما ذهبت جنتي معي .. و دنيتي معي .. وربي معي .. فماذا ينقصني ؟!! وماذا ستضيفون
#اسراءهارون
https://m.facebook.com/story.php?story_fbid=2396306310401660&id=816408068391500

من الازمات اللي بنعاني منها في مجتمعنا " ازمة التقدير "
مش بنعرف نقدر بعض صح
الام والاب مش بيقدروا اولادهم صح
الزوج مش بيقدر زوجته صح ولا الزوجة بتقدر زوجها صح
المدرس مش بيقدر الطالب صح والطالب مش بيقدر المدرس صح
واقولكو على حاجة اصعب : الشخص نفسه مش بيقدر نفسه صح
وهكذا .. كل همنا النقد واللوم .. واننا نقول للشخص اللي قدامنا هو مقصر في ايه مش هو مشكور عمل ايه ..
اننا نبينله النقص اللي فيه .. مش نمدح ونقدر مميزاته ..
نتصيد لبعض الاخطاء .. ونعمى عن روءية السلوكيات الجميلة ..
وزي ما بنتعدى على غيرنا بالنقد واللوم والاتهامات بنسمح لهم بالتعدي علينا بنفس الشكل لاننا مش بنقدر نفسنا صح
مع اننا لو جربنا بس نقدر بعض شوية ونقدر نفسنا .. هتتحسن احوالنا كتيييير
التقدير احتياج للانسان .. وركن اساسي من اركان الاشباع النفسي اللي هو اساس الاتزان النفسي واساس للثقة بالنفس والتعامل الراقي مع النفس والغير
ابدأ بنفسك .. اعرف محاسنك وعالج عيوبك .. قدرها صح ..
قدر شريك حياتك .. اولادك .. اصحابك .. جرب يوم بس تبطل نقد ولوم وتستبدله بالتقدير والكلمة الحلوة وشوف الفرق
#اسراءهارون
#عيشهاصح


https://m.facebook.com/story.php?story_fbid=2930583126973973&id=816408068391500

بفرح اوي لما حد من اللي بيخدوا معايا كورسات بالذات online يبعتلي يقوللي بدأت اتغير / اول مرة اتصرف كدة ومبسوطة بنفسي / بقيت بحس بكذا وده ريحني ..

بفرح مرتين الاولى لانها اتغيرت
و التانية لانها لاحظت انها اتغيرت ..
وده بيكون معناه انها بدأت ترضى عن نفسها كمان مع التغيير ..
لان اوقات يحصل ان الشخص يدرس حاجة ترفع وعيه ويتغير ايجابيا .. بس ميكونش ملاحظ انه اتغير ..
سواء مستقل بالتغيير او مش شايف انجازه ده شيء يذكر او من كتر ما نظرته سلبية مش ملاحظ الايجابي .. وكلها انعكاسات انه مش حابب نفسه كفاية مش راضي عنها مش مقدرها يعني المحصلة مش مرتاح نفسيا ..
مهم اوي لما تكون ماشي في طريق انك تكون واعي قطعت منه مسافة اد ايه .. و تشجع نفسك عشان تكمل ..
اي طريق محتاج وقت ..
لو فضلت تتلفت كل شوية و تلوم في نفسك و تقولها يوووه انا موصلتش لسة / انا متأخر / ايه اللي مأخرني كدة /انا طولت اوي .. 
مش هتعرف تمشي و هتحبط نفسك ومش هتكمل ..
اجمد و اثبت وقدر نفسك على اي خطوة وكل خطوة .. وسامحها على الوقعات بس قوم من تاني ..
شوية شوية ويوم ورا يوم هتلاقي الوقعات بتقل ورجليك بتثبت وخطوتك بتكبر وسرعتك بتزيد .. وبعد ما كنت يدوب بتخطي بقيت بتمشي بثبات وبعدها بتجري كمان .. بس انت قدر نفسك ولاحظ التغيير ..
#اسراءهارون

ودلوقتي كل كورسات التغيير متاحة اونلاين .. اول ما تحجز بتبدأ مش هتستنى مواعيد .. و الكورس كله تحت ايدك تعيد وتزيد وتراجعه اي وقت
ده غير ان بيكون ليك الحق تتواصل مع استاذة اسراء شخصيا كمان لاي استفسار اثناء مدة الكورس

للتواصل واتساب فقط من اي مكان بالعالم
+2 01016447440

https://m.facebook.com/story.php?story_fbid=2396306310401660&id=816408068391500

وزي ما فيه ناس صعبة .. تجيد ارتداء الاقنعة الخادعة .. نفوسها مريضة تمشي دائما وراء القيل والقال ..
فيه ناس جمييييلة جدا .. ورائعة والتعامل معاها ممتع بجد .. واضحييييين وضوح الشمس .. صادقين فيما يقولون
دول برضو عايزين محمية خاصة زي الفئة الراقية الاسلوب اللي كلمتكو عنهم ..
دول بقى الزق فيهم .. واديهم ثقتك .. وفضيلهم مساحة من وقتك وعبرلهم عن تقديرك وحبك علنيا .. بالقول والفعل .. تستمتع بجمالهم اكتر واكتر ..
واطمن .. لو حد فيهم لابس قناع وبيمثل ودي مش حقيقته وبيكن ليك حاجة وحشة هيبانلك بسرعة لان قبحه الخفي مش هيستحمل جمالك الواضح .. وهيسقط قناعه في وقت قصير .. وتلاقي ربنا بعتلك الادلة على فساد سريرته ناحيتك دليل ورا التاني وانت قاعد مكانك .. بس بتقول الحمد لله وتضحك ..
ساعتها من حقك تغير رايك فيهم علنا برضه وتسحب ثقتك منهم وتقديرك عشان تفضل مصداقية مشاعرك واضحة للناس اللي تهمك .. الناس الجميلة اللي تحب الوضوح وتمتنع عن ارتداء الاقنعة ...
ولسان حالها : ( اللي يحبني كما انا ويفهمني صح ويقدرني اهلا بيه .. واللي يظن فيا ما ليس فيا ويفسرني على مزاجه المريض ونيته الخبيثة فشكرا له .. ووفقه الله بعيدا عني ) .. بسيطة وسهلة
#عيشهاصح
#اسراءهارون

https://m.facebook.com/story.php?story_fbid=2935971896435096&id=816408068391500

Audio from Esraa Haroun

👆دي اجابة سؤال الكوتشينج بيفيد في ايه ؟

متقولش الاذكار زي البغبغان ..
#ركّز عشان تعقل اللي بتقوله و تحسه فعلا في حياتك .. وينعكس قدامك
استعمل #قانون_التركيز ..
اللي هتركّز عليه هيزيد في حياتك ..
كل الاذكار مذكور فائدتها و أثرها على حياتك عشان تزود يقينك وايمانك بانك لما تقول كذا هيتحقق الاثر الجميل ده في حياتك ..
رضيت بالله رباً وبالاسلام ديناً وبمحمد صلى الله عليه وسلم نبياً ورسولاً .. من قالها في يوم ثلاثاً كان حقاً على الله ان يرضيه )
رضيت بالله رباً .. اسأل نفسك هل انت راضي بيه فعلا ً ؟!! و غيّر تفكيرك ووجهة نظرك عشان توصل للرضا ..
#حس بكل نعمة ادهالك .. حس بكل نجاة حباك بيها من المصايب .. حس بكل عافية اسبغها عليك من الابتلاءات .. حس بكل حكمة كانت في تدبيره ليك .. حتى التدابير اللي انت شايفها شر او ابتلاء تأكد انها كلها خير اصلاً بس انت بنظرك القاصر مش شايف الخير اللي فيها لسة .. آمن بس بالحكمة وانت هتشوفها مع الوقت ..
الرضا بالله رباً نعمة .. بل من اروع النعم ..
وبنا يرضيكم بيه ويرضى عنكم ويراضيكم .. صباحكم رضا .. #صباحك_سكر مع #اسراءهارون

https://m.facebook.com/story.php?story_fbid=1800981623267468&id=816408068391500

الوفرة في 21 يوم
جروب جديد لتطبيقات الوفرة لديباك شوبرا
لمن لا يعرف الوفرة وليس لديه فكرة عن التأمل رجاء لا يدخل الجروب قبل ان يعمل بحث عنها ويكون مقتنع وواعي واللا فلن يستفيد بالعكس سيتضرر

من يريد الانضمام يدخل الجروب :

https://www.tg-me.com/joinchat-F35wfg9PSo5b6WQt6hKiLQ


سنبدأ السبت القادم

انا جيالكم من المستقبل وبقولكم متضيعوش احلى سنين في عمركم وعمرهم في الهري اللي عالفاضي

البوست ده من 5 سنين ⁦☺️⁩
دلوقتي خلاص خلصنا كليات وبنشتغل الحمد لله

#التربيةالصح_مع_اسراءهارون
على فكرة انا بناتي واحدة في كلية وواحدة ثانوية عامة علمي وواحدة في اعدادي
لا عمري ذاكرت لحد منهم وقعدت فوق راسها
ولا قعدنا نحل هومورك مع بعض
ولا اتخانقنا و اتوترت علاقتنا بسبب الامتحانات
ولا حاسبت حد منهم على درجات جابتها
ولا عمر واحدة منهم كلمتني وحش او زعقت في وشي او افأفت عشان بقولها سيبي اللي في ايدك وذاكري
ولا عمري سحبت منها الموبايل عشان تذاكر ولا فصلت النت
ولا عمرنا اتحبسنا في البيت ايام وليالي الامتحانات بالعكس كنا نخرج ونتفسح ونستمتع عشان نفسيتهم تتحسن
وما جراش اي حاجة على فكرة
ومستواهم تراوح من ٨٠-٩٠٪
وكمان اعتمدوا على نفسهم واتحملوا مسؤلية نفسهم ( وده عمره ما بيحصل لما تفضلي وراهم تذاكريلهم )
و كبروا وبقوا بني ادمين طبيعيين الحمد لله
بس عاشوا حياتهم وطفولتهم .. وانا عشت حياتي واستمتعت بيهم وبامومتي ..
ولا عمري بقا اتخنقت من واحدة فيهم عشان مش بتذاكر ولا شلتني ولا غاظتني لانها قعدة تلعب عالموبايل ولا اتفرست منها عشان مخلصتش اللي وراها ولا بقيت مش طايقاها ولا جالي ولا جالهم اكتئاب من جو الاماخانات والدراسة ولا اااااي حاجة من اللي بسمعها من الامهات اليومين دول
ومحدش يقولي دول بنات بس الولاد غير كدة لان البنات والسرحان و الحركة البطيئة اللي تشل قصة عشق لا تنتهي ..
ومحدش يقولي اصل انتي خبيرة تنمية بشرية ومدّربة ..
اولا انا ام من وانا عندي ١٨ سنة مكنتش وقتها خبيرة في اي حاجة خالص ..
ثانيا تقدري تستعيني بالله و تدربي نفسك زي ما انا دربتها وتختاري انك تكون ام وتعيشي حياتك وتستمتعي بامومتك .. مش تضربي نفسك وولادك وحياتكو وعلاقتكو بنار التعليم والمذاكرة وتتدفنوا كلكو بالحياة ..
عشان ايه في الاخر ؟؟؟!!!!!! تعليم واخد المستوى قبل الاخير عالعالم !!!!!!
على فكرة الحياة بتتعاش مرة واحدة .. ايوة واحدة بس والله .. واللي بيفوت من عمرهم وعمرك ده مبيرجعش .. ودي احلى سنين العمر ..
وهتتفاجئي بعد ما يكبروا انك ملحقتيش تستمتعي بيهم وانك عيشتي معذباهم و متعذبة بيهم وللاسف عالفاضي .. ايوة عالفاضي .. لان كلو بيعدي وكلو ف الاخر بيحصل بعضه .. وساعتها مفيش اي حاجة ترجعلك العمر والسنين اللي ضيعتيها دي
انا بكتبلكو الكلام ده عشان انا بتمنى دلوقتي بعد ما كبروا.. بتمنى دقيقتين يرجعوا وهم صغيرين بس العب معاهم تاني واحس نفس المتعة اللي تقريبا انتو متعرفوهاش او بتضيعوها كل يوم و عايشين مقروفين وهي بين ايديكو وولادكو لسة صغيرين
فوقوا يا جماعة قبل فوات الاوان .. مفيش اي حاجة في الدنيا تستاهل التوتر والقرف ده .. فوقوا بجد يرحمكم الله . #اسراءهارون
#عيشهاصح

https://m.facebook.com/story.php?story_fbid=2969519716413647&id=816408068391500

تبادل اعلاني بكل الحب ⁦❤️⁩

👆 ندوة عن الاحتياجات النفسية للابناء
مفيدة للصغار والكبار ايضا

Personality types
لو عندك اي مشكلة في التعامل مع بعض الناس ومش فاهم ليه ؟!!  او بتحتار ليه احيانا نفس التصرف ينفع مع حد ومع حد تاني لا ..
لو انتي ام وعايزة تفهمي ولادك كويس .. وتعرفي تعامليهم صح وتربي كل طفل حسب شخصيته ..
لو انتي زوجة و عايزة تعرفي شخصية زوجك و مداخلها وازاي تتعاملي معاه وتكسبي قلبه ..
لو انت بيهمك تعرف وتستكشف شخصيات الناس اللي حواليك وتحب تفهم اللي بتتعامل معاهم كويس ..
لو انت الشخص اللي نفسه يفهم نفسه صح و يستوعب هو ليه بيتصرف بالشكل ده او ده ؟!! ..
اللي بيشغله النفس البشرية واعماقها وطبيعتها
اللي عايز يعرف يتعامل مع نفسه بكفاءة ومع كل الناس صح ..
يبقا هتلاقي نفسك معانا في الكورس ده ..
Personality types
انواع الشخصيات وطريقة الاقناع والتعامل مع كل نوع
الكورس بيتكلم
عن انواع شخصيات الناس و صفات كل نوع - هنعرف ازاي بتتكون الشخصية - وطريقة تفكير كل شخصية ودماغها - مميزات الشخصية وعيوبها - الوجه الايجابي والوجه السلبي لكل نمط - نقاط القوة وازاي استفيد منها وانميها - نقاط الضعف وازاي اعالجها واظبطها - احتياجات كل شخصية - ايه اللي يحفّز كل شخصية وايه اللي يستفزها - ازاي نساعد كل شخصية عشان تتطور وتتحسن وتعالج مشاكلها - ازاي اتجنب الصدام والمشاكل مع كل الشخصيات - ازاي بيكون شكل العلاقة بين كل شخصية والاخرى - طريقة التعامل مع كل نمط - طريقة اقناع كل شخصية والتأثير فيها ..
والاهم من كل ده انك بتفهم نفسك كويس وثقتك بنفسك تتظبط وتعرف نقاط قوتك وازاي تنميها وتستخدمها ونقاط ضعفك ازاي تعالجها ..
هيساعدك على تحليل الشخصيات و تعرف شخصيتك و شخصيات اللي حواليك
ضروري لكل شخص خاصة للامهات / المدرسات / المتزوجات والمقبلات على الزواج

البرنامج طويل يستغرق من شهرين ل 3 اشهر متوفر Online على قناة Telegram خاصة ..
متاح للبدء فورا تسمعيه وقت ما تحبي عدد مرات مفتوح
و تحتفظي به مدى الحياة لمراجعته والرجوع اليه اي وقت ..

السعر 200 $ دولار او ما يعادلها
خصم خاص 25 % بمناسبة بداية العام الجديد 2020
هيكون السعر. 150 دولار بدلا من 200 دولار
السعر يشمل :
اشتراك شخصين ( زوجين / والدين / ام وابنها او ابنتها / اختين او صديقين )
ويشمل متابعة تتكلمي مع استاذة اسراء شخصياً طوال فترة البرنامج لاي استفسار او اسئلة ..
اول ما بتحجزي بتدخلي وتبدئي مباشرة
للحجز تواصل واتساب مع الرقم من اي مكان بالعالم
+201016447440

اخر فرصة للانضمام لجروب الوفرة
بدأنا اليوم التحضير

للي بيسألوا عن التأمل او ال meditation
عبارة عن تكنيك بيهدي موجات المخ العصبية
بيعمل mind fullness
بيستخدم للاسترخاء .. للتأمل .. للتركيز .. للانفصال شعوريا عن شيء سلبي .. للتدريب على عيش اللحظة .. لتغيير العادات .. للتشافي من الصدمات
هو وسيلة لما بتفهمها وتتعلمها صح تقدر تستخدمها لحاجات كتير اوي اكتر من اللي وضحتها ..
عامل كدة زي علاج نفسي .. ايوة علاج متكامل مش مجرد مهديء نفسي .. واستخداماته نتايجها مذهلة على النفسية .. سواء كتفريغ للضغط النفسي او ظبط للتفكير او تحكم في المشاعر ..
هو منتشر عاليوتيوب ولكن للاسف بعضه بدون وعي نوعا ما .. ومش بفضل استخدامه بدون وعي كدة ..
افهم الاول الموضوع صح ..
يعني ضروري نفهم ايه سر الاسترخاء وفايدته وبيعمل ايه بالظبط التكنيك ده في الجسم والعقل وليه بيعمل كدة وازاي عشان تقدر تستفيد منه فعلا ..
اما انتشاره مع جهل الناس بيه بيخليه فارغ من محتواه زي ما حاصل في امور كتير انتشرت بشكل سطحي افقدها عمقها و قيمتها وخلاها مثار سخرية واستهزاء ونقد وهي في الاصل شيء مهم و ممكن يعمل فرق كبير في حياة الناس .. ولكن من جهل شيئا عاداه ..
وعلى فكرة مع بعض الناس بيحتاج تدريب .. يعني مش كل الناس بتعرف تدخل في استرخاء علطول .. عشان في ناس كتير بتيجي تقولي مبعرفش استرخي بتعصب منه وكلام كدة .. دي اكتر ناس بنصحها انها لازم تفهمه صح مينفعش تعمل حاجة وانت مش فاهمها وبعد ما نفهمها نتدرب عليها واحدة واحدة على قد كل شخص و قدراته .. وكل ما هتلاقي نفسك رافض تسترخي كل ما ده كان دليل اكبر انك محتاج تسترخي .. زي بظبط اللي عنده قلق وهو محتاج للنوم بس رافض ينام وبيتعصب كل ما يحاول ينام ومينمش ..

انا شخصيا لما حد بيسألني ايه اكتر حاجة في اللي اتعلمتيه فرقت معاكي في حياتك والصعوبات اللي مريت بيها بقول بدون تفكير ال meditation و ال positive talk من ضمن كللللل اللي اتعلمته هم افيد تطبيقات .. والاسرع اثرا ..
والاتنين ليهم برامج تدريبية ..
و لاني عامة مش بقتنع غير بالدراسة العميقة والفهم من الجذور لاي شيء واي موضوع محبش اخده بشكل سطحي .. فده بيخلي برامجي طويلة نوعا ما .. بس اللي بيحب يتعلم بيستحملني ⁦ الحمد لله ☺️⁩

دي قناة التليجرام للمتابعة
🌸 اطمئن .. مع اسراء هارون🌸
https://www.tg-me.com/EsraaHarounLifecoaching

وده رقم الحجز للي يحب يشترك في البرامج او يحجز مواعيد جلسات خاصة online من اي مكان في العالم
+201016447440

( اللي عايز فعلا وناوي من جواه بجدية انه يتعلم ويتغير لكن ظروفه المادية مش سامحه يقدر يوضح ده لمسؤولة الحجز بدون اي حرج وياخد البرنامج باي مقابل حسب مقدرته بكل حب مني )

#اسراءهارون

https://m.facebook.com/story.php?story_fbid=2974356339263318&id=816408068391500

قريبا دورتنا الجديدة
💚 شفاء المشاعر 💚
Round 1 ترقبوا التفاصيل
للحجز والاستعلام
+201016447440