Men are gold .. women are diamonds
الرجال من الذهب والنساء من الماس
برنامج تدريبي عن العلاقات الزوجية
للمتزوجات والعرائس والبنات قبل او بعد الارتباط
برنامج متكامل عن العلاقات بين الرجل والمرأة بكل مراحلها ( الارتباط - الخطوبة - الزواج - الانفصال - تكرار الزواج )

بندرس فيه كل ما يخص الراجل والست  ..
وازاي كل طرف يقدر يفهم طريقة تفكير الطرف الثاني ونفسيته وطريقة استجابته وتفاعلاته -
بيوضح الاختلافات بين #الذكر_والانثى وازاي نستوعبها ونتعامل معاها
بيعرفك مراحل العلاقة وتطورها وازاي نعيد تقييم العلاقة ونعيد بنائها ونعالج الخلل اللي فيها او نطورها للاحسن .. ونوصل للتفاهم وحل الخلافات ..
هتعرفي القواعد الاساسية عشان بداية ارتباط  او لبناء العلاقة في الخطوبة والزواج ومعالجة المتضرر منها  بيوضح اخطاء الرجل في #حقوق_المرأة وازاي المرأة تتصرف معاها .. وكذلك اخطاء المرأة في حق الرجل وازاي الرجل يتصرف معاها ..
بيوضح اسباب الخلافات والصدامات في الحياة الزوجية ..  وازاي نتجنبها ونعالجها
هتكتشفي العادات الايجابية الناجحة في العلاقة والعادات السلبية المدمرة  وتغيريها
هتعرفي المفاهيم المغلوطة عند الذكر والانثى واللي بتسبب مشاكل كتير وازاي نصلحها بجد و نتقدم بالعلاقة
هيفيدك في حالة #اختيار شريك الحياة او #الخطوبة او #الزواج او #الطلاق او تجربة #اعادة الزواج
باذن الله مع البرنامج ده تقدر تختار #شريك_حياة مناسب ليك / ممكن تصلح علاقتك بشريكك و تعيش بسعادة ..
البرنامج متوفر اونلاين تقدري تسمعيه اي وقت من اي مكان على موبايلك او اللابتوب عدد مرات مفتوح .. وتختفظي بيه مدى الحياة

الاشتراك شامل الزوجين او العروسين + متابعة مع استاذة اسراء شخصيا لاي اسئلة او استفسارات
للحجز 01016447440

صعبان عليك نفسك ..
في حد عزيز عليك مش همه همّك .. رب البشر بيقدر همك وبيخليه كفارة ليك ..
زعلان ان محدش مقدر مجهودك ؟! ..
رب البشر بيوزن مجهودك بالذرة ( ومن يعمل مثقال ذرة خيرا يره )
زعلان ان محدش حاسس بيك .. رب البشر عالم بكل شيء بدقة انت نفسك متعرفش توصفها ( ولقد نعلم انه يضيق صدرك بما يقولون ) وكمان بيحطلك كل حاجة ضايقتك في ميزان حسناتك وبيردلك كل مظلمة في الدنيا او الاخرة ..
حاسس انك غلبان ومش مسنود .. رب الكون بيرعاك بعينيه ( فاصبر لحكم ربك فانك بأعيننا )
زعلان ان محدش من البشر بيحاول يريحك .. رب البشر مديك كل النعم اللي انت فيها وانت معملتش حاجة تستاهل .. مديهالك بس عشان ترتاح وانت برضو مش مرتاح ..
عارف ليه ؟ .. عشان شاغل نفسك بالبشر .. متعلق بيهم .. مستني منهم .. بتشحت منهم حنية - احساس - احترام - تقدير - رحمة - شفقة - كلمة طيبة ..
عايز ايه من البشر ؟؟!!! .. وايه اللي معشمك فيهم اوي كدة وهم كلهم نقص وانت عارف نقصهم ..؟
عشان كدة ربنا كل ما تتعلق ببشري يخليه يخذلك ويتعبك ويئذيك .. عشان تفهم انك متتعلقش بحد تاني وانت مش عايز تفهم .. وتتكرر الرسالة كل شوية وانت مش مستوعب ..
عارف ليه ربنا بيعمل كدة ؟؟ عشان بيحبك وبيغير على قلبك انه يتعلق بغيره وهو من له الكمال وحده ..
( من تعلّق شيئاً وُكِل إليه ) .. اللي يتعلق بحاجة ربنا هيسيبه للحاجة دي .. هيوكله ليها .. ينفع توكل قضيتك لمحامي ضعيف وتسيب اكبر محامي بعد ما كان مستنيك بنفسه ( ادعوني استجب ) وترجع تعيط ان قضيتك باظت ؟؟
لما تتعلق بحاجة اتعلق بحاجة كاملة ومضمونة .. مش هتلاقي كامل ولا مضمون غيره سبحانه وتعالى .. لما تتعلق بحاجة او حد وتلبس في حيطة متلومش غير نفسك .. وارجع لحبل الله بسرعة .. وطهر قلبك من غير الله .. وحط كل حاجة في مكانها السليم #اسراءهارون
#عيشهاصح
#السعادة_قرار #السعادة_افكار
#repost

هل جربت أن تعيش مع إحساس الكفاية بالله ؟!
أن تكتفي بالله وحده عن كل شيء ، وتنشغل به وحده سبحانه وتعالى .. فيملأ فراغات نفسك وروحك .. فلا تشعر بغياب أحدٍ دونه ، أو بعده عنك !
" أليس الله بكافٍ عبده " ..
عندما تُظلَم ولاتجد نصيرًا واحدًا يدافع عنك !!
" وكفى بالله نصيرا " ..
وعندما تشعر بالوحدة ، ويتحاشاك كل من حولك ، ويخذلك أقربُ الناسِ إليك !
" وكفى بالله وكيلا " ..
وعندما لا تجد من يُقدِّر جهدك ، وتتهم دوماً بالفشل والنقص والتقصير !!
" وكفى بالله عليمًا " ..
كفى بالله وحده ، كفى به حسيبًا ونصيرًا وكافيًا ووكيلًا ، كفى به أنيسًا وجليسًا .. كفى باللـه !
≪ اكتفِ بالله ≫ .. فكل شيء هالك إلا وجهه !
وعندها لن يفرق معك من خان ، ومن استهان ، ومن جرح ، ومن غاب ، ومن كذب ، ومن خدع !!
فمن قرَّت عينُه بالله ؛ قرَّت به كل عين .
منقول

واحنا صغيرين .. كنا بنفرح اوي لما المدرسة تقولنا اقلبوا الصفحة ونكتب في صفحة جديدة .. ونحس بالامل و التفاؤل ونحاول منشخبطش فيها ومنغلطش زي الصفحة اللي فاتت..
ليه بقى واحنا كبار مش بنقلب الصفحة ؟؟..!!!
ونصمم نشخبط فوق الشخبطة ..
ونزنق الكلام في نفس السطر ..
ونقرا الغلطات عشرات المرات ونعيط ..!!
و نفضل نمسح ونعيد لما تتقطع وبرضه مبنقلبش وعايشين في نفس الصفحة.. لا بنقلبها ولا بنقطعها ولا بنعيدها .. محلك سر !!!!
كل يوم جديد ..
كل مرحلة جديدة في عمرك او حياتك ..
هي صفحة جديدة ..
سيبك من الصفحة اللي فاتت بحالها بمالها واللي عليها ..
اقلب الصفحة ..
ومن اول السطر اكتب سعادتك وطموحك .. وابدأ من جديد .. !!!
#اسراءهارون

كتير بقول وبكررها مينفعش حد ينصح حد بوجهة نظره .. ايوة مينفعش .. ده فضلاً عن انه يفرضها على حد ..
كل شخص له وجهة نظر مقتنع بيها وماشي بيها .. ده مش معناه انها هتنفع الشخص الاخر او باقي الناس ابدا ً ..
اهدافنا مش زي بعض .. تفكيرنا مختلف .. طاقاتنا وقدراتنا متباينة ومتفاوتة ..
اقولكو على حاجة انا بكتشف في الجلسات والاستشارات ان في ناس متبنية قناعات و وجهات نظر ومقتنعة بيها وماشية في حياتها بيها .. و مش مريحاها هي شخصياً ولا نفعاها .. و بعداهم عن اهدافهم .. و بخليهم يكتشفوها ويدركوا اد ايه هم بيقولوا كلام ومومنين بكلام متضارب مع اهدافهم وعاملهم صراع وخلط رهيب جواهم وهو سبب تخبطهم وتوترهم واضطراب نفسيتهم .. ويعتبر تغيير القناعات من اصعب واهم مراحل التغيير ..
فاذا كانت وجهة نظرك او قناعاتك دي ممكن تكون سبب تعبك انت اساسا ً فعلى اي اساس بتنصح بيها و تتشددلها كدة ؟
وجهات النظر غير الحلال والحرام ده بس اللي فيه صح ( الحلال ) وغلط ( الحرام ) وده متفق عليه حتى بشكل كبير بين الاديان و الشرائع الدينية المختلفة ( ان الحلال بيّن والحرام بيّن ) محدش هيختلف معاك في الزنا ولا السرقة ولا شرب الخمر ولا القتل ..
لكن وجهات النظر غير مسلم بيها .. وجهات النظر بتكون مبنية على العقلية وطبيعة التفكير ونوعيته ودي كلها فيها اختلافات كبيرة بين البشر .. عشان كدة مفيهاش صح وغلط .. فيها مناسب او غير مناسب .. نفس وجهة النظر هتكون في تفكير حد غلط وفي تفكير حد تاني صح .. هتساعد حد انه يوصل لهدفه وينجح وتبوظ لحد تاني هدفه تماماً ويفشل .. يعني تناسب شخص وشخص تاني لا ..
فبلاش حكاية اننا ننصح بعض دي .. وتكتبوا مشاكلكو على الجروبات والناس تقول رايها ..
لا تنصح ولا تطلب النصيحة من حد الا لو متخصص في المجال اللي انت بتتعامل معاه ( فاسئلوا اهل الذكر ان كنتم لا تعلمون ) والمتخصص اللي فاهم فعلا عمره ما هيديلك وجهة نظر تمشي عليها او قرار تنفذه .. لكن هيبينلك ده بيعمل ايه وده بيعمل ايه ولو عايز كذا تمشي ازاي ولو كذا تمشي ازاي .. وانت في ايدك كل الاوبشنز تشوف الانسب ليك و تختار وتقرر .. حتى قدراتك وطاقتك تقدر تغيرها وتزودها وتتحكم فيها لو حبيت .. المهم تعرف ازاي و كوتش يساعدك وشوية صبر #اسراءهارون
#عيشهاصح #كوتشينج #lifecoaching
للتواصل واتساب من اي مكان في العالم
+201016447440

مهما ظهر منها ..
فكري انهم اطفال ( مش كاملين ) وانتي اللي بعون الله بتكمليهم شوية بشوية ..
محتاجين مساعدتك وحكمتك عشان يتعلموا الصح واحدة واحدة ..
محتاجين هدوئك معاهم عشان يستوعبوا منك ويتشكلوا تحت ايديكي من غير ما يتكسروا ..
فكري فيهم كدة مش تطلقي عليهم احكام صعبة ظالمة تسد نفسك انتي شخصيا .. ما بالك هم بيحصلهم ايه لما يسمعوا كلام زي كدة منك ؟!!
( وقل لعبادي يقولوا التي هي احسن ان الشيطان ينزغ بينهم )
اوعوا تسمعوهم كلام وحش .. خللي هدفك انهم يحلفوا لما يكبروا انهم مسمعوش كلمة وحشة او مؤذية منكم ..
اوعوا ولادكم يشتكوكم لربنا .. مهم مش هيعرفوا يشتكوكم لحد تاني ..
اتقوا الله في نفسيتهم .. عشانكم انتو قبل ما يكون عشانهم .. لان يوم ما حد منهم والعياذ بالله نفسيته تتشوه او تتدمر انتو كامهات اللي هتتوجعوا اكتر منهم بمراحل .. ربنا يعافينا جميعا من كل سوء..
وربنا يوفقكم يا اجمل امهات ..ويسدد خطاكم ويقر عيونكم باولادكم وهم في اتم نفسية واجمل شخصية بفضل الله وتوفيقه ..#اسراءهارون

لمعلومات عن دبلوم #التربيةالهادئة لاسراء هارون
او حجز جلسات خاصة
ابعتي رسالة واتساب للرقم 01016447440 توصلك كل التفاصيل

https://m.facebook.com/story.php?story_fbid=2323220791043546&id=816408068391500

كررها كل يوم

لما تحصل احداث سلبية في حياتك ده مش معناه ان حياتك بتتدمر ..
معناه ان حياتك بتتغير ..
يا ترى هتتغير لسلبي ولا لايجابي ..
اجابة السؤال ده بيكون حسب ٣ حاجات :
اول حاجة ايمانك بالله ..
لو انت مؤمن انه رحيم لطيف حكيم كريم ودود جبار .. وان الامر بيده مالك الملك .. وانه المدبر وهو اللي بيهيأ الاسباب .. يعني محدش اذاك ولا كان يقدر يئذيك اللا باذن الله .. هتؤمن ان اللي بيحصلك حكمة بالغة
تاني حاجة : ظنك بالله ..
لو ظنك بالله انه رب الخير لا يأتي الا بالخير .. وان امر المؤمن كله خير .. يبقا اللي بيحصل خير مهما بدا عكس ذلك ..
انما لو ظنك بيه انه بيعاقبك او هيعاقبك .. يبقا هو كما ظننت .. وعلى فكرة كدة خير برضو لانه تطهير ليك
تالت حاجة :طلبك منه ( دعائك ) ..
‏لو بتطلب بيقين و امل و احساس حقيقي ان طلبك هيتحقق .. يبقا لازم تفهم وتوعى ان كل اللي بيحصل هي احداث في طريق التغيير ..
‏لو بتطلب وانت شاكك في نفسك هل استحق ؟ او في ربك هل هيحققلي ؟ يبقا لازم تعيد النظر في دعاك ..
‏
لو ظبطت التلات حاجات دي ولقيت احداث سلبية .. اطمن .. حافظ على هدوئك ..
كل اللي حصل انك دخلت مرحلة .. لاحظ كلمة مرحلة .. بتسمى ( السرنديب ) سلسلة احداث تبدو سلبية كغقد الوظيفة او ازمة مادية او انقطاع علاقة .. ولكنها حدثت لوضعك على التراك اللي انت عايزه واللي طلبته من ربنا و اللي بتؤمن به ..
لذلك احسن الظن بالله لانه عارف انت عايز ايه و بيسخر لك الكون عشان يحصل .. ( وسخر لكم ما في السموات وما في الارض )
فاشكره بامتنان وانت داخل الحدث السلبي وكلك ايمان ويقين انها مرحلة للوصول ..
‏مر عليا قبل كدة مثال معبر اوي .. انك تعتبر نفسك مسافر .. ركبت قطار وانت مش بتحب القطارات وطلع متهالك و صوته مزعج ومش مريح لكن مفيش غيره وسيلة توصلك للمطار اللي هتطير منه بكل راحة عشان توصل للي انت عايزه ..
‏القطار ده هو الحدث السلبي وركوب الطيارة هي بداية الاحداث الايجابية اذن من الوعي انك تحمد ربنا وتشكره و تمتن للقطار المتهالك الذي جعله الله وسيلة لوصولك ..
وكل ما زاد ايمانك ويقينك كل ما قدرت تمتن اكتر وتستمتع وانت بداخل القطار المتهالك لانك مؤمن انك في مرحلة بتطهرك وتوصلك .. و المرحلة دي حصلت بامر الله الحكيم ..
جرب استمتع بتفاصيل الطريق والتفت لنعم اخرى غير المفقودة والمنتظرة .. التفت للموجود وهتلاقيه كتيييير اوي .. وتأمل عظمة تدبير الله في ادق التفاصيل حواليك ساعتها هتقدر تحس بامتنان وسعادة بالرحلة .. وتوصل باذن الله بسلاسة ويسر ومتعة وسلام

وخللي بالك في الطريق في القطار كل ما هتكره محطة وتقف تعترض عليها او تشتبك مع اي حد مخالف ليك او تتفاعل .. خد بالك انك كدة بتتعطل اكتر ..
يعني المرحلة دي هتطول .. وده في ايدك انت ..
عشان كدة نصيحة مني Let go خليها تفوت .. قد ما فيك اي حاجة انت كارهها او مش عجباك خليها تفوت .. متضيعش وقت فيها .. ولا مجهود .. ( ما احنا اتفقنا ان القطار كله مش عاجبنا وانه مرحلة )
ولو عايز كمان ترفع ايجابيتك اكتر و تستمتع بالسلام النفسي : ادعي لكل اللي معاك في القطار .. واعذرهم .. وعديلهم .. ولو تقدر تساعدهم ساعدهم .. خللي المرحلة دي تقصر و تعدي باقل الخساير .. واكسب سلامك النفسي ووقتك اللي هو عمرك ..
#اسراءهارون

https://m.facebook.com/story.php?story_fbid=2865755576790062&id=816408068391500

تم فتح باب الحجز لاشتراك شهر 12 ديسمبر

جروب أسئلة تربوية
مع استاذة اسراء هارون
استشارية نفسية وتربوية واسرية خبرة 15 سنة
اي سؤال او استشارات تخص تربية الابناء والمراهقين هتجاوبكم عليها
وهتنزلكم تسجيلات ومقولات ومقتطفات خاصة بالتربية تدعمكم باستمرار

الفكرة كانت فكرة بعض الامهات اللي خدوا معايا جلسات وكورسات قبل كدة لما سافرت طلبوا ان يكون في متابعة لاسئلتهم واكون بدعمهم باستمرار .. وبعدين قلنا نعمم الفكرة لكل اللي تحب تستفيد .. وهيكون عالتليجرام بالكتابة والصوت عشان اي مشتركة تدخل جديد تقدر تسمع وتقرا الاسئلة والاجابات اللي فاتتها ..

الجروب هيكون عالتليجرام عشان اللي يدخل جديد يقدر يلاقي الاسئلة والاجابات اللي فاتته ويستفيد

🌸هتستفيدي ايه بالاشتراك ؟
• تقدري تسألي براحتك وانتي في مكانك.. وتسمعي اجابة سؤالك من استاذة اسراء شخصيا وتقدري كمان تسمعي اجابات كل اللي بيسألوا عشان تعم الاستفادة
• كمان هنختار كل شهر موضوع معين في التربية نتكلم فيه الى جانب الاسئلة و استاذة اسراء هتبعت تسجيلات صوتية تدعم الموضوع نفسه خلال الشهر وبكدة نكون غطينا الموضوع وظبطناه ..
• هيكون ليكي هدية
استشارة خاصة مدتها ساعة اونلاين بمكالمة صوتية خاصة مع استاذة اسراء خلال الشهر وممكن الاستشارة تكون في موضوع تربوي او شخصي او زواجي حسب اختيارك


الجروب باشتراك شهري 300 جنيه مصري
100 ليرة تركية
25 دولار لاي بلد اخرى

يوجد تخفيض وعروض للاشتراك اكتر من شهر
كل شهر هيكون موضوع في التربية مختلف ( الاساليب السليمة / طرق العقاب / اخطاء الابناء / نفسية الابناء / المراهقة / تربية البنات او البنين بشكل خاص / التربية الجنسية .....وهكذا )

للحجز ابعتي واتساب للرقم
+201016447440

🍁﴿قَد نَرى تَقَلُّبَ وجهِكَ فِي السَّماءِ﴾ يعلم الله ما يُشغل قلبك وعقلك .. فقط عليك بنظرة عين ملؤها رجاء .. وسجدات ملؤها دعاء ..حينها يأتيك الدواء ..
فإذا عجزت عن شرح همومك ردِّد هذه الآية﴿رَبَّنا إِنَّك تَعلَمُ ما نُخفي وما نُعلِنُ﴾....

💐﴿ وإِن من شَيءٍ إِلَّا عِندنَا خزَائِنهُ ﴾ طموحك،أحلامك، أمنياتك موجودة عند الله ...
فاستمطرها بالرجاء والسجود والدعاء والاستغفار......

باذن الله هنبدأ سلسلة ندوات توعية تربوية ونفسية مع استاذة اسراء هارون للجالية العربية في اسطنبول
( ندوات مجانية واخرى مدفوعة )
ندوات online ( تحضريها من اي مكان وتسمعيها اي وقت يناسبك )
وندوات حضور life في مكان ( وهيتم تسجيلها وتوفيرها للسماع لاحقا )

الاماكن هنعلن عنها في وقتها مع كل ندوة هنحدد مكانها .. وعموما هتتنقل بين مراكز وحضانات مختلفة في مناطق اسطنبول ( جمهوريات مهلسي / بيليك دوزو / شيرين افلير / فاتح / شيشلي / باشاك شهير / اوسكودار )

عناوين المحاضرات والندوات :

- الاحتياجات النفسية العشرة للابناء واشباعها
- القواعد الستة للتربية السوية
- مباديء التربية الهادئة ( ازاي تربي بهدوء )
- التعامل مع الضغوط النفسية كأم وكزوجة
- التعامل مع الخلافات الزوجية
- ‏التعامل مع سن المراهقة
- ‏بناء شخصية الطفل والمراهق ( التدريب على : الثقة بالنفس / الدين / الاخلاق / القدرات )
- ‏اكتشفي شخصيتك وشخصية شريك حياتك و اولادك
- ‏وداعا للندم .. ازاي افكر واقرر صح ؟
- اختيار شريك الحياة

لمن يهتم يدخل الجروب ويشارك في الاستفتاء
@ ما هو اكثر عنوان يهمك @

العنوان اللي هيفوز بالاغلبية هنبدأ بيه .. وهتكون محاضرة مجانية
للاستفسار والمشاركة في الاستفتاء ارسل واتساب للرقم

+201016447440
قناة اطمئن
https://www.tg-me.com/EsraaHarounLifecoaching

ادوا لولادكو صورة جميلة عن الحب ومظبوطة منكو انتو الاول .. حبوهم صح .. حبوهم من غير شروط بتفاهم وتفهُّم .. باحترام وتقدير .. برعاية واهتمام ..
عشان ميبقوش بيحبوا او بيتحبوا غلط .. ميبقوش و ميتمسكوش بحد بيقلل من قيمتهم او احترامهم .. ميبقوش و ميتعلقوش بحد يبيع ويشتري فيهم .. ميبقوش بيسعوا لتحطيم غيرهم ولا يسمحوا لحد يحطمهم .. ميرضوش بالدون لا لنفسهم ولا لغيرهم ..
ميطلعوش عقدهم على شركاء حياتهم ولا يسمحوا لحد يطلع عقده عليهم ..
لما يبقا انت كأب او انتي كأم بتهينوا ولادكو ومش بتقدروهم .. مع انكو بتحبوهم .. لما تبقوا بتقللوا من قيمتهم .. ومش بتحترموهم ولا بتحترموا آرائهم و لا خصوصياتهم واستقلال شخصياتهم .. بتزعلوا ليه لما يقعوا في حب الشخص الغلط .. بتزعلوا ليه من عدم اتزان مشاعرهم واستجابتهم للاكاذيب والكلام المناقض للافعال والوعود الفارغة .. بتنزعجوا ليه من تشوُّه مفاهيم الحب عندهم ؟!!!!
لما واحدة من بناتي بتسألني اعرف منين ان شخص بيحبني بجاوبها اجابة بسيطة جدا : لما تلاقيه بيحبك زي ما انا بحبك .. بيعاملك زيي .. مش ( اد ) ما بحبك لانه مستحيل يبقا نفس الاد .. لكن بنفس الاسلوب
بيحترمك زيي .. بيحترم خصوصيتك بياخد رأيك بيحترم شخصيتك ورغباتك زيي ..
بيخاف عليكي من غير ما يخنقك زيي ..
عايزلك الاحسن دايما و ميرضالكيش الاقل ابدا زيي .. بيتفاهم معاكي ويشوف حلول وسط ترضيكو انتو الاتنين زيي ..
مش بيقهرك ولا بيتأمر عليكي زيي ..
اسلوبه مريحك زيي .. لو مش عاجبه حاجة يناقشك برقي وشياكة وايجابية زيي ..
مش بيحب يتعبك ولا بيهون عليه تعبك ولازم يقدره اوي زيي ..
لانك برضو هتعامليه زي ما بتعامليني .. هتحبيه زي ما بتحبيني .. مش ( اد ) طبعا يمكن اكتر هههه لكن ( زي ) .. هتحترميه زي ما بتحترميني ..
هتتقبلي قيادته العادلة ليكي كراجل له قوامة زي ما بتقبلي قيادتي ليكي كأم ليها سلطة ..
هتراضيه زي ما بتراضيني ..
هتشغلي بالك براحته زي ما بتشغلي بالك براحتي ..
#الحب_الحقيقي واحد في كل الحالات .. صورة واحدة .. اسلوب واحد .. مظاهره وشكله ميختلفش اذا كان مقدم من ام او اب او حبيب ست او راجل .. وهو الصورة الوحيدة السوية للحب .. والوحيد اللي ابدي ومستمر .. والوحيد اللي بيعمل اشباع عاطفي سليم .. وغير كدة بيكون حب منقوص حب تملك حب قهر حب غير سوي .. او زائف .. او انبهار .. بيفضل ركن الحب عند الشخص محتاج اشباع .. يفضل عنده فراغ جواه وحرمان عاطفي ويفضل نَهِم طول الوقت وجعان حب ومش فاهم ماله والخطر الاكبر بقا لما يلاقي ملامح الحب الحقيقي في شخص آخر .. هينساق له بدون وعي ولا تفكير ولا اي حسابات ..
اللي بيحب :
* بيحترم اللي بيحبه وبيحترم وجوده في حياته ..
* بينفتح عليه بكل وضوح مفيش اسرار مفيش كذب مفيش ملاوعة ..
* بيتفاهم معاه ويراضيه مفيش اكراه مفيش ضغط ..
* بيتمناله الاحسن دايما ويساعده يتطور مفيش قمع مفيش تحطيم ميجيبوش لورا ابدا دايما يدفعه للامام ..
* اللي بيحب بيكون رضا حبيبه اهم عنده من الدنيا وما فيها فيفوت و يتساهل ويتغاضى ويسامح ( الا في الاحترام والكرامة اكيد )
غير كدة ممكن يكون اي نوع حب وكلهم مش بيكملوا لكنه مش حب حقيقي #اسراءهارون
تفاصيل دبلوم #التربيةالهادئة

https://m.facebook.com/story.php?story_fbid=2253330774896266&id=700901416710662

#التربيةالصح_مع_اسراءهارون #تربية_الابناء #تربية #الحب #الحب_الغير_مشروط