صباح الامتنان...

إبدء صباحك بالامتنان وابتعد عن الشكوي لا نها تمنعك من التمتع بالحياة....
أنت تستحق ان تعيش حياة مليئة بالحب والسعادة والصحة والابداع وعندما تتعلم الامتنان وممارسته ستكتشف أمورا كثيرة لم تدركها من قبل...

تقول لويز هاي ....
"إن أول شيء أقوم به حينما أستيقظ من النوم وحتى قبل أن أفتح عيني هو أن اشكر فراشي على نوم ليلة هادئة. فأنا ممتنة لدفئه ولراحته. ومن هذا المنطلق، أصبح من اليسير علىّ أن أفكر بما حدث طوال اليوم وأشعر بالإمتنان لكل تجربة مررت بها. وأسامح نفسي إذا شعرت بأنني ارتكبت خطأً، أو اتخذت قراراً لم يكن هو القرار الصائب.
فهذا التمرين يملؤني بالدفء ويجعلني أخلد إلى النوم كالطفل السعيد".
كل خبرة نمر بها نتعلم منها سواء خبرة فرح أو خبرة ألم حتى حينما نكتشف جانب مظلم بداخلنا ..نشعر بالإمتنان للإستبصار حتى نستطيع أن نتعامل مع هذا الجانب للتخلص منه.

لممارسة الإمتنان عملياً:
إبدأ في عمل مذكرة للإمتنان. وسجل يومياً شيئاً تمتن له. وبصفة يومية، وتعود على مشاركة امتنانك مع اصدقائك وعبر عن امتنانك لأشياء والأشخاص بفرح وستدرك سر جمال هذا الشعور عندما تعتاد عليه، وقد يتعلم الآخرون منك الإمتنان ويمتلأ عالمنا بالشكر والإمتنان والأخذ والعطاء بين كل الناس.
المصدر : كتاب الإمتنان اسلوب حياة

لكي تعيش، يجب أن تكون قويًا والقوة هنا ليست قوة الجسد، بل قوة التحمل لكُل أمرٍ سيء وقوة التخلّي عمّن لا يستحق، وقوة الإكتفاء بالذات، وقوة الصبر على المصائب، وقوة الإيمان بالله فهي أعظم قوة يمتلكها الشخص، فكلما كان إيمانك بالله قويًا، كلما كانت حياتك سعيدة♥️

بابا لما كان بيتخانق معايا ويقف يزعق فيا بصوت عالي كنت باشيله وادخل بيه الاوضة واحطه عالسرير واقول لماما الراجل ده مايطلعش من الاوضة النهارده
والموضوع يقلب ضحك بشكل هيستيري وكله بيتصافى رغم الزعل والنقاش بتتغير طريقته تماماً

وماما لما كنت أقف أزعق وأجعّر في وشها وانا أطول منها كدة وشادد حيلي عليها كانت بتتريق عليا بشكل كوميدي وتعمل حركات مضحكة وبرضه الموضوع بيقلب ضحك بشكل هيستيري وكله برضه بيتصافى رغم الزعل والنقاش بتتغير طريقته تماماً
...
الحقيقة إنت المفروض بتتعامل مع أولادك مش بشكل "نديّة"
لإن "الندّيّة" معناها إن لازم يكون نتيجتها حد كسبان والتاني لأ

إنت المفروض بتتعامل مع أولادك بشكل "يستوعب" لحظة كسوفهم أو خوفهم لما بتزعق فيهم جامد أو تحرجهم أو تكشفهم قصاد نفسهم "زي ما بابا سابني أشيله واجري بيه كدة من كسوفي في المثل الأولاني"

أو لحظة تهوّرهم وطيشهم لما يبدأوا "يشوفوا نفْسهم ، أو يشمّوا نَفَسهم عليك "زي ما ماما إتريقت على شكلي وانا باجعر ف وشها كدة في المثل التاني "

لإن "الإستيعاب" معناه إن لازم يكون نتيجته إن الإتنين كسبانين
...
في الإستيعاب رسالة ضمنية بتوصل للطرف التاني
وفي الندّيّة برضه
بس الفرق شاسع مابين الرسالتين
واحدة بتقول :
أنا معاك
ومتفهّم ظروفك وتغيّراتك الطبيعية وهانعدّي المرحلة دي سوا
والتانية بتقول :
أنا مش معاك
ويانا يانتا لحد مانشوف مين فينا هايجيب التاني الأرض
...
ياريت ناخد بالنا من علاقتنا بأبنائنا ونفهم كويس إيه اللي احنا بنعمله فيهم وهايوصلّهم لفين وهايوصل بينا إحنا كمان لفين
وخدوا مني دي وركزوا فيها قوي :
"قفلِة" الدايرة الصح بتكون دايماً مبنية على أول خط إترسم فيها
...
وصلت ؟؟؟
❤️
#١٨٠درجة
#khedrology

اضغط على ابني ولا اسيبه براحته ؟
مذاكرة / رياضة / اكل / سلوك ايجابي
عشان اجاوبك عالسوءال ده
هقولك الضغط بيعمل ايه وانك تسيبيه بيعمل ايه .. وبالتربية الهادئة الايجابية تعملي ايه
*الضغط يولد الانفجار
يعني ممكن الشخص من كتر احساسه بالضغط ينفجر ويخرج عن السيطرة .. وممكن لو بضغط عليه من ناحية واحدة ينفجر في ناحية واحدة سواء في نفس الموضوع او في اي مواضيع تانية يعني ممكن يببقا عصبي و قليل الادب في ردوده وانا بفسحه عشان اول امبارح كنت ضاغطة عليه في مذاكرة او رياضة او غيرها ..
زي انبوبة الكريم .. لو ضغطت عليها هتنفجر وتطلع اللي جواها بعشوائية وبطريقة مش محسوبة ومن اي نقطة ضعف .. وفجأة هلاقي الموضوع خارج السيطرة out of control
*اي حاجة بيعملها الانسان تحت ضغط بيكرهها او عالاقل مبيحسش بقيمتها  ..
ده غير انها بتستهلك من نفسيته جزء زي بطارية الموبايل كدة .. وفيما بعد هتستهلك من صحته .. ودلوقتي ابحاث كتير اثبتت ان كل مرض عضوي بيرجع لسبب نفسي
*الضغط بيعدم الدافع الداخلي والمبادرة الذاتية
يعني الطفل مش هيتعلم انه يعمل حاجة من نفسه .. ولا يشيل مسؤولية .. بالعكس هيتبرمج انه يريح دماغه وميعملش حاجة طول ما هو مفيش حد بيضغط عليه وفوق دماغه ..
اما بقا انك تسيبيه خالص من غير توجيه ..
فده مع انه ارحم من الضغط على نفسيته ايوة السيبان ارحم نفسياً .. بس برضو هيضر من ناخية تانية بعقليته وشخصيته لانه مش هيحصل على اي توجيه فهتطلع العيوب اللي فيه وتظهر بدون سيطرة .. والمميزات اللي فيه هتختفي لانها مهملة محدش بيرعاها ولا حد بينميها ..
عشان كدة ولا ينفع اضغط على الني ولا ينفع اسيبه .. وظيفتي التربوية وظيفة توجيه من الدرجة الاولى .. لابد اوجهه بطريقة تربوية ايجابية لتصليح عيوبه وتشجيع مميزاته وتحفيز وتدريب قدراته / باحتواء / بحوار هاديء / بتوعية فكره / وانضاج عقله / بافكار تحفيزية / كلمات ايحابية ملينة تقدير وامل وتشجيع ..
و خللي بالك .. نفسية الاطفال مش مجال مجازفة ..
يعني مينفعش اضغط على ابني او استعمل معاه اي اسلوب غير تربوي عشان سمعت ان حد او ان في احتمال اني لو ضغطت عليهم في رياضة مثلا او اي مجال انهم لما يكبروا يشكروني .. يوءسفني اقولك ان ده الاحتمال الاقل والاندر ومش بيطلع غير من نوع شخصية معينة وهي قليلة اصلا .. ده غير انه فعلا ممكن يشكرك على ده .. لكن يكون اتكسرت فيه حاجات مش هتتصلح .. و اتضررت نفسيته من ناخية تانية اصبح عنده خلل ما .. لا انتي ولا هو مدركينه و ممكن متبانش عليه اي مشاكل غير لما يكبر اكتر و يحتك في الحياة ..
ربوا ولادكو من غير جروح نفسية تسيب ندوب جواهم للابد .. حطوا نفسيتهم في المقام الاول لان التشوهات النفسية مبتبنش بالعين لكن بتبان في كل حاجة تانية في حياتهم .. #اسراءهارون
تنويه :
البوست ده اتكتب بسبب ام من الامهات الجميلة الحريصة على تربية ولادها صح و اصرت تاخد برنامج التربية اونلاين لان وقتها مش سامح تحضر .. وبتتابع معايا فسألتني السوءال ده وكان لازم ارد عليها كتابة .. بحييها وبشكرها .. ادعولها بقا
للتواصل 01016447440 واتساب

تفاصيل دبلوم التربية الهادئة
https://www.facebook.com/events/196826304379386/?ti=icl

دي تسريبة كدة عالماشي
اجابة سؤال متكرر في التربية من جروب اسئلة تربوية
اللي يحب يشترك يبعت للرقم ده واتساب 01016447440

فاكر الأيام الصعبة اللي عيشتها وفجأة إكتشفت إنه بيرتبلك حاجات تعوّض بشكل أحلي في صمت 🌻
طب فاكر لما قعدت تعيّط بالليل ف الدِرا كدة وفجأة إكتشفت إن سبب دموعك دة هو نفسه سبب غسل قلبك من ضغوطه 🌻
طب فاكر لما قضيت وقت طويل أوي من يومك شارد ف إزاي يحصل كدة وليه وإشمعني أنا وفجأة إكتشفت إنه إختارك عشان يخليك نسخة أفضل منك بطريقته اللي تناسبك 🌻
طب فاكر لما حسيت إن كل حتة ف الكون متآمرة ضدك وبعد كدة إكتشفت إن كل حتة بتشتغل لمصلحتك ف الأساس 🌻

ف وإنتا ف أسوأ حالاتك إوعي تنسي أحلي حالة كنت فيها بكرمه مش بمجهودك وبس 🌻
وخليك متأكد إن لحظة حزن وحدة لو دفعتها قصاد كل منّة منُّه عليك هتلاقي إن الكفّة راجحالك 🌻
ف بالورقة والقلم حسبتك خسرانة ودينك تقيل فإدعي بس ربك يجملهالك بالستر 🌻

إنتا ف إيد أمينة بس مستعجل ...
وإنتا مش لوحدك بس بتخاف بزيادة ...
وإنتا متشاف بس مش شايف أعمق ...
متقلقش ... كل حاجة بتحصلّك لحكمة 🌻❤☺️
متقلقش ... ربنا بيصنعك علي عينه 🌻❤☺️
متقلقش 🌻❤☺️
منقول

..
بكره هيكبروا بسرعه..
ويطيروا زي العصافير.. كل واحد علي عشه
ويبقي كل همك تعملي لقمه حلوة.. عشان تجمعيهم
ولو بس ساعه حواليكي.
وبسرعه كله بيرجع لدنيته ويسيبوكي لوحدك
تفتكري هتطبخي ايه بعد ما يمشوا لتاني يوم
تقولي لمين الطبخه مفيش داعي
كلنا اتنين انا وابوهم
............. مفيش بنت هترجع من المدرسه وهي بتشمشم ريحه طبخك من ع السلم
وتقولك. ماما ميته من الجوع
وابنك وهو راجع من مدرسته وجري ع المطبخ يفتح ف الحلل ويدوق من كل حاجه ويقولك
الحقيني ياماما انا واقع م الجوع
................... يااااااااااااه
هو العمر ده عدي امتي
والايام طارت بسرعه كده ليه
كل يوم كنتي تحتاري تطبخي ايه عشان ترضيهم
وترضي اذواقهم
....... وكنتي تزهقي لما الولد يطلب منك اكله معينه
او البنت تطلب طبق حلو من ايدك وتتوسلك تعمليه
.... دلوقتي بتتمني حد منهم يطلب منك اي اكله من ايدك عشان تجمعيهم تاني حواليكي
يا الله..... اد ايه هتشتاقي للايام دي
عشان كده هقولك نصيحه لله
💕استمتعي اوي.. اوي بوجودهم حواليكي
استمتعي بكراكيبهم.. ولعبهم المنطورة ف كل مكان
ومبهدله البيت
...... استمتعي بهزارهم. ولعبهم. ودوشتهم
اللي بتضايقك دلوقتي وبتجيبلك صداع
استمتعي
.... صدقيني
قبل ما بيتك يبقي مترتب زياده عن اللزوم
...... وهادي زياده عن اللزوم
قومي احضني ولادك اوي علي اد ما تقدري
عيشي معاهم اللحظه بكل دوشتهم وصداعهم
اتهني بطفولتهم.. ولمتهم حواليكي
عشان بيكبروا اسرع مما تتخيلي
ريحتهم حلوة ولمتهم ف البيت احلي
النهارده كل الساعات ليكي وملكك
بكره.. يادوب ممكن تلحقي ساعه من وقتهم
عيشي حياتهم ووجودهم من قلبك
قوووومي اتنفسيهم
منقوول

الصبر الكداب
بيحصل لما بنقنع نفسنا اننا صابرين .. وفى الحقيقة بنكون كاتمين جوة نفسنا .. صابرين بالكلمات فقط .. بينما بالداخل في اعتراض ومشاعر سلبية بتاكل فى صحتنا
ولما بنمنع نفسنا نعبر عن اللى بداخلنا او نعيش لحظة الم تحت مسمى الصبر او القوة او انى لازم مضعفش
احنا كدة بنقتل نفسنا بالبطئ .. كتير من ناس بيمثلو القوة على نفسهم قبل الناس .. ويظل يقاوم انه يعبر عمابداخله .. ولا يعطي احاسيسه حقها .. فتكون النتيجة تعب جسدي وانهيار نفسى تام مع اول ذكرى او حتى كلمة هنتكعبل فيها وتكون بتمس ما بداخلنا
عبر .. ابكي وعيط لو حاسس انك حزين .. انت فى الاول والاخر انسان ربنا خلقك ضعيف مهما كنت قوي .. عبر عن كسرتك عن ألمك .. لا تكابر .. اعطي لكل شئ حقه حتى الحزن .. خرجه من جواك .. دا سم .. الرسول بكى لما فقد ابنه .. وحزن على خديجة .. نحن لسنا بجبارين وقلوبنا حجر .. ربنا اعلم بينا من انفسنا وعارف ضعفنا .. واجه نفسك بضعفك والجأ لله بقوته .. اعترف بحقيقة حزنك وفقداانك وانت عارف انه خير وانت بتقول لنفسك لا تدرى لعل الله يحدث بعد ذلك امرا .. اخرج كل المشاعر السلبية وعبر عنها وهتاخدلها ايام وتخفففف ومع لجوئك لله هيفضل معاك الصبر الجميل .. اللى معاه بتكون راضى على قضاء الله ومستسلم لكامل ارادته مع الامل فى الله انه هيجبر كسرك فى يوم اكيد .. ولا تنسى الحكمة او الدرس الذي هتتعلمه من محنتك
#عبير_رشدى