سێبەری عەشق



دەرکی مێهرت دابخەی بێ ناز و بێ ئەنوا دەبم
چۆڵ‌نشین و بێکەس و بابردەڵەی سەحرا دەبم

گەر عەتا فەرمووی بە من مێهرت هەناسەی مانەوەم
دەێته بەر باغی ئومێدم شاعیری شەیدا دەبم

شارەزای بۆ دڵ ستێنی دڵ شکێنیش پیشەتە
باش دەزانی دوور له تۆ من بۆ ئەبەد تەنیا دەبم

تۆ که ئاوێتەی هەناسە و ڕووح و بیر و هەستمی
تۆ پەرەستیم کردە پیشە,تا بمێنم وا دەبم

تۆم نەبێ حاشا له بوونم,مەرگه ئاواتی منە
تۆم هەبێ شوکرانە بێژی بێ خەمی دونیا دەبم

هەرچی ئازاری لە عالەم بێ لە من کۆ بێتەوه
هەر کە چاوی تۆ ببینم دەس بەجێ پێی چا دەبم

ئەی بەهانەی مانەوەی ژینم له هەردی بێکەسی
گەر بڕۆی شەیدا دەبم تەنیا دەبم ڕسوا دەبم

سێبەری عەشقت له سەر تینووی ئەوینت لاببەی
چەشنی هەیڤی زەردی بێ تین لەو کەلەی ئاوا دەبم



✍#ئەیوب_ئەحمەدی(تینوو)



🍂🍃🍂🍃🍂🍃🍂🍃
@auoobahmaditinoo

تینووی دیدار




وتم عەشقت لە دڵما تا ئەبەد هەر یادی هەرمانە
وتی باسی نەکەی شاعیر کە ئەو کردارە تاوانە

وتم لێرە له سایەی تۆ وچانێکی دەدەم فەرمووی
هەدادانی کەسی ئاشق گوناحی چەشنی کفرانه

وتم دەمرم ئەگەر ئاوا بە بێ مەیلی نەکەی چارم
وتی مردن لە بۆ چاری هەموو دەردێکی دەرمانە

وتم خۆشە ئەگەر مردم بە دەستی خۆت بکەی کفنم
وتی پێویست نیە کفنت کە شاعیر دوور له ئیمانە

وتم توسقاڵە مەیلێکت هەبێ گەر دێیه سەر گۆڕم
وتی مردوو چ موحتاجی بە لوتف و ڕۆحمی ئینسانە

وتم تینووم به دیدارت هەتا ڕۆژی حەشر دادێ
وتی ڕەببی قڕت دابێ کە چاری تۆ بە خنکانە


✍#ئەیوب_ئەحمەدی(تینوو)


🍂🍃🍂🍃🍂🍃🍂🍃
@auoobahmaditinoo

بۆ نایەوه؟



شارێ بە تاسەی دیتنی تۆ مایەوە, بۆ نایەوه؟
ناوت له زاری ئاشقان نەبڕایەوه, بۆ نایەوه؟

لەو ڕۆژەوەی بارگەو بنەت پێچایەوه بۆ هەندەران
دەستم لە هەرچی خۆشیە بەردایەوە, بۆ نایەوە؟

فەڕشی دڵم ڕاخستووه تا بێتە پێگەی مانەوەت
دڵ گیری داوی هیجرەتەو نەکرایەوە,بۆ نایەوە؟

سەد داخ و دیق و مەینەتی داون بەدڵ هیجرانی تۆ
دڵڕەق وەرە جارێ بە دەم هانایەوە ,بۆ نایەوە؟

دەستی نیازی ڕوو بە حەق گرتۆتەوە کوشتەی جەفات
زۆر شەو لە دەرکی خالەقت پاڕایەوه,بۆ نایەوە؟

گەردوونی دڕ بێتۆ هەچی خۆشی هەبوو لێیگرتمەوە
وەرزی ژیانێکی ڕەشی هەڵدایەوە,بۆ نایەوە؟

تا ڕۆژی مەرگم نازەنین بۆ هاتنی تۆ چاوەڕێم
تینووم به دیدارت گوڵم بۆ نایەوه ,بۆ نایەوە؟


✍#ئەیوب_ئەحمەدی(تینوو)




🍂🍃🍂🍃🍂🍃🍂🍃
@auoobahmaditinoo

#شەهید

هۆنراوە
#ئەیوب_ئەحمەدی(تینوو)

بە دەنگی
#هێمن_ئاوارە



🍂🍃🍂🍃🍂🍃🍂🍃
@auoobahmaditinoo

🍂

لە ڕۆژی مەرگ و کۆتایی حەیاتم
تەماتانە لە چی ببڕن خەڵاتم؟

لە کام خاکی دەنێژن جسمی ڕەنجوور؟
کە بێ خاک و بەبێ ئاڵا و وڵاتم


✍#ئەیوب_ئەحمەدی(تینوو)



🍂🍃🍂🍃🍂🍃🍂🍃
@auoobahmaditinoo

پووشپەڕە و زەردی لە باخم دەگەڕێ
دژ بە ڕۆڕۆی گەلی کورد هەڵدەپەڕێ

خۆرە تاویش خەمی کۆچی لەبەرە
تیشکی هیوا لە کەلی کورد دەپەڕێ


🌑🖊ئەیوب_ئەحمەدی(تینوو)




🍂🍂🍂🍂🍂🍂🍂
@auoobahmaditinoo

تینووی ڕزگاری




لالەزارێکم بە زام و خوێنەوە
شین دەبم دەڕوێم لە دەم بەستێنەوە

گۆڕ غەریبی شاری بێ ئەنوا منم
تەرمەکەم بۆ زێدی هیوا بێنەوە

ئەی خودای بانی سەرو ئاگا لە کار
ڕۆژی ئازادی دەمێ بمژێنەوە

زۆر سکاڵام پێیە بۆ ڕۆژی عەمەل
ڕەحمەتێ لوتفێ چەلێک بمخوێنەوە

تا ببینم دژ له بەر پێم کەوتووە
داوی زوڵمی نابەکار بپسێنەوە

من سروودی بەرزی یەکسانی دەڵێم
خۆشەویستانم به دڵ بیڵێنەوە

دوورەدەستانی پەڕیوەی هەندەران
دم بە قاقا چەشنی گوڵ بشنێنەوە

کوردم و تینووم بە ڕزگاری, خودا
گوێگری ناڵەم ببە و بمتوێنەوە


🖊#ئەیوب_ئەحمەدی(تینوو)






🍂🍃🍂🍃🍂🍃🍂🍃🍂
@auoobahmaditinoo

لە کێ پرسم هەواڵت, نادیاری
لە تاوت چوومە قافی بێقەراری

لەبەر دیدەی یەقینم هەر دەمێنی
لە کوێستانی خەیاڵم دا تەواری


✍#ئەیوب_ئەحمەدی(تینوو)




🍂🍃🍂🍃🍂🍃🍂🍃
@auoobahmaditinoo

تینووی دیدار

هۆنراوە و خوێندنەوه
#ئەیوب_ئەحمەدی(تینوو)



🍂🍃🍂🍃🍂🍃🍂🍃🍂
@auoobahmaditinoo

‏چارەنووس

هۆنراوه #ئەیوب_ئەحمەدی(تینوو)

بە دەنگی بەسۆزی #محەمەد_نادری


🍂🍃🍂🍃🍂🍃🍂🍃🍂
@auoobahmaditinoo


🍂🍃🍂🍃🍂🍃🍂
https://www.tg-me.com/joinchat-RO_O_ekAn1zL7Pcm

🍂



دەبێ ئاشق قەلەندەر بێ قەلەندەر
بناڵێنێ له زیندانی سکەندەر

بڵێسەی ئاگرین, پشکۆی ئەوین بێ
هەناسەی پڕ گڕ و ئاخی له ئەخگەر


🖊#ئەیوب_ئەحمەدی(تینوو)



🍂🍃🍂🍃🍂🍃🍂🍃
@auoobahmaditinoo

شێعری پاییز

هۆنراوە
#ئەیوب_ئەحمەدی(تینوو)

دیکلەمە
#خاتوو_دەریا_ئازەرپوور



🍂🍃🍂🍃🍂🍃🍂🍃
@auoobahmaditinoo

شێعری بە نرخی مامۆستا خاڵەمینی بەرزەنجی بۆ کۆکە (شیرازی موکریان) بە دەست خەتی پیرۆزی خۆی

دیاری له لایەن کاک عەلی حەقیقی




🍂🍃🍂🍃🍂🍃🍂🍃
@auoobahmaditinoo

‍ جێژنە هات و جێژنەڪەم بێ ڕووی عەزیزان ماتەمە
جێژنە هات و جێژنە ناڪەم چون دڵی ڪورد پڕ خەمە

بوومە لێڵەی دڵپڕی ئاسمانی ڪوردی گرتووە
من دەڪەم حاشا لە جێژن تا بەری ئاسۆ تەمە

هۆنراوە * ئەیوب ئەحمەدی( تینوو)

🍂🍂🍂🍂🍂🍂🍂
@AuoobAhmadiTinoo

هەواری پێکەنین

هۆنراوە و دیکلەمه
#ئەیوب_ئەحمەدی(تینوو)




🍃🍃🍃🍃🍃🍃🍃🍃
@auoobahmaditinoo

هۆنراوە
#ئەیوب_ئەحمەدی(تینوو)

دەنگی بە سۆزی
#مەحمەد_نادری



🍂🍃🍂🍃🍂🍃🍂🍃
@auoobahmaditinoo

پڕشەنگی هیوا



ئەی هەناسەی مانی من ئەی ڕەمزی پیرۆزی حەیات
ئەی گوڵی پڕشەنگی هیوا ئەی هەتاوی ڕۆژهەڵات

ئەی بە قوربان خاک و خۆڵی نیشتمانت بم گوڵم
ئەی کەلامت چەشنی گەوهەر ئەی دم و لێوت نەبات

پێ بە پێی دووری لە تاوت پیر دەبم بێ نازەکەم
ئەی کچی بێ نازی غوربەت ئەی پەڕیوەی بێ وڵات

شۆڕشی پێویسته تا دەسکەوتی باڵاتم هەبێ
مەملەکەت بێ چاوەکانت دەمگرێ ژانی خەبات

خائینم گەر زەڕڕەیەک عەشقت له دڵما کەم بکەم
خۆفرۆشم گەر نەدەم جەستەم وەبەر تیری بەڵات

یاڕەبی تیری نەیاری نابەکارت وێم کەوێ
عومری بێ نرخم ئەگەر نەکرێ لە ڕێی تۆدا خەڵات

تۆ بە چاوی مەرحەمەت تینووت ببینە گوڵ بەدەم
موستەحەققی لوتفی تۆیە هاته دەرکت بۆ زەکات


✍#ئەیوب_ئەحمەدی(تینوو)


🍂🍃🍂🍃🍂🍃🍂🍃
@auoobahmaditinoo

پڕشەنگی هیوا

هۆنراوە
#ئەیوب_ئەحمەدی(تینوو)

دیکلەمە
#خاتوو_دەریا_ئازەرپوور



🍂🍃🍂🍃🍂🍃🍂🍃
@auoobahmaditinoo

تەوژمی ژان




بە دەردی تۆ نەبێ ڕۆژێ بە ژانی کوردەوە دەمرم
نەسووتێم گەر لە گڕکانت بە ئاهی سەردەوه دەمرم

ئەگەر داوێنی من نەگرێ ئەجەل ئێستا تەمەن مابێ
بە تۆفی بێکەسی دەمرم بە ئێش و دەردەوه دەمرم

بە ڕووسووری دەژیم تا هەم سەرم قەت شۆڕی دژ ناکەم
لە داخی میللەتی خۆخۆر بە ڕەنگی زەردەوە دەمرم

تەوژمی ژانی ئەم خاکە منی پۆشی لە ماتەمدا
غوباری بێ وڵاتیم گرت بە تۆزو گەردەوه دەمرم

نەگونجێ تەرمی بێ گیانم لە گۆڕێدا گرێ ئۆقرە
بە بێ گۆڕ و کفن مابم بەدار و بەردەوە دەمرم

بەرەی نوێ گەر وڵامی ویست چمان کردۆ لە مێژوودا
لەڕووم هەڵنایە پێی بێژم لە ژێری پەردەوە دەمرم

تەنافی خۆ فرۆشانم لە مل سەردارەکەم دا دی
خەجاڵەت باری کۆمارم بە زامی هەردەوه دەمرم

کە کەرکووکم تەواوی موڵکی ئەعڕاب و عەجەم دێنێ
قومارە و ژینی گەل دۆڕا بە هۆی ئەم نەردەوە دەمردم

شەڕی کورسی و مەقام و بەرژەوەندی خۆم هەتا مابێ
ئەگەر هەر من منو من بێ بە کاری فەردەوه دەمرم

سکاڵا قەت له دژ ناکەم کە #تینوویە بە خوێنی من
لە بەر خۆیی دەناڵێنم به دەس نامەردەوە دەمرم


✍#ئەیوب_ئەحمەدی
#تینووکۆکەیی



🍂🍃🍂🍃🍂🍃🍂
@auoobahmaditinoo