ሳፋሪኮም ኢትዮጵያ በጎዴ ከተማ እና አከባቢው የአራተኛ ትውልድ ኔትዎርክ አስጀመረ።

ሳፋሪኮም ኢትዮጵያ በሶማሌ ክልል ጎዴ ከተማ እና አከባቢው የአራተኛ ትውልድ ኔትዎርክ የማስፋፊያ ስራ አጠናቆ ለአገልግሎት ክፍት ማድረጉን አስታውቋል።

የሳፋሪኮም ኢትዮጵያ ሥራ አስኪያጅ ዊም ቫንሄልፖት ቀደም ሲል በጅግጅጋና አከባቢው የሳፋሪኮም ኢትዮጵያ አገልግሎት መጀመሩን ተናግረው አሁን ላይ የማስፋፊያ ሥራው ተጠናቆ በጎዴ ከተማ እና አከባቢው የ4ጂ አገልግሎት መጀመሩን አስታውቀዋል።

አገልጎሎቱን ያስጀመሩት ሥራ አስኪያጁ "ለዚህች ቀን በመብቃታችን በጣም ደስተኞች ነን" ብለዋል።

ከስልክ አገልግሎቱ በተጨማሪ ገንዘብ መላላክን ጨምሮ የተለያዩ ግብይቶችን በኤምፔሳ መፈጸም መቻሉ ለአከባቢው ተጨማሪ ዕድል ይፈጥራል ነው ያሉት።

ሳፋሪኮም ኢትዮጵያ በማስጀመሪያ መርሃግብሩ ላይ በ5 ነጥብ5 ሚሊዮን ብር የ100 ላፕቶፕ እና 20 የዋይፋይ ራውተር ከ6 ወር ያልተገደበ አገልግሎት ጋር ለአከባቢው ትምህርት ቤቶች በስጦታ መልክ አበርክቷል።

YouTube | Facebook | Instagram | TikTok | X

ቢጂአይ ኢትዮጵያ በሐዋሳ ከተማ የሰራውን የትምህርት ቤት ማስፋፊያ ፕሮጀክት አስመረቀ።

ቢጂአይ ኢትዮጵያ በሐዋሳ ከተማ ጨፌ ቆንቦዬ የመጀመሪያ ደረጃ ትምህርት ቤት ውስጥ ያካሄደውን የትምህርት ቤት ማስፋፊያ ፕሮጀክት በዛሬው እለት አስመርቆ ለአገልግሎት ክፍት አድርጓል።

ከ10 ሚሊዮን ብር በላይ ወጪ የተደረገበት የማስፋፊያ ፕሮጀክቱ ሰባት አዳዲስ የትምህርት ክፍሎችና ዘመናዊ የመጸዳጃ ቤቶችን በመገንባት የትምህርት ቤቱን የተማሪዎች የመቀበል አቅም ማሳደግ መቻሉም ተነግሯል።

የትምህርት ቤት ግንባታ ፕሮጀክቱ በሐዋሳ ፣ በኮምቦልቻ ፣በዘቢዳርና ባቱ ከተሞች ለሚገኙ አራት ትምህርት ቤቶችን ያካተተ ነው።

በስድስት ወራት የተጠናቀቀው የጨፌ ቆንቦዬ የመጀመሪያ ትምህርት ቤት የማስፋፊያ ፕሮጀክት ቢጂአይ ኢትዮጵያ በዚህ ዓመት ከ70 ሚሊዮን ብር በላይ ወጪ ላደረገባቸው የማሆበራዊ ኃላፊነት ድጋፎች ውስጥ አንደኛው ነው ተብሏል።

የቢጂአይ ኢትዮጵያ ዋና ስራ አስፈጻሚ ኸርቬ ሚልሃድ በሐዋሳ ከተማ ያስመረቅነው ትምህርት ቤት የመጪውን ትውልድ ለመቅረጽ የትምህርት ቤቶችን አቅም ለማሳደግና ለማህበረሰቡ ዘለቄታዊ ስራዎችን ለመስራት ያለንን ዓላማ ያሳካንበት ነው ብለዋል።

የሐዋሳ ከተማ ከንቲባ መኩሪያ መርሻዬ በበኩላቸው ቢጂአይ ዛሬ ያስመረቀው ፕሮጀክት በትምህርት መስክ ለሚሰራው ስራ ሁነኛ ማሳያ መሆኑን ተናግረው በቀጣይ በጋራ በሰፊው ለመስራት ከተማ አስተዳደሩ ቁርጠኛ መሆኑን አንስተዋል።

YouTube | Facebook | Instagram | TikTok | X

የስማርት ሲቲ ፕሮጀክት አካል የሆነውን የተሽከርካሪ ማቆሚያ የስማርት ፓርኪንግ ሲስተም በሸገር ከተማ በይፋ አስጀመረ።

የስማርት ፓርኪንግ ሲስተሙ በአቅራቢያ የሚገኙ የፓርኪንግ ቦታዎችን ከማወቅ ባሻገር ያልተያዘ የማቆሚያ ቦታን በቀላሉ በመለየት ተሽከርካሪ ለማቆም የሚያጠፉትን ጊዜ እና ጉልበት ለመቀነስ፣ ደህንነቱ የተጠበቀ አስተማማኝ አገልግሎት ለማግኘት፣ ትክክለኛ ተመን ያለው የአገልግሎት ክፍያ በቴሌብር በመፈጸም ከተጋነነ የአገልግሎት ክፍያ እና ከዚሁ ጋር ተያይዘው ከሚመጡ አለመግባባቶች፣ ካልተገባ ወጪ እና እንግልት ይጠብቃቸዋል የተባለ ሲሆን በቴሌብር የክፍያ ደረሰኝ ለማግኘት ያስችላቸዋልም ነው የተባለው።

የስማርት ፓርኪንግ ሲስተሙ የከተማው አሥተዳደር ሕጋዊ የፓርኪንግ አገልግሎት ሰጪዎችን በአግባቡ ለመለየት እና ወደሕጋዊ ማዕቀፍ ያልገቡትን ለማስገባት፣ ከመኪና ማቆሚያ አገልግሎት አሰጣጥ ጋር ተያይዘው የሚከሰቱ ህገወጥነቶችን ለመቀነስ እና ለመቆጣጠር፣ የአገልግሎት ሰጪዎችን መረጃ በቀላሉ በኦንላይን በማግኘት ቀልጣፋ አሠራርን እንደሚዘረጋም ተነግሯል።

የስማርት ፓርኪንግ ሲስተሙ ለስማርት ስልክ ተጠቃሚዎች በቴሌብር ሱፐርአፕ ሾፌር መተግበሪያ እንዲሁም ለመደበኛ የሞባይል ስልክ ተጠቃሚዎች በአጭር የጽሑፍ መልዕክት አገልግሎት የሚሰጥ ሲሆን ባለሙያዎቹ የፓርኪንግ አገልግሎት ጥያቄን/ትዕዛዝ ለመቀበል የሚያስችላቸው የባለሙያ ሲስተም አለው፡፡

ይኸው አገልግሎት ስማርት የሞባይል ቀፎ ወይም መተግበሪያ የሌላቸው ተገልጋዮች በአጭር ቁጥር መልዕክት አማካይነት አገልግሎት እንዲያገኙ ያስችላል።

YouTube | Facebook | Instagram | TikTok | X