موال.


ياعلي روحــي الفرح خطاهه خط لافتى
وسمك صبحلــي رمز صوبه النظر لافتى
لافتى غيرك علــــــي أوغيرك علي لافتى

والبايعك ياعلي يحصــــــــد فرح منجله
وألي نكر بيعتك منهــو الــــــــذي منجله
وأسمك أبگلبي أنقش وبكل جلي منجله

ياعلم روحي اليرف ظل عالي مــا. لافتى


•••

أبوذية.

الولايه ورد وبروحي شملهه
ورادو بــس أعوفنهه شملهه
يردنه أشمـا يفرقونه شملهه
بعزم طه أوعلي خير البريه
....
خادم أهل البيت،،ع،،
أبوحسين السرگودي...

موال.
...
لولاه مرحــــــب بقى وأعليه محد يسر
اوازنه أبسيفه علــــي سواه يمنه ويسر
خيبر ألــه شاهــــــده والباب خلاه يسر

والعامري مـــــــن هتف گام النبي خامله
أوطه النبي مــن ندب يدري الزلم خامله
گاماله حــامي الحمه موش أبغدر خامله

گص راسه والله أبفخر گدام جيشه يسر

•○•○•○•○


الدين أبچفــــه نار الحقد بخ بخ
ونذر عطره الورد فرحـان بخ بخ
اليگول أشمايگول أيگول بخ بخ
المهم دنگو يم حامي الحميه.

✍️أبوحسين السرگودي...

خدمةً لسيدي ومولاي الامام الحسين عليه السلام
الاخوه الرواديد جميعآ لمن يجد صعوبه بالحن يتفضل بإرسال المستهل مع نص او القصيده كامله
على المعرف التالي



@moatmed2

الأذان آبلا علي أيفشل المنارات.
✍️أبوحسين السرگودي...

اللهم ثبتنا على ولاية امير النحل

ياحسين

#نعي_الهلال
#السيدة_زينب_ع_

...
شريت دمعي أعـــــلـه المخده
وأحسبهن أنه وحـــــده وحده
يهلال مـــــــــــــامش گلي رده
شو عاودت وأهلـــــي بعيدين°°°
...
تدري أعله طاري أعزانه أعزاز
يوميه أشوفــــك تمشي جناز
يهلال دمعي خــــــــلف أحزاز
بخدودي گلي أتلمـــــــه ياعين°°°
...
يهلال گلـــي بالنحبهــــــــــــم
مترب وضل موحــــش نزلهم
وبچي وعليٍ تبچي صـــورهم
وأنشد وأتعــــب النشد بالـوين°°°
...
وأرجــــف وصـيرن چني خيمه
وتحـــــــــــرگني يانار الهضيمه
آمن اذكر وروحي أتگول هيمه
واعثر واصيحن خويه يحسين°°°
...
ويهلال أنشـــــــدك عن عباتي
الماطاحــــــت وداعت خواتي
بيهه الجمر چــــــــوه أمنياتي
والأثر ضــــــل باقي بالأيدين°°°
...
يهلال سلمنه أعلــــــــــه أهلنه
وگلهـــــــــــــم بالفراگ الكتلنه
ونصبت چـــــــوادرهه المحنه
وهمه يعرفـــــــــون الميامين°°°
...
خادم اهل البيت،،ع،،
أبوحسين السرگودي...

#نعي_العليله
•••
ماضلت عيون راحو هلي وضليت ماضلت عيون
يالماتنشدون ضلت غريبه الدار يالماتنشدون
هاماتردون أتگمگش  الحيطان هاماتردون
•••
غرب ضعنكم طوح وراح ابعيد غرب ضعنكم
ضلت صوركم  تفتر دمع بالعين ضلت صوركم
مشتاگه الكم بااروح إحس اغروب مشتاگه الكم
•••
خادم أهل البيت،،ع،،
أبوحسين السرگودي...

نعي ام البنين،،ع،،
•••
حـنينه واليدگ بابچ يرد مـهتم
بالمـلگه علي وحچايتچ بلســم
ياتسهيل أمر لكبر جــــرح يلتم
يتسيورة مطر يم گاع تتفطر
•••
عدنه أم اوأخت متوزرات اوزار
شادهــن وكتهن والفكر مـــحتار
گصدن سفرتچ والگلب مثل النار
دبخي أگلوبهن يالسفرتچ كوثر
•••
تشـــــد أكـوارهه وعلراس شايلته
ونواعيهــــه جــرح متحزم أبونته
تدعيچ الوليهه أيگوم مـــــن علته
وردنهه آمن الدمع كل سـاع يتبلل
***
وين الفاجــــــــده التنجاب بالطاري
وين ألبس دمـــــع لو گالت أصراري
وين الترس مــــــاي عيونهه الذاري
على سفرتچ تفتر فرت المغزل
***
هوسات
👇👇👇
چـــــم والــد أبوالد منهضــم گلبه
وعلاجه بالأخـص يم سفرتچ تربه
اجاچ ودمــع عينه أتسولف بطلبه
وأوليده أيريد أتشافينه
***
اجاچ وكله حـــــيره وحيرته تنطش
والمضيع طبيبه أدموعه بس تنحش
ذب أعگاله يمچ والالــــــــم خرخش
بضلوعهه ودمعاته بعبنه
***
✍️خادم اهل الببت،،ع،،
أبوحسين السرگودي...

نعي السيدة ليلى وهيه تكلم ولدها الامام علي الأكبر،،ع،،
***
تدري أبطلعتك حزني بده أمعاي
وأحس الهوه  اليوصلي  بدمعاي
أشوفن  صورتك  يبني   بدمعاي
أمخضب والسمه نصبت عزيه
***
أمنهدهه ولن جرحي أعليك بي طاف
الحزن  وأنه  بدليلي أشكثر بي طف
مصابك وأنت چنت ازغير بي طاف
من شفته ودمعتي أتگود بيه
***
✍️خادم أهل البيت،،ع،،
أبوحسين السرگودي...🕊️🕊️🕊️

الهلال
👇👇

#أهلال
...
ياأول جـرح حضن السمه أيشيله
ويتبده دمعنه ليله يـــــــــــم ليله
ومن يضهر أهلالك منحني ضهره
يذكرني برجوعك مـــؤلمه الذكره
        آمن أخونه--آمن أخونه
...
نشـــــوف أهلالك ونقره التعب كله
يالخليت جـــــرحك دمعــــــه تندله
الهسه أعله الخويه أمخوصره الدله
بچف واحــد أواحــد مـوقف أتخله
يرف مـثل الفجر
أهلالك مـــنتصر
يهل مــــن تنذكر
والتاريخ مــــحد گطــــــع ترتيلـــــه
ويتبده دمــــعنه ليلــــــه يم ليلـــــه
حرت والحيره أحسها وصلت الفكره
يذكرني برجوعك مــــــــؤلمه الذكره
        آمن أخونه--آمن أخونه
...
آمن أشوف أهلالك أيذكرني بالكافل
چن حسين جـــــــاي أبغير أبوفاضل
ودور والسمه مــــــــنها الدمـــع نازل
المصيبه التوجعك گدامـــــــك الكاتل
الغـــــــدر لمن دره
الدمــــع لازم سره
أعله سبع الگنطره
ورد حـــــسين مــــنه منهدم حيله
ويتبده دمــــــــــــعنه ليله يم ليله
كسر الاخوه مـكلف يكسر أبكسره
يذكرني برجوعك مــــؤلمه الذكره
       آمن أخونه---آمن أخونه
...
هـــــــا يهلالنه شرايد بعـــــد شكثر
الحياة أبلا أخوه حتى النفس أسمر
آمــــن دورك بالسمه وتخيل المنظر
صوت أظلوع أسمع جـــــاي تتكسر
وتفـز بيه الشكو
مــثل فزت الأبو
رحــل عنه الأخو
وحــــــتى النفس رايد من يتچيله
ويتبده دمـــــــــــــعنه ليله يم ليله
وتخيم فوگ جرحي العبره والعبره
ويذكرني برجــوعك مــؤلمه الذكره
       آمن أخونه---آمن أخونه
...
وحگ حنيت حسين وضهرك المحني
بيارغ دمـــــــــعتي أبكل رفه تلچمني
أشدن حـــــــــــيلي وتوزر ترى وأبني
مــــــاجبته انه بالطاري الأخو الهمني
بچيت آشگد أله
بكبر طـف كربله
ويخضر مـــقتله
وين ألگـــه أبوفاضل خاطر أحچيله
ويتبده دمــــــــــــــــعنه ليله يم ليله
وبقت من الخيم وسط الگلب جمره
ويذكرني برجوعك مـــــؤلمه الذكره
        آمن أخونه---آمن أخونه
...
يهلال الألــــــم والألــــــم ما ينكض
شفت حسين صــدره بخيلهم يرض
ونزف دمه وشفت دم الجرح أبيض
وصرت أنت رسالـه والسمـه معرض
اليعرفــك مــاندم
وگف وگفت خيم
عگد دمعــه أبعلم
ويوصي أبدمــعته بكل شهر تدعيله
ويتبده دمـــــــــــــــعنه ليله يم ليله
المجالس كل وكت بحسين مفتخره
ويذكرني برجوعك مـــــؤلمه الذكره
       آمن أخونه---آمن أخونه
...
خادم أهل البيت،،ع،،
أبوحسين السرگودي...

#وحي_البچي

•••
لهلالك أبكل وكت دمعي خط قل هوه
ياحـرز دمعتي البيهه أسمك ضـــــــوه
...
أهلالـــك أيهل أبضواك وينفتح باب الصـور
يانحـر ضــــل محتواك وعشت ترتيلـة نحـر
حـــــسين جنني بهواك بدرب عـابس عالأثر
بكل سنه جرحي نخاك ينفجعلك كــل شهــر

بجرحك المنلچم فدوه خلني الچم
حتى أعيش الألم لوجــــرح بالهدم
•••
ياهــلال البيه خـيام أمــــحزمه بلــون اليهل
والــدوه شايل كـلام والدمــــــع حگ ينسئل
من تهل مثل الحمام بجنحك الطـــف تنحمل
وتلتفت حتى السهام وصحنه ها يابو الفضل

آشگد سمعنه حچي ومايهمنه الحچي
أهلالك بكل سنه هوه وحـــــي البچي
•••
ومـــــــن نسبلك دموع تلگه بينه آشگد وجـــع
بمجلسك فدوه الضلوع ألكل جدم بالطف فزع
ونركض شلون الخشوع ألماي گصتنه أنجمـــع
والبچالــــــك بالأسبوع مــره بس غيره أنرضع

يازمــــــــان الوفــه بــس عزائك وفه
بثوبي الأســـود حـزن مرتوي بمعرفه
•••
وثوبي الأســــود كله دين وأكـو بالــدين أنشره
ونشمخ بكلمـــــة حــسين ومـــــــاندنگ عالثره
ونحـــــرك أنسبلـــــه عين چــــي رسالة مفخره
بمجـــــلسك لطمك حنين يرسـم ألنه أشماجره

من نعيشك صدگ نفتهم بالعشگ
ياسوالف برد مــــن تخضر صدگ
•••
ومن تسولف بينه راي أنشاهـــــد عيون السمه
أتناوش الينخاك مــاي أچفوف أمــــــك فاطمه
ياضـــوه اليندلــنه راي المجلس انحس مكرمه
وكل جـــرح أذن دواي الماي أليطيب ألضمــــه

من يمرنه العطش نلتفتلك عطش
والوجـع والألـم تدري بينه أنفرش
•••
خادم أهل البيت،،ع،،
أبوحسين السرگودي...

العليله،،ع،،
👇👇

♠️قصيدة العليلة♣️عطر طيفك♠️
-------------------------------------------------------
مـــشتاگه بويه الشوفتك مشتاگه
يردنه الزمـــان وهــــم بعد نتلاگه
لوهيهات..لوهيهات°°°يردالفات..يردالفات
مــــشتاگه°°°°°°°°°°°°°°مــــشتاگه
-------------------------------------------------------
عشت والطيف هــوه أيصبر أبعلتي
وعمر بـس أبـــألم غـــرگانه سالفتي
أضمهه أبروحي خـاف أتفززك ونتي
وتــجيني أمــفرع وتشبكني يبنيتي

شنهي اليوجعچ گولي•°•فدوه يروحلچ طولي
ويلمني لمــت نهــــــر حاضن راگه
يــردنه الزمـــان وهـم بعــد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°°°°مـــــشتاگه
-------------------------------------------------------
وشــمنه وتــردلـي العــافيه أبــشمته
ويســـولفلي وأنــام بحـضن سـالفته
غفــله ولـــن أبوي أبســــــاع فارگته
مشـــه وضـليت أونن والدمع سكته

وراحووالضعن يحدي•°•وبقيت أمعلعله ألوحدي
يـــانـاس والوالـــد ثچـــــيل أفراگه
يــردنه الزمـــان وهــم بعـــد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
-------------------------------------------------------
بــــس الطيف لمنه وگمنه بيه نلتــم
أبملامح وجهه متبدي التعب والهـم
أنشــــــدنه ويگلي عـــــــودچ أمعلم
وأحس أبعيني يركض مودمع زمزم

يروح وعيني تتأمل•°•جيت الغالي مويرحل
ونامــــت أعيوني الشوفته سبـاگه
يــردنه الزمـــان وهــــم بعد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
-------------------------------------------------------
ونــامن وأنه روحي من وجعهه أتلوب
الخـاطـر طيفه أغفــه والـدمع مكتوب
تــجي لوماتجي يالأنته أعز مـــحبوب
أنـام الشوفتك والحسره تچوي الثوب

وليلي الوجع يكبر•°•وأنه أبدمعتي أتعثر
ســــمعت حـنيني وگــابلتني الناگه
يـــردنه الزمـــان وهــم بعـد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
-------------------------------------------------------
وأجاني المـغرب وجايب أبجيته أخبار
رســالة وبيهه دخـــــــان الخيم محتار
تــرس داري بوحشته وتفتهم كـــل دار
أذا مـــــــابيهه غـالي تشتعل بــــــــالنار

عرفته منذبح چنه•°•وليل الوحشه يدنه
ومجـــــلس عزائك رايته خفاگه
يـردنه الزمــان وهــم بعد نتلاگه
لوهيهات..لوهيهات°°°يردالفات..يردالفات
مـــــشتاگه°°°°°°°°°°°°مـــــشتاگه
-------------------------------------------------------
خادم آهل البيت،،ع،،
أبوحــــسين السرگودي...🕊️🕊️🕊️
🤲

#العليله_ع_
#ترتيل_الوجع
•••
ضعن النحبهم سدر°•°ودمعي نصبله منبر
والفرگه بيه أمحزمة أبسهر
•••
طـــوح ضعنهم والدمــــــع يومـــــيلي
أبقصة أفــراگ الأهـــل ضـل يحچيلي
أيسمعون صوتي وأنه أحاچي أبحيلي
أشتـــــاگيت ألهــــــــم منهو اليتچيلي

والمرض بيه شسوه……أوگف وردن أهوه
مثل الهلال أمحدب الضهر
والفرگه بيه أمحزمه أبسهر
•••
يـــاحــــالــه أكلف مــــن حزن دلالي
أتــوزر وأنــه أبــــرجفتي الحــــــالي
ويرسم ضعنهم گـــــــام أليه أخيالي
والموت ألهـــم مـــــو ألـــي أتراوالي

ودموعي طاحن سكته……وبخيالي مقتل شفته
ويانحر شفته أمترب النحر
والفرگه بيه أمحزمه أبسهر
•••
يــاهــو اليوصلني أومـسحه أبدمعي
چيه أيدي ترجف لا..يحس أبوضعي
لا..خـاف ألچمة وگمت أبچي وأدعي
ياجرح يوصفلي الجرح خــــل ينعي

وتبده ونهد نوحي……چنهن سبايه جروحي

ويحبن أجروحي والدمة الأثر
والفـرگه بيه أمــــحزمة أبسهر
•••
يـاصـدر أبوي أشچــم كسر يبراله
مسحـــــوگ والقـرءان بـي يقراله
كل سـورة ردت أجمعهه والخياله
تغلبني تسحگهه وأعـــيش الحاله

وخيالي چنه أوياهم……أنحور ألي جاباهم
وگتله أوخيمهم وحده أعتذر
والفرگه بيه أمـــحزمه أبسهر
•••
وهنـــانه حــسيت الخــــــيم تتگبع
أبـــنار والحسرة الخيمهم مــصرع
وشفـت أنه أختي شلـون لمن توگع
أذكرهه الكـــــــم والله گلبي أتگطع

أختي رقيه أزغيرة……أشتعرف آمن الحيرة
وحسيت بيهه والجـــرح كبر
والفـــرگه بيه أمحزمه أبسهر
•••
وضـــــليت بيــن العله وألي شفته
وأرضه العمـــــــر لوتنقري فاتحته
ألمن أضلن والجـــــــرح كـل وكته
يلچـــمني وأنه أمفارجه الفارجته

عريان ضل بالحومه……ومسلبات أهدومه
وريت أعلبابي يوگــف القدر
والفرگه بيه أمـــحزمه أبسهر
•••
خادم أهل البيت،،ع،،
أبوحسين السرگودي...🕊️🕊️🕊️
🤲

الخدمه
👇👇

#خدمة_عشگ
•••
گلبي أعله بابك سيدي منهضم
أتمنه أموت بمجلس ألبي لطــم
يالعلمتني العشگ•••خليني بيك أحترگ
سيدي____سيدي
...
أدورنــــك..أدورنــك ترى دوارة الــيـل ابلــيــل
وأشوفنك..وأشوفنك جرح يلچم أعتاب الحيل

وانه بمجلسـك مـــــاأبرد أمــــحزم
ثگيله الفاتحــه عل المايعرف ألهـم
يماي الوجــهّ أنت الخجلت زمـــزم
تارسني فخر مــــــن أوگع انه ألتم

فاضحني حزنك والدمــــــــع ينلظم
اتمنه أموت أبمجـــــــــلس البي لطم
ياباب دمع الصدگ•••خليني بيك أحترگ
...
يعـــــــافيتي..يعافيتي الدمـع چـــن سبحه سويته
وطن صيتي..وطن صيتي خـــــيالي اعليك بچيته

يالمخليني واگـــف كل عزاء أبشوگ
أرضـــه أنه أعيشن عيشة المحروگ
أموتن مـن يمر مولاي طاري السوگ
فداكم كـون انه البل الحبل مشبوگ

وألكم أحــــس الزعل ماينكضم
أتمنى أموت أبمجلس ألبي لطـم
وعالوجهّ ألطم وأدگ•••خليني بيك أحترگ
سيدي_سيدي
...
يكشختنه..يكشختنه آمن أطين روحي بالمجلس
يفــزعتنه..يفـــزعتنه اليعوفك سيدي آبلاحــــس

أردد والجــــــــــــروح أبروحي تتباره
وخـــل أشبع لطـــــم وعيوني تتجاره
حــــــــتى الشيب بيه أمـولحه أكتاره
العشگ من تشگ ثوبك تفضح أسراره

مجنون أدور عن عزائك وأخم
أتمنه أموت أبمجلس البي لطم
وأدموعي مـاتنسبگ•••خليني بيك أحترگ
سيدي___سيدي
•••
يطاريها..يطاريها الكرامــــه أبأسمك أتچلب
يراعيها..يراعيها الجــروح أبروحي وتحدب

يغيمة والدمــــــع بي تفرح أخدودي
أذا مــــوالك ألطـــــــــم شلي بزنودي
يرايه وفزعت الله وخطت أحــدودي
وجودي حيل روحي أبمجلسه جودي

وصدر أمنياتي أبچفي أدگه واصم
أتمنى أمــــــوت بمجلس البي لطم
ياليلي مانفترگ•••خليني بيك أحترگ
سيدي___سيدي
...
يبوالفزعـه...يبوالفزعه العمر مــن ينكتب كلمه
حلو طبعه...حلو طبعه اليموت بمجلسك حلمه

هـــــاي الطلبه يمـك وأنت متقصر
أمـــوت أبمجلسك وأعترف ومقرر
بقنوة العشـــگ انه أدعيلك وأشكر
اريدك عاالسـراط اتصيح خل يعبر

وبروحي أضمن بيرغك حگي أضم
وأتمنئ أمـــوت أبمجلس البي لطم
وبمنبرك أنشبگ•••خليني بيك أحترگ
سيدي__سيدي
...
خادم إهل البيت،،ع،،
أبوحسين السرگودي...

#وقفيت_دمعتي

...
حياتي أبلاخدمتك طعـم مابيهه
ودمعتي للمــجالس نذر منطيهه
خليني أعيش أيامـك
وأحترگ مثل أخيامك
حــــــــــسين--*--حـــــــــــسين
...
يالمدليني بيه شلون أصير أنسان
لـــــــومــاأنت أنه بخيمة النسيان
يامــــحراب ونتي وقيمة القراءن

يالخيرك أبروحي أهـواي
يامـــــاي يم روي الـمـاي
يالخــدمــــتك باب الراي

وذا عطشت الـــروح النعي أيرويهه
ودمـــعتي للمــجالس نذر مــنطيهه
وعطش شلـون أيتامك
وأحــترگ مثل أخيامك
حــــــــــسين--*--حـــــــــــسين
...
وأنه أزغير وأهلـــــي بعوزهم عدلين
أشترولي ثوب حـزنك سيدي بالدين
من ذاك الوكت وقفيه ألك هل العين

وبمتني زنجيلي أيطـــــوف
وبصـدري أثر باقي أچفوف
ياواهـس ألمابي خـــــــــوف

ولا..لذلـه كلمــة شــرف وحچيهه
ودمعتي للمجــالس نذر مـنطيهه
وگلبي يشيل أسهامك
وأحترگ مثل أخيامك
حــــــــــسين--*--حـــــــــــــسين
...
آمنطبن مجلس أبروحي الوفه يندل
تسهيل أمــر دمعــــه أبچيلك أوعدل
يحـــسين اليخدمــــك عايش أمـدلل

مــن يلطم بحــرگة حـــيل
أيحس ترى بسحگ الخيل
ويدرك شني أحساس اليل

ويفسر لليلة الوحــــشه ومعانيهه
ودمــعتي للمجالس نذر مـنطيهه
ويندل طريق أجدامك
وأحترگ مــــثل أخيامك
حـــــــــسين--*--حـــــــــــسين
...
العـــين أشماعلت ماتعلى عالحاجب
أحسن خدمتك چــن واجب أواجب
البچالك صدگ يعـرف رفت الشارب

أهنانه أتبين الغـــــــيره
الحـــزنلك شيمته أديره
وفايض دمعه وي خيره

منو غيرك يحگله الدمعه أبديهه
ودمعتي للمــجالس نذر منطيهه
يالعيشتني ألامــــــك
وأحترگ مثل أخيامك
حــــــسين--*--حـــــــسين

...
أمشي أعليك دمعة فاطمه وفاطم
بحسينيتك أريدن أخــدم الخــادم
العمر گوطــر وترحـــل وادم أوادم

أمــــوتن وانه باچيلك
أومـاتنساني مـاشيلك
ويضويلي الگبر حيلك

وأموتن هيچي هاي الموته أتانيهه
ودمعتي للمجــــــالس نذر منطيهه
بگبري وأقيــم أيامك
وأحترگ مثل أخيامك
حـــــــسين--*--حـــــــــسين
...
خادم أهل البيت،،ع،،
أبوحسين السرگودي...