أحنه مطلبنه رسالــــــة للحكومات
لازم أنسويلهـــــــــــم قبه ومنارات
والأذان ألـبي علي
بغرقد الحق يعتلي
وغادي مانزرع شجر نزرع روايات
•••
✍️أبوحسين السرگودي...
#بناء_البقيع_مطلبنا
بصوت الطيب الخطيب سيد حمزه الحسيني

أحنه مطلبنه رسالــــــة للحكومات
لازم أنسويلهـــــــــــم قبه ومنارات
والأذان ألـبي علي
بغرقد الحق يعتلي
وغادي مانزرع شجر نزرع روايات
•••
✍️أبوحسين السرگودي...
#بناء_البقيع_مطلبنا
بصوت الرادود الطيب ملا أبورضا الموسوي

/قصيدة الأمام الصادق.ع.دمعه دمعه\

•••
دمعه دمعه..اليوم يستاهل جرحنه أنصبله دمعه°•°
شمعه شمعه..وينه اليطش بالبقيع أدموعه شمعه°•°
ونشعل أنفاس الجرح
بيهه مـــدفون الصبح
دمعه دمعه........دمعه دمعه
•••
الحـسره تشتاگ الضوه الدمعه الحزينه
وللبقيع أدمــــــــوعنه أتحــــزم حچينه
الحبكم أوعاشگ جرحكم تحچي عينه
بعيد بس نشتــــــم هــواكـم بيه روينه

أرواحنه صارن حمامات
أويانه ماتوگف مسافات
وماتعب خلگ الجنح
بيهه مــدفون الصبح
دمعه دمعه........دمعه دمعه
•••
ويه كل جــــــــرح اليهل نتحزم أحزام
ونرجــــــع أنلــــم أبحزنه أبچف الأيام
وما نخلي أتموت ذكره أبروح الأسﻻم
ونكبر أبواهــــس لطمنه أبعين الأيمام

الصادق اتعرفه الديانات
أويانه ماتوگف مسافات
نشر دين الله السمح
بيهه مدفون الصـبح
دمعه دمعه........دمعه دمعه
•••
مـــــن يأذن چان صوته يصـعد أطيور
أبصوته تتوظه الأمـــﻻك أبنور من نور
الصـادق أعيون الشريعه البيهه دستور
جعفري سموني بأسمه ودمــــي منذور

وأفتت أبدمــي المنارات
أويانه ماتوگف مسافات
مثل جـــده المنذبح
بيهه مدفون الصبح
دمعه دمعه.....دمعه دمعه
•••
يا أمامي أبصدري حسره أتهزل الأسنين
وحچي والتجويد يفــــــزع شايل أونين
وتطلع أدمـــوع السؤال أبكل حرف عين
نار بيتك نفـــــــــــس نار أخيام الحسين

چـــيه رقيه أبالك اتبات
أويانه ماتوگف مسافات
النارماتعرف صـــلح
بيهه مدفون الصبح
دمعه دمعه......دمعه دمعه
•••
النار من حرگت بناتك گلبك أشصاح
وأنن بيتك ناره تلهــب تحرگ ارواح
فدوه يم يانحــــــر گلبك سيدي ناح
لوعلى ظعن السبايه مـــدمعك طاح

أبگبرك اونسمعلك آهـات
أويانه ماتوگف مسافات
أبدماتنسه الرمـــــح
بيهه مدفون الصبح
دمعه دمعه....دمعه دمعه
:::::::::::::::::::::::::::::::::::::::::
خادم آهل البيت..ع..
أبوحسين السرگودي ...🕊️🕊️🕊️
:::::::::::::::::::::::::::::::::::::::::

أحنه مطلبنه رسالــــــة للحكومات
لازم أنسويلهـــــــــــم قبه ومنارات
والأذان ألـبي علي
بغرقد الحق يعتلي
وغادي مانزرع شجر نزرع روايات
•••
✍️أبوحسين السرگودي...
#بناء_البقيع_مطلبنا
بصوت ملا سلام الگشاوي

#المواقف_يؤرخها_التاريخ
#والخذلان_عبر_المجاملات_كذالك
👇👇
ردها أن أستطعت وصرت كلك جيش
والســـطره الثخينه أتعـــــــرف راعيها--
سطرت الجهل كله وچــان چفك موت
يالمحلي المـواقـــــف مــــن تطب بيها--
الهسه بخدهـــــم أيسولف گفه التاريخ
گبل الحمزة محـــــــــــد ترى أمسويها--
احسن الله لنا ولكم العزاء بشهادة الحمزة بن عبد المطلب.
✍️أبوحسين السرگودي...

#قصيدة_رسالة_حرف
#الأمام_الصادق_ع_

...
خلي روحك تحضر°°°عيش ويه المنبر
...
اليوم لصـادق ندگ أحـــــنه الصدر
وهــوه ويانه لطـــم طـــــول العمر
عاش ويه أحـساسنه صـوره بشعر
وگلبه مـثل الخيمه ويحيطه الجمر

ينعه يابو الأكبر°°°عيش ويه المنبر
...
بين جـــرحه المحترگ مـثل الخيام
أبنار بيته أدموعه ركضن چن حمام
بخوفت أبنياته يوگـــــــــع كل كلام
وراح بالـــــه الكربلــــه ونار السهـام

بخده دمعه اليعثر°°°عيش ويه المنبر
...
حــيل طــوح بالــــه والمنظر غميچ
واليتامـــه الفــرت أمــتيهه الطريج
عينه جدحت بالسمه أتوضه البريج
وعطش چـنه أوياهم ويابسلـه ريج

وصبره يروي المنظر°°°عيش ويه المنبر
...
بينت حــسراته توصـــــــــل لسمه
مــــدري ناده حــسين لويا فاطمه
أثنينهم عنده الظلــــــوع أمـهشمه
ومـــــابرد جرحــه وتأخــر مــأتمه

أبياطريقه أتأثر°°°عيش ويه المنبر
...
أهنانه تعـرف مــن قره الناعي الرثاء
والأمام أبروحـــه شـــد ضعن البكاء
وطلب مثل أهـل العراق أبدي العزاء
أذن كل أيامـــــــه ينعـــــــه أبكربلاء

وأحنه صرنه المصدر°°°عيش ويه المنبر
...
أبخلي روحك تحضر أتوضه وتشوف
كل حرف شايل رساله آمــن الطفوف
بعيش ويه المنبر أتحــــــزم الچفوف
فتوه هالمــستهل طلقتهه الحــــروف

اللطم واجب يكثر°°°عيش ويه المنبر
...
خادم أهل البيت،،ع،،
أبوحسين السرگودي...🕊️🕊️🕊️

أحنه مطلبنه رسالــــــة للحكومات
لازم أنسويلهـــــــــــم قبه ومنارات
والأذان ألـبي علي
بغرقد الحق يعتلي
وغادي مانزرع شجر نزرع روايات
•••
✍️أبوحسين السرگودي...
#بناء_البقيع_مطلبنا

أحنه مطلبنه رسالــــــة للحكومات
لازم أنسويلهـــــــــــم قبه ومنارات
والأذان ألـبي علي
بغرقد الحق يعتلي
وغادي مانزرع شجر نزرع روايات
•••
✍️أبوحسين السرگودي...
#بناء_البقيع_مطلبنا

أبوذيات الأمام الصادق،،ع،،
---------

غــزاك الشيب مــاخــلــــه شعرباك
أســـــود والوجــع نفســـه شعرباك
يصـادق لــوردت أعــــرب شعرباك
نحــر والرمـح بچه أزغر سبيه
-----------
لحـــــــد الأن چـــف والحـزن داراك
أعله أچفه ومثل ويعت شاب داراك
أنشــــــدك مــــــن ولتهه النار داراك
بالك هـــــــم مـــشه للغاضريه
----------
أبنيتك هــــــم بچيتلهه بدمعاك
أعله همهه والحزن بين بدمعاك
شنهـــــو الرايده ورادك بدمعاك
تزور حـسين جدك كل مسيه
----------
البقيع الهســه نسمع صـوت ضل بيه
نحـــيب وللحـزن موجــــود ضلْ بيه
وسف دين اليحرسه أهواي ضل بيه
أبهـــــدم أگبوركـم يبن الزچيه
----------
بين الحـــــر فرق والچان ماحار
وطفح ذنب اليضدكم حارماحار
مايعـــــــــرف گبركم مثل ماحار
عرف قيمة الـــــدره الهاشميه
---------
✍️أبوحسين السرگودي...🕊️🕊️🕊️

✒✒✒رسالة الى كل شمر✒✒✒

مـاتستحي أعيونك بيهن أصنام
أشكن گعد بيهن هــــبل واللآت•••
أبنص گبره محمــــــد يقره قرأن
ترضــى أتراب گبره أيذري آيات•••
ترس گاع الله دين أبهاي حسيت
أشگد أذن بلال أومرت أصوات•••
فتاويكــــم يمرن عـــالگبر سيف
أشگد عدكم عداوه أو يالمنارات•••

خادم أهل البيت،،ع،،
أبوحسين السرگودي...🕊🕊🕊
عظم الله لنا ولكم الأجر بشهادة شيخ الائمه الأمام الصادق،،ع،،
#بناء_البقيع_مطلبنا

#يامعصومه`

نسيرلچ دمــــع حــــد مـــــانخلي الليل
يتبلل أردانه آمـــن البچي وألهـــــم--
ونعيش الفاتحه الأخـــر جــرح ملچوم
والملچوم بس بالدمـــــعه ظل يلتم--
يفانوس الكرم طحنه أعلى بابچ طيف
بس أعيون مـــاكو أوبيهه نتحلـــــم--
عطش غصن الحوائج وأنتي بابچ ماي
وگيض المرنه عــطش حــتى المعلم--
رخت بينه السوالـــف وأنتي بت أجواد
و قضاء الحاجه يمچ چن ورد ينشم--
🍃🍃🍃🍂🍂🍂🍃🍃🍃
خادم أهل البيت..ع..
أبوحسين السرگودي...🕊🕊🕊

ألتفتنه ومولدچ هـــــــم يلتفت عطره
وباب أسمــچ نفتحه وندخل الحضره
وتطيح أدمـوعنه طيحت ورد عالگاع
وحلـــــم عدنه الحوائج چفچ أيفسره
يخيمه والخضار البيها مـــــــاينجاس
الشمس ذبلت وضلت خيمتچ خضره
✍️أبوحسين السرگودي...
نبارك لكم ولادة السيدة فاطمه المعصومه،،ع،،

‏قال الأمام الرضا..ع.. من زارني على بعد داري وشطون مزاري أتيته يوم القيامة في ثلاث مواطن حتى أخلصه من أهوالها عند تطاير الكتب يمينا وشمالآ عند السراط عند الميزان‏
🍀🍀🍀🍀🍀🍀🍀🍀🍀🍀🍀🍀🍀
------قصيدة رايدك بس شوكت------
🍀🍀🍀🍀🍀🍀🍀🍀🍀🍀🍀🍀🍀

أني مديت أعلى أسمك شوفي ماي،،،،
وسولفت يمه الدموع أشرايده🍂

وبيوم ميلادك تنفس شيبي بي،،،
وحتى دمعات العسر متعايده🍂

وحتى حسراتي ورد زرعن گفاي،،،
الجمره والحسره آنه أحس متوارده🍂

وأدري جنحين الضوه شالن ضواك،،،
أونگع وجهّ الليل چنك گايده🍂

وسيرة بيه ندى واني أبخريف،،،
وخظرة روحي أبكثر مابارده🍂

ولثمة ونتي أبكبر مابيه نوح،،،
وحزمتهه الفرحه ذيچ الشارده🍂

وغيمة يمك خجل لاكن أجيت،،،
أوبيه شوگ المايسولف شاهده🍂

وصرة أحظنك بالهوه الشايل ضريح،،،
هيچي مشتاگ الهواك أورايده🍂

وشلت چفي أوأذنت روحي أبهواك،،،
الهوه أبريتي أوچف أذانك سانده🍂

وآني شاعر والعشگ سومرني شوگ،،،
وقرب أسنيني الگبل متباعده🍂

وگمت أطوفك والحچي أيصلي أبهواك،،،
وطبع ريه الكل دعاء أمعاهده🍂

وأني شايل بامنياتي الصفنه طيف،،،
الليل من ينهزل تلگه الفايده🍂

أورايدك بس أشوكت تفزع بخور،،،
ياحلاة أبظيج فزع الرايده🍂

حتى أشتمك هوه أوارجع چبير،،،
الطير مايتوالم أويالصايده🍂

وأدري جيتك عالگبر شتزرعه عيد،،،
شلون شمعه وشاعلتهه الوالده🍂

وألتم أوخيط الضوه أيدليني بيك،،،
واليزورك أنت گلت أتساعده🍂

خادم. أهل البيت..ع..
أبوحسين السرگودي…🕊🕊🕊
مبارك لنا ولكم ولادة الامام الضامن الامام الرضا،ع،

#قصيدة_الجواد


...
اليوم چم دمعه أعلى بابك يالجواد
وأذن النــــوح أبغيابك يالجـــــــواد
أبابك الحاجات---رتلن دمعات
وأذن النــــوح أبغيابك يالجـــــواد
...

وين مـــــانوي دمــــــعتي الگالك أعيون
يا أمـــلهه وكل أمــل بالدمـــــعه مدفون
أبابك الگاهه الحــوائج مــــــية ألف لون
وصوت مـن شباچك أسمع سهله وتهون

حاجته تگضي وعلي
البچه لحسين أوهلي
وماردت دمعه أبمصابك يالجواد
وأذن النــــــوح أبغيابك يالجواد
وأسمع الحسرات---رتلت دمعات
وأذن النـــــوح أبغيابك يالجــــــواد
...

چـــم رساله أبروحك أتاكدهه الأجروح
من أحـط أذني أعلى بابك أسمع النوح
صـوت بي عطــــر الخيم والنار متروح
مــقتل أسمع حتى بابك يقره بي روح

يقره بالمـقتل ضلع
الياظلع تجري الدمع
وتنجــرح نبرة جوابك يالجواد
وأذن النـوح أبغيابك يالجـــواد
وتفزع اآهات---رتلت دمعات
وأذن النــــوح أبغيابك يالجواد
...

وأحترگ أنه أوسـؤالي أبحسرة الباب
والدمــع مــــــايندفن تلگاه الأحــباب
يوگف أوروحه أتبده أبحضن الأتراب
يعــــــــرف البسمار يخنگ رية الهاب

والنسيـم البي ضوه
فرق مومثل الهوه
تكبر البــوســه بعتابك يالجواد
وأذن النــــوح أبغيابك يالجواد
وترتفع هامات---رتلت دمعات
وأذن النوح أبغيابك يالجــــواد
...

وأسمـــــع الــونه الچبيره أشيب الأغروب
يم نحــــــــر عطشان ينزف محترگ ثوب
ليش مــــن أذنچ رقــــــيه كلشي مسلوب
الصوت والترچيه أخذهن جيش الأذنوب

ونارهــــــم يامــــعتقد
أبكل وكت تحرگ عهد
ألهاي سموك أبشبابك يالجواد
وأذن النوح أبغيابك يالجـــواد
والحقدمامات---رتلت دمعات
وأذن النـــوح أبغيابك يالجواد
...

وظـل ثلث تيام جــسمك بچه الأطيور
ورمـــــــح وحشيهم تجرء يطعن النور
الحرب بالسم هوه نفس الدائره أيدور
السم يكمل دور سيف أبحكم الأقصور

همه والد البل أمس
الچبد حمزه تفترس
وعطـرة دنيه بترابك يالجــــواد
وأذن النـــوح أبغيابك يالجـــواد
هم صحت هيهات---رتلت دمعات
وأذن النـــوح أبغيابك يالجـــواد
...
خادم آهل البيت..ع..
أبوحسين السرگودي...🕊️🕊️🕊️
...

رايه--- و بكل سنه تتبدل الرايه
مايه---والعلگمي ضل أبنفس مايه
كون النهر يتبدل......ويم جرفه نقره المقتل
-------------------------------------------------------
وحگ كل راية ضمت حچي الأدموع
ونگط من ضواهه أحساس موظوع
نشوف اليوم گلب الدنيه مفجوع
أذا عالنهر نقره بصوت مسموع


(وين ساجي الضاميه دلوني)
(وين أخوي أيشوف حالي ولوني)


ثايه---مقتلنه خله المستهل ثايه
مايه---والعلگمي ضل أبنفس مايه
حتى الحچي يتبلل.......ويم جرفه نقره المقتل
-------------------------------------------------------
وحگه العرش يلطم بيده صدره
النهر چن علگ صار أبروجه خضره
ونعيش أبجرحه والونه التفسره
أذا عالمشرعه أحنه عيون نقره


(عالمشرعه العباس...صاب السهم عينه)
(وحا يسهم العين...ونكسر ضهر حسين)
(وحنه أنگطع بينه)

أقرايه---حتى السمه أتشاركنه الأقرايه
مايه---والعلگمي ضل أبنفس مايه
وأللطم عدنه أمدلل...ويم جرفه نقره المقتل
-------------------------------------------------------
وتسهيل أمر نقره أنغير الماي
و يم بابه ألعيون أتبدن هواي
وندري الفرگه بيهن فرگة أفياي
الخوه بس ذكرهه أتشيب الراي


(أچيتچ طايح أبحيره...يزينب راح أبوالغيرة)
(ياخويه تلگيني...ضهري أنكسرعينيني)
(يزينب راح أبوالغيرة)

أبهايه---نبچي ونعيش الفاجعه أبهايه
مايه---والعلگمي ضل أبنفس مايه
أنخلي الدمع يتهدل.......ويم جرفه نقره المقتل
-------------------------------------------------------

من ندنه نلگه أمسرفنه عيون
ونكتب عالصدر شماته يدرون
مانرضه الخريف أيطيح الأمتون
لطمنه أربع فصول وبعده مديون


(شفت الفصول الأربعه...يجتمعن بجسمك سوه)
(نار ومطر... ماي وضمه...وبشفايفك صفنت هوه)

أحچايه---حسين خله بكربله أحچايه
مايه---والعلگمي ضل أبنفس مايه
هيهات لاماننذل.......ويم جرفه نقره المقتل

-------------------------------------------------------
بدمع عين اليتامه أنبخره اليريد
حتى أيصير ماي أويترس الأيد
مو يلچم جرحنه الما لگه العيد
اليحب يگطع نفس خل يرحل أبعيد


(ضيعوني مثل گطرة ماي بتراب الصحاري
ضيعوني أشحصل الملهوف من طيف الضهاري
باالله ليش السافرو محد يردهم
بالله ليش أعله النهر ميت وردهم
ضيعوني___ضيعوني)


نايه---يوجعنه كل موقف عزف نايه
مايه---والعلگمي ضل أبنفس مايه
وبينه الحزن ضل محتل....ويم جرفه نقره المقتل
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️

(شـــور)هوسات لسيدي ومولاي مسلم أبن عقيل ..ع..
*-*-*-*-*******-*-*-*-*-
زمجرة طوعه وصعد بيهه الرجيف---
ومن عزمهه كزبر احساس المضيف•••
وين مسلم والزلــــــم وصلتنه هاي---
شجر صـــاح أرگابهم وانه الخـريف•••
راح ألاگيهم وحـــگ كل شيبه بيچ---
أبهذا سيفي وألــه أبدي الموشريف•••

ها...شيميني وشوفي التردينه
•••••••••••••••••••••••••••••••••••••••

طوعه صاحت بس علي وطاحت رگاب---
أبسيف مـــــسلم وأنتفض حتى النگاب•••
صــاح شيميني أبعلـــــي وأنه أبن أبوي---
مــثل عمي أمـــــــــعلم أنه أقلعلي باب•••
ألــــــــه أفــرح گلبه وبكل طــــبره كون---
راح اخلــــي الـــروس يحضنهه التراب•••

ها..والحومه اتسولف بس بينه
•••••••••••••••••••••••••••••••••••••••

هلهلت طــوعه وخفگ جنح الحرب---
والعساكر تيهت حـــتى الــــدرب•••
هوه وحده وسومرت ذيچ السيوف---
هيه والشالتهه كاتلهه الرعـــــــب•••
گام يشمر بالزلــــم سواهه مـــــــاي---
مسلم وعمه علي أيكضه الصعب•••

ها..وينومس دين أبتاريخه
•••••••••••••••••••••••••••••••••••••••

طوعه صاحت والحچي بيهه أستدار---
صــــوب حـيدر والدمـع ناده الفقار•••
اليوم مـــسلم ســـــوه حتى المايصير---
وعلي رد يومك علي أبوضح النهار•••
الگاع شهگت مـــــن جثثهم واليطيح---
الكوفه رفعت راسهه ومسلم شعار•••

ها…هز عرش الكوفه بصولاته
•••••••••••••••••••••••••••••••••••••••
خادم أهل البيت.. ع..
أبوحسين السرگودي…🕊️🕊️🕊️
•••••••••••••••••••••••••••••••••••••••

♠️♠️حميدة بنت مسلم قصيدة ياصور♠️♠️
-------------------------------------------------------
آه…وحشه وحشه يـــاصـور خواني
آه…وحشه وحشه والأغـروب أذاني
تغيم أعيوني بصورهم•°•وين ألأگيهم وأگلهم
وحــــــــــــشه••••وحــــــــــــــشه
------------------------------------------------------
گمت أتوچــه أعله صبري أبين ألأجروح
ويــــاحميدة أبروحي أسمع توگع الروح
وصــرت أگـلب بـالچثث مذبوح مذبوح
چم حلم عالغبرة طايح والحچي أينوح

أوجوه حاضنهه الرمل
أزغـــيره چانت بالعمر
أعيونهم لمــــــت شمل
ويـــمهم أحــتار الصبر

آه…وحشه وحشه وچم نحر بچاني
آه…وحشه وحشه والأغـروب أذاني
أثر ما لاگاني منهم•°•وين ألأگيهم وأگلهم
وحــــــــــــشه••••وحــــــــــــشه
------------------------------------------------------
وعـــــثر وضلت عباتي أبراسي خيمه
والـــقدر تـــدرونه مـــــــايرحم يتيمه
وعلى خــدي الدمعه چنهه مطر غيمه
فــــرگت الخوان وحـــــــدهه هضيمه

ويـــن أدورهم وأمـس
أفراگهم شيبه أبـجرح
وغابو أشلون الـشمس
وألي مــــاردهم صـبح

آه...وحشه وحشه وچلچلت بحزاني
آه...وحشه وحــشه والأغروب أذاني
عمري من فدوه العمرهم•°•وين ألأگيهم وأگلهم
وحــــــــــــشه••••وحـــــــــــشه
------------------------------------------------------
وبــــأثر جدمي الجرح ضل شابك الگاع
حــافيه والشــوك أحسه أيخـضر أوجاع
ومثلي دمعاتي أنـسبن هم راحن أضياع
مالگيت ألــــــهم علامــه الفرحتي أمتاع

مـن أشوفنهه أطمئن
والگلب مــثل الخيم
أثنينهن نار أوحـــزن
يــوگفن وگـــفت ألم

آه...وحشه وحشه وگلبي ضل أيعاني
آه...وحشه وحشه والأغــــروب أذاني
ردت بس أشتم خبرهم•°•وين ألأگيهم وأگلهم
------------------------------------------------------
دورتـــــهم ونخه بيهم والــــهوه أيميل
مثلي هم مختنگه روحه وفاگد الحيل
أزغـار خواني وتموت أبسحگت الخيل
وين أديرن وجهي وأدري مـجبل الليل

وين أحاچيهم بــــعد
والافـكـــار أتــناثرت
أفراگهم بـيه أسـتعد
والجـــــــروح أتبللت

آه...وحشه وحشه بحسرتي ونيراني
آه...وحشه وحشه والأغروب اذانـــي
كلف موهين سفرهم•°•وين ألأگيهم وأگلهم
وحــــــــــــشه••••وحــــــــــــشه
------------------------------------------------------
وعـمتي زينب شيبتهه أبـــــكثر الأونين
ويــن مـادارت وجــهه أتشوف الحسين
وأنــي ألاگيهه وأگـــلهه عــــــمه چاوين
راحـو أخــواني وحسرتي أتشيب العين

وعـــينهه أوياي أتهمل
أبخــدي مــاخلت دمع
وعاونتني أعله الحمل
وهـيه مـكسورت ضلع

آه...وحشه وحشه وضيعت ولياني
آه...وحشه وحشه والأغروب أذاني
متت چم موته أبذكرهم•°•وين ألأگيهم وأكلهم
وحــــــــــشه••••وحـــــــــــشه
------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲

♠️♠️قصيدة بيــان الخــيم♠️♠️
_______


والخيم عدهه سفاره°•°وگابلت قصرالأماره
ورجفت حيل القصر•••مسلــم أيقــود النصر
-------------------------------------------------------
أفتـرهت الكوفـه لمــن طــبهه النذير
أبـــريحة أثيــابه كرامــــه ألكل فقير
بســيفه لالــذله مـخطوطــــه بضمير
والأمــير حـــسين مــــــاكـو كل أمير

صــــدر بيان الخيم°•°والتفهمه أهـــل الشيـــــم
ديــــني…أحــسيني°•°نــومسو رفــت العلــــــم

بثورة ضدأهل الكفر•••مسلم أيقود النصر
-------------------------------------------------------
طلــــــع بيانــه مثــــل عطـــر الـــورد
شــمته العاشت صــدگ معنى المـجد
وصــاح يــاباب القصـر گـــوم أستعد
راح أقـــــلـــعـــنك ورد خــــــيبر ورد

شلون طبت حيدرة°•°وشـــبرمـاأرجع وره
عـــمي…أبـــدمــــي°•°طبتهه چنهه الأخره

وبطبرته آشگدأجر•••أبمسلم وسيفه النصر
-------------------------------------------------------
وگــف بــالكوفه وعلي بــگبره وگــف
عـــرف مــسلم مــايــدنگ بي عــرف
هــذا أبــن نسابــهه الــبسمه الشــرف
مــثل مــلك المــوت سيفه لــوخطف

مسلم أنشودة وفاء°•°أبمستهل يــاكربــلاء
يــــقره…أبـــــنصره°•°بصوت جبريل الأداء

وأبن عمه يفتخر•••أبمسلم وسيفه النصر
-------------------------------------------------------
الهسه طوعه أوبابهه أتعيش ألي صار
شلـون مــــسلم مــن وگف چنه الفقار
ويــه كـــل كلمة علي أبسيفه أستــدار
الجيش يوصله ويــــرد بي تحچي نار

وهوست طوعه أله°•°هيه هاي المرجله
سيـــفـه…أبكـــيفه°•°فتح بـــاب الكربله

وحيرأحروف الشعر•••أبمسلم وسيفه النصر
-------------------------------------------------------
وضــل سفــير الخــيم شامـخ باليقين
وهمـه ويــه أقصورهم مـــاندري وين
أتراب صارو بـس بقه ألكل همته دين
هـــاي خاتمته العشگ أســم الحـسين

ترف ضلت رايته°•°والكوفه تزهي بگبته
أبنـوره…أتــزوره°•°الـروح تهوه الحضرته

أزيارته تجلي العسر•••أبمسلم وسيفه النصر
-------------------------------------------------------
خادم أهل البيت،،ع،،
أبوحسين السرگودي...🕊️🕊️🕊️
🤲

الدين بچفه نار الحقــــــد بخ بخ
ونذر عـطره الورد فرحان بخ بخ
اليگول أشمايگـول أيگول بخ بخ
ألمهم دنگو يم حامي الحميه...

خادم أهل البيت،،ع،،
أبوحسين السرگودي...🕊️🕊️🕊️