اني زينب ما يغيرني السبي
راية العباس صارت معصبي
.
.
.
.
القياده الهاشميه اتلوگ الي
تكفلت ضعن النبي بطيحت هلي
والقصر طبيت اله بهيئة علي
يا ارض تحت آل اميه زلزلي

دنگ بعرشه الرذيل الأجنبي
.
.
.
.

عالِمه ومن الله هاي المنزله
خطوه اجدامي عليهم زلزله
نقطة الحق بينا والفاصله
كلشي زائل والبقاء الكربله

ابد ما ينمحي الذكر الطالبي
.
.
.
.

اني بت ذاك الفحل كول وفعل
الوگف ضدي اقلعه من الأصل
بين عباس وعلي حلقة وصل
عدل بعده وأبد ما مال الحمل

ترسم الواح الشرف هاي العبي
.
.
.
.


قَدر الله السبي واهلا بالقدر
بحرب اخوتي بكربله الدم انتصر
وبتدت حرب النِسه اوهَب الخطر
الماي ما أريده ابو فاضل نهر

بت نبي وتكفلت ضعن النبي
.
.
.
.


اخت ابو فاضل واضل امخدره
ابد ما غيرني كل هذا الجره
صوتي عالطاغي قيامه واخره
تصمت أشباه الزلم يم المره

حتما گبالي يذل الناصبي
.
.
.
.

أي وحگ ذاك الذي بطفه نسلب
باجر التاريخ يكتب من ذهب
بكل سطوره ينقرا اسمي بعجب
والأجيال اتفسره عالظالم لهب

واكبر امنِ السبي يصبح موكبي


الشاعر عبدالله الشويلي

بندريه المشايه | الرادود حسن المجتبى
https://youtube.com/watch?v=elt4TV8PG9w&feature=share

#شوط_كربلائي

رِجعت زينب أمن الشام
بنفس الهيبه لخوتها
وياها علي السجاد
والزهره التلگتها


رِِحلة عز واجت منها والظالم عرف حجمه
الگاعد عالعرش مرتاح يم زينب نسه اسمه
شيطان الشكل والروح والإيمان اجه يرجمه
دخلت للقصر حيدر
وگفت وگفت الاكبر
حرب وانتصرت الخدر
علي وبسيفه طب عالگوم كل الناس شافتها




صاحت يا يزيد اصمت اووِگف مجرى النفس عنده
بي خوفه وعلي خلت تذكرها ولد ولده
گبال الهيبه مو طينه( كلمن دمعته بخده )
منها شردت القاده
تشل الراد يتماده
زينب هيبه الساده
يا دولة التسكتها وكل الكاع دولتها





المو رجال يم عباس يم الحره مو رجال
العفه من الله ياهل الناس عَليها مفصله تفصال
اول حرمه بالتاريخ شافتها العِده خيال
بعباية فاطمه الزهره
وگفت بالقصر حضره
وانطت كل شخص قدره
رهبه بالزلم صارت زينب هاي صولتها



مضرب للوفه زينب هاي الماتهبط الرأس
التاريخ انحنى يمها غير اخت الشهم عباس
الحارسها الملك جبريل بس بفاطمه تنقاس
ردت راشده النيه
المرأه الكربلائيه
حضنت گبر ابو الرقيه
وبده سيل الدمع يجري اعله ونها تبچي ناگتها



من گبر لگبر ضلت تمشي ولونها تغير
مثل اشفاف ابو السجاد گلبها بكربله اتفطر
الماعثرت بطبت السوگ يم إخوتها تتعثر
العافت عالارض مذبوح
حگها تنحني وتنوح
احساس الحره ضل مجروح
لان عافت اخو مطشر ويمه الروح خلتها



بعبره نادت اخوتها وداعت الله يخواني
هذا اول عزه يمكم ويم جدي العزه الثاني
وعد ما اگطع الونه واموت من الهجر اني
وعد ما ينگطع نوحي
ولا انساهن اجروحي
لحد ما تنقبض روحي
كل لحظه تموت ام عون بلا اخوان رجعتها


الشاعر عبدالله الشويلي

#شور_ملمع

صلى اللهُ على نافذ البصيرة



برزَ الشجاعُ وسيفُهُ فيه لُضى
وكأنما للطفِ جاءَ المرتضى
جعلَ الرقابَ قناطراً تهفوه لهُ
قل الهواء وغيضه ملى الفضى


گمر هاشم شارة الله جا شرد الشاره
براس ابو فاضل اليچوي علي دار أسراره
اول ابنادم يدخن قبل لا يبدي النزال
واول ابنادم يخلص من يشن الغاره
.
.
.
.
لا مهرباً من شخصهِ المتكاملِ
قد شيدَ الطفَ بطوقِ الجندلِ
فلجودهِ أمسى الفراتُ ساجداً
ودعى الصواعقَ قائلاً لا تنزلي

انه ما شايف مقاتل جفه فر الدنيا فر
مگابل العركه اليطبها ما يطگ امنِ الضهر
وأبد ما شايف مدخن مبتسم وكت الغضب
وصَفن التاريخ واهله من سحگ جدمه النهر
.
.
.
.
ترك الرجال على الفرات واقعه
وكأنما العباس هو الواقعه
بطل أتى واسقط أبطالها
قد انزل غيض السماء السابعه



كله رف ونزل ليها ونچوت منه الشمس
كلشي حار بحار عنده ما حجه بمالات أمس
لان هز أيده عليهم گطعوا أيده بكرله
صح فرغ جوده ولكن منترس عزة نفس
.
.
.

فذ تقي وانجلت فيه التقى
قد أسقط أبطالها في الملتقى
هوت الجيوش حينما قال لها
اني انا العباس اغدو بالسقى

اكو هواي بعلو الغيمه بس ابو فاضل عبر
ومن تريد الماي اخته يم جدمها يمد نهر
ومن تريد افياي تلبد الشمس والمو شمس
نبي بهيئة كافل اخته مستواه فوك البشر
.
.
.
.
ملكَ الكمالَ للجمالِ مختصَرْ
خَلْقُ الإلهِ الكافلُ فوق الصورْ
كلُّ نبيٍ قد نجى بكفهِ
واللهُ في عباسِنا يمحو القدرْ

الله من عيونه سوه الجاذبيه البالارض
من خزر بيهن بحرگه شبعت الوادم ركض
المعاجم والمعاني جدم ما وصفت اله
مره اشوفه گمر زينب مره اشوفنه فرض



الشاعر عبدالله الشويلي

ابن ام البنين
هد من العرين
الحومه لمها 
وفر زلمها
فذٌ لا يلين

ريشاته السلام
بجفه الانتقام
شد غترته
ويم مهرته
طاحتله السهام


صرفنها الجفوف
وطاحلته الالوف
حلوه عينه
وبيمنه
هز هز الطفوف

رفع ايده الحسين لمن هز رايته
تهلهله السيوف والإسهام صلته
الفرات التعناه وترسها جربته


طلع كله مدخن على العسكر
اله خزره تكتل مثل حيدر
گمر ما يتوصف ابو فاضل
گَلب عينه مطلعه إله الاشتر

.
.
.
.
ايات الوفاء
رتل كربلاء
شد وثاقه
وبنطلاقه
قانون الولاء

مابين السطور
خيال اوقور
من سماره
كله شاره
طعان الصدور

ذلتله الصعاب
قطاع الرگاب
كلشي داسه
بالقداسه
سواهم تراب

اخذ زوده والزود منْ حسين الشهم
تبخر لثامه چي دخن عالزلم
ذراعه صواعق محطه لكل عزم

الزلم خيبر صارت بده يقلع
اخذ منهم حيفه وعلي مربع
رعد سيفه ومطرت زلم بالطف
طلع مثل النيزك منو يطلع
.
.
.
.
شدلها الوثاق
واهتز العراق
چنه حيدر
كلشي كزبر
من شد النطاق

يفعل ما يريد
ذو باسٌ شديد
من صفاته
الخواته
ما يغلى الوريد

عباس وهمام
معنى الاحترام
غيره اساسه
بي قداسه
ميوصفه الكلام

گمر والهوى الماس ترابه انقدِسه
جربته فرض حب جفوفه مدرسه
شكبر شأنه عباس اخوه اتنفسه

علي دار ابأبنه شكو غيره
وأخذ منه الكافل تدابيره
مشه الدم بگلبه بمر زينب
اخيته واتريده  للجبيره
.
.
.
.
سوه المعجزات
من طب الفرات
مستراحت
يمه طاحت
أهل الموبقات

امبچي الرجال
اشوس بالقتال
كلها تلبد
وحده يرعد
لو حل النزال

صياد الاسود
قران الصمود
عليها يدوي
دومه يچوي
ما صابه البرود


خسف بيهم الگاع سحگ روس ورگب
ترس كل الاكتار منو منه هرب
احترگ عسكر الگوم عليه يوم الگرب


الرضه بكسر الزهره كسر ضلعه
السحگ راسه يدفنه بلا رجعه
الفَله بيده صرات مثل سبحه
ويفر بيها بكيفه حلو طبعه







عبدالله الشويلي

صاح ابو فاضل هله وشد النطاق
وطلعت المشايه من كل العراق


طلعت ورفت الرايات الخضر
وأبو فاضل شال جفينه السمر
للحسين المنذبح دگو صدر
واسم زينب بالكلب كِتبوه وثاق
.
.
.
.
طفل' شايب' شاب كلها محزمه
هاي وادم عالحسين معلمه
والنسِه طلعت تعزي فاطمه
تحشمت بالغيره وانذل النفاق
.
.
.
.
ذوله ناس اترابهم يسوه الذهب
حرگه بيهم عالخيم حرگت وهب
اذا صاحو يا علي يموت التعب
والگلوب الكربله سوت سباق
.
.
.
.
.
وين امثال الكرم خل تنضرب
موكب بصف موكب انحَط بالدرب
بيت واحد ناسها لا مو غرب
خدمة أهل البيت ما بيها شقاق
.
.
.
.
طفح نهر الكرم وابدًا ما يجف
اذا ينسد موكب يفتح الالف
عد الحسين الخدم كلهم عرف
تمنو الخدمه عمُر مابي فراق

.
.
.
.
هبت البصره وگصِدها كربله
وصاحت الزهره هله وميت هله
وطلعت اعمارتنا طلعه معدله
وهاي ذي قار الفخر كلها اشتياق

.
.
.
.
والعوابس من سماوتنا الفخر
صار ممشاهم مثل ممشه النهر
اتحدوا اويه أهل النجف صارو بحر
ورفعو الرايات من بعد العناق
.
.
.
.
الدوانيه على الحله انطوت
وگامت اديالى شرارة وما طفت
ويه أهل بغداد للعز اگصدت
والشمال الكربله أعلن انطلاق




الشاعر عبدالله الشويلي

جاهز لو لا | مدين العياشي |الزحف الحسيني المقدس
https://youtube.com/watch?v=5Kb8L1PhRhs&si=F4w-rQTHZzvrr9VG

#ذكريات_كربلاء

يوميه يحسين  بحلامي اشاهد مقتلك
تطلب جوادك  ولا واحد يقدمه الك
بكل محنه  تباوع النه تباوع النه بعبرتك



يا حبيبي ....اني زينب ...حضرت الماتت بهمها من عفتها
رحت عنك......عالهزيله .....وجِيتك وبنتك رقيه ما جبتها

عفتها بشامهم محد بقى وياها
حگها اتموت غير السوط دَماها

طفله مو مالت حبل....ولا خرابه ولا هزل....يهد عليها شكم نذل ....من تذكرك

يا نحر يا راس  اطيها ما تعرف ذبح
وانت يالحسين كل ما نصيحك عالرمح
بكل محنه تباوع النه تباوع النه بعبرتك
.
.
.
.
انكسر گلبي .....لمن شفتك ....شايل ابأيدك علي الاصغر مدمه
طحت يمك ....من گلتلي.......خويا زينب روحي انتي انطيه لامه

وصبيان العساكر بالنهر تعلب
تشرب خيلهم عبدالله ما تشرب

خَذته احلى من النهر ....جبته مگطوع النحر.....الذابحه لا مو بشر.....لا بَنَادم

تفتر بالخيام   محتار لازم لحْيتك
حگك يالحسين عن أمه تخفي دمعتك
بكل محنه تباوع النه تباوع النه بعبرتك


.
.
.
.
شلون انسه .....وذني اديه.....لمتك من طشرنك خيل اميه
ها يضامي .....بيك شيضل..... وتدبج اعليك بحقدها الاعوجيه

تزحف عنها واتلحگك لوين تروح؟
الرمل مالح يهيج بالجروح اجروح

شما تريد اتجر نفس.......يسحگ بكلبك فرس...جسمك اسهام انترس....... وليه وليه

طرفا خفي ادير   لخيامك الكلها نولت
وبالدم والتراب اجروحك انت تغسلت
بكل محنه تباوع النه تباوع النه بعبرتك
.
.
.
.
اطلعت ادورك........گوه امشي.... حيلي جن حيل العليله الما خذتها
صحت خويا....عدل بعدك؟ ...لو متت واختك يبو الاكبر عفتها


ومن گتلك الحگني بداعت الزهره
گمت وعلى اسهامك طحت عالغبره

مختنگ ماكو هوى ......السبب عظم الترقوه.....منكسر منرد سوه.....وين اروحن؟

شفت بهل العيون  عاتقك بالسيف انضرب
اتصيح عطشان  ومن دمك الحافر شرب
بكل محنه تباوع النه تباوع النه بعبرتك


.
.
.
.

الباگ منك ..... محبس ايدك.......نَقِص خله بالاصابع گِطع خنصر
ورجع نفسه ......سلب هدمك...  ونفسه لازم هدم جسمك وبيهن يجر

دم آذان بنتك شبگ دم نحرك
بيها جروح كلش تشبه لصدرك

صدرك تكسر غدر.......صوته واصل للخدر.... ضاع يحسين العمر ....مثل حيلك

وبحرك الخيام  طلعت نساوين البخت
تركض بلا حيل محترگه لسه ما طفت
بكل محنه تباوع النه تباوع النه بعبرتك


الشاعر عبدالله الشويلي

طلعت من الخيم
الملا فهد الحداد
كلمات عبدالله الشويلي

مصرع الحسين / الرادود حامد الحياوي/ موكب جابر / بغداد /مدينة الصدر
https://youtube.com/watch?v=lmoeutlT2F4&si=C6m8M-uqU7C9rViI

اخر مجلس / الرادود خضر عباس
https://youtube.com/watch?v=z6d8KKd48vg&si=zZpX7jzlcWK9lTvs

انصاري|محمد حسين مطرود|عبد الله الشويلي
https://youtube.com/watch?v=902EAKSsSzQ&si=AFoK6dDvdPWmx6bD

كسر الخواطر | كمال الشمري كلمات الشاعر عبدالله الشويلي- المشاية المقدسة 1445هـ
https://youtube.com/watch?v=Q1yXIpI9Ogc&si=ehVmWcX8imZG_QJI

#شور

علي علي
وتد الاسلام ثابت في السماء
____

سيف السماء حيدر علي
شيخ الوفاء حيدر علي
رمز الاباء حيدر علي

بهاي دنيتنه وسماها مثل حيدر مَنْوجد
قل هو الكرار واحد قل هو الله أحد
اي عدد يمه نخلي صفر نلگاه العدد
انتشر دين الله كله بمدد يا حيدر مدد

حرب تسجد اعله حروفه
حرب تسري بامر اجفوفه
حرب على الأعداء انشوفه

علي علي
انهُ الكرارُ قتال العرب

_____
ملك النزال حيدر علي
بس للثگال حيدر علي
بطل القتال حيدر علي

لنبي بسيفه جان يكشخ لو بده وقت الحرب
خبز يمطر على الفقره وعالعدو يمطر رعب
ينتشر بربع جهات بساعة الفزعه ويطب
أسهل من السهل جفه وبالصعب نلگاه صعب

علي الله شد احزامه
علي الأول ابأسلامه
علي ألرِسل خِدّامه

علي علي
انهُ الكرارُ قتال العرب
______

گلب الحياة حيدر علي
سر النجاة حيدر علي
حتى الممات حيدر علي


لا فتى الا عليا قالها سيد البشر
يعني ابو حسين المعدل ضهر للماله ضهر
دين الله بعلي كاشخ وصار بسمه المستقر
الإله ايدير عرشه وين ما دار النظر


منو قائد أعله القاده
منو ابو الكل الساده
منو جاب مثل أولاده


علي علي
انهُ الكرارُ قتال العرب
____
فحل الفحول حيدر علي
يصول ويجول حيدر علي
محيِر العقول حيدر علي

جَمِع التاريخ واقرا يمه ما يطلع سطر
حيدر القرآن كله وغيره ماحاوي الصفر
ما يرد أمن المعارك الا بيمينه النصر
ابوكت كلمن راد روحه علي دك لله الصدر

شهم ينعرف بالكلفه
شهم ما يقصر جفه
شهم الثگال اتعرفه

علي علي
انهُ الكرارُ قتال العرب
______

الذكر الحكيم حيدر علي
نِد الرجيم حيدر علي
العقل السليم حيدر علي


اشهدُ ان عليا فحل من سابع فحل
ابد ما صارت لغيره بس علي خير العمل
الشمس من عگبته وراحت ردها متروسه خجل
بكثر ما ينتظر فرضه الفرض ينتظره بأمل


ضوه بنور الله هايم
ضوه يوزع اعله الوادم
ضوه منه لينه قادم


الشاعر عبدالله الشويلي

دار الحنينه الليله حزينه جاوبنا يا كرار
ما طلعت النه ام المحنه لَمَن وصلنا الدار

وبابك تغير
شصاير يحيدر


هالمره دارك بس حزن .....نسمع بشر بيها يون ....محترگه أظنها
ياهي الوگع منها دمه .....ياعلي بس لا فاطمة ....ميت ابنها

تناشغ كأنك .....ماهيه عنك .... يا زهراء
اسمعنا حرمه .....طگو ضلعها .....هواي أعداء
وسطروا وجهها....وطايح ولَدها ... اعله الغبراء
ودفعو عليها ......الباب الثگيله .....وصاحت لاء

قصه حزينه .....وأهل المدينه.....ما فزعو اعله الصار
كالوا جذعها .....كاسر ضلعها ......ولفحت وجها النار

ولافزعت البر
شصاير يحيدر
.
.
.
.
متغيره شو حتى السمه......ما طلعت النا فاطمه ....العشنا باسمها
چنه نجيها بكل ضحى.....نلگاها تطحن بالرحى .....تگعدنا يمها

منتشره فرحه .........بكل المدينه ......بس هالدار
ظلمه وبچيها ......واصل يحيدر .....السابع جار
ومن گلنا فاطم...وجهك تغير ...واصفر صار
خلي نشاهد.....مچويه ايدك .....چنها بنار

أهل النفاهه......طفوو ضواها ....لو ماتت ام البيت
لَمَن شفتنا......ومن ميزتنا .....يا أبا الحسن غصيت

بسرعه الدمع خر
شصاير يحيدر
.
.
.
.
راح احجي الكم ما جرى .....هوايه ضلوع امكسره ....بصدر الزجيه
هجمت عليها الطائفه.......وباب الحرگ بيها انطفه .....اجتافي الوصيه

البسمار اجاها.....ونام بصدرها.....وفوگه الباب
ومحسنها ساگط ....متغطي بالدم ....وكله تراب
ماتت وجرحي ....كل لحظه يكبر ....لا ما طاب
يموت بحسرته.....المغرب يجرحه .....الماله احباب


آذاني ونها .....هادل متنها.....ومن تدعي الله بجف
السطره تضمها ......وتخفي بلمها .....بس الدمع ماجف

گلبي تفطر
شصاير يحيدر
.
.
.
.
.
بليله حزينه ومؤلمه ..... رحت أدفن اني فاطمه ....وشثگله جدمي
ممشه القماش اعله المگص.....مشاني وكتي وريجي غص.... لماني هدمي

بشرياني دمي ....ما أحسه يمشي ....وضهري اهلال
بكل خطوه يهدل ..... متني اويه حمله....كلش مال
وشلون اصدگ .....دافنها بيدي .....ما تنگال
القاتل عربها ....بعد الزجيه ....صار اخيال

اوگف واطيحن .... يا زهره اصيحن .....واتلاوه وي الليل
احضن گبرها ......واشتم عطرها .......والدمعه حمره تسيل

واتألم أكثر
شصاير يحيدر

.
.
.
.
ابچي وي زينب لو بچت .....ووياها اغصن لو حچت ... عن الحبيبه
وشكد بچه حسين الحزن ..... والحسن لساه بس يون ....بيتي مصيبه


داري القديمه ....مو هيه هيه ....صارت نوح
من ماتت أمها ...كلنا انكسرنا ....وصرنا جروح
الطگوله حرمه ....يعيش بضياعه ...وچن مذبوح
عشنا اعله حبنه .....صح احنا خمسه .....بس بروح


عدنا اميره .....ونملك حصيره .....گعدتنا تسوه الكون
حتى الحمامه.....تحط بسلامه .....ونتگاسم الماعون

بحب الله نسهر
شصاير يحيدر



الشاعر عبدالله الشويلي