#شور شهادة السيدة ع
ياغربتج يزينب
بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس
تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان
من فزعوا ليه يضحكون اعليه موش شيعوني
ضعفانه هوايه والوادم هايه حيل يسَمعوني
لحگوا يخواني الشام اذاني وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز
يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال
يمعدلل العدله ضلت بس هزله ما جابوا ليه
بيه شكد عالو اسمعهم گالو هاي المسبيه
المارحموا جثتك ميرحمون اختك لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان
ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال
عطشانه عيوني يالماجيتوني حسره بدلالي
وحْدي وحيرانه لا امي اهنانه لا ابوي الغالي
السجاد امحير بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير
الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام
هيج وكون اني ميته وي اخواني وبنصهم گبري
اتراب من الخيمه ودم اهلي وضيمه يخلون بكتري
بهيده ينزلوني خاف ايلجموني ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون
گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل
اركض محنيه دم برجليه الطف كله انياحه
عثره تجر عثره مدري شكم مره فريت الساحه
عمري بس لجمه صار اسمي الهضمه ما شفت الراحه
الشاعر عبدالله الشويلي
ياغربتج يزينب
بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس
تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان
من فزعوا ليه يضحكون اعليه موش شيعوني
ضعفانه هوايه والوادم هايه حيل يسَمعوني
لحگوا يخواني الشام اذاني وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز
يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال
يمعدلل العدله ضلت بس هزله ما جابوا ليه
بيه شكد عالو اسمعهم گالو هاي المسبيه
المارحموا جثتك ميرحمون اختك لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان
ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال
عطشانه عيوني يالماجيتوني حسره بدلالي
وحْدي وحيرانه لا امي اهنانه لا ابوي الغالي
السجاد امحير بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير
الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام
هيج وكون اني ميته وي اخواني وبنصهم گبري
اتراب من الخيمه ودم اهلي وضيمه يخلون بكتري
بهيده ينزلوني خاف ايلجموني ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون
گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل
اركض محنيه دم برجليه الطف كله انياحه
عثره تجر عثره مدري شكم مره فريت الساحه
عمري بس لجمه صار اسمي الهضمه ما شفت الراحه
الشاعر عبدالله الشويلي
#شور_شهادة_السيدة_زينب_ع
وداعا يا دنيا هاي المسيه
اليا ضيم يا روحي اضل اليا غربه يا شوغات
غرگانه وشراع الحزن ياخذني للصفنات
كل اهلي ماتو والأمل عِكازِته الآهات
أنه الركضت گبل من هجمت الوادم
وأنه الطاحت دمع يم حنت القاسم
خيل ....ليل
وهزله عرجه تمشي كوه خذتني بيعد
وين ....حسين
دمي يجري والحداني بضربه يعيد
سبيه ....چلمه ثگيله عليه
وداعا ....يا دنيا هاي المسيه
.
.
.
.
تعبانه مختنگه بگبر بس باللحد ارتاح
بنص گلبي مو خنجر يحز ميل الوقت ذباح
طاح العمر مني صدك چن متني هذا الطاح
أنه المنها تعب سوط العدو وجدمه
أنه اللمت اخوها وما لگت هدمه
راح ....طاح
گلبي دامي عالوطيه واجتني حبال
نوح .....جروح
عفت اخويه جوه حافر على صدره نبال
اخويه ....صدره انفرش لآل اميه
وداعا..... يا دنيا هاي المسيه
.
.
.
.
گلبي ركب موج الحزن چن رَكبت الميمون
الناس كلمن كشخته بس زينب إبلا لون
اول ثواب اعله اخوتي وزعت اني امتون
لكيت بكربله الدم يفرض ابرايه
ولكيت الماله اخوه ما اله احجايه
فياااي.....ماي
ماكو للي ماله اخوه حتى انفاس
وحيد ....يريد
ابو فاضل وأبو فاضل بلايه الرأس
يعاين.....منصرع ابن الزجيه
وداعا ....يا دنيا هاي المسيه
.
.
.
.
محد ركض مثلي ابد تشهد عليه الكاع
عكب اخوتي كلشي ثكل بس الوداع بساع
السوك النحاسه اني المشت أنه العمرها ضاع
فروني اعله هزله بكل زوايا السوگ
نشاز اعليه يا وادم ابد ميلوگ
موت ....صوت
عالي اسمع زينب انتي يحز بالروح
هواي ....وياي
ياهو اضمده ياهو اصبره كلها تنوح
يحسره .....ينزف جرحنا لرقيه
وداعاً.....يا دنيا هاي المسيه
الشاعر عبدالله الشويلي
وداعا يا دنيا هاي المسيه
اليا ضيم يا روحي اضل اليا غربه يا شوغات
غرگانه وشراع الحزن ياخذني للصفنات
كل اهلي ماتو والأمل عِكازِته الآهات
أنه الركضت گبل من هجمت الوادم
وأنه الطاحت دمع يم حنت القاسم
خيل ....ليل
وهزله عرجه تمشي كوه خذتني بيعد
وين ....حسين
دمي يجري والحداني بضربه يعيد
سبيه ....چلمه ثگيله عليه
وداعا ....يا دنيا هاي المسيه
.
.
.
.
تعبانه مختنگه بگبر بس باللحد ارتاح
بنص گلبي مو خنجر يحز ميل الوقت ذباح
طاح العمر مني صدك چن متني هذا الطاح
أنه المنها تعب سوط العدو وجدمه
أنه اللمت اخوها وما لگت هدمه
راح ....طاح
گلبي دامي عالوطيه واجتني حبال
نوح .....جروح
عفت اخويه جوه حافر على صدره نبال
اخويه ....صدره انفرش لآل اميه
وداعا..... يا دنيا هاي المسيه
.
.
.
.
گلبي ركب موج الحزن چن رَكبت الميمون
الناس كلمن كشخته بس زينب إبلا لون
اول ثواب اعله اخوتي وزعت اني امتون
لكيت بكربله الدم يفرض ابرايه
ولكيت الماله اخوه ما اله احجايه
فياااي.....ماي
ماكو للي ماله اخوه حتى انفاس
وحيد ....يريد
ابو فاضل وأبو فاضل بلايه الرأس
يعاين.....منصرع ابن الزجيه
وداعا ....يا دنيا هاي المسيه
.
.
.
.
محد ركض مثلي ابد تشهد عليه الكاع
عكب اخوتي كلشي ثكل بس الوداع بساع
السوك النحاسه اني المشت أنه العمرها ضاع
فروني اعله هزله بكل زوايا السوگ
نشاز اعليه يا وادم ابد ميلوگ
موت ....صوت
عالي اسمع زينب انتي يحز بالروح
هواي ....وياي
ياهو اضمده ياهو اصبره كلها تنوح
يحسره .....ينزف جرحنا لرقيه
وداعاً.....يا دنيا هاي المسيه
الشاعر عبدالله الشويلي
فزاعيات السيدة
غُمضت عينها ولا واحد السدها
ما ترحم الغربه وهيه وحدها
لا اولاد ضلت لا اخو عدها
وتمنت ابو فاضل يگعد بسدها
تتلفت شعدها .... كلها مذبوحه
.
.
.
.
اخت عباس بس عباس يوجعها
جنازه وضاله محد يشيعها
والسجاد وحده شلون يرفعها؟
يحشم والزلم مسدود مسمعها
العبيد شبيها شردت......لمن فزعها
.
.
.
.
چنها ام الحسن من ودعت سكته
منين انجيب فضه تنعى عالميته
ودره حيدر علي لو ما دره ابته
اثاري الماله والد موتته سكته
شعجب لأرض النجف....ما وصلت الونه
.
.
.
.
هاي الركضت بكربله محنيه
وعلويه تجيب اتضيع علويه
هاي الصاحوو الها حيل مسبيه
وصعدت عالهزل بجدام مجويه
الزلم والخيل والتل .... طرت الحره
.
.
.
.
الكواكب مالت وضل عدل محملها
التراب السحگته يسوه العرب كلها
جبيره ولحد هسه الطف يرتلها
هايه العلا اجتافه النبي شايلها
خيط بشيلت امها .....يعادل الدنيا
الشاعر عبدالله الشويلي
غُمضت عينها ولا واحد السدها
ما ترحم الغربه وهيه وحدها
لا اولاد ضلت لا اخو عدها
وتمنت ابو فاضل يگعد بسدها
تتلفت شعدها .... كلها مذبوحه
.
.
.
.
اخت عباس بس عباس يوجعها
جنازه وضاله محد يشيعها
والسجاد وحده شلون يرفعها؟
يحشم والزلم مسدود مسمعها
العبيد شبيها شردت......لمن فزعها
.
.
.
.
چنها ام الحسن من ودعت سكته
منين انجيب فضه تنعى عالميته
ودره حيدر علي لو ما دره ابته
اثاري الماله والد موتته سكته
شعجب لأرض النجف....ما وصلت الونه
.
.
.
.
هاي الركضت بكربله محنيه
وعلويه تجيب اتضيع علويه
هاي الصاحوو الها حيل مسبيه
وصعدت عالهزل بجدام مجويه
الزلم والخيل والتل .... طرت الحره
.
.
.
.
الكواكب مالت وضل عدل محملها
التراب السحگته يسوه العرب كلها
جبيره ولحد هسه الطف يرتلها
هايه العلا اجتافه النبي شايلها
خيط بشيلت امها .....يعادل الدنيا
الشاعر عبدالله الشويلي
مشاهدة "لا تفكر بية | الرادود مصطفى الجعيفري | وفاة السيدة زينب عليها السلام" على YouTube
https://youtu.be/k6ZmuDiAKYQ
https://youtu.be/k6ZmuDiAKYQ
YouTube
لا تفكر بية | الرادود مصطفى الجعيفري | وفاة السيدة زينب عليها السلام
#شور شهادة موسى الكاظم ع
السلامُ على الغريب
يبن اللُجينِ والذاريات
بالكاظميه اصل الحياة
چتاله حزنه الما شم هواك
واليلگه سجنك يهوى الممات
هذا اني..... عبد گدامك
بالواني...... ابوس اجدامك
واطيوفي
تهيم بليلي تدور أحلامك
الناس التهوى غربه هيّه غربه ومن هويتك
موت وكلشي دمعه كلشي دمعه من لگيتك
ما ارتاح........ باب السجن بفكاري
هم مسجون..... والهم صبح خطاري
.
.
.
.
فگدك مصيبه يفوق الحداد
فوگ المدامع فوگ السواد
يشيلوني ميت كون بدموع
من يم عتبتك باب المراد
يشولنه ........ الجسد بجروحه
يغسلونه...... بدموعه ونوحه
وعيوني
على اهلي البعدوا تضل مفتوحه
ليش المثلك انته مثلك انته اسمه خنگه
نوح ومو فقط سم مو فقط سم موته حرگه
هاي الروح..... سابع جرح سابيها
وبيها جروح..... تأخذها وترد بيها
.
.
.
.
نبرة عزائك تشبه عزاء
ذاك المرمل في كربلاء
الغربه تكتل للعنده رأي
وچن جدك انت غربه وجفاء
كل عمرك..... كضه باللوعه
بنص عقلك.... خيم مطبوعه
بجفوفك
السلاسل تغفه وتضل موجوعه
نار وبيها لوعه بيها لوعه بنص جفونك
شوگ وكل مسيه كل مسيه يطفه لونك
والمتعوب...... الدنيا ليش تسجنه
والمصيوب..... روحه اعله موته تِدنه
.
.
.
.
يا شمعة الله الكلها دموع
الظلمه تكتل طول الشموع
وانت لسمارك يرخه الظلام
من فيّ جبهتك هب الطلوع
اعله متونك...... البلابل نامت
لعيونك ..... الزهور احتامت
يالسجنك
يصلي الطولك وصلاته دامت
ينوح وكلشي يسجد كلشي يسجد وي سجودك
الباب البيها شوغه بيها شوغه من قيودك
بنص الراس...... يفتر سؤال شعظمه
شبيها الناس........ تسجن گمر بالظلمه
.
.
.
.
بروحي مسافه تمطر ولاء
من الكاظميه لحد كربلاء
عالفطره احبك والحب شموخ
من اعكس حروفك تطلع وفاء
يم بابك...... الگلب خليته
بمصابك....... الدمع بديته
يالاسمك
ملح بجروحي اعشگت حنيته
أحزان وروحي اسمها روحي اسمها الرافضيه
جروح والمصيبه المصيبه تمشي بيه
تضيع الروح...... والگه بعزائك روحي
يا مجروح....... انت التداوي اجروحي
عبدالله الشويلي
السلامُ على الغريب
يبن اللُجينِ والذاريات
بالكاظميه اصل الحياة
چتاله حزنه الما شم هواك
واليلگه سجنك يهوى الممات
هذا اني..... عبد گدامك
بالواني...... ابوس اجدامك
واطيوفي
تهيم بليلي تدور أحلامك
الناس التهوى غربه هيّه غربه ومن هويتك
موت وكلشي دمعه كلشي دمعه من لگيتك
ما ارتاح........ باب السجن بفكاري
هم مسجون..... والهم صبح خطاري
.
.
.
.
فگدك مصيبه يفوق الحداد
فوگ المدامع فوگ السواد
يشيلوني ميت كون بدموع
من يم عتبتك باب المراد
يشولنه ........ الجسد بجروحه
يغسلونه...... بدموعه ونوحه
وعيوني
على اهلي البعدوا تضل مفتوحه
ليش المثلك انته مثلك انته اسمه خنگه
نوح ومو فقط سم مو فقط سم موته حرگه
هاي الروح..... سابع جرح سابيها
وبيها جروح..... تأخذها وترد بيها
.
.
.
.
نبرة عزائك تشبه عزاء
ذاك المرمل في كربلاء
الغربه تكتل للعنده رأي
وچن جدك انت غربه وجفاء
كل عمرك..... كضه باللوعه
بنص عقلك.... خيم مطبوعه
بجفوفك
السلاسل تغفه وتضل موجوعه
نار وبيها لوعه بيها لوعه بنص جفونك
شوگ وكل مسيه كل مسيه يطفه لونك
والمتعوب...... الدنيا ليش تسجنه
والمصيوب..... روحه اعله موته تِدنه
.
.
.
.
يا شمعة الله الكلها دموع
الظلمه تكتل طول الشموع
وانت لسمارك يرخه الظلام
من فيّ جبهتك هب الطلوع
اعله متونك...... البلابل نامت
لعيونك ..... الزهور احتامت
يالسجنك
يصلي الطولك وصلاته دامت
ينوح وكلشي يسجد كلشي يسجد وي سجودك
الباب البيها شوغه بيها شوغه من قيودك
بنص الراس...... يفتر سؤال شعظمه
شبيها الناس........ تسجن گمر بالظلمه
.
.
.
.
بروحي مسافه تمطر ولاء
من الكاظميه لحد كربلاء
عالفطره احبك والحب شموخ
من اعكس حروفك تطلع وفاء
يم بابك...... الگلب خليته
بمصابك....... الدمع بديته
يالاسمك
ملح بجروحي اعشگت حنيته
أحزان وروحي اسمها روحي اسمها الرافضيه
جروح والمصيبه المصيبه تمشي بيه
تضيع الروح...... والگه بعزائك روحي
يا مجروح....... انت التداوي اجروحي
عبدالله الشويلي
#خروج_الضعن_العليله
امنَ اباوعله يدير عيونه عني
أخذ كل البنات وما أخذني
وجهه يكلي اصعدي
السانه يكلي ردي
اجي اكباله بدمع ومناشغ وليش......ويدير الوجه ليه
اردانه امبلله ولو الزم اديه......يسحبها من اديه
أنه الدومي اطيح اكبال الحسين......مثل دمعت رقيه
جيب اللي يقنعه وحدي ما اروح .....الدار اهله الخليه
الجفه ما يصلح وجافوني الحنان
شوكفهم اعليه اهوايه نسوان
ولٓمٓن اجزي حدي
السانه يكلي ردي
.
.
.
بعد ما تطلع الحاء اويه الحروف.... بكثر ما كلت اسمه
بلكي يكول يلا امشي وياي .......افتر كمت يمه
وأنه كد ما عليله جف الحسين.......مابيه الزمه
وحطيت اعله متني الهادله احجاب.... عبدالله اويه هدمه
مِسحت ادموعي حد ما ثكلت الايد
كل ما اجر نفس جرحي وعلي يزيد
امنَ احط ايدي اعله خدي
السانه يكلي ردي
.
.
.
.
صعد مهره ومشه وبدموع الفراك.......... ضل وجه يديره
اختنكنا اثنينه وما ميزت دوم ......يا حسره جبيره
خيط من الضعن ما خله الحسين ......أخذ كل العشيره
صرت الفاكده العافوها الشيوخ.....عكب ما جنت اميره
انه الكوه اجر الرييتي الهاب
اركض ركض كل ما دكووو الباب
غَيره شنهي عندي
السانه يكلي ردي
.
.
.
.
يروحي افراك ابوي ايذبل الروح .......الموت اهون يروحي
شني معناهه أنام امنِ البچي اعليه......وتفززني جروحي
يبس دمعي وصرت اتفنن افنون.......بانيني وذاك نوحي
وكف دمي بشرايني وطحت ليش ......من كالولي روحي
ابو ميت وكفتي صارت ازماط
وشريان الدمع وسط الوجه ناط
لو شاهدني وحدي
السانه يكلي ردي
.
.
.
.
شنو حال التعيش بحضن الحسين....وفجأء تعيش غربه
راح وشوف عيني امنهد فركاه.......مزروع اعله دربه
بظلام الليل اشوفن ضهره مكسور.....ولازم بيده كلبه
واسمع صوت بذني بويه عطشان.....لمن ماي الله اشربه
اشاهد زلم فوك الكاع ميتين
بس لا ضعنه يرجع بس نساوين
ازمه وما تِعَدي
السانه يكلي ردي
الشاعر عبدالله الشويلي
امنَ اباوعله يدير عيونه عني
أخذ كل البنات وما أخذني
وجهه يكلي اصعدي
السانه يكلي ردي
اجي اكباله بدمع ومناشغ وليش......ويدير الوجه ليه
اردانه امبلله ولو الزم اديه......يسحبها من اديه
أنه الدومي اطيح اكبال الحسين......مثل دمعت رقيه
جيب اللي يقنعه وحدي ما اروح .....الدار اهله الخليه
الجفه ما يصلح وجافوني الحنان
شوكفهم اعليه اهوايه نسوان
ولٓمٓن اجزي حدي
السانه يكلي ردي
.
.
.
بعد ما تطلع الحاء اويه الحروف.... بكثر ما كلت اسمه
بلكي يكول يلا امشي وياي .......افتر كمت يمه
وأنه كد ما عليله جف الحسين.......مابيه الزمه
وحطيت اعله متني الهادله احجاب.... عبدالله اويه هدمه
مِسحت ادموعي حد ما ثكلت الايد
كل ما اجر نفس جرحي وعلي يزيد
امنَ احط ايدي اعله خدي
السانه يكلي ردي
.
.
.
.
صعد مهره ومشه وبدموع الفراك.......... ضل وجه يديره
اختنكنا اثنينه وما ميزت دوم ......يا حسره جبيره
خيط من الضعن ما خله الحسين ......أخذ كل العشيره
صرت الفاكده العافوها الشيوخ.....عكب ما جنت اميره
انه الكوه اجر الرييتي الهاب
اركض ركض كل ما دكووو الباب
غَيره شنهي عندي
السانه يكلي ردي
.
.
.
.
يروحي افراك ابوي ايذبل الروح .......الموت اهون يروحي
شني معناهه أنام امنِ البچي اعليه......وتفززني جروحي
يبس دمعي وصرت اتفنن افنون.......بانيني وذاك نوحي
وكف دمي بشرايني وطحت ليش ......من كالولي روحي
ابو ميت وكفتي صارت ازماط
وشريان الدمع وسط الوجه ناط
لو شاهدني وحدي
السانه يكلي ردي
.
.
.
.
شنو حال التعيش بحضن الحسين....وفجأء تعيش غربه
راح وشوف عيني امنهد فركاه.......مزروع اعله دربه
بظلام الليل اشوفن ضهره مكسور.....ولازم بيده كلبه
واسمع صوت بذني بويه عطشان.....لمن ماي الله اشربه
اشاهد زلم فوك الكاع ميتين
بس لا ضعنه يرجع بس نساوين
ازمه وما تِعَدي
السانه يكلي ردي
الشاعر عبدالله الشويلي
#ولادة_علي_الاكبر
قمر ليلى الأكبر منطق الحب لونه
قمر ليلى الأكبر يا جمال عيونه
قمر ليلى الاكبر زاهر ايسمونه
اجه الأكبر والابو متفائل
وهلا بنصفي الثاني كال الكافل
الثكال اتجيب للدنيا الثكال
گطع اگماطه يريد ايقاتل
بالصغر....طگ عرج ....بالزعل محلاته
منتظر .....كربله....اول احجايته
دخن رأسه...چنه الكافل
.
.
.
.
قمر ليلى الأكبر طِلبه من الزهره
قمر ليلى الأكبر شايل اجمل نظره
قمر ليلى الأكبر احلى من الگمره
اشرقت شمس الفرح عالساده
اجه للدنيا ختام القاده
بعالي صوتك صلي يالتسمع نداي
الما يصلي ما يحصل امراده
لم تضع ....بالارض .....حرمه مثل الأكبر
بالدرع ....نومته ....اسد والله وأكثر
ذاك گماطه ....بيده تگطع
.
.
.
.
قمر ليلى الأكبر علي شمحلات اسمه
قمر ليلى الأكبر امرايه وجه الامه
قمر ليلى الأكبر علينا يمطر همه
العرب ما جابت ولد بوصافه
بعلي الأكبر الله خله الطافه
حَلف الرمله بعلي تنگلب ماي
بعد ما ترمش عيونه الشافه
صَوِره ......خالِقه.........بأرق بأجمل صوره
بي شبه ....للنبي .....وطلع كله احروره
من گالو طف ....دخن كله
.
.
.
.
قمر ليلى الأكبر وقمر هاشم هوه
قمر ليلى الأكبر عزم زود ونخوه
قمر ليلى الأكبر منخلق مو توه
منخلق وي النبي وانواره
يعني ابو الدنيا البشر خطاره
ثكيل وتخف الأرض يم رجله
هو والعباس نفس الشاره
بالوصف .....للنبي .....وبالبطوله العمه
الملك .....نادته .... ياعلي بالخدمه
نام بجيده.....نهر الكوثر
ابو رضا عبدالله الشويلي
قمر ليلى الأكبر منطق الحب لونه
قمر ليلى الأكبر يا جمال عيونه
قمر ليلى الاكبر زاهر ايسمونه
اجه الأكبر والابو متفائل
وهلا بنصفي الثاني كال الكافل
الثكال اتجيب للدنيا الثكال
گطع اگماطه يريد ايقاتل
بالصغر....طگ عرج ....بالزعل محلاته
منتظر .....كربله....اول احجايته
دخن رأسه...چنه الكافل
.
.
.
.
قمر ليلى الأكبر طِلبه من الزهره
قمر ليلى الأكبر شايل اجمل نظره
قمر ليلى الأكبر احلى من الگمره
اشرقت شمس الفرح عالساده
اجه للدنيا ختام القاده
بعالي صوتك صلي يالتسمع نداي
الما يصلي ما يحصل امراده
لم تضع ....بالارض .....حرمه مثل الأكبر
بالدرع ....نومته ....اسد والله وأكثر
ذاك گماطه ....بيده تگطع
.
.
.
.
قمر ليلى الأكبر علي شمحلات اسمه
قمر ليلى الأكبر امرايه وجه الامه
قمر ليلى الأكبر علينا يمطر همه
العرب ما جابت ولد بوصافه
بعلي الأكبر الله خله الطافه
حَلف الرمله بعلي تنگلب ماي
بعد ما ترمش عيونه الشافه
صَوِره ......خالِقه.........بأرق بأجمل صوره
بي شبه ....للنبي .....وطلع كله احروره
من گالو طف ....دخن كله
.
.
.
.
قمر ليلى الأكبر وقمر هاشم هوه
قمر ليلى الأكبر عزم زود ونخوه
قمر ليلى الأكبر منخلق مو توه
منخلق وي النبي وانواره
يعني ابو الدنيا البشر خطاره
ثكيل وتخف الأرض يم رجله
هو والعباس نفس الشاره
بالوصف .....للنبي .....وبالبطوله العمه
الملك .....نادته .... ياعلي بالخدمه
نام بجيده.....نهر الكوثر
ابو رضا عبدالله الشويلي
مطبور راس الدين ويلاه
سافر علي بدمه إلى الله
سافر وخله الفقره للنوح
وعاف الحسن ينشاف مجروح
وحسين من الفرگه مذبوح
وزينب شلون شلون تنساه
هذ المبچي الزلم بالسيف
محد نظرله حتى بالطيف
مفتوح رأسه ألف يا حيف
ماينحمل يا ناس فرگاه
مقتول طاح الشخصه ما مال
وفرحت بقتله أشباه الرجال
الشال خيبر وسفه ينشال
بتابوت ..والدمعات وياه
انهدمت أركان الهدى اليوم
والدنيا لبست ثوب الهموم
معدوم صار الفرح معدوم
راح اويا حيدر وين نلگاه
اليوم ابو اتراب ايدفنه التراب
وللسمه يعله اصياح الاحباب
رمضان هذا يا حزن جاب ؟
يا جرح قاسي بينا خلاه
يا ناس حيدر علي من مات
اتيتمت حتى السماوات
والحزن عم كل المجرات
الما لا يرى هم گام ينعاه
الشاعر عبدالله الشويلي
سافر علي بدمه إلى الله
سافر وخله الفقره للنوح
وعاف الحسن ينشاف مجروح
وحسين من الفرگه مذبوح
وزينب شلون شلون تنساه
هذ المبچي الزلم بالسيف
محد نظرله حتى بالطيف
مفتوح رأسه ألف يا حيف
ماينحمل يا ناس فرگاه
مقتول طاح الشخصه ما مال
وفرحت بقتله أشباه الرجال
الشال خيبر وسفه ينشال
بتابوت ..والدمعات وياه
انهدمت أركان الهدى اليوم
والدنيا لبست ثوب الهموم
معدوم صار الفرح معدوم
راح اويا حيدر وين نلگاه
اليوم ابو اتراب ايدفنه التراب
وللسمه يعله اصياح الاحباب
رمضان هذا يا حزن جاب ؟
يا جرح قاسي بينا خلاه
يا ناس حيدر علي من مات
اتيتمت حتى السماوات
والحزن عم كل المجرات
الما لا يرى هم گام ينعاه
الشاعر عبدالله الشويلي