ربي اخرجني
شاهرا سيفي
من القبور

مئتزر چفني
والطم وابچي
من القبور

اطلع وصدري
للطم ضامي
من القبور

اطلع او انظر للمهدي بالبكاء
واول احجايه احجيها كربلاء
الا من ناصر ينشرها بالسماء
ويكتب الضامي ضل عاري بالعراء

اذا مو بالحياة
اخرج أمن الممات
شاهرا بيدي سيف
عازمٌ عالطغاة
.
.
.
.
المهدي لو ناده
قُتِل جدي
بكربلاء

كون اشگ كبري
رافعا جفي
بكربلاء

منِ اللحد انهض
وانكث اغباري
بكربلاء

عن يمنتي انظر ويساري والأمام
بلكت الزهره واتعرف عالإمام
شاهرا قلبي واتفگد بالوجوه
مو فقط سيفي وادموعي والغرام

درع گدامه صير
خادماً لا نصير
حقق امنيتي هاي
ربي انت القدير
.
.
.
.



الا يا أهل
عالم الدنيا
والسماء

سحقوا جدي
عَطشُوا جدي
والسماء

سُبيّت زينب
سُلِبت زينب
والسماء

مُتكئ جسمه اعله الكعبه بالدموع
دم على اخدوده من عيونه اعله الضلوع
ربي اسالنك بالهيمه والخيام
كون انه حاضر ياربي بالطلوع

وياه بدمعي اليسيل
رتبتي اول ذليل
عادي امسح سيوف
سَهِل المستحيل
.
.
.
.
قائم المهدي
وافترض اني
بلا قيام

ومروا اجنوده
وبالگبر جسمي
بلا قيام

عالم الجنه
ما يلم حزني
بلا قيام

ولو عدل انه اخرجني من الظلام
من ظلم نفسي واعمالي واللئام
قاتلا نفسي الاماره بالذنوب
ربي ساعدني وادرجني ويالامام

ساترا للعيوب
قاتلا للذنوب
نَعْم ربٍ روؤف
يا مطهرِ القلوب
.
.
.
.
إنما الحزنُ
خيمة العاشگ
للطفوف

المحترگ گلبه
تأخذه اجدامه
للطفوف

الما حضر مجلس
ما يشم ريحه
للطفوف

الجفه وي الطف ما يصلح ضل قريب
البعد دم دربك ضل عايش عالنحبيب
عينك اجبرها وبچيها عالامام
ويه محبوبك لتخلي اي حبيب

دمعك لكربلاء
دنيتك هالعزاء
والجرح لو صغير
ينفطم عالبكاء


الشاعر عبدالله الشويلي

#شور_السيدة_زينب

يا راحلين المن تخلوني
من البواچي خلصت عيوني
امنين اجيب الحيل للهزله
ومنين اجيبن حيل لمتوني

ابنادم ابگلبه تطش عازه
لو شاف خيل ادوس بعزازه
معقوله هاي الدنيا تنصفني
وخلت حسين بكربله اجنازه ؟


تهم روحي وحدها والخيل شيردها لو هجمت اعليه
لوعه تجر لوعه وازنود مگطوعه ومن امشي محنيه
مثل الخيم روحي وجت على اجروحي والدم وگف بيه
.
.
.
.
محروگ گلبي وروحي ملچومه
حسين منه انوخذت اهدومه
والگص اصبعه جابلي الهزله
وجه العرش ما ضلت ارسومه

أتلفت وبلكت يهد واحد
من الگه بالهيمه طفل شارد
الما شال عينه بوكت محضركم
يا خوتي صار اعله الضعن قائد


وازتني خياله واسهام جتاله من حشمت هاشم
ارماد بعيوني وصاروا يشوفوني بنص الكربله الوادم
يا اهلي هاي اني چم شمر بچاني بسوطه اجه الظالم
.
.
.
.
جا گلبي شيطيبهن جروحه
وحسين كلسا شعوطو روحه
اعمامته من الطعن فلوها
وارسوم صدره بخيل ممسوحه


الله الاحد وشبقى بيه
كلسا تطيح گبالي مچويه
تحترگ روحي وتشتعل بيه
علويه من تبچي اعله علويه


التل كسر ضهري راح ومشه خدري والنار لاحتني
بالامس علويه وهسه أنه مسبيه والناس لچمتني
فوگ الرمح گلبي كله هزل دربي وكلسا حبل عتني
.
.
.
.

بنص الشماته النوگ مشوها
وارماحكم بالسوگ هزوها
حتى العشائر من اجت لينا
نسوانهم من السبي أخذوها

اتلفت ومحد اجه علينا
والجاي والرايح يسب بينا
گمت ادعي عن لا تگعد الناگه
وسوط الشمر يرجع يوازينا


كل الضعن يعرج كل خطوه والله ارتج والناس مرتاحه
شوف العده شكد لح گلبي شكثر صيّح ما سمعوا اصياحه
شكد كبر نوحي وتألمت روحي عاشت عالانياحه
.
.
.
.
مكروده روحي والله مكروده
أيامها الگضتها بس سوده
شلعان گلبي من الصغر لسه
بحبل المصايب ليش مگيوده


الماتو اهله ينوخذ حگه
اليسبونه غربه يموت بالحرگه
حيهم الصاح ومحد يسمعه
بحافر الفرگه دنيته اتسحگه


واليرفع اجفوفه وما واحد ايشوفه من أهله واخوانه
لا يمسح ادموعه خي حضر اضلوعه للباب واحزانه
الروحه موجوعه لا يشعل اشموعه من تبهت ألوانه


الشاعر عبدالله الشويلي

جار رفع منهاج شهر محرم الحرام 👇

نسالكم الدعاء

اول كلمه اگولنها على الساني... حسين حسين
واول خطوه ابوي بدربه مشاني.... حسين حسين
حبيبي ومن عشگته هوايه علاني..... حسين حسين



يا محلى انتقائي..... لحسين انتمائي.... دمي كربلائي..... يعني اني نذر
بعين الحب نظرته..... ورتبني لحسرته.... الضيعني بحضرته... يلگاني شذر

عشگ ضاهر  على عيوني  مثل دمع الحزن
كتبت اسمه  على گلبي    لذا گلبي يون
بخت ساده  الگلب راده   بين اهلي واحن

منجم للمحبه واللطف اسمه... حسين حسين
دمعتي وبسمتي اخذها من رسمه..... حسين حسين
احبه وعالمه ضحكني بچاني..... حسين حسين
.
.
.
.
رتبني واحبه.... رباني اعله دربه.... بس هو اندبه...غيره ما ردت
شمعه بظلمه شفته.... بگلبي وعقلي عشته...للضايع وجدته.... اعليه اتعودت


جوارح روحي قَوااها على خدمت هَلَه
يسألوني شنو دينك واگلهم كربله
العمر يگضي فقط خدمه العمر فدوه اله

انه العبد الحسيني العاشگ اونيني.... حسين حسين
تسوه الدنيا عندي دمعه من عيني... حسين حسين
الشَغل بالي وحياتي حاشا ينساني..... حسين حسين
.
.
.
.
من اقصى المتاهه...... جيته بلا نفاهه..... وللزهره وسماهه... طشاني دمع
بُعده ما اطيقه.... بس هو حقيقه..... ما اترك طريقه....  أنزل، ارتفع

حريتي بسجن حبه تصدر بالگلُب
على كلمن بغض حبي اعلنت انه الحرُب
سواد اعيوني كون ابچي مع دمعي اليصُب

ما انامن اذا مو صورته گبالي.... حسين حسين
على بابه البخيت امعلگ آمالي..... حسين حسين
غيره بهل الأرض لا ما الي ثاني..... حسين حسين
.
.
.
.
واهس عمري هوه ....جرحي بذكره يقوه .....غالي ودونه شسوه ....عبده من الصغر

بذني عيوني شلته .....وبلهفه عشگته .....حسين اسمه وكتبته....بگلبي المنكسر

اول خطوه الي بعمري مشيت الكربله
واخر شهگه الي بعمري بثواب القافله
أنه الما عايش ايامي كتلني حرمله

بثواب الخيمه روحي والله محترگه ....حسين حسين
مثل رِيت العليله ريتي مختنگه .....حسين حسين
مثل جون بخدمته رتب الواني ....حسين حسين
.
.
.
.
والزهره الزجيه....ناذر كلشي بيه ....للضل دون أخيه ... للهم والعطش
الدنيا بدونه صحره ...كل لحظه اشكره ......وبدموعي انصره .. .ضل إبلا نعش

بثوابه عيوني اوزعها واضل بلا نظر
عيونه التعبت وذبلت تحط بيه قهر
لان حبيبت ابو سكينه عصرت الحب سهر


الشمس شرقت عَليه بفضله واحسانه ....حسين حسين
چنت انه وصرت بالخدمه هذا آنه .....حسين حسين
ألف شكرا اله محبوبي سواني .....حسين حسين






الشاعر عبدالله الشويلي

#استقبال_محرم

على استعداد   حواسي الخمسه ودمعات العين
على استعداد   محرم جاي وارد ابچي حسين

بالخِدمه محزم الگلب
مقَدِس كل دمعي اليصب


وقف للخِدامه ونذر عافيتي   حسين
الهوى المو حسيني نشاز بريتي  حسين
حرز رسمه ضاوي اعله حايط بيتي حسين
خِدَمته بدرايه وعلم وبنِيتي  حسين

اجه شهر الدمعات...... وانه محضر الرايات.... حسيناه
وسواد الثوب ايلوگ.... الي وگلبي محروگ.... حسيناه
البچه دمعه بعاشور..... انكتب اسمه وماجور.. حسيناه

مثل كل عام..... احضر روحي ورايات الشوگ
مثل كل عام..... اواسي الزهره بگلبي المحروگ

للضل نايم عالترب
مقَدِس كل دمعي اليصب
.
.
.
.
الكِنس بابه يعله ويحصل رِفعه  حسين
وقصر عد نبينا تصير الدمعه  حسين
الحِرس على القضيه تحرسه البضعه  حسين
اليون اعله ابنها انينه تسمعه  حسين


وحگ ضلع الزهراء..... حسيناً ما ننساه... حسيناه
اله بكلشي تذكار..... نحبه ازغار اكبار.... حسيناه
بخت يقبلني كون... عبد عد الميمون..... حسيناه

احبه اهواي.....شخص سواني من الخِدمه انسان
احبه اهواي..... صرت تذكار وچنت النسيان

وهي الخدمه اجمل حرب
مقَدِس كل دمعي اليصب
.
.
.
.

 امد جفي سائل واگله انطيني حسين
اريداً مدامع تكفي لعيني   حسين
  اسير واجيتك حزن غذيني حسين
  الى الخيمه اخذني دمع بَديني حسين


لَوَن مرني ذكراه..... حواسي تصيح الله..........حسيناه
أنه العبد المجنون..... واحب ذوله اليبچون.... حسيناه
صبي چنت ومجروح... ورضعت الحب والنوح.. حسيناه

سلامُ الله.... على كل مجلس لحسين يصير
سلام الله.... على اللطامه وأهل التطبير

من دونه مضيع الدرب
مقَدِس كل دمعي اليصب
.
.
.
.

وره العَشره ابدي احضر الرايه    حسين
وتحل الزياره واجي مشايه  حسين
واذبها بحرگتي عالمسانيه  حسين
بمنامي وصحوتي اسوي اقرايه  حسين


البدايه بسم الله..... المدد من الزهراه.... حسيناه
هديه هالخطوات..... الى راعي الثارات..... حسيناه
بكائي وي اليمشون..... اواسي الحره ام عون..... حسيناه


الدرب محلاه..... يخلصِ بسرعه رغم الايام
الدرب محلاه.... مصادر قوتي مابي آلااام

ما شايف شي بي صعب
مقَدِس كل دمعي اليصب
.
.
.
.
احلفه برضيعه يزيد أحزاني حسين
شغل حيزي كله وملك وجداني حسين
امير اعله گلبي وعلى ايماني حسين
اشكره لانه عليه بجاني حسين


أخذ بيدي المذبوح ....دوه جروحي المجروح ....حسيناه
شهيد الحب حسين ....احصل مثله وين.....حسيناه
حبيبي وفوگ الرأس ....احبه بكد عباس .....حسيناه


ذبيح الله .....اشكره اهوايه خلاني انعاه
ذبيح الله...وحق اضلوع أمه ما أنساه

بعاشوره الگه القرب
مقدس كل دمعي اليصب



الشاعر عبدالله الشويلي

#استقبال_محرم_او_ليلة_الخدمة_او_المشاية

يا ابو علي الله اليشهد
ارگاب الزلم  يمك تنمد

خطينا بدمنا احجايه
لو نلطم لو مشايه


العمر  نذر  بس للخدمه
انعرف  ترا  بدمعه الزلمه
الجرح  الك وانت تلچمه
بخيمه وماي

يبو  علي ومامش رجعه
العمر. وقف بس للدمعه
لَوَن  سمش  كل الوسعه
انت افياي

اتخدمك ارض وسمه  وفاطمه  محَزِمه  هالخدم
دمك رسم ملحمه   قائمه   بالضمه  وكلها دم

دمك ذبح  سيف الظالم
حگها تجن  بيك الوادم

للدنيا نوضح هايه
لو نلطم لو مشايه
.
.
.
.
وهب  طلب  رزقه من الله
ونزلت  اله  يبو عبد الله
وعلى الخيم  عباس صله
بحب وشوك

الخَدَم طلب عدها  الدمعه
لكي  تجي و ترضه البضعه
اضافه  الى  هاي الجَمعه
بدم محروگ


مجلسك خيمت شرف  وانعرف  وانوصف  بالستر
اسمك محطت عشگ  للصدگ  نحترگ   من يمر

خنگه الهوى  بدون عيونك
صرنا زلم  من ماعونك

سجلنا ويالوفايه
لو نلطم لو مشايه

.
.
.
.
الگلب  نِبض  دگ دمامه
اكو علم  مثل القامه
انرفع  يرف  بيد ازلامه
وياك وياك

سمه  الخَدم  حاء احروفك
الهوى  اختنك  يم اجفوفك
لذا  بقى   لسه يطوفك
وضل بحماك

فيّ عرب رسمك نزل  كله امل  ما رحل  من كسر
انت اجمل من النهر  والقمر   يابحر   بالقدَر

ديرت وفه  ابين عيونك
أحسبنا خدم  عد ميمونك

صح احنا وياك اهوايه
لو نلطم لو مشايه
.
.
.
.
المشي  اجه  وكلها تناصر
فَزِعنه  اله   فزعَت  عاشر
بخت  دوه  اتراب الزاير
نقدسه اهواي

التعب   حلو  وبي روحيه
يرد   فرد  نحضر ميه
يبو  علي   وروح ارقيه
الكل  مشاي

من كل مدينه نهب   يا عذب  لليحب   مو تعب
راحتنا نتعب الك  والهلك   نوصلك  يالذهب

تعب المشي   كلش يحله
خير وهلا  طول الرحله

ما توگع منا الرايه
لو نلطم لو مشايه

.
.
.
.
اجت  زلم  مثل العابس
عزم  همم  غيره  اتنافس
انطوه  الدرب  كله بواهس
هالخدام


واجت  نِسه  تواسي ضعونك
  البشر فده  لذيج عيونك
ولا  فرغ  ضل ماعونك
من العام

تارسنا زاد وهلا    لكربله   مدلله  هالخدم
بثوبك تغطي البرَد  بالشدد  يا احد  بالهمم

قوتنا من  جف الكافل
دمعه وعلم كلمن شايل

يالغالي وانت الغايه
لو نلطم لو مشايه










الشاعر عبدالله الشويلي

(ليلة العاشر /او الحادي العشر)
لسان حال الزهراء لولدها الحسين

شعدها الخيل وياك
داسن حتى الواك

يا يمه شعدهن ويجسمك
اطشرك وترد اتلمك



ركضن فوگك ركضت خايف ماهمهن گلبي
شالن منك مدري اشالن وراسك ضل مسبي
صحت  اعليهن بِعدن عنه لطشرن تعبي

صحت بقُوتي وما سمعني
وانت اتاشر وخرن عني
بالممشه يِرِجَن كاع الله
ليش بدم وجهك متنحي


تروح وترجع بيك
والشوك ايأذيك

بكل كاع الطف نثرن دمك
اطشرك واترد اتلمك
.
.
.
.
اوگع فوك الصحره التچوي كلما تمشي الخيل
ويوگع گلبي بين ضلوعي وگعَت دمعه بليل
محد حَس بيّه وگال امه داسن فوگك حيل

بثواب الله توزع جسمك
من شعرك يايمه لجدمك
بچفي جِبت الماي البارد
اشرب يالشالع گلب امك


عطشان الدلال
واشرب محد كال

ليش الوادم نهبت هِدمك
اطشرك وترد اتلمك
.
.
.
.
آثار الحافر بالوائك مو بس جسمك ذاك
كل ما تتوجع من عنده اتوجع وياك
منْ گد ما داس عله ضلوعك وي كاعك ساواك

ومن الدوس اتخرب لونك
ما جِبتك حتى يطشرونك
شيضل بگلبي يالغالي
وبگلبك حيل ايدوسونك


احجي بدمع العين
والكم هذا حسين

البطف والطف ايلجمك
اطشرك وترد تلمك
.
.
.
.
أصْطفن عشره بصف عشره وسَدَن وجه الگاع
أطشر عطرك من جاسنك ياعود النعناع
ومو بهداي الركضه بسرعه سَوَن بيك اوداع


للخيمه عشره يودنك
والعشره الإخره يرجعنك
فتحن ميدان اعله ارسومك
وتعبن من گد ما داسنك


طگ ضلعك والصوت
بنص الخيمه يفوت

والوادم من شافت حلمك
اطشرك واترد اتلمك
.
.
.
.
منِ الرملّه تسوي اوساده يا ابن الاحضان
مذبوح وضل يرجف جسمك من ركضت نسوان
والخيل الغارت عالنسوه هم فتحن ميدان

وانسحگت بالهيمه اطفالك
وردت داست فوگ اخيالك
تلم عيالك بنتي الطاحت
لو ياروحي تلم بوصالك


يمه ضلوعك وين
حاجيني يحسين

شبيها الخيل؟ الورده تشمك
اطشرك وترد تلمك


عبدالله الشويلي

#ليلة_ام_البنين_ع

الليله بالطيف  يا حيف  شفت خيل وزلم
دارت على حسين  ميتين  اهله بهل الحلم

                  وبس النساوين
                  محد للحسين

بالحلم سافرت ورحت يم الحسين وبيته
مهموم شفته عالمهر لازم بحرگه الحيته
للخيم من طب و طلع تنگط دمع خاجيته
عطشان واتراب الحرب لا ما يچلب ابريته

ما فكرت غاد  بولاد  فدوه الاربعه
لحسين وام عون مِن كون اطيح امگطعه


             من فدوه لبنين
              محد للحسين
            
.
.
.
.
بحرگه يقاتل بالزلم يطلب بثار إخوانه
كل ما يشد المعركه ما يثبت ابميدانه
يترك الساحه ومن بُعِد يتباوع النسوانه
وصلت الحاله أمنِ التعب مابي يحرك السانه

يفرك بالايدين   ميتين  اهله وصحبته
شما  صد للخيام واحتام   تِبيِّض لحيته

                  كسره اهله ميتين
.                  محد للحسين
.
.
.
التمت اعليه الخلگ شفته ينازع وحده
يا ناس بثناء الحرب وطاحت احجاره بخده
بس رفع وجه للسمه صاب المثلث جبده
وليه انوله بطف كربله  ومحد يجي ويسنده

فوگ المهر نام  وازلام  ترميه بحجر
ضل يضعف الصوت ويموت بحسين النظر

              كال الگمر وين
              محد للحسين
.
.
.
.
خضب بحرگه لحيته يا ناس من دم گلبه
طايح يدور اعله الخيم وكل اليفوت ايضربه
ومن خَرَب اجبينه الحجر اتمدد وتيهه دربه
ماكو مجال ايشم هوى ملتمه كلها بگربه

ايدور الهوى ادوار  چن نار  بعروگ الگلب
مابي يشيل ايد  ويريد  يندل الدرب

                وسفه على الزين
               محد للحسين


.
.
.
.
فجأه واجت حرمه أتعدي صعدت على التل گوه
صاحت يخوي الحگ الي وصار الاخو يتلوه
كام وعلى اسهامه وكع مو سهل صوت الخوه
الما يرمي برماحه عدل بجسم الحسين اتقوه


يجَر النَفس حيل   والخيل  اجت تركض اله
يحاول ولا گام  بسهام  يرميه حرمله
 
             ضل شابح العين
               محد للحسين
.
.
.
.
باوعِت زينب حايره عين اله وعين البيته
ودرت الوجه لحسين انه وجوه الخيول الگيته
من راحن اتقدم شمر گضه وعلي من الحيته
اتربع بصدره وحَضرِتي درت الوجه خليته

فجأه وشفت راس  ياناس مرفوع برمح
ما ركزت بيه  ادريه  حسين المنذبح

        ضل ينزف الدين
         محد للحسين

الشاعر عبدالله الشويلي

#ليلة_القاسم_ع
طلع شباب أمن الخيم وجهه مثل وجه الحسن
لمن نزل للمعركه الخيل بزلمها اترادمن

العرب كالت قديما ( أن من جد وجد)
(وزلم مو من زلم طلعت) (ولا شجاعه اويه العدد)
وكسرت القاعدة هاشم وكل اسد خلف اسد
والشجاعه عدها ثبتت والحرب طعم الشهد

وهذا الشي اثبت صاير
و اتوضح يوم العاشر
من هد جاسم بلثامه

عَصرَت رمله لهدومه
انعصرت بجفوفه الحومه
ماكو اليوگف كدامه

فحطت الخيل اويه الزلم وركضن لحد ما فرفحن
وجسام كل ما يلتفت الخيل بزلمها اترادمن
.
.
.
.
كل طفل كاروك عنده هذا موجود الطبع
عكس كل الناس رمله جانت اتنومه بدرع
وحجلته مهره زغيره وجفه ماخذ عالقلع
الضوء عنده السيف الأبيض يبچي من طاري الشمع

ابن الما خاسر سيفه
الينطي عيونه لضيفه
دگ صدره لعمه وگله

ما دورت اعله الراحه
اسمحلي اطبگ هالساحه
واسحل هالعسكر كله

شاف الحسن چبده انمرد بعيون الحسين البچن
ومن وافق العم عالحرب الخيل بزلمها اترادمن
.
.
.
.
الجاذبيه كلها تختل على المهره لو صعد
وجهه أبوه..صوته محمد يا جماله الماله حد
ما اجه بهل الدنيا واحد شما تعب يحلى بعد
ويشبه العباس لكن اليچهبه ما شرد

وطبها الاحلى امنِ الكوثر
وصفنت لرسومه العسكر
مِن الجندي للقائد

يذب سيفه الشاف عيونه
وييحير برسمه ولونه
ما نلگه بحربه الشارد

والما يصلي اعله النبي اعيونه يا ناس انعمن
شما طار شعره ويه الهوى الخيل بزلمها اترادمن
.
.
.
.
صاح أنه نجل ابو محمد بكيفي أخذ عالحرب
الحومه بيها اربع محاور والا من كلهن اطب
الساحه ورقه انتو كتابه وسيفي يشطبكم شطب
احنا گطاعت مناحر ماگطعنا أبدًا درب


طبها ودماها العسكر
وصار الشط بس لون احمر
يشمر خيل وخياله

زفه العركه ويا كيفه
طش روس الوادم سيفه
زلمه ومحد يدناله
الما تكدر اعليها الزلم يكدر عليها بكل زمن
من يگطع بروس الزلم الخيل بزلمها اترادمن

.
.
.
.
لان دگ صدره لعمه ما لبس جاسم درع
الشسْعِ البرجله يوادم اغلى من ذاك الجمع
انه ما شايف مقاتل مُتْرِب أوجه يشع
اليريده يصير حتما واليعارض ينقلع

مهره الطف وخَيّلها
وضل يهدها ويسحلها
رجفهم مثل السعفه

حسين انطه الضوء الاخضر
وضهر الميدان اتكسر
گلبه امجمر ما يطفه

ما يكتل القائد ابد الا الشوارب ينمحن
ومن فرض رايه اعله الزلم الخيل بزلمها اترادمن

الشاعر عبدالله الشويلي

#ليلة_العليلة

شما اختنگ بجفاك يا ابو اليمه
امشي لمكان اهدومك واشتمه

كمت ارسم أبالي الضعن
واصعد يبويه ويه المشن



خنجر هوى الديره صبح وبيته يبويه الريه
رحت وحياطين السلف طاحت احس اعليه
هاي انه ريشه والهوى ياخذني ويرد بيه
يحسين ما صارت ابو بالغربه عاف ابنيه


مزروعه عيني اعله الدرب مزروعه
ونست الفاگد صفنته ودموعه

ياريت ذني ما بچن
واصعد يبويه ويه المشن
.
.
.
.
عتگت ال (وينك ما ترد)بلساني يا ابو الغيره
هاي انه الصغيرت عمر وصرت بجفاك جبيره
يگولن وحيده بلا ابو ابنيات هاي الديره
ما طبگ يحسين الرمش وحيره تزتني لحيره

كلساعه اطلع والدموع بعيني
يا أبويه اكولن بلكت امتانيني

كون العمر مابي محن
واصعد يبويه ويه المشن

.
.
.
.
ياهيه مثلي بكل فرض توگع تشم باثارك
وتوگف تدك اعله الوجه من تسمع بخطارك
گد ما انوح بفرگتك ملاني سابع جارك
كل المدينه تنطفي وبگلبي تاكل نارك

مستعره نارك بالگلب مستعره
ذبلني فگدك يالمذبل الزهره

مو كلبي احس كلشي انسجن
واصعد يبويه ويه المشن

.
.
.
.
من گلتي انزلي من الضعن نزلِت دمعة عيني
اوجيتني من كل كتر وانت الچنت تطفيتي
يحسين ما صارت گبل تهضمني وتبچيني
بنص عالم الفرگه ضعت محد يجي يدليني

الموت مثل الفرح غاب وياكم
يالرحتوا مني بعد وين الگاكم

لو ما رحت ضل الوطن
واصعد يبويه ويه المشن

.
.
.
يالما بقى منك هدم يبقى الي تسلايه
عبدالله ما عفته الي السهم عنده اهوايه
من كتلي ردي تهالكت هالچلمه تذبح هايه
ومرات مو بس الهجر بنادم تكتله احجايه


رديت ازحف والطفل باوعلي
ومن دمعتك حسيت ما ترجعلي

ريت الخوات تگربن
واصعد يبويه ويه المشن

الشاعر عبدالله الشويلي

#ليلة_الانصار
في ليلة عاشوراء قال أبا عبد الله لجون مولى أبي ذر ع
(يا جون انت تبعتنا طلبا للعافية وها أنا ابرا ذمتك فأنت في حل مني )
فأجابه جون


أمشي .....المن وعيونك سوت مني انسان
امشي ......اليا شمس وفيّك فيّ عرش الرحمن


روحي ترخص گدامك
ابشر شد بيه احزامك



الشايف لون عيونك وماكل من ماعونك
شلون يعوفك وحدك ضامي ويتنفس من دونك

يمغزر بحساسي تارس گلبي وراسي
ما يرهم أي لون العينه الغذه عيونه بلونك

يمن صرت الدلاله الرحلتي وحبي
لبست اعله الصدر مو درعي لا گلبي


ذله ......يحسين الدنيا والحريه وياك
ذله ....وما يركع عبدك بس لله السواك

جون وخادم خِدامك
ابشر شد بيه احزامك

.
.
.
.

يمرويني الغيره ما توگع بالحيره
ويمك عبدك رهن اجفوفك. الجدمك رأسه يديره

جونك وابيض گلبه يرفض ذل الغربه
عزت نفسه تحت اجدامك يا سلطان الديره

جونك ويه ربعه باصم بدمه
فزعه الما فزع ما ينحسب زلمه

فزعه .....ويبين أصله اليفزعلك يحسين
فزعه ....مو مثل الوادم بصاملك مرتين

تشفى يحسين آلامك
ابشر شد بيه احزامك
.
.
.
.
يا سلطان واكبر أبدًا ما تتكرر
عطشانه عيونك يعيوني وتحت اجدامك كوثر

يالبس حائك عالم الله انطاك العالم
لو ترفع ايدك يسجدلك منا حد المحشر

اصل هاي الشمس فانوس بجفوفك
جبير وكعبة الله تعتني اطوفك

لوما ااا .....وجهك وعيونك يطفه بعيني الكون
لوما ااا ....معرفتك بيه جا قاسوني بلون

شكرا سوتني ايامك
ابشر شد بيه احزامك


.
.
.
.

ميت گلبي وشافك ضل ينبض لوصافك
وما شفت ابنادم بعيوني لمن شفت الطافك

يمسويني ابنادم بيدك مثل الخاتم
شفاكد يا مولاي الحبك وحصل شنهو العافك


المضيع الوفه خل يشتم اترابك
يحفظ ماي وجه اليوكف ابابك

ارجالك .....يحسين وتبشر يم رجليك تموت
ارجالك ...من دون عيونك يونس وسط الحوت

بصدري اتلگه اسهامك
أبشر شد بيه احزامك
.
.
.
.
اتنفس أنت اعليه بالجنه القدسيه
هاي الدنيا لابد تمضي وتروح بلا جيه

باجر انزل عالبر مثل الموت الاحمر
وجفوفي الگضتها تخدمك ميه اطگ ابميه

نار بصدري الا بموتتي تطفي
لطگ ضهر المنايا بسيفي البجفي

خلصت ....ونياله الثبَت موقف ويه حسين
خلصت ....ونياله الواحد لو ذكروه بزين

عايش تكتبني أقلامك
أبشر شد بيه احزامك

الشاعر عبدالله الشويلي

#لسان_حال_الرباب_ع

راح مثل الورد
تالي ميت يرد

ذَبَل اهل الخيم
من رجع كله دم

راح مثل الورد


طفل جنه احجاية العباس عمه
اشم عطر الزهره لَمَن اني اشمه
والله مو حلوه يجيني بفيض دمه
وهو ميت خفت لا حضنه ولچمه

قاسي گلبه السهم
كسر گلب الخيم

تِرس گلبي الألم
من رجع كله دم
.
.
.
.
الردته يذبحلي الحزن ذابحته نبله
اجتفت بدموعي لَمَن شفت شكله
شكد حلو ماي الله لكن ابني احله
الشايف ابنه منذبح بالدنيا شله

ما مصدگه الولد
ما يفتح بعد

حيلي كله نهدم
من رجع كله دم

.
.
.
.
ميت ويشبگني احسه من أَگربه
وعلى گلبي من اخَلَه يدگ گلبه
عالورق گمت ارسم الماي واشَربه
ما يفز ابني لَمَن بيدي اگلبه

ابني دم غَسِله
فرفحت كربله

يبس ريج الحرم
من رجع كله دم

.
.
.
.
التمت اعليه ثگيلات النوايب
انه مثل ام عون صرت ام المصايب
اعليه تلطم بالخيم كل الاطايب
حتى الحسين اعله ابنه صار شايب

كلشي لونه بهت
والحَرَم فرفحت

حِضَن نحره السهم
من رجع كله دم
.
.
.
.
شكد حنين ابني وأعرفه بيه مهتم
من صحت يمه شفت ثغره تبسم
حلو اوليدي رغم ما سَبحان بالدم
كلشي بيه يهل المروه تهدم

احترگ حتى المهد
وفرغ حضني وبرد

بينه محد سِلم
من رجع كله دم


الشاعر عبدالله الشويلي

طب عليها بهيئة علي طب عليها
شاره بيها خله الكمر شاره بيها

طبها من أربع محاور وصاحت الحومه هله
كلها شردت والشريعه شما گرب تگرب اله
بهيئة القاتل عربهم طالع ابهل المنزله
اليسطره بجف يمنته يذبه خارج كربله

اليلزمه يموته خزر اليلزمه
ماكو زلمه سل صارمه ماكو زلمه
.
.
.
.
رَكَب الخيل بزلمها ونادى ياحيدر مدد
الشرد خوفه يكتله شنهو حال الما شرد؟
منهم النازع هِدومه وعالنخل منهم صعد
كلها قوَّت جندي واحد وسيف ابو فاضل عدد

ايده تشمر خيل وزلم ايده تشمر
رايه تسطر فوگ المتن رايه تسطر


.
.
.
.
اختلت اعلوم الطبيعه والجهات الاربعه
وحده صارت يم حضرته وصفگتله المشرعه
هذا ابن الغيره كلها يعني طاهر مرضعه
بساعت المسو جربْته جفوفه ذبها مگطعه

من جبينه هذا الضوه من جبينه
حلوه عينه رغم السهم حلوه عينه

.
.
.
.
ساگي اهل بيت النبوه هذا ابو ازنود السمر
الضامي من ينظر جبهته يرتوي طول العمر
شارة الساده الجبيره والعلي يسطر سطر
من بريق عيونه حتماً صارت انجوم الضهر

خادم اخته ام الخدر خادم اخته
يا ضحكته چنها الحسن يا ضحكته
.
.
.
.
شاره كلفه خله بيهم چنه قتال العرب
من رفع ايده وخزهم مَدَو اگباله الرگب
وطش خبر وسط المعسكر موعد الساعه اقترب
كلشي يخضع لابو فاضل الهرب والما هرب

وحده حاضر فوگ النهر وحده حاضر
سوه ساتر من الزلم سوه ساتر
.
.
.
.
شَمَر الخيل اعله اختها والزلم فوگ الزلم
مدخل النار وجهنم ب آل اميه مزدحم
تچوي ريشاته الثجيله زلمه ابد ما ينلزم
سيفه ماخذ عالمعارك يطشر بكيفه ويلم

كله غيره ابا الفضل كله غيره
العشيره هو القمر للعشيره


الشاعر عبدالله الشويلي

#الليلة الأولى_أو_الثانية_للامام_الحسن_ع

اول آيات الكرار
بفضل احسانه كل الصار

اكرم واحد
واشجع زاهد




بعض الشواهد مؤلمه وو طبع الحقائق تنمل
عدنا الحسن زاد وطبخ ونحجيها لا ما نخجل
الكرم شي عادي ترا وعن العرب ماينحل
اخذ الحسن منطي ضعن وهالشي لازم يعقل


بفضل فكره شكو دمعه انبچت لحسين اخيه
اذا مو هَوَ ما نلطم ولا ننصب عزيه
السهام النامت ابنعشه ترا من الغاضريه

فشله انذكره بس بالزاد
وهو مقَدِم اخوه اولاد

شيخ وقائد
واشجع زاهد
.
.
.
.
حكام عصره من طغو جان الحسن ناصحهم
هُدنه ِعقد لا مو صلح المثله ميصالحهم
ناس استباحو دم علي وغامض صفه واضحهم
اعله حسين اخوه جفه لطم هل يعقل ايصافحهم؟


سياسي اول على العالم اطاح بحكم اميه
اذا شال الثرى بيده يصير من الثريه
اخذ هجي شخص عارف يقدم الغاضريه

لسه افكاره مدوخه الناس
وعالسيف امعلم عباس

نفس الوالد
واشجع زاهد
.
.
.
.
هذا ابن قتال العرب فذ بالشجاعه امعتبر
الما تنگدر الها بزمن عليها ابو محمد يگدر
ما ضارب بسيفه ابد الا كِبار العسكر
تلميذه عباس الشهم الطَلََع كلب للاشتر

علي الاكبر اخذ منه الشجاعه الهاشميه
واجه القاسم تعلمها وكسر ضهر الوطيه
زلم حتى الوگف ضدهم اخذ الهم تحيه

كامل وبكلشي اول صار
يغفى بنظراته المختار

وحيدر شاهد
واشجع واحد
.
.
.
.
عالم تقي زاهد ورع وبالحِسن محد مثله
اسمه لَوَن مر ابحر البحر يسكن كله
معنى الحياة بنظرته الماي ابحروفه اتعله
يم ضحكته يلين الصعب والكلفه تصبح سهله

ضحكته وعين ابو فاضل نسق واحد سويه
صِدر من شيب البراسه شعاع الجوهريه
ترا من عين ابو محمد اكتشفنا الجاذبيه


من شعره استخلاص الليل
ومن فييض احروفه التهليل

هو العابد
واشجع زاهد


.
.
.
.
لو نفترض شحص الحسن هالمعركه حاضرها
جا شال بيده الميمنه وعالميسره يشمرها
جا جَمََع. السبعين الف وعصر الهدم يعصرها
ومَطرت الغيم اعله الأرض روس الزلم مطرها

الجهات الاربعه كلها تصير اكباله وحده
وشرط يلمع وجه سيفه بركبهم من يحده
اليسطره بهيده بجفوفه وره الحومه يرده


كف اردانه يكف الماي
برايه الضده بلا رأي

ساقي وصامد
واشجع زاهد

الشاعر عبدالله الشويلي

#ليلة_العباس_ع_دمعة

يا ابو فاضل وين أديك
يا ابو فاضل ضمني ليك

گلي خويا ورد إليه يا گمرنا
عوف اديك وهاك اديه يا گمرنا


انچوه گلبي واجيتك .. ودم شفت تارس لحيتك.. خويا طحت اگبال اخيتك ..انووح
انت زودي وكافل اختي ...حافي أجيتك ياكسرتي ... شمتو وطاحت دمعتي ...انوح
انسكر ضهري ويه گلبي ...امنين ارد ضيعته دربي ...خويا منتظرتني حربي .....اشوف
خويا عينك لا تضمها .... انه أخيك عشت المها .....اعله خدك جاري دمها ...اشوف

يا ابو فاضل هايه عين
يا ابو فاضل هاية أدين

يلا خل نرجع سويه ياگمرنا
عوف اديك وهاك اديه ياگمرنا
.
.
.
.
جفوف اديك السالمتني .....من أجيتك عثرتني ....اعله وجهي طيحتني ....يخوي
علي ثاني انت اليه .....لا تروح الغاضريه ....تسلب ابنيتي رقيه ....يخوي
واگف بزودك يزودي ....بطيحتك يبسته عودي.....انت ماييَّ وانت جودي ....وهَواي
من دموعي ارد اشربك ....انت ابن امي أحسبك......أكثر من ابني احبك ....وهَواي

يا ابو فاضل يا ضماي
يا ابو فاضل انت ماي
سهم صدرك كون بيه يا گمرنا
عوف اديك وهاك اديه ياگمرنا
.
.
.
.
جنت من اعطش اشوفك....تركض وماي بجفوفك .....انت گتلي ما اعوفك .....اخوي
الماله اخو تكتله الصحاري .....حامل الواي وقراري .....بطيحتك بان انكساري ....اخوي
بالعمد راسك تهشم .....على عينك يابس الدم ....خويا اريد بصدرك اشتم .....واموت
كسرتي كلش جبيره ...اني فاگدلي عشيره ....روحي گبل اختي اسيره ...واموت

يا ابو فاضل من اطيح
يا ابو فاضل حيل أصيح

تلتم الوادم عليه ياگمرنا
عوف اديك وهاك اديه يا گمرنا
.
.
.
.
افترت الدنيا وعفتني .......والحمل مال اعله متني....موتتني موتتني ....وراك
سبعه واتلاثين عمرك.....وانت ما منطيني ضهرك ....خويا نومني اعله صدرك ...وراك
صاحت الوادم عليه ....مات أخيه مات أخيه .....حضرولي الاعوجيه ...وجيوش
انه هذا الكام يعثر ... الراح أخيه وراح الأكبر ....الوحده يحارب معسكر ....وجيوش

يا ابو فاضل وين اروح
يا ابو فاضل بس جروح
يچوي رمل الغاضريه يا گمرنا
عوف اديك وهاك اديه ياگمرنا
.
.
.
.
انه بعدك خويا ضايع ....وحدي عن اهلي ادافع .....ابقى انازع بالمصارع ....سليب
واحد ايجر مني خنصر .....واحد ابنحري يطبر ....واحد الخيماتي ينظر ....سليب
اواحد ايجير العمامه ......وبلهاتي يحط سهامه ..... اواحد ايصيح خيامه ....ضياع
يا ابو فاضل كلشي يوگع ....وزينب المحروسه تطلع ....تركض وبالخيل تدفع ....ضياع

يا ابو فاضل الزغار
يا ابو فاضل كلها نار

وتصرخ الزهره الزجيه يا گمرنا
عوف اديك وهاك اديه ياگمرنا

عبدالله الشويلي

مشاهدة "حزن روحي \ حسام العتابي  \ محرم الحرام 1445" على YouTube
https://youtu.be/deWOHJYeZ14