الدنيه من بعد عيناك ظلمه
ونهاري صار مثل اليل ظلمه
ردتك كون تبقى ويا ي
ظل ما
اريد الماي ردتك ظل عليه
*
ترتل بالكهف يحسين أيه
ودمك من نزل عالأرض ايه
راسك فوك راس الرمح ايه
يرتل عجب من افعال اميه
*
فوك التل وحيده بيوم ناديت
بس الصده ماكو معين ناديت
وانك حاضر الشدات ناديت
طاح ابنك يحماي الحميه


https://www.tg-me.com/AbbasMansourAlDaraji

ها يبعد امك
يااغلى امن النفس
عفيه ابني
اليوم علمهم درس
*
يالله ياجسام يبني عوف زفتك والعرس
كوم والبس ثوب حربك واخذ سيفك والترس
ادخل الميدان يبني اليوم علمهم درس
مثل سبع الكنطره
وبمراجل حيدره
كون يبن جيوش اميه ما يشمون النفس
***
كلها عونج ييمه وانا شبل من الحسن
صارمي بجفي ييمه الى اخلي الدم مزن
لجل عينج يالعزيزه اليوم اطحنهم طحن
يالله يمه هللي
وذكري بجدي علي
شنهو هذا الجيش يمه ال اهرسهم هرس
****
عفيه يبني هذا يومك كوم يبني ياحنين
هذا يبني حسين وحده وماكو اغلى من الحسين
كون ابوك اليوم حاضر تناصروه انتو الاثين
بيكم ارفع راسي
وافتخر يم ناسي
تحصدو روس ال اميه وتترسو الحومه ترس
*
دخل للميدان محرب بيده صمصامه الشهم
كام يهتف بالمعاره ما يهاب من الزلم
انا ابن الحسن انا والوصل يمي ندم
اله اصليكم جحيم
صارمي يصبكم حميم
والسلم من سيفي هذا اليوم اسحله بالفرس
*
رمله تتفاخر ببنها نزل. للحوه صكر
يصول بالميدان وحده يندم اليمه يمر
ساعه لان وسفه عليها بيه يفجعه الدهر
صارت الحنه خضاب
وطاحمرمي عالتراب
صارت الزفه شهاده وصار ميدانه عرس


https://www.tg-me.com/AbbasMansourAlDaraji

شيطول الليل. ولااشوف الخيل
تصعد عالصدر. ويضيع العمر شيطول الليل
شيطول الليل
*
اكضي ليلي وي عذابي والله صعبه. والله صعبه
شلون باجرلو يجني
بدار غربه. والله صعبه
لامعين يضل الي ولا احبه. والله صعبه
لليل واكضيه بسهر
تمضي ساعة قهر
خايفه يطر الفجر
شيغمض العين
انهد مني الحيل وبس دمعي يسيل
شيطول الليل
*
اتمنى لو هاليله امي اتكون يمي. والله صعبه
اتقاسم ويها المصايب اشكي همي. والله صعبه
ارد انام عالحضنه تزيل همي. والله صعبه
ابالي افكار اشكثر
صور اصعب من صور
امنين اجيبلي صبر والصبر منيين
انهد مني الحيل وبس دمعي يسيل
شيطول الليل
*
من اشوف اديار اخوتي تزهي اليه. والله صعبه
شلون لو باجر صفت وحشه وخليه. والله صعبه
من يواسيني ا بلوتي منهو اليه. والله صعبه
ساعه اصفن عالنهر
ساعه اسولف عالنحر
حايره وتاه الفكر
والفكر منيين
انهد مني الحيل. وبس دمعي يسيل
شيطول الليل
**
شلون باجر من يجيني وانا وحدي. والله صعبه
تحرك اخيمنا علينه ايتام عندي. والله صعبه
بس حريم بلا محامي يبقى عندي. والله صعبه
ما ادري اطفي النار
ما ادري اللم الازغار
جيش وعلينا غار
والمهرب ويين
انهد مني الحيل. والدمع يسيل
شيطول الليل
****
باجرعيون الشماته تصد عليه. والله صعبه
من يمروني بكفيل الجان اليه. والله صعبه
يمه يضربني وحبل مشدوده اديه والله صعبه
مادري انادي حسين
مدري ابجي عالجفين
مين اجيبن كافلي منين
واليكفل ويين
انهد مني الحيل. وبس دمعي يسيل
شيطول الليل

https://www.tg-me.com/AbbasMansourAlDaraji

سيروا عين الله ترعاكم
سيروا والزهره وياكم
سيروا امنين
لكعبه الحسين
سيروا سيروا
*
ياجنودالله هبوا جاء يوم الاربعين
فأسرعوا الخطوات سيرا
نحو مأوى العاشقين
دقت الساعات تعلن حشر عد قبر الحسين
كربلاء جنة عدن فأدخلوها امنين
ادخلوها بحنين
كعبتا للصالحين
سيروا. سيروا
***
ذا ابو فاضل ناشر رايتا بانتظار
وكفوف الخيرتهدكم صكوك الانتصار
وعلى تلها زينب تدعوا للطاف وزار
ربنا احفظ هذا الجمع كلا من صغار وكبار
كل من زار الحسين
بحفظ رب العالمين
سيروا. سيروا
*
هذي الزهراء تكتب في سجلات الهدايه
وعليا يختم الكفين في عهد الولايه
فهنيا كلمن زار الحسين عن درايه
يكسب الحسنا بالدنيا وفوزا بالنهايه
في صفوف المؤمنين
يحشر في الصالحين
سيروا. سيروا
*
سر هذا الكون في حب عليا
وموالات لابناء النبيا
فأجدوا السير تلقوا راية المهدي عليا
فأقيموها الى الحشر شعائر حسينيا
رغم انف الحاقدين
فسنبقى ساىريين
سيروا. سيروا
****
خدم نحن ولا ينفعنا غير الخدامه
وعلى اجباهناتوجد في الناس علامه
نفخر فيها على الخلق بساحات القيامه
ربنا جئنا ونحن عاشقين للامامه
ربنا زدنا يقين
بصفوف المؤمنين
سيروا. سيروا
*



https://www.tg-me.com/AbbasMansourAlDaraji

نعم يعتذر منك سيدي ومولاي. كل شعب العراقي الصافي النيه
لان بالواحد وتسعين نادى بصوت. ملينه البعث ونريد شيعيه
ملينه الحرب والجوع والتعذيب. وبروس البشر تحكم البعثيه
ثلث عقود مرت من حكم هدام . وعلى بيوت العرب تطفر الدوريه
لاهيبه لزلم لاستر للنسوان . لاحرمه للسيد لاالعلويه
نمشي للصلاة نتلفت من الخوف . ماخذنه الرعب جنه حراميه
لذا لذنه بعباتك سيدي ومولاي. لان بس عندك الكلفات مكضيه
وبعد نعتذر منك سيدي ومولاي. لانا بلاوعي جبنه الحراميه
غرانا الحجي وغشونه بالامال . وفرحنه هواي من كالو الحريه
كلمن بيت عنده وراتب ومرتاح . وحصه معدله تفرح الحجيه
ماجنه نظنهم هيج يامولاي . حتى من الطفل باكوا المميه
باكونا الظهر والحكم ثلث اثلاث . سنه وشيعه ومدلله الكرديه
نفطات الوطن ميراث للاحزاب . وابن الخايبه يخدم العفطيه
بخبر كان الزراعه والصناعه والبلد مفتوح . كلمن يشتهي يخمشله اشويه
خدمات البلد صارت امل مفقود . والتعين بس للعنده خرجيه
واللي يعترض يصرخ يصيح الغوث. كالوله انسبت مو دوله شيعيه
بري انت منهم سيدي ومولاي. يالحكمك عداله ميه بالميه
تبات اليل جايع والحجر مشدود . وعلى بيوت اليتامه اتدور ليليه
تدور عل الفقير تخاف ظل جوعان. ما بعت المناصب على الجوعيه
دوله بلافساد بلاظلم لاجور. مو دولة شلل من الحراميه
www.tg-me.com/AbbasMansourAlDaraji

سلاما عليك دماء الاباء * سفكتي على ارض من كربلاء

بك الدين يعرف معنى الوجود* ومنك سقي ر فعة واباء

فيا شعلة ضيئ فيها الحياة*** ويا عزة فيض منها السخاء

فلولاك ماكان معنى الوجود*** وماكان للدين يومأ ضياء
فطوبا لاضلع قد هشمت*** وطوبا لكفين هذا العطاء

وطوبا لراس اعلي الرماح*** من فيضهي علم الكبرياء

وطوبا لاجساد فوق الثرى*** وقد رسمت لوحة للفداء

ستبكيك اعين للمعشر* كما تبكي دوما اعلي السماء

وتلطم فوق الصدور اكف* حتى تسيل الصدور الدماء

وما ذاك يجزي ولو لوعة*** لزينب في الطف يوم السباء

ولانسوة شردت في الفلاة*** وقد احرق الموى كف البغاء

ولاحزن طفل على صدرك*** وقد ذبح ظاما دون ماء

ولاقطع كفين نوح جزى*** ولاسهم غدر اصاب السقاء

ولانجزي صدرك يوما حسين*** مهشم الاضلع بالاعوجاء

ستبكيك اجيال حتى الظهور*** مشتاقة الثار من كربلاء

بكفي امام هدى ثائر*** وقد عقد النصر فوق اللواء
www.tg-me.com/AbbasMansourAlDaraji

اذا تكتب قصيد تكول عباس**
لازم سنه تفكر تكتب العين
لانك بالقصيده توصف افعال**
وبالك لاتقصر يزعل حسين
لان حسين ينظر كلشي عباس**
لذا عباس يعني كلشي لحسين
نعم عباس يعني الجيش موجود**
وماكو هاشميه اطب دواويين
ولا عبدالله يعطش والنهر جود**
اذا ما طاوعه يسحب الجرفيين
ولا يجرء نذل يوصل للاخيام**
وفوك اطفال محتركه الصواويين
ولا زينب تروح بهزل للشام**
ولاخيل اعوجيه ادوس الحسين
لهذا انكسر ظهره بساعة الطاح**
وظل يمشي اليه بلايه عينين
ابدا ماعثر يم كل الاهوال**
لكن طاح لمن لزم جفين
لذا من تكتب العباس
احتاط ودور بالكتب واقرا الدوايين
واجمع كل شجر سويهن اقلام
وحبر دجله وفرات وبحر قزوين
ولاكن لاتلم النخل وياك**
لان جفيينه طاحن يم نخلتين

https://www.tg-me.com/AbbasMansourAlDaraji

تضحيتك يحسين* مشعل للاجيال
ضوت درب الحريه ومجدا للانسانيه ومشعل للاجيال   مشعل للاجيال
*1
يالتريد تنول مجدك اخذ من حسين غايه ضحه للاجل الدين كلشي وهو يعرف بالنهايه
ضوى من دم نحره نور الكل شهم اسس بدايه
حارب الطاغي وزمرته* وللعدل اسس ثورته
رايه سلم للبشر تنول من عده الهدايه
تتغذا الاجيال* من عده الافكار
بيه اجدد ثورته* وكل طاغي اتذل غايته
ورايات العز علته
مشعل للاجيال مشعل للاجيال
****1
لا تراجع لاتخاذل*. هذا درب حسين واضح ابعزم ثبت عقيده*. وبيهه كل طاغوت صارح
لاتخاف من المكايد** لاتذل يم المذابح ثبت عقيده بهمتك وبوجه ارفع رايتك تلكئ الجميع بخدمتك عن درايه وعن هدايه
كل طاغي يحير بامره** ويم ذاك يدور حفره
وبصوتك جدد ثوره
مشعل للاجيال مشعل للاجيال
*****
يالسرت درب ألمعالي وهل الفكر تاخذ عبرته
كل زمان يزيد تلكى وتلكى من يمه
زمرته
يريد يستعبد العالم. هذا كل همه وفكرته وهذا الزمن تلكى اشكثر
من هل النماذج تنذكر
منه متخفيه بستر**  ومنه تتبختر بصايه حارب كل طاغي وفكره
وللحشد عزز نصره
ولحسين اجدد ذكره
مشعل للاجيال مشعل للاجيال
****
ياشعب خل ايد بيد**. وصفي كلبك لا تعاند
كون من الحشد تاخذ** عبره وتحارب الفاسد
لا تخاف من ألمناصب لاتغرك هل الشهايد
ؤ كافي ياشعب المظالم** لاتغرك هالبهائم للي باكوك الدراهم** لازم تخلي نهايه
ايدي بيدك للنصره
وللباكك نكسر ظهره
انسويه للعالم عبره
ومشعل للاجيال**مشعل للاجيال

https://www.tg-me.com/AbbasMansourAlDaraji

اللهم صل على محمد وآل محمد

ميمر

ام الصبر.
تحجي بقهر
يحسين أخاف من الفجر
خاف العساكر والخيل وكت الفجر تولينه
###########
زينب تخلص اليل وي عبرتها
وشكد مصايب بالعمر عبرتها
بس ليلةالعاشر صعب عبرتها
تخاف الفجر
لمن يطر
تفقد اعز من العمر
الحسين واصحابه وياه و من السبي يوليها
###########
سبط النبي من حاجته صبرها
واعلى الشدايد والمحن صبرها
صبت دمع من شافته صبرها
بحسره والم.
تفكد زلم
. باجر تموت من الهضم
لوهجمت عليها الخيل وازلامها يجتلوها
############
كالت يبعد الروح هم تخبرني
عن صحبتك واهل العزم تخبرني
لجلك يضحوا ارواحهم تخبرني
كال بفخر
ما بالبشر
لو دوريتي للحشر
من مثل اصحابي اصحاب ارواحهم يفدوها
##########
سمعت اصحاب المرجله باللي دار
عافت خيمها والهمم تجدح نار
القائد حبيب وبيده سيفه البتار
نادا بعزم
شنهو الجيم
يا حره لتخافي هضم
وبعزتج هاي الكوم وكت الصبح نفنيها
########
نحو المخيم طلع فارس زعلان
من سمع اخته اغتاض فارس عدنان
ناداها زينب يختي شنهو  الجيمان
ورب السمه
وعز فاطمه
انهار اسويلج دمه
والكوفه اكلبه كون اسفلها العاليها
#########
صاحت هله وميه هله لكافلها
ادري يبو فاضل كفو وكافي لها
من زغرك وانت الذي كافلها
والله ونعم
يابو الشيم
من مثلك يصون الحرم
ولو باجر انريد الماي اجفوفك اضحيها
########
الشاعر : عباس منصور الدراجي
https://www.tg-me.com/AbbasMansourAlDaraji

باب النجاة جائتك تسعى حشود   من جميع الاقطار واوطانا
ساقها نحو كعبة الحب شوقا   فسعت دون راحتا وهوانا
ليس ذا مطمع لجنة خلود   انما الخلد فيك انت الجنانا
فكفى العاشقين فيك جنونا. فكذا العشق قد اجن زمانا
يامليك القلوب طوع رضاها. . فرأت في رضاك عنها امتنانا
عجزت كيف تجزيك شكرا.   فما لمثيل فضلك من قرانا
غاية الجود جدت في كربلائك .  فحفظت فيه الحياة والانسانا
قتلوك فكنت مثل نبيا.   ارسل الخير للورى طوفانا
ووهبت لنصرت الدين جندنا.     قدموا النحر للعلى قربانا
√ فلذا هبت الانام تسعى اليك.   كي ترد بعض الاحساني للاحسانا

https://www.tg-me.com/AbbasMansourAlDaraji

ياعين صبي دمع
خليني اطفي الشمع
راح الولد راح. راح الولد راح
*****
يمه رايدتك ذخر لسنين عمري
احسب الساعات والايام تدري
ما حسبت احساب بيه يخون دهري الغاضريه منين اجتني تالي عمري
زادتني اجراح
راح الولد راح راح الولد راح
****
يامه جنت اسهر ليالي لراحتك
مثل ورده اكبال عيني ياهناي بشوفتك اشبر بطولك يغالي يمته اشوفن زفتك شلون تبقى عيون عندي وما اشوفن صورتك
ضيعت الفراح
راح الولد راح. راح الولد راح
**
يامه قطيتك بدمعي اسهر ليالي
يا عمر من بعدك يضلي يغالي
ظلمه ايامي اصبحت والبيت خالي
حالي لاتسال بعد وشلون حالي
بس موتي اآرتاح
راح الولد راح. راح الولد راح
***
حضريت اشموعك انتظرك تجي
زفتك ما بين احبابي وهلي
ما حسبت احسب ما ترجع الي
حنتك صارت خضابك يلولي
ومبلس ارماح
راح الولد راح. راح الولد راح
**
. عيونك من الرمح يبني اصد  اليه
اتشوف حالي وانا مهضومه وسبيه
اصياطهم واحبالهم كصصت اديه
ريت يبني وياك تاخذني المنيه
من السبي ارتاح
راح الولد راح. . راح الولد راح
******
الشاعر : عباس منصور الدراجي
https://www.tg-me.com/AbbasMansourAlDaraji

عاشورك بدئ    ولله المشتكا
شلون بلا عزا  اعيشن يا حسين
اهل دمعي
ادك صدري
  اونن ياحسين.  اونن ياحسين
######
انا الكضيت عمري بخدمه الضامي
شلون بلا عزه تنحسب ايامي
الحسينيه دواء الجرحي الدامي
وايامي بخدمتك أغلى ايامي
بالخدمه اعيش
بالطمه اعيش
بالدمعه اعيش  
اونن ياحسين    اونن ياحسين
######
من يبدا محرم كل سنه اتحظر
البس للسواد والزم المنبر
شلون الخدمتك يحسين اتعذر
مأ اكدر اعيش ابلاها مااكدر
ومنين الصبر
ما يسوه العمر
يكتلني القهر
اونن ياحسين.   اونن ياحسين
######
لو ما صوت باسم يصدع ابعبره
والناعي ينوح ويبجي عالحره
شلون الماتمك يحسين ما احظره
ونا ادري كل عزه تحظرله الزهره
عيني اتصب دمه
اواسي  فاطمه
خدي الطمه
اونن  ياحسين. اونن ياحسين
######
صعبه من المجالس انحرم مولاي
ويحرمني الوباء وانت بين احشاي
و اه يزينب تعيش الحياة وياي
رجواي لمماتي ودنيتي رجواي
محبوبي حسين
بكلبي حسين
وي نبضي حسين
اونن ياحسين.  اونن ياحسين
######
تعلمني المجالس عبره والعبره
ومن فكرالحسين اخذ  الف فكره
الظالم مهما يظلم لازم احتقره
واشتاز الصراط وسهله العبره
ابديني التزم
وانكر للظلم
والمبدا يتم
اونن ياحسين. اونن ياحسين
######
الشاعر : عباس منصور الدراجي
https://www.tg-me.com/AbbasMansourAlDaraji

موت
انكطعت كل النفاس. موت
حومه ودخله العباس. موت
.  بيده اللواء. سد الهوى
جن غضب نازل عالناس
موت موت موت
*.
من راد  يدخل للحرب كال الاذن يا مولاي
ضاك النفس يابو علي والثار ارده بيمناي
كله علئ هونك يالنفل ياقائدي وراعي الواي
انجان لابد للحرب اطفال تطلب للماي
موت طب مغضب مرعب للناس
موت حومه ودخله  العباس
موت موت
×**
صارت زلم فوك الزلم  بالارض صارت هزه
جن صاعقه من السمه  خنكه وتراب وعجه
روس وزلم مطايره محد وكف يم حده
عزريل واكف مبتسم يعد ويتيه عده
موت  موعد حصد للارجاس
موت حومه ودخله العباس
موت موت
×***
حيد ودخل للمعركه تحير الناس اوصافه
سيفه ولوائه بيمنتة والجربه فوك اجتافه
حيدر وطب للمعركه كلمن يعرفه يخافه
الشافه هارب مرتعب ويخبر الماشافه
موت محد يمك ينقاس
موت حومه ودخله العباس
موت موت
***
اتحده وتعنه المشرعه ومن طبها طب لوحده
اربعه اللاف وكسر فنه الدنا وتحده
كرب الماي الشفته وبسرعه ذبه ورده
يا نفس متشوفي العذب وحسين يابس جبده
موت خافن زينب تنجاس
موت حومه ودخله العباس
موت موت
****
ضحه بيساره ويمنته كل همه يوصل جوده
مسرع توجه للخيم لسكينه يوفي اوعوده
لن سهم بالجربه كطع كل الامل يوفي اعهوده
شاف المنيه كربت لمن هوئ بعموده
موت خويه اباخر الانفاس
موت حومه ودخله العباس
موت موت موت


https://www.tg-me.com/AbbasMansourAlDaraji

اللهم صل ع محمد وال محمد

انتي زينب لوجذب
سالفه مريه غريبه
تعذبت وكت السلب
مريه مسبيه وذليله
وهمه بس نوح ونحب
لا والف لا موحقيقه
هذا مو واقع جذب
هذا تاريخ المزيف
زيفوه ولد الجلب
حتى لصترين زينب
زينب القادت ركب
زينب الصانت رساله
ووصلته الكل شعب
زينب الهزت اعروش
ودخلت بيه الرعب
زينب الحره الابيه
لما رجف منها كلب
زينب اربات الشجاعه
حيدر وطب للحرب
ماخذه من احسين صبره
وغيره من عباس شربتهه شرب
سالفه زينب تذلي
وانتي اربات الحرب
احسين من جابج يعرفج
انت وحدج من يكمله الدرب
يالكال زينب بجت كتله انا لا لا وعلي
لان الصبر فاطمه ومن الشجاعه علي
ودين الله بيها اكتمل يوم الطفوف وعلي
ولهذا سبط النبي جاباها وياه فخر
يدريه وكت الشدايد تزهو عز وفخر
وبيه الرساله تتم نصر وكرامه وفخر
هذي فخر فاطمه والدها حيدر علي

*****
الشاعر:عباس منصور الدراجي
https://www.tg-me.com/AbbasMansourAlDaraji

واويلاه. واويلاه ياسدي
****
اهتزت اركان السمه بهذا المصاب
يوم طاح ابن الصميده على التراب
صار دم الراس اله حنه وخضاب
وفوك صدره داست الخياله
واويلاه ياسيدي
***
وطاح عباس البطل عالمشرعه
الرايه طاحت والجفوف مكطعه
عظم الله اجرك يام الاربعه
ضل ثلث ايام محد شاله
واويلاه ياسيدي
*
وعلي الاكبر يشبه لخير البشر
من طلع لناس احله منالكمر
ساعد الله حسين ضل محني الظهر
الفاكد ابنه شلون يصبح حاله
واويلاه ياسيدي
*
وجاسم  العريس حلوه زفته
انبال الملبس ودمه حنته
كومي يا رملهَ وانظري حالته
انحنه ظهر حسين لمن شاله
واويلاه ياسدي
*
واه ينبله حرمله اسويتي
لكلب  ال المصطفى فطريتي
من نبيج ابد ما خجليتي
بلا ذنب كمتي تكتلي اطفاله
واويلاه ياسيدي
****
الخيم بطفاله حركوه
والفواطم بالحبل سحلوه
عتره المختار ما راعوه
واه يالسجاد تبجي الحاله
واويلاه ياسيدي
****
والامر من كل الامور القاهره
زينب الحره تروح ميسره
وتدخل الكوفه غريبه محريه
والنذل راداه تبجي كباله
واويلاه ياسيدي


https://www.tg-me.com/AbbasMansourAlDaraji

انا  العاشوراجاني ودمعتي عالخد
وكل يوم الحزن  بدياري يجدد؛
اميه تطلب بثار
كل يوم الهم افكار
نار بالخيم لليوم ما تخمد
**
عاشورك كرب نذكر العبرة
لمئاتمنا وحزنا تحظر الزهرة
تذكرنا بضلعها وتنحب بحسرة
مصاب حسين اصعب كل صعب امرة
خليهم يكرهون
وعلى حبك يقتلون
شما زادوا حقدهم احنه نتعند
×**
يعرفونا نحب حسين بالفطره
وغذونه اهلنه العشك للعتره
وسبيل اروحنا نهديه للزهره
ومومنا التعذر ما نذر عمره
كل هذا يعرفون
وحقدهم عامي العيون
ومفتيهم بقتل الشيعي يتعبد
*****
عاشورك ابد ما يوم ذكرى يكون
لن بكلوبنا يسعر الف كانون
مو بس عابس انجن كلنا بينا جنون
وبحسين بضمايرنا انتحد الكون
بحقدهم خل يموتون
شما رادوا يفجرون
بحب حسين حد الموت ما نرتد
***
مئاتمنا كثر ه والكلب متروس
وما ننسه الذبيح الخيل بيه ادوس
ولا حرك الخيم وارماح تحمل روس
ومن ذاك الصبر ياما حفظنه ادروس
صبرنا بحبك يهون
ولاجلك نعمي العيون
وما فاركنه لاجلك ملبس الاسود
****
كل عام اليجينه يكون اشد من عام
تفجير وقتل والأمراض فوك الام
سبايا وفاجعات ورمل وايتام
ننتظر الفرج ايام تلوئ ايام
المهدي يعدل الكون
رغم انف اليبغضون
ورايات العدل فوك البشر تمتد

https://www.tg-me.com/AbbasMansourAlDaraji

منك يراعي الدار.   هم توصل  النا اخبار
طفله وعليله  وتبقى ذليله
هم توصل النا اخبار
×*********
بويه لاتتركني وحدي   يابعد روحي وحياتي
من بعدكم ما اعيش وانتظر ساعه مماتي
بويه فدوه وياك اخذني   مثل عماتي وخواتي
تقتلني الغربه
افراك اليحب صعبه
لاخله لاصحبه
وفكري يضل محتار
هم توصل النا اخبار
****
تبتدي رحله عذابي.  من بعد عينك يغالي      عيشتي وحدي ذليله عكب كل عزي ودلالي
عاد لوعبد الله يبقى. يخفف افراك الغوالي
اتكلي السفركتال
وانتي عالهذا الحال
ارسلج المرسال
بس تنتهي الاسفار
هم توصل النا اخبار
****
سار ضعن الي احبهم  وكلشي راح وياهم
بس جسد ضليت وحدي  وروحي ما تنسهم
هم يعود الزمن بيهم  وافرح بملكاهم
عيني تضل عالدرب
حتى يردلي الاحب
ادعي الله يشفي الكلب
ويطفي منه النار
هم توصل الاخبار
***
صار صبحي مثل ليلي. اسودت بعيني الحياة
الدمع ما فارك اعيوني  وانا اعيش الذكريات
اهنانه عبدالله اهزه.  هنا كعت وياالبنات
بكل ركن من البيت
وياهم اسويت
ربي اشكثر  حنيت
لجمعة هلي بالدار
هم توصل النا اخبار
×***
الروح خلصت من جفاهم  منين اجيبلها صبر
لا وصل مرسال منهم. لا وصل منهم خبر
محيره وعيوني راحت و ذبل جسمي من القهر
ربي شيصبر الروح
كلبي ملوه اجروح
فيدي البجي والنوح
ما ادري باللي صار
هم توصل النا اخبار
*×*×*×***
تسله روحي بالاماني  من يمر طاريهم
اسودت الدنيه عليه.   من وصل ناعيهم
ضيع احلامي من اديه. وبعد وين الكيهم
كلشي من اديه راح
وندفنت الافراح
ياربي خلني ارتاح
واجمعني بالاخيار
هم توصل النا اخبار


https://www.tg-me.com/AbbasMansourAlDaraji

الام الام  هاي الدنيه الام
كل يوم انفجع بيها      ماتامن ليليها
هاي الدنيه الام
*
زينب انا جم مصيبه اللي شفتها
من زغر سني المصايب رافكتها
واول الاحزان من زغري عشتها
من ورا البسمار امي فاركتها
نيران نيران باب الزهره نيران
بالبيبان عصروهه
وفوك العصره ضربوهه
هاي الدنيه اللام
*
ومن بعد ذيج المصيبه
شفته ابوي الحيد صابر
مقيد بحكم الوصيه
رغم كان الامر قاهر
حيدر الما غمد سيفه
صار فوكه يحكم فاجر
العصه امر الله يؤمر
والامير يصير اخر
ميزان ميزان دنيه بلايه ميزان
قائدهم يئخرونه
والفاجر يقدمونه
هاي الدنيه الام
***
اه ياطبره علي العذبت حالي
بعد فكد الغاليه افكد الغالي
خيمتي راح من ايديه و كل دلالي
شلون لوباجر وحيده بلايه والي
احزان احزان كلبي انمله احزان
دنيه غدر ثاريها
كل  يوم انفجع بيها
هاي الدنيه اللام
**
وبعده ما فاركني همي الغدر صوب سهم ثاني
جبدابومحمد مكطع شوفه دولبني وعماني
والاشد عذب دليلي سهم نعشه الي رماني
ما يرحمون بغدرهم اه منك يزماني
بسهام بسهام صابوا نعشه بسهام
بحقدهم مايعوفونه
ومن جده يحرمونه
هاي الدنيه الام
**
واشد من كل المصايب مصيبةالعاشر محرم
خيل فوك حسين تسحك ونار تلهب بالمخيم
وشوفتي طيحه كفيلي الجان بيه الشمل يلتم
وطلعتي بين الغرب ونظرةالشمات تهظم
للموت للموت ماانساها للموت
يوم الشمر يولينا
وللفاجر يودينا
هاي الدنيه الام

https://www.tg-me.com/AbbasMansourAlDaraji