هاي زينب. هاي زينب

****
طالعه بنت النبي لارض الطفوف
بين اخوتها وتحف بيها السيوف
لا عدو الينظرها لا شامت يشوف
اخيالها وعباس يمشي وياها
****
سيده وبت سيده واخت الابطال
راسها شامخ واعلى من الجبال
مثل حيدر ما تزلزلها الاهوال
عاليه ورب العرش علاها
****
عاليه ولها المعالي تعتلي
تمثل الزهره ووالدها علي
قدمت قربان اصحاب وولي
هاك ربي كون بس ترضاها
*****
طبت الكوفه وكلبتها كلب
مثل ذو الفقار لو طب الحرب
هاي اخت احسين ماطبها الرعب
هدمت عرش الظلم وياها

**** ****
هدمت عرش الكفر ذلت رجال
بيها همة حيدره تهد الجبال
ربهه من خالقها اطاها خصال
وعالشجاعه تربت من اصباها
***
هيه ثوره تحدت ازلام الكفر
وحققت وكفتها للثوره نصر
العالم لهل اليوم بيها يفتخر
هاي زينب للعرف معناها
*
الشاعر :عباس منصور الدراجي

https://www.tg-me.com/AbbasMansourAlDaraji

انا العباس انه ابو النوماس انه
انا بلميدان واحد. مالي ثاني
****
نسخه من كرار
غضب على الاشرار
الروس تطاير بجفي
وقوه ايماني
***
غضب من سجيل
على اصحاب الفيل
زلزليت الكاع بيهم
فنه الي يتاني
**
سيفي البتار
صب عليهم نار
ايه للرحمن نزلت
بارض عدواني
****
خلهم يشوفون
ابد ما ينسون
الثبت منهم تجندل
والهرب فاني
******
نصرتي للدين
فخر ويه حسين
والله لجله نروح فدوه
انا واخواني
*****
نبقى للاجيال
صولتي تنكال
ابقى خالد هاذا اسمي
وهذا عنواني
*****
الشاعر : عباس منصور الدراجي

https://www.tg-me.com/AbbasMansourAlDaraji

انا الوحدي ظليت
طفله وساكنه البيت
عافوني عليله ليش وحدي ومااخذوني
دمعه وحسره وفراك
اه ولوعه واشواك
خافن من يروحوا مايعودوا ويذكروني

*************
يابويه ليش الوحدي أظل
ترضاه من بعدك اذل
لتكول بعد و ما احتمل أخذوني أسرج الخيل

عبد الله يمشي وأخوتي
واخواتي تمشي وعمتي
ويبقالي همي ولوعتي صعبه علي اكضي الليل

ليلي أكضيه بسهر
أرسم اصور وصور
هلبت بصوره يحضر. غالي ويسليني الليل

يكتلني بعدكم
ما أصبر بعدكم
ادعو الله يردكم وفراككم هد الحيل
عذبتوا الكلب
دمعي بس يصب
خافن من يروحوا مايعودوا ويذكروني

***************
شمعه من بيتي انطفت
ظلمه دنياي اصبحت
وحدي بالغربه اصبحت ياهواليجي يصبرالروح

دمعتي الوحدي جرت
ناره بخدي اثرت
روحي حيره اتحيرت. شيداوي كلبي المجروح

ذبل عيوني السهر
ما بقى لي ذكر
الى نسمات العطر بمجانهم ظل يفوح

صعبه الليل وحدي
ماظل غالي عندي
بس ايدي عالخدي ليلي صفه نوح بنوح
محتاره بزماني
ولامرسال اجاني
خافن من يروحوا مايعودوا ويذكروني

**************
صعبه عاليفكد محب
مناطر وفكره بتعب
تبقه عينه عالدرب. حسباله احبابه تعود

صوره يرسم بالفكر
جن إله الغايب حظر
يفرح وينشر عطر. وبدربه يطش ورود

لحظه اصحه من الحلم
روحي يعصرها الالم
بصحوه انا مو وهم. محبوبي ما جنه يعود

لحظه لحظه ويالحزن
همي يطحني طحن
حيطان صارتلي سجن والوحده صارتلي قيود
عذبني الهجر
ما ظلي صبر
خافن من يروحوا مايعودوا ويذكروني

*************
منتظره لن ناعي انتشر
والمسمعي طش الخبر
ركضيت ما تحمل بشر. كلي هلج ميعودون

عبد الله مكطوع النحر
وعباس طاح عالنهر
والاكبر مكطع وثر. والاجر كله عالحسين

وزينب الماالها ظل
ركبوها عالهزل
بمتونها حز الحبل. لازم عليها تونين

ياربي شمصيبه
محب يفقد حبيبه
يا موتي شيجبه. كوني اروح وي حسين
لطميت علخدي
ما ظل والي عندي
خافن من يروحوا مايعودوا ويذكروني

*************
ضيعت روحي الامل
بكربله حلمي انقتل
عمري ضاع وي الاهل.ومنهو البحالي يرحمون

ظليت وحدي بحيرتي
محد ينشف دمعتي
والجانوا سلوى دنيتي. راحوا وبعد ميعودون

شكد عجيبه دنيتي
ما ترضه تنشف دمعتي
تفجعني دوم باخوتي. حقه اذا طفى اعيون.

شأصبر ياصبر
خاناني الدهر
خل يكضي العمر. والراحوا لا ميرجعون
شلي بدنيتي
من بعد اخوتي
خافن من يروحوا ما يعودوا ويذكروني

********
الشاعر :عباس منصور الدراجي

https://www.tg-me.com/AbbasMansourAlDaraji

ميمر
.
.
هز العلم
بزود وعزم
لمن سمع اخته الشهم
كلها يزينب عيناج هاي
الزلم افنيهه
******
غاض وتشايط غيض من ساعته
شنهو الزلم يابت علي ساعته
شوفي المراجل والفعل ساعته
النا الفخر مو للبشر
الى اسويلج حشر
وهاي العساكر والخيل لقدامج اسحل بيهه
******
سل صارمه وكض رايته وهزاهه
جادام زينب من زعل هزاهه
من صوته اركان الارض هزاهه
لاتزعلي. يابت علي
لعينج يخويه ادللي
الكوفه اسويه انهار من دمهم وارويهه
*******
هذا العهدمن الزغر عاهدته
وعالكفاله الوالدي عاهدته
زينب تضل بحمايتي عاهدته
هذا الوفه. لام الوفه
لتكولي زينب خايفه
باجر لاجل عينج كون رقبه وكفوف افديهه
******
بدرهه الوفيه عالوفه ربتنه
وعلى الشجاع والشيم ربتنه
ما خفن يوم الموت من ربتنه
الها الفضل بهاي الخصل
ارواح نطي ولا نذل
خدرج يضل سالم دوم والراس ماطخينه
*******
لو شافهه وهي تصب دمعته
بين العدى وأداري بدمعته
خاف الشماته ينظروا دمعته
بسوط الشمر ضرب ونهر
وتنادي ياحامي الخدر
وينك يابو فاضل كوم شوف أختك وإحميهه
****
الشاعر: عباس منصور الدراجي

https://www.tg-me.com/AbbasMansourAlDaraji

سيف العداله يوصل رساله
حي الله هالمرسال
يثبت عقيده من دم وريده
حي الله هالمرسال
******
مسلم كفو منه شهم
السيف بيده يبتسم
من حيدره ماخذ عزم
ما يهتم بعد وزلم
تاريخه يرويله البساله
نال اليريده من دم وريده
حي الله هالمرسال
*
ظل سيفه يمطرهم دمه
هز الارض من صارمه
والحره خلفه تحشمه
اقدم يراعي الموزمه
وبحيدر تذكره و نزاله
ينزل رعيده. من دم وريده
حي الله هالمرسال
*******
صال وتفاخر بالحرب
وظل صارمه يكص الركب
سواهم اكوام وحطب
علمهم فنون الحرب
ياوسفه سهم القدرناله
حارب وحيده. من دم وريده
حي الله هالمرسال
*****
فوك القصر لمن صعد
وجهه لبن عمه كصد
ياخويه خانوك الوعد
لا ذمه عدهم لاعهد
امة غدر كلهم نذاله
كتلك تريده. من دم وريده
حي الله هالمرسال
*******
لحسين مرساله وصل
لمن سمع صوته زعل
وعيونه بالمدمع تهل
ياوسفه مسلم ينكتل
ومن غربته يبعث رساله
يوصي بحميده. من دم وريده
حي الله هالمرسال
******
الشاعر :عباس منصور الدراجي

https://www.tg-me.com/AbbasMansourAlDaraji

خويه ليش. تعوفني وحدي وتروح
خويه ليش. تفتح ابواب الجروح
يابو فاضل. يابوفاضل

***********
خايفه انا من السبي. وانته بعيد
خايفه تطيح العبي. وانته بعيد
خايفه امشي وي اجنبي. ونته بعيد
يلجنتلي انته هيبه
هم تعوف اختك غريبه
خويه ليش خويه ليش
لا تخليني وتروح. وتفتح ابواب الجروح
ياابوفاضل. ياابوفاضل

*********
عاهدتني انته الكفيل. لا لتنسى
وضي الي بوحشة الليل. لالتنسى
حملي تعدل لو يميل. لا لتنسى
مااضن تنسى العهد
ولا ولا همك بعد
خويه ليش. خويه ليش
لاتخليني وتروح. وتفتح ابواب الجروح
ياابوفضل. يابوفضل

***********
تدري ظل حسين وحده. ليش تقبل
ينادي ماكو معين عنده. ليش تقبل
توسد التربان خده. ليش تقبل
شفته والسهم البصدره
ومن شمر حزاله نحره
خويه ليش. خويه ليش
لانخليني وتروح. وتفتح ابواب الجروح
ياابوفاضل. ياابوفاضل

********
خويه من حركوا خيمنه. انته وين
واضربونه وشتموا امنه. انته وين
وخيلهم داست زلمنه. انته واين
لا تكول على النهر
خويه هذا مو عذر
خويه ليش. خويه ليش
لا تخليني وتروح. وتفتح ابواب الجروح
يابوفاضل. ياابو فاضل

*********
خويه امشي انا سبيه. لامتقبل
وخولي طك سكنه ورقيه. لا متقبل
ووحدي أطب ديوان اميه. لا متقبل
ادري مكطوع الجفوف
ومااضن اختك تعوف
خويه ليش. خويه ليش
لاتخليني وتروح. وتفتح ابواب الجروح
ياابوفاضل. ياابوفاضل

********
الشاعر :عباس منصور الدراجي

https://www.tg-me.com/AbbasMansourAlDaraji

دمعة عينك. لطمت صدرك
كل حسره تذبها على حسين
صكك بيدك الزهره تريدك
نسجل اسمك ويا الباجين

********
فاطمه تدور بكل عزه
تنضر وجوه الوارده
والراد اسمه تقيده
يحضر مصابه على حسين
الطم صدر. عيش الامر
تلكه اسمك ويا الناجين

********
احضر بسم خادم عبد
بس جدد وياها العهد
لحسين لا تنسه ابد
كلنه بطريقه ماشين
ابدو الحزن. تنوح وتون
اتسدد قسم من الدين

******
اذكر مصابه وانوجع
ودوس الخيول عالضلع
والسبي مربيه بجزع
وطك راسك عالجفين
روح النظر. عيش بقهر
احي الشعائر والدين

*******
لو جابوا الماي انتظر
واذكر كلب يسعر جمر
والطايح بصف النهر
وعالجربه راحن جفين
جر عبرتك. صب دمعتك
فاطمه اجزي الباجين

*******
لو شفت نيران انكسر
واذكر خيم صارت جمر
واطفال بالبأدى تفر
شك ثوبك وصيح حسين
ون واحترك. وازعل صدك
تذخر إلك يوم الدين

******
شيعي انته افخر باللقب
ونمي الولاء البالكلب
وبهمك يذل الصعب
واعشق عشق المجانين
دوس الصعب. والدربه حب
اتصف ويه حمزه وياسي

*******
الشاعر :عباس منصور الدراجي

https://www.tg-me.com/AbbasMansourAlDaraji

اه من جور الدهر
بكربله شفت بقهر
منظر يفطر الصخر
لربي اشكي. لربي اشكي

******
لا تلوموني بدمعتي. عالشفته بكربله
تحير عقول المشاهد
والجرى للعايله
ناس لاذمه و ضمير
وبالحقد متحامله
حشود من جيوش اميه
بالنذله مزمله
احقادعدهم من بدر
حرموا حتى النهر
منظر يفطر الصخر.
لربي اشكي. لربي اشكي
******
كربله أم المصايب.
خلت بكلبي علل
هوال بيها الي شفتها
شيبت حتى الطفل
شفت عماتي وخواتي
ركبوهن عالهزل
وبعد هيبتنه وفخرنا
صرنه ننجر بحبل
من تولونا زجر
كلي اصبر ياصبر
كلبي من عندي انفطر
منظر يفجر الصخر
لربي اشكي. لربي اشكي
*****
شاهدت منظر اخوتي
موسدين عالترب
هذا الاكبر هذا جاسم
وقتل عبدالله صعب
وعمي من كطعوا جفوفه
موقف يطر القلب
ووالدي شفته موذر
حتى دللالي انشعب
والاشد منها وامر
بيدي حفريت الكبر
وبيدي لميته وذر
منظر يفجر الصخر
لربي اشكي. لربي اشكي
******
اه كم موقف الشفته
وصور افجع من صور
قتل ابوي بعني شفة
وخيل تداست عالصدر
وفوكنه حركوا اخيمنه
وعتمي عالخد تنسطر
نسوه واطفال بوادي
بهيمه ما عدهم ستر
متون من الطك حمر
وبيد كفار الامر
منظر يفجر الصخر
لربي اشكي. لربي اشكي
******
من كربله للشام نمشي
وراس ابوي عالرمح
وكل مكان اللي ندخله
نلكى اعراس وفرح
ومن يصيحون الخوارج
احس كلبي ينجرح
هذا يشتم ذاك يضرب
وراس الحسين انجرح
شلون دمعي ما يجر
وانا كلبي منفطر
عالشفته من القهر
منظر يفجر الصخر
لربي اشكي. لربي اشكي
********
الشاعر :عباس منصور الدراجي

https://www.tg-me.com/AbbasMansourAlDaraji

حسين. حسين. حسين
ياحسين
******
من البصره نسير الدرب حافين
نواسي الزهره وحسين وخواته
قوافل عشك تتعناك يحسين
كلمن جايب أولاده وبناته
تمشيلك عشق عشق المجانين
كلمن شال فوك الجف حياته
شرايه الرضاك ونصره للدين
ميهمنا عداوه ولاشماته
وعالارواح ماشين
فدوه نروح لحسين
***
خدامك تسير وتلكه خدام
كلمن جاي والخدمه امنياته
هذا اليكنس وذاك اليصب جاي
وشايب صارت الخدمه حياته
مواكب تلكه بيه أزغار واكبار
يوم الطف تعيد وذكرياته
كله تصيح خدام احنه يحسين
ويفخر لو خدمتك من
صفاته
فخر النا العناوين
فدوه انروح لحسين
*****
بركان السواد يثور بالكاع
من الفاو والزاخو امتداده
نسير بخدمتك لو زرعوا
الغام
بدرب حسين يامحله الشهادة
قلوب الذوباه الحب تجي ليك
صبح عده القتل والموت عاده
زهير وعابس وجون اليسرون
وحبيب تولى رايات القياده
حبك مالي إقلوب الملاين
وكل عام اليجي تلكه الزياده
معشوك الملاين
فدوه انروح لحسين
******
مواكب تفخر بخدمه الزوار
لان الخدمه معناها السعاده
تصيح بصوت واحد الله حيك
يزاير هذا ميعاد العباده
ملوك وساده واشراف اليخدمون
تعرف خدمتك تعني السياده
ليهمه مناصب لا عناوين
تاج الخدمه يطيه السعاده
سفينه حبك تضم المحبين
وعونه النال من عدهه مراده
ناجين المحبين
فدوه نروح لحسين
*******
كل خطوه بالف نمشيه لحسين
الله يبارك بمشي الزياره
وييانا يسير المهدي كدام
ويلطم عالصدر يبجي بحراره
رايات النصر تمشيله صفين
ترفرف طالبه لحسين ثاره
لحد يوم الظهور اتظل مسيرات
بلهف وشوك تبقى بنتظاره
لحد ماتنتقم من كل الارجاس
وتعلك روسهم فق المناره
عهد من المحبين
فدوه نروح لحسين
*******
الشاعر :عباس منصور الدراجي
https://www.tg-me.com/AbbasMansourAlDaraji

امد ايدي اعلبابك والقصائد دوم
من كثر الحيا عالباب تتعثر

تخاف من الجهل تعجز توصفك زين
لانك من بحور الشعر كله اكبر

يالكلك صفات محيره الناس
واشما راد واصف يوصف اتحير

شيوصفلك علم والعلم بيك يحير
لأنك يم نبي مختار جنت المدرسه تحضر

يوصفلك كرم وانته التدور بيوت
فقره وظهرك من الحمل متفطر

يوصفلك شجاعه والجميع اشهود
بس الي هرب من صارمك يفخر

يالمتيه عقول الخلق انس وجان
الغلة بحبك كفر واليبغضك يكفر

حيرت الشمس تنظر لوكت اغروب
لاجن ما تغيب وللامر تنطر

شلون يوصفك عاجز وانت الكون
شما رايد يوصف يلكه انت اكبر

بس النبي يعرف كل صفاتك زين
والي خالقك سبحانه من صور

https://www.tg-me.com/AbbasMansourAlDaraji

الك ماتم حزن كل يوم منصاب
ودمع عيني عليكم دمه منصاب
بسهم كلبي على الخوان منصا ب
بعدكم ضاكت الوسعه عليه
****
الشماته اسهامهم بالكلب صابوا
وحقد بدر وحنين عليك صابوا
وحك راسك الي بالحجر صابوا
اضل ابجيك كل صبح ومسيه

دم النحر
دوس الصدر
صارن منابر للفكر
يحسين وحنه بكل عام راياتك انعليه
،،،،،،،،،،،،,,,,,,،،،،،،،،،،،
تبقه شعائرنا عمر تجدد والفاطمه انطينا عهد يجدد
النا منابر بالحزن تجدد
هذا الامر
طول العمر
ماننسه مكطوع النحر
وبخدمتك يالمذوح ارواحنا نفديه
*
هاي الشعائر و اللطم منعوفه
وحسين حد حز النحر منعوفه
وتاريخ شاهد مأتمك منعوفه
هذا عهد
يبقى ابد
دم منحرك ما جف بعد
نبقه نظحيله ارواح لحد
مايجي مهديه
*
دمك عقيده النا ويشع بنواره
وفوك الخلائق ينتشر بنواره
من راد عزه يهتدي بنواره
أنت فكر
غذه البشر
منك تعلمنه النصر
ولراد مرضات الله لو بالنفس يشريه
*د
دين الله من منحرك شع بنوره
يخالقك رب العرش من نوره
اهداك تسع انوار تضوي بنوره
هذا الاجر
نلته بفخر
غربان من اجل البشر
قدمت نفسك و اصحاب والخالقك تهديه
*
اطيت كلشي من اجلنه شنجزي
يحسين نفدي ارواحنه ومنجازي
رب العرش خالقنه حتى انجازي
نعشق نحب
نمشي الدرب
بابك نشمه من نطب والحضرتك من نشتاق جنة عدن نلكيه
**


https://www.tg-me.com/AbbasMansourAlDaraji