#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل

نعي للعقيله زينب عليها السلام في الاربعين

زينب أجتك من سبيهه
اگعد يبو السجاد ليهه
يحسين شوف الصار بيهه
سوط العده ورم اديهه
يحسين گوم اسمع حچيهه
نوح وهضم يبقه حديهه
من بعد فرگاكم عليهه
بلوعات والهم ياوليهه
..................................
عباس أجيتك شوف حالي
من بعد كل عزي ودلالي
ياخويه هضمتني الليالي
بس الدمع بعدك صفالي
من اليسر مشدوه بالي
و الكفر ما يرحم يغالي
من عگب عينك يكفالي
ظليت احامي عن عيالي
..................................
خادمكم مالك السعيدي

https://www.tg-me.com/AL_Nay_and_Alrthaa

قصيدة مقدمة مجلس للخدام


خـادم منبـرك يحسيـن سجـلني
امشّي عليك امك فاطمه اقبلني


اقبلني بخدمتك سيدي يحسين
تهيّـأت لخـدمتـك ياامــام الدين
ملابس سود حضّرت ودموع العين
عليـك بداعـة امـك لا تفشّـلنـي


شهر عاشور اجاني وحضّرت روحي
انوح ابمجلسك ما ينگطع نوحي
جروحك ياحسين احسبهن جروحي
دعيت الله بخدمتك دوم يجعلني


دعيت الله اظل بمجلسك خادم
يحسيـن واوزّع مـــاي للـوادم
مو دايم عمرنه يروح مو دايم
وخاف ذنوبي عن مسعاك تخذلني


تخذلني الذنوب وخايف اتأخّر
اريد اگضي حياتي بخدمة المنبر
وكون بكل عزاء ابمحلسك احضر
حبي لمجلسك يحسين يحملني


دخيلك سيــدي وفقّنـي ليليّه
اجي واحضر وشارك بالحسينيه
صفّيت لخدمتك سيدي النيّــه
وي باقي الخدم يحسين تشملني


گبل لا موتي يحضر رايد اُمنيتي
اصبح خادمك وتفاخر بصيتي
تربيتي بخدمتك آنه تربيتي
دنيه وآخره يحسين تكفلني

خادم الإمام الحسين عليه السلام
سيد زيد الفحام

https://www.tg-me.com/AL_Nay_and_Alrthaa

#نعي

لتكول خويه شبيج مابيج
ولتكلي  ياهوه المبجيج
الشام وادمهم يشتمون
محد يكلي الله يجويج

راوني  خويه  اشاكل والوان
يفرون بينه وحنه  نسوان
وكل ما نكول لحكنه يحسين
يگولون خليناه عريان

عطاب  كلبي نترس عطاب
لمن حدوني خويه الاجناب
كالولي مده الجرح ويطيب
وسوك جرحه اخضر وماطاب

مجبوره اسولفلك البيه
من ياوكت اختك سبيه
والله زمن من عكب عباس
كالو على زينب خطيه

قاسم الغزالي

#اللهم_عجل_لوليك_الفرج

https://www.tg-me.com/AL_Nay_and_Alrthaa

قصائد مقدمة المجلس
#رقم_237

في رثاء #الإمام_علي_الرضا (عليه السلام)
الشيخ علي منصور المرهون (ت ١٤٣١ هـ)

1_ للهِ خَطبٌ على الإسلامِ قد وَقَعَا
فَأَحزَنَ الـمُصطَفى مَن للهُدى شَرَعَا

2_ وأَصبَحَت فاطِمُ الزَّهراءُ ثاكلةً
عَبرَى تَحِنُّ ومِنها الدَّمعُ قد هَمَعَا

3_ والمُرتَضى وَبَنُوهُ في شَجىً وأسىً
يَبكُونَ حَيثُ الرِّضا للسُّمِّ قد جَرَعَا

4_ وا فَجعَةَ الدِّينِ مِن بَعدِ ابنِ فاطمةٍ
لا زالَ يَبكي عليهِ مُذ قَضَى جَزَعَا

5_ رُزءٌ بهِ عَرصاتُ العِلمِ نَادبةٌ
للهِ مِن حَادثٍ للدينِ قَد صَدَعَا

6_ دَسُّوا لهُ السُّمَّ في الرُّمانِ في العِنَبِ الـ
مَسمُومِ حتَّى غَدت أحشاؤُه قِطَعَا

7_ لَهفي عَلى ابنِ رسولِ اللهِ مُضطَهدًا
بينَ اللِّئامِ وَعَنْ حَقٍّ لَهُ مُنِعَا

8_ قَضَى غَريبًا فَيَاللهِ مِن خَطَرٍ
عَلى الهُدى حَلَّ والعَليا اكتسَت هَلَعَا

9_ والـكَائناتُ غَدت تَنعَى وَنُدبَتُها
يـا عُروةً فُصِمَتْ للدِينِ فانصَدَعَا

10_ هَدَّت مُصيبتُهُ الأكوانَ قاطِبةً
وَعُطِّلَ الشَّرعُ والإيمانُ قد فُجِعَا

11_ فَضَجَّ مَن في السَّما والأرضِ يَومَ قَضَى
مُقطَّعَ القَلبِ مِن سُمٍّ لهُ نُقِعَا

**

الشعر الدارج لأحد الشعراء :

يويلي الرضا مات ابخراسان
او گلـب الجواد التهب نيران
او من عينه فاض الدمع غدران
ايـنادي تـعالوا يـال عدنان
غـسلوا او شيعوا عالي الشان
لا يـضل مثل المات عطشان
واعـله الـثره مذبوح عريان
وابـنه عـلي الـسجاد وجعان
او گلبه التهب من نار الأحزان

مراثي الأطهار عليهم السلام


https://www.tg-me.com/AL_Nay_and_Alrthaa

نعي للأمام الرضا عليه السلام


ابو محمد يون ونه خفيه
مسموم وافته المنيه
واخته عليه ننصب عزيه

•───✧◐🕊🌻🕊◐✧───•

مسموم واهله ابعاد عنه
ومعصومه اجت تجذب الونه
يومك يبو محمد وجعنه

•───✧◐🕊🌻🕊◐✧───•

عاش بغرب ويموت مسموم
اويلاه على امصابك يمظلوم
سمعت الخبر هاليوم ميشوم

•───✧◐🕊🌻🕊◐✧───•

معصومه ونت تالي اليل
تريد الولي والمدمع يسيل
انا بعازتك يالماخذ الحيل

•───✧◐🕊🌻🕊◐✧───•

ضيعت دربي من اجيتك
مسموم وتون خويه لكيتك
مظلم صبح ياخوي بيتك

•───✧◐🕊🌻🕊◐✧───•

بعيد الدرب وتعطليت
مشتاكه اشوفنك واجيت
على اعزيز كلبي سيريت

•───✧◐🕊🌻🕊◐✧───•

محله الأخو يتلكه اخته
يسر الكلب لو شاهدته
مسموم معصومه لكته

•───✧◐🕊🌻🕊◐✧───•


بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/AL_Nay_and_Alrthaa

#جديد

نعي للأمام الرضا حال مولاتي فاطمة

ابوذيه ….

كلبي لطوس متعني ويمرها
روحي اعله الرضا زايد يمرها
كلمن معتني لمشهد يمرها
لاينسه الرضا بذيچ المسيه

•───✧◐◐✧───•

اتعنو للرضا وابچو لمصابه
واتذكرو أيامه وعــذابــه
شال العزيز وساد بابـه

•───✧◐◐✧───•

انا اليوم اجر ونه اعله ونه
على ابني العزيز البي محنه
عالشال اريد اكطع الضنه

•───✧◐◐✧───•

مجروح كلبي بهل الرزيه
ونيت اله بونـه شجيـه
غريب ويعالج بالمنيه

•───✧◐◐✧───•

بديرة غرب والحال تعبان
أحا على المات بخراسان
ونو عليه بكلب حزنان

•───✧◐◐✧───•

اتكابل ســوه اوياكم بالونين
وابچي على اولادي الشياهين
ونه اعله الرضا ونه على حسين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة

https://www.tg-me.com/AL_Nay_and_Alrthaa

#قصائد_في_خدمة_الخطباء
#شهادة_الإمام_الرضا(ع) (على رواية)

قصيدة عمودية تعبر عن اشتياق العاشق إلى زيارة مولاه...

مَن لي إذا اشْتَدَّ الحنينُ بِمُهجَتي
و قضيتُ ليلي ساهرًا في غُربتي!

مَن لي إذا ما اشْتاقَ قلبيَ و اكتَوى
و أنا الغريقُ كمُقْلتيَّ بدمعتي!

من لي إذا عيني رأت لك قبةً
-يا سيّدي- مرسومةً في صورةِ!

و ذكرتُ يوم وقفتُ عندكَ زائرًا
أتلو السَّلام و لستُ أنسى نظرتي

قالوا ستُمنعُ عن زيارةِ مَشهدٍ
فتعوَّذَت روحي و زادت لوعتي

يا سيدي أنت العطوفُ فها يدي
خُذها و أدركها و أدرك صرختي

تشتاقُ روحي للضريحِ و عطرهِ
و لوقفةٍ و لركعةٍ في الحضرةِ

و كذا جبيني.. كم يحنُّ لسجدةٍ
في الباب، يا أكرِم بها من سجدةِ!

فارأف على قلبٍ حزينٍ متعبٍ
فيهِ تسعَّرَ شوقُهُ كالجمرةِ

و اءذن بأن ألقاكَ في عجلٍ عسى
يُطفي اللقاءُ لظى الحنينِ و حسرتي


فاطمة رزق

#عظم_الله_أجوركم
https://www.tg-me.com/AL_Nay_and_Alrthaa

*نعي للاربعين ((من ديوان 📗 عبرات وأنين في رثاء الطاهرين الجزء الخامس))*
تگول زينب:
❥━──➸➽❥❂❥━──➸➽❥❂
دخلت المگبره وبگلبي أعتاب
ووجوه الاحبهم حدرالتراب
  صحت ابصوت يمهم ماكواجواب
❥━──➸➽❥❂❥━──➸➽❥❂
خويه ليش عفتونه ومشيتو
وشنهو الزعلاكم  وبعديتو
و بيه ابد  ماحسبيتو
❥━──➸➽❥❂❥━──➸➽❥❂
عفت اختك حزينه بضيم وتنوح
ما بطلت مناحه اعليك هالروح
وگلبي على فركاك  مجروح
❥━──➸➽❥❂❥━──➸➽❥❂
انه تمنيت الگبر يحسين بي باب
ادخل واشوف اوجوه الاحباب
وجرحك بالگلب خزن ولاطاب
❥━──➸➽❥❂❥━──➸➽❥❂
اتعثر اجيت بهدوة الليل
وعله فراگم جر ونه العليل
ذاكركم ودمعه عالخد ايسيل
❥━──➸➽❥❂❥━──➸➽❥❂
مشيتو وين خويه اليانويه
وعله ادروبكم عيني ربيه 
فلت الخوه  وهاي هيه
❥━──➸➽❥❂❥━──➸➽❥❂و
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://www.tg-me.com/AL_Nay_and_Alrthaa

نعي للاربعين#

كلمات✍//خادمة يعسوب الدين ام ذو الفقار إلمانيا [اسراء اللامي]
❀❥❃❥❀━┅┄ ┈┉━❀❥❃❥❀

وصلنه لمكبرة وذولاك اهلنه
على گبوركم ياخوي طحنه
نصيح بصوت اه يهل المحنه
❀❥❃❥❀━┅┄ ┈┉━❀❥❃❥❀


للمكبره هاليوم اجينه
تعبانين وامتربه عبيينه
وين اليجي ويمسح بچينه
❀❥❃❥❀━┅┄ ┈┉━❀❥❃❥❀

كعديت يم کبرك واونن
گلولي يخويه وين اروحن
وببيوتكم ماريد اظلن
❀❥❃❥❀━┅┄ ┈┉━❀❥❃❥❀


المن ضاله بيتك يوالي
وراح اليگل للولد خالي
اليوم اربعينك شوف حالي
❀❥❃❥❀━┅┄ ┈┉━❀❥❃❥❀

هاليوم اربعينك گوم وياي
ونرد لبيتنه وتسكت ابچاي
من فرگاك ولله امهدهده اعضاي

❀❥❃❥❀━┅┄ ┈┉━❀❥❃❥❀

صار اربعين وجيت ازورك
مشتاگه يخويه لذاك طولك
يخويه دگلي شوكت نومك
❀❥❃❥❀━┅┄ ┈┉━❀❥❃❥❀

نوم المگبره يغير ارسومك
من اشتاگ اركض عالهدومك
وماينحمل ياخويه يومك


❀❥❃❥❀━┅┄ ┈┉━❀❥❃❥❀

شمحله الاخو لو مربخيته
ولو عالوا عليها حشمته
محله الاخو ومحله فزعته
❀❥❃❥❀━┅┄ ┈┉━❀❥❃❥❀

هيبه الولي وللعوزه ردناه
لوعالوا علينه احنه كصدناه
شال الحنين ووين نلگاه

❀❥❃❥❀━┅┄ ┈┉━❀❥❃❥❀

ضعينه الحنين اليمر بينه
بعد للبيت چامنهو يجينه
حنين ويطيب يسئل علينه


❀❥❃❥❀━┅┄ ┈┉━❀❥❃❥❀
❀❥❃❥❀━┅┄ ┈┉━❀❥❃❥❀
تمت بعون الله وتوفيقه🧿✍

غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه

🕊🌟اهدي عملي هذا الى صاحب العصر والزمان عجل الله فرجه صدقه جاريه لسلامته🕊🌟

https://www.tg-me.com/AL_Nay_and_Alrthaa

حديث ونعي عن الاربعين

انا لله وانا اليه راجعون وسيعلم الذين ظلموا آل بيت محمد اي منقلب ينقلبون والعاقبة للمتقين...


لما بلغوا عيال الامام الحسين سلام الله عليهم  أرض كربلاء نزلوا في موضع مصرعه وجدوا جابر بن عبد الله مع جماعة من بني هاشم وغيرهم، وقد وردوا إلى زيارة الحسين(ع) فتلاقوا في وقت واحد، وأخذوا بالبكاء والنحيب واللطم، وأقاموا العزاء الى مدة ثلاث أيام

وقال البعض لما وصلت زينب عليها السلام الى كربلاء نزلت من على ظهر ناقتها وهي تحمل تحت ردائها شيئا لا نعلمه حتى وصلت إلى قبر الحسين فأخرجته واذا هو رأس أخيها الحسين عليه السلام


اجيتك وجبت الراس بيدي
مشتاگه اشوفك ياعضيدي
اگعد وگلي شبيچ هيدي


اگعد وگلي لاتونين
حيلي خلص وانهدم يحسين
اجيتك يخويه امن الدواوين


اجيتك يخويه امن المجالس
حيلي انهدم والگلب يابس
خلينه نتسامر بواهس


خلينه نتسامر شويه
اگعدلي احلفك بالزچيه
ايست منك هاي هيه


ايست من شفتك يمظلوم
نايم وماتگعد امن النوم
رديت راسك ينگط ادموم


ونادت آ حسيناه،وآ اماماه،واجتمع إلى أهل البيت نساء اهل السواد، فخرجت زينب (ع) في الجمع ، ونادت بصوت حزين يقرح القلوب: وا أخاه وا حسيناه، وا حبيب رسول الله، آه ثم آه.
قيل: وأجالت زينب بطرفها يميناً وشمالاً فقيل لها: لعلك تريدين شيئاً؟ فقالت: قوموا بنا الى قبر أبي الفضل العباس فجاء بها الإمام زين العابدين حتى أوقفها على قبر أبي الفضل العباس وهو باكي العين قائلا: عمه هذا قبر أخيك أبي الفضل رمت بنفسها على القبر منادية: وا أخاه وا عباساه


عباس خويه اتصيح وينك
رديت ادور عن يمينك
وبدموعي اداوي اصواب عينك


بدموعي اداويلك اصوابك
ماتگعد وتنفض اترابك
ماينحمل يكتل غيابك


اغيابك يخال ابني كتلني
اگعد وخل انطيك متني
وشوف المصايب گاضيتني


ثم قصدت كل واحدة إلى قبر فقيدها، فرمله عند ولدها القاسم وليلى عند قبر ولدها علي الأكبر.
وأما زينب فكانت تقوم من قبر وتجلس عند قبر آخر ساعد الله قلبها


ماحصلت غير المناحه
ياگلبي سهم البين لاحه
وبغيابكم ماشفت راحه


ماشفت غير الضيم كلشي
اجيتكم بالگوه امشي
بالنوح اگل للروح بلشي


بلشي بعتابچ وابدي النوح
نامو هلچ بالرمل ياروح
مذبوح ومجاور المذبوح


كلمن توسد عالثره ونام
عباس چا وينك يضرغام
انصب الزينب بيدك اخيام


انصب اخيام العيلتك گوم
اشلون يحله بعينك النوم
وضهري انكسر والمتن مهشوم



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://www.tg-me.com/AL_Nay_and_Alrthaa