#الاربعين
#الأربعين

حَنيني إلى جَنَّةِ المرقدَينْ
إلى حيثُ عبَّاسنا والحُسَينْ
بكفِّي رَفعتُ الدُّعَا بالأنينْ
عسى نَلتَقي في لِقا الأربَعين
إلى الأربعين إلى الأربعينْ
حنينٌ بقلبي.. إلى الأربعينْ

أنا قد بَلَغتُ بنفسي التَّرَاقْ
بشوقٍ تراني وكُلّي اشتياقْ
لسيرٍ إلى أربعينَ الفراقْ
إلى دارِ عشقٍ غدا في العراقْ

فكلّي حنينٌ لدربِ الأنينْ
إلى الأربعين إلى الأربعينْ
حنينٌ بقلبي.. إلى الأربعينْ

غدا طيفُ روحي مقاماً يزورْ
وآنَسْتُ نوراً كأنِّي بطورْ
يميناً شِمالاً ترى العينُ نورْ
بتلكَ الخيامِ انشراحُ الصُّدورْ

لقا العاشقين، سقا الظامئينْ
إلى الأربعين إلى الأربعينْ
حنينٌ بقلبي.. إلى الأربعينْ

سلامي لدربِ العُلى والسَّلامْ
لريحِ الجنانِ وعطرِ المقامْ
لبيتِ العزاءِ يناجي الإمامْ
بقلبٍ حزينٍ يعاني الهُيَامْ

مُنى الهائمينْ، لآلِ الأمين
إلى الأربعين إلى الأربعينْ
حنينٌ بقلبي.. إلى الأربعينْ

زينب فياض

https://www.tg-me.com/AL_Nay_and_Alrthaa

#الاربعين

◼️◾️القصيدة-4-◾️◼️

مِـن بعد ِمِحنَتِها وجَور ِ سِبآها
عادَت بأيتام ٍ لها ونِسآها
رَجِعَت بيومِ الأربعينَ لكربلآ
لِـتَبُثَ عندَ حُماتِها شكوآها
وتزورَ إخوَتَها بُعَيَدَ فرآقِهِم
وهُـمُ ضحايا عُفِّـروا بثرآها
يا حُرقةً في قلبِ زينبَ حينَما
جالَت هناكَ بِبالِها ذكرآها
حيثُ الحُسينُ تَوَزَعّت أشلآؤُهُ
ولقدَ رأتهُ وحالُـهُ أشجآها
من فوق ِناقَتِها هَوَت مفجوعةً
تنعىٰ علىٰ القبرِ الشريف ِ أخآها
وبِـتُربهِ كانت تمَـرّغُ وجهَها
أحسينُ نادَت والأسىٰ بِـنِدآها
ملهوفةً قد جئتُ عندَكَ ياأخي
ذي نارُ فقدِكَ أكتوي بِـلظآها
أفَهل عَلِـمتَ بأنَ أُختَكَ رُوِّعَت !
والشمرُ بعدَ كفيلِها يرعآها !
حتىٰ مَضَت نحوَ الشريعةِ عَلّها
تُلقي العتابَ وهضمَها لِـحِمآها
عباسُ ليتَكَ حاضرٌ في مِحنَتي
بِنتُ الأكآبر ِ والطليقُ يرآها
عُذراً لقسوةِ منطقي فمصائبي
مالاتُطاقُ وكيفَ لي أنساها

#سمير_الصالحي
#النجف_الأشرف


🏴 نعي مجردات

آني العقيله وجيت هليوم
للغاضريه واشچي الهموم
من عصر عاشر گلبي ملچوم
أبچي واسيل دموع بدموم
يحسين ما تگعد يمظلوم
وتشوف حالي وحال چلثوم
وانت يبو فاضل يجيدوم
چنه حلِالك بالفله النوم
ياخويه ردنه للوطن گوم

#سمير_الصالحي
#النجف_الأشرف

#الاربعين

ـــــــــــــــ ❈ ﷽ ❈ ـــــــــــــــ

🏴 #صفر_1446هـ
🏴 #نعي_مجرد
🏴 #الأربعين

🏴 لسان حال الصحابي جابر بن عبد الله الأنصاري (رضي الله عنه)

جــابــر وصــل مجــروح گلبــه
لعند  گبر الحسيـن ويشم تُربـه
ظــل  ينتـحب  ويناجــي ربــه

ــــــــــــــــ ❈ ❈ ❈ ــــــــــــــــ

جــابــر  وصل  مهــدود  حيـله
واهــمــومــه البگلبــــه ثجيــله
ودمعه  على  اخـدوده  يسيـله

ــــــــــــــــ ❈ ❈ ❈ ــــــــــــــــ

صاح ابصــوت آ يبــن الزچيــة
يالذبحــوك بــرض الغاضــريــة
و حـرمــوك مــن شربــة امّيّــة

ــــــــــــــــ ❈ ❈ ❈ ــــــــــــــــ

أوعـدك ياحسين ابشربة المـاي
اذكرك  يالحبيب  ولبّة  احشاي
ولمصابــك اصب ادموم عيناي

ــــــــــــــــ ❈ ❈ ❈ ــــــــــــــــ

آه يالمصطفى المختــار إحضـر
جسـم  السبـط دامــي و تــوذّر
وعــافــوه ثــلث تيــام  بالحــر

ــــــــــــــــ ❈ ❈ ❈ ــــــــــــــــ

✍ #الشاعرة_زينب_الخفاجي
🤲 #اللهم_صل_على_محمد_وآله

https://www.tg-me.com/AL_Nay_and_Alrthaa

قصيدة ( قبلة أحزاني ) عند رجوع السيده زينب عليها السلام إلى كربلاء




أجيــت  لقبـــلة احزانـــي     
ولا  واحـــــد   تـلگانــي
جبت جمر الخرابه ويـاي     
وي  جمــرات خــوّانـــي

****
اجيت وجمـرة العاشـر
       بعدها مــن الذبح تسعر
جرحك بالگلب يحسين
         طعنـات السبــي اكـبر
وادري بالعتــب ياذيــك
         ما أعاتـب يبو الأكبـر
عفتك عالرمل يحسين
        خويه أعلى الثرى موذر

رحت مسبيه يـــا وسفه     
وﭼـفي شامت يجتفه
وجمر الطف لهب تدري    
خويه بگلبـي چواني

****

يا خــويه عگـب عينـاك
          نــار التهـبـت اخيــامي
وايتامي على كبــر الگاع
            بالبـر طشّـت ايتامي
حلوه ايــام خويه ويــاك
           بعــدك ظلـمه ايــامــي
العفاف آنه يوسفه الشام
             علي بس نايبه يرامي

نار الشام ظــل تسعر       
مثل نار الخيم واكثر
تلهب ظلت بروحــي       
مـو تلهــب بصيواني

****


جبت جرح الخرابه وياي
           وضفته لجرحــك اليدّي
خاف الطف جروحه اشواي
           اچملهـن علــى العنــدي
جــرح بنتـــك رقيــه يزيد
           نـــاره لطلعـت المهــدي
السّـدهَ بعـدك يبــو الأكبر
           مـــا مثلــه اظن يسدي

بنت الزهـره والقــران      
اطب ياللاسف ديوان
وانه العفه والأخــلاق       
بيهن يــزهي ديــواني

****

اجيت من اليسر هاليوم
         وتجري من دمّه اعيوني
رحت مسبيه للشمــات
         وعليهم دخلـت اضعـونـي
السوگ وزمرته ونــاسه
          يخــويه الكـل يشتموني
وخيالي الما نظرلـه انسان
          بقصــر ظلـوا ينظرونـي

تمنيت الگمــر موجــود     
وما مگطوعه من ازنود
ما اروحن سبيه اهنــاك       
أنـــه عبـــاس عنوانــي

****

الاخت لــو غابـت الخوّان
               يــا خــويه اتلگــاهــا
وتسألها بسفرها اشصار
              وتنشدها أعلى بلوها
لـﭼن تحـت الثرى يا حيف
               والعــدوان تبـــراهــا
آنــه اول اخـــت جابـت
               روس إخــوتها ويـاها

غالي راسـه يم غــالي      
ودمعتي ظلــت تلالي
قرابين أعلى دين الله      
تقبــل ربـــي قــربـاني

****

تمنيته الكفل ضعنــي
        ســالم ينظــر لحــالــي
مــا احد وحگ عبـاس
        طـول الـدرب  يبــرالي
ولا واحــد نظــر طــولي
            يحلم ينظــر اخيالي
اعذره الطاحــن اﭼـفوفه
            بدم الهــامه وافـالي

اخو زينب يظل اسمــه    
نجيبــه وطــاهره امــه
وافه بهامـــه والچفين   
اخوي وعالي بي شاني

****
الشاعر
موسى البديري

١٥ صفر ١٤٤٦ هجريه
https://www.tg-me.com/AL_Nay_and_Alrthaa

ابوذيه مع نعي للاربعين

يومك يالولي والله مردنه
الفركه اوياك يبن امي مردنه
وين الجابنه بيده مردنه
اسف والله الكفل عالعلكميه
..............
نعي مجرد
بالاربعين اليوم جينه
وين الولي ماكام لينه
وامتربه اعليهم عبينه
........
شلونك يبعد اختك شلونك
بعدك حلو لوخرب لونك
عالعلكمي نامن اعيونك
.............
طول الدرب راسك واحاجيه
كلساع يبن امي اصد ليه
وي صدرك انه اليوم اخليه
............
عمه علي بهداي وياه
فك الكبر كلوله جيناه
وراسك تره امن الشام جبناه
...........
لمن وصلناها المكابر
وحدر العبي جبنه المناحر
ياكلبي بس الله اليجابر
.............
حطوله راسه فوك نحره
وبالك على ظلوعه وصدره
بالخيل متطشره متكسره
................
.............
يل ما.دريت اشصار بييه
عكبك تره عالو عليه
وانته ال جنت هيبه وتچيه
...........
چنت امشي والرفگه اشحلاها
وي اخوتي ضاعت تراها
زينب انه الماكو بغلاها
...........
تخميس
إلى الديار رجوعنا كم موجعُ
لقلب زينب كم مصاب مفجعُ
..................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات

https://www.tg-me.com/AL_Nay_and_Alrthaa

نعي الاربعين زينب وأبا الفضل العباس




گعدت عله گبر التوده
ومفارجه صارلها مده
خال الولد بلكت تكعده
وتگله الغياب الحيل هده


گعدت عله كبره وتكله
افراكك صعب ياخويه احمله
مشتاكه الك والنوم خله


چاغير اجيتك وارد أشوفك
ومن تكعد اليه عيب اعوفك
انه بعازتك حطلي اجفوفك


رچب اچفوفك وارجع وياي
وحط رايتك عباس الي فياي
خويه متعنيه عليك وجايبه الماي

اتعنيت الك يا ابو المحنه
ولزين نوصل ونتعنه
تسوه البجي والنوح ونه


يا زين يل تنشد علينه
تعوف الكبر وتعنه لينه
هم تدري بخيتك موش زينه


گعدت تسولف يم اخوها
وتشچي الهظم عد ابن ابوها
اختك غصب منك خذوها
ومسبيه وعمل عينك ولوها


ابدي السوالف والعتب حار
وكلبي عليكم حيل محتار
اتزتني يبعد الروح لدار


چاغير اجينه احنه نويه
وسنين رفكتنه سويه
بل فركه تره شسويت بيه
ظليت اون صبح ومسيه


تنفض اتراب الكبر وكعد
وبحالي خال الولد تنشد
اريدك تفز والبيتنه انرد


ادري حنين انته من اجيتك
وعزيزه الك عمة اوليدك
اريدك تنزلني أريدك
وتاخذ احمولي كون بيدك


هظيمه ارد لدار تدري
ونايم تظل ياخال بزري
عكبك عسن لا طال عمري



لخادمة الزهراء العلويه ام جعفر
غير مبري الذمه من يحذف ألأسم و يأخذ الكلام و ينسبه له ج

#رجوع_السيدة_زينب
#الأربعين

ثكيلة الفاتحه وزينب تون بيهه..
ردت بت علي وي روس أهاليهه..

ثكيلة الفاتحه والحرة مفجوعة
ردت بالهضيمة وبيهه ألف لوعة
تطر حتى الصخر ونتهه مسموعة
وين اليحضر أخته ويجي يباريهه..

وينه اليحضر أخته يصيح حياها
ردت بت علي وي روس ولياها
نزلت يم أخوها هناك ملفاها
مهضومة وتون تجرح نواعيهه..

مهضومه بحزنهه صاحت الكافل
من بعيد نادت وين أبو فاضل
وين الجان لأخته كل حمل شايل
أجيتك يالأخو وهضماتي أشكيهه..

أجيت وروحي للوليان مشتاكة
نار الفركة تكتل نار حراكة
يخوية أتحدبت من صعدة الناكة
يريت تروح روحي وماأهم بيهه..

يريت تروح روحي ولاعشت لحظه
وينار الفركة خلت بالكلب شهكة
حكه لو جفن عيني أنعمه حكه
أنحب لأخوتي وهالعين أعميهه..

تعبانة وأجيت وحيل ما بية
رديت بضعنكم روحي محنية
وصللته الضعن بس فاگدة أبنية
رقية بالغرب ماتت يواليهه..

تمــت بعون اللــه..


✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://www.tg-me.com/AL_Nay_and_Alrthaa

نعي مجرد لرجوع زينب الى كربلاء
من ديوان #مواجع_الطف_الجزء_الثاني

ابوذيه …..

انا من بعيد اصيحآ بصوت يهلي
وصلت لكربله تلكوني يهلي
تعبانه ونحيله ودمعي يهلي
ولا واحد المنهم كام ليـه

•───✧◐◐✧───•

مولاتي زينب تخاطب الناكه بالمشي وعندما وصلت الى كربلاء نزلت من على ظهر الناكه وجلست على الارض تحثو التراب على رأسها وجعلت تنعي ولسان حالها تكول خووويه ياابن امي ياخويه
المن الونه والمن الآه يازينب
اوووي يمه اوووي يمه


تكلها

ياناكتي سرعي ابمشيج
ولكربله اخذيني بدربج
نزليني يم اخواني احلفج

•───✧◐◐✧───•

اشتاكيت لخواني واجيت
انه امفاركه وليهم تعنيت
مهظوم كلبي ويمهم بجيت

•───✧◐◐✧───•

كعدو لختكم ردت اليوم
من اليسر والحال مهدوم
يسباع كافيكم من النوم

•───✧◐◐✧───•

يم اكبورهم جريت ونه
كعدو تلكونه يهلنه
كلنه حرم طايح حملنه

•───✧◐◐✧───•

اكعدو ونشدوني اعله حالي
ميسوره اختكم ماكو والي
يخويه اليسر تعب احوالي

•───✧◐◐✧───•

حن الكلب الكم يطيبين
من يومكم ماسكتت العين
انا امفاركه وفراك السنين

•───✧◐◐✧───•

شيعود طبتكم عليه
يالنمتو بتراب الوطيه
عمله وعملها البين بيه

•───✧◐◐✧───•

مهظومه يابن امي اعتنيتك
من الشام ياخويه اجيتك
اكعد تلكه اضعون اخيتك

•───✧◐◐✧───•

لو تنشري بروحي شريتك
من هظم كلبي عاتبيتك
خلافك بعد يوحشني بيتك

•───✧◐◐✧───•

تعبانه اجيتك هظم بيه
وماكلت هاي اختي الأبيه
شمحلاك من تتشد عليه

•───✧◐◐✧───•

الوليان مانشدو عليه
رديت لرض الغاضريه
وفلت الخوه وهاي هيه

•───✧◐◐✧───•

يخوان باالله ماتكعدون
جيت وجبت وياي الضعون
بس الحرم وياي يمشون

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة

#الاربعين

ـــــــــــــــ ❖ ﷽ ❖ ــــــــــــــــ

📝 #صفر_1446هـ
#الأربعين

📝 ما إن دخلت زينب (؏) كربلاء حتى أتت بعينها صور من معركة الطف الفجيعة..

صــاحت يخوتــي گومــوا  ليّــه
نومتـكــم حــِلَت تحت الوطيــة
عنكــم  رحــت  غصبــــا  عليــه
و إعــداكـم  يسمــونـي  السبيـة

📝 راحت لقبر الحسين (عليه السلام)
📝 #تگله...

خويه اگعد و شوف اشصار بيـه
رِجَــعْت امحَــدِّبــه للغاضـــريــة
جبت  راسك  يبعد اختك بديّــه
ادفنه  ابتربتك  وارجــع  خليّــه

ــــــــــــــــ ❖ ❖ ❖ ـــــــــــــــــ

يخــويــه  لا  تناشـدنــي  عليّــه
ترانــي امكـدّرة ومــاظال بيّــــه
غيــر ادمــوع و اهـمـوم ورزيــة
وعبايه  امشگگه  وريحة  رقيـة

ــــــــــــــــ ❖ ❖ ❖ ـــــــــــــــــ

يبن امي وعزيزي وروح هالروح
العــذر  منّك أطلبنّــه  يمـذبــوح
على بنيتك رقيـة گلبي مجـروح
اندِفنت  بــرض  غربــة وسبيــة

📝 ثم كأني بسيدتي زينب توجهت نحو شط العلگمي ..
  
صــاحت يعبــاس ياكهــف خــدري
والله بطيحتــك مجــروح صــدري
عجيبـــه و بقـــى لليــــوم صبــري
ومن شفتك طحت مَگطَعت نحري

ـــــــــــــــــ ❖ ❖ ❖ ــــــــــــــــــ

✍ #الشاعرة_زينب_الخفاجي
🤲 #اللهم_صل_على_محمد_وآله

#الاربعين

╌ـ╌ـ───═ ﷽ ═───ـ╌ـ╌

🗓 #صفر_1446هـ
📝 #نعي_عكراوي
📝 #لسان_حال_السيدة_سكينة_ع
📝 #الأربعين

اجيتك  يا حبيبي ويا ضوه العين
روحي امألّمـه  وچـم  ظيـم  بيّــه

يبويـه  وياعزيز  الزهـرة  يحسين
إفتــح لــي الگبــر وانظــــر إليّـــه

ضربنـي الشمر سلبونـي الملاعيـن
ستَّـرت   الـوجـه  بچفـوف  ادیّــه

وكلما انـدبك  واصـرخ هَلي ويــن
يسمعـنــي النــذل يصــرخ  عليّــه

يشتمنـــا  و ينـــادي  خــارجييــن
واحنــــه اولاد ثــــار الله ونبيــــه

اجيتك والگلب  يابـويــه  نصّيــن
نص يـم گبـرك ونص يــم  رقيـــة

╌ـ╌ـ────═❁═────ـ╌ـ╌

✍ #الشاعرة_زينب_الخفاجي
🤲 #اللهم_صل_على_محمد_وآله

https://www.tg-me.com/AL_Nay_and_Alrthaa