#اللهم_صل_على_محمد_وال_محمد ✨

قال الرسول محمد (صلى الله عليه وآله وسلم) :

" من صلى علي كل يوم أو كل ليلة وجبت له شفاعتي ولو كان من اهل الكبائر "

📚 بحار الأنوار - العلامة المجلسي - ج ٩١ - الصفحة ٦٣

خــبــر وحــديــث الاربعين للامام الـحـسـيـن عـلـيـه الـسـلام:

يروى عن عطية العوفي قال: خرجت مع جابر بن عبد الله الأنصاري زائراً قبر الحسين بن علي فلما وردنا كربلاء، دنا جابر من شاطئ الفرات، فاغتسل، ثمّ اتزر بإزار وارتدى بآخر، ثمّ فتح صرّة فيها سعد فنثره على بدنه، ثمّ إنّه لم يخط خطوة إلاّ ذكر فيها الله تعالى حتى إذا دنا من القبر قال: المسنيه يا عطية، فألمسته، فخر على القبر مغشياً عليه، فرششت عليه شيئاً من الماء،
ولما أفاق قال: يا حسين، يا حسين، يا حسين، ثلاثاً، ثمّ قال: حبيب لا يجيب حبيبه، وأنّى لك بالجواب وقد شخبت أوداجك على أثباجك، وفرّق بين رأسك وبدنك، فأشهد أنك ابن خاتم النبيين، وابن سيد الوصيّين، وحليف التقى، وسليل الهدى، وخامس أصحاب الكساء وابن سيد النقباء، وابن فاطمة سيدة النساء...

قال عطية: ثمّ جال ببصره حول القبر فقال: السلام عليكم أيتّها الأرواح الطيبة التي بفناء الحسين أناخت برحله، أشهد أنكم قد أقمتم الصلاة وآتيتم الزكاة وأمرتم بالمعروف ونهيتم عن المنكر وعبدتم الله حتى أتاكم اليقين.

وبينا جابر وعطية ومن معهما كانوا يزورون الحسين عليه السلام إذ بسواد قد طلع عليهم من ناحية الشام، فقال جابر لعبده: انطلق إلى هذا السواد وآتِنا بخبره فإن كانوا من أصحاب عُمر بن سعد فارجع إلينا، لعلَّنا نلجأ إلى ملجأ، وإن كان زين العابدين عليه السلام فأنت حُرٌّ لوجه الله تعالى.

مضى العبد، فما أسرع أن رجع وهو يقول: يا جابر، قم واستقبل حرم رسول الله صلى الله عليه وآله، هذا زين العابدين قد جاء بعمَّاته وأخواته.

فقام جابر يمشي حافي القدمين، مكشوف الرأس، إلى أن دنا من الإمام زين العابدين، فقال عليه السلام له: ( أنْتَ جابر ) ؟ قال: نعم يا ابن رسول الله فقال الإمام عليه السلام: (يا جابر هاهُنا واللهِ قُتلت رجالُنا، وذُبحِت أطفالُنا وسُبيَت نساؤنا، وحُرقَت خيامنا.

وماحال زينب عليها السلام عند رجوعها من الشام الى كربلاء .

كأن لسان الحال يقول:

گطعيت الدروب وجيت ليكم
وسولف يبعد اهلي عليكم
واريدن تنزلوني بديكم

تعبانه حيل وكاطعه دروب
والوجه من الظيم متعوب
حالي عليكم حزن مكلوب

متعوبه هم تدرون اختكم
ومامش خبر جاليش منكم
كطعت ادروب واجت يمكم

يمكم اجت وتريد اهلها
ويامن يكوم وينزلها
شايل الحيل ام عون منها
ونايم لگت شو خال ابنها

حنت واجت ليكم يالاحباب
ويالساكنين بنص الاتراب
عدها شكثر تدرون الاعتاب

جابت اعتاب وجابت اهموم
اتسمعون اختكم لازم اليوم
غريبه مشت اطيح وتكوم

متعنيه اجتكم عمة الاولاد
وملاگه خوه اليوم ينراد
تعبانه من ادروب الأبعاد

وچلمة هلا تسمعونها كون
ومن نومكم لازم تكعدون
اتنزلون اختكم من الاضعون

وكلولهه كل الهلا بيچ
متغيره شو كلش معانيج
حاجينه حته احنه نحاچيچ

چاوين رحتي وما اجيتي
وعلينه شعجب هيجي بطيتي
وبفراكنه غصبن رضيتي

حنينه علينه اهواي اختنه
وعزيزه تظل يا عمة ابنه
كل الهلا بيهه من اجتنه
ـــــــــــــــــــــــــــــــــــــ

اعداد الخبر: خادمتكم ام علي العطوان.
النعي العلوية ام. جعفر الموسوي.


https://www.tg-me.com/AL_Nay_and_Alrthaa

نعي كرناوي حول الاربعين



زينب من اجت تعبانه حيل
وظنت من تجي يكعد وليهه

مشتاكه عله اهلها كلش اهواي
والهظمات حيل اثرن بيهه

زينب بل ظعن جابت بنات
وصلت كربله وجرت بجيهه

مشتاكه وتريد احبابهه اليوم
واتريد الولي يرجع عليهه


خلصانه وكتلهه افراك الاعزاز
وما كام الولي من سمع ليهه

جابت بالكلب هاكثر ونات
وتعاتب ولا سمعو حجيهه

يهل المكبره جاوين المروات
صاحت ياهلي وصفكت بديهه

وسفه الوكت هيجي يسوي بل حال
زينبكم تره احبال بأديهه


انفضو اترابكم بالله يالاخوان
وزينب هاي انشدوهه اشبيهه



*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له ج

https://www.tg-me.com/AL_Nay_and_Alrthaa

نعي  للاربعين 


كلولهم زينب لفتهم
جابت هظايمها واجتهم
تريد تشكي الحال عدهم
.........

تشكي لخوها البيه محنه
وتصرخ  تلكونه  يهلنه
الكافل حلاله النوم جنه
...........
كلهم يطارش خل يفزون
مسيره عليهم جايه ام عون
عن  الأخت  نومتهم شلون
.............
العليها  هظم تكصد لخوها
تشكي الهضيمه  ويشكوها
عله العايل عليها  يناشدوها
............
الاخت كاصده والحك تريده
وكل ساع  المعاتب   تعيده
يعتاب   خال  ابني  ابهيده
............
بهيده   المعاتب    تجره
خافن جرح كلبه   تعوره
تسولف عله ابن امها بعبره
............
كون من اسولف يحاجيني
واحجي الهظم بدموع عيني
واحلفه بخوته البينه وبيني
...........
حلوه خوتي ويه   اليودها
اختك لفت وهموم   عدها
يالكلك  محنه    لاتردها
...........
اكعد وخفف حزن  كلبي
تره عيوني عله مكاك تربي
تعنيتلك  وبعيد    دربي
...........
اجيت وعبرتي بصدري  تكسر
حشمت  الحنين  وكال   مكدر
كلبي  من   كثر   ونه    تفطر
...........
وين  اهلي  ايكعدون  ليه
رديت  لبن   امي   بشجيه 
نايم   وسد   بابه    عليه
...........
يكلي  المعذره النايم بتربان
هيهات  الملاكه اويه الخوان
يخويه  الكبر   مابيه  بيبان
............
اكعد  واكلج   بطلي الونين
وامسح  يزينب دمعت العين
يم  عون   ماكعدو   الميتين

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم  

https://www.tg-me.com/AL_Nay_and_Alrthaa

نعي وصول الظعن إلى كربلاء يوم ٢٠ صفر

وصلنة لكربلة يحنان اگعدوا
اجينا من سبينا علينا انشدوا
الحرم لرض المدينة بيها ردوا
اجيناكم يهلنة گوموا لينة
==================
بس گبور ما نعرف اهلنة
وحشة خلافكم مظلم نزلنة
من بعد الغياب التم شملنة
خل نشكي الجرة والصار بينة
=================

لسان حال الرباب
============
چهبت الگبر شو درن ثداياي
شلونك يالمتت ماضايكَ الماي
شو چنها حلتلك نومتك هاي
يبعد امك اجيت وراسك وياي
يعبدالله بعد ما أريد دنياي
==================
دللول الولد يبني دللول
عليك انحب ييمة واسكن الچول
انوخها اعله گبرك يمة الحمول
خلها شما تلوم الناس وتگول
من مثلي ابنها يموت مكتول
================≠
زغير وبين ادية طوير جنة
چان ابني وفلا شبعانة منة
يايمة الدهر طشر شملنة
فلا تهداش بالدلال ونة
لجيمن بالشمس دوم ابنزلنة
==================

لسان حال رملة
=================
فك گبرك يجاسم جيت يبني
يا يمة السبي كلش تعبني
كلمن شافني ميتة ايحسبني
حسبت الولد للبيت يبني
وي ابني العزيز ابگبر ذبني
==================
شلونك ياعزيز امك يغالي
لجيم اعله الگبر واسهر ليالي
واسكن بالگبور عليك تالي
انحب والدمع بالعين هالي
بعد عينك ييمة كلشي مالي
====================
تمنيت الگبر بي باب يفتك
واطب وياك يبني وكون يصتك
چا وياك نمت وما تركتك
رحت عنك يغالي وگوة عفتك
صار هواي عنك هسة شفتك
===================

لسان حال ليلى
================
يبو طول الحلو يازهرة البيت
ادور عالگبر يالغالي رديت
اشم تراب گبرك يبني حنيت
خذاك الموت مني وما تهنيت
أظل طول العمر وياك ياريت
====================
ها عزة الولد عالروح ثاري
انوح اعليه ماتطفاش ناري
عليك انحب واون ليلي ونهاري
واخليه الدمع نهران جاري
چا لمك علي ياهو اليباري
==============≈======
چنت اسمع ييمة روحي اتهيد
من بعدك اليمة كلشي متفيد
نايم بالگبر عن عيني بعيد
شمالك يا دهر من خذتة شتريد
عليك اصفج حسافة الايد بالايد
===================

زينب َوام كلثوم
=======+============
ها يطياب رد ظعن النساوين
چنة ابعاد اجيناكم محزنين
تلگونة يخوتي ها يطيبين
نشكي همومنا جيناك يحسين
جبنة الروس انتم وين ما وين
===================
خوية حسين راسك بين ادية
ندفنة وياك اجــــيناك بعزية
ننصــــب ماتمك بالغاضرية
وننوح اعله الگبر صبح ومسية
ما تدري يخوية اشصار بية
==================
متعيـــــني ادور وين عباس
يخوية انطر دليلي بشوفة الراس
هيچ مسوية بيك الگوم الارجاس
چا مثلك يخوية شلون ينجاس
اتمنى اعله گبرة تروح الانفاس
====================
الاخو وكت الشدايد حطة تچوة
هوة حزام ظــــهرك بيه تگوة
طــــشرنا الدهر يحــنان گوة
انة بعازتكـــــم بعازت مروة
يا ناس الاخو فرگاه بلوة
===================

أسالكم الدعاء رائد الاسدي

*ابوذيه ونعي ليوم الاربعين لسان حال السيده زينب ع*
ـــــــــــــــــــــــــــــــــــــــــــــــــــــــ
اجينه ولاربعين حسين هاويــــــــــن
وعلى گبور النشامه اليوم هاويــــــــن
شو محد نشدنه وگال هـــــــــاوين
نسوو زينب اضن اهل الحمــــــــيه
ـــــــــــــــــــــــــــــــــــــــــــــــــ
جيت بحزن يم ذيج الگبور
نمر بكربله ونرجع الانحور
من المصايب گلبي مفطور
ـــــــــــــــــــــــــــــــــــــــــــــ
من يا مصيبه ينوح گلبي
عثرات جيت بعيد دربي
يدموعي للخوان صبي
ـــــــــــــــــــــــــــــــــــــــــــــــ
مو دمع صبي عليهم دمــــوم
من اليسر ردينه اليوم
گعدولي خويه كافي النوم
ــــــــــــــــــــــــــــــــــــــــــــــــــــ
نوم المقابر خويه مو زين
جيت گعدت يم گبر الحسين
للنحر ابجي لو الجفين
ــــــــــــــــــــــــــــــــــــــــــــــــــ
ابجي يروحي ورجعي الاجفوف
من المصايب بعد ماشوف
مشتاگه جيت وگلبي ملهوف
ــــــــــــــــــــــــــــــــــــــــــــــــــ
صار اربعين وجيت ليهم
حسبالي اجي وسمع حجيهم
عزاز الگلب اعتب عليهم
ـــــــــــــــــــــــــــــــــــــــــــــــــ
اعتب عله اليسوون الاعتاب
جينه ولگينه بس الاتراب
جوه الوطيه وجوه الاحباب
ــــــــــــــــــــــــــــــــــــــــــــ
جوه الترب ماگعدو النه
صحنه بحزن يهل المحنه
عن حالنه محد. نشدنه
ــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــــد الموسوي لا اجيز حذف الاسم شرعا الفاتحه الى روح والدي*

https://www.tg-me.com/AL_Nay_and_Alrthaa

نعي السيده زينب ع اتخاطب أبي الفضل
بعد الرجوع من السبي



كـون الــگـبـر عـبـاس بـي بـاب
ويــمـك يلـمـنـي لــمـت احـبـاب
هسه اعرفتهه بطـول الاغـيـاب
الـيبـعـد اخـوهـه عـيـب تـنـهـاب


عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه


مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي


حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل

*----------------------*-------------------*
✍خـادم الـحسيـن
الشاعر رعد الجريخي


https://www.tg-me.com/AL_Nay_and_Alrthaa

أين الصّراطُ المرتجى
أين معزُّ الأولياءْ

أين المبيدُ لمنْ طغى
أقبلْ أيا سرّ السماءْ

أدركْ عُبيدًا تائهاً
قد ملّ من طولِ الشقاءْ

تفديكَ نفسي غائباً
ما غبتَ بل أنتَ الضياءْ

نأتيك زحفاً سيدي
لبيك يا نبضَ الإباءْ

اَيْنَ الطّالِبُ بِدَمِ الْمَقْتُولِ بِكَرْبَلاءَ

#منال

ويمضي الرّكبُ للمذبوحِ نَحرا
ومِنهُ يَسيلُ فَيضُ الدّمعِ نَهرا

#الأربعينيّة_المقدّسة

بنت الزهراء

#نعي

رجوع الضعن

بحبالي رديت
لفيتك من سبي وبحبالي رديت
لگبرك تعنيت
على ريحة علي لگبرك تعنيت
امشينه للبيت
يبن امي الجبتنه امشينه للبيت


ماشاني سلاب
اجيت اعتذر جي ماشاني سلاب
مو جية اعتاب
جية مستحه مو جية اعتاب
ما ضلت احباب
شيردني الدارنه وما ضلت احباب


لو ونه لو ويل
گضيّت الدرب لو ونه لو ويل
ما نايمة الليل
تشهد روسكم ما نايمه الليل
من ركضة الخيل
بعدني بخوفتي من ركضة الخيل


امولحه العين
من كد البواچي امولحه العين
والحال موزين
اريد توچه جيت الحال موزين
اتوچه يحسين
يبن امي عليك اتوچه يحسين


تچوني يطياب
جيت بهزل تچوني يطياب
بالغيره شرناب
اخوة زينب وبالغيره شرناب
تثنون الارجاب
اذبن روحي لو تنثون الارجاب

مصطفى صادق اللامي

#اللهم_عجل_لوليك_الفرج

https://www.tg-me.com/AL_Nay_and_Alrthaa

#اربعين_الحسين
#اربعين

مولاتنا زينب لما وصلت إلى قبر اخيها الحسين عليه السلام
كأني بلسان الحال👇😭



فك الگبر خل نرد راسك
حر الشمس يحسين جاسك
يامن أشر الخيل داسك

فك الگبر يحسين إليه
خلينه نتسامر اشويه
ونشبع سوالف يالشفيه

ماعاتبك يابو رقيه
جيت ارد اشوفك هاي هيه
كتلني الحزن دطلع عليه

گوم البناتك يالحنين
غيرهن الهم والونين
چنه ابخرابه امربطين

مالت الدنيا اودولبتني
وطبت الجلسه العمتني
من ظيم گلبي مال ماتني

شحچيلكم كلهن ثجيلات
عفيه اعله گلبي عدل مامات
مامات من طبة الجلسات



تمت

النعي مهداة الى ابالفضل العباس عليه السلام
رحم الله من يقرأ سورة الفاتحة إلى روح والدي خضير بن زوينه وجاسم بن هاشمية


*ام علي رضا الشريفي الحسيني*

قصـيدة للمشايه

مانعوف حسين،،،، طول اعمارنه
رحنـه مشاية وقفلنه اديارنــه
ــــــــــــــــــــــــــــــــــــــــــــــــ
رحنه مشاية وقفلنه ابيوتنه
ويعتلي هذا النداء وصوتنه
مانعوف حسين والحد موتنه
نعاهد الزهره وعلي كرارنه/
ـــــــــــــــــــــــــــــــــــــــــــــ
نعاهد الكرار حماي الحمه
والنبي وبنته الوديعه فاطمه
والله مانگطع عزاه وماتمه
ومن نصيح حسين تبرد نارنه/
ـــــــــــــــــــــــــــــــــــــــــــــــ
من نگول حسين يبرد كل جمر
هوه عزنه والتچيه والضخر
يوگف النه اعله السراط وبالحشر
يگول ربحان اليودنه وزارنه/
ــــــــــــــــــــــــــــــــــــــــــــــــ
ايگول ربحان اليجينه بدمعته
زايد ومشاي وترف رايته
من بعيد امي الزچيه نادته
ياهله ومية هله بخطارنه/
ـــــــــــــــــــــــــــــــــــــــــ
صاحت امن بعيد يامية هله
بكلمن اتعنه واجانه الكربله
اتگول زينب وين سبع المرجله
خل يگوم يشوف شنهي اخبارنه/
ـــــــــــــــــــــــــــــــــــــــــــــــــــــ
خل يگوم يشوف اجينه شحالنه
حيل مابينه ونجر بذيالنه
ليش نايم عالشريعه اهلالنه
ليش من ايده انسلب بتارنه/
ــــــــــــــــــــــــــــــــــــــــــــــــ
انوخذ سيف الشفيه ورايته
عالنهر ياحيف فلت خوته
جيت انشده اشلون صارت هامته
البين طشرنه شيلم طشارنه/
ـــــــــــــــــــــــــــــــــــــــ تمت
ديوان سفرة العطاء /ج ٨
للشاعره أم ريام دخيل الركابي

غير مبري الذمه من يمسح اسم الشاعرة او ينسب الرثاء لشخص اخر


https://www.tg-me.com/AL_Nay_and_Alrthaa

#نعي

جلست عند قبر الحسين وتخاطبه

طلعنه بليل خويه ندور عليك
وعثرنه بلجثث من جبنه طاريك

طلعنه بليل وحده دالي الاخره
بشفايف ذابله ورياك مره
وتكسر بلصدر يحسين عبره
كلنه حسين من نوصل نخبره

نكله الماي هذا وجينه نرويك

حرنه حسين خويه شلون نلكاك
جثيره الموته بطف ظاله وياك
ويا جثه النگظهه نكول لا ذاك
گبل مانمشي ردنه حصل دواك

عسه دمع الحزن يبن امي يشفيك

اجيناك بدمع والحسره ولاه
وگلنه حسين هسه هنا ونلكاه
نعرفه المحبس وماهو عله يمناه
والخنصر بعد مسلوب وياه

وعلامتنه صفت هاي العرف بيك

يخويه تعثرت ببني وكلت لا
اعوف حسين زحمه وبقه ويا
اودع حسين وبني بردتي الكا
اذا خاله يظل ماجيب طروا

وكلتله بردتي يوليدي ارد ليك

هواي الموته يمك ظلمه  وندوس
بس طعنات بيها وسلامه الروس
بس جسمك نعرفه سهام متروس
وراس علرمح مبيوع بفلوس

وصلتك بلدمع يبن امي احاجيك


ابو سلام الجابري

#اللهم_عجل_لوليك_الفرج

https://www.tg-me.com/AL_Nay_and_Alrthaa