ياحبيبي خلصن الشهرين ركضه
نقص عندي بخدمتك رايد اعوضه💔.

╌ـ╌ـ───═﷽═───ـ╌ـ╌

🔶 #صفر_1446هـ
🔸 #الأربعين
🔶 #بحر_طويل

يمهدينه  فَدَتـْكَ  الــروح
               أقلـدك سيـدي الدمعــات

و أقلدك ونّتــك والنــوح
               و لجدك  بعض  خطوات

╌ـ╌ـ────═❁═────ـ╌ـ╌

اسِألك  سيدي  و مـولاي
               وآنـــه اتجــرّع الحســرة

سجّلنــي  مــــن  الــزوّار
               بحق  ضلع  امك  الزهرة

تـزور  بأربعيــن  احسين
               يقينــاً تهــمــل  العبــــرة

يمنعنـي الظــرف تدريــه
               حرمني  زْيارة  السـادات

آه يامولاي آه يا مولاي آه يا مولاي آه

╌ـ╌ـ────═❁═────ـ╌ـ╌

ادري دمعـــتــك مــن دم
               وانت ابحضرة المظلــوم

واحسنّك حنيت ضلــوع
               و بعينـك نحــر مرســوم

عيونك  غارت  امن الهم
               ومـــاذاقت ليــالِ النــوم

تتــذكّــر سبــي عمْتــــك
               و رجعتها مـن الشـامـات

آه يا مولاي آه يا مولاي آه يا مولاي آه

╌ـ╌ـ────═❁═────ـ╌ـ╌

✍ #الشاعرة_زينب_الخفاجي
🤲 #اللهم_صل_على_محمد_وآله


https://www.tg-me.com/AL_Nay_and_Alrthaa

#قصائد_في_خدمة_الخطباء
#الأربعين
#صفر_١٤٤٦

(وزن الطويل)

سامحني يبو السجّاد .. عنّك غيبِتي طالت
واعذرني إذا شفت ال .. مُتون مْن الضّرب مالت

١/أريد احچيلك الشّفته .. منّ طْلَعِت من يَمّك
مِشيت وْبالچُفوف حْبال .. وِبْگلبي شِلِت هَمَّك
عفتك عاري فوگ الگاع .. موذّر عالرّمل جسمك
مرضوض بْحوافر خيل .. ذيچ ال عالصّدر جالت

٢/ودّعتك يضيّ العين .. وْمِشيت بْلا أهل واخوان
وظلّت حاضِره بْبالي .. صورة ثغرك العطشان
وِصَلت الكوفه وابن زْياد .. زوّد عالگلب لاحزان
خلّه بالطّشت راسك .. وْلجله دمعِتي سالت

٣/ولارض الشّام ودّوني .. وْيِزيد تْشَمَّت بْحالي
ظل يِسألني وِيْناشد .. عنّ اهلي وْعنِ رْجالي
تالي راد يضربني .. وْما موجود كفّالي
لكن ربّي گوّاني .. وْمِنّي عْداي ما نالت


#عظم_الله_أجوركم ◾️

فاطمة علي رزق
اسألكم الدعاء

https://www.tg-me.com/AL_Nay_and_Alrthaa

نعي لسان حال مولاتي زينب عليها السلام   رجوع ظعن السبايا من الشام الى كربلاء يوم الاربعين

         (  فايزي )


وينه الچنت لو جيت يفرح بملگاي

الطم وانوح اعله الگبر مافززه ابچاي


🏴🏴



ظنيت من يسمع  ونيني يگوم عباس

رديت مهظومه واجرن گوه الانفاس

بحماك اجيت شلون ارد وحدي اويه الناس

ياهظمت الهظمه ارد من غير ولياي


🏴🏴


شتگول اختكم لومشت وانتم تظلون

والناس تتلگاني عن اخوتي يسألون

عباس ياخويه الغرب بالظعن يحدون

يافشلتي غيرك ارد بحمولي حداي


🏴🏴


امك شگلهه من تناشدني يمهيوب

تزعل لون رديت وحدي بذيچ  الدروب

ادريك من امك الحرة اعليك معتوب

من كون ماترجع يبو الشيمات وياي


🏴🏴


جيت ارد اودعكم واردّن للمدينه

اشلون اروح ابليه بيرغ للظعينه

باچر تناشدني الخلگ عباس وينه

من غيرك امشي شلون ياعزي ويرجواي


🏴🏴🏴


             نعي مجاريد
        
حگي يخويه اعتب عليك

ماجاوبتني من احاچيك

عباس جاي امشي واخليك


🏴🏴

رد الجواب وخل اسمعك

ياماي عيني جيت اودعك

ياشهم يامن زين طبعك

🏴🏴


فلت الخوه وهاي هيه

ماگمت يابا الفضل ليه

نرجع يبعد اختك سويه

🏴🏴


يعباس ياعزي ودلالي

وياك حلوات الليالي

كونك تشوف شلون حالي

🏴🏴


شمحله الاخو لو رافگ اخته

مهيوبه تمشي الرافگته

وزينب اخوها ضيعته

🏴🏴

خويه اعله بختك رد لي اجواب

بظعوني ارد يحدون الاجناب

خاف اعتب وياذيك العتاب 


🏴🏴



ام محمد الحجاج


https://www.tg-me.com/AL_Nay_and_Alrthaa

#الاربعين


🏴خلوني أموت هنا
يهل الرَحم خلوني
🏴ما أگدر أفارگهم
وياهم خل يدفنوني

دخلوني أنوح حسين
والطم واجذب الونه
وانامن عل الترب وانعاه
واشم گبره واحضننه
ريت حسين يرجعلي
بلچن ساعه أشوفنه
أخيي وعشت عمري وياه
شلون اصبر على فرگاه
راح حسين واويلآه
آ يا فرگة الخُوان
عگبهم يعمن عيوني

من شهر وعشر تيام
عفتك على الترب مطروح
وذر ومگطعيك اوصال
وبـجسمك چثيره جروح
ياوسفه والف ياحيف
يا خويه يبعد الروح
يبن حيدر علي الكرار
جسمك بالفله طشار
وبگلبي تشب النار
عليك وآنه مچتوفه
ومسبيه يمَشـّوني

رجعت من السبي والضيم
يوم الأربعين أگصد
لگبور الأهل كلهم
وعن گبر الچفيل انشد
أثاريه الگمر عباس
يم النهر متوسد

چا وينه يخويه لواك
لا يمناك لا يسراك
هذا الظعن يترجاك
من يوم الطحت عباس
زرگه صارت متوني

عزيزتكم تراني ام عون
وسفه شلون تنسوهه
بين اشماتة العدوان
تعوفوهه و تخلوهه
بايتام وحرم وعليل
تكفلوهه وتحَيروهه

وانه مخدرة داحي الباب
أظل بين الغرب واجناب
واهلي الأصبحوا غياب
غريبه خلافهم ياناس
عجيبه شلون يجفوني

إجيت بلهفه مشتاگه
وروحي شايغه عليكم
واردّن عگب لزياره
كون لدور اهاليكم
وگلبي ما يطاوعني
شلون هنانه اخليكم
لگَضّـي العمر كله ونين
على العباس واعله حسين
صدگ عمله العملهه البين
بحيره شلون افارگهم

ومنهم خاليه ظعوني

#سمير_الصالحي
#النجف_الأشرف


🌑اليوم ردت زينب لخوانها
🌑تهيج يوم الأربعين احزانها

ردت الوادي الطفوف ملوعه
وياها راس حسين ليه ترجعه
اتذكرت ساعة الشافت مصرعه
بوسط خيمتها تشب نيرانها

وصلت وذبت نفسها اعله الگبر
تصيح ياخويه فلا ظللي صبر
گلبي يحسين بفرگتك مستعر
تعوفني بولية شمر وسنانها

اليوم جبت وياي كل هاي العيال
حالها لو تدري خويه شلون حال
خيامهن حرگوهن وفرت اطفال
وحرمه ماسلمت ولارضعانها

والله ياخويه أحسَّنك حزين
عن رقيه چنك تسايلني وين !
خويه ماتت عگب ماشبعت ونين
وادفنتها بغربه يم عدوانها

ليله وي رمله يلطمن والرباب
تنوح عبدالله وينوحن عل الشباب
الاكبروجاسم صفوا تحت التراب
دموعهن سالت دمه لشبانها

وزينب الگصدت چفيل العايله
عتب عدها تريد ليه اتوصله
إنته موش الي جبتني الكربله !
بس عذرتك ياگمر عدنانها

تصرخ ودمعاتها اعله الخد جرن
يبو فاضل گوم ردنه للوطن
كل خوات حسين خويه اتمرمرن
كون ترجع هالحرم لاوطانها

#سمير_الصالحي
#النجف_الاشرف
‏
⚫️ نعي- مجردات

يحسين ياا عباس نادت
شهر وعشر تيام فاتت
واليوم كل أحزاني هاجت
وي موتكم زينب الماتت

⚫️ نعي - مجردات

رديت ياخويه لاجلكم
لزمن ازورنكم واصلكم
تدرون خويه اعزاز كلكم
وبالكون مايحصل مثلكم

#سمير_الصالحي
#النجف_الأشرف
https://www.tg-me.com/AL_Nay_and_Alrthaa

#الاربعين


⚫بيوم الأربعين اول زياره الها
⚫تزور حسين والعباس كافلها

أجت زينب وسوت عل گبر لمه
تحضن بالتراب ونوب تشتمه
إلك رديت صاحت يا أبو اليمه
ولهانه وعليك دموعها اتهلها

تهمل دمعة مفارگ يفيض أحزان
تصرخ يا عزيزي انته بگلب لهفان
لفيتك لا ولد لا والي لا خوان
وبصدري مصايب كود أحملها

مصايب كثره ياخويه شفت بعدك
وآلمهن عليه وچادني فگدك
طريح موذريك وراس ما عندك
برمح مرفوع وي روس اخوتي كلها

محتاره وعيالك بس حرم واطفال
لارض الشام ودونه بلايا رجال
صاحو خارجيه وهاي ما تنگال
عدو الله الشتمني وهو گايلها

يحسين وبناتك على الگبر گعدن
وحده تنوح وحده التلطم ويبچن
بس خويه أخبرك خبر لا تحزن
رقيه الما اجت والموت عاجلها

خطارك رجعت وياي روس حيود
راسك ويه راس البي أثر عامود
أبو فاضل أخيي الشهم راعي الجود
ذاك الكفل والميله يعدلها

خليني أروحن يم گمر هاشم
يم المشرعه العباس اظن نايم
يرد بينه لوطنه وي الحرم لازم
واگله انته الترچبها وتنزلها

صعبه اعليه اعوفك يبن حامي الجار
وهاي اول زياره وروحي شبت نار
وَفّيت ودموعي عليك تجري انهار
يخو زينب الچنت انته المدللها

شهر وزاد عشره الفارگيتك بيه
ثـره گبرك يبو الغيره لنوح اعليه
گوم الظعن إنته الچافله توديه
حرم واطفال چا منهو اليوصلها



#سمير_الصالحي
#النجف_الأشرف

https://www.tg-me.com/AL_Nay_and_Alrthaa

نعي ليلة الأربعين الحسين

من ديوان #مواجع_الطف_جزء_السادس

😭🔥🔥🙅‍♀️

في ليلة اربعين الحسين مولاتي زينب صاحت الهاشميات صاحت الفاطميات توصيهن وصيه اذا باچر وصلن للمكبره شلون حالهن
تدري بيهن فاكدات ومشتاكات وحنينات وخافت عليهم كعدت توصيهن وصااااااااحت صوت بالله يالغواطم

اوصيچن وصيه يالفواطم
من نوصل كبور الهواشم
على روسهم حطن عمايم

•───✧◐◐✧───•

ادري كلوبچن كلش حنينات
بس ارد اوصيچن وصيات
لتقصرن صبـن الدمعات

•───✧◐◐✧───•

مشتااكات ادريچن لهلچن
بس نوصل تشدن حزمچن
كلچن فرد ركضه تركضن

•───✧◐◐✧───•

هيلن اتراب المكبره حيل
وصيحن دكعدو يالمچاتيل
ردن الضعن يومين ونشيل

•───✧◐◐✧───•

تعالن يابناتي وأمشن وياي
التمن عليه وكعدن احذاي
أون الچن وابچن لمچاي

•───✧◐◐✧───•

خافن تسمعن صوت منهم
سكتن وخلني انه يمهم
عدهم نشد وي غاليتهم

•───✧◐◐✧───•

ينشدون خواني عليـه
والضعن ناقص هاشميه
ماشافو اويانه رقيــه

•───✧◐◐✧───•

كل وحده تشكي الهظم يمهم
بلچن يكومون لحرمهم
وبيوتنه نبنيها يمهــم

•───✧◐◐✧───•

حن الكلب واليوم اجينه
لعزازنه نسوي واربعينه
نحسب ليالي و مانسينه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من النعي

https://www.tg-me.com/AL_Nay_and_Alrthaa

#نعي

جلست عند قبر الحسين وتخاطبه

طلعنه بليل خويه ندور عليك
وعثرنه بلجثث من جبنه طاريك

طلعنه بليل وحده دالي الاخره
بشفايف ذابله ورياك مره
وتكسر بلصدر يحسين عبره
كلنه حسين من نوصل نخبره

نكله الماي هذا وجينه نرويك

حرنه حسين خويه شلون نلكاك
جثيره الموته بطف ظاله وياك
ويا جثه النگظهه نكول لا ذاك
گبل مانمشي ردنه حصل دواك

عسه دمع الحزن يبن امي يشفيك

اجيناك بدمع والحسره ولاه
وگلنه حسين هسه هنا ونلكاه
نعرفه المحبس وماهو عله يمناه
والخنصر بعد مسلوب وياه

وعلامتنه صفت هاي العرف بيك

يخويه تعثرت ببني وكلت لا
اعوف حسين زحمه وبقه ويا
اودع حسين وبني بردتي الكا
اذا خاله يظل ماجيب طروا

وكلتله بردتي يوليدي ارد ليك

هواي الموته يمك ظلمه  وندوس
بس طعنات بيها وسلامه الروس
بس جسمك نعرفه سهام متروس
وراس علرمح مبيوع بفلوس

وصلتك بلدمع يبن امي احاجيك


ابو سلام الجابري

#اللهم_عجل_لوليك_الفرج

https://www.tg-me.com/AL_Nay_and_Alrthaa

#نعي

رجوع الضعن

بحبالي رديت
لفيتك من سبي وبحبالي رديت
لگبرك تعنيت
على ريحة علي لگبرك تعنيت
امشينه للبيت
يبن امي الجبتنه امشينه للبيت


ماشاني سلاب
اجيت اعتذر جي ماشاني سلاب
مو جية اعتاب
جية مستحه مو جية اعتاب
ما ضلت احباب
شيردني الدارنه وما ضلت احباب


لو ونه لو ويل
گضيّت الدرب لو ونه لو ويل
ما نايمة الليل
تشهد روسكم ما نايمه الليل
من ركضة الخيل
بعدني بخوفتي من ركضة الخيل


امولحه العين
من كد البواچي امولحه العين
والحال موزين
اريد توچه جيت الحال موزين
اتوچه يحسين
يبن امي عليك اتوچه يحسين


تچوني يطياب
جيت بهزل تچوني يطياب
بالغيره شرناب
اخوة زينب وبالغيره شرناب
تثنون الارجاب
اذبن روحي لو تنثون الارجاب

مصطفى صادق اللامي

#اللهم_عجل_لوليك_الفرج

https://www.tg-me.com/AL_Nay_and_Alrthaa

قصيده الحبيب الحسين (أمنية الخادم)
تقرأ بطور الثكيل
وتقرأ طور مربعه

ــــــــــــــــــــــــــــــــــــــــــــــ ــــــــــــــ
المستهل 👇👇👇👇

ريت صدري بدال صدرك عل وطيه
وريت داسني الخيـــول الأعوجيه
ــــــــــــــــــــــــــــــــــــــــــــــ ــــــ
ريت صدري اترضرض وحافر يدوسه
وريت صارت هل خيول عليه هوسه
شلون نحرك ينذبح والنبي يبوسه
ريـــت وبدالك اصيــر انــه رميــــه
ــــــــــــــــــــــــــــــــــــــــــــــ ــــــ
كون نحري المنذبح ونشال عالي
كون سيف الگطعك گطع وصالي
كون سالم تبقى يااغلى الغوالي
بدال روحك ريت لافتني المنيه
ــــــــــــــــــــــــــــــــــــــــــــــ ــــــ
ياسهم گطع جبدتك حيل ماذيك
بيه خليهن سهامك حتى احس بيك
والعطش فطر دليلك أثر اعليك
ياهو مثلك حمل كل هاي الأذيــه
ــــــــــــــــــــــــــــــــــــــــــــــ ــــــــ
شيبك البالدم حسافه مخظبينه
ويـــــاجبينك بالحجاره صايبينه
وذاك طــولك بالرمال أمظيعينه
مصيبتك مــن تنذكر توجع رقيه
ــــــــــــــــــــــــــــــــــــــــــــــ ــــــ
فوگ كل جروحك اعيالك سبايه
فاگدينك وفگدو صاحب الرايه
فارگو كل الأهل ضلـــو ضحايه
وزينب اختك بالكفاله هاشميه
ــــــــــــــــــــــــــــــــــــــــــــــ ــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/AL_Nay_and_Alrthaa