باجر تركض حيل الخيل. وتفر ايتامي
فوك تراب الصحره الحار عطشان وضامي
وتسلب اثيابي انه العده
و ميموني يرد لوحده
عطشان وضامي. عطشان وضامي.
****************************
باجر و بفجر عاشر لمن القي جلماتي
وعلئ جيوش الكفر انضر وجر عليهم اهاتي
اعرف هدة الفرسان لو هدت عله بناتي
وعلئ الاطفال والخيمات ويم سجادي حسراتي

خوله وسكنه يصيحن ماي. وعباسي طايح
ودم عينه يضل علوجنات. يضل جامد سايح
صعب البعيالي انه سده
وميموني يرد لوحده
عطشان وضامي. عطشان وضامي
_________________________________
باجر فكده الاصحاب واحد يتلي الاخر
الواحدهم كلب يراد لو ودعني واتاخر
شلون انضرهم اكبالي وحبيب عمامته مشمر
وجون يحاور بعباس يكله اعله الشمر نخطر

مسلم والحر وي عثمان. وحدهم امه
بلدم نهر انسوي هنا للاصحاب اسمه
العزم وي انصارا انا بده
وميموني يرد لوحده
عطشان وضامي. عطشان وضامي
_________________________________
كلهه تهون احسنهه وينهيه الزمن ويروح
بس اوداعي وي عباس من ياخذهه مني الروح
نفسي يضل يجر ويا ويكطع من تصيبه جروح
وبس جسمي يضل واكف اكبال الخيمه اله مشبوح

والرايه ترف وسط الجيش. وترعب المجبل
واسمه لو مر علفرسان. بلا شهكه يجفل
ارجازك للنهر ارعده
وميموني يرد لوحده
________________________________
الاكبر باجر وجسام مني سيوف تاخذهم
حلم رمله وحلم ليلئ عده باجر توذرهم
ورده عمره ست اشهور ذبحوه ما سلم منهم
الكوم السجدو لابليس ميته كل ضمايرهم

نكرو حيدر داحي الباب. ونكرو معرفته
ونكرو رسول الاحزان. وهم نكرو بنته
والاكبر سيفه يجردهه
وميموني يرد لوحده
_________________________________
وداعي اطفالي بلخيمات كلش يكسر الخاطر
وصدري الي يشبكونه باجر ينثره الحافر
بس هليله اسم حسين باجر عنهم امسافر
اخلاف عيوني علحرام يصبح فاجعه العاش
باجر كل ترجيه بصوب من طفله تنجر
فوك الجمر وفوك النار. يجون خدر
والسبي انه اشهده
وميموني يرد لوحده
__________________________________
رواسي اجبال تتفطر ودمع باجر يفيض الطف
باجر كلهم السبعين جحافلهم تذل توكف
بوداع الحره وي عباس ومدامع جرها مايوصف
ضلمة وليل مر بساع لا طول و لا عطف
ويوصيهه علئ الاطفال. ويسلمه اضعونه
ويم سكينه والخيمات. مشبوحه عيونه
والقدر عني ابعده
وميموني يرد لوحده
__________________________________
لخادم الحسين(ع)..
ذوالفقار جميل الخفاجي..

اللهم صل على محمد وأل محمد
______________________________
بيع سيفك وأشتري أبوزنه الذهب
هجي صار بـأرض كوفان العجب
أنباعت أشراف لبعض يلعنها سائل
و الضماير راحت إبلا يا مُـقابل
_____________________________
جان كلمن عنده سيفه وخاله بغمده أنترك
مامحسب يجي يومه يحارب وما يندرك
هسه اجة ساعة نزاله ولزم لا ما ينترك
لازم يرد التحرك عن مساره او أي شرك

بيع سيفك. صاحو وتركو لحرب
هجي صار. و الأمر كلش صعب
(ذاك سلم هذه ضل بيهم ينازل)
و الضماير راحت إبلا يا مقابل
____________________________
بعد ماوصلت رسايلهم لأبن خير لعمل
أقدم علينا بشيراً يالله كتبوا بالعجل
بلعراق مجنديلك وحنه الك بيت وأهل
ماكو غيرك النه قائد ماكو بس أنته لعدل

بيع سيفك. وأشتري جايك هلاك
هجي صار. للـهرب من هالعراك
(يحلم الرايد يحارب لا يحاول)
و الضماير راحت إبلا يا مقابل
____________________________
لجن ابن زياد باغي ينگط من افكاره سم
غرر النسوان راحت غمدت اسيوف الزلم
كل مره تكل البعلها انطي سيفك واستلم
ذهب لاتصبح فريسه وانت من اهل السلم

بيع سيفك. والوضع اصبح خطير
هجي صار. واحنا لليوگع نَـصير
(تنازلت عن لعقيده شكد جحافل)
و الضماير راحت إبلا يا مقابل
_____________________________
حين طب لهه سفيرحسين بن عقد لوله
هجت وعجت عليه أذيابه رادت تاكله
حسهم ب هذه حقدهم مو ألي كتبو اله
راد يوصل للحسين (يكله رجع القافله)
بيع سيفك. گالو وقر كلذليل
هجي صار. وگال أبد لامستحيل
(مايطخ هيهات للذله يقاتل)
و الضماير راحت إبلا يا مقابل
______________________________
إنأمر مسلم بلرساله يوصل ويعلن سلام
بأرض كوفان واهلهله لحجه يلقيها بؤئام
صار طاعون الخيانه جرح ماله أي لتمام
حاطو اعليه مثل طير وتلتم أعليه السهام

بيع سيفك. لوتموت انته نزيل
هجي صار. وأحنه بلينزل نعيل
(عليك تلتم كلهاا يامسلم شمائل)
و الضماير راحت إبلا يا مقابل
______________________________
ألاف گالتله نحارب لجلك نقاتل جيوش
نطبگ عليهم نخيم مثل علعين الرموش
سيف واحدنه طواريه تضل بيهم تحوش
وجه داره اعليهم وناضر على هيئة وحؤش

بيع سيفك. واشتروا من الجميع
هجي صار. تنجبر تصبح مطيع
(واليبايع مسلم لجوه الرمايل)
و الضماير راحت إبلا يا مقابل
_______________________________
لخادم الحسين ع
ذوالفقار جميل الخفاجي

كل جرة نفس أذكر شبابك
وكل حنة عرس أذكر خضابك
يبني يهون كلشي
لفكدك شاب رمشي
(يمه يمه)
_________________________
كل جرة نفس أسحبهه وأبشهكه
بعدك يلولد شاب أنا وين الكه
يبوطول لحلو لرمضاء إليتحركه
شجاك أتآخرت يايمه عل ملكه

و إمصابك ييمه التعباني
أرجع يلولي موكافي اتاني

أحوبي صرت وأمشي
لفكدك شاب رمشي
..............
كل شاب الأشوفه بيك اشبهنه
و اصيحه يمه يالأكبر وأندبنه
ابد إبروحتك ماكاطعه الضنه
ترد ليه و أرد حبك اجمعنه

و ترد ليه اليالي إلفاكدتها
جن روح أمشت وردت جسدها

فكدك بيه يفشي
لفكدك شاب رمشي
.............
الورده بلايا ماي تموت ماتبقه
وانته الماي الي ونداوة الرقه
تبدي النار دوم بمطرف الورقه
انا بطرف لكبر ولشيب اخذ حقه

آخذ حقه ييمه و كبراني
لحد مامن كثر نوحي عماني

بيه مابقه أي شي
لفكدك شاب رمشي
.............
تمنيتك تلم كبرتي يا للاكبر
عكازي تصير من امشي مااعثر
تلم طولي وتلم عضاي ليه تبر
ييمه وبيك باجر بلقيامه افخر

غيرك ماكو والي عندي يمه
وعطرك يلولد كلساع اشمه

نضري صاري يعشي
لفكدك شاب رمشي
............
احسبلك جنت يا يمه ايام
واضل اكعد يحيلي لمن تنام
اخاف من الهوه ياذيك ضرغام
هسه مو هوه تمر بيك الاسهام

ولسيوف ورماح تمر وسطها
ولجيوش وعساكر موت طبها

صحت لاحزاني دشي
لفكدك شاب رمشي
..........
يشامخ طول ياحلو المحاسن
الك ابكلبي حب ابكد مدائن
شيردك بعد يبن الميامن
تطبر ضهرك بكثرة مطاعن

تمنيت الدموع ترجع المات
جانشفت انا بعيني الصبيات

وياك يروح نعشي
لفكدك شاب رمشي
..........
لخادم الحسين (ع)
ذوالفقار جميل الخفاجي..

من هدم الخيم لومن العلم
جيبلي قطعه
ضلوعي تطشرن مايتجمعن
وجروحي وسعه
(ليا صوب أدير لعين كلهه مجلله)
________________________
خويه زينب
لو كصدتيني من خيمنه تعالي
خويه زينب
جيبي طفله بيهه أشم ريحة عيالي
خويه زينب
صيري جرعه و للشمر لا لا تبالي
خويه زينب
هوه جوه لكاع واحنه إلنه الأعالي

حملي لوناداج ياأخت لخوارج
لا تحاجينه يضل ماله مخارج

(شسوت بصدري نباله حرمله)
_______________________
خويه زينب
لو أجيتي لا تبينين انتي جايه
خويه زينب
ما أريد اهواي تحضر بس عبايه
خويه زينب
وهلعبايه مخصصه ولضعوني رايه
خويه زينب
وداعت الله روحو يازينب سبايه

لا تطيحين بدرب تشبحلج عيون
خلي عينج لرماحه خويه يم عون

(هوايه حملتنه مصايب كربله)
_______________________
خويه زينب
ادري آخر مره تشوفيني وحدي
خويه زينب
باجر اكبال الضعن شوفيني أحدي
خويه زينب
اليوم أيدي وباجر الشمس اعلخدي
خويه زينب
وصي سجادي اريده يصغره لحدي

حته كلي يلمني كبري وأنجمع بي
لحمي لمطشره لحوافر خويه لمي

(زينب ولميلي اديه الناحله)
_______________________
خويه زينب
هذه أبوفاضل ترى حكه علينه
خويه زينب
كبلي ادفنوه هذه كفال الضعينه
خويه زينب
هناك صوب لعلگمي تلكوه ادينه
خويه زينب
حيل يزعل لونسيتوا هم علينه

وتزعل أمي فاطمه وي أم البنين
هذه عباس الربه ويانه سنين

(تبقى عيني عله الجربه هامله)
_________________________
خويه زينب
وليدي الاكبر هم تعرفينه أعلطوله
خويه زينب
شفافه ذبلانه وجثث تلكين حوله
خويه زينب
و يمه عبدلله الي ماشبعان لوله
خويه زينب
ويلي المثلث ذبح حلم الطفوله

القاسم مكتر تشوفينه ب دمومه
عرسه بين رماح وسيوف أعلحومه

(كولو عريس الطفوف لسائله)
________________________
لخادم الحسين (ع)
ذوالفقار جميل الخفاجي.

يعبدلله الولد يبني يمدللول
ما شابع بعد جلمة دللول
عزبت بسهم وبمنحرك نام
عمرك يلولد جم ورده وايام
-------------------------------------
يعبدلله..وأسم الله.. كبل لمن تنام أگعد
عمت عيني..ضوه سنيني..صرت بمهدك اتفگد
يسالفتي..وينايحتي..ويجرحي العمره ماينسد
دحاجيني..ودسليني..الحزن ايامه ما تنعد
يعبدلله تعال الروح خلصت
وأيام الفرح يبني تعدت
بدت بيه الجروح تصل بلعضام
عمرك يلولد جم ورده وايام
------------------------------------
يگلبي انته..الذبل حته.. بغيابك نبضه مو الأول
حسبتك..يجي وكتك..وازوجك بيدي وا أتأمل
لكبر سني.. وجنت ضني..عمرك مني حيل اطول
من عمري..علئ عمرك.. شتريد اسنين الك أكمل
يعبدلله اموتن گبل ماتموت
تمنيتك اليه تشيل تابوت
الحسبته لكبرتي وليك اوهام
عمرك يلولد جم ورده وايام
عمرك يلولد جم ورده وايام
------------------------------------
يعافيتي.. ويحينيتي.. يبعد الروح والجبده
تمنيته.. انه غطيته.. الترب عن لايصل خده
بعد امه..الحلو رسمه.. خلافه النوم ماسده
اعرفنه.. وافهمنه.. جريم وسهمه مارده
يعبدلله اضلمت يايمه دنياي
وحيده وفاجده من بعدك الراي
نومك بلمهد موبين لخيام
عمرك يلولد جم ورده وايام
-------------------------------------
يبسماتي.. ويضحكاتي.. ويبعد الروح والريه
يضنوني.. من عيوني.. اشربك منهن أميه
ماعوفك.. ولاشوفك.. وجهك ذابل وضيه
تضل يمي.. ياحلمي.. واشبع منك أشويه
يبعد أمك تمنيتك بلـضعون
لضمك ياگمر من اليحسدون
الليله اعليك ماتنعد بلف عام
عمرك يلولد جم ورده وايام
--------------------------------------
تقبــلها.. اليزعلــها.. أمك يمشي حـاديها
راسك فوگ.. شاف السوگ.. والنضرات تاذيها
الصلاه يبني.. تضهدني.. بهوادجنا ونـصليها
وشنرتاح.. و الذباح.. صار الگوم واليها
والتبجي دمعها اينشفه السوط
مانشگف ادينا من الجر خيوط
تعودنا وبعد من حسها الأم
عمرك يلولد جم ورده وايام
--------------------------------------
شينسيها.. اليمسيها.. ويصبح بعينها الجتال
لاموهاي.. يبني الماي.. ماخله اعلحالي حال
ياحلمي.. و يا أمي.. عساها بذمته النبال
وياذمه.. للبسهمه.. ثلث شعاب للاطفال
سمالله عليك ومناغاك محلاه
ويوميه الفجر اتسامر وياه
وحسبتك تضل تجايه وحزام
عمرك يلولد جم ورده وايام
----------------------------------
لخادم الحسين ع
ذوالفقار جميل الخفاجي

وداعج يطول وصعب وبهيام ياخيام
بس أنتي لباجر تحمينه
من شمس الله فياي علينه
ياخيام. ياخيام.
__________________________________
هليله موادعنه كبالج نجمه تودع نجمه وتبجي
سكينه تودع عمهه تكله بعدك باجر المن نشجي
لو طرينه أكبال الغربه هيمه مضيعين ومانحجي
عالم ما نعرفهه تكله ثكال حمال علينه ترجي

وإمصايب وبس قهر ولجروح كلهه نوح

وخافن غربه احنه لتحدينه
من شمس الله فياي علينه. ياخيام..
__________________________________
ياخيمه من شموع لقاسم هليله انتي مضويه انوارج
بوسط لهيمه بضلمة وصحره حسبينه اليله خطارج
متبات الحنه وما تبقى لزوم نحنيج من اسوارج
بلورد انعلگ بيبانج و مانمحيه يضل تذكارج

يضل موقفج ذكريات للخلود والصمود

و لجوري بعطرج شمينه
من شمس الله فياي علينه. ياخيام..
__________________________________
ياخيمه احزانج رسميها ماضل اي شيء ويصبح باجر
من هليله رسمي و باجر يتجرح جم خاطر
حسين الهسه بوسطج كاعد باجر منثور من الحافر
باجر غربه حنه تفرهدنه ويسدي عليج نتي الماصاير

مثل الحرك والسلب والخيول بيج تصول

والماصار انتي تشوفينه
من شمس الله فياي علينه. ياخيام..
_________________________________
تذكارج راح بخدمتنا يبقى يضل دوم ويتمدد
قدرج هذه راح انقدره وراح يضل لينه ويتمجد
راح يكرمج الله بخدمه بس مونار وذكرج يصعد
للمشايه فياي تصيري ويلبسونج ثوب الاسود

ثوب الاسود داخلج جن حداد السواد

وحجيي هم راح اتذكرينه
من شمس الله فياي علينه. ياخيام
_________________________________
ياخيمه انتي ماقصرتي وضحيتي ويانه وكفيتي
شكدحاولتي بكل قدراتج حته بنفسج هم ضحيتي
والنار الي تشب اطرافج باجر تجوي اطفالي وبيتي
وماترمحهم مهما صرخوا والدخان يأذي بريتي

واطفال اكو تختنك وتعتثر من لشمر

والظالم باجر يحدينه
من شمس الله فياي علينه. ياخيام.
________________________________
لخادم الحسين (ع)..
ذوالفقار جميل الخفاجي

عطشانه يحسين شو ونته نايم
وجسمك شفت بيه ارماح وصوارم
خويه وبحر ظهر..ردلي خالي المهر
شو ونته نايم
** ** ** ***** ** ** **
يوم العاشر بعاشور من دارت علينا الناس
ناديت بعلو صوتي تسمع خويه يا عباس
هاي الگوم حاطتنا ومشاهد تگطع الانفاس
سوالف شيبت گلبي وشيب منها حته الراس

مابين الأجناب ركضت سكينه
والشامت حذاي ماغضها عينه
وليه دار النظر .. ردلي خالي المهر
______________________________
التمت كل جحافلها وعساجرها عله خيمنه
الشمر ماخله بينه گلوب خويه احسين نشفنه
يرفع راسك اعلينه واحنا من الخيم صحنه
عوف حسين يا ملعون شويه وابتعد عنه

ياخنجر حسين ماينذبح دوم
ورد ويشموه وتتنفسه الكوم
ضل يحز بلنحر.. ردلي خالي المهر
_____________________________
انادي بصوتي المبحوج حسين حسين تسمعني
رد أعليه يبن امي فگدك حيل يضهدني
أصبح فرجه بين الناس والأطفال تتعبني
من خيمه لخيمه اركض وسيوف التعثرني

واعثر واگومن من كثر الاسهام
مشبوگه الرماح بيبان الأخيام
وعيني صوبي النهر.. ردلي خالي المهر
_____________________________
شثگلها حسرة الملجوم والرايح لخوه المات
حزني وحالي مايوصف ولاتكفيه ابد جلمات
سمعت واحد يصيح بصوت المن ذني البنيات
واحد گله اضن لحسين و مبينات علويات

ردينا جم ثار من فحل الفحول
يشگگ مهجتي من اسمعه يگول
بجلمته شگد قهر.. ردلي خالي المهر
______________________________
يريته العاشر ولاهل ولا هالصار حاضرته
اشوفن صدرك موذر يويلي الخيل ساحگته
وارد انظر علئ العباس الراح وما رجع لخته
اوصلله وي ريح الهاب مكتوبي بدمع سكته

وبياهي اخبره ويا ضيم الأحجيه
واصغاري كلفات جا ياهو الاخفيه
طايح علئ النهر.. ردلي خالي المهر
_____________________________
لخادم الحسين (ع)..
ذوالفقار جميل الخفاجي

اللهم صل على محمد وأل محمد
-----------------------------------------
شبكت اديه وحاطتهن فوگ راسي
لمن شفتها ضعونهم حملت ناسي
لا ابوي الكالي يابويه اركبي
وانا متانيته وايدي فوگ كلبي
بلکت يناديني ... بلكت يناديني
_______________________
شبگت اديه و عيني تترسم صور
من الصور حرك المخيم
ضليت اگوم وابجي والطم واعتثر
ودمعي يهل دم
طحت بهل موقف راودني ارسم صوره
بعيني رمله شالت شمعه بس مكسوره
واحلامي تتسولفلي أبالي قصة خيمة
محترگه وبيها ابنيات تطر الهيمه
وحلمي ضل ياذيني ... بلكت ايناديني
** ** ** ** ** ** ** ** **
راسي على الباب انتجه وراح بحلم
وحلمه ذهلني
جن التراجي اتكطعن و عليها دم
وهم خوفني
گبالي رقيه انضر طاحت حيل وتبجي
درفعها الشامت ضل يضحك حيل ويحجي
مافرزنت انا احجاياته بس من گلها
وينه احسينج بلمسبية وضحكت كلها
وسوطه ضل بعيني ... بلكت يناديني
** ** ** ** ** ** ** ** ** **
فزيت وعيني اعلضعونه ضلت تربي
ومشبوحه ضليت
شلت انا اديه للسمه وادعي الربي
شلون ابقى بلبيت
ما اكدر وأحلام الليل اخ تراودني
كل ماردت اغفه لغربه تضل تفززني
وعيني كل لحضه اعلخيامه تاخذ منضر
جن ابلا والي اعلضعونه وغربه التفتر
رايده يحاجيني ... بلكت ايناديني
** ** ** ** ** ** ** ** ** ** **
جنه اشوفنه الضعن عني بعد
رايح بلاحباب
وحدي بقيت امرمره مايمي احد
بس عتبة الباب
اجروحي والام فراگي انا الماتركتني
ماتركتني لحضه وحده وماعافتني
كل تفكيري عليهم باقي يم خيمتنه
وعمي العباس وعبدلله ويم عمتنه
شوفته ترويني ... بلكت يناديني
** ** ** ** ** ** ** ** ** ** **
ضل بذني ينعاد الصده من حملو
وناده خواتي
صدليه وبنضرة حزن لمن مشو
وبيدي عباتي
من ايدي طيحت اهدومي او وجهي تلون
كل دمعه الطاحت من عيني بلكاع اترن
ماوكفن دمعات عيوني نهر يصبن
حته اهدومي من دمعاتي كلهن نكعن
لوحدي مخليني ... بلكت ايناديني
____________________________
الخادم الحسین (ع)
ذوالفقار جميل الخفاجي..

اللهم صل على محمد وأل محمد
--------------------------------------
درب غربه من مشيت
برمحک اگبالي أعتليت
والسبايا بلايه رايه -بألأحبال مجتفين
*** *** ***
خطوه خطوه أحسبلهه حساب من أخطيهاا
هوه الغربه جنه سهم بريتي شاجخ بيهاا
حيل صعبه المره من تمشي بلا واليها ( ۲ )
ولشمر يحدينه صار يرعب بسيفه الزغار
وانه المهم يمي أحطهم ولا يأذيهم لعين
*** *** ***
طفله طفله صعدوها أعله نياك مجتفه
تدري خوله تكلي عمه أنه منهم خايفه
عمه زينب مثل هاي لناس أبد ماشايفه ( ۲ )
التمن عليه الجروح عمري صار بعمر نوح
الغاضريه وال أميه شيبو رأس السنين
*** *** ***
صحره صحره عيونهم من نبجي ماترويها
علينه جسره كلوبهم ياخويه ماتهديهاا
وكت زینب تمشي توكف موبأمر واليها ( ۲ )
الجانت بعز ودلال كبل حال وهسه حال
يازمائي التعباني وصرت أسولف بلآنين
*** *** ***
ناكه ناكه صرت أعد أخلافكم ياهاشم
فشله فشله أمشي ، وضل الكفلني نايم
شلون بيه وكلبي يم الغاضريه هايم ( ۲ )
يم أخوتي أعلتراب أنه ولرمله ورباب
يم أهلنه انبات كلنه وبيت لمتنه الحسین
____________
لخادم الحسين ( ع ) ذوالفقار جميل الخفاجي

اللهم صل على محمد وأل محمد
** ** ** ** ** ** ** ** **
علىٰ ظهور الهزل يحسين صعدوني
مشه بينه الضعن وعليكم عيوني
عگب عينك يغالي الغربه يسبوني
ويگلها اضربها حيل الهاشمية ..
- - - - - - - - - - - - - -
عگب عينك يخوية الناس تحدينه
ويخويه بسوطه طگ ارقية وسكينه
ويگلي هم كفيلج راح جاوينه
و ضربت انا الوجه بثنين بدية ..
- - - - - - - - - - - - - - - -
يگلي ذاك عباسج تعرفينه
وهذيج سهامنه الي نابته بعينه
وهذاك أموذر بصفه تره حسينه
يزينب ضل طريح اعل الوطية ..
- - - - - - - - - - - - - - - -
اجه وكت السفر اتوادع وياكم
يخويه بس جثث يحسين الكاگم
الضعن سایر يخويه وصعب فرگاكم
أضن كلبي انغرس بلغاضريه..
- - - - - - - - - - - - - - - -
يحسين الخيول السحگت بصدرك
و الحافر طلعلك من غرز ضهرك
يخي ذبحك كتلني حيل من نحرك
بس جثتك بقت يمهم رميه ..
- - - - - - - - - - - - - -
شفت انا بدر صوب الشريعه
موذر بلعره وجثته صريعه
المحت عيني على ازنوده الگطيعة
وسهم العين ياذيها لرقيه ..
------------------
لخادم الحسین ( ع ) ..
ذوالفقار جميل الخفاجي

اللهم صل على محمد وال محمد
______________________
يبو الغيره يغالي تعال وشوف حالي
خويه اصعد علهزل وحيل يأذيني الحبل
وبينه اشصار
*** *** ***
ايا غالي شرد اسولفلك يخويه اعلضعن
بيوم فارگنه المدينه لهسه ماطابگ جفن
حيل مشتاگه لداري وكون نرجع للوطن
هسه ياكفال اخيتك دموعي بعدك خلصن
والزمن دار بينه اشصار
*****
ياكفيلي من اجينه وفوكنا ترف رايتك
مااسولفلك عوضعي حنين تنزل دمعتك
كطعتلي انياط كلبي تدري انته روحتك
توجهت صوب الشريعه ودورت عن جربتك
والضعن سار. بينه اشصار
*****
خويه كل ذيج المعارك ونته متذب العلم
ناضرتها جروح جسمك تنزف وممليه دم
رحت اضمدلك جروحك خفت عن لاتلجم
وعين وحده تشوف بيهه لاخره طافيها السهم
والدمة حار بینه اشصار
*****
خويه عباس ارد اگلك من حدوبينه الغرب
يا ابو راس الحار تقبل بنت اخيك تنضرب
خوله رجليها زغيره وترفه وبعيد الدرب
وانا صعبه عليه اطلع واصعد الناكه صعب
ودمعي ينهار بينه اشصار
*****
خويه نوك السبي جابو حيل كلش عاليات
شلون ترضاها حريمك بلحبال مشددات
كلت بلكي اهنانا يمكم علرمل ونضل نبات
لاخيم ضلت يخويه والجمع امسا شتات
وجت النار. وبينه اشصار
*****
خويه اخر موقف انا راح اسولفلك عليه
تدري رمحك شفتا وجر وحامله اتجوت اديه
جن جمر رمحك يِنزل ومحد اليدنه ليه
من بعيد اتناضرته وعلعليل مجتفيه
خويه واصغار وبينه اشصار
*****
لخادم الحسین ( ع )
ذوالفقار جميل الخفاجي..

اللهم صل على محمد وال محمد
*** *** *** *** *** *** ***
وين رايح عني ومخليني رسوم وجهك لسة بويه بعيني
انـــه إلعـــــــليله
*** *** ***
وين رايح عني بويه بويه گلي ليا كــتر
بعدك انا دموعي هلت بفقدتك ماضل صبر
روحي شبه الطير حلت بلاسرب بس باقي حر
ورده من ارضك تراني بزغري يبسني الدهر
حيل مشتاكه لضعنكم انه
بويه وردتكم بقت ذبلانه
انـــه إلعـــــــليله
*** *** *** ***
بويه من گتلك اخذني ليش ماردلي الجواب
اتدلهمت بعيوني غيمة وامطرت فوگ التراب
دمعي من أحجابي ينزل حته نگعها الثياب
ادري شمسويه انا بويه وخلص عمري بس عذاب
ليش بجفاكم عميتوا اعيوني
وانا يم ديرة غرب عفتوني
انـــه إلعـــــــليله
*** *** *** ***
الليله جن شخصك اجاني ومرراني بلحلم
تگلي بويه وداعت الله وجسمك احمر كله دم
اتلعثم الساني ارد اسئلك عن خواتي ولخیم
وليس تسكت بويه عني من اسئلك عل سهم
وليه مارديت اضن ناسيني
کتلم ومن بعدك اليحميني
انـــه إلعـــــــليله
*** *** *** ***
الليلة الأخره بعيني راود حلم ابد ماينوصف
جن شفت صوب الشريعه جود والرابيه ترف
اتگربت و عيوني هلت من شفت عمي الكلف
وجن شفت ذرعانه ماهي وسهم عينه المنعكف
كتله ياعمي اشجره حاجيني
ماحجه ومن حلمي فزت عيني
انـــه إلعـــــــليله
*** *** *** ***
حلم شفته راوداني و عسن ميته بې عسن
جن شفتهن كل خواتي وعمتي وكل الضعن
وجن شفت كلهن حرمنه بللاحبال اتجتفن
گمت اصيحلهن وانادي واضن ماسمعني اضن
وحته الفوك النياگ مكيدات
ويلي أه اعل الخوات مجتفات
انـــه إلعـــــــليله
*** *** *** ***
صار ريجي دومه يابس ابد مايرويني ماي
ماكو طيب لهاي علتي شوفة الوالد دواي
جان هوه اعليه خيمه وجان بلضلمة ضواي
ومن انام اعللمخده يبوسني ويعدل غطاي
بشوفته جنت انا اكحل ناضري
والمرض من بعده ضل يسري سري
انـــه إلعـــــــليله
*** *** *** ***
لخادم الحسین ( ع )
ذوالفقار جميل الخفاجي..

اللهم صل على محمد وال محمد
_____________________
يعباس .. خويه بس حاجيني
يعباس .. بس الم تدريني
---------------------------------
يابوفاضل شرد اسولف علعطش والامك
خويه عيني عليك تنضر وانظر لصمصامك
عيوني ضلت بس تناضر عل نهر والثامك
الأحساس .. كلش ياذيني
يعباس .. خويه بس حاجيني
* * *
سكنه صاحت عمي ارجع الماي لامنريده
حسین ابوي يريدك انته يدور اعل اعضيده
رقيه تنضر عل اعادي تصيح عمي نريده
الأنفاس .. بعدك تعافيني
يعباس .. بس الم تدريني
* * *
يا أبوفاضل كل خيمنه بنارهم حرگوها
والأطفال اعللمخيم عل جمر مشوها
والجثث عباس اجوها بخيلهم سحگوها
الأرجاس .. بخيلهم تاذيني
يعباس .. بس الم تدريني
* * *
نوگ جابوها الخيمنه ولحبل باید هم
صاح زينب وين أخوتج علنهر تلكيهم
انا هضمتني جلمته وكتله أه عليهم
علی راس .. الطم تخليني
يعباس .. بس الم تدريني
* * *
عيوني ماتكتم دمعها وهلت من عيوني
شلون ياعباس اضمها وانتم التجفوني
وسفه ياعباس خويه اغراب تحدي ضعوني
عرج ساس .. من علي مربيني
يعباس .. بس الم تدريني
* * *
شلون ياعباس انام وانته راسك علرمح
جسمي مايغفه ويغمض يبقه كاعد الصبح
بلسبي يوميه تصعب وبلصعب هم نتضح
الحراس .. اكثر من سنيني
يعباس بس الم تدريني
* * *
لخادم الحسین ( ع )
ذوالفقار جميل الخفاجي..

اللهم صل على محمد وال محمد
* * * * * *
صلن الوحشة سويه .. خوله وي سكنه ورقيه
زينب ورمله ولبابه و الرباب
وليلي أتعزيهن بهذه المصاب
صـــــــــلن ســــــــویه
- - - - - - - - - - - - - - - - - - - - - -
صلن الوحشه سويه كل اهل بيت الحسين
هاي الي فگدة ابنها وهاي اخوهه وللاثنين
وهاي الي مخضبه شعرهه بحنة بنيهه الحنين
و الصلاة محتاجه جانت ام مثل أم البنين
بیین تصلي جماعه وتنعي اثر حالة صراعه
وتشرح الأم المصائب والعذاب
وليلي اتعزیهن بهذه المصاب
صـــــــــلن ســــــــویه
****************
بین ما رادن يصلن اتذكرن ليلة امس
لمن اباب المخيم صلو بصوت الهمس
وزينب اتذكرت اخوها وضنك عليهه النفس
ورمله اتذكرت أبنها وحنته وحزن العرس
والرباب تنادي يبني الشيب من بعدك اخذني
تذكرن كل الصحابه والاحباب
وليلي اتعزیهن بهذه المصاب
صـــــــــلن ســــــــویه
******************
جانت اللمة حزينة و بيهة المعزب الدمع
جانت الدنيه مضلمه وماكو بس ضي الشمع
وجان السجاد ينعي بلونين اعله الضلع
والحزن هلیله خيم عليهم وجزع جمع
والرؤوس دموم صبت من نواعيهن تعلت
وضلن بهيلن على الراس التراب
وليلي اتعزیهن بهذه المصاب
صـــــــــلن ســــــــویه
******************
اه يحسين او مصابه هاذي ونات الحرايم
واللبابه تصيح وينك ياولي ياکمر هاشم
ليش ما رديت اليه حسبيت اتردلي سالم
تدري شماتك تصعدنه على النوگ بشتايم
شلون ترضاهه بحريمك من يحاجينه يلجمك
راح اوزع جم نهر بسمك ثواب
وليلي اتعزیهن بهذه المصاب
صـــــــــلن ســــــــویه
*****************
حسين خويه خوله گالت وين ماردنه ابوي
وانه كتلهه پردلج تالي ما رديت اخوي
من عكب عينك يغالي ترضة شماتك يروي
أنه أول هاشميه للغرب امشي سبوي
صعبه حيل مخدراتك الأصعب وحتى بناتك
ننسبي اشلون احنه مو ال لكتاب
وليلي اتعزیهن بهذه المصاب
صـــــــــلن ســــــــویه
*****************
لخادم الحسين (ع)..
ذوالفقار جميل الخفاجي.

اللهم صل على محمد وأل محمد
- - - - - - - - - - - -
ضاگت الگاع
من طحت والدنيه صارت مغربيه
ضاگت الگاع
وريت كون انطيك يا عباس اديه
كون يأخذني الجدم..ليك ياراعي العلم
.......
ضاگت الوسعه يكافل..التمت علينه الجحافل
من يردها ياابوفاضل.. وانته طايح
خويه عباس اگعدلنا..عللترب نومه زلمنا
ياهو اليضل يم اهلنا.. وانته رايح

رقيه تصيح عمي بويه جاوينه
اباب الخيمه گعدت تنظر اسكينه
تگلي الماي عمي يجيبه وي طينه
يجيب الشط عله خيامه..برهبه يجري گدامه
موتك اتمنى حلم
--------------------------------------------------
گلي ياحال الاوصفه .. والعطش بيمن نحلفه
اشتد علينه عينه صلفه .. وسفه عباس
تمرجل بكل طفله عدنا ...ولظمه كلش ضهدنه
وذبل ياعمنا وردنه .. ويگطع انفاس

تولانا بظهر بي شحت المطره
وماروه گلب عبدلله لوگطره
اللهي ندعو شاهدنا ولو نضره
شاهد ربي جم حاله..تعذب حسين وعياله
تعزب العين بسهم
----------------------------------------------.
ياجرح ماله اليضمده .. غيرك ومحد يهيده
طولي وي طولك أمده .. لو بقيت
الله لاسامح و اشوفك .. بهلوضع واگدر اعوفك
ما گدرت أحمل ضروفك .. وانحنيت

أريد من النهر لخيمنا أشيلنك
وگبال الغرب عباس المنك
ياوسفه أرجع وبس انته اعوفنك
لوحدك علنهر طايح..ودمك علأرض سايح
وحته جودك ماسلم
----------------------------------------------.
الرجعه منك للمخيم .. منها احس حيلي تهدم
والضوه بعيوني سهم .. بنص نهار
الخطوه ثگلت ياعضيدي .. من رجعت تريدك ايدي
شويه أگل للروح هيدي .. الصار صار

أول مره ضهري على النهر يبقه
ودمعي لونزل لمصيبتك حقه
يانبع الأخوه و مبدأ الرقــه
شيِصبر گلبي بفراگك..أيا ياحسرة اشواگك
لـ فرگتك حيلي نهدم
--------------------------------------------.
جن سهم عينك نضرته .. وشامتي تأذي ضحكته
والحجي الياذيني عفته .. بلب گفاي
بالي ضل يم العقيله .. وهمي صحره ماتشيله
هوه المفارگ خليله .. يريد ماي ؟؟

تلگتني صفيه وخوله والسكنه
ينشدني ويگولن وينه جا عمنه
ولبابه لو أجتني صعبه هلمحنه
أگلها عظم الله اجرج..انكسر بعد الگمر خدرج
يصبرج الله لهل الألم
--------------------------------------------.
لخادم الحسين (ع)..
ذوالفقار جميـل الخفاجـي..

يل بين حيطان السجن . . . يلچبدك بسم منطحن
يمخلص انهارك علئ السجاده
والليل تسبيح ودعاء وعباده
(يل بين حيطان السجن)
- - - - - - - - - - - - - - - - - -
يلبين حيطان السجن عمرك خلص يامظلوم
تانيت تفرج تنگضي وتالي متت يل مهموم
ويلاه موموته وخلص بزنزانه واضح معلوم
لابيها نفذه ولاهوه وسنين بيها ومو يوم
وشمس الله اضن ماتوصلك..الزنزانه صارت منزلك
اذوك كلش يبن نسل الساده
والليل تسبيح ودعاء وعباده
***** ***** ***** *****
الشيعه جانت تنتضر شخصك يهل اعليهم
وبلحظه لحظه اتعد الك لنورك يشعشع بيهم
ماعرفوا الجمعه القدر حسبو تعاود ليهم
وترد مثل قبل وبعد تحكم عدل وتعيهم
وتزهر معالم شيعتك.. وعلمك يضوي ولايتك
وسلطان ترجع وانته ريس القاده
والليل تسبيح ودعاء وعباده
***** ***** ***** *****
معروفه هجمات العدو لمن يصوب بلضهر
وجه بوجه مايلتگي نتمعن نركز النضر
حيدر علي مو بلوجه من خلفه بلهامه انطبر
موسيف واعليك ارفعو مولاي سموك بغدر
وسم الجبد ماينحمل..باعضائك يبين يشل
ومن قوته گلبك يصير رماده
والليل تسبيح ودعاء وعباده
***** ***** ***** *****
ماتعرف انهارك بده لو ليل هذه الخَيم
ويلاه تحت منالأرض محجوز ياشيخ الهم
عِلمك مدارس للبشر ونورك يشع كل مظلم
الموشيعي لمن يِدرسك ويقراك حقاً يسلم
خسران كلماً ماعرف.. نسبك يبن خير الشرف
صار القتل لهل الرساله عاده
والليل تسبيح ودعاء وعباده
***** ***** ***** *****
كلمات خادم الحسين ع
.. ذوالفقار جميل الخفاجي..