كلش تصير كبيرة

باعتبار انت وصلك شعار
تساعد..
او تساهم..
او تشارك
بأحياء ذكرى مناسبات اهل البيت
وبمساعدة الناس
وبكفالة اليتيم

وانت بالمقابل شنو؟

اعتبرته شيء عادي
وعفته وراك ومشيت..

وهاي اللحظة من نموت
راح نتندم عليها هواي..

حتى اذا جاء احدهم الموت قال رب ارجعونِ لعلي اعمل صالحاً فيما تركت.

هاي الآية المفروض نخليها ببالنه
ودوم نردد بيها

لإن راح تكون سبب بنجاتنا..
راح تكون سبب بعزيمتنا وهمتنا
للعمل الصالح

وخلوا ببالكم خدمة آل محمد
بيها مجالات هواي كلشش

وخدمتهم ما تقتصر ع شي واحد فقط..

اعرف أشخاص
امنيتهم يخدمون ال محمد بكلشي يكدرون عليه

لا تقللون من همتكم
ولا تخلون شخص او موقف او فعل او اي شي
يقلل من همتكم بخدمة آل محمد

اسعوا للخدمة
اسعوا لرضاهم
اسعوا لآل محمد

ساعتها راح تلگون آل محمد جميعهم يسعون لقضاء حوائجك وتوفيقك وتسهيل امورك…

وخلي اكوللكم شغلة گالها ملا عمار..
او الافضل خلي ارسللكم المقطع..

اسمعوا كامل

حقيقةً من سمعته
تذكرت كل المصاعب الي اواجهه بخدمة الحُسين
وفعلاً..
مرات اكول..

مرات اكول اذا شي بي خدمة ال محمد صار بسرعة
صح بي لذة
لكن مو نفس من يكون العمل بي مصاعب
من يصير
تحس لذته اكبر..

وهاي كلها اختبارات ع كولت ملا عمار

وبالنهاية آل محمد يعرفون الي يحبهم ويعرفون الشخص الي جاي يخدمهم بحب وإخلاص وصدق نيه

وما راح يعوفون اليخدمهم ابد..