قصيدة في ولادة سيد الكائنات محمد رسول الله صلى الله عليه واله


أرض وسمه فرحانه. تـنـثــر ورد ويّـــانـه
مولد مُـحـمّـد جانـه


أرض وسمه ويانه علنت فرحتها
بمـولـد حبيب الله النبـي هيبتـها
كـل المـلائــك عـلّـگــت زينـتـــها
بهالمـولـد وماتـنـوصـف بهجتــها
وحنه بفرحنه انّادي. يامحله نـور الهـادي
نعيش الفرح خلانه



أشرق نبينه بمولده عله الأمه
بوجه اليشع انوار زاح الظلمه
اسمه مُـحـمّـد الله أنزل اسمه
جبريل وملاك السماء تخدمه
الله القدير ختاره. وتشعشعت انواره
ماينوصف احسانه



اول خلق نـور النبـي وتكوينـه
عند الله ماكو أعله من هادينه
آخـر رسـول اختاره كمّل دينه
بلهـفـة گلب هالمـولـد متانينـه
هالفرحه يامحلاها. بسـم النبـي نتبـاها
طـش الورد ألـوانـه



بمولد حبيب گلوبنه وامجاده
ننصب حفلنه ونفـرح بميلاده
نحييها كل عـام وسنه اعياده
نـدعـي الله يتقبّلنه من وفّاده
نتمسّك بأقواله. مانبتعد عن آله
ونـرتّـل بـقـرآنه



بـمـولد نبينـه نحتفـل ونذكره
نجـدد عهـدنه مانعوف العتره
بايعنه مهدينـه ونضل ننتظره
ندعي الله للشيعه يعجّل امره
بجاه النبي هادينه
عجل فرج مهدينه
جـرح البُـعــد اذّانه

خادم الرسول محمد صلى الله عليه وآله وسلم
سيد زيد الفحام
_______________________________________

ابوذيات وهوسات في ولادة رسول الله مُحمّد صلى الله عليه واله


اجتنه وبشّرت نفـرح. رسلنه
بولادة سيّـد وآخــــر. رسلنه
تهاني الفرحة للمهدي. رسلنه
نهنّي المنتظر هاي المسيــه ( صلوات )



خبر عن مولد الهادي. وردنه
يفوح بعطره هالليله. وردنه
حضرنه بمولده نفرح. وردنه
نشارك بالفرح بنته الزچيـه. ( صلوات )




مُـحـمّـد ما وصل واحد. لفضله
رسـول وعالبشـر كلـــها. لفضله
ربـنـه بأعـظـم الفــاضه. لفضله
يمدحه بخُلقه وخلاقه السخيه. ( صلوات )


هوسات //

سُبحـــانـه الإلــه شـصـوّر وابـدع
خلق طه النبي من نوره وتشعشع
من وجه النبي نور وحِسِن يسطع
( نَوّر دنيانه بانواره )



فجر سابع عشر صار بربيع اوّل
انولد نور الرسول الطاهر الأكمل
من سابـع سمـه الأمـلاك تـتـنـزّل
( تـتـبـرّك بالهادي ونوره )



مُحمّـد اشرق بوجهه اليشع انوار
حبيب الله الرسـول وهازم الكفّار
لولا المصطفه هـذا الخلق ما صار
( لعيونه الخالق سوّانه )



واحنـه بمـولـد المختـار فـرحـانيـن
ننصب محفل لراعي الشرع والدين
ويـن الرايـد ينـول الشفـــاعـة ويـن
( خل يفرح بالهادي ويانه )

خادم سيد الكائنات وحبيب الله مُحمّد صلى الله عليه واله
سيد زيد الفحام
________________________________

قصيدة في ولادة سيد الكائنات محمد رسول الله صلى الله عليه واله


صلوات صلوات عله الرسول المصطفه


فرحتنه بالهادي النبي. محلاها محلاها
صورة نبينه الهاشـمي. محلاها محلاها
والدنيـه بوجـود الولي. محلاها محلاها
بـهـاي الولادة نحتـفـي. محلاها محلاها
والگلوب والگلوب تغمرها حُب وعاطفه
صلوات صلوات عله الرسـول المصطفه



ارض وسمانه تحتـفـل. مسروره مسروره
بالمصطفه سيد الرسل. مسروره مسروره
والمـؤمنيـن بلا خـجـل. مسروره مسروره
للبــاري شُـكــراً تبتـهـل. مسروره مسروره
والأعداء والأعداء حزنانه كلها وخايفه
صلوات صلوات عله الرسول المصطفه




نـفـرح يشيعـه ونبتهج. هالليله هالليله
مولد ابوالعترة الحجج. هالليله هالليله
اليفـرح كـمـن للّه يحج. هالليله هالليله
خلـونـه نـدعـي للـفـرج. هالليله هالليله
والاصوات والاصوات ياربي صلي هاتفه
صلـوات صلـوات عله الرسـول المصطفه




فرحتنه فرحت فاطمه. نحييها نحييها
نعلنـها وبـأرض وسـمه. نحييها نحييها
للعتـرة ولحامي الحمه. نحييها نحييها
بذكـر الرسـول الخاتمه. نحييها نحييها
اناشيـد اناشيـد بسم الرسول انوصّفـه
صلوات صلوات عله الرسول المصطفه



نـهـنّـي ونبــارك بالفرح. مهدينه مهدينه
وبفرحتـه صدره نشرح. مهدينه مهدينه
من يظهر يداوي الجرح. مهدينه مهدينه
واليدعـي للمـهـدي ربح. مهدينه مهدينه
مُناجات مُناجات للمـهـدي نوره ماطفه
صلوات صلوات عله الرسول المصطفه

خادم رسول الله محمد صلى الله عليه واله
سيد زيد الفحام
___________________________________

قصيدة في رثاء الحشد المقدس


قصيدة ومستهلها الارض ردت لهلها
حشـدنه حـرروها رجال وما انطوها
الارض ردت لهلها


ياحشدنه ياحشدنه. يارجـال المـوزمـات
انتصـر بيكم وطنّـه. عالدواعش والطغاة
ورتـفـع بيكم علمنه. يارجـال التضحيات
وبأسمـكـم أحتفلنـه. انتوا نوّرتوا الحيـاة
رسمتوا الابتسامه. عله وجوه اليتامه
نِعم منكم يالابطال. فعل مو بس بالاقوال
الأرض ردت لهلها



انتوا ذلّيتوا الدواعش ياحشدنه بكل جداره
للوطـن للـمـرجعيــــه. انتوا زفّيتـوا البشـاره
كل شهيد الطاح منكم. اعلـن بدمّـه انتصـاره
ياحشـد شـكـراً جزيلاً. عالوطن كلكـم غياره
ورود انـقـدّمـلكم تهـانينـه بنصـركـم
شجاعة ومرجله وزود. بشهامتكم يالحيود
الأرض ردت لهلها



نشكـر اليـوم بحفلنه وننحني للمرجعيــه
ثورة فتوتها الشريفه. عالعصابة الداعشيه
حفظت الفتوى العراق. وطبّقتـها الرافضيـه
ياحشدنه وصرتوا الها. جنود ضد الناصبيه
اسـود وياغـوالب. طرتّـوها الاجانب
بفضلكم ياحشـدنه. تـأمّـن كـل بلـدنه
الأرض ردت لهلها




عالنواصب والدواعش. بيـكم تحقـق نصرنه
نـقـدم ورود التــهاني. نحتفل بيكم حضرنه
يالصنعتوا النصر النه. انتوا هيبتنه وفخرنه
ياحشد لولا جـهـدكم. ما يظل سـالم فكـرنه
زلم بيـكم كفـايه. تحدّيتـوا المنايه
وعدتّوا وماخلفتوا. وفيتوا ونتصرتوا
الأرض ردت لهلها

سيد زيد الفحام
_______________________________

ابوذيات في ولادة سيدتنا ومولاتنا زينب عليها السلام

نـولـدت زينـب وعالعـز. ترابت
أبّيت المصطفى الهادي. ترابت
هـاي ام الخــدر زينــب. ترابت
حيدر ومها معروفة الزچيــه. ( صلوات )
..............................................................

وجهّه تشعـشـع واشـرق. علينه
واحنـه بحبــها عالقـمّــة. علينه
بـولادة زينــب نبـــــارك. علينه
ونهنّـي الزهره والعترة سـويّـــه. ( صلوات )
.............................................................

نصبنـه المـحـفـل الليلة. لجلها
بجلالة فاطـمــة الزهـره. لجلها
عله اعنـــاد اليبغـضـوها. لجلها
وهنّيـــها بولادتــها المسيّـــه. ( صلوات )

خادم زينب عليها السلام
سيد زيد الفحام
________________________________________

قصيدة في ولادة سيدتنا ومولاتنا زينب عليها السلام


ياهله بميلاد زينب ياهله
🔸🔸🔸🔸🔸🔸🔸🔸🔸🔸🔸

نورها من فاطـمـة وحيـدر سطع
زينـب وكـل كـوكـب يودها ركــع
وبالسّمه صـوت المـلائـك ينسمـع
صوت بالإفراح هالليله عِله
ياهله بميـلاد زينــب ياهله
🔸🔸🔸🔸🔸🔸🔸🔸🔸🔸🔸

فاطـمــة فرحــانه بيـها وتبتسـم
أمــها غـذّتـها المـعـــارف والعــلم
الله سَـمّـه زيـنــب بـهــذا الإســم
آيـة والقــرآن هيّه ترتّـله
ياهله بميلاد زينب ياهله
🔸🔸🔸🔸🔸🔸🔸🔸🔸🔸🔸

والوصـي الـكـرّار بـبـنـيّـتــه فـرح
شاف زينب حيدر وصدره انشرح
شـالــها بچفّينـه والمـدمــع سفـح
دموع فرحة والفرح عنده حله
ياهله بميــــــلاد زينــب ياهله
🔸🔸🔸🔸🔸🔸🔸🔸🔸🔸🔸

دُرّة مـنّ الله لعــلـي ولفــاطــمـــه
ضــوّت بانــوارهــا ارض وســمــه
زينــب من اللّه عليـمــة وعــالمــه
تشبه لأمها شريفة وفاضله
ياهله بميــلاد زينـب ياهله
🔸🔸🔸🔸🔸🔸🔸🔸🔸🔸🔸

فاطمة وحيدر علي وجدها الرسول
بيــها فـرحـانيــن چا احنـه شنگـول
الليــلة كـل احــــزانّـه الليــله تـزول
والفرح دگ بابنه ونستقبله
ياهله بميـــلاد زينب ياهله
🔸🔸🔸🔸🔸🔸🔸🔸🔸🔸🔸

الليلة ننصب محفل افراح وسرور
نطش وردنه ونعلگ شموع وبخور
بالفـرح ما ينـوصـف عـدنه الشعور
فاطمة نهنّيها وي عقد الوله
ياهله بميـــلاد زينــب ياهله
🔸🔸🔸🔸🔸🔸🔸🔸🔸🔸🔸

ضــوّت بميــــــلادها بيــت الإمـــام
يم مـــهـدها چلّت انــواع الحمــــام
تبـاركـلــها وتـهــدي للزهـره الســلام
هالطيور لفرح زينب مُرسله
ياهله بميـــلاد زينـب ياهله
🔸🔸🔸🔸🔸🔸🔸🔸🔸🔸🔸

لابُــد المـهـــدي يجينـــه بهـالحفـل
يـفــرح ويـــــانه الإمـــام ويحتفـل
واحنــه للـمـعـبــــود ربنــه نبتهـــل
ندعي يارب الفرج ويعجّله
ياهله بميـــلاد زينب ياهله

خادم السيدة زينب عليها السلام
سيد زيد الفحام
________________________________________

ابوذيــات في ولادة الزهراء عليها السلام


روح المصطفه الزهره. وساره
فـرح گلب النبـي بيها. وساره
مـريـم ، آسيــا الليلـه. وساره
بولادة فاطمة حضرن سويه
🌿🌿🌿🌿🌿🌿🌿🌿🌿🌿🌿

تشعشع نورهـا وضوّت. سماها
زكيّــة وفاطمــة الباري. سماها
عظيمه وماوصل واحد. سماها
هـداها البـاري للهــادي هدية
🌿🌿🌿🌿🌿🌿🌿🌿🌿🌿🌿

بولادة فاطمــة الباري نبينه
حفلنه بفرحه هالليله. نبينه
نهني بفاطمــه الزهره. نبينه
ونهني امها خديجه بهالمسيه
🌿🌿🌿🌿🌿🌿🌿🌿🌿🌿🌿

هـل نـور الزچيـــــة اليــوم وزهار
انتشر ضيها عله كل الكون. وزهار
نـبـعـــث للـرســـــول ورود وزهار
ونهنّي المصطفه سيد البريه

خادم الزهراء عليها السلام
سيد زيد الفحام
-------------------------------------------------------

نبارك للأمام المهدي المنتظر عجل الله فرجه الشريف بذكرى ولادة فاطمة الزهراء عليها السلام


بولادة فاطمة اهـدي
ورود الفرحه للمهدي
🌼🌼🌼🌼🌼🌼🌼🌼

اجيت لمحفل الزهره
ورد شايل يفح عطره
هديتـه لقــائـم العتره
حبيبي وغيره ماعندي
🌼🌼🌼🌼🌼🌼🌼🌼

بـولادة امّـه حيّـيـتـــه
حبيبـي المهـدي هنّيته
جليـس ويانه حسّيتـه
بذِكِر اسمه الحفل يبدي
🌼🌼🌼🌼🌼🌼🌼🌼

بـولادة فاطــمـــــة امـّه
بوجوده انرسمت البسمه
عله ورودي كتبت اسمه
يمــهــــــدي نــوّرت رَدّي
🌼🌼🌼🌼🌼🌼🌼🌼

بولادة بضعـــة الهـــادي
هـديتــه اجمــل اورادي
بـوجـــوده نوّر اعيــادي
ابــد مـاينـــوصـف ودّي
🌼🌼🌼🌼🌼🌼🌼🌼

اكيـد بمولـد البضـعــة
يجينه وشايل الشمعه
بلا حــزنه وبلا دمعــه
الفرح بالمنتظر يحدي

خادم الزهراء عليها السلام
سيد زيد الفحام
----------------------------------------------------

قصيدة لولادة الزهراء عليها السلام

يـوم الزچيـــة شعـّت انـواره
للمصطفه انزف احله البشاره
🌿🌿🌿🌿🌿🌿

مولـد املنـه بضعـة الهادي
نعلـن فـرحـها بالهنـه انّادي
هي الشفيعه بالحشر غادي
تسگينه من كوثرها ونهـاره
🌿🌿🌿🌿🌿🌿

هاي الزچيــة البـاري شـرفـها
بوصاف ابوها الهادي وصفها
حـور ومـلائك ضلـت تحفـها
وسر الزچيــة اعظـم اسـراره
🌿🌿🌿🌿🌿🌿

للدنيه طلعـت ساجــده لربـها
سيـّده عالنـســـوان نصـّبـــها
واجب مثل فرض الصلا حبها
ونـزّل علــى العــاداهـا انـذاره
🌿🌿🌿🌿🌿🌿

معصومه هاي الزهره معصومه
بالعــرش إلهـا انـوار مرسـومـه
بالعفـه بــت الهــادي معلــومـه
بنـور الزچيــــــة تـزدهـــر داره
🌿🌿🌿🌿🌿🌿

شيعتها احنه وبيها نتباها
ونبعث تهانــي للنبــي طه
رغم الزمن عالعهــد ويّاها
كل شيعي حب الزهره بفكاره
🌿🌿🌿🌿🌿🌿

حب فاطمه بدمانه ضل ساري
نحبــها ونـودها يشهــد الباري
بگد الهـوه وماي الهنه الجاري
كل شيعـي نور الزهره بنظـاره
🌿🌿🌿🌿🌿🌿

عن النبي هــذا الخبــر وارد
كلمن يعادي الزهره ويعــاند
تصبح جهنم مسكنه الحاقد
محــد يغيثــه يبتلـي بنــاره
🌿🌿🌿🌿🌿🌿

يعــادي الإله اللـي يعاديـها
ويرضي الإله اللي يرضّيها
بضعــة محمـد كلنه ندريها
والباري فضّلها على انصاره
خادم الزهراء عليها السلام
سيد زيد الفحام
_______________________

قصيدة في ولادة فاطمة الزهراء عليها السلام

هالليله فرحتنه
بمولـد شفيعتنه
يافاطمة الزهراء
يافاطمة الزهراء
🍁🍁🍁🍀🍀🍀🍁🍁🍁

هالليله ياطير الفرح مر بينه
وخـذ الرسايل للنبي هادينـه
خلينه بيــها شـواگنـه خلّينه
نبعث تهاني والفـرح رد لينـه
نباركله بالزهره
ونجـدد الذكـره
يافاطمة الزهراء
يافاطمة الزهراء
🍁🍁🍁🍀🍀🍀🍁🍁🍁

ارض وسمه بر وبـحـر فرحانه
وطير السعاده رفرف بجنحانه
غـرّد هـلاهــــل بالفــرح ويّـانه
بسم الزچيــــه هالفـرح عنوانه
من اللّه مرضيّة
حـوريـة أنسيّـة
يافاطمة الزهراء
يافاطمة الزهراء
🍁🍁🍁🍀🍀🍀🍁🍁🍁

شـرّفـها الله بحكمتـه واسراره
ونطاها للمخـتــار احله بشـاره
فضّـلـها الله فـاطـمـــة بانـواره
لا مـريـم ولا آســيا ولا ســـاره
صارت اميرتهن
للبـاري سبقتهن
يافاطمة الزهراء
يافاطمه الزهراء
🍁🍁🍁🍀🍀🍀🍁🍁🍁

ليلة ولادة فـاطـمــــة نحييــها
شيعة واجينه لفـاطـمـة نهنّيها
نـجـدد عهـدنه وياها ونـواليـها
سر اللّه وهـل البيت ساكن بيها
جنّـة بمحـبّـتــها
ما تنسه شيعتها
يافاطمة الزهراء
يافاطمة الزهراء
🍁🍁🍁🍀🍀🍀🍁🍁🍁

ما تنوصف فرحت خديجة وطاها
بالزهـره بتهــم فـاطـمـة ومعـنـاها
اشـرق وجــهـهـا عالارض محـلاها
لولاهـا مـا صــار الخَـلـق لولاهـا
بالآيـة مذكـورة
بالباري منصورة
يافاطمة الزهراء
يافاطمة الزهراء
🍁🍁🍁🍀🍀🍀🍁🍁🍁

جبنـه الورود بهـالـولادة وجينـه
نهنّي الإمـام المنـتـظــر مهـدينـه
ياربي صحنـه بفـاطـمـة ودعينـه
عـجّـل ظـهــور المنتـظــر والينــه
خل يظهر لثاره
كلحنه انصــاره
يافاطمة الزهراء
يافاطمة الزهراء

خادم الزهراء عليها السلام
سيد زيد الفحام
______________________________

في ولادة فاطمة الزهراء عليها السلام


فاطمة اشرق وجهها ونوّرت دنيانه
بمولد الزهراء كلها معيّده وفرحانه
يازهراء. يازهراء
يازهراء. يازهراء
🌼🌼🌼🌻🌻🌻🌼🌼🌼

ليلة حلوه .. بيها ضوّه .. عالبشر وجه الزچيه
بالامــانـي .. والتّـهـاني .. بشّـروا سيد البـريـه
فاطمة الزهراء محله انوارها
نولدت الليلة وتشعشع دارها
الله من بين النسـاء اختـارها
ياعظُـمـهـا وياعظُـم اسرارها
والنجوم ويانه فرحت بالفرح سهرانه
بمـولـد الزهـراء كلـها معيّده وفرحانه
يازهراء. يازهراء
يازهراء. يازهراء
🌼🌼🌼🌻🌻🌻🌼🌼🌼

شـرّفاها .. وصطفاها .. فـاطـمــة رب الجـلاله
وبفضلها .. ما مثلـــها .. ورثت الهادي وخصاله
أبـدع الرحـمــان من سـوّاها
كل صفات الخير الله انطاها
فاطـمــة ومحّـد فهم معناها
سـلوة للمختــار الله اهــداها
وبتشر طير السعـاده غـرّد بالحـانه
بمولد الزهراء كلها معيّده وفرحانه
يازهراء. يازهراء
يازهراء. يازهراء
🌼🌼🌼🌻🌻🌻🌼🌼🌼

والسعـادة .. بهالولادة .. طشّت الفرحة ابّلدنه
هي رحمه .. هي نعمه .. فاطمـة سر معتقدنه
نوّرت ارض المـدينــة بنورها
الجنّة نزلت ليها هيّ وحورها
نزلـت الأمــلاك ليــها تـزورها
تعلم بفضل الزچيـــه ودورها
والشجر فاح بوروده فتّحت اغصانه
بمولد الزهــراء كلـها معيّده وفرحانه
يازهراء. يازهراء
يازهراء. يازهراء
🌼🌼🌼🌻🌻🌻🌼🌼🌼

الليلة فرحه .. ينسه جرحه .. كل موالي بيده ورده
هـالمسيّــــه .. للـزچـيّـــــــه .. عاهد يوافيــها عهده
الليله نحيي المولد بافراحنه
فدوة للزهره الزچية ارواحنه
هيّ بلسم تشـفي كل جراحنه
فاطمـة آية وشمس مصباحنه
هالحفل بسم الزچية تشكّلت الوانه
بمولد الزهراء كلـها معيّده وفرحانه
يازهراء. يازهراء
يازهراء. يازهراء
🌼🌼🌼🌻🌻🌻🌼🌼🌼

وحنه شيعه .. للوديعه .. نحضر الليلة حفلنه
حبـــها جنّه .. تشفعلنّه .. بالحشر باچر امـلنه
بهالولادة فاطـمـة انهنّيها
الها وردات الفـرح نهديها
للقيامه انحبـها ونواليــها
ويله ياويله الّذي يعاديها
والله بس شيعتها هيه بالحشر ربحانه
بمولـد الزهــراء كلــها معيّده وفرحانه
يازهراء. يازهراء
يازهراء. يازهراء

خادم فاطمة الزهراء عليها السلام
سيد زيد الفحام
___________________________________

هوسات في ولادة فاطمة الزهراء عليها السلام

نزل جبريل يحمل للنبي البُشره
افــرح يامُحـمّـــــد گلّه بالزهره
اهـداها لحضـرتـك خالق القُدره
( وستبشر بيها وناغاها )
🌷🌷🌷🌷🌷🌷🌷🌷

يامحله الزچية ومحله مولـدها
فرحـوا بالزچية وحـان موعدها
خديجة الطاهره والهادي والدها
( فرحوا بالزهره بهالليله )
🌷🌷🌷🌷🌷🌷🌷🌷

من وجه الزچية تشعشع الأنوار
مصدر للامامه ومخـزن الأسرار
سبحـانه الإلـه الخـالـق الجبـــار
( من نوره الخالق سوّاها )
🌷🌷🌷🌷🌷🌷🌷🌷

وحنه بمـولـد الزهــراء مجتمعين
خـدام الزچيــة وبيــها متمسكين
مثل فرحت ابوها اليوم فرحانين
( شيعه وبالفرحه نهنّيها )
🌷🌷🌷🌷🌷🌷🌷🌷

جبنه ورودنه للمـولــد وجينه
نهنّـي نـريـد بالميـــلاد والينـه
لاشك يحضر المولـود مهدينـه
( يحضر ويّانه بافراحه )

خادم فاطمة الزهراء عليها السلام
سيد زيد الفحام
_____________________________

قصيدة في ولادة الإمام محمد الباقر عليه السلام


نهنّي النبي واولاده. بالباقر وميلاده
يامحله لـمّـتـنــه. هالليله فرحتنه
بالباقر وميلاده
🌸🌸🌸🌻🌻🌻🌸🌸🌸

هالليله يامحله الفرح واجب علينه انساهر
ازهــر علينــه ونـتشـر نـور الإمـــام البـاقـر
مثل البدر وجهه اليشع يشبه نبينـه الطاهر
خـالقنـه ابــدع صورتـه سُبحانه ربنه القادر
خامس امام ختاره. وتشعّشت انواره
فرحانه دنيتنه. هالليله فرحتنه
بالباقر وميلاده
🌸🌸🌸🌻🌻🌻🌸🌸🌸

يشبه مُـحـمّـد بالوصف جده ومُحمّد اسمه
نـزلـت تهنّـيـــه بالمـهــد كـل المــلائــك يمّه
وزين العبـاد بفرحته لصدره الشريف يضمّه
وليده ويبوسه بوجنتـه شمّت محبّـة يشمّه
يعرف مقامه وجاها. من حقّه بي يتباها
نورّ عقيدتنه. هالليله فرحتنه
بالباقر وميلاد
🌸🌸🌸🌻🌻🌻🌸🌸🌸

خامس أئـمّـتنــه نولد هالليـله يامـحـــلاها
نبعث تهــانـي بمولده لـمّـه الزچيــه وطاها
ارض المدينه والسّمه بوجهه اليشع ضوّاها
عتـرة مُحـمّـد بالفرح نعـلن فـرحنــه وياها
نطش الورود بعيده. وصك الشفاعه نريده
مرفوعه رايتنه. هالليله فرحتنه
بالباقر وميلاده
🌸🌸🌸🌻🌻🌻🌸🌸🌸

للبــاقـر انـطــش الورد بـاقــة ورد نهديـله
ليلة سـعـــادة وغـانمـه ياشيعه هاي الليله
كلـمـن فـرح يفــرح غــداً والمافرح ياويله
ننسه الحزن ننسه الدمع ليلة فرح هالليله
ارض وسمه فرحانه. بالمولد وسهرانه
نباركله غايتنه. هالليله فرحتنه
بالباقر وميلاده
🌸🌸🌸🌻🌻🌻🌸🌸🌸

نهنّي الإمــام المنتـظـر يفـرح اكيد ويانه
للمحـفـل ويـانه اجه لاشك نساها احزانه
نشعر وجوده بكل حفل متواجد باحسانه
يبـارك عملنـه ويفتخـر بينه ويظل يرعانه
نتـوسّـل ابّـارينـه. يعجل ظهوره علينه
للمهدي دعوتنه. هالليله فرحتنه
بالباقر وميلاده

خادم الإمام محمد الباقر عليه السلام
سيد زيد الفحام
_______________________________

في ذكرى ولادة الإمام محمد بن علي الجواد عليه السلام


ضوّت ليالينه. ونبعث تهانينه
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

تـاسـع أيـمّـتـنـه نـولـد محلاته
آيـــات جــدّه المصـطـفـه آياته
اسمـه مُحـمّـد من مُحـمّـد ذاته
وجه البدر وجهه وتشع وجناته
هالليله نحييها. يحله الفرح بيها
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

بسم الجـواد الفرحـه يامحلاها
ارض وسـمـه وبـرّ وبحـر ويّاها
اشـرق عليـها بمـولـده وضوّاها
من حگنه نحيي المولد ونتباها
يا محله لـمّـتـنـه هالليله فرحتنه
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

نـبـعـث تـهــــاني للرضا بميــلاده
ابنـه الجــواد ومـبـتـهــج بَعّيـاده
بعـده الإمــام البـاري خصّه وراده
نهنّي الرضا بشبله وعظيم امجاده
تكتب عقيدتنه تاسع أئـمّـتـنــه
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

بعاشر رجب هلّت علينه انواره
هذا الجـواد وربنه هـوه ختـاره
والهــادي طه اتـحـدّث باخبـاره
ابنه وشبيهه وسـرّه من اسـراره
يافرحت الزهره. ونبارك العتره
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

الليـله ابـفـرحنـه للجــواد انبـايــع
عدنه اثنعش معصـوم هوه التاسع
من مهده ضوّه الدنيا نوره الساطع
بيـوم القيــامـه لليـواليــــه شـافـع
احبابه سهرانه. هالليله فرحانه
لِبْن الرضا الغالي. لِبْن الرضا الغالي
🌷🌷🌷🌻🌻🌻🌷🌷🌷

نهنّي الإمــام المنتظر مهدينـه
بهاي الولادة السامية يمر بينه
يعجّل ظهوره نـنّـدعي لبارينه
والينـه هـوّه ونـنـتـظـر والينـه
من يظهر المهدي. بينه العشگ يحدي
لِبْن الرضا الغالي. لِبْن الرضا الغالي

خادم الإمام محمد بن علي الجواد عليه السلام
سيد زيد الفحام
________________________________

هوسات ..... في ولادة الإمام محمد بن علي الجواد عليه السلام


بسمك يالجواد الليله فـرحتـنـه
اجينه نبـايعـك تاسـع أئـمّـتـنــه
نهنّي الزهره وهل البيت غايتنه
( نفرح ويّاهم هالليله )
🌸🌸🌸🌸🌼🌼🌼🌼

سُبـحــــانه الإلــه الخـالـق السـوّاك
نسخة من الرسول المصطفى خلّاك
وبـنـفـس الإســم ياسيّــدي سـمّــاك
( ياوارث طه واسراره )
🌸🌸🌸🌸🌼🌼🌼🌼

جتمعنه بمولدك ياسيّدي الليله
نهنّي المنـتـظــر وورود نهديله
لاشك حاضر ويسمعنـه ندعيله
( يارب عَجّل يوم ظهوره )
🌸🌸🌸🌸🌼🌼🌼🌼

فـرحنـه بمولـدك سجّل اسامينـه
نصبنه المحفل وجبنه الورد زينه
لجـلـك يالجـواد اگـلوب طشّينــه
( ونوارك ضوّت دنيانه )

خادم الإمام محمد بن علي الجواد عليه السلام
سيد زيد الفحام
___________________________________

ياجواد الائمّه ادركنا وشفع لنا


افراح افراح فرحنه بمولده
🌸🌼🌸🌼🌸🌼

بسم الجواد اليوم فرحتنه حلت
افراح افراح فرحنه بمولده
والدنيا والاكـوان كلـها ستبشرت
افراح افراح فرحنه بمولده
رايتنـه بالافـراح هالليله علت
اصوات اصوات اجينه نعاهده
افراح افراح فرحنه بمولده
🌸🌼🌸🌼🌸🌼

ابن الرضا ومحلاه وجهه يشع ضوه
افراح افراح فرحنه بمولده
هالليله يالاحباب خل نفرح سوه
افراح افراح فرحنه بمولده
كل شيعي بالافراح دلّاله ارتوه
افراح افراح فرحنه بمولده
هاليوم هاليوم فرحنه نجدده
افراح افراح فرحنه بمولده

سيد زيد الفحام

قصيدة في ولادة الإمام علي امير المؤمنين عليه السلام


علي علي علي علي مولى علي


ليلة افراح وسـعادة مولـدك يابالحسن
نورك الاشرق علينة ياعـلي زاح المحن
بالولادة الحيـدرية اشهـد اشهـد يازمن
نوّر الدنيا بوجوده علي ياحامي السنن
علي علي علي علي مولى علي
💜💛💚💙💝💗

ياعـلي الليـلة نجمعنــه بمولـدك لمنه الفرح
الليله كل شيعي ينادي ياعلي وگلبه نشرح
انـت ياحيــدر امــلنـه والمشـه بدربـك ربح
انت بعد الهادي اول غير شخصك ما يصح
علي علي علي علي مولى علي
💜💛💚💙💝💗

بمولدك نبعـث تهاني للنبي سيد الرسل
انـت ياحيـدر وصَيّـه علي ياخير العمل
يعني ديـن الختـامي ياعلي بيك اكتمل
وجهك اليسطع جماله والبدر منّه خجل
علي علي علي علي مولى علي
💜💛💚💙💝💗

ننصب الليله محـافل والفـرح بيـها حله
ياعـلي ونـورك تـلاله والحفل منّه امتله
شيعتك ياحيدر احنه والحضور انسجله
ما نـعــوفـك للقيــامـه والله ياعقـد الوله
علي علي علي علي مولى علي
💜💛💚💙💝💗

نرفع اصوات الولاية بالصلاة عله النبي
انت بعد الهـادي اول رغماً عله الناصبي
نحيي محفلنه وننادي ولي يانعم الولي
الله رادك ياولينـــه ماكو غيــرك ياعـلي
علي علي علي علي مولى علي

خادم امير المؤمنين علي عليه السلام
سيد زيد الفحام
________________________________

هوسات في المبعث النبوي الشريف


يتعبّد رسول الله ونزل جبريل
اصـدح يامُحـمّـد گلّه بالتنزيـل
انشرها الرساله وابدي بالتهليل
( انشر دينك ياهادينه )
🌻🌼🌻🌼🌻🌼🌻

خاتم للرسل رب العرش خلّاك
وباعله المـراتـب عالبشر عـلّاك
انشر دينك ورب العرش ويّـاك
( يحميك الباري بآياته )
🌻🌼🌻🌼🌻🌼🌻

آخر نبي ختـارك خالق الأكوان
ونطاك السلاح المعجزه القرآن
انهض يامُحـمّـد وهزم العدوان
( والناس اهديها ونجّيها )
🌻🌼🌻🌼🌻🌼🌻

اهزم كل قريش واهدم الأصنام
ورفـع يامُحـمّـد رايــة الإســـلام
بـشّـر بالرســـالـة وانــذر الظـلّام
( اصدع بالدين واحكامه )
🌻🌼🌻🌼🌻🌼🌻

ما تـكـدر قـريـش الظالمه تأذّيك
لأن حيـدر عـلي الكرار آمـن بيك
هوه حزام ظهرك بالشدد يحميك
( حيدر يحميك بفقّاره )

سيد زيد الفحام
______________________________