المشكلَة لو كانت فيكم إنتوا الاتنين بجد حيكون البوست دا ما منو فايدة ، هم حيتشبهُوا بيكم ، حيشربوا طباعكم دي شراب..
"وإذا كانَ ربُّ البيتِ بالدفِّ ضارِباً
فما شيمةُ أهل البيتِ غيرَ الرقص والطربِ"😂
فأصلِح نفسك أول عشان تقدَر تصلِح أطفالك ، ما على مستوى الدين بَس ، بل على كُل المستويَات..
مافِي إنسان كامِل .. الكمال لله ، بس في إنسان مُتوازِن ، في إنسان واعي💕

● الإستشارِي النفسِي د . محمد طه في كتابُو (لأ بطعم الفلامنكُو) قال :

#ما_تخلفوش -ما تلدُوا- لو شايفِين إنو أولادكُم حيكونوا مِلككُم ، أو إمتداد ليكُم ، أو مشارِيع لحياتكُم ، إنتوا كدا بتدفنوهُم بالحياة ، ما تخلفُوش لو ما بتعرفُوا تعبروا عن مشاعركُم ، حتطلِّعوا أطفال قاسيين ، جافيين ، وقلبهم زي الحجَر.

_ ما تخلفوش لو ما بتعرفُو تتحكَّموا في أعصابكُم وإنفعالاتكم وردود فعلكُم حتخلّوا نفوس أولادكم هشّة ضعيفة ، قابلة للكَسر في أي لحظة ومن أي زول.

_ ما تخلفوش لمجرّد رغبتكُم الأنانية إنو يكون عندكم عيال زي باقي الناس، وبعدين بقى نشوف حنعمَل فيهم شنو! حيكرهُوا نفسهُم واليوم الإتولدوا فيهو.

_ ما تخلفوش لمجرّد إن النتيجة الطبيعية للجنس والزواج هي الخِلفَة وربنا يسهّل بعد كدا ، حتخذِلوا أولادكم وحيخذلُوكم.

_ ما تخلفوش وإنتوا مليانين كلاكيع وعُقَد نفسِية قبل ما تحلوها أو تعالجوها ، حتدفِّعوا أولادكم تمنها من حياتهم وعمرهم.

_ ما تخلفوش لو مش بتقبلُوا الضعف ، لو مش بتعتذرُوا للتقصِير ، لو مش بتقدّروا المنحة اللي وراء الفشل ، لو مش بتسامحُوا على الخطأ ، لو لسانكُم طويل ويدكُم طويلَة وعقلكُم صغِير ..
حرام عليكم!

_ ما تخلفوش عشان تجيبُوا أطفال تلعبوا بيهُم ، أو بهدَف إنو يونِّسوكم أو يسندوكم لما تكبرُوا ، دي نتائج مش أسبَاب للخلفة ، ما تحملُوهم فوق طاقتهم حتى من قبل ما يتولدُوا.

_ ما تخلفُوش لو كان قرار زواجكم خاضِع لضغُوط عائلية ، أو مدفوع بقوالب مجتمعية ، أو محموم برغبَات تبحث عن أي منفذ للشبَع ، ما تخلفُوا وتوصِّلوا للي خلفتُوهم إن وجودهم مرفُوض وإن الحياة من قبلهُم كانت أفضل
وأهم من كل دا..

_ ما تخلفوش ، وبعد كدا تدفِّعوا أولادكم تمن إختياركُم الخطأ وتمن إختيار إنكم تكمِّلوا في حياة زوجية فاشلة وتقولوا عشان خاطر العيال!

_( حِبُّوا نفسكُم أول بعدين خلِّفُوا
حِبُّوا بعَض أول بعدين خلِّفُوا
حِبُّوا الحيَاة بعدين خلِّفُوا.. )❤


● في بُوست لاقاني لواحدة اسمها #مروة_جعفر🌸 قالت فيهو كلام جميل جداً ، قالَت :

(عشرَات الأطفال اللِّي حوالينا واللي بعانوا من اضطِرابات نفسِية ، فقَط ذنبهُم إنهم لقُوا نفسهم بين أُم ما بتعرِف من التربِية غير الصُراخ ، وأب التربِية عندو ضرِب ؛ أُم نكدِية وأب عصبي ، أُم غير مُنصِتة و أب مشغُول ، أُم غير واعِية وأب ما شايف إنو الزواج والتربِية مُحتاجة وعي وتعلُّم أصلاً!!

الفشَل الدراسِي و الإجتمَاعي ، الآمال اللي إتحطَّمت ، العقَائِد والإيمانيات اللي لحقتها عدوى التشكِيك ، الإبداعات اللي ماتَت ، الشخصيات العظِيمة اللي كان حيكون ليها أثَر في المُجتمع لكن إنطفَت..
بس عشَان في اتنِين قرَّروا ياخُدوا أمرَ الزَّواج ببسَاطة ، بناءً على "سبهلليلة" الإعجَاب والإنبهَار الأولي ، وعمَى الحُب المُستعجَل ، اتنين ما فَكَّروا إنو تنازُلاتهم واختِيَاراتهُم الخَطأ ، و خطواتهُم الغير مَدرُوسة وتوقعاتهُم الحالِمة للزواج ما بس حتحكُم على سعادتهُم هم بالإعدَام ، وإنما حيدفعُوا تمنهَا أطفال مالِيهُم ذنِب. )

وفي نفس البُوست دا كانت خاتة مجموعة مُمتازة من روابط الدورات و المحاضرات المُختارة من بين عشرات الدورات فِي النت ، بتجمَع بين :
القاعِدة العلمِية (تربوِية نَفسِية) + الأسَاس الإيماني ❤️

حـ أرفقها ليكم مع البوست دا👇


🌸محاضرة (دروس و عِبر في تربية الأبناء) د.إيّاد قنيبي
محاضرة رهيبة ، رهيبة ، وشُكراً
https://youtu.be/4aTDEqGKo8U


🌸 سِلسلة ( حـ أتزوَّج) د.أيمن الشيخ ،
محتوَى سوداني ، برنامج جمِييييل ، مبادرة سودانية بأسلوب جميل ومقاطِع بسيطة.
https://www.youtube.com/playlist?list=PLbeP53QmxLqgKn6TS331Ko39OtHCqnt-Q&feature=share

🌸 مُحاضرة (زَوج/زوجة في مُخيلتِي) ، د.عبدالرحمن ذاكر الهاشمي ، والاثنين اللي تحت برضو هو المُتحدِّث
https://youtu.be/rHMXumeHcyA?list=PL4FWvkJ4yLYe_-oUgeQz3jefwFZ4gNa2O

🌸(فِقه "سيكُولوجية" الحُب والزَّواج)
https://youtu.be/_Y6V7Xd0Nus?list=PLvGpI5t1gJ8RqZPWJi6ybKr4MAIvZ_k6w

🌸 (ألف بَاء الحَياة) فيها باقي الفيديوهات اللي بتتعلَّق بمواضيع الزواج والتربية ، صعب ننسخها كُلها
https://www.youtube.com/playlist?list=PLvGpI5t1gJ8RqZPWJi6ybKr4MAIvZ_k6w&feature=share

🌸 سِلسلة(الدَورة التأهِيلية للحيَاة الزوجِية) د.محمد خير الشعال ، أحياناً بدّي عالراس وبقصِف الجباه😂 بس سِلسلة قيّمة جداً
https://www.youtube.com/playlist?list=PLMPqxr1nu2Zev1kdVu7VqZpJuXVT65Z-f&feature=share


مُحاضرة (دلِيل المُقبلين على الزَواج) د.جاسم المطوَّع
الدكتور دا عنده موقِع باسم (دكتور خطوبة) ومُحاضراتو في أمور الزَواج كتيييرة ومفِيدة ، بس المحاضرة دي من أجملهم
https://youtu.be/xYVG9aPjqFA

🌸 محاضرة (تعرَّف على شَرِيك حياتك) د.ميسرة الطَاهِر ، كلامه عفوِي وتحسه والد بنصح في عياله
https://youtu.be/7s_1G2ulecw?list=PLUVbRHMTS0HgcDDfuSNUyh0tNKDF1ujox

🌸مُحاضرة (البَحث عن الذات في الزواج) د.إيّاد قنيبي ، كلامه عميييق ، أي شئ بمسكه ما بتمِل منه ، حتنزل حلقات تتمة للموضوع بس تابعوا قناته ، هي تبع سلسلة المرأة بس موجهة للطرَفين
https://youtu.be/gg58EV89J4k

🌸 مُحاضرة (كيف تصبِح مُربياً إيجابياً وفقَ المنهج الإسلامي) د.مصطفى أبو السعد ، حيخليكم تحِبوا التربِية ، و أرجعوا بعدها لبرنامجه (كما ربّياني)
https://youtu.be/mzjl9Z3tQMI

🌸 سِلسلة (تربية الأبناء) د.محمد خير الشعال
https://www.youtube.com/playlist?list=PLMPqxr1nu2Zc_vfl_Kinxm2sJwUMjRucs&feature=share

🌸(رُخصة قِيادة الحياة الأسرِية) -منصة زادِي
المقاطع قصِيرة وأحياناً مُختصَرة جِداً بس شاملة لكل المواضِيع، الإسلوب جامد شوية بس المُحتوى قيّم جداً ، لو ما عندكم تلغرام موجودة على اليوتيوب rokhsathayat@

💛 ودي مجموعة من الكتُب المفيدة ، متوفرة pdf
📖القواعد العشرَة في تربية الأبناء - د.عبد الكريم بكار
📖تُحفة الآباء في تربية الأبناء - محمد شلوان
📖منهَج التربية النبوية - سهام مهدي جبار
📖تربية الأبنَاء والبنات - خالد عبد الرحمن
📖تربية الطِفل في الإسلام - سيما راتب
📖الأطفال يتعلمُون ما يعايِشونَه - د .دورثي لو نولتي ، د. راشيل هاريس
📖25 خطأ في تربية الأطفال - د.ياسر نصر
📖تربِية الطفل (فنون ومهارَات) - ياسر محمود

تقريباً دا أطول بوست😂
بس الموضوع يستاهَل😄💛
#ملاحظة : (العندو أي حاجة تخص السلسلة دي عموماً ما يتردد يرفقها في تعليِق ، يمكن تنفع غيرك💛).
نتلاقا في البوست الجاي (بعد 73 سنة زوَاج).


#مريم_الشيخ ♥
@theorkeed

ـ شتَّان بين من يحفظُ الفاتحةَ والنّاسَ وبينَ من يحفظُ من الفاتحةِ إلى النّاس هو حرفٌ واحدٌ يقلبُ كلّ الموازين يجعلكَ من أهلِ اللّٰه وخاصّته ، إنما الأمرُ اصطفاء وثباتُ قلبٍ وصفاء..💜

ـ لا تعجز فإن الرِّحلة إن لم يكن بها صعاب لا تستحقّ أن تُروي كفاحكَ في تلاوةِ الآيات و تدبّر المعاني .

ـ تذكر بٲن جهادكَ يكمنُ في إعادةِ الآيةِ ما يفوقُ العشرَ مرّات يكمنُ في الترديد حتّى لو خانتك الذاكِرة في استرجاعِ الكلمَات ، هو إنجازٌ لا بدّ أن يثمرَ يوماً ما وزرعٌ يحينُ قطافه .

ـ لا ترَى الأمرَ بعيدَ المنال أشِر بعزمكَ وإرادتك بصدقِ نيتك ستراهُ أمامكَ جليًّا به كثيرٌ من الأسرارِ الخفيّة ، يومًا ما ستتلوهُ في قلبك بلا أيِّ تلعثم يومًا ستبكي فرحًا قد صرتَ حافظًا لكَ سندٌ لكَ صلةٌ برسولِ اللّٰه .
ـ أقبِل ، تعلَّم ، رَدِّد ، كَرِّر ، حاوِل ،
لا تخَف من الفشل ، لا تسمح ٲن يُسيطِر عليكَ اليأس ، فإن وُفِّقتَ فالحَمدُ للهِ ، وإن صَعُبَ عليكَ الأمرُ فأجرُكَ محفوظٌ بحُسن نيَّتِكَ ..
ـ ٲلا يكفيك أن تعلَمَ أنَّ القُرآنَ يشفَعُ لصاحِبِهِ في الآخِرة ليَدخُلَ الجنَّةَ 💙

ـ فشتَّان بينَ من حفظَ ولم يعمَل وبين من حفظَ ليعمل سعىٰ وبذل فوصلَ بصحبةِ من اتَّصل ..

ـ تذكر ٲن ‏في طريقك لحفظ القرآن
قد تواجهك صعوبات وتفلّت حفظ لكن ٳلزم الصبر ثم الصبر ثم الصبر ...

ـ لا تظن أن الجنة سهلٌ دربها ؛
فأعلى منازلها لحافظ القرآن ٲذ قيل..
: ‏" يقال لقارئ القرآن : إقرأ وارقى ورتِّل كما كنت تُرتَّل في الدنيا فإن منزلتك عند آخر آية قرأتها "..🌼

ـ تخيل أنك تصعد بالقرآن درجات عليا ‏فمَا مِن إنسانٍ أَحبَّ القُرآنَ صِدقَ المحبَّة، ورغِب فِيه صِدقَ الرَّغبَة، إلَّا تَبوَّأَ منزلةً عِند اللهِ وعندَ خَلقِه!

أو لا تَرى أهلَ القُرآنِ أشرحُ النَّاسِ صَدرًا، وأيسَر أمرًا، وَهم عندَ اللهِ بِمكانْ !😍..

ـ تخيل ‏ِحِفظُ آيةٍ واحدَةٍ يوميًّا تعني ارتقاءَكَ في الجنَّةِ درجَة، وما بين الدَّرجَةِ والدَّرجَةِ ما بين السّماء والأرض !

‏ابدأ الآن.. الآن ..
وليس بعد قليل ..
فغدًا سيُتَوَّجُ الحُافظ فقد تكون ٲنت ...

ـ ‏يا حافظًا لكِتابِ اللهِ تقرَأُهُ..

في ظُلْمةِ اللَّيل، ترجو اللهَ تَوفِيقا

ـ رتِّل.. لتَرْقىٰ بجنَّاتِ الخلودِ بهِ

عساكَ تُبعَثُ يومَ الحَشرِ صِدِّيقا

- وِردك القرآني يجعلك أقوىٰ ، يمدّك بالنور والبركة ، الكسور التي في فؤادك قد تجبرها آية عابرة فما ظنّك لو لزمت القرآن وتنقّلت بين الآية والسُّور ؟

" القرآن بالصوت هنا @wahj34 "
ولاتنسونا ولا تنسوهم من صالح الدعوات ♥


#يلا_نختم
#وردك_يزهر_قلبك
#حتي_لا_يهجر

ـ مشكلة كتير من الناس انو بخلو اي وسيلة ممكن يوضح بيها عن الشعور الحاسي بيهو.


ـ ويخلي رد فعلو هو الزعل و
بتلقاء الواحد عندونضج عقلي وفاهم واي شي بس هو عندو نقص في النضج الٲنفعالي.

ـ بتلقاهم بيتعاملوا مع المواقف البتغضبهم بي طريقة ما بتليق بي عقولهم الناضجة الزعل دا ردة فعل صح بس مافي اي موضوع لابد يكون بستاهل.

ـ كتير مننا مابيعرف يعبر عن عدم الرضاء بالتالي بيلج للزعل.

ـ وجزء تاني بمثل الزعل دا عشان يتخطا بيهو الغلط الٳرتكبو.

ـ وعينة الزول البدعي الزعل عشان يلقي كمية من الناس حولينو عشان يحس بالرضا.

ـ نحنا محتاجين نخت حدود للزعل دا لانو ٲكعب حاجة الزول البفتح باب الزعل وما بيحاول يقفلوا وبخليهو يٲثر علي العلاقات ويهدما.

ـ لاذم ننهي الزعل دا وما نخليهو يستمر عشان مانندم في الاخر وبعدين هي الدنيالا دايمة لينالا للبزعلونا .

ـ ونقفل علي الزعل الباب وما نسمح لي يواصل معانا ونرمي عكس الهوا۽ عشان نحس بالراحة.

ـ وعشان ماف داعي نخسر علاقات جميلة لي ٲسباب تافهه ما بتستحق .

ـ واتزكر البجي ويعتزرليك اتقبل اعتزارو وابداء معاهو من الصفر.

ـ واتذكر انو كل شخص فينا بيغلط بس الأكعب من الغلط انو تتمادا فيه وطالما هو جاك واعتذر اوعاك تصدو .

#ومن_الاخر_كدا

" الببوس رٲسك معتزر بوس يدو شكر " 💛


#سمرية

#سلسلة_روايات


#حنان_لاشين 💛

سلسلة

#مودة_ورحمة❤️

الفصل (12)


بوستنَا اليوم خلاصَة تجارب..
و أسرَار 73 سنَة زوَاج💜.


بعد تكتَر الإلتزامَات ، وتدخل للحياة مَسؤوليات زي مصاريف البيت وتربيَة العِيال بتبقَى الحياة عند معظم الناس عبارة عن رُوتِين مُمل وثابِت..
الحيَاة الزوجِية مُشوَار ، ناس بتكمّل فيه ونَاس بترجَع من نص السِّكة ، ودا راجع لإنو الناس مفتكرة إنو بعد يتزوجوا حيرتاحوا بس بيتصدموا بالواقِع والمَسؤوليات اللي فيه!
بعد ما يزُول الإنبهار ويبهَت الجمَال ، ما بيبقَى من الحُب غير المَودة والرَّحمَة ، دي ياها المشاعِر البتوصل أي كبلز لبرّ الأمان. 💕

💜صراحَة البوست دا مش شَامل ولا كافِي ، مش لأني ما خُضت التجربة دي .. بل لإنو الناس بتختلِف .. صعب إنك تصل لقَوانين أو بروتكول مُعين يخلِّي أي زَواج مُستقِر ودائم لأنو الحاجة دي بتعتمد على شخصِية الزوجين ومدَى تفاهُمهُم ومعرِفتهم وتحمّلهُم لبعَض ، بس ممكن نعرف #الأسباب المشتركة اللي لو إنعدمت بتتحول الحياة الزوجِية لحياة تعِيسة تنتهي بالإنفصَال ، في كتَاب يوميَات مأذون أحمد بدر بيورِينا الأسباب دي ، من باب التجارُب والخبرات العاشهَا والمرّت عليهو كمأذون -وظيفتو سلاح ذو حدين- زي ما منُو بتبدأ حياة ناس كتير بقسيمة زوَاج .. عندُو كمان بتنتهِي حياة ناس كتير بورقة طلاق💔
لخصتا ليكم جزء من النصائح دي في نقاط (وهي كتيرة شديد العايزها بالتفصيل يقرأ كتاب يوميات مأذون) ، ومعاها إضافات من مصادِر مُختلفة ، وإضافات من عندي وحاولت أقربها للواقع أكتر❤.


#قبل_ما_نبدأ..📚
أنصحكم تقروا الكتابيِن دول واللي أصحابهم حللوا ودرسوا الموضوع دا بصورة أشمل ، الكتاب التاني فيهم بالعامية المصرية وقريب للواقع العربِي أكتر..

١/ 📖كتاب الرجال من المريخ والنساء من الزهرة - #جون_جراي.

٢/ 📖كتاب الرجال من بولاق والنساء من أول فيصَل - #إيهاب_معوّض ، حيختصر عليكم كتير .. مبسّط كل حاجة بلغة ممكن يفهمها أي زول ، في نهاية كتابُو دا راصِي مجموعة من الكتب الممتازة لأي زول حابي يوسّع مداركو

💜كبداية..
مولانا المأذون #أحمد_بدر قال :
"من أغرب أسباب الإنفصال المرّت علي إنو الزوج يقولي إنو مبقاش معجب بيها وانطفى بريقها من عيونو."

سبب قد يبدو تافه بس الواقع إنو معظم الزيجات بتنتهي للسبب دا .. إنطفاء البريق" ونفس الفهم عند الزوجات
بس الواحد ما بكون منتبه ولا مقدِّر التعب البكون فيهو شريكو هو كل الشايفو إنها بقت ما مهتمة بنفسها ولا لبسها ولا مكياجها ولا مظهرها زي زمان وبقت مهملة وما مراعية ليهو ، بس ما عارف إنها واقفة طول اليوم شايله ولدها بيد وبتقلِّب في طبخة في النار باليد التانية ، وفي نفس الوقت أولادها منتظرنها تقريهُم عشان عندهم إختبار ، وترد على التلفون عشان تهدِّي أختها المُتشاكلة مع راجلها ، وبتنبِّه بتها على طول لسانها ، وراجيها تمشي العزاء بتاع الجيران ، وبكرة مقابلة طبيب الأسنان المتابع مع ولدها الكبير ..إلخ.

بتعمل كل دا بنفس التركيز في نفس الوقت ، النسوان كدا ربنا أداهم القدرة على إنهم يعملوا حاجات كتير في نفس الوقت عشان كدا بكونوا مرهقين جداً
نفسس الفهم بتلقى النسوان البيشكوا من رجالهم..
بقى ما مهتم بي ، مشغول دايماً ، مكلفني فوق طاقتي ، ما موفر لي كل حاجة ،...إلخ
الواحدة ما بتكون واخدة بالها إنو الجمبها دا بكون مطحون النهار كلو في الدوام ، وممكن يكون شغال أكتر من دوام ، وعندو عشرومية مشكلة في رأسو ، مصَاريف البيت الكتيرة ورسوم الأولاد ، وقرض البنك ، وأمو المسنة الليهو عليها حق ، والمدير الببهدلو الصباح في الشغل ، عرس أختو القرَّب ومسؤوليتو فوق رأسو ، والإنتظار في الصفوف والمواصلات ...إلخ
عشان كدا لازم نلتمِس العُذر لبعض ، ونرحَم بعض..
والواقع من هسي بيقُول ليكم .. مش حيكون دايماً شاروخان ، ولا حتكون على طول إيشواريا راي😄.

💜 إدراك إنكُم مختلفين عن بعَض في الإحتياجَات والتركيبة النفسِية وطريقة التفكير حيوفِر عليكم كتِير من النقاشات وسوء الفهم..
والكتابين الوصفتهم ليكم فوق ديل دليل كافي على الإختلاف الكبير بين الجنسِين (مشروح بالتفصيل)
مثلاً في #الإحتياجات ، الرجال عموماً إحتياجاتهم 4 ( إحتياج جسدي ، إحتياج روحي ، إحتياج عقلي ، إحتياج عاطفي) والحاجة دي بتختلف من واحد للتانِي ، ممكن تلقي حد محتاجهم كلهم ، وحد تاني محتاج اتنين ، وحد تاني واحد بس .. فإنتِ وشطارتِك تعرفي ياتو إحتياج محتاجو شريكك وتمليهو ، الإحتياج زي نقطة الضعف بالضبط
أما إحتياجات المرأة بتختلِف ، قد تكون نفس الإحتياجات الفوق بس بصورة أقل ، فغالباً إحتياجها الروحي والعاطفي أكبر
التركيبة النفسية وطريقة التفكير كمان جداً بتختلف ..
بالفطرة ، السمة الغالبة للنساء رقة وعاطفة ودلع ولطف..
أما ارجال قوة ، تحدي ، تنافس ، خشونة..
فكل واحد لمن يتفهم طبيعة...

التاني حيقدر يمنحو اللي هو عايزو بالضبط .. وبكدا كل واحد بيكمّل التاني ، وكل واحد بيعرِف هو عايز شنو بالضبط وشريكو كمان

💜 التنازل والتضحيات ما ينفع تكون من طرف واحد دون التاني..
أنا إتنازلت عن حاجة إنتَ تتنازل عن حاجة بالمُقابل .. الزواج شراكَة مش علاقة بين موظّف ومديرو ..
ما تطلب منها تخلي تصرف معين وإنت بتعملو.. (ما تتكلمي مع زملائك في الشغل ، ما تصاحبي شباب عالفيس صفحتك تكون بنات بس..إلخ)
وإنت الفيس والماسنجر بتاع حضرتك عبارة عن إصطاف نسائي من الدرجة الأولى..😒
هو ما حيقدر يتجاهل التعامل مع النسوان كلهن عشانِك ولا هي حتقدر تتجاهل التعامل مع الرجال .. لأنو حياتنا الإجتماعية اليوم بتفرض علينا أحياناً نتعامل مع الطرف الآخر ، فطالما إنو التعامل دا مُحترم وفي حدود فوِين المشكلة!!!
بإختصار عايز شريكك يخلي تصرف معين خليهو إنت أول
عايزو يترك عادة محددة أترك عادة إنت بالمقابل ، وبس

💜 كلنا بنقدَر نحِب ، بس المواصلة في الحب دا بعد مدة طويلة بتبقى جِهاد..
في رواية هيبتَا (إتحولت لفيلم بالمناسبة) ، #محمد_صادق بيقُول إنو كل العلاقَات في الدنيا دي -على إختلافها- بتمُر بسبع مراحِل ، واحدة من المراحل دي تقريباً المرحلة الخامسة هي مرحلة الحقيقة ، اللي فيها (الملل والفتُور)!!!
اللي عندها علاقات زواج كتيرة بتقيف وبتنتهي!!
زي ما بيقول كاتب الرواية :
(التوقعات اللي بنيناها في مرحلة الوعد بتتحول لضغط مرعِب لما الملل بخش العلاقة ، ولما كل كروت الإبهَار تنتهي ، خلاص مبقاش في جديد ، كل يوم بنتمشى ونحن ماسكين يدين بعض ، بنشرب شاي وليمون كل يوم في نفس المكان ، هيَ خلاص إنبهرَت بمعلوماتو عن الإحتباس الحراري وهو إنبهر تماماً بجمال صوتها وهي بتغني لنانسي عجرم وللأسف هم مش فاهمين إيه اللي بيحصَل! اللي بيحصل إنهم زهجوا من بعض ، جابوا آخر بعَض...!)
ما من عادتي أنصَح النوع دا من النصائح بس أحضروا فيلم #هيبتا -بغض النظَر عن نوع العلاقَات المطرُوحة فيهو بس أفهموا الفِكرة عموماً ومش حتندموا
الفيلم دا بيختصر مضمون البوست دا كلو تقريباً لأنو بتابع علاقات شخص واحد من الصفر لغاية المشيب❤

💜 الإعتذَار..
فكرتنا كمجتمع -الرجل الشرقي تحديداً- عن الإعتذار غلط ، إنو ضَعف ، إنو إنت صاح وأنا الغلَط ، وإنو بقلّل من قيمتك..إلخ
بس البني آدم المُتوازِن بيعترِف بأخطاءوا ، وبيعتذِر .. لأنو عارف كويس إنو قدرو وقيمتو مش مرتبطة بعُذر
الإعتذار بيذوّب المسَافة بيناتكُم ، حنك الكِبرياء دا لو باريتوه حيغتّس حجر أبو أهلكم زاتو ، ياخ إنتوا شوفتو بعض بدون ساتِر تاني كبرياء شنو عليك الله!!!
غلطان إعتذِر ما حيخصم من رجولتك شئ
غلطانة إعتذري وما تسمعي نصايح صحبتك البتقول ليك خليك تقيلة وكبريائك..وإلخ
والكلمَة الطيبة زَاد..
صدقُوني مافي زول في الدنيَا دي ما بحب المدِيح أو الكلام الحِلو ، إنو يحس إنو مقدّر وليهو مكانة..
هي دايماً محتاجة تسمَع منك إنك بتحبهَا ، هو دايماً محتاج يتأكد إنك مقدّراه ، هي دايماً محتاجة تسمع عبارات من نوع إنتِ جميلة ، غيرت تسريحتها ولا الإستايل بتاعهَا لازم تعلّق لازم تعلّق😂 ، عمل ليك حاجة لازم توصلي ليهو إنك مقدّرة مجهودو وتعبو
الكلام الشين بجيب اللُوم ، فإتماسك على قد ما تقدر لحظات الغضَب ، والمشاكِل سواء كان مالية أو غيرو لمن نقعد نكورِك فيها وكل واحد يلقِي اللوم على التانِي حتتفاقَم ، مش مهم مين الكان السّبب ، المهم نلقى حَل ، مشاكلكم إتناقشوا فيها بهداوة .. ما بالضرورة يسمعها سابع جار

💜 الوقت الإضافِي ، والوقت الخاص..
#الوقت_الإضافي..
كل اتنِين بعد تجرفهُم المسؤُوليات ، وتربيَة الأولاد وإلتزامات الحياة والمجاملات الما بتنتهي ، بتضاءل فُرصة إنهم يقضوا مع بعض وقِت خاص بيهُم وبتزيد بيناتم المسافة والجفوة ، فااا بس خلُوا عندكم دايماً وقت لبعَض ولو يوم في الإسبُوع ، خلوا عندكُم دايماً مرجَع ، لحظات تخصكم إنتوا وبَس .. غير لحظات العلاقة الحميمة ، لحظات تتونسوا فيها .. زي الكأنكم أصحاب بالضبط
#الوقت_الخاص..
مهم جداً في الحياة الزوجية إنو يكون لكل واحد من الزوجين حياة خاصة .. وقت خاص بيه بعيداً عن الآخر ، عشان يكسرو التعود والرتابة ، ما هو ما ينفع راجلك يكون محور حياتِك وشغلِك الشاغل (أقري كتاب سندريلا سيكرت لهبة السواح) عندك محاور كتيرة في حياتك لازم تديها حقها ، علاقتك مع ربِّك ، نفسِك ، علاقاتك مع الناس وإهتمامتك وشغلِك-لو شغالة- وعيالِك
وإنت كمان ما ينفع مرتَك تكون هي كل حياتك..
لازم وقت خاص لكل واحد يمارس هوايتو البحبها ، يطلع من أصحابو ، يقعد من نفسو شوية ويطور ذاتو أكتر ، ودا بيدخل روح التجديد والشغف مرة تانية لحياتكم🌸