ـ خلونا نتفق يخوانا أنو كل شخص فينا عندو فراغ جانب من جوانب حياته محتاج يملاهو.

ـ فياريت قبل ما تملا فراغك تفكر في حاجة تكون لي صالحك أنت لانو كل دقيقة من عمرك خصم ليك.

ـ لاذم تعرف أنك لو حسيت بي فراغ عاطفي مالاذم تملاهو بي اي شخص وتعيش شعور مزيف يمكن تكون مشاعرك ضحية .

ـ لاذم يكون شِعور حقيقي مع الشخص المناسب مامجرد شخص تسد بيهو خانة الفراغ الحاسي بيها خاف ربنا وانت بتعلق شخص فيك بحجة انو بدل فاقد .


ـ و عندنا الفراغ الشخصي اللي هو دا الفراغ البتكون فيهو أوقات راحتنا نومنا أكلنا وأهتمامنا بالأمور الضرورية في حياتنا الشخصية.

ـ وعندنا وقت فراغ كدا بجي لما نكون مخلصين كل حاجة علينا ودا بكون ماخد اكبر حيز في حياتنا دا الوقت الما بنحاول نستغلو صح.


ـ حقيقي يخوانا وقت الفراغ دا أكبر فخ ممكن تقع فيه ودا العدو اللدود البكون قاعد ليك بالمرصاد وقت الفراغ دا لو ماعرفتا تستغلو صح حتضرر أنت.

ـ دا الوقت البتكون في خلوة مع نفسك وتاني أنت وتصرفك فيهو يا اما تملاهو بي حاجات تؤثم عليها أو تكون حاجات تستفيد منها.


الرسول صلى الله عليه وسلم قال :(نعمتان مغبون فيهما كثير من الناس: الصحة والفراغ) 💚.


ـ فعشان كدا استغلو صح فتأكد انو العمل ما بيقتل مهما كان شاق و قاسي ، لكن الفراغ بقتل فيك كل حاجة .

ـ فنصيحتي ليك ما تقعد فارغ بس كدا وتضيع زمنك رتب البيت او اتواصل مع قرايبينك.

ـ أحفظ أية أو حديث او حتي حاول تمارس الرياضة وتتفكر في النعم.

ـ حاول اقعد مع نفسك واعرف نقاط قوتك وضعفك حسن سلوكك غير من شخصيتك.

ـ انجز اعمل اعادة تدوير شوف الحاجات المحتاجة صيانة اعمل/ي حاجات بتحبيها المهم ما تضيع الوقت دا ساي قوم واستفيد وفيد غيرك ...


#ومن_الاخر_كدا

" اذا كان العمل مجهدة فأن الفراغ مفسدة " عمر بن الخطاب 🌼.


#سمرية

أسأل نفسك مشغول أم محروم؟

ـ لما ما تدي القرآن من وقتك بي حجة انك مشغول في حين أنو عندك كمية من الوقت وأنت قاعد ساي وأنت ماسك التلفون طالع نازل وكل زمنك ضايع في مواقع التواصل.


ـ لو عرفتا كمية الفوائد البتلقاها خلال جلوسك ولو لي فترة بسيطة مع القرآن كان فضيت من وقتك عشانها.

ـ لو عرفتا كمية الخير والبركة والرحمة اللي راجيك وعن كمية المصائب الحتنصرف عنك وكن كمية الجبر الحتحس بيه وعن كمية الأجر.

ـ وتأكد انو ماف حاجة بتعادل لذة القرآن الكريم ؛ مهما عملتا لوجيت او مشيت او اكلتا او بقيت حارس التلفون ومنشغل بي ناس يمكن هم في الأصل ماخاتين ليك اعتبار .


ـ عشان كدا بطل تضيع زمنك ولو قريت وجه واحد او حتي أية بس بكون أفضل ليك شديد 💚.

ـ فعشان تشوفو العظمة بتاعته ‌‏اقرؤوا القرآن، واستمعوا ليهو او
اتدارسوا فيما بينكم و تدبروا آياته.


ـ فالحياة دي كلها مُوحِشة شديد شديد من غير القرآن ..

- واتذكز انه " من يملك القرآن في قلبه ؛ فهو يملك القوّة التي لا تُغلب، والجُند الذي لا يُهزم، والحصن الذي لا يُكسر ! " 🌼


ـ وانت ماش للجامعة وراكب المواصلات اقراهو وبين المحاضرات وفي كل فرصة تلقاها استغلها بالقرآن ولو مشغول حاول افضي ولو لحظات بس وتأكد انه ما زاحم القرآن شيئاً الا باركه ..

ـ وسر التفوق في الحياة دي هو القرآن فإتمسك بيهو شديد وحتشوف قدر شنو حتنال رضي ربنا والسعادة في حياتك.


"اللهم صُبَّ القرآن في قلوبنا فإننا لا نرتوي "..



#بالتوفيق_شديد

ـ الخلوات إما مُنجيات أو مُهلكات بمعني انو يا أما كانت في طاعات أو كانت مليانة معاصي.

ـ فلما تكون في معصية حتخليك تخسر كتير لانو نظرك في الحرام حيحرمك من حلاوة الإيمان،وسماع الأغاني بيحرمك من لذة سماع القرآن .

ـ ذنوب الخلوات دي حتسلب منك لذة كل العبادات اللي في حياتك وبتحرمك من الشعور بالراحة.


ـ ماتغرك نفسك وأنت بتعمل المعصية وبتحاول تكون بعيد من الناس وتعمل فيها ولا مولانا ذاتو وانت حياتك كلها ذنوب ومعاصي .


ـ ما تكون ماخد الموضوع عادي طالما ماف زول شايفك لاذم تعرف انو إيمانك ما بيظهر في لمجرد انك قمتا سريع سريع صليت قدام الناس او كنت بتصوم.

ـ اذا عايز تعرف مدي إيمانك لاذم تراقب نفسك في الخلوات لانو إيمانك بيظهر في مجاهدة نفسك وهواك ولابد تعرف أنو النفس أمارة بسؤ فلو قدرتا تجاهد وتفوز عليها حتفوز.

قال تعالى: ﴿وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى* فَإِنَّ الْجَنَّةَ هِيَ الْمَأْوَى﴾🧡.

ـ لو غلبتك نفسك أستعن بالله حاول بقدر الإمكان ما تسمح ليها تجرك للمعصية أسال ربنا انو يصلح حالك ويهديك وخت خوفك من الناس في زواية وخاف ربنا وأتذكر انو باب التوبة مفتوح.

ـ أستغفر كتير ولو أذنبتا في يوم ما تستسلم جاهد ابكي من جوا قلبك وادعي ربنا يبعدك من الذنوب ويثبتك علي الحق.

فاسكُبْ دُموعكَ إنّ اللهَ يُبصرُها
واسألهُ ما شئت إن الله فعال 🌼


ـ " فاللهم أصلح قلوبنا وردنا إليك رداً جميلاً وثبتنا علي الحق "


#ومن_الاخر_كدا

وأنظُر إلى نفسك في الخلواتِ ، ولا تُسرّ بمدحِ المادحين.

#سمرية

ـ إنتماء الأنسان الحقيقي لي نفسه ما لي إي شخص تاني ، فما تحاول تعمل فيها أنك بتنتمي لي فلان وتشبكو " أنا غير معاك أنا وين أكون "

ـ لي يا أنسان بتجاول تخت نفسك في حتة ذي دي من الأساس ويمكن هو ماعايز يكون معاك يبقي أنت فارض نفسك ما أكتر.

ـ لاذم تفهم أنك شخص بقدر النقص الفيهو هو بنتمي لي نفسه بس وهي الأولي بيهو لاذم تفهم انو ماف حد بيقدر يستحملك العمر كله..
ـ لابد يجي يوم ويمل منك ويحاول يفتش لي غيرك حتي لو أنت شايف نفسك ما مقصر تجاهو بي تصرفاتك وحرصك الزايد عليهو ولما تكون أناني في حبك ليهو لما تكون عايزو ليك براك.

ـ بتطل تعيش حياتك مع فلان وعلان وتقعد انت البشيل الهم والبهتم والبستحمل عشان خاطر غيرو.


ـ لاذم تكون لي نفسك الأولوية في كل حاجة عشان ما تعيش وأنت بتخدم مصالح غيرك عشان ما يفضلو يشوفوك انك ما تسوي شي ويتنازلو عنك في اقرب فرصة.

ـ لاذم تهتم بي نفسك وتبطل تكون كومة الرماد اللي هم بيزهرو حولها بطل تكون الضلام وهم نقطة الضؤ بطل تكون غيرك وحاول لي مرة بس كون أنت.


ـ كون نفسك كون كيانك كون إنسان حاول ابني نفسك صح ركز عليها اجتهد وعافر اصنع ليك مكانة تسيب الناس هي اللي تجيك هي البتعافر عشان تصلك ليك وهي البتندم عشان فرطت فيك.

ـ من حقك تلقاء الحب والإهتمام والإحترام وكل التفاصيل دي من حقك يتخاف عليك من حقك تعيش معزز مكرم وليك خانة خاصة 💚.


ـ لي مرة بس فكر في نفسك وكون أناني اي وشديد فكر فيها بس واشتغل عليها حاول تصل لي حتة الناس ترفع راسها وتعاين ليك .


#ومن_الاخر_كدا

" مكانك حيث أقمتا نفسك " 🌼

#سمرية

ـ حب نفسك في المقام الأول ماتحاول تصغر منها مهما كانت مكانة الشخص الواقف قدامك.

ـ حافظ علي صحتك النفسية وما تشيل في قلبك عشان خاطر اي زول وتخصم من راحة نفسك عشان خاطر مكانتو عندك.


ـ ما تتعود تقدم مصلحة غيرك علي مصلحة نفسك لانو ماف زول حيكون خايف عليك وشايل همك اذا ما أنت كنت شايل هم نفسك.


ـ ماتعود اي زول أنك متاح واي شي عايزو يطلبو منك في أي زمن بغض النظر عن وضعك شنو.


ـ ما تدخل في اي علاقة ممكن تستهلكك وتنكد عليك أكتر من ما تحس فيها بالأمان.


ـ ماتثق في اي زول اكتر من ثقتك في نفسك فالقلوب بتتقلب 💛.


#ومن_الاخر_كدا

" نفسك أولي بيك وبس "


#سمرية

ياما نحلم نحكي ليك عن المسافة ونشتهيك💚


#ابو_السيد

مبدئياً كدا وقبل كل شي ، انتَ لما تحافظ على صلاتك وتصلح علاقتك بربنا حتلقى انك تلقائيا بديت تتصرف بطريقة ارقى واجمل مع كل تفاصيل حياتك..

نحن من الله ولهُ وإليه 🌼..

نحن ما فينا زول كامل وما فينا زول ما بيغلط او صالح تماماً
بس في زول بيوعى على نفسو ويرجع بسرعة وفي زول لا ...

بس صدق النوايا دايما المُنجية
ومهما كنت شايف نفسك كعب او ما ملتزم اتاكد انه في طريق رجعة لربنا هو حيستقبلك وبابو مفتوح ليك في أسوأ احوالك وانت في قاع الخطايا ..

دايما خلي في سبيل ترجع بيهو لي ربنا كل ما ايمانك بقى عميق وفوضت امرك لله كل ما الحياة اتسهلت ليك واوقات الضعف والالم بتمر أخف..

الحمد لله دايماً وابداً، الحمدلله حمداً تطيب به الحياة💛.


@learnforall_20

التجاوز لا يعني النسيان بالضرورة، بل هو أن تسير بالرغم من قدميك التي تُدمي؛ لأن عليك ذلك ولأن هذة هي الحياة..

"سبع محاولات للحب"
_ قاسم عبيد

ليتني كُنتُ رساماً..

ذات مرة أخْبَرتيني أنني محظوظ بالكتابة؛ فبها أستطيع دائماً الهرب من الواقع إلى عالم من صنعي، الأن أخبريني ما فائدة الأحرف وأنا أموت صبابة بعيداً عنك.

لذلك دائماً أعتبر نفسي غير محظوظ بل ملعون ، فموهبة الكتابة لا فائده منها وهي مجرد إستهلاك للمشاعر علي شكل أحرف، فإذا كنتُ مُشتاق حد الثمالة لرؤية عينيك ماذا أفعل؟ وبماذا ستساعدني الكتابة؟

يمكنني الكتابة حتى تحترق النجوم وتفنى كلماتي عن جمال ضحكتك التي لا أربعين لها وعن أخدود العسل الذي يستعمر مُقلتاك وعن الليل الذي أصبح يشكي من شعرك الذي ينافسه في اللون، وعن أشجار البان التي تعتقد أنك سرقتي عودها ، أستطيع الكتابة عنك أكثر من كثير ليلى وسأجعل عنتر يعترف أنني أحبك أكثر من حبه لبنت عمه، أستطيع جعل نصوصي عنك تُكتب بماء الذهب وتضاف للمعلقات بجوف الحرم، ولكن أخبريني ما فائدة كل هذا؟ وأنا لا أستطيع خَلقك أمامي بأحرفي؟.

لذلك دائماً ستكون أمنيتي الوحيدة أنني لو كنت رساماً، الأمر سيصبح أسهل بكثير ، أشتاقك فأرسمك..نعم سأرسمك كل يوم أكثر من ستين مرة وسأكون رسام فقير لأنني بلا شك لن أبيع لوحة تحتضنك أنت بأي ثمن.

لكن الواقع يقول أنني مجرد كاتب ضعيف الحيلة والخيال يتمنى فقط أن تبني أحرفه صرحاً ليرى جنتك أو لو كان رساماً.



-قاسم عبيد
@ba3di

الحياة ليست بمكان جميل ولا ينبغي لها أن تكون!
مليئة بالخيارات الصعبة، والأختيارات التي في الغالب خاطئة!
يجب عليك أن تمتلك الشجاعة لتواجه هذا الكم الهائل من البشاعة، وتبحث أنت بنفسك عن أسباب سعادتك الشخصية، أبحث عن الأشخاص الذين يشبهونك، غني أرقص!
أهرب بنفسك إلى بقعتك ومنطقة راحتك، شاهد فلمك المفضل، أسمع أغنيتك المفضلة،أحتسي شرابك المفضل!
وعش بإيمان تام أن السيء قادم، لكن لا تكن أنت السيء في القصة، غضبك وتذمرك من الأشياء لن يكون ذلك التراب الذي يغطي على إنك من أختار هذا الطريق من البدايه!
فإنك كادح لربك كدحاً فملاقيه!
فأكدح في صمت..فالسعي فرض..والوصول جائز.


-قاسم عُبيد
@ba3di

‏" مالناس إلا خواطر وكرامات، وكسر عظم إنسان لا يقل ألمًا عن كسر خاطره، وإن كسر العظم يلتئم، أما كسر الخاطر فيبقى! "💛


ـ أدهم شرقاوي

#سلسلة_روايات ..


#أدهم_شرقاوي 💚