ـ ‏جهادك مع القرآن، تكرارك للآية حتى جفَّ حلقك وبحَّ صوتك، تضرُّعك بأن يفتح عليك، دمعاتك سكبتها على آية، اعتكافك على مصحفك، لا يذهب هباءًا "ومَا كانَ ربُّكَ نَسيًّا" لا يضيع مثقال ذرَّة.💛


ـ فحتَّى لو لم تُتقن الحفظ، فمصاحبتك للقرآن تجعلك من أهل الله وخاصَّته🌼

ـ فالعمر يمضي، والأيام تُطوَىٰ؛ ولا يدرك بالأماني وإنَّما بدعاءٍ وافتقارٍ وطموحٍ وجَلَدٍ ومجاهدةٍ للنَّفس وعدم تعجُّل الثَّمرة!

ـ وستعيش به في الدُّنيا "فِردَوسًا" قبل "فردوس الآخرة


ـ لا تَبْتَعِد كَثِيرًا عَنْ الْقُرْآنِ، ‏روحك بِحَاجَةٍ إِلَى الْقُرْآنِ أَكْثَرَ مِنْ حَاجَتِكَ ‏إلى الطَّعَامِ وَالشَّرَاب.

ـ ولَا تَكْتَرِث كَم ستقرأ بل اقْرَأ قَدْرَ مَا تُرِيدُ مِنْ الْفَلَاح 🌸

ـ وتذكر أن ‏من لا وِردَ له، لا وِدَّ له!
اجعل لنفسك وِردًا أي نصيبًا من القرآن كل يوم ...

#يلا_نختم
#وردك_يزهر_قلبك
#حتي_لا_يهجر

أهم 5 كورسات في حياتك ..😉

✅ كورسات الـ Soft Skills ،، المهارات الناعمة مهمة جدًا لقبولك في أي وظيفة، دي بعض الكورسات المعتمدة وطريقة تاخدها أون لاين
من هنـا: https://bit.ly/3oUZZAA

✅ روايات مترجمه عربي انجليزي في نفس الصفحة لتعلم اللغة الإنجليزية، مهمة جدًا اللغة بالنسبة ليك سواء تعلم أو شغل
من هنا: https://bit.ly/2Uy7xfL

✅ كورسات العمل الحر من المنزل، الزمن ده زمن شغل الـ Freelancing لازم تتعلم فري لانس، عشان لو حصل شئ زي جائحة كورونا يكون معاك مصدر دخل إضافي من البيت، الكورس
من هنـا: https://bit.ly/3jKT6Ol

✅ البرمجة، لو مش هتتعلمها عشان تكون مصدر دخل ليك + مصدر ذكاء وحاجة تعلي فكرك كده، أزاي؟ اعرف التفاصيل
من هنـا: https://bit.ly/3EkHGu7

✅ اتعلم فوتوشوب، لأنه عامل زي عفريت العلبة داخل في كل حاجة وهتحتاجه أكيد
من هنا: https://bit.ly/3FznPb1

قناتنا على التلجرام بتنزل يومي فرص تدريب ومنح دراسية وكورسات مجانية https://bit.ly/3jI8LxF
بالتوفيق عزيزي القارئ ❤️

"ألا ليْت مَن تهوَاهُ العَينُ تلقاهُ"


ـ كتار مننا بتمني اللحظة دي اللي يقدر يشوف شخصه العزيز عليهو ويكحل عيونو بي شوفتو ..

ـ انو تنتهي المسافات البيناتهم ويتبلي الشوق بي اللقاء ..

ـ انو تقر عينهم بيهو ويتبسطو بي وجودو♥

ـ حقيقي شعور حلو شديد فربنا يجمع كل شخص بمن أحب كما يحب 🌼..



#سمرية

المهم يكون بيعرف يطمني علشان انا علطول خايفه
ليلو✨♥️

إلى الشخص الذي سأقعُ بحبه مُستقبلاً.
أعدُكَ أنني سأكونُ أحنَّ وجهةٍ تَصلُ إليها ، وأنضجَ عقلٍ يسمعُ لك ، وأحنَ عناقٍ يَحتويك.

أعدُكَ بليالٍ أشاركك فيها أكوابَ الشاي وأحاديثٍ لا تنتهي.

سأكونُ طفلتكَ المُدللة وإمرأتكَ القوية ، أختكَ الصبورة وأمكَ الحنونة وأيضاً أُنثاكَ الفاتنة.
أعدُكَ بحبٍ جارف أعلمُ جيداً أنكَ تستحق💜

‏في الحقيقة مش بنقدر نشارك تفاهاتنا مع أي حد،أي حد جديد بنقابله بنحاول نبدو أمامه علي قدر من الجدية و الإتزان،مشاركة التفاهات و الاهتمامات الهايفة بتحتاج قدر كبير من الشعور بالأمان ويقين بالقبول غير المشروط وعدم التعرض لأحكام.
مشاركة التفاهات علامة أصيلة من علامات الحب و الله♥

"لا يَعلمُ الناسُ أنَّ الرُّوحَ مُنهَكةٌ

والله يدري وهذا وَحدهُ؛ فَرَجُ"💜

عندي ليك كم كلمة اسمعهم مني ..💛


متسمحش لغيرك يقلل من إنجاز ولو بسيط عملته..

محدش عارف الكواليس فيها إيه..

محدش عارف السهر والعياط والكافيين اللي بوظ معدل النوم الطبيعي والمسكنات، محدش يعرف.

محدش بيشوف الصورة كاملة غيرك لذلك محدش ليه يعطي رأي كامل أو تقييم أصلًا.

حقيقي أي إنجاز يتعمل الفترة دي سواء ف الدين أو الدنيا سواء علم شرعي ف دورة كملتها، سورة حفظتها، أذكار انتظمت عليها، ورد واظبت عليه، قيام ليل بقالك كام يوم بتجيبه كل دي إنجازات عظيمة تُحسب " ومقصدش هنا عد الأعمال ولا فكرة المَن، أنا بتكلم ف نقطة المجاهدة ومحاربة النفس والشيطان"

حتى إنجازات الدنيا إنجازات تُحسب...لو كان كورس كملت حتى نصه، مذاكرة خلصتها، امتحان دخلته، مشوار الجامعة دا مثلًا أنا بعتبره إنجاز رهيب والله..كل دي حاجات عظيمة ربنا وفقك ليها.

ف متسمحش لحد مشافش الخلفية فيها إيه ييجي يقولك"وأنت عملت إيه يعني! ، ما مش عارف مين جايب كام، على فكرة أنا خلصت اللي أنت بتقول عليه، على فكرة أنت معملتش حاجة جديدة... إلخ" ، والرصة اللي بنسمعها دي.

حقيقي إن الواحد يصمد يوم كامل بدون صدامات نفسية دا إنجاز ولا أروع والله.

اليوم اللي بتجاهد نفسك رغم إنك تعبان ومقريف ومودك وحش بس لازم تكمل سعي دا يوم مميز.

المادة اللي جبت فيها النص رغم تعبك فيها يُحسب ليك التعب دا عند ربك، الشغل اللي كان فوق طاقتك بس خلصته ف كام ساعة إنجاز عظيم.. وغيره كتير من الحاجات اللي بتمر ف يومنا.
...

#الخلاصة💛

ظروفك غير ظروف غيرك، عثراتك ف الطريق غير عثرات غيرك.

اللي الساحة كانت فضيالك فيه ممكن متبقاش فاضية لغيرك لما ييجي يعمل نفس اللي عملته، ف اللي تعب دا عمل مجهود وجاهد مودز وعقباته عشان يكمل ، ف متجيش حضرتك تتفلسف عليه !

لو مش هتشجع غيرك على إنجازه البسيط، على الأقل احترمه واسكت .


الكلمة حقيقي تأثيرها بيفرق جدًا، كلمة حلوة منك كفيلة تدي إنسان طاقة رهيبة ، ترفعو فوق ..وكلمة تانية بدون وجه حق ممكن تغير مسار يومو أصلًا ، تنزلو سابع أرض !

اكفو الناس شر السنتكم واحباطكم .


وحاجة كمان تانية ..

أكبر عدو للإنسان " هو نفسو " ثم وسوسة الشيطان ..عشان كدا لازم نحافظ على الأذكار لإنها بتحمي حتى من أفكار الإحباط دي.


لازم تعرف إننا خُلقنا للسعي سواء ف الدين أو الدنيا..

مهما كان الإنجاز بسيط فاحمد ربنا إنه أعطاه ليك وسيبك من كلام الناس ، وانجز وافتخر بنفسك ونجاحاتك .
...


" ياصديقي سِر ، لا تَقِف فالدربُ لا يأتي إليك ، والحلمُ لا يجري ليسقط في يديك، هي هكذا الأيام، سعي دائمٌ إن تَلتفِت للخلفِ .. تخسر ما لديك.💛"



•Positives •🌻
@Fadfadah98.

بَراي ..

الكلمة دي يمكن بنقولها علي طول يمكن في روتين حياتنا بتكون موجودة ..

لما يقولو ليك أعمل الحاجة الفلانية فتقول براي مابقدر.. طيب أمش الحتة الفلانية والله براي ما بعرف أمشي .

=حقيقي يمكن تفاصيل كتيرة ما بتحلا ليك براك مالم تلاقي ناس تشاركك ..

في موقف " 🌻

لما كان في لمة وونسة وقرقراب وديك يبرامج القهوة والشاي والتفاصيل التانية معروف وراها حيكون في غسيل عدة ..

قالو ليها يا فلانة قومي غسلي العدة ..

=ردت براي ليي مابقدر عليها يا أما يجي زول يساعدني أو علي الأقل يونسي ..

ومع الونسة غسلت العدة كلها ولو جابو زيها تاني قالت ممكن اخلصها ..

ودا كلو بتأثير " ونسة " ♥

في موقف تاني :

الحافلة عطلت وفي واحدة قررت تمشي برجولها بما أنو المسافة مابعيدة شديد فقالت ليهم ماف حد عندو نية يتمشي حقيقي براي مابقدر ..

صح المشوار مابعيد ولا صعب بس فعلاً مشت معاها واحدة تانية وطول السكة بتونس فيها وبيضحكو لحدي ما وصلت المكان العايزاهو ..

ضحكوا وقالوا صدقي لو مامعاي ماكنت مشيت السكة دي كلها ..

وبرضو دا تأثير " ونسة "♥

في مرة قالت ..

كنت بَراي والبيت فاضي اتصلتا علي صحبتي جاتني وقعدت معاي واتونسنا وحقيقي ماحسيت بالزمن لحدي ما ناس البيت جو ..

كنت مطمئنة بي وجودها ومبسوطة شديد بي ونستها وكان يوم حلو شديد بالنسبة لي وخففت علي كتير ..


ومرة بيحكي :

قال كنت ماري بفترة صعبةومضغوط شديد في الشغل وفي تفاصيل كتيرة جايطة وماعارف أعمل شنو فكنت مدبرس ومهموم ..

=قال اتصلتا عليها وفضفضتا ليها وونستني وهونت علي كل الحاجات الشفتها صعبة ..

كانت بتطبطب علي بكلامها وقالت لي أنت ما " براك أنا حفضل معاك " ♥

في لحظتا أنا نسيت كل الوراي وقلتا ليها أحكي لي عايز أسمعك ونسيني بس ما عايز غير ونستك ..

ضحكوا الأتنين وقال لما أنتهت المكالمة حسيت كل التعب راح مع أخر كلمة منها ونمتا مبسوط..

حقيقي يخوانا الونسة بتخفف كتير وأثرها حلو شديد في قلب الواحد مننا ..


عجبتني جملة " ماف متونس بيتعب " ♥

وطلع فعلاً مش كلام 🌼


#سمرية

السلام عليكم ورحمة الله وبركاته..

غفر الله لِي ولمن اغتبته بقصد أو بدون قصد ولمن شهد تلك الغيبة")

- هذه كفارة الغيبة.

#كن_ذا_أثر_طيب

" محبة الناس ما فرض " 💜.

المحبة بذرة والبذرة علشان تبقي في يوم شجرة كبيرة محتاجة منك مراعاة وعناية وإهتمام .

يبقي لما تزرع المحبة لاذم تراعي لي كلامك مع الناس الحوليك وتكون عارف حدودك وما تفكر تتخطاها وما تكسر غيرك بي كلمة ولا تقلل من شأنهم بأي تصرف.

لاذم تعتني بي غيرك وتحافظ علي مشاعرهم وتخاف عليهم علي قدر خوفك علي نفسك وزي ما قالو الما بتحملو فيك يبقي ما تحملو في غيرك.

لاذم تكون مهتم ومبادر وعلي طول تصرفاتك سليمة وكلامك لطيف وشخص عفوي وبتعرف كيف تكسب الناس الحوليك بي كل حب .

المحبة بتجي بالحاجات دي وكل ما كنت شخص أفضل محبتك عند الناس بتكبر ♥.

صدقني لو كنت شخص كلام قلبك علي لسانك وعلي طول بتنتقد غيرك وبتغلط علي دا وبتكسر خاطر دا تحت مسمي الصراحة وشخص مابيعرف كيف يحترم غيرو عمرك ما حتلاقي محبة من شخص ليك ..

ولو فاكر انو المحبة بالغصب تبقي غلطان كل حاجة بتكون مجبر عليها فعلياً ما حتكون من قلبك ..

فعشان كدا لاذم تكون شخص طبيعي بس وجواك خير للناس وتفرح لي فرحهم وبتزعل لي زعلهم وقلبك عليك وعلي غيرك وساعتها حتلاقي محبة الناس حوليك من كل الجهات بطريقة تخليك تستغرب أنك عملتا شنو للدرجة البتخليك محبوب عند غيرك ♥..

" أزرع حب عشان تحصد محبة " 🌻.

حقيقي الحياة دي فيها ناس لطيفين لدرجة أنك لا شعورياً بتحس تجاهم بالمحبة والراحة وديل عشان نواياهم طاهرة وقلبهم أبيض وعلي طول تعاملهم مريح ..

#سمرية

هذا الصباح ..

{{ حدثتني فَراشة وقالت : عزيزتي أنتِ زهرة }} 🌻.

حرفياً نَحنا حلوين شديد ، وبنحلي أكتر في عيون

البحبونا ..

كل شخص فينامختلف عن التاني شكلاً ، و شعوراً

والحاجة دي هي اللي بتخلق فينا المَيزة ..

فعشان كدا ما تعاين لي نظرة الناس ليك بل لي

نظرتك لي نفسك أنت شايف شنو ؟

شايف نفسك حلو

=الناس حتشوفك كدا وأكتر ..

شايف نفسك غير كدا

=الناس حتعاملك بنفس الأساس دا ..

أنت اللي بتقدر تَعلي من قيمة نفسك وفي نفس

اللحظة بتقدر تحط منها الناس ماليهم دخل هم

كالمرايا بتعكس ليك الحاجة العايز تشوفها ..

فإختار عايز تشوف نفسك شنو ..

في الأخر ..

" ممتنة لتلك الفراشة " ♥ ..

هي فقط أكدت ما كان حقيقياً فأنا حقاًوردة 🌻.

ماذا عنك ؟

#سمرية

عشر أشياء واظبي عليها لحد نهاية السنة و حتشوفي كم التغيير في حياتك والبركة والتيسير بعدها ♡ .

١♡: صلاة الفجر على وقتها ماتتخيلي الدقايق اللي ح تقومي تصلي فيها الفجر في وقته دي حتخليك في حفظ الله و تغير يومك و تزيد بركته كيف اللي بيصلي الفجربيكون في ذمة الله متخيلة تواظبي ستين يوم تكوني في ذمة الله و حفظه .

٢♡: صفحتين قرآن لو واظبت ان شاء الله ستين يوم بداية السنة الميلادية ح تلقي إنك قربت من ربع المصحف و اعتدت الصلة بالمصحف و صعب تخليه و ممكن تحسبي بالآيات ولو اضفت لوردك يوميا عشر آيات من سورة البقرة +الآيتين الأخيرات منها نهاية اليوم حيكون أفضل .

٣♡: الأذكار كل مرة ح اقول ليك أمسكي الذكر المضاعف و لو مرة كل يوم ح يفرق معاك جدا جدا كنوووز حسنات بإذن الله و تغيير لنفسيتك و أرزااااق,, للي ماشافو post الذكر المضاعف ح أحط ليكم الرابط في ال comments .

‏٤ ♡: كل يوم قبل ماتنومي قولي :
أستغفرك اللهم و اتوب إليك مما علمت و مما لا أعلم مهم جدا جدا ننقي صحيفتنا يوميا مع ربنا و نبدا كل صباح بأنقى حال ممكن .
و قولي سيد الإستغفار مرة ليلا و مرة نهارا :
"اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي؛ فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إِلَّا أَنْت ".

٥♡: في دعاء من القرآن للاستجابة ليه صلة بتحقيق كل الامنيات بس داومي عليه و يذكر أنه الأفضل بعد كل صلاة :
‏"حسبنا الله سيؤتينا الله من فضله انا إلى الله راغبون" قوليه دايما ...

٦♡: اي شغل تعمليه أو تفكري فيه أو تبديه قولي :
اللهم اغنني بحلالك عن حرامك و بفضلك عمن سواك "
و شوفي كمية البركة مهما كان شغلك عادي ح تشوفيها بعينك كمية بركة و سعة مهولة و استغناء فعلي + طلعي صدقة و لو بأقل القليل .

٧♡: عايزة تتزوجي او عايزة الذرية أحسن دعاء في وقت السحر تصحي للقيام ولو ركعتين و بعدها قولي :
رب لاتذرني فرداً و أنت خير الوارثين .

٨♡: كل ما جا على بالك حسن الخاتمة يوميا كرري:
‏"اللهم إني استودعك شهادة لا إله إلا الله وأن محمداً رسول الله عند الموت وفي القبر وعند سؤال الملكين ويوم البعث وعلى الصراط" و آية الكرسي لما تصحي و بعد كل صلاة ،، عارفة آية الكرسي بعد كل صلاة بتخلي مابينك و بين دخول الجنة إلا الموت .

٩♡: التنقية أقعدي حللي محيطك الواقعي و الإسفيري و كل يوم نضفي فيه، أعملي unfollow لحسابات الشائعات و الاستشارات وو المجموعات اللي فيها سوء او نشر للمحرمات أفصلي مشاعرك عنها و اهم شي قللي تفاعلك معاها .

١٠♡: أمسكي دفتر او في اي note في جوالك و أكتبي حاجات بتسعدك و أحمدي عليها ربنا حتى لو أبسط شي ،، و أكتبي الحاجات المضايقاك و حلليها و شوفي ممكن تتخلصي منها كيف و تغيريها تماما وماتخليها في حياتك القائمة دي حترتب أفكارك جدا .
ضيفوا حاجات نافعة في التعليقات.

هذه الحياة لله ثم لسعادتي رب أسعدني في الدارين و اهدني خير النجدين و أقر عيناي بما رجوت و بكل ثانية باقية في عمري و اختم لي بجنانك و فردوسك الأعلى.
#Jasmeen_Ali
#توازن
#بنختم
❤📌

#رحلة_التغيير_مع_القرآن

" قد يكون الدربُ صبعاً لا تميلي " 🌻.

حرفياً حياتي مع القرآن حلوة جداً وجواي شعور رهيب ومهما قلتا عنه ماحقدر أوصفه.

جلوسنا في حلقات التحفيظ وكاننا هالة من نور والأحلي من كدا أنو الملائكة بتحفنا.

حاسة بتغيير حلو شديد قبل القرآن كنت في ضيق وهم وحزن ومع القرآن في سعادة وراحة .

بدون القرآن الزمن مافيهو ولا حتي شوية بركة وبتسلل مننا كتسلل الماء من المصفاء أما مع القرآن بركة عظيمة جداً.

بكون منتظرة زمن الحلقة بفارغ الصبر علشان نتعلم نقراهو صح ونجودو.

حرفياً القرآن بغير فيك كتير وكل آية بتخليك تستشعر نعم ربنا عليك وبتديك رسالة عظيمة.

في قوله تعالي ‏: ﴿وَاصبِر لِحُكمِ رَبِّكَ فَإِنَّكَ بِأَعيُنِنا﴾
اصبر أنت في عناية ربنا وحفظه وتدبيره ورحمته التي وسعت كل شي ♥.

وفي قوله تعالي : " ﴿ ﻻ‌ ﺗﺤﺰن إﻥ ﺍلله ﻣﻌﻨﺎ ﴾.
يعني حتي الحزن بيختفي لما تستشعر نعمة وجود ربنا ولطفه عليك .

حقيقي ما خالط القرآن شيئاً إلا باركه أنا حاسة أنو حياتي مليانة بركة.

وأنا لسع في البداية وربنا يوفقني وأكمل للنهاية وأجي أحكي ليكم عن شعور الحفظ والتجويد والترتيل كمان.

وعن السهولة واليسر اللي بتلقاهم في درب القرآن والسعادة اللي حتملا حياتك وعن عظمة الفوز بيهو وتخيل تاج الوقار اللي بإنتظارك في الأخرة ليك ولوالديك والنعيم اللي في الدنيا ♥ .

صدقوني آية واحدة منه كفيلة بإنها تخليك تتغير 180درجة تاخدك من الضلام لي النور تبعدك من الهم والغم.

تسهل أمورك وتحقق أحلامك مع القرآن ماف شي حيعثر طريقك ولا حتي يعرقل مشيك حتمش وحتصل لكل حاجة بطريقة تخليك تستغرب لانو ربنا بدبر ليك.

الحياة مع القرآن مختلفة تماماً وليها طعم خاص ومتابعة أهل القرآن يااااه حتكون حاجة تانية يعني من ناس همهم رضا الناس حتكون مع ناس همها رضا رب الناس.

لا قطيعة لا نميمة لا قطع رحم ماف اي صفة ذميمة حتفضل في حياتك وأنت بترافقهم بمسكوا في يدك ودلوك علي الصح بالتي هي أحسن.

بطريقة ما بتخليك بأنك كنت سئ في يوم وبتخليك شخص مختلف تماماً ومليان يقين وطمأنينة وحب للآخرين وبخلق جواك رضا وقناعة تكفيك عن العالمين.

مع القرآن حيكون همك وردك وذكر ربك وصلاتك علي الرسول وحسن القول ♥.

ادعو لي ربنا يوفقني ويثبتني في طريق القرآن وأن يجعلنا من الذين يسمعون القول ويتبعون أحسنه ..

#مُر_حُبًّا
#سمرية

#أليِفُ_الرُّوح💚

" منْ يُحبك لا منْ تُحِب "

عزيزي ..

فعلياً كدا لابد تفهم أنو الشخص اللي أنت بتحبه ما علي طول ببادلك نفس الإحساس وما بالضرورة يكون بحبك في النهاية المشاعر ما فرض .

عادي يكون عايش معاك قصة حب تحس نفسك لقيت الشخص المناسب وتفضل طائر بيهو السماء وفجأة بدون مقدمات تلاقي نفسك خبطت الأرض.

ما عشان أنت مقصر تجاهو بس علشان في الحقيقة ما بتهمو مشاعرك زي ما كنت شايف ويمكن وجودك بالنسبة ليهو كان مؤقت.

فلما لقي الفرصة المناسبة ليهو قرر ينسحب منك بدون مقدمات وبدون ما يختك في الصورة ويوضح ليك الأسباب.

عشان كدا خاف من البتحبو أنت أكتر من البحبك لانو البحبك بكون خاتيك في عيونو وخايف عليك شديد.

وبتلاقيهو داسي ليك كمية من الحب ما عادية ولطيف تجاهك شديد .

البحبك أكيد ما حيفكر في يوم يأذي مشاعرك أو حتي يكسرك بي تصرفاته بل العكس تلقاهو دائماً جاري عليك.

وأنت المسكين جاري علي غيرو وما حتقدر تشوف قدر شنو الشخص دا بحبك غير لما تلقاهو في مواقفك الصعبة.

لما تنكسر من الحبيتو حتلاقي البحبك بحاول يواسيك ويداوي جروحك ويقيف معاك.

وقد يحاول يطلعك من جو الحزن العايش فيهو ويتقرب منك كمحاولة لي إظهار حبو ليك ساعتها أنت ما حتقدر تفهم الحاجة دي.

لانك مكسور وما قادر تبني علاقة جديدة ولما تلاقيهو بلح عليك وببادر يخلق علاقة جديدة معاك .

حتحاول تاخد خطوة تجاهو عسي ولعل تقدر تنسا بيها علاقتك اللي فاتت رغم انك ما قادر تحبو بس هو ما بمل ولا بكل من مشاعرو تجاهك.

وبفضل بحاول يسعدك بس أنت ولا علي بالك ومشغول في ذكريات القديمة مع فلان اللي سابك وبتضيع لحظات حلوة مع شخص قادر يعوضك عن الفات.

بس بعد فترة حتلاقي إصرارو تجاه أنك تتعافي أكبر من أصرارك علي أنك تفضل زعلان علي ماضيك.

وساعتها حتكتشف قدر شنو وأنت في عز الخسارة كسبتا محبة شخص بحبك بالجد وما بتتعوض.

وحيفضل ماسك يدك لحدي ما تتعافي وترجع من جديد وساعتها حتقدر تشوف الحب العندو تجاهك.

وتنسي اللي حبيتو وترجع تحب البحبك ولحظتها حتكون عايش في سعادة كبيرة شديد.

علشان كدا ما تأمن البتحبو علي قدر البحبك لانو ما كل البتحبو بحبك وما كل البتكرهو بكرهك .

#مُر_حُبًّاً🌻
#سمرية

#أليِفُ_الرُّوح 💚

" أغارُ عليكَ من نْظَري ومنهم "

عزيزي ..

الغيرة شعور طبيعي وهي اللي بتوريك قدر شنو الطرف التاني متمسك بيك أنت من دون الناس.

وبتخليهو يحاول يقربك أكتر ويخلي علاقتكم أقوي وبتخلي محبته ليك بتزيد.

الغيرة شعور متبادل في الحب زي ما أنا بغير عليك أكيد أنت بي دورك بتكون بتغير علي.

وبنحاول فيها نحافظ علي بعض ، بس ما دائماً الغيرة غيرة ربما تكون عدم ثقة من الطرف التاني يبقي لاذم تفهم الغيرة صح.

الغيرة هي حب بشكل أناني يعني أنا عايزاك لي من بين ملايين الناس ومهما كان الحوليك كتار ما تعاين ليهم ولا تهتم بيهم ويفضل إهتمامك لي .

يعني أنا ما عايزة يحاول يستطلفك بي كلامه ويتقرب منك بي تصرفاته ويحاول يخلق جو ونسة معاك.

في الغيرة أنت لي ومابهمني غير أنك تكون علي طول قصادي وتفضل متمسك بي لي النهاية.

الغيرة هي البتحلي الحب أكتر لانها بتديهو نكهة خاصة بس لاذم تكون في حدود المعقول وما تخليها تزيد لي درجة تخنق بيها الطرف التاني.

ما تخليها تصل مرحلة فقدان الثقة وتخلي الواحد يحس بأنه مجبر عليك ومقيد بي مشاعرو تجاهك .

بل تكون موزونة علي قدر الحب والثقة ولما تحس نفسك بتغير زيادة عن اللزوم ساعتها أبعد لانك هنا أنت أخدتا الغيرة لي منحي تاني اللي هو عدم الثقة.

كلنا محتاجين شخص يقدم لينا الحب ويغير علينا من الناس ومن كل حاجة ممكن تمسنا.

يفضل خايف علينا ومتمسك بينا وبغير علينا من نسمة الهواء.

الغيرة هي اللي بتخلينا نحافظ علي الحب وبتقوي العلاقة أكتر.

ويا عزيز أنا كمان بغير عليك وحفضل أغير علشان أنت المفضل عندي دائماً بس تأكد أنو حتي غيرتي ليك حب .

#سمرية