#فخ" ¹"📎.

ـ يا عزيزتي جميع الرجال في مرحلة ما يبقون بالقرب منك طيلــة الــ24سـاعة ويجعلك تشعرين بإنك كل أوقاته .

ـ يجعلك تتعلقين به بحيث أنك قد تشتاقين حتي وهو حاضر تحبين رسائله وتنتظرينها بلهفة.

ـ ولكن سرعان ما يعلم بأن قلبك الصغير وقع بشباكه ستصبحين كفريسة بين شباك العنكبوت .

ـ سيصبح مشغولاً حد الإزدحام حتي أنه سيقنعك بأن ليس لديه وقت لحك رأسه وفرصة نوم هانئه فأحذري.

" حب الرجال مصيدة لاتكوني فريسة " ♥

#سمرية

ـ اوعا تتمسك بشخص للدرجة البتخليهو يبقي محور حياتك بتاتاً مهما كان زي العسل علي قلبك .

ـ مهما كان مابقصر منك او حتي بهديك المشاعر علي طبق من دهب حتي ولو كان مستعد يضحي عشانك وحتي لو كان قادر يديك عيونو ذاتو ..

ـ لاذم تعرف تفرق بين التعلق الطبيعي اللي هو حاجة عادية في الحياة الٳجتماعية مثلاً كتعلق الأم بطفلها وتعلقك بي شريك حياتك بي عائلتك ♥.

ـ والتعلق المرضي اللي هو بكون نتاج لي شعور نقص بتحسو جواك من وانت صغير و مفتقر ليهو ويجي نفس الشخص الصفات السمحة دي كلها.

ـ وينتشلك من الماضي دا ويخليك تتعلق بيهو لي درجة تقفل عليهو بس وتسيب علاقاتك مع الحوليك ويفضل هو عالمك ويومك ناقص بدونو وتفاصيل كتيرة.

ـ الشعور دا حيخليك تصل لي مرحلة ممكن تأثر علي نفسك شديد لما يجي الشخص دا في يوم ويسيبك بدون مقدمات ماعشان تقصير منك.

ـ بس عشان تعلقك بيهو كان لي درجة خلتو يحس بالخنقة وأنو حياتو مافيها غيرك من كتر خوفك عليهو وتمسسك بيهو وأهتمامك الزائد اللي حيخليك تخسرو.

ـ وتجي تكتئب وتخش في حالة نفسية مؤذية وقد تجيك أفكار كتيرة بعدها.

ـ علشان كدا لما تحس تعلقك بي شخص فات الحد الطبيعي اقيف شوية واخـــد ليك مساحة بعيد منو وحاول تشغل نفسك بعلاقتك مع الحوليك وخفف حدة الإهتمام بس ما تقصر ع الأخر.

ـ وحاول تخلي مشاعرك وتعاملك وخوفك عليهو في حدود المعقول والممكن ما تحاول تعمل المستحيل .

ومن جانب تاني : -

" ياريت قبل ما تخلي شخص يتعلق بيك شديد ويصل المرحلة دي ما تحسسو انك مبسوط لو فعلاً ما مبسوط ما تخليهو يعيش علي وهم أنوجواك نفس حجم المشاعر وهي ماكدا احسن يعرف صح ممكن يتوجع بس بياخد فترة ويطيب افضل من يصل مرحلة التعلق المرضي اللي بعدها ببقي صعب عليهو شديد شديد فكرة بعادك أو صرف نظرك عنه أو خيانتك ليهو بشخص تاني او أياً كان " .

ـ ومن نفس المنطلق لاذم نحن نكون في كل علاقاتنا متوازنيييين وما نبنيها علي عاطفة او عقل بل الأتنين مع بعض ..

ـ لاذم يكون الطرفين متعادلين في الأخذ والعطاء علشان مايكون فيهم شخص بخصم من التاني بل العكس الأتنين يكونو قادرين يقدمو لبعض.

ـ لاذم تكون العلاقة واضحة وصريحة وبكل شفافية بدون تصنع او نفاق ما بتحب شخص انت ما مجبر تستمر معاهو لانك حتضر نفسك والضرر الأكبر حيكون بالنسبة ليهو هو.

#ومن_الاخر_كدا

" مايبني علي العقل والقلب يبقي متزن " 🌻.

#سمرية

https://www.tg-me.com/zai_nab23

‏ولستُ ممن يُفشي سرًا أو يخونَ عهدًا حتى في الخلاف؛ إن آمنَت روحكَ بروحي مرة، أو وثقَ قلبكَ في قلبي فترة، فأنا صرحُك حينَ تضيق، وسرُك إن جافوك، وسترُك حتى تموت صدقني حتى وإن قال الناس عنك أنك لا تستحق، فأنا أصلي يُحتًِم عليَّ، ومُعاملتي مع رب الخلق في كل الخلق تستحق..
‏هذا أنا يا صاحبي إن كنتَ لا تعلم.. إذا عاشرتني كيف أكون!❤️📎



https://www.tg-me.com/learnforall_20

اكثر جمله غلط ف الدنيا
" البُعد بنسى!!.."

ماف انسان بنسى انسان بس عشان هو بعيد
بس عشان في بينهم مسافات و قلة كلام

طول ما انت في قلبك في الإنسان ده
يبقا من سابع المستحيلات انو يطلع من بالك..

اي صح حا تجى لحظات و تنسى وجودو
بس مقابل اللحظات دي حا تجي ساعات تتذكر انك خسرتو.

على قدر ما البُعد مرات حل عشان نتجاوز
على قدر ما اننا بنغش نفسنا لو قلنا انو حل عشان يطلع من بالنا..

ماف مسافه قادره تخطف انسان بعد بقا جواك
و لا في مسافه قادره تاخذ منك حُبك للانسان ده

و اصدمك كمان؟!..
حتى المسافات لو بقت في القلوب ما في الطُرق
ما حا تقدر تنسى
ما حا تقدر تنسى انسان كان جزء منك
اتناسى
بس تنسى كيف؟!..
للمرة الثانيه
" دي تفاصيل حياتك، عمرها ما ح تختفى من قاموس حياتك.."


https://www.tg-me.com/kuatrSD

‏مُلاحظ أنه كثير من الشباب بيفكروا لما يقارنوا عائلاتهم بغيرها ، عن أنه والدينهم كان بالامكان يوفروا ليهم حياة مادية أفضل من واقعهم الحالي ، لكن نجاح الوالدين الحقيقي مافي الجانب المادي ؛ بل في تربيتك بالصورة الأنت عليها الآن وهو دا الاستثمار الحقيقي للأسرة الناجحة في اعتقادي ‏ثم حكمك على تجربتهم المادية فيها إجحاف كبير ، لأنك إتجاوزت كل الظروف الكانت محيطة بيهم في صغرك وطيلة فترة نموك ، إضافة إلى أنه ما كل الرزق مال ، في من يرزق بمال ومن يرزق بصحة ومن يرزق بزرية صالحة ‏ثم انك شفت من حياة الأغنياء الجانب المادي فقط ودا طبيعي لأنه دا جانب نقصك و "الانسان يرى بعين نقصه" لكن غفلت عن مشاكل كتيرة عندهم أنت بمنأى عنها ، على سبيل المثال لا الحصر ، مشاكل الورث في عائلات كبيرة أحدثت قطيعة دائمة بين الأخوان ، مشاكل المخدرات والتعاطي غالبها لدى الأغنياء ‏معظم العائلات الغنية فيها مشكلة تفكك أسري ، معظم حوادث الإنتحار تصدر من أشخاص فاحشي الثراء.
الخوف من الفقر ؛ فالغني حريص على زيادة غناه أكثر من حرص الفقير على ايجاد قوت يومه.
قد تقل ساعات نومه في سبيل ذلك ، قد يهمل علاقاته ، أسرته.
‏أفتخروا بوالديكم وأشعروهم بفخركم وحبكم ليهم ، مهما كان تقييمنا لمجهوداتهم تجاهنا ، ما حنقدر نتخيل كم العصوبات والتحديات الواجهتهم خلال حياتهم عشان يوصلوا الأسرة لبر الأمان ، وكمية المشاكل الاتجاوزوها وتضحيتهم بسعادتهم ورغباتهم وعمرهم عشان الأسرة ما تتفكك ويوفروا بيئة سليمة لنمونا.


https://www.tg-me.com/ch1tchat

أحلي شعور ممكن تحس بيهو أنك تلاقي نفسك قدرتا تكون جبر خاطر لي غيرك ..


أنك ساعدتا شخص يتجاوز محنته أو وقفتا معاهو أو حتي دعمته بي كلمة 💜..


في أنك تقدم ليهم حتي ولو بسيط ولو كان الشي دا أنك تستمع ليهم وتطبطب عليهم بكلام لطيف ..

حقيقي ممكن تكون حاجات بسيطة بس أثرها علي النفس كبير شديد..


لو حست أنك بتقدر تساعد غيرك ما تترد جبر الخواطر عبادة عظيمة شديد 🌼..


#سمرية

https://www.tg-me.com/kuatrSD

"أنْ طالَ شوق العالمينَ لبعضهٌم

فالشوقُ نحوكَ لا يُحاط مداهُ 🖤🦩"

https://www.tg-me.com/SD_Comex

#فخ"²"📎.

ـ الرجال يا عزيزتي يخوضون الحب بحكمة وأنتِ تتغلب عليك العاطفة.

ـ أتدرين أن عاطفتك الواضحة تلك التي تظهر في تصرفاتك معه في نظراتك له هي نقطة ضعفك.

ـ نعم فبإمكانه الحصول علي ما أراد بإستغلالها أن ينال إستعطافك بكلمتين مثقلتان بالحب ليصل لمبتغاه.

ـ سيخبرك بأنه يحبك ويطلب منك ما يشاء عندما ترفضين حينها سيلعب دور الضحية ويحاول إستدراجك عن طريق مشاعرك.

ـ ربما يقول لك أنت لا تحبييني كما السابق وربما يقول ألا تثقين بي وأحياناً يجعلك تشعرين بتأنيب الضمير ويقول ما بالك لا تهتمين لأمري.

ـ يكرر لك أحدي هذه الكذبات الملفقة التي يجعلها تبدو كحقيقة وحينها تباغتينه بالإجابةبل أثق بك.

ـ بعدها تقبلين له طلباً ثم يتلوه الأخر بتكرار نفس السيناريو مجدداً وبعد مدة يتخلي عنك ..

ـ تشعرين بالصدمة كيف ماهو ذنبي ألم أقدم لك ما تحب في أي شي قصرت تجاهك..

" فلتعلمي أنك قصرتي في حق نفسك للحد الذي سمح له بتجاوز حدودك التي هي الخط الأحمر الذي يجب علي الجميع إحترامه " 🌻.

ـ عزيزتي في هذا العالم لا شي يؤخذ بلا مقابل فلا تسمحي لنفسك بأن تكوني متاحة لمن شاء بأسم الحب.

ـ لو كان حقاً يحبك لن يرضى فيك ولو خدشة بسببه ناهيك عن كسر قلبك وأذيتك من يحب يحترم يراعي بأن لكل شخص حدود يجب عدم تخطيها.

ـ من يحب يغار عليك حتي من نفسه من يحب يعلم تماماً كيف تؤتي البيوت بالقلوب أم الأبواب ..

ـ فأحذري ليس كل من يقدم لك الحب حبيباً بعضهم يشعرون فقط بحب الإستطلاع يتطلعون للوصول إليك وعندما يصلون يجرحون وبلا رحمة يغادرون .

ـ بعدها تعيشين في دوامة من الحزن علي نفسك وعلي تصرفك الغبي وتندبين حينها حظك.

ـ ولكن ليس الذنب ذنبك بل عاطفتك التي كانت تعميك عن الحقيقة.

ـ فلذلك عزيزتي كوني خياراً وسطاً لا لينة تتشكل بطريقته ولا هشة تنكسر برغبته ♥.

"لا تنخدعي بقناع البراءة مايهم ما وراء القناع "

#سمرية

" دوام الحال من المحال " ..



ـ لاذم يكون عندك يقين أنو ممكن كل حاجة من حولك تتغير ..

ـ ماف شخص حيفضل في نفس الحتة ولا في حيفضل عايش نفس الوجع ولاحتي المعأناة ..


ـ تأكد حيجي يوم وتفضل كل التفاصيل المؤذية دي ذكري ليس إلا ..

ـ حيلاقي الحال بقي أفضل بي مراحل حتعيش مبتسم ومليان سعادة ..


ـ حتقدر تحقق أحلامك وتصل للمكانة اللي ليك سنين بتعافر عشانها.

ـ حتلاقي حب عمرك والعوض الحينسيك كل حاجة ..


ـ صدقني مهما كنت حاسي انك ما كويس بكرة بتتعافا من جديد ..

ـ ماتزعل ولاتشيل في قلبك ربنا كريم شديد ..



#ومن_الاخر_كدا

" بكرة الدنيا تضحك ليك وتهديك الفرح كيمان " 💜


#سمرية

ـ للعاكفين على مصاحفِهم من قبلِ صلاة الفجر الى بعده، حاملينهُ بكل ما أوتوا من قوّة حتى آلمتُهم حناجرِهم، طوبى لكم 💛

ـ إنّهُ العيشُ الهنيء، ولا تنسوا أن تكرار الآيات الذي أتعبنا اليوم، هو درجاتٌ في الجنَّة غدًا .

ـ وٳعلموا ٲن ‏القلوب التي تُصبـح وتُمسـي على آيات القرآن لا خوفٌ عليها ولا حزن ..

ـ فهي في عنايـة الله ولا يُخاف عليها الضيعة فالله لا يُضيّع أهله♥️

ـ ‏فلا تنسي ٲن القرآن نعم الٲنيس لا يُمَل مع كثرة الترداد والاستماع، بل يزيد صاحبه جمالاً وأدباً وبهجة💭

‏"إن هذا القرآن يهدي للتي هي أقوم"💕
‏⁦
ـ فو‏الله إنَّ الحزن ليبرأ بالقرآن وإنَّ القلب ليُجبر بالقرآن وإن الروح لَتسعد بالقرآن
‏فهلّا أحسنّا صُحبته ! 🌼

ـ و ياقارئ القرآن ألف تحيةٍ
قل لي بربك أيَّ باب تقرع
النورنورك والملائك تنتشي
في جانبيك وعطرُها يتضوع
أسلك سبيل الحفظ واهنأ
كلما ناداك للجنات بابٌ أوسع


ـ فاللهم لا تُخرجنا من جنّة الآيات إلا لجنّة الآخرة ♥️

" قم وردد وردك الآن لعلك تلحق الركب الصالحين 😌"

#يلا_نختم
#وردك_يزهر_قلبك
#حتي_لا_يهجر

أتوقع أن تُرسل لي الليلة "أحبك"💜

أريدها هكذا
بمفردِها
بين علامتيّ تنصيص
أو بدونهما
بلا أسباب
أو نتائج
او مُقدمات
بسيطة وسائغة
كدفقة ماء
عفوية
كخطوة رضيع
-مُ ت ق ط ع ة- كجملة إعتراضية
عنيفة
كصفعة
قوية وحادة
كرصاصة
أنتظرها الليلة بشدة
ولو بالخطأ🤍.

ـ حقيقي كدا هي فترة وبعديها كل حاجة حتتصلح وحتكون أفضل من الأول بي كتير.


ـ حنعرف من خلالها روحنا وحنقدر نكتشف حاجات كتيرة جوانا ونقدر نقرب علينا أكتر ونزيد ثقتنا بنفسنا.


- حتمر كل اللحظات المؤذية وحتفضل مجرد ذكري ونضحك بعدها والحياة تضحك لينا كمان ..


ـ حتمر بي رحمة ربنا وبي توفيقه لينا ..💜


- فلا يأس مع الحياة بأذن الله


#ومن_الاخر_كدا

" كل مُر سَيمُر "🌼



#سمرية

ـ بقدر ما الحُبّ والأمان مهمين ، بشوف إنّو التفاهُم مُهِم وجِدًّا .

ـ ويمكن هو الأساس اللي بتتبني عليهو العلاقة من بعد الإحترام والتقدير والإهتمام.

ـ لانو إحساس أنو تلاقي شخص بيفهمك دي حاجة عظيمة شديد ..

ـ التفاهم هو اللي ممكن يحافظ علي العلاقة ويوديها لي بر الأمان علي طول.

ـ وحتي أنو ممكن يحسسك براحة نفسية لانو بديك أريحية كدا وما بخليك تحتاج تبرر موقفك ..


ـ انو تلاقي شخص يفهم تصرفاتك بدون ما يستصغرك او حتي يقلل من شأنها قدامك او يعاتبك ..

ـ حقيقي التفاهم دا حاجة حلوة شديد وبيهو بتستمر مرتاح في علاقتك مع الشخص التاني ..


ـ انكم تكونو متفاهمين يعني قادرين تواجهو كل المشاكل البتقابلكم وما تهتمو بكلام غيركم.


ـ حتكونو مطمئنين كدا وثقتكم ببعض ما حتتأثر ولافي شخص ممكن يدخل بيناتكم لانو قادرين تستوعبو بعض صح.

#ومن_الاخر_كدا


" حقيقي نحن محتاجين ناس تفهمنا قبل ما تحبنا " 💜✨


#سمرية

ـ نحن نسعد حينما نعلم أن الله يعلم النيات يعلم سلامة صدرك🤍

ـ يعلم حبك للخير يعلم أن هذا الخطأ لا تقصده يعلم أنّ هذا الوضع الحرِج الذي وقعت فيه لا تريده ، يعلم أنّ هذه الكلمة التي قلتها لم تكن تريد أنْ تقولها

ـ انت حينما تعلم أن الله يعلم حقيقة كل شيء ، هذا مما يسعدك وترتاح نفسك به 🖤

ـ فكيف وهو ‏يراك وأنت تطرق الأبواب باباً تلو باب تفشل هنا وتحزن هناك هذا يعاتبك وهذا يدبر لك..

ـ ينتظر إقبالك وأنت تتعثر وتقوم وتقع وتنهض ثم تأتي مكسورا إلى بابه باكيا نادما فيقبلك وكأنه يقول لك: " إن جافوك فأنا حبيبك وإن آلموك فأنا طبيبك عد إليّ آيباً تائباً مرحباً بك عبدا محبا عن الله أحدثك❤"

ـ وتأكد بأنت ‏سيزول وسيتحطم ماتشعر به وسيتحسن كل ما بك و سيجبُر الله قلبك🌼

ـ فعليك التمسك بطريق الصلاح والعبادات لتتقرب من الله فما أجملك وأنت تردد وردك اليومي وأنت تستشعر آياته ..

ـ تذكر ما قاله بعضُ السلف : " ظُلمةُ الليل أضوأُ للقلب"

ـ ‏أي أن العباداتِ الخفيّةَ في الليل مِن تهجُّد، ودعاء، وقراءةٍ للقرآن ينتفعُ بها القلبُ أكثرَ من بعض العباداتِ الظاهرةِ للناس.

ـ الآن قم وردد صلي وألح في دعواك فأن الله لايرد عبداً خائباً ..

ـ ‏ اللهُم ثبّتنا على ما تحبّ وأصرفنا عن ما لا تحبّ♥️

#يلا_نختم
#وردك_يزهر_قلبك
#حتي_لا_يهجر