أكو ناس تخَليچ تعرفيِنَ قِيمة ناس ثانيّة ، ناس راح تشدچ للطَريق الصَح ، وأكو ناس تتمَسك بيچ ، وناس تسعىٰ تخسرچ مِن بعد طريق طِويل وعشره ، وناس تخذلچ وتحب تشوفَچ مكسورة ، وناس راح تخليچ تحبيِنَ نَفسچ حُب ممتوقع ، ناس ترفعيِنَ رأسچ بمعرفتهُم وناس تستحينَ تكوليِنَ أني چنت اعرفهُم أو الچ أي صِلة بيهُم ، وأكو ناس وَرى متسوين خيّر وزين الهُم يكرهوچ ، وناس يحچون عَنچ بالخير مِن دون أي مُقابل ...

ألي اريده اوصله هوَّ مو مُهم الناس شنو رأيها بيچ؟! ، ( أرضاء الناس غايه لا تُدرك ) لان مو كُل الناس حَ تشوف شنو بداخلچ !!
مهما سويتي وحاوَلتي تبذلين مَجهود للأسف أكو ناس سطحيين وناس مَيقدرون ولا يعرفون قيّمة أي شي وناس منتظريچ ؏ الغَلطه ، شراح يصير وياچ اتأكدي انُ :
" نظرتچ النَفسچ هيَّ الاهم هيَّ الي حَ تسندچ وتخدمَچ بكُل مراحل حياتچ🌼💛 "

تڪۈڵلي ﺈخذي رٱحتچ؟
ﯛما تدري انو ۿي ݛآحتي !!!
شݪۄݩ ۿسۂ ﺂخذݘ ݥٿلآ ؟؟
Gh..♡..

شهر ديسمبر 12 🗓♥️

خلونا نتفق بدايةً أنوا هذا الشهر هو شهر الإنجاز لانوا آخر شهر بالسنة لذلك راح نكتسب عادات، ونتعلم شغلات جديدة عبر 3 خطوات سهلة وبسيطة جداً لذلك اقروا الموضوع الى النهاية .

خطة الإنقاذ
ثلاث خطوات بسيطة لإنقاذ آخر شهر بالسنة :

أولاً : عادة جديدة :
خلونا بآخر شهر نكتسب عادة جديدة، مثلا ما أتعشى بالليل، ما أسهر لل4 الفجر، أو أصلي صلاة الفجر كُل يوم، أقره كتاب كُل يوم أو أي عادة لُخ تحبون، وأن شاء الله من تنتهي 2020 راح تكونون لمدة 31 يوم انتوا متعودين على هاي العادة وتبقوها ل2021 .

ثانياً : معرفة جديدة :
التعليم الذاتي (لنفسك) مُهم جداً لذلك خليك دائما تعلم نفسك بنفسك، مثلا انوا تتعلم لُغة جديدة، درس جديد، ثقافة جديدة، تتعلم عن التاريخ، تتعلم عن كيفية عمل شي مُعين، طبخة، رسمة وهكذا لذلك من راح تتعلمون شي جديد هذا الشي جداً حيكون شي جميل صار ب2020 لذلك أستغلوا وقتكم .

ثالثاً : إنجاز جميل :
طبعاً اكثركم يملي صفحة كاملة من الأهداف وكلها ميسويها، لذلك خليكم بهذا الشهر تحددون هدف واحد لتحقيقه وتركزون عليه، مثلا اذا جان هدفكم التفوق الدراسي فهذا شهر المدراس لذلك اقروا وتابعوا مُحاظراتكم المتراكمة واستعدوا للأختبارات، اذا جان هدفكم تصيرون رسامين على سبيل المثال فأرسموا وتعلموا اساسيات واكتسبوها، اذا تريدون تتعلمون رياضية مثلا العبوا بهاي المده وتبقى وياكم، يعني أي إنجاز ممسوي انتوا إنجازوا هذا الشهر علمود تستعدون ل2021 .

بالنهاية، لا تنسون انوا تستغلون وقتكم لنفسكم وتسوون شغلات تفرحون بيها بنهاية عام، ألي يطي وقته لنفسه معناها فعل الكثير من الأشياء ويه نفسه، اهتموا بنفسكم شوية ولو خطوة وحده تسوون تمام .

- عبدالرحمن
🔴الحقوق محفوظة
(@Katabati_Channel)

طبعآ ردت انزللكم هيج منشور القبل هذا ببداية هالشهر واشرحلكم شلون تبدون بكل شهر بداية جديدة وتغيرون من نفسكم وعاداتكم السلبية، بس الاخ عبد الرحمن ماقصر ما شاء الله اتمنى تستفادون لان كلامه جدآ مُفيد ونصائحه حلوة تنطي حافز ابدو كل شهر بذكر الله والصلاة ع النبي (اللهم صل وسلم وبارك على سيدنا محمد وآل محمد) حتى تتبارك ايامكم وتتوفقون بكل خطوة تخطوها وبس والله 🌼💛.

١٢:١٩......♡
¹⁹..يوم بالضبط بِلا زيادة أو نُقصان.
ᵐʸ ˡᵒᵛᵉ ᶤˢ ᵛᵃˡᵒ 𝆹𝅥𝅮.❤📎
.......♡.......

في عَالمٍ مِنَ الصُوَࢪ حِكايۃٌ فيۿا عِبَࢪ 🌼💛.

الثقة بالنفس 💪🏼🌼 . .


كيف أثق بنفسي ؟
- حُب الذات : دائماً تحب نفسك وتحسسها أنوا تستحق للتقدير وتستحق الشغلات الحلوة ولا تهين نفسك أمام الناس ولا أمام نفسك لا تكول أني أستحق يصير بيه السوء أو تبچي أهواية كُلها مو زينه حَب نفسك بنقصك و بكمالك .

- التواصل مع الآخرين : من تزيد معارفك وأصدقائك وتكون أجتماعي سطحياً بدون تعمق راح تزيد ثقتك بنفسك لانوا حتتناقش وتحچي وتعبر على آراك مع أصدقائك أو عائلتك جداً النقاش و الحوار يزيد ثقتك بنفسك .

- ثقف نفسك : عن طريق تجارب جديدة، غامر أكتشف نفسك لا توكف على شي جداً تافه الحياة أحلى من السكون والوقوف أستمر أمضِ وعيش من تجرب شي جديد راح تكتشف قُدرة نفسك .

- تجنب المُقارنة : لا تقارن نفسك مع الآخرين أو مع أشخاص أدنى منك وتصير نفسهم أو أعلى منك وصعب توصلولهم قارن نفسك بنفسك القديمة فقط وكون أحسن .

- عدم الخوف : من تسأل مثلاً من تخوض تجرُبة جديدة لا تخاف ولا تتوقع الأسوء فقط أسأل و خوضوا التجربة لا تخاف لانوا الخوف مراح يمكنك من أكتشاف نفسك .

- التعبير عن الآفكار : عبر عن الفكرة ألي تحب تتطرحها أمام الآخرين لا تتعارك لكن وضح لا تتنرفز بسرعه خلي ثقتك بنفسك من خلال جوابك في النقاشات مثلا هذا يمنحك ثقة بنفسك .

هل هذا كافي حتى أكتسب الثقة بنفسي ؟
لا طبعاً، ونجي على أهم نُقطة ألي هي الشكل الخارجي لا تشكون بنفسكم إذا كللكم محلوين أو اجاكم كلام على شكلكم الخارجي الله خلقنا هيج ميصير أنت تثق بكلام غيرك أنت أجمل مما تتصور و أحسن من غيرك لذلك أنت حلو مثل ما أنت ومعليك بكلام غيرك و ألي ميعجبه عوفه لانوا الناس تفسر الأشياء من نظرها مو من نظرك لكن أنت فقط نظرتك لنفسك محد يعرفك تمام .

نصيحتي : لا تهتم لرأي أحد ولا حُكم أحد عليك ولا تخلي أحد يأثر عليك بكلامه رجاءاً، يعني محد يعرف أنت شنو ولا راح يعرفك أنت فقط كون واثق بنفسك وبس معليك بحجي غيرك محد يكدر يعرف ظروفك وقوتك الكُل له الظاهر فقط .

- عبدالرحمن
🔵 الحقوق محفوظة (@Katabati_Channel)

"محظوظۃ تلك التي تمتلك صديقةً تدعُو لهآ في الخفاء، هي نعمۿـۃ سٲظل ﭑشْكُرُ ﭑلله ؏َـليها،فاللهم ﭑحفضها لي،🌼💛"

ᵐʸ ˡᵒᵛᵉ ᶤˢ ᵛᵃˡᵒ ♡.

لحظات الوداع جدآ مُحزِنة ،ليس شرطآ أن يكون الوداع أبديآ أو حتى وداعآ مؤقتآ بالنسبة ليّ حتى الوداعات اللحظية تؤلمني مثلآ محادثتي مع شخصي المُفضل ليس شرطآ أن يكون حبيبآ حتى وإن كان صديقآ مُفضلآ لديّ ،اكره أن تحتوي محادثتي معهم بكلماتِ الوداع الموَجِعة (مع السلامة ،في أمان الله ،باي ......الخ)هذه الكلمات تقتُلُ شيئآ بداخلي لا أعلم ما هو ولكنها تؤلمني للحد الذي لا حد له وانا اعلم جيدآ بأنها كلمات عادية ولابد أن تكون في نهاية كل محادثة على الرغم من معرفتي بذلك إلا إنها تشعرني بشيء أعجزُ عن وصفه لا أُحب الوداعات، لو كان بإستطاعتي أنّ أمحي شي من اللغة لكنت مَحَوُتُ كل هذه الكلمات من وجودِها .
أعتقد ليس مِن الضروري أن اودع شخصآ لطالما الحديث معه يُريحُني ،يُفرحُني ،يخلق بداخلي سعادة تجعلني أسجد لربي شاكِرةً لهذه السعادة التي منحني إياها بمجرد حديثي معهم. أوليس من الصعب ان ينتهي كل هذا بمجرد قولك إحدى تلك الكلمات التي لا ارغبُ بِذكرِها ولا كتابتها حتى.
يا لهُ من أمْرٌ مُحزن في كل مرة أحدهم يقول لي إحدى تلك الكلمات اشعر بأني فقدته إلا أن يأتي مرة أُخرى ويتحدث معي حينَها تعود تلك المشاعر وتعود تلك الفرحة وما الفائدة إذا كانت ستنتهي بإحداها من جديد؟.
أُفضل دائمآ أن تنتهي محادثاتي بِكلمة أُحبكِ ،إعتني بنفسكِ او حتى بملصق لا مشكلة لدي اكتفي بذلك جدآ إلا تلك الكلمات التي تشعرني بأني لا يحق لي أن أبعثْ أو ارسل شيئآ آخر بعدها .


#كتاباتي 🥺💔.