🔷“Юксалиш” ҳаракати Жиззах вилояти ҳудудий бўлинмаси томонидан “Ўзбекистон-2030” стратегиясининг 14-мақсади доирасида аҳолига бирламчи тиббий хизматларни янада яқинлаштириш, тиббий ёрдамга муҳтож аҳолининг мурожаатларини бирламчи бўғиннинг ўзида ҳал этиш ҳамда аҳолини бепул дори воситалари билан таъминлаш бўйича белгиланган вазифаларнинг ижроси юзасидан Пахтакор ҳамда Дўстлик туманларида жамоатчилик мониторинги ўтказилди.

➡️Мониторинг давомида кафолатланган пакет асосида тиббий хизмат кўрсатиш тизими, оилавий шифокорлик пунктлари, оилавий поликлиникалар ва кўп тармоқли марказий поликлиникаларда давлат томонидан бепул бериладиган дори воситалари ва тиббиёт буюмларининг мавжудлигини аниқлаш,
ижтимоий дорихоналарнинг ташкил этилиши ҳамда тиббиёт муассасаларининг моддий-техник таъминоти – жиҳозларнинг етарлилиги, замонавий стандартларга жавоб бериши ҳолатларига эътибор қаратилди.