Olimpiada ilhomlari

FAXRIYA

Ular — dilda lovullagan o‘ti borlar,
Asl mardlar daftarida oti borlar.
“Bolam”, deya chorlaganda Ona Vatan,
“Labbay” degan tillarida toti borlar.
Gʻalaba deb kelgan, eldan duo olib,
Yurakda burch, bilakda kuch, mushti g‘olib.

“O‘zbekiston” deb chaqirsa, chaqnab ko‘zi,
Bo‘y ko‘rsatar zarra titroq sezmay tizi.
Qo‘llab turаr otasining ishonchi-yu,
Onasining “bolajonim” degan so‘zi.
Shiddat, shaxdin jamlab, jangga tushdi, ana,
Aniq mo‘ljal olar g‘olib mushti, ana.

Chempionlik belbog‘ini taqmoq go‘zal,
Keng dunyoga shohsupadan boqmoq go‘zal.
Yangragan chog‘ ona Vatan madhiyasi
Balandlagan bayrog‘ini o‘pmoq go‘zal.
Olqish yog‘ar, o‘zbakiy sha’n va or g‘olib,
Olovlangan muhabbat-u izhor g‘olib.

Hasanboyi, Bahodiri, Diyorasi,
Alisheri, Ulug‘begi — ko‘z qorasi,
Xullas, o‘n uch chempionli ulug‘ elni
Qutlar Parij, qutlar Eyfel minorasi.
Turfa tilda e’tiroflar yo‘llar jahon,
Olimp gashtin surar ona O‘zbekiston.

Zamira Ro‘ziyeva

Президент Шавкат Мирзиёев Нукусда тадбиркорлар билан навбатдаги очиқ мулоқотини ўтказди.

Президентнинг Қорақалпоғистонга ташрифи: ҳамжиҳат бўлиб ва биргаликда ҳаракат қилиб, барча ҳудудларни обод қилиш, “инсон қадри учун” тамойили асосида аҳолига муносиб турмуш шароитларини яратиш ҳамда тадбиркорлик ривожига янада кучли суръат бағишлаш йўлида