Olimpiada kundaligi

Ulugʻbek Rashitov – ikki karra Olimpiya oʻyinlari chempionligini qoʻlga kiritgan ilk oʻzbek taekvondochisi!

Ulugʻbek Rashitov Olimpiya oʻyinlarining ikki karra gʻolibligiga erishgan birinchi o’zbek taekvondochisi sifatida oʻz nomini sportimiz solnomasiga muhrlab qoʻymoqda. -68 kg vazn toifasida ishtirok etgan yurtdoshimiz finalda iordaniyalik Zaid Karimni 2:0 hisobida magʻlubiyatga uchratib, oltin medalga sazovor boʻldi.

Shu tariqa, Oʻzbekiston delegatsiyasi hisobidagi medallar hozircha 2 ta oltin va 2 ta bronzani tashkil etmoqda. Barakalla, Ulugʻbek! Biz sen bilan faxrlanamiz!

Olimpiada kundaligi

Abdumalik Xalokov ham finalda!

Boks boʻyicha oʻsmirlar Olimpiadasi gʻolibi, jahon chempioni Abdumalik Xalokov Parij-2024 yozgi Olimpiya oʻyinlarining finaliga yoʻllanma oldi. -57 kg vazn toifasida ishtirok etayotgan yurtdoshimiz yarim finalda avstraliyalik Charli Seniorni magʻlubiyatga uchratib, 10-avgust kuni chempionlik uchun ringga koʻtariladigan boʻldi.

Shu tariqa, yarim finalgacha yetib kelgan 5 nafar bokschimizning barchasi hal qiluvchi bosqichga yoʻl olishdi. Biz Sizlardan finallarda ham mana shunday yorqin gʻalabalar kutamiz. Olgʻa, oʻzbek yoʻlbarslari!

Olimpiada kundaligi

Hasanboy Doʻsmatov – ikki karra Olimpiada chempioni!

Boks boʻyicha Oʻzbekiston terma jamoasi aʼzosi Hasanboy Doʻsmatov (-51 kg) ikki karra Olimpiya oʻyinlari chempioni sharafiga muyassar boʻlgan ilk oʻzbek bokschisiga aylandi. Hamyurtimiz hozirgina yakunlangan chempionlik jangida mezbon bokschi Bilal Bennamani magʻlub etib, delegatsiyamizga Parij-2024 yozgi Olimpiya oʻyinlarining oltin medalini taqdim etdi.

Bu delegatsiyamiz uchun 3-oltin medal. Biz Sen bilan faxrlanamiz, Hasanboy!

Olimpiada kundaligi

18-o‘ringa chiqdik

O‘zbekiston hisobidagi oltin medallar soni 3 taga yetdi.

Hasanboy Do‘smatovning oltin medali bilan O‘zbekiston 25-o‘rindan 18-o‘ringa ko‘tarildi.

Olimpiada daftari

ULUGʻBEK

Ulugʻbek bobomizning kenjatoy nabirasi –
Parij kahkashonini koʻzlab keldi Ulugʻbek.
Oʻzgalar koʻzi tinib, ichga tushsa nafasi,
Oyogʻi bilan oltin yulduz terdi Ulugʻbek!

Kiftga olib Vatanning oʻn ikki burj, oyini,
Shohsupa choʻqqisida egalladi joyini.
Qilich-u kamon kabi sermab-tortar poyini –
Temurbek navkaridek chapdast edi Ulugʻbek.

Dosh bermadi zarbiga Gʻarb-u Sharq  sarbozi ham,
Tushov soldi jarohat – kelmadi parvosi ham,
Qoʻsh oltinli yigitning balanddir parvozi ham,
Shoshga qarab shoshilib uchib-yeldi Ulugʻbek.

Tokioda ilk marta tilla tarix yozgandi,
Mehrini medal kabi el boʻyniga osgandi,
Yurt Otasi “Balli!” deb bagʻriga ham bosgandi,
Oliy izzatga goʻzal javob berdi Ulugʻbek!

Xalq ishonchin oqlamoq – er yigit  oʻyidadir,
Er yigitning maslagi raso-yu oʻyi dadil.
To oyogʻing raqiblar boshi-yu boʻynidadir,
Boshi osmon oʻzbegim koʻksin kerdi, Ulugʻbek!

9.08.2024

Nodir Jonuzoq

👉 @n_jonuzoq 👈

Olimpiada kundaligi

Bugun joriy Olimpiya o’yinlarida O’zbekiston delegatsiyasi uchun ahamiyatli kunlardan biri. Boisi, bugungi bahslardan keyin delegatsiyamiz umumjamoa hisobida sezilarli darajada yuqorilash imkoniyatiga ega. Shuningdek, o’zbekistonlik sportchilar yana bir sport turi - suvga sakrash bo’yicha Olimpiya o’yinlarida debyut qilishadi.

Mutolaa uchun «VATANPARVAR» gazetasining 2024-yil 9-avgust 32-sonini to‘lig‘icha elektron holda havola etamiz

Ushbu elektron gazeta tahririyat tomonidan taqdim etildi.

Shuningdek, @mv_vatanparvar_uz Telegram kanali orqali ham tahririyat tomonidan tayyorlangan materiallar bilan tanishib borishingiz mumkin.

📌O‘qish uchun https://online.anyflip.com/dwalh/gmoe/mobile/index.html

➡️ Yangiliklarni kuzatib boring:

Telegram | LIVE |Facebook | Youtube |Instagram | Twitter | TV

Yangiliklarni kuzatib boring:

“Vatanparvar” gazetasining 2024-yil 9-avgust sonida O‘zbekiston Qahramoni, xalq shoiri Abdulla Oripovning turkum she’rlari berildi. Harbiylarimizning Vatan oldidagi muqaddas burchlarini bekamu ko‘st ado etishlarida ulug‘ shoirimizning o‘tli satrlari kuch-quvvat, g‘ayrat-shijoat bag‘ishlashi, shubhasiz.

"Jadid" gazetasining 2024-yil 9-avgust kungi 33-soni mutolaa uchun joylanmoqda. Uni albatta o‘qing!

O‘zbekiston Yozuvchilar uyushmasi Axborot xizmati

Ўзбекистон Республикаси Президенти Шавкат Мирзиёевнинг Марказий Осиё давлатлари раҳбарлари Маслаҳат учрашувидаги нутқи

Olimpiada kundaligi

HASANBOYNING AYTGANLARI

Parij tor! Ring aslo kichkina emas,
Qitʼa-yu davlatlar unda zarblashar!
Ring hatto zaminni joylagan qafas –
Tomosha qilishi mumkindir bashar...

Yer yuzining qay bir burchida o‘zbek
Sezdim, Hasanboy deb oyoqqa qalqdi...
Sening olqishingdan qaddim bo‘ldi tik,
Aslida Sen o‘zing g‘olibsan, Xalqim!

Ring hayron! Har mushtga yetdi bardoshim –
Zarbaga aylandi hatto soch tolam!
Yonimda qad rostlab turdi Yurtboshim:
“Yiqilma! Mahkam bo‘l, Hasanboy bolam!”

O‘g‘il-qizing borar shohsupa sari,
Bu jahon alplari qilmoqda havas...
Sening noming birla bellashar bari –
Vatanim, Sen bizdan rozi bo‘lsang, bas!

Ortimda turibsan!
Ayt, qanday yutmay?!
Sen birla tutashib bormoqda jonim!
Ruxsat et! Bayrog‘ing ko‘zimga surtay
Shohsupaga chiqqan O‘zbekistonim!

9.08.2024-y.

Qo‘chqor Norqobil

Xalqimizni kitobsevar millatga aylantirish borasidagi tashabbuslar faol olib borilmoqda

9-avgust dunyoda Butunjahon kitobsevarlar kuni sifatida keng nishonlanadi. Ayrim manbalarda esa bu sana Xalqaro kitobsevarlar kuni sifatida keltirilgan. Nima bo‘lganida ham, sananing nomlanishi uning mohiyatini o‘zgartirmaydi.
Bu kunni dunyo kitobsevarlari smartfonlarini o‘chirib, yaqinlariga kitob ulashish va mutolaa bilan o‘tkazadilar. Bu kun nainki, yozuvchi va shoirlar, adabiyotshunoslar, kutubxonachi va noshirlar, balki kitobdan yaxshilik topgan, umrini kitobsiz tasavvur eta olmaydigan insonlar uchun ham o‘ziga xos sana hisoblanadi.

Davomi...