Media is too big
VIEW IN TELEGRAM
Mustaqil O‘zbekistonimizning 33 yilligiga bag‘ishlanadi.
TARAF
Shonli yo‘lni bosdik, yo‘limiz sharaf,
Dunyo og‘zimizga turibdi qarab,
Ba'zilar u taraf, kimdur bu taraf,
Sohibqiron tuzgan yo‘lda omonman,
Millatim tomonman, xalqim tomonman.
Bu yurt barcha g‘amning ta'mini totgan,
Amriqo, rusiga diydasi qotgan,
Ey g‘anim, xatoyim qidirib yotgan.
Sen uchun yaxshimas, faqat yomonman.
Millatim tomonman, xalqim tomonman.
Bosh egsam Samarqand nomiga isnod,
Ko‘z yumsam ming yillik Buxoro barbod,
Xorazm, Marg‘ilon, Nukus barhayot,
Tiz cho‘ksam tuproqda rangi samonman,
Millatim tomonman, xalqim tomonman.
Panjangizni torting, toping vijdonni,
Allohga topshirib qo‘yganmiz jonni,
Bilishga majbursiz O‘zbekistonni,
Vatan deb ko‘ksini kergan o‘g‘lonman,
Millatim tomonman, xalqim tomonman.
Navoiylik Alisher
TARAF
Shonli yo‘lni bosdik, yo‘limiz sharaf,
Dunyo og‘zimizga turibdi qarab,
Ba'zilar u taraf, kimdur bu taraf,
Sohibqiron tuzgan yo‘lda omonman,
Millatim tomonman, xalqim tomonman.
Bu yurt barcha g‘amning ta'mini totgan,
Amriqo, rusiga diydasi qotgan,
Ey g‘anim, xatoyim qidirib yotgan.
Sen uchun yaxshimas, faqat yomonman.
Millatim tomonman, xalqim tomonman.
Bosh egsam Samarqand nomiga isnod,
Ko‘z yumsam ming yillik Buxoro barbod,
Xorazm, Marg‘ilon, Nukus barhayot,
Tiz cho‘ksam tuproqda rangi samonman,
Millatim tomonman, xalqim tomonman.
Panjangizni torting, toping vijdonni,
Allohga topshirib qo‘yganmiz jonni,
Bilishga majbursiz O‘zbekistonni,
Vatan deb ko‘ksini kergan o‘g‘lonman,
Millatim tomonman, xalqim tomonman.
Navoiylik Alisher
Bir guruh xorijlik ijodkorlarni O‘zbekiston Yozuvchilar uyushmasi aʼzoligiga qabul qilish marosimidan suratlar.
Muallif – Ahmad To‘ra.
Muallif – Ahmad To‘ra.
Bir guruh xorijlik ijodkorlarni O‘zbekiston Yozuvchilar uyushmasi aʼzoligiga qabul qilish marosimidan suratlar.
Muallif – Ahmad To‘ra.
Muallif – Ahmad To‘ra.
QUVONCHGA YO‘G‘RILGAN KUN
Kuni kecha O‘zbekiston Yozuvchilar uyushmasida bir guruh xorijlik ijodkorlar faxriy aʼzolikka qabul qilindi. Bu sana 21-avgust – Xalqaro shoirlar kuniga to‘g‘ri kelganida ham ramziy maʼno bor edi. Turkiyalik yozuvchi Sobir Sayhon, ozarbayjonlik shoir Huraman Murodova, tojikistonlik adiblar Hasan Erboboyev, Abdulvohit Almatov, Fayzullo Abdulazizov, Shodmon Jo‘rayev, qirg‘izistonlik shoir Aʼzam Rahim, shvetsiyalik shoir va jurnalist Yusuf Rasul ushbu sanadan boshlab O‘zbekiston Yozuvchilar uyushmasining faxriy aʼzolariga aylandi.
Ularga aʼzolik guvohnomasi va esdalik sovg‘alarni O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyid tantanali ravishda topshirdi.
Ushbu marosim har galgidan boshqacharoq, hayajonliroq bo‘ldi. Buni ijodkorlarning ich-ichidan qaynab chiqqan so‘zlar ham tasdiqlar edi.
– 1991-yildan keyingina bizlarga Vatan darvozalari ochildi, – dedi Turkiyada yashab ijod qilayotgan Sobir Sayhon. – Sho‘rolar zamonidayam bir-ikki marta qo‘rqa-pisa, yuragimini hovuchlab kelib ketganman. Ota-onamdan eshitganman, men – qirq kunlik chaqaloqlik mahalim Vatandan chiqib ketgan ekanman. U kunlar endi ertak. Ishoning, Amir Temur bobomizdan meros bo‘lmish Turkistonning bir bo‘lagi O‘zbekistonim ozod bo‘lganida “Vatan, Vatan!” deb musofirlikda jon bergan millatdoshlarimning o‘lmas ruhlari shod bo‘lganiga shubham yo‘q. Bizlar hayot ekanmiz, ular yonimizda, yuragimizda yashaveradi. Bugun turkiy dunyo xalqlari bir-biriga bejiz talpinmayapti. Ular birlashmoq, bitta musht bo‘lmoq uchun kurashyapti. Bunday xayrli ishda O‘zbekiston davlati rahbari, janob Shavkat Mirziyoyevga kuch-quvvat tilayman, hamisha kunu tun duodaman, xalqimiz omon bo‘lsin!
Ozarbayjonlik shoira Huraman Murodova O‘zbekistonda bag‘ishlangan sheʼrini baland ovozda, baland pardalarda o‘qib berdi.
– Dunyoning turli burchaklarida yashab ijod qilayotgan o‘zbekzabon ijodkorlarga nisbatan munosabat tubdan o‘zgargani quvonarli hodisadir, – dedi Shvetsiyada yashab ijod qilayotgan Yusuf Rasul. – Xorijda o‘zbek tilida ijod qilayotgan kӯplab yozuvchi va shoirlar, ilmiy tadqiqotchilar bor va ularni o‘z vatanlaridagi adabiy muhitga qo‘shish, o‘zaro hamkorlikni rivojlantirish juda muhim. “Xorijdagi o‘zbek ijodkorlari antalogiyasi”ning sheʼriyat qismi tayyor holga keltirilib, nashriyotga topshirilgani bu boradagi ezgu ishlarning debochasidir.
Ha, bu ijodkorlarning hayajoni, quvonchi chindan cheksiz edi. Sevinch ko‘z yoshlariga chayilgan bu so‘zlar yuraklarning tub-tubidan tilga ko‘chardi. O‘ylaymizki, bu tuyg‘ular ularning bundan keyingi ijodida ham baland pardalarda kuylanadi, dil izhorlari tarzida qog‘ozga tushadi, albatta!
Fozil Farhod
Kuni kecha O‘zbekiston Yozuvchilar uyushmasida bir guruh xorijlik ijodkorlar faxriy aʼzolikka qabul qilindi. Bu sana 21-avgust – Xalqaro shoirlar kuniga to‘g‘ri kelganida ham ramziy maʼno bor edi. Turkiyalik yozuvchi Sobir Sayhon, ozarbayjonlik shoir Huraman Murodova, tojikistonlik adiblar Hasan Erboboyev, Abdulvohit Almatov, Fayzullo Abdulazizov, Shodmon Jo‘rayev, qirg‘izistonlik shoir Aʼzam Rahim, shvetsiyalik shoir va jurnalist Yusuf Rasul ushbu sanadan boshlab O‘zbekiston Yozuvchilar uyushmasining faxriy aʼzolariga aylandi.
Ularga aʼzolik guvohnomasi va esdalik sovg‘alarni O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyid tantanali ravishda topshirdi.
Ushbu marosim har galgidan boshqacharoq, hayajonliroq bo‘ldi. Buni ijodkorlarning ich-ichidan qaynab chiqqan so‘zlar ham tasdiqlar edi.
– 1991-yildan keyingina bizlarga Vatan darvozalari ochildi, – dedi Turkiyada yashab ijod qilayotgan Sobir Sayhon. – Sho‘rolar zamonidayam bir-ikki marta qo‘rqa-pisa, yuragimini hovuchlab kelib ketganman. Ota-onamdan eshitganman, men – qirq kunlik chaqaloqlik mahalim Vatandan chiqib ketgan ekanman. U kunlar endi ertak. Ishoning, Amir Temur bobomizdan meros bo‘lmish Turkistonning bir bo‘lagi O‘zbekistonim ozod bo‘lganida “Vatan, Vatan!” deb musofirlikda jon bergan millatdoshlarimning o‘lmas ruhlari shod bo‘lganiga shubham yo‘q. Bizlar hayot ekanmiz, ular yonimizda, yuragimizda yashaveradi. Bugun turkiy dunyo xalqlari bir-biriga bejiz talpinmayapti. Ular birlashmoq, bitta musht bo‘lmoq uchun kurashyapti. Bunday xayrli ishda O‘zbekiston davlati rahbari, janob Shavkat Mirziyoyevga kuch-quvvat tilayman, hamisha kunu tun duodaman, xalqimiz omon bo‘lsin!
Ozarbayjonlik shoira Huraman Murodova O‘zbekistonda bag‘ishlangan sheʼrini baland ovozda, baland pardalarda o‘qib berdi.
– Dunyoning turli burchaklarida yashab ijod qilayotgan o‘zbekzabon ijodkorlarga nisbatan munosabat tubdan o‘zgargani quvonarli hodisadir, – dedi Shvetsiyada yashab ijod qilayotgan Yusuf Rasul. – Xorijda o‘zbek tilida ijod qilayotgan kӯplab yozuvchi va shoirlar, ilmiy tadqiqotchilar bor va ularni o‘z vatanlaridagi adabiy muhitga qo‘shish, o‘zaro hamkorlikni rivojlantirish juda muhim. “Xorijdagi o‘zbek ijodkorlari antalogiyasi”ning sheʼriyat qismi tayyor holga keltirilib, nashriyotga topshirilgani bu boradagi ezgu ishlarning debochasidir.
Ha, bu ijodkorlarning hayajoni, quvonchi chindan cheksiz edi. Sevinch ko‘z yoshlariga chayilgan bu so‘zlar yuraklarning tub-tubidan tilga ko‘chardi. O‘ylaymizki, bu tuyg‘ular ularning bundan keyingi ijodida ham baland pardalarda kuylanadi, dil izhorlari tarzida qog‘ozga tushadi, albatta!
Fozil Farhod
Bir juft sheʼr
SHARSHARA
Sen jo‘shib oqarsan maydin sharshara,
Navo taratgandek naydin sharshara.
Uyqudan uyg‘onib to‘lg‘ongan kabi,
Kumush sochlaringni yoyding sharshara.
Seni ko‘rmaganlar qolar armonda,
Tun ham sening bilan oydin sharshara.
Bunchalar shoshasan, shoshib oqasan,
Yo, xabar keldimu soydin sharshara.
Tog‘larga ko‘rk bergay billur tomchilar,
Kelursan sen qaysi joydin sharshara.
Buncha go‘zallikni, buncha sehrni
Ayt, qaydin olgansen, qaydin sharshara.
Ashur sening bilan oqmoq istagay,
Jonim ichra jondek qolding sharshara.
***
Vujud huvullaydi, also taskin yo‘q,
Go‘yoki olamda mendek miskin yo‘q.
Naxotki bo‘m-bo‘shdir men ko‘rgan dunyo,
Atrofim bo‘shliqdir, go‘yo hech kim yo‘q.
Sahro o‘rtasida turibman hayron,
To‘rt taraf tep-tekis, kimsa ko‘rinmas.
Hamrohim garmsel, issiq bir shamol,
To‘rt taraf ochig‘u mening yo‘limmas.
Quyosh qizdiradi, aylanar choshgoh,
Kimningdir ortidan chopolganim yo‘q.
Ko‘ngil sahrosida do‘st faqat Olloh,
Men hamon o‘zimni topolganim yo‘q…
Ashurali Boymurod,
O‘zbekiston Yozuvchilar uyushmasi aʼzosi
SHARSHARA
Sen jo‘shib oqarsan maydin sharshara,
Navo taratgandek naydin sharshara.
Uyqudan uyg‘onib to‘lg‘ongan kabi,
Kumush sochlaringni yoyding sharshara.
Seni ko‘rmaganlar qolar armonda,
Tun ham sening bilan oydin sharshara.
Bunchalar shoshasan, shoshib oqasan,
Yo, xabar keldimu soydin sharshara.
Tog‘larga ko‘rk bergay billur tomchilar,
Kelursan sen qaysi joydin sharshara.
Buncha go‘zallikni, buncha sehrni
Ayt, qaydin olgansen, qaydin sharshara.
Ashur sening bilan oqmoq istagay,
Jonim ichra jondek qolding sharshara.
***
Vujud huvullaydi, also taskin yo‘q,
Go‘yoki olamda mendek miskin yo‘q.
Naxotki bo‘m-bo‘shdir men ko‘rgan dunyo,
Atrofim bo‘shliqdir, go‘yo hech kim yo‘q.
Sahro o‘rtasida turibman hayron,
To‘rt taraf tep-tekis, kimsa ko‘rinmas.
Hamrohim garmsel, issiq bir shamol,
To‘rt taraf ochig‘u mening yo‘limmas.
Quyosh qizdiradi, aylanar choshgoh,
Kimningdir ortidan chopolganim yo‘q.
Ko‘ngil sahrosida do‘st faqat Olloh,
Men hamon o‘zimni topolganim yo‘q…
Ashurali Boymurod,
O‘zbekiston Yozuvchilar uyushmasi aʼzosi