Tarixiy asarlar taqdimoti
Bugun Yozuvchilar uyushmasida taniqli adiba, mohir tarjimon, publitsist Shahodat Isaxonova tavalludining 75 yilligiga bag‘ishlangan ijodiy kecha bo‘lib o‘tdi. Tadbirda ijodkorning “Sulton Jaloliddin Manguberdi”, “Bibixonim”,”Nodirai davron”, “Gavharshod begim” kitoblari taqdimoti ham o‘tkazildi.
Tadbirni Yozuvchilar uyushmasi raisi o‘rinbosari G‘ayrat Majid olib bordi. Unda O‘zbekiston Qahramoni Ibrohim G‘ofurov, uyushma raisining birinchi o‘rinbosari Minhojiddin Mirzo, “Jahon adabiyoti” jurnali bosh muharriri Ahmadjon Meliboyev, uyushma aʼzolari — Sharifa Salimova, Muxtor Xudoyqulov, Farog‘at Xudoyqulova, Hulkar Hamroyeva, Abdulla Ulug‘ov, Xosiyat Bobomurodova so‘zga chiqdi.
Yozuvchining “Bibixonim” tarixiy romani ikki qismdan iborat bo‘lib, unda Turon yurtining bosh malikasi Bibixonim va malikalar Tuman og‘o, Ruhparvar og‘o hamda kichik xonim Tukalxonim hayotining yulduzli onlari va ayanchli evrilishlari aks etgan.
— Shahodatxon ketma-ket tarixiy romanlarga qo‘l urdi, — dedi Ibrohim G‘afurov. — “Nodirai davron”ini qo‘limga olib bir necha sahifadayoq xayolim jonon tasvirlarga og‘di. Bu kitobni ayni bizning kunlarning nasr namunasi deb, poyonsiz bo‘zlagan tarix, poyonsiz ko‘zyoshlariga g‘arqi azob bo‘lgan odamzot, poyonsiz alam-qayg‘ulardan faryod solgan go‘yo dostonga kirib bordim. Adibaning o‘zini ham, yoshini ham unutib qo‘ydim: go‘yo behad navqiron va navzod bir qalam qamish nayga aylanib uzoq va yaqin tarix navolarini qudratli bir zarb bilan kuylardi.
“Sulton Jaloliddin Manguberdi” romani vatanimiz tarixining og‘ir va musibatli zamonlari – mo‘g‘ul bosqini va istibdodi davri voqealarini yoritishga bag‘ishlangan. Asarda Sulton Jaloliddin Manguberdi, Najmiddin Kubro, Temur Malik kabi xalq qahramonlari personajlari gavdalangan. Muallifning keyingi ikki romanida Gavharshod begim va Nodirai davron haqida hikoya qilinadi. Mazkur kitoblarning barchasi “Maʼrifat bitiklari” nashriyotida "Turon malikalari" turkumida chop etilgan.
— Shahodatxonni ilk hikoyalari chiqqanidayoq muxlis sifatida maftun bo‘lganman, — dedi Sharifa Salimova. — Ayniqsa, "Kechikkan baxt" hikoyasi menda katta taassurot qoldirgan. Bugungi kunga kelib, tarixiy asarlarni tuhfa qilayotgani kitobxonlarda katta qiziqish uyg‘otishiga shubha yo‘q, deb o‘ylayman.
Tadbirda so‘zga chiqqanlar adibaning ijodiy faoliyati, izlanishlari, tarixiy romanlarining yaratilishi va uning ahamiyatiga eʼtibor qaratdi. Taqdimotda ijodkorga Yozuvchilar uyushmasining esdalik sovg‘alari topshirildi. Yig‘ilganlarga muallifdan yangi kitoblar taqdim qilindi.
Zulayho Ahmadjonova
Bugun Yozuvchilar uyushmasida taniqli adiba, mohir tarjimon, publitsist Shahodat Isaxonova tavalludining 75 yilligiga bag‘ishlangan ijodiy kecha bo‘lib o‘tdi. Tadbirda ijodkorning “Sulton Jaloliddin Manguberdi”, “Bibixonim”,”Nodirai davron”, “Gavharshod begim” kitoblari taqdimoti ham o‘tkazildi.
Tadbirni Yozuvchilar uyushmasi raisi o‘rinbosari G‘ayrat Majid olib bordi. Unda O‘zbekiston Qahramoni Ibrohim G‘ofurov, uyushma raisining birinchi o‘rinbosari Minhojiddin Mirzo, “Jahon adabiyoti” jurnali bosh muharriri Ahmadjon Meliboyev, uyushma aʼzolari — Sharifa Salimova, Muxtor Xudoyqulov, Farog‘at Xudoyqulova, Hulkar Hamroyeva, Abdulla Ulug‘ov, Xosiyat Bobomurodova so‘zga chiqdi.
Yozuvchining “Bibixonim” tarixiy romani ikki qismdan iborat bo‘lib, unda Turon yurtining bosh malikasi Bibixonim va malikalar Tuman og‘o, Ruhparvar og‘o hamda kichik xonim Tukalxonim hayotining yulduzli onlari va ayanchli evrilishlari aks etgan.
— Shahodatxon ketma-ket tarixiy romanlarga qo‘l urdi, — dedi Ibrohim G‘afurov. — “Nodirai davron”ini qo‘limga olib bir necha sahifadayoq xayolim jonon tasvirlarga og‘di. Bu kitobni ayni bizning kunlarning nasr namunasi deb, poyonsiz bo‘zlagan tarix, poyonsiz ko‘zyoshlariga g‘arqi azob bo‘lgan odamzot, poyonsiz alam-qayg‘ulardan faryod solgan go‘yo dostonga kirib bordim. Adibaning o‘zini ham, yoshini ham unutib qo‘ydim: go‘yo behad navqiron va navzod bir qalam qamish nayga aylanib uzoq va yaqin tarix navolarini qudratli bir zarb bilan kuylardi.
“Sulton Jaloliddin Manguberdi” romani vatanimiz tarixining og‘ir va musibatli zamonlari – mo‘g‘ul bosqini va istibdodi davri voqealarini yoritishga bag‘ishlangan. Asarda Sulton Jaloliddin Manguberdi, Najmiddin Kubro, Temur Malik kabi xalq qahramonlari personajlari gavdalangan. Muallifning keyingi ikki romanida Gavharshod begim va Nodirai davron haqida hikoya qilinadi. Mazkur kitoblarning barchasi “Maʼrifat bitiklari” nashriyotida "Turon malikalari" turkumida chop etilgan.
— Shahodatxonni ilk hikoyalari chiqqanidayoq muxlis sifatida maftun bo‘lganman, — dedi Sharifa Salimova. — Ayniqsa, "Kechikkan baxt" hikoyasi menda katta taassurot qoldirgan. Bugungi kunga kelib, tarixiy asarlarni tuhfa qilayotgani kitobxonlarda katta qiziqish uyg‘otishiga shubha yo‘q, deb o‘ylayman.
Tadbirda so‘zga chiqqanlar adibaning ijodiy faoliyati, izlanishlari, tarixiy romanlarining yaratilishi va uning ahamiyatiga eʼtibor qaratdi. Taqdimotda ijodkorga Yozuvchilar uyushmasining esdalik sovg‘alari topshirildi. Yig‘ilganlarga muallifdan yangi kitoblar taqdim qilindi.
Zulayho Ahmadjonova
Media is too big
VIEW IN TELEGRAM
Bugun Parkent ijod uyuda Respublika Tarjimonlar forumi boshlandi. Tadbirning ochilish marosimini to‘liq tomosha qiling.
TAFAKKUR VA IJOD 11.06.24.
<unknown>
“O‘zbekiston” radiokanalining "Tafakkur va ijod" eshittirishida O‘zbekiston Yozuvchilar uyushmasi aʼzosi, ijodkor Fozil Farhod bilan samimiy suhbatni tinglang. Unda ijodkorning bolalik xotiralari, kitobxonlik va bugungi adabiy jarayonlar haqida so‘z bordi. 1-qism. Muallif: Robiya Kamol.
O‘zbekiston Yozuvchilar uyushmasi Axborot xizmati
O‘zbekiston Yozuvchilar uyushmasi Axborot xizmati
Media is too big
VIEW IN TELEGRAM
Kun tarixi:13-iyun kuni mashhurlardan kimlar tugʻilgan?
"Taqvim"
"Taqvim"
EY QALDIRGʻOCH
Ey qaldirgʻoch, qayga shoshasan,
Chugʻurlaysan, nedan xafasan?
Ayvoniga in solgan qushni
Kutgan elni qaydan topasan?
Iningdan xas tushsa avaylab,
Oʻz oʻrniga qoʻyadi joylab.
Polaponi uchishin poylab
Turgan elni qaydan topasan?
Bu bir elki, bagʻri keng – hotam,
Yetti oʻlchab tashlaydi qadam,
Boʻylasa ham dil uyiga gʻam,
Kulgan elni qaydan topasan?
Kelmay qolsa uyiga mehmon,
Joni halak, yugurar har yon,
Qush sayrasa, tunda turib non
Yopgan elni qaydan topasan?
Oʻnta boʻlsa – oʻrni boʻlak, deb,
Bir kun boʻlar menga tirgak, deb,
El tinchiga oʻgʻlon kerak, deb
Tuqqan elni qaydan topasan?
Bahor kelsa elni soʻroqlab,
Omonlik deb, uyini oqlab,
Bir chechakni koʻziga yigʻlab
Surtgan elni qaydan topasan?
Hol soʻrasang, non tutar dehqon,
Soʻzlamagan umrida yolgʻon.
Yer kindigin uzarga imkon
Topgan elni qaydan topasan?
Har bolaga – bittadan makon,
Mehnat qilib topar baxt va shon.
Oʻzi terak ekib, oʻzi tom
Yopgan elni qaydan topasan?
Quzgʻunga ham qoʻymaydi tuzoq,
Bir xatosin oʻylaydi uzoq,
Qoʻshni oʻtsa, qirq kunlab chiroq
Yoqqan elni qaydan topasan?
Ey qaldirgʻoch, shoshqaloq sanam,
Ketma, qorlar yogʻsa nima gʻam,
Qush iniga tunda yoqib sham
Tutgan elni qaydan topasan?
Bunday elni qaydan topasan...
Munavvara USMONOVA
Ey qaldirgʻoch, qayga shoshasan,
Chugʻurlaysan, nedan xafasan?
Ayvoniga in solgan qushni
Kutgan elni qaydan topasan?
Iningdan xas tushsa avaylab,
Oʻz oʻrniga qoʻyadi joylab.
Polaponi uchishin poylab
Turgan elni qaydan topasan?
Bu bir elki, bagʻri keng – hotam,
Yetti oʻlchab tashlaydi qadam,
Boʻylasa ham dil uyiga gʻam,
Kulgan elni qaydan topasan?
Kelmay qolsa uyiga mehmon,
Joni halak, yugurar har yon,
Qush sayrasa, tunda turib non
Yopgan elni qaydan topasan?
Oʻnta boʻlsa – oʻrni boʻlak, deb,
Bir kun boʻlar menga tirgak, deb,
El tinchiga oʻgʻlon kerak, deb
Tuqqan elni qaydan topasan?
Bahor kelsa elni soʻroqlab,
Omonlik deb, uyini oqlab,
Bir chechakni koʻziga yigʻlab
Surtgan elni qaydan topasan?
Hol soʻrasang, non tutar dehqon,
Soʻzlamagan umrida yolgʻon.
Yer kindigin uzarga imkon
Topgan elni qaydan topasan?
Har bolaga – bittadan makon,
Mehnat qilib topar baxt va shon.
Oʻzi terak ekib, oʻzi tom
Yopgan elni qaydan topasan?
Quzgʻunga ham qoʻymaydi tuzoq,
Bir xatosin oʻylaydi uzoq,
Qoʻshni oʻtsa, qirq kunlab chiroq
Yoqqan elni qaydan topasan?
Ey qaldirgʻoch, shoshqaloq sanam,
Ketma, qorlar yogʻsa nima gʻam,
Qush iniga tunda yoqib sham
Tutgan elni qaydan topasan?
Bunday elni qaydan topasan...
Munavvara USMONOVA
This media is not supported in your browser
VIEW IN TELEGRAM
O‘tganlar yodi
Eshqobil Shukur adabiyotda umrning uzun yo qisqaligi ahamiyatsiz ekanini yana bir bor isbotlagan, atigi 47 yil umr ko‘rsa-da hamon yuraklardan-yuraklarga ko‘chayotgan shoir – Tilak Jo‘ra haqida.
MTRK mahsuloti.
@Eshqobil_Shukur_ijodi
Eshqobil Shukur adabiyotda umrning uzun yo qisqaligi ahamiyatsiz ekanini yana bir bor isbotlagan, atigi 47 yil umr ko‘rsa-da hamon yuraklardan-yuraklarga ko‘chayotgan shoir – Tilak Jo‘ra haqida.
MTRK mahsuloti.
@Eshqobil_Shukur_ijodi
Zomin seminarining Toshkent shahar bosqichi o‘tkazildi
O‘zbekiston Yozuvchilar uyushmasida yosh ijodkorlarning anʼanaviy Zomin seminarining Toshkent shahar bosqichi o‘tkazildi.
Unda yozuvchilar, shoirlar, tarjimonlar sheʼriyat, bolalar adabiyoti, badiiy tarjima, adabiy tanqid yo‘nalishlari bo‘yicha shoʻbalarga bo‘lingan holda yoshlarning ijod namunalarini ko‘rib chiqdi.
Seminarning ochilishida Yozuvchilar uyushmasi raisi o‘rinbosarlari — Minhojiddin Mirzo va Botir Ergashev uning ahamiyati haqida so‘zladi va ishtirokchilarga ijodiy parvozlar tiladi.
— Bu yilgi seminarning o‘tgan yilgilaridan farqi shundaki, bunda mamlakatimizda faoliyat yuritayotgan 9 ta ijod maktabidan 45 nafar yuqori sinf o‘quvchilari qatnashdi va shulardan 5 nafari Toshkent shahar bosqichi ishtirokchisidir. Respublika bo‘yicha 500ga yaqin yoshlarni qamrab olindi. Shundan 200 nafardan ortiq yosh ijodkorlar saralab olindi va hududiy bosqichda ishtirok etdi. Toshkent shahar bosqichida 13 nafar yoshlar o‘zlarining ijodiy isteʼdodlarini namoyon etishdi, deya taʼkidladi yozuvchi Maʼmura Zohidova.
Unda yosh ijodkorlarga Suvon Meli, Salim Ashur, Dilshod Rajab, Ulug‘bek Hamdam, Qo‘chqor Norqobil kabi ustozlar mahorat darslarini o‘tdi.
– Men saralash bosqichida “Bolakayning sarguzashtlari”, “So‘qmoq”, “Palto” nomli kinossenariylarim bilan qatnashyapman, — dedi ishtirokchi Shahnoza Abdullayeva. – Seminarda Ulug‘bek Hamdam, Qo‘chqor Norqobil kabi qator ustoz ijodkorlar tomonidan ijodiy bilimlarga ega bo‘ldik. Adabiyot maydonida har bir adibning aytar so‘zi bo‘lishi lozimligini angladik.
Zomin seminarining bu yilgi jarayonida ham yosh isteʼdod egalarini kashf qilish, ularning badiiy qobiliyatini yana-da rivojlantirish, ustoz-shogird anʼanalarini yo‘lga qo‘yishga eʼtibor qaratildi. Saralash jarayoni esa yosh qalamkashlar uchun katta mahorat va tajriba maydoni bo‘lgani bilan ahamiyatlidir.
Zulayho Ahmadjonova
O‘zbekiston Yozuvchilar uyushmasida yosh ijodkorlarning anʼanaviy Zomin seminarining Toshkent shahar bosqichi o‘tkazildi.
Unda yozuvchilar, shoirlar, tarjimonlar sheʼriyat, bolalar adabiyoti, badiiy tarjima, adabiy tanqid yo‘nalishlari bo‘yicha shoʻbalarga bo‘lingan holda yoshlarning ijod namunalarini ko‘rib chiqdi.
Seminarning ochilishida Yozuvchilar uyushmasi raisi o‘rinbosarlari — Minhojiddin Mirzo va Botir Ergashev uning ahamiyati haqida so‘zladi va ishtirokchilarga ijodiy parvozlar tiladi.
— Bu yilgi seminarning o‘tgan yilgilaridan farqi shundaki, bunda mamlakatimizda faoliyat yuritayotgan 9 ta ijod maktabidan 45 nafar yuqori sinf o‘quvchilari qatnashdi va shulardan 5 nafari Toshkent shahar bosqichi ishtirokchisidir. Respublika bo‘yicha 500ga yaqin yoshlarni qamrab olindi. Shundan 200 nafardan ortiq yosh ijodkorlar saralab olindi va hududiy bosqichda ishtirok etdi. Toshkent shahar bosqichida 13 nafar yoshlar o‘zlarining ijodiy isteʼdodlarini namoyon etishdi, deya taʼkidladi yozuvchi Maʼmura Zohidova.
Unda yosh ijodkorlarga Suvon Meli, Salim Ashur, Dilshod Rajab, Ulug‘bek Hamdam, Qo‘chqor Norqobil kabi ustozlar mahorat darslarini o‘tdi.
– Men saralash bosqichida “Bolakayning sarguzashtlari”, “So‘qmoq”, “Palto” nomli kinossenariylarim bilan qatnashyapman, — dedi ishtirokchi Shahnoza Abdullayeva. – Seminarda Ulug‘bek Hamdam, Qo‘chqor Norqobil kabi qator ustoz ijodkorlar tomonidan ijodiy bilimlarga ega bo‘ldik. Adabiyot maydonida har bir adibning aytar so‘zi bo‘lishi lozimligini angladik.
Zomin seminarining bu yilgi jarayonida ham yosh isteʼdod egalarini kashf qilish, ularning badiiy qobiliyatini yana-da rivojlantirish, ustoz-shogird anʼanalarini yo‘lga qo‘yishga eʼtibor qaratildi. Saralash jarayoni esa yosh qalamkashlar uchun katta mahorat va tajriba maydoni bo‘lgani bilan ahamiyatlidir.
Zulayho Ahmadjonova
Respublika Tarjimonlar forumi tadbiridan fotolar.
Muallif – Ahmad To'ra.
Muallif – Ahmad To'ra.