Зянону Пазняку — 80! 🎉

Чалавек, які, безумоўна, увайшоў у сучасную гісторыю Беларусі. Дзякуючы яму, мы даведаліся пра Курапаты, а Беларусь у 1991 годзе зацвердзіла свае нацыянальныя сімвалы як дзяржаўныя.

Моцы, натхнення і доўгіх гадоў жыцця спадару Зянону ✏️

🔝 Самы час паглядзець цікавыя інтэрв'ю і лекцыі палітыка:

ПАЗНЯК: як беларусы стварылі краіну, Вільня – наша, Дзень Волі – галоўнае свята, БНР – 105 год▶️
Пазняк у ОУ: уся праўда пра Курапаты і генацыд беларусаў ▶️

Лекцыя Зянона Пазняка "Беларуская мова - найважнейшы чыннік нацыянальнага адраджэння"▶️

Лекцыя Зянона Пазьняка пра Курапаты▶️

Выступ Зянона Пазняка пра сітуацыю ў Беларусі▶️

Беларускі кінакрытык Тарас Тарналіцкі вырашыў крытыкаваць не толькі кіно, але і беларускі YouTube 👀

У сваёй рубрыцы ў фэйсбуку Тарналіцкі (сапраўднае прозвішча — Круцкіх) распавядае, што яго #выбешвае сярод кантэнту незалежных YouTube-каналаў.

На дадзены момант пад крытыку трапілі праекты «Обычное утро», «Ноч з Чалым», «Саша, что ты несёшь» і «Часики тикают». Прычыны самыя розныя: ад tone of voice да туалетнага гумару вядоўцаў.

Напрыклад, ранішняе шоу «Обычное утро» аказалася з фокусам на расейскую аўдыторыю, Каверын з залішняй імпульсіўнасцю, а Міласлаўская з імітацыяй беларускага акцэнту.

Дзіўна, бо нашыя падпісчыкі прызналі праект «Обычное утро» найлепшым YouTube-каналам 2023 года, а западозрыць у прарасейскасці нашу аўдыторыю мы дакладна не можам.

Вось і ў каментарах у фэйсбуке жорстка адказалі кінакрытыку. Адзін каментатар нават падлічыў, што за 20 эфіраў госці ОУ размеркаваліся так: Беларусь - 34, Украіна - 2, Расея - 4.

А вы як думаеце, ці можна вінаваціць Каверына і Міласлаўскую ў прарасейскасці?

Наша рэдакцыя намагаецца распаўсюджваць кантэнт беларускага YouTube як мага шырэй. Ахопы нашых відэа, шортсаў, рылзаў, ціктокаў дасягаюць 3 мільёнаў праглядаў за месяц. Безумоўна, мы выступаем за абгрунтаваную крытыку беларускага YouTube, але ў той жа час прапаноўваем вядомым медыяперсонам развіваць беларускі YouTube і самім, бо рабіць гэта ўсё складаней. Аляксандр Чарнуха і Мікалай Хадасевіч, якія ўчора паставілі свае праекты на паўзу, не дадуць схлусіць. Таму, калі спадар Тарналіцкі вырашыць абзавесціся аўтарскім YouTube-каналам, мы абавязкова будзем дапамагаць прасоўваць ягоны кантэнт на нашых платформах.

З павагай,
Рэдакцыя праекта «YouTube Беларусі»